ايه/يله انتي ام رجل روحي شعندج يمنه صارت الساعه ب2
جمان/اكلج شو انتي اطردين
ايه/اي اطردج لان انتي اكو واحد منتضرج احنه لا ورانه سائل ولا مسؤول اما انتي سيف اليوم اجه ونتي عايفته ومكابلتني كلامي صح لو غلط وذا تكولين غلط اهفج بالنعال
جمان/فكرت بيهه صح لازم اكعد يمه
هسه حروح
ايه/هسه روحي صارلج ساعتين يمنه كافي
جمان/كمت اخذت الببسي والككو من ايدهه
يله اروح تصبحون علئ خير
ايه/ونتي بخير ماوصيج دللي سيف خطيه
جمان/انجبي
طلعت وسديت الباب دخلت لغرفتي مالكيت سيف دورت بالحمام ماكو طلعت بالبلكون ماكو نزلت جوة ماكو يا لعد وين راح صعدت لغرفتي انتصلت علي ميرد كعدت ع التخم واهز برجلي من التوتر والتلفون مانزل من ايدي كل دقيقه انتصل عليه
صارت الساعه ب3 اروح اكول لعمو لا خاف يبقه بقلق وين اروح يا ربي
من صارت الساعه ب4بعد ماكدرت اتحمل نزلت حته اكول لعمو واني ع الدرج شفت سيف نايم ع التخم بالصاله يعني اني صارلي ساعتين مجلوطه وهوة هنا نايم واصلن ليش نايم هنا
رحت حته اكعده ينام فوك
سيف
سيف/شرايده جمان
جمان/ليش نايم هنا
سيف/منايم كاعد روحي اصعدي يم البنات
جمان/وين جنت انتصل عليك مترد
سيف/التلفون صامت
جمان/من تطلع كولي ليش تخليني اقلق عليك
سيف/ما داعي القلق اني كبير مو صغير روحي صعدي كملي سهرتج
جمان/سيف بيك شي
سيف/شبيه مثلآ شارب
جمان/لا مو قصدي
سيف/لعد شنو قصدج
جمان/اجته رساله هوة باوع ع التلفون ويتسم
سيف/روحي اصعدي نامي تأخر الوقت
جمان/اخذ التلفون يراسل ماعرف منو صعدت للغرفه بدلت ونطرحت سحبت تلفوني دخلت ع الواتساب متصل يعني بعده يراسل خليت التلفون بحضني وكعدت افكر خاف ديراسل بهذي البنيه الي شفناهه بالمول لا هوة كال مانطيتهه رقمي خاف جان ديجذب علي ماطول نايم جوه عنده شي اكيد ديراسلهه ماتحملت مجرد فكرة رجعت نزلت يالله بعده لازم التلفون رحت يمه
سيف ليش ماتصعد تنام بالغرفه
سيف/وشنو اسوي بالغرفه روحي اصعدي ليش نازله بهل دشداشه ليطلع احد
جمان/شنو شتسوي بالغرفه
سيف/اذا اصعد للغرفه اسوي شي ويمكن هل شي ميعجبج فخليني هنا كاعد احسن
جمان/شنو هل شي
سيف/شي يعجبني ومتمني يصير بس يمكن انتي ميعجبج
جمان/لا يعجبني يله كوم اصعد لتنام هنا الجو حار(رجع انطرح وباوع علي)
سيف/جمان حبابه روحي اصعدي
جمان/مااصعد اذا انت ما تصعد هياني كاعده هنا
سيف/استغفرلله يالكائنات اصعدي ليطلع احد لتضوجيني
جمان/كوم نصعد سوة شعندك هنا باقي
سيف/هنا احسن من فوك عاد لا عين التشوف ولا كلب اليحترك
جمان/شنو قصدك؟
سيف/اذا انتي ذكيه تفهميهه
جمان/هسه اني وافقت ع الشي اذا هوة يفرحك اكيد يفرحني بس ماعرفت شنو هل شي
ام سيف/هاي شعندكم كاعدين
سيف/(بهمس)مو كلت اصعدي
جمان/واني كلتلك كوم نصعد
سيف/هيج يوم كاعدين ماجاينه نوم
ام سيف/اكعدوا ردت اخذ مي
جمان/اخذت خاله المي ورجعت للغرفه شو هذا مامعبرني كاعد يراسل ويضحك سحبت التلفون من ايده
سيف/شنو هل تصرف
جمان/دتراسل منو
سيف/صديق ه
اخذت التلفون وصعدت هاي شحجي وياهه هسه ماتفهم اني ماريد اصعد للغرفه حته ما اشوفهه يا اخي صعبه علي زوجتي وحلالي ما اكدر اتقربلهه نوب اخذت التلفون مني هسه بشنو اونس نفسي جان عبيسان مونسني
جمان/اخذت التلفون وصعدت نقفل واني ما اعرف الرمز يالله جان شفت منو جاي يراسل هسه شلون اعرف
سيف/شوي وشفتهه وكفت علئ محجر الدرج من فوك
جيبي التلفون وعوفي سوالف المزعطه
جمان/اكول كاعد هنا حته تراسل وتاخذ راحتك اكيد دتراسل هذي الي شفناهه بالمول عزاا سيف لتكون متزوج ومتحجي ترا اني ما اتحمل وربي اعوفك واروح لبابا وخليهه الك الف عافيه
سيف/جيبي وكافي حجي ماصخ بدون ملح
جمان/اذا كلامك صح اصعد نام فوك
سيف/اوك صاعد تحملي العواقب
جمان/صعد ابتسمت برضا بس هوة وجهه مايطمن اخذ التلفون من ايدي ودخل للغرفه دخلت ورا وسديت الباب هوة نازع الفانيله ويشرب جكارة طفيت الاضويه خليت بس ضوة النوم تمشيت للسرير نطرحت بمكاني هوة نطرح يمي وقربني علي
سيف/اليوم ماريدج تحجين شي
جمان/ليش
سيف/هه
جمان/جان دافن راسه برقبتي من ضحك انفاسه الحارة كلبت كياني حسيت بشعور اول مرة احسه
سيف/اجاوبج ع ليش لان راح يصير شي جان لازم يصير من زمان
جمان/فسرت كلامة عزا مستحيل الي ابالي واني اكله موافقه قبل شوي ويلي ع الفشله الي وكعت نفسي بيهه
بده يتقربلي مانطيت اي رد فعل خفت خاف امنعه وهل شي يضوجه خليته على راحته الى ان صار الي صار الالم شلني هوة نومني على صدرة
سيف/حبيبتي اذيتج اعتذر
جمان/حسيته تندم لان سوة هل شي من شافني متأذيه سألني حته نروح للمستشفى كلتله ما يحتاج قربني على صدرة حضني ويلعب بشعري نمت
كعدت الصبح نصدمت بنفسي ملابسي وين راحت لفلفت الغطة على جسمي سيف كاعد بطرف السرير منطيني ضهرة عزا شلون اباوع بوجهه بعد الي صار البارحه التفت علي وبتسم
سيف/صباح الخير مريتي الحلوة
جمان/صباح النور
سيف/شلونج نشالله احسن،من البارحه
جمان/يبو وجهي احسه احترك من الخجل نزلت راسي:امم
سيف/زين داخل اسبح اذا تكدرين جيبيلي الملابس والمنشفه
جمان/دخل يسبح كمت مثل المخبله ادور على ملابسي بدلت وطلعتله ملابس واخذت المنشفه دكيت باب الحمام فتحلي الباب ومد ايدة انطيته الملابس دانطي المنشفه لزم ايدي بقوة فلتتهه ع السريع
سيف بطل هل سوالف
سيف/شمسوي اني
جمان/ردت تسوي شي بس مكدرت
سيف/مايصعب علي شي لو جنت رايدة بقوة جان جبتج غصب عنج حته لو سحبتج هنا عادي ترا البارحه بهل دقايق حفظت تفاصيل جسمج
جمان/انت ماتستحي
سيف/بعدج مشايفه شي
جمان/سديت باب الحمام هوة ضحك رتبت الغرفه طلع هوة يباوع علي ويبتسم يارب شلون يخلص اليوم ماعرف انتبهت على ظهرة عزا بعيني شمسويه بي كله خراميش من ورا اضافيري
سحبت نفسي للحمام سبحت وطلعت مالكيت سيف باوعت ع الساعه ب1نزلت راسي ورجعت باوعت ع الساعه بصدمة اف شكد نايمه هسه خاله شتكول علي مشطت شعري ونزلت سيف كاعد يم خاله
ام سيف/شلونج يوم كال سيف حرارتج مرتفه ردت اصعدلج
جمان/باوعت على سيف ورجعت باوعت على خاله:الحمدلله احسن
ام سيف/كعدي خلي اصبلكم غدة
جمان/لا خاله اني اصب ارتاحي
ام سيف/يوم اكعدي مريضه انتي
سيف/تعالي كعدي جمان ترا بس الليوم مو تتعودين رويحتي تصبلج
ام سيف/يوم لا تحجي وياهه هيج بالعكس هيه بس تنزل ماتخليني اسوي شي
سيف/عفية ابنيتي هيج اريدج
جمان/سحب ايدي. كعدني يمة وكرص خدي خاله راحت تصب الغدة
سيف/اية محجت وياج فكرت لا
جمان/والله ما اعرف
سيف/غير البارحة يمهه
جمان/ماسولفت وياي بخصوص هل موضوع
سيف/احجي وياهه حاولي
•
••
•
ايه/نايمين اني وقدر دك تلفوني فززني رنت تلفوني لان جنت مخليته يم راسي باوعت عبيسان اهوو هذا شرايد عفته يدك دك اكثر من اربعه مكالمات رفعتة
عباس/السلام عليكووم
ايه/وعليكووم السلام شرايد عيني منتصل علي
عباس/غير مريتي
ايه/مصدك نفسك شوكت صرت مريتك ومنو موافق اصلن
عباس/لا ايوتة وافقي بس انهبط بالرفض اسوي شي لا يسرج ولا يسرني
ايه/اني اكولهه الك من هسه اذا اذا اذا ترا بعدني ممفكرة بس اذا وافقت شنو اريد تسويلي مهما كان صعب ومهما كان مكلف ومهما كان مستحيل
عباس/ماتعب نفسي واجاوبج من توافقين ادللي
اية/ترا انت الكاتل نفسك علي مو اني
عباس/عوفي هل حجي على يمينج شنو جوابج
ايه/الرفض اكيد
عباس/استغفرلله يالكعبه ايه ترا اني لحد هل لحضة محترم نفسي ولازم الساني
ايه/جاي احجي جد بعدني ماريد اتزوج
عباس/من اني طلبتج متردين تتزوجين بس على نعلج موافقه
ايه/ماسمحلك تغلط على ابن عمي
عباس/خريه على ابن عمج وعليج اذا تدافعيله ايه تردين تضوجيني وهيج تحجين لو شنو
ايه/شلون تريدني اعيش وياك ونت حته اسلوب ماعندك بالكلام
عباس/هيج صار الحجي بعد كولي انت همجي ومتخلف
ايه/اني مكلت هيج
عباس/انتي كلتي الاضرب منهن ايه صارلي يومين منايم وللخرا مرايح ونتي جايه اتجفصين ابمصاريني شنو تتوقعين احجي مثلا
ايه/ول ول عليش كل هذا
عباس/كله من وراج وراح اموت هماتين بسببج انتي راح تكتلين ضابط عند الله احسابج بس كليلي ليش رافضه هلكد اني لعبان نفس
ايه/قهرتني عبيسان واني كلبي رجيج
عباس/والله كلبج احجر من راسي
•
•
•
يوسف/احزروا عبودي لو ريتان
ام سيف/هسه غير يحجي
جمان/يوسف ورند هستوهم اجو جانوا بالمستشفى حته يعرفون جنس الجنين ويوسف شلع كلبهه لخاله
سيف/احجي يول ترا دخت
يوسف/احزروا جاي اكول
ام سيف/يمه رند احجي
يوسف/والله بس تحجين بوكس على وجهج
سيف/ريتان بس كلي منين جايب هل اسم
يوسف/من سوك مريدي بس حلو يله يمة ونتي
ام سيف/عبودي كلبي حاسسني
يوسف/سنفورة ونتي
جمان/عبدلله
يوسف/عبدلله
ام سيف/والله كلبي حاسسني مبروك عليكم ونشالله يجيكم احلئ عبدلله
جمان/مبروك حبيبتي
رند/حياتي يوم الالج وتفرحينه
جمان/حبيبتي
سيف/(تقربت يم يوسف)راح يجينه عويلص صغير بس اتمنه مايطلع مثل عويلص الكبير كون يطلع على عمامه مو على ابوه المعلص
يوسف/ونت شوكت يجينه****الصغير
سيف/طايح الحظ كم مرة كلتلك لتكولي هل كلمه
يوسف/والله حلوة احلئ من المعلص مدري المعرنص بس انت تسميني عاد اني هم اسميك
سيف/يا اخي اكرهه هل كلمه لتكولهه بوجهي
ام سيف/شبيكم يوم
يوسف/ماكو شي يوم بس دنتناقش باسم طفل سيف الاول اكوله اسم امير حلو هوة مصر على اسم خضر ماعرف منين جايب هل اسم ابو خضر ههههه
سيف/منين طلعت هل اسم انت يا خضر هذا
يوسف/ابنك مو تريد تسميه خضر وتصير ابو خضر(اشر على جمان)ونتي ام خضر
سيف/اكول اسكت انت وخضر مالك سمي ابنك خضر يلوكلك انت تصير ابو خضر
ام سيف/هسه هوة خلي يجي الاسم سهل
يوسف/اخخ امنيتي اشوف انتاجكم بس هوة مبين يطلع كامل دسم لان انت ماشاءالله وسنفورة احلى منك لا تخافون يطلع حلو
سيف/ونت منو ماخذ رأيك
يوسف/حققولي امنيتي بأسرع وقت لو سمحتم
عباس/ايه حبابه لتعبيني ترا اعصابي تلفانه
ايه/ماريد اتعبك والله بس اني مو مال زواج بعدني زعطوطة تتحملني
عباس/واني شطيح حضي غير المزعطة البيج
ايه/داحسك دتهيني
عباس/اني الزعطوط
ايه/لا انت شطولك شكلك مو مال زعطوط اكول شكد طولك داحسك طويل زيادة
عباس/شتسوين بطولي
ايه/دكول شكد
عباس/172
ايه/اذا تزوجنه وكفت يمك نطلع اوفر
عباس/هسه انتي تفكرين بهاي شسوي بالله اكص رجليه حته من توكف يمي اية نطلع حلوين مو اوفر
ايه/ههه عبيسان انت تضحك لا عبيسان عوف الشقه يعني صدك تحبني
عباس/ما احبج
اية/هاا!!!؟
عباس/اكتل نفسي عليج
اية/اوي خجلتني هلكد اني عزيزة عليك
عباس/نعم اقسم ان كلامي صحيح ميه ميه
ايه/خوش لعد فكرت روح روح هيه يجيك الرد
عباس/احلفي
ايه/وداعت طول عبيسان باع انت شكد عالي ينحلف بيك
جمان/اجتي رند كعدت يمي وسله الموز وياهه كول ماتكعد يمي لازم جايبة الموز وياهه
رند خايفه ابنج خاف يطلع بي شي من ورا الموز
رند/والله يا خيه اني متوقعته قرد ع الموز الاكلته
جمان/هه لا مو لهل درجة
رند/اكلج يوسف وسيف ميملون من العراك
جمان/دومهم هيج
رند/ونتي ماكو شي بالطريق
جمان/شنو يعني
رند/يعني بيبي
جمان/(ماعرف ليش بس واحد يحجي وياي بهل مواضيع وجهي ينكلب احمر)بعد
رند/ربي يرزقكم تدرين شكد حلوة ونتي بهذا عمرج يصير عندج طفل يكبر وياج
جمان/اي
بقينه نسولف اني ورند شوي وراحت حته تبدل مرن الساعات عادي قدر رادت تروح فكلت اروح وياهه اشوف اهلي صارلي هواي مرايحه كلت لسيف وافق كال العصر اخذكم صار شي فرحني
اية وافقت على عبيسان عحيب امرهه شو العوذة والعوذة تالي وافقت والي يكتلك فرحانه ماتنحزر قرروا بعد يومين الخطوبة لان عباس مستعجل ليش محد يعرف السبب
اية ضاجت شو دخلت للغرفه وطلعت فرحانه سألتهه ع السبب كالت عبيسان كال اذا هل يومين راح يسوي الخطوبه ب القاعه وشنو تطلب يتنفذ
اية/خليهه هل يومين عادي معندي شي دام كلشي اطلبه يتنفذ اله اندمة ههه بس الفستان سهله
جمان/داحسج فرحانه
اية/صراحتنآ هه اني.بنفسي ماعرف ليش فرحانه والله
جمان/خبله بس احسن اختيار خبلي ماوصيج
صعدت لغرفتي بدلت لقدر وبدلت حضرت ملابس سيف
سيف/قدر جان بقيتي
قدر/عمو طولت هنا وهماتين اشتاقيت لبابا وماما غير مرة اجيكم هياتكم قريبين
سيف/براحتج شوكت متردين انتصلي واني اجيج
قدر/نشالله
جمان/بدل سيف ونزلنه سلمت على خاله والبنات لان راح ابات يم اهلي
سيف/يله جمان عود ليش وكت الطلعه اطلعن اسوالفجن بالباب بطلن هل سالفه
اية/ياخوي السالفه الي تصير بالباب بيهه لذة
سيف/يعني تقبلنهه انتضرجن
جمان/اجيت يله مع السلامة
ايه/الله وياج
جمان/صعدت حرك السيارة وصلنه المنطقتنه اويلي شكد مشتاقتلهه وصلنه نزلنه دكيت الباب طلعلي بابا سلمت علي سلام حار ودخلت هوة راح يسلم على سيف دخلت للمطبخ لكيت خاله مياسه نصدمت من شافتني سلمت عليهه وسألتهه على سمراء
مياسه/بغرفتهه
جمان/صعدت لغرفتهة لكيت الباب مفتوح دتخابر بعصام مبينه تمشيت دخلت بهدوء وكمزتهه من ورا
سمراء/يمة كلبي عوبه شجابج شلونج
جمان/عوبه شجابج شلونج هاي وين صايرة
سمراء/هبطتيني
جمان/المهم الحمدلله زينه
سمراء/نسيت عصام ع الخط
ها عصام شوي وارجع انتصل بيك باي حبيبي
تعالي لج شنو هل مفأجاه
جمان/حلوة صح
سمراء/تجنن
جمان/عزاا بعينج نسيت سيف بالباب
سمراء/يا باب
جمان/هسه اجيج
نزلت لكيته كاعد بالصاله يم بابا كعدت يمة
سيف/مصرة تبقين
جمان/بس اليوم حباب
سيف/براحتج
يله عمو اترخص
ابو جمان/ابقه للعشا وليدي بعد وكت
سيف/تسلم عندي كم شغله اريد اخلصهه
جمان/كام سيف كمت وياه وطلعنه سوة
سيف ملابسك غسلتهن اني اكول لايه تنزلهن من الحبل
سيف/اوك
جمان/والجكاير تلكاه بالجرار يم السرير حاول لتشرب هواي والله مضرة الك
سيف/تعالي رجعي وياي
جمان/حباب مو كلتلك بس اليوم
سيف/عبالي تغيرين رأيج وتنقهرين علي يله اروح انتبهي على نفسج
جمان/ونت هم
ودعته وراح سديت الباب ودخلت طلعت بوجهي سمراء
سمراء/ها عوبة تعالي ادخلي مشتاقتلج كومة
جمان/دخلنه كعدنة بالصاله شوية وصعدنه لغرفتي شكد مشتاقتلهه نفس معفتهه ممغيرين شي
سمراء/تعالي كعدي سولفيلي شصار ماصار
جمان/خطوبه ايه هل يومين
سمراء/خطوبة اية من منو؟!!
جمان/عباس
سمراء/عباس هذا الضابط الطويل
جمان/اي
سمراء/حقيرات ماتحجن شوكت صار كل هذا
جمان/صارت ع السريع
سمراء/بيهه الخير مبين حباب ونتي
جمان/شبيه اني
سمراء/بعدكم انتي وسيف
جمان/بعدنة شنو
سمراء/ابقي سوي نفسج،مطيه
جمان/اووو سمراء تعرفيني اضوج اسولف بهل خصوص اني نازله
سمراء/ابقي تهربي مني
جمان/نازله اساعد خاله بالعشا
سمراء/تعااالي
جمان/عفتهه تعيط وطلعت شفت مينا بوستهة ونزلنه سوة نزلت ورانه سمراء ضربتني على راسي
يمعودة راسي يوجعني
مياسه/نشالله مرتاحة
جمان/الحمدلله
جمان/كعدت يم بابا مر الوقت تعشينه وكملنه المواعين وكعدنه صارت الساعه 10سمراء كالت عصام راح يجي يجيبلي شغلان ندك الباب راحت فتحته شفته دخل لا اكدر اكوم ولا اكعد انهزم خليت الشال على راسي دخل سلم علي وكعد يمنه بابا جان بغرفته هوة وخاله مياسه
عصام/شلونج جمان
جمان/الحمدلله
عصام/يمعودة اريد اروح المن جلبتي بيه الولد منتضريني ابيت خالتي مسوين تعليله
سمراء/شنو كلكم هناك ابيت ابو شاهين
عصام/اي٠قفلنه البييت
جمان/كلت بداخلي يعني رسل هناك لا يا الله اكيد حتاخذ راحتهه ويا سيف شلون اشرت لسمراء حته تكوم اريد احاجيهه كمنه للمطبخ
سمعتي
سمراء/اي رسل هناك ونتي غيرانه
جمان/عوفي الشقه راح اروح
سمراء/انجبي اشفت منج
جمان/غير مرة اجي كولي لعصام ينتضرني اروح وياه يله لتباوعين علي
سمراء/الغيورة
جمان/يمعودة كوليله ليروح
سويت البابا فلم ماعرف شلون اقتنع بي بدلت وطلعت سمراء غلطت علي بكل انواع واصناف الغلط
سمراء/عوبة
جمان/هاي الختاميه
سمراء/تقريبآ
عصام/يله حبيبي دخلي جوة ليطلع احد
سمراء/مشوف الشارع سكته ماكو ولا طير
عصام/سمر اء
سمراء/ها اها اودعناكم واني الج جمان العوبة
جمان/دخلت وسدت الباب
عصام/خبله
جمان/صعدنة بالسيارة
عصام/سيف يعرف راح ترجعين
جمان/لاخليتهه مفاجاه اله
عصام/ام خوش مفاجاه
جمان/وصلنه للبيت دك عصام الباب فتحه ولد مشايفته من قبل
عصام/جمان هذا عثمان اخوي
جمان/سلمت علي شنو هاي كلهم. يشابهون دخلت سلمت على خاله وجانت خاله سيف هم موجودة سلمت ع الموجودين ترخصت منهم حته اصعد صعدت متشوقه اشوف شكل سيف من يشوفني اجيت فتحت الباب ونصدمت ب………………
يتبع…
اعتذر ع التأخير
اذا اكو سحكة سامحوني هه
لتسون التصويت وتعليق حلو مثلكم
احبكم 💕🌹❤️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!