جمان/سلمت علي شنو هاي كلهم. يشابهون دخلت سلمت على خاله وجانت خاله سيف هم موجودة سلمت ع الموجودين ترخصت منهم حته اصعد صعدت متشوقه اشوف شكل سيف من يشوفني اجيت فتحت الباب ونصدمت برسل دترتب بملابس سيف
وسيف كاعد ع السرير ويضحكون سيف من شافني اختفت ابتسامته وباوع علي مصدوم
سيف/جمان
جمان/يمكن اجيت بتوقيت غلط اخذوا راحتكم
دخلت فتت من يمهه اخذتلي ملابس من كنتوري وطلعت رحت يم ايه بغرفتهه دخلت رأستآ من شافتني انصدمت
ايه/جمان شجابج
جمان/هستوني اجيت
دخلت للحمام بدلت وطلعت
ايه/شبيج ضايجه
جمان/ماكو شي
ايه/داحسج جذابه اهدي وكليلي
جمان/دخل سيف سويت نفسي ممهتمة وكف على راسي
سيف/ويا منو اجيتي
جمان/باوعت ع الحايط وجاوبته
ويا عصام
سيف/كومي احجي وياج
جمان/احجي داسمعك
سيف/داكول كومي وبطلي هل سوالف
جمان/سحبني من ايدي وكومني ايه باوعت علي ممفتهمة شي وصلنه يم باب غرفتنه وكفت
خلي تطلع بالاول
سيف/دخلي طلعت
جمان/دخلني وكفت بمكاني
سيف/شنو هل كلام الكلتي قبل شوي
جمان/شنو جانت تسوي بغرفتنه
سيف/الابنيه جابت ملابسي ودترتبهن شنو معنى الكلام الكلتي
جمان/اني كلت الايه هيه شكو حاشرة نفسهه منو عاتب عليهه
سيف/جمان شبيج
جمان/سلامتك
سيف/جايه حادة اسنانج علا شنو ترا الشغله متستاهل الي كلتي
جمان/يعني دخلت لغرفتي وشفتهه دترتب بملابسك وهل شي ما يعنيهه ونت كاعد يمهه وتضحك على شنو خلصت مني لان رحت لاهلي وجاي تاخذ راحتك
سيف/جمان بالكوة لازم اعصابي فأسكتي قبل لا انفجر عليج كااافي منين طلعلج هل لساان
جمان/سكتت مو مال اكمل مجادله
سيف/انزلي اعتذري منهه خطيه
جمان/سيف اعتذار ما اعتذر لا تجبرني
سيف/كعدي اسولف وياج
جمان/كعدني ع التخم ابد مباوعت بوجهه
سيف/جمان بطلي هل اسلوب لان دينرفزني. وبخصوص رسل ما عندي شي وياهه غير انو احنه اصدقاء طفوله وثانيآ هيه بنت خالتي شي ثالث ماكو
جمان/سكتت محجيت شي مل وهوة يحجي وياي اخر شي عافني وطلع
ننننننننن اصدقاء طفوله وهيه كاتله نفسهه عليك اووي لو باقيه هناك احسن ولا حركان الكلب هذا اجتي ايه كعدت يمي
ايه/شبيج بالي يمج
جمان/من اجيت دخلت للغرفه شفت سيف كاعد رسل دترتب بملابسه اني مو كلتلج انتي رتبيهن
ايه/والله كلت بس اكمل المكالمة ويا عبيسان اكوم هيه جانت يمي فسمعت بملابس سيف طفرت ماعتقدت تروح تسويهن
جمان/هففف استغفرلله
ايه/وشبي سيف ضايج
جمان/...................هاي كل السالفه
ايه/يمة ولا توقعتج هيج بس زين سويتي تستاهل انطيج الباص الذهبي اذا فرغتي بطنح بعد عليش ضايجة
جمان/ماعرف
ايه/تعالي نزلي هناك كلهم كاعدين وامي تسال عليج
جمان/لا ما ريد
ايه/خايبه تعالي ديلعبون واكل ونسه كومي ياله سوي نفسج طبيعيه وكعدي يم سيف وخلي المضغوطين يموتون كهر يله تعبتيني من الحجي
جمان/كومتني
لحضة البس الشال
ايه/حواجبج نزليهن رجاءاا عبالك بيهن اهموم الدنيا
جمان/لبست الشال ونزلنه كلهم كاعدين بالصاله حته عمو رسل تباوع علي حسيته دتتشمت بيه بسيطة اني اعلمج كعدت يم سيف هوة مصدوم من التغيير المفأجا
سيف/واخيرآ نزلتي موصارلي ساعتين اترجاج واحجي وياج مفاد بس دزيت ايه عليج نزلتي بسرعه
جمان/(ابتسمت بوجه)مو كلتلك نازله وراك ياعيني(تقصدت احجي هيج حته تسمعني رسل)
سيف/اباوع على جمان ورسل يا بويه ع المشاحنات الصايرة بيناتهن خايف خاف يكومن يتكافشن الولد يحجون وياي واني بالي يمهن
عثمان/يبوو سيف عوف مريتك شوي شنو مشايفهه
سيف/وياكم كملوا
عصام/مبين
يوسف/عثيمن ديربالك مني متحلفلك من العصر
عثمان/مو ثولتنه عبوتي وعبوتي بزعتنه ترا
عصام/يمعود غير طفله الاول طبيعي يثولكم انوب يوسف تهي بهي دين مايبقي براسكم
يوسف/عصام اخو عثمان ديربالك مني
سيف/ههه جاي يفتي الاخ
عثمان/اليوم العبكم لعبه اخليكم تصيرون بوكسات ويا زوجاتكم
يوسف/اوك اني احب الاكشن والمغامرات شنو اللعبه
عثمان/العبه كالاتي شايفين برنامج طباب خير
سيف/يعني لقطات
يوسف/اي شايفة
عثمان/اها نسوي نفسه نوكف زوجاتكم واغمض عيونكم والرجال بيكم يطلع زوجته
شاهين/استر علينه يول شيخلصني من اختك
يوسف/بالله اني اتحمل رند تطنكر اربع دقايق وترجعلي
عثمان/يله كوموا نلعب
سيف/شوكت تكبرون
عصام/والله جنك خايف
سيف/اني اخاف لك اطلعهه من بين عشرة
عثمان/اخواتي العزيزات الفاضلات اليوم اني وياجن راح اكشفلجن ازواجن من خلال لعبه اذا عرفوجن يعني همة صدك حافضيجن من خلال لمسة وذا لا اني وياجن نلزمهم وهيج دمغ
ام سيف/عثمان اكعد راحة عوف ولدي
عثمان/خاله اليوم همة مو ولدج خليهم علي
جمان/وكفنه اني وايه ورسل ورند وجيهان ومدينة ادينه اليسره بالاول بدوا بشاهين ربطوا عيونه بدلنه اماكنة وهوة اجه يتلمس بالايادي
عثمان/ياويلك شاهين لو ما طلعت اختي
شاهين/يابوفاصل انوب كلهن نفس الايد الله لا ينطيك عثمان على هل ورطة اعتقد هاي
عثمان/تعتقد
شاهين/لك اعتقد شنو متأكد هذي جيهان
جيهان/عفيه عليك
شاهين/(وهوة يمسح جبهته لان عرك)يابويه ع التوتر
عصام/يوسف روح ياله دورك
يوسف/سيف قبلي اخوي الجبير على راسي
عثمان/هه خايف اويلي ومنا الاخت رند تتوعد
يوسف/رنوشتي اطلعج لا تخافين انتظريني
سيف/الي يكول هيه غركت وهوة رايح يعبر النهر علمودهه
يوسف/عثمان اربط الربطة عدل عيوني اذتني
عثمان/هسه تمام بدلوا مكاناتكم يله يوسف
يوسف/توكلنا على الله لا مو هاي. ولا هاي. ولا هاي لان ضعيفه. اممم هاي رنوشتي
عثمان/متأكد
يوسف/يس
عثمان/هاا
يوسف/لتلطش كلت هيه
عثمان/شيل الربطة
يوسف/موكلت هيه ها شلوني مو طلعتج
رند/هه جنت خايفه منك
يوسف/افاا كلت اطلعج
عصام/يله كوم سيف
جمان/ربط عصام عيون سيف بدلنه اماكنة سيف مبين مزعوج من الربطة تقدم حته يطلعني اني جنت واكفه رابع وحدة متأكدة مراح يعرفني لان ملازم ايدي هواي جانت اول وحدة ايه كال مو هيه والثانيه رسل بقه لازم ايدهه اقل من دقيقه وهوة مستمتعه اكيد
سيف/لا موجمان
جمان/عصام وكف ويانه ومد ايدة لزمة سيف عباله وحدة من عدنة
سيف/هذي ايد رجال ياهو منكم عصام لو يوسف لان بيهه دمارات بارزة لتلعبون علي مالي خلكم راح انزع الربطة لان اختنكت
جمان/اباوع علي عرك وايدة ترجف اكيد لان ربطوا عيونة وهوة عنده فوبيا من الضلمة
يوسف/انزع اذا ماتكدر
سيف/لا اكمل
جمان/وصل يمي لزم ايدي
سيف/امم
عصام/همم شنو
سيف/هذي
عثمان/مو هيه
سيف/يول هية
عصام/اطلعهه من بين عشرة مو
سيف/راح ارفع الربطة
عثمان/ارفع
سيف/رفعت الربطة شفت جمان ابتسمت براحة احساسي طلع بمكانه ضربت عصام على راسة
حقير هبطتني حته الفوبيا طارت مني
عثمان/(صفك بثنين اديه)اهنيج خاله على ولدج يموتون على نسوانهم ويين تلكن مثلهم طلعوجن من لمسة حته تكولن ميحبونة(باوع على اخته)تزوجوا علينة
جيهان/بعد كمل
عثمان/هذي الحقيقة
يوسف/ولو انت ردت تصير حاروكة بس ماعرفت شلون
عثمان/استغفرلله ايها الملحد حاروكة شنو
جمان/مر الوقت صارت الساعه ب2 خاله وعمو وخاله سيف راحوا نامو وعمو شاهين هم راح نام لان باجر ورا دوام فجيهان هم راحت بقينة بس احنه الشواذي على كولة عمو هه
يوسف/كوموا ناموا صارت الساعه4بعد ساعتين وشاهين يروح
عثمان/خلي نودعه ونام
ايه/اخواني الكرام اني اروح انام لان الساعه ب8اروح للسوك مثل متعرفون اني راح انخطب
عثمان/فرحانه الكطشة ونتي كلج كلج راح تتزوجين عبيسان
سيف/وشبي عبيسان عيني
عثمان/بربك تزوج خبل لمخبله
اية/عاد الخبل ولا انت
عثمان/تعاليلي الكطمة ليش اشبية اني
ايه/مووووت كهر
عثمان/نننننن موت كهر ماموت عليج
جمان/والله يضحكون سينما وبلاش ايه سولفتلي على عثمان انو قبل جان يحبهه فاعتقد ديسوي هيج من دافع الغيرة كومة يتناكرون
ايه/بسك تعبتني ونتو غير اخوتي مدشوفون اختكم دينضحك عليهه
يوسف/اني صدعت من وراكم اروح انام ونتوا كملوا ومن اكعد عود اوكف وياج
عصام/طشوووو كش كش
عثمان/برو برو كومي كطوش من مكاني خلي انطمر
ايه/ما اكووم
عثمان/طنكر حمورابي وربي اسحولج لغرفتج اسحول
ايه/كومني بأدب
عثمان/ايوتة كومي من مكاني خلي انطمر حبابه فدوة اروح لهل شوارب
جمان/صعدنة نمنه مر الوقت واليوم خطوبة ايه حسب اوامرهه
سيف/الحمرة كلش لعبان نفس
جمان/بالعكس حلوة
سيف/مسحيهه وحطي الفاتحة
جمان/سيف غير ويا الفستان
سيف/حبيبتي مسحيهه
جمان/حباب
جاب كلنكس ومسحهه
لا سيف لا حباب الله عليك اهئ ليش هيج والله تعبت واني ارسمهه
سيف/هيج احلى وذا مصرة تحطين حطي الفاتحه وذا لا ابقي هيج احسن
جمان/بس هل مرة حباب
سيف/جمان راح احبسج هنا
جمان/خلاص راح احط الفاتحة
سيف/عفيه يالله كافي
جمان/اووف والله عقدني سيف واكف على راسي لبست صايتي ونزلنه رحنة للقاعه الاجواء تجنن دخلت وسيف راح ويا الولد رحت يم ايه
شنو هل كيك
اية/اني الكيك ونتي الكب كيك
❤اية️❤️
سمراء/والله نجنيت عصام عقل ما خله براسي عليجن الله شبي فستاني يكول ضيك بعد ماكرهني حته حمرة مخلاني احط اني ماتحمل هيج والله
ايه/غير يغار عليج
سمراء/هيج غيرة ماتنراد اني متعلمة احط ومحد يكول شكد حاطة
جمان/حالي حالج بوست رجليه ياله خلاني البس هل فستان وخلاني احط حمرة لا يم الفستان ولا تعودلة
ايه/شكلجن يضحك والله
جمان/اكول انتي مو خالسه عبيسان وجايه علينه احنه الفقيرات تضحكين
ايه/بعد صراعات ياله وافق ع الفستان ترا حالي حالجن لتغرجن المظاهر
سمراء/لعد اسكتي
جمان/صارت الخطوبة كلش حلوة وصارت ايه خطيبة عبيسان هوة مبين علي الفرح الابتسامة مفاركت وجهه عصام ويوسف يحششون علي بس هوة ميسكت يبقه يغردلهم نفس ميكول لبسوا الحلقات وركصوا سوية
وسيف مابقه غير دقايق ونتحر من ورا
سيف/شعرج طالع
ام سيف/يمة عوفهه للابنيه ومنو غريب عادي
سيف/جماان
جمان/مدشوف عدلت الشال وهاي عيوني هم غطيتهن ارتاح
ام سيف/ياا خبلت الابنيه روح منا
سيف/خليهه هيج احسن
قدر/جمان ادور عليج وين عيونج ليش هيج رفعي الشال
جمان/خليني هيج مرتاحة
عباس/صرتي الي يا فرحتي
ايه/ياعيني ديربالك لتكرة نفسك من وراية
عباس/لا عليش اكرهه اموت ع الاحمر اني
ايه/اني ماحب الرصاصي
عباس/عادي هوة يموت عليج
ايه/ولا تستسلم
عباس/كايلهه الج من قبل الحياه علمتني ما استسلم شريصي حلكج بلاسق لتخربين فرحتي خليني متونس
ايه/ادلل بس اليوم ترا
عباس/قابل واني الممنون
جمان/رجعنه للبيت الكل راح لغرفته حته يرتاح واني اولهم
سيف/جمان الملابس داخل اسبح
جمان/ادخل واني اجيبهن وراك (تقدم لزم اذني) هاي ليش
سيف/كم مرا كلتلج من احجي وياج لتعامليني بهل اسلوب
جمان/اسلوبي عادي عوف اذني
سيف/لامو عادي كلش ينرفز ويضوج
جمان/والمطلوب اخ
سيف/المطلوب يا حلوة تعدلين اسلوبج
جمان/احاول
سيف/حبيبتي مال احاول متفيدني
جمان/سيف والله اذني دتاذيني
سيف/تغيري لو لا
جمان/اوك اوك اغيرة
سيف/عفية ملابسي داخل اسبح
جمان/نشالله حب
سيف/اعلمج عليهه حبيبي حفضيه اريدهه هواي هل فترة
جمان/دخل للحمام فركت اذني اذاني
سيف/حبيبتي الملابس
جمان/هياتهن بيدي كايمة
انطيته الملابس طلع من الحمام نشف شعرة ونام ع السرير رحت كعدت على بطنة ولزمت اذنة
اذني دتأذيني
سيف/تستاهلين وخري ايدج
جمان/ليش هيج سويت
سيف/لان ضوجتيني
جمان/ونت هم ضوجتني اليوم طلعتهه لروحي
سيف/وجاي تعاقبيني هسه مثل معاقبتج
جمان/اي اعاقبك لعد بس انته
سيف/راح تخليني ابدي الجزء الثاني من العقاب
جمان/لعد الجزء الاول شنو
سيف/نسيتي كرصة الاذن والثاني العض
جمان/كلبني وصار فوكاي ويعض برقبتي
لااا سيف حباب عقابك قاسي ويايه لا سيف راح اموت ماتحمل والله دتأذيني الفستان نشك سسييف حباب لا كافي والله اسمع كلامك وشنو تريد يتنفذ
سيف/اذا تضوجيني هيج راح يصير عقابج
جمان/دفعته وكمت كلش اذاني عبالك مجرم ووكعت بيده دخلت للحمام باوعت بالامراية ع الاثار السواهه بيه مسحت دموعي وكعدت ما ريد اشوفه
سيف/جممان نمتي بالحمام اني شنو كلت يعني كل ساع اعيد مو راح ينكسر الباب
جمان/سيف خليني ارتاح
سيف/جمان دتبجين
جمان/لا
سيف/فتحي خلي اشوف شسويت
جمان/مسويت شي بس دغدغتني
سيف/جمان
جمان/فتحت الباب وصرت ورا دخل هوة سحبني من ايدي باوع على رقبتي
سيف/يا عيني شصاير بيج ليش تضوجيني وتخليني اسوي هيج
جمان/اريد انام نعست ممكن
سيف/اوك اني هم نعسان ابدلج خاف مابيج حيل
جمان/شكرآ اني ابدل
رحت طلعتلي ملابس بدلت ونطرحت ع السرير يقربني علي واني ابتعد اخر شي قربني وربطني بأديه ورجليه
سيف/تردين الجزء الثالث
جمان/لا حباب والله متأذيه
سيف/لعد استقري ضوجتيني
جمان/مرت باقي الايام عادي نفس الروتين سيف راح للدوام صارله اسبوع بعد ثلاثه ايام عرس سمراء و عصام
عصام/سيف
سيف/يمعود والله احاول اذا ماجيت عادي سوي العرس وتونس معليك بيه عود دزلي مقاطع واني اشوف
عصام/المشكله اني حجزت القاعه ووزعت كارتات العرس ماكدر أجل
سيف/هاي هيه توكل لتأجل ولا شي ثاني والله داشتغل ليل ونهار علمود اخلص المهام حته اجي داسوي البيدي
عصام/لتضغط على نفسك اني دالح عليك لانك اخوي ورايدك وياي
سيف/احاول احاول نشالله اكمل يله اروح
عصام/الله وياك
رند/تعالي اكعدي تعبتي
جمان/عادي مسويت شي رفل حبيبتي لتذبين بالكاع انطيني بأيدي هستوني نضفت
رفل/مااا
جيهان/شبيج ماما
رفل/خاله (اشرت على جمان)
جيهان/ليش وياهه
جمان/كلتلهه لتذبين بالكاع هستوني نضفت
جيهان/وذا ذبت عادي مامرخوصة تعيطين عليهه
جمان/منو معيط حياتي
رند/جيهان محد معيط البنيه تعبت صارلهه ساعه تنضف ورفل تذب
رسل/سمعتج عيطتي عليهه
رند/يمة يمة وفوكاهه تجذبين عينك عينك
رسل/الحجي مو يمج اطلعي منهه الحجي ويا هذي
جمان/لتشمرين بالحجي شنو هذي ترا عندي اسم
رسل/عليش شايفه نفسج انتي لا تخليني انتف ريشاتج زعاطيط تالي وكت كبروا روسهن وهنة ولا شي
جمان/منو الزعطوطة
رسل/الحر تكفيه الاشاره
رند/جمان
جمان/عوفيني خلي اشوفهه الزعطوطة شتسوي واني منا متحمله عليهه
رند/جماان عزاا لا لا تعالوا يووسف
يتبع.........
رايكم حلقوماتي والله مشتاقتلكم كوماات مو كومة اسفه ع التأخير رمضان وكاضيهه نوم واكل ومنا الدوام رجع كملت السبحة
رايكم بالبارت والتصويت واحبكم 💞💕❤️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!