احمد/هسة اخذ مي واصعد وراك
سيف/اني صاعد انتضرك بغرفتي
احمد/دخلت للمطبخ
كواج خوية
ام سيف/كوة حيلك خوية
احمد/اريد مي رحمة لابوج
ام سيف/من عيوني
احمد/سالمة عيونج
اخذت مي وصعدت ورا دخلت لغرفتة
سيف/عصام عمي احمد
عصام/تشرفت بيك اني ابن خالتة
احمد/اني اكثر علئ راسي والله
عصام/حبيبي
•
•
•
جمان/كعدت الصبح قررت اروح للمدرسة بدلت ورحت لكيت اية
اية/زين اجيتي
جمان/مليت من البيت
•
•
•
•
يوسف/وين عمو حمودد
احمد/شرايد
نايم ع السرير ومغطي راسه
يوسف/اسأل عليك
احمد/تسأل عليك العافية بس اريد انام
يوسف/تنام شنو خلي اشوفك
احمد/انام وبعدين اكابلك واكعد ورانة قضية عصيبه
سيف/نام زين اريدك مصحصح
يوسف/اليوم سيف راح يلمهة كلهة المحامي(احمد)والواء(ابو سيف)وشيخ العشيرة(الجد)والضباط ويهجمون ع الرجال(ابو جمان)الله يرحمة
ها نسيت وخذ وياك دكتور الاسنان
عصام/شبي دكتور الاسنان عيني😒
يوسف/ماطول ما تسويلي اسناني بدون فلوس ما تخلص مني
عصام/ولا اسويلك لو تطلع نخله فوك راسك
احمد/عويلص بعد ما يسكت
يوسف/كايم اني دومي محد رايدني
احمد/سد الباب وراك
يوسف/الفكر فوك البعير والجلب عضة هذا نفس حضي
احمد'عصام'سيف/هههه
يوسف/اضحكوا اضحكوا اروح يم جدي احسن
جمان/يلة نروح اجة خطج
طلعنة اني واية شفت هذا الشرطي يباوع علئ اية وايه هم لزمت ايدهه
يلة ايو
اية/ها يلة اروح اني مع السلامه
جمان/الله وياج
راحت اية تمشيت للبيت دخلت شفت بابا ماحجيت شي كبل دخلت لغرفتي سمراء ماكو يمكن بعدهي ماجاية دخلت سبحت لبست تراك خفيف ورفعت شعري
•
•
الجد/يلة يابة
سيف/جدو ماوصيك اريدهة من هل شارب
يوسف/بدينة الواكة
احمد/ونت شدخلك شو توصلني😒الاخبار قبل لتزوج لو هية لو(رفع حاجبة)
يوسف/اي والله الحب يموتت
رائد/يلة يابة
ابو سيف/توكلوا
سيف/رحنة لبيت ابو جمان ماحجيلكم ع القلق حتة صعد ضغطي وهذا يوسف موتاني فوك ما اني راح اموت
سمراء/لج اجوي
جمان/منو
سمراء/سيف ويمكن ويا خمسة مدري ستة زلم
جمان/صدوك
سمراء/والله
•
•
الجد/الله بالخير
الكل/الله بالخير والعافية
•
•
سمراء/تعالي اسمعي
جمان/لا ماريد
سمراء/لج تعالي امي طالعه يم خالتي
جمان/ما
سمراء/روحي اني اروح اسمع نسيت اكلج عصام جاي وياهم
جمان/انتي رايحة علمود عصام
سمراء/لا والنبي علمودج اسمع شنو القرار
جمان/😒
سيف/عجبني كلام جدو بس ضوجني كلام ابوهة ابن عمهه وبن عمهه اخخ لو الزمة لبن عمهه الئ اسوي شرائح لحم
الجد/يا ابني لو ابن عمهه خاطبهه جان من هسة نطلع بس لا ماكو شي رسمي مجرد كلام واحنة اجينة قبلة ورايديهة وابني سيف نشالله ميقصر وياهه والي تريدة هوة حاضر ونشالله ميقصر وياكم بشي
ابو سيف/خوية ابو جمان ترا اذا مانطيتونة جمان ما راح نخليكم بحالكم(وضحك)
الجد/اها وتراهم كلهم ضباط
ابو جمان/هه نشالله خير
الجد/احنة ما نطلع اله ناخذ الموافقة ترانة بياتة هنا
ابو جمان/هلة بيكم البيت بيتكم
الجد/الله يخليك
ابو جمان/اخذ رأي جمان ورجعلكم الخبر بأقرب وقت
الجد/نشالله مااوصيك الجواب اليوم اذا تكدر ونشالله متردني
ابو جمان/نشالله
الجد/يلة بوية نترخص منك
•
•
•
سمراء/لج جماان
جمان/شنو كلساع موكعه كلبي
سمراء/راح يجي ابوج يأخذ رأيج_______
جمان/هيج سمعتي
سمراء/اي
•
•
•
ابو سيف/خوش حجي
الجد/اي مو كلشي بالصياح والعنتكة دائمآ بالهداوة تنحل
اية/منتضريهم يجون سمعت صوت سيارات والباب الرأيسي اكيد اجوي طلعت فتحت الباب صار جدو كبالي مسح علئ راسي
الجد/بوية انطيني مي
اية/لزمت ايدة دخلتة للصاله ورحت جبتلهم مي ونطيتهم واحد واحد
ام سيف/شصار
ابو سيف/شوي ويرجعون الخبر
جمان/سمعت ابوية ينتصل علئ عمي دقايق وبابا عصب
ابو جمان/داكلك الشيخ اجة انت متفهم
لا خوش ناس يعني شبيدي ماكدر ارفض
لا الولد خوش ولد اعرفة هسة شنو يالله الله وياك
ترة مابيدي شي خليك مكاني
جمان/سمعت بابا فصل الخط رجعت كعدت ع السرير
نفتح الباب دخل بابا كعد يمي
ابو جمان/جمان ابن ابو شاهين سيف اعتقد تعرفي البارحة خطبوج مني ورفضت واليوم اجة الشيخ الي هوة جدة وابوه رجعوا طلبوا ايدج من جديد كلتلهم اشوف رأي بنتي وارجعلكم الخبر
جمان/وعمي
ابو جمان/كلتله صح ضاج بس تفهم لان اذا اجة شيخ يخطب لازم واحد يوافق اذا موافق ابو الابنية عيب وهوة شيخ وهمة خوش ناس فماكو سبب للرفض ومبينين مصرين
جمان/صح فرحت خلصت من كرار بس ماعرف ليش هم ماريد سيف ابوية شافني صافنة كال فكري وكليلي طلع وعافني بتفكيري اجتي سمراء كعدت يمي
سمراء/شمنتضرة متوافقين
جمان/اني ردت اخلص من كرار وخلصت بس سيف
سمراء/لتكولين متردين سيف
جمان/ماعرف
سمراء/الولد خلصج هيج تردين الجميل زين الجواب يردوة هسة شلون
جمان/افكر بس المشكلة اذا رفضت راح يرجع عمي
سمراء/ما جاي افهمج شرايدة بالضبط
عفتهة وطلعت هذي الغبية شنو اسويلهة
•
•
•
•
سيف/معقولة لحد الان جاي تفكر
عصام/اي بس الاحسن انتصل عليهة
سيف/ليش
عصام/هذا رأيي حسب ما سمعت محتارة
سيف/محتارة شنو
عصام/انتصل عليهه وكللهه غصب عنج توافقين احجي وياهه بصيغه تهديد او تأمرهه المهم غصب
سيف/سامع شي
عصام/اي
سيف/حاولت وياه ما يحجي اكيد سمراء كالتله شي اخذت التلفون وطلعت نزلت بالحديقة افكر انتصل عليهة لو لا عصام مايحجي اله سامع شي انتصلت عليهة مرتين بالمرة الثالثه جاوبت رأستن كلت
شوكت توافقين بالله
سكتت محجت شب يعني رافضة
باعي هسة اريد الجواب يوصلني وبالموافقة جماان لا اتعبيني ترة كلش مالي خلك فاهمة لولا وذا رفضتي انتي سبب الي راح يصيرلج
جمان/فصل الخط جان يحجي بعصبية والله يخوف معبالك سيف الي حجة وياي البارحة
•
•
احمد/مبينة متعبتك
سيف/التفتت علي لكيت احمد
اي والله كلش
كعدنة ع المسطبة
احمد/سمعت صغيرة
سيف/اي
احمد/لعد لتلومهة
سيف/اعرف بس لازم اعلمهة
احمد/شلون دوامك بالانبار
سيف/الحقيقة كلش لعبان نفس بس كدام اهلي اكول مرتاح وزين ماريد اخليهم بقلق
احمد/اعرفك ماتحب تقلقهم
سيف/شايفهه من تلتم عليك
احمد/هه اي شايفهه
سيف/هيج ملتمة علي فرد لمة
بيبي شلونهه
احمد/امي الحمدلله
سيف/مشتاقلهه بس افرغ اريد اروحلهة
احمد/دائمآ تسأل عليك
سيف/اني هم والله
يوسف/خبر عاجل عاجل وردنا الان
سيف/خير
يوسف/وافقوا
سيف/كمت من مكاني
صدوك تحجي
يوسف/اي صدك قبل شوي انتصل ابوهه
احمد/مبروك نشالله للعرس
سيف/شكرآ
يوسف/بالعافية عليك جمان خويي😅
سيف/تسلم
تعالو نروح نشوف شنو
رسل/لج وافقوا
جيهان/لج اهدي اوف ربي
سمراء/احسن اختيار مبروك يروحي
جمان/شكرآ
انتصلت علي اية رفعتة
اية/لجج جمان احبج
جمان/اني هم
اية/والله فرحانة مجاي اصدك
جمان/اني هم مجاي اصدك
اية/ليش مداحسج فرحانه؟
جمان/اني لا احساسج غلط
اية/حقج للن ممتعرفة علئ سيف نشالله تتعودين علي وتحبي وتغارين علي لج غيرج يتمنن كلمة منة
جمان/منو لغيري
اية/هواي بس هوة ممعبرهن المهم شوكت الخطوبة
جمان/يمعودة شسالفه انطي صبر
اية/هه اعذريني متحمسة اوف جمان هيج وتجين يمي وندرس سوة جاي تحسين بالي احسة
جمان/اي
اية/سيف طاير من الفرح لو تشوفين الابتسامة والله صار كومة مشايفته هيج مبتسم نشالله دوم علي
•
•
•
الجد/الافضل تسرعون بالخطوبة خاف يغيرون رأيهم
سيف/اني هم كلت هيج
ابو سيف/اشوف اتفق ويا ابو جمان ع الوقت
سيف/بابا قنعه هل اسبوع اني الاسبوع الجاي اداوم
ابو سيف/احاول وياه
سيف/اجة شاهين كعد يمي
شاهين/سيف روح لامي ليش هيج متحجي وياهه هتي جزاتهه تخاف عليك وتهتم بيك هيج اجازيهة
سيف/ليش اشبيهه
شاهين/روح الهة وشوف اشبيهة
سيف/رحت للمطبخ ماكو دخلت لغرفتهه من شافتني دارت وجهه تقدمت عليهة بست راسهة وكعدت يمهة وهية متباوع علي
يمة
ام سيف/اني مو امك
سيف/ابتسمت علئ كلامهة
لعد امي وين
ام سيف/اني الي يوكف بوجهي مو ابني
سيف/اني اعتذر بس يمة انتي الي ضوجتيني اكلج اريدهه لجمان،تكليلي غيرهه منو غيرهه اني اعرف انتي تردين رسل يا يمة رسل ما احسهة غير مجرد اخت حالهة حال سرور واية ما اكدر اتقبلهه كزوجه الي حسي بية
ام سيف/لعد رسل شنو ذنبهة تحبك من الطفولة ونت تعرف كلش زين
سيف/ماكو قسمة بيني وبينهة هسة رسل عود اني افهمهة المهم انتي فرحتي ناقصه لان مقابلة انتي
ام سيف/اهم شي سعادتك انت رايدهه اختيارك ونت تتحمل مسؤليتة مو تجيني وتكول مفهمتني
سيف/مستعد اتحمل مسؤليته
ام سيف/هنيال جمان عليك
سيف/اني هنيالي لان اخذتهة
ام سيف/ابني تخبل
سيف/يمة احبهة وسعادتي يمهة
ام سيف/الله يسعدك لعد
سيف/انتي شرايج بيهة
ام سيف/من ناحية شنو
سيف/من كلشي
ام سيف/من ناحية الجمال البنية حلوة بس متناسبك وخاف متفهمك
سيف/رجعنة😒
ام سيف/قزمة جنهة بنتك
سيف/اصلن حبيتهة لان قزمة عادي نربيهة اني وياج انتي هم لازم اتصيرين امهه البنية يتيمة وخطية محاسة بشعور الام
يمة اريدج تحبيهة مثل متحبيني
ام سيف/الي يسمعك يكول بس تجي راح اذبحهة شبيك شعندي وياهة اني
سيف/مو قصدي هيج فهمتيني غلط
ام سيف/فهمت كافي وصلت الفكرة
سيف/ويكلولي ليش احبج
تعالي طلعي ماطول صفينة حسابنة
ام سيف/امشي لا تخليني ابدل
سيف/لا كلشي ولا تبدلين الله يرضة عليج
يتبع………………
بارت طويل1440للي طلبوا بارت طويل غلسوا ع الاخطاء عبروهن😅
احبكم وايد وايد❤️❤️
(بهمس)لتسون التصويت😅😂
بايييي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!