سيف/ليش متردين علي
جمان/رجعت باوعت ع الاسم هذي اية
سيف/مو داحجي وياج
جمان/مو موجنت نايمة
سيف/ليش شوكت كعدتي
جمان/هسة كعدت
سيف/حبيت اباركلج علئ خطوبتج
جمان/بعدني مخاطبة
سيف/اي عن قريب
جمان/ما موافقة اني مجبورة
سيف/اعرف
جمان/سكت شوي وكمل
سيف/لو موافقة اول مطلبتج قبل ابن عمج هسة راح اتعب ويطيح حضي يالله تصيرين الي متعلم اني ما احصل الي اريدة بسهولة
جمان/لا اتعب نفسك بابا موافق علئ ابن عمي
سيف/ونتي فرحانة بأبن عمج كرت عينج بي
جمان/لا مفرحانة
سيف/لو ما فرحانة جان رفضني ومقبلتي
جمان/حاولت(بدموع)ما بيدي شي
سيف/اشش مو قصدي اضوجج بس اني ضايج منج لو موافقة من اول مره جان ما صار الي صار
جمان/
سيف/سمعت مماكلة شي من الصبح
جمان/منين سمعت
سيف/العصفورة كالتلي
جمان/يا عصفورة
سيف/العصفورة
كلشي اعرف عنج المهم ما واجهتي ابوج
جمان/واجهتة حتة راد يضربني
سيف/ضربج
جمان/لا لا
سيف/عبالي
جمان/ليش شنو تسوي
سيف/كلشي اسوي
جمان اني احبج وجيت من الدوام بس سمعت ابن عمج رايدج وربي تخبلت مستحيل تصيرين لغيري
جمان/ليش اني
سيف/مااعرف بس انتي اخذتي عقلي وتفكيري ومستحيل افرط بيج ولو شوي
باجر راح ارجع اخطبج ومستعد احاول مرتين وثلاثة واربعة لحد ما اطفشة لابوج ويوافق
جمان/صدك تحجي
سيف/وداعتج
بيت عمج شوكت يجون
جمان/ماعرف ع ساس باجر بس تعطلوا عندهم مشكلة بالجوازات
سيف/عساهن لا صارن كولي امين
جمان/(بعفوية)امين
سيف/هه خبلة روحي اكلي شي لتبقين جوعانة ونتي عندج هبوط
جمان/حتة الهبوط العصفورة كالتلك علي
سيف/اي مو داكلج العصفورة تكولي كلشي اليوم ممداومة
جمان/لا
سيف/اية تريد تحجي وياج مداعي اعيد اكلي زين ولتفكرين ماشي
جمان/نشالله
سيف/ايو الزمي
جمان/حضرتلك اكل روح اكل صعدتة بغرفتك
سيف/ماريد ليش تعبتي نفسج
جمان/اكل وتعبي ميروح
سيف/لعد صاعد
اية/ها ولج ادك عليج ماكو
جمان/جنت قافلتة تعالي ولج شلون تنطين موبايلج لسيف
اية/هو طلبة مني عوفي كلشي وكوليلي شنو جنتوا تحجون
جمان/علشنوا نحجي
اية/لتسوين نفسج غبية
جمان/ماكو شي كلام عادي
اية/اي صدكتج اول مرة اشوف سيف هيج
جمان/شلون يعني
اية/اليوم يصيح اريدهة واريدهة بداعتي شمسويتله
جمان/شمسويتله
اية/حتة وكف بوجه امي علمودج
جمان/اكيد صارت مشكلة بينة وبين امج بسببي
اية/لا
ونتي موافقة علئ اخوية
جمان/والله حتة لو ما اوافق من كلام اخوج يسحولني حتة واني ما موافقة
اية/والله جمان داحجي جد سيف يحبج ورايدج
جمان/مهما كان سيف يبقئ احسن من كرار
اية/هلكد كارهة كرار
جمان/باعي الولد زين ودارس بس اني ما طايقته فما جاي اتقبلة
اية/وسيف تقبلتي
جمان/روحي مني
اية/شبيج ضجني
جمان/كافي مالي خلك
اية/صارلج ساعه تحجين ويا ومن حجيتي وياي مالج خلك اني اعترض من هسة عفتيني علمودة حتة لو اخوية ما اقبل
جمان/شبيج انتي
اية/سلامتج ما بية شي نسوان تالي وكت ميحترمن حمواتهن
جمان/اية كافي مالي خلك سوالفج
عوفيني بمصيبتي
اية/لتخافين حبيبج ينقذج
•
•
•
•
•
رسل/شفتي جيهان شفتي
جيهان/رسل من البداية كلتلج سيف ميصير الج لو شايفتة شنو سوه بخالة الظهر لج ميت عليهة
رسل/جيهان سيف حب طفولتي شلون اعوفة يروح لغيري
جيهان/خالة حاولت وياه بس هوة قافل عصبت عليه علمودج
رسل/شلفايدة وهوة بعدة يريدهه
جيهان/ادعي ميوافق ابوهه
رسل/اتمنة
•
•
•
عصام/منشنش لو اعرف المكالمة هيج تسوي جان انتصلنة بيهه من زمان
سيف/بعدني هسة من يوافق ابوهه صدك انشنش
عصام/نشالله يوافق جدك معروف وابوك كون يحرجوه
سيف/مو بس اخليهم يحرجوه وربي اخليهم يطفشوه
عصام/ونت تروح
سيف/اي
عصام/الله كريم
اني نازل اشرب مي
سيف/نزل الصينية وياك بدون امر
عصام/اوك
سيف/غسلت ونطرحت بمكاني اجة عصام طفة الاضوية
عصام شغل الضوة الخفيف ميت مرة اكولك شوكت تتذكر
عصام/نسيت متعالج الفوبيا العندك
سيف/حاولت وراجعت اكثر من دكتور ماكو فايدة من اني وصغير عندي فوبيا من الضلمة فما اعتقد تتعالج المشكلة حتة بالدوام اشتل الحرس الوياي اشغل ضوة خفيف
عصام/يعني شتحس
سيف/ماحس بشي مجرد اختنك من الضلمة
عصام/عندك حادث بالطفولة ومأثر عليك
سيف/اعتقد تذكر من جان عمري ست سنوات انخطفت ولي هسة اذكر خلوني بغرفة ضلمة اعتقد هل سالفة هية ورا هل مرض
عصام/ها اذكرت وهددوا ابوك بيك
سيف/اي علمود منصبة جانت هواي عداوات بسبب مركز ابوية لان بالعسكرية
عصام/حتة هسة انتو مهددين
سيف/كبرنة هسة نكدر ندافع عن نفسنة ونت اصير وياك وادرس عسكرية تالي رحت طب اسنان
عصام/امي مقبلت شسوي
سيف/حتة اني امي مقبلت بس اني الفكرة براسي
عصام/انتوا تحبون العسكرية طالعين ع الوالد الله يخلي ما اكول بس الله يساعد خالتي
•
•
•
•
اية/كعدت من الصبح اليوم دوام اتمنة جمان تجي للمدرسة طلعت من غرفتي سمعت اصوات غريبة اول مدخلت للصاله شفت جدو وعمامي رائد واحمد
الجد/تعالي لج فصعونة متسألين علئ جدج
اية/جدوو
حضنته حيل وسلمت علئ عمامي ورجعت كعدت يم جدو
الجد/كبرانة الفصعونة
احمد/الفصعونة
اية/عمو
احمد/هه
رائد/هذا العاشك وين خبصنة
ابو سيف/اية كعدي سيف
اية/نشالله
صعدت لغرفتة لكيتهم نايمين هوة وعصام هسة همة نايمين ليش ينزعون تشيرتاتهم غطيت عصام ورحت علئ سيف
سيف سيف اجة جدو
سيف/صدوك
اية/اي منتضرك جوة
سيف/واحمد اجة
اية/اي
سيف/اغسل وانزل
اية/ماشي
سيف يسمي عمو احمد احمد ميكولة عمو لان هوة وياه تقريبآ نفس العمر
عندي عمو ناصر الاكبر وعمات اثنين
نزلت بدلت وتريكت وودعتهم اجة الخط رحت للدوام
سيف/السلام عليكم
الجد/وعليكم السلام هلة بيك
سيف/سلمت علئ جدو وعمي رائد وصلت يم احمد
شلونك حموتي
احمد/شوكت تتأدب وتكلي عمو
سيف/من تكبر
احمد/ادبسز مو بيدك
سيف/هه
كعدت منتضر جدو يفتح الموضوع
الجد/ليش ما ينطون سيف شناقصة ايد رجل
احمد/(بهمس)ناقصة ادب
سيف/افا عليك عمو(وهوة كاتم ضحكتة)
ابو سيف/يابة اعتقد تعرفهم بيت******
الجد/سهلة لتخاف وليدي نشالله نروحلهم ورا الغدة
سيف/نشالله
يوسف/هاااي شنو اكول البيت منور
الجد/هذا عويلص
يوسف/هلة بيك ايها الجد كيف حالك
الجد/الحمدلله بعدك عويلص
يوسف/كافي جدو فدوه الربك ترة ازوجت
شلونك عمو(رائد)
رائد/هلة بيك وليدي الحمدلله
يوسف/دوومك
تقرب يم عمة احمد
حمود العشق شلونك
احمد/الحمدلله
كعدوا جان يكول احمد
عويلص تزوج واني لا والله كفر
يوسف/منو لازمك يا عموو
احمد/عمة العماك اسكت😒
يوسف/حبيبي عموو علئ راسي
سيف/ارتاحوا شوي الطريق تعبكم
ابو سيف/يلة يابة بدل ملابسك
رائد/ليث(ابو سيف)اريد حباية وجع راس راسي اذاني
ابو سيف/هسة انطيك
سيف/احمد اصعد بدل بغرفتي
احمد/يلة اصعد تعبت ذبوا السياقة براسي
يتبع.........
رايكم ❤️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!