رواية أُلَمِلَأُزُمِ وِأُلَطٌأُلَبّةَ 💙 الفصل السابع وخمسون 57 - بقلم benin_rsool

.....عيني استقري

سمراء.حبيبتي اعذريني شوي منمت البارحة زين

جمان.سمراء يخلولهه مكياج وهيه نايمة انتصل سيف علي جاوبتة
هلو سيف

سيف.هلوات اطلعي منتظرج بالباب

جمان.هنا بالصالون

سيف.اي يله منتظرج

جمان.طلعت شفته واكف تقدمت
همم شرايد

سيف.جبتلج الملابس

جمان.عبالي دتتشاقه البارحة

سيف.اهم شي يطلعن قياسج

جمان.

سيف.جمان ماداعي اوصيج لتخلين مكياج هواي

جمان.ام

سيف.يله دخلي

جمان.دخلت مر الوقت ع السريع شفت الملابس عجبني بس الي اشتريتهن احلئ

اية.حلوات شبيج معبسة اني متأكدة لو تلبسين الملابس الي اشتريتيهن مراح يقبل لان ممستورات

جمان.لدافعين لاخوج اعترفي كولي اخوي هواي جاي يدخل وعلى اتفه الاسباب يحاسب ويعاقب

اية.لا حشة اخوي من الغلط لتصيرين مطية غير يغار عليج يله كافي بدلي يلله استغفرلله والله يجننن سيف ذواق

عصام.جهزت القاعه وكل مستلزماتهه كملن

عباس.هسه انته كاربني وياك من الصبح لي هسة دكافي كول روح ارتاح حس يا اخي كول هل مطي تعب رجليه يوجعنه

عصام.والله انت كفو خلصت كل الشغل نشالله اوكفلك بعرسك بعد شتريد

عباس.دروح جيبلي مي هاا وذكرت حته منطيتني مي اوف منك عصيم

عصام.كو..  مو كبالك ماتشرب

سيف.كافي رحمة دينكم خلي نروح نبدل

عصام.يله مبقه وقت

جمان.خلصنه كل شي اجة عبيسان اخذنة للقاعه مختلطة اصدقاء عصام كلياتهم جايين ماعرف سمراء شلون قنعت عصام بقاعه مختلطة بس صار العرس كل حلو

سيف.جمان

جمان.هم

سيف.شبيج

جمان.مبية شي

عباس.اكلكم الصراحة اني جعت

اية.عندي اوريو تريد

عباس.انطيني اسلك بي نفسي من ورا عصام حته متغديت

جمان.اكل عبيسان وكام

سيف.وين

عباس.راح اخليهم يهوسون العرس فاهي مابي خبال

سيف/اكعد راحة

عباس.اله اخليهم يدبكون ذاك الدبك وكومهم كلهم

جمان.سحب ايد سيف وراحوا بنص القاعه

يوسف.ها واها واها وها

.......هاا

عباس.هاهاها

يوسف.هه احنه التمينة وشامت طك روحة احنه التمينة

اية.عزا باعي عبيسان ولا يستحي

جمان.كال اكومهم وصدك كومهم

عباس.الله احتركنة اطكم بوحدة

....نسمع

عباس.انته الماتنمل وجنك ماي انت الماتنمل

جمان.هذي مقصودة

اية.يا نوب يباوع علي ولا يكعد راحة

جمان.اباوع على سيف يباوع عليهم ويشرب جكاير الله ع البرود العندة ماعرف منين جايبة

اختصار:.

بعد مرور ثلاثه اشهر:;.

جمان.الساعه11بالليل اليوم سيف ينزل من الدوام حضرتله عشه اكيد خطية يجي جوعان خاله متدري سيف يرجع اليوم صارت الساعه11ونص دك تلفوني سيف
هلو وصلت

سيف.اي بالباب منتظرج تفتحي

جمان.اوك نازلة
فصلت الخط ونزلت البيت هدوء كلمن بغرفته رحت فتحت الباب شفت سيف حظنتة
شلونك(رفعني وباسني بخدي)

سيف.من شفتج راح التعب شلون بنيتي الثانيه

جمان.ومنو كال اني حامل ببنية يمكن ولد

سيف.احساسي يكول

جمان.نشوف ابو الاحساس نزلني خلي احضرلك العشة

سيف.ماشي صاعد اسبح

جمان.انطيني اشيل الجنطة عنك

سيف.لتعبين نفسج اني اشيلهه

جمان.صعد سيف دخلت للمطبخ اجهز العشة اني حامل بالشهر الثاني داحس بفراغ لان ايه تزوجت(قبل شهر)كل البيت مفتقدهه
كملت الاكل صعدته اله لكيته هستوه طالع من الحمام
يله سيف ليبرد

سيف.اجيت ليش متاكلين وياي

جمان.قبل شوي اكلت كيك وعصير شبعانه
اكل شوي وكام غسل ردت انزل الصينيه مقبل هوة نزلهه واجة انطرح

سيف.شدسوين

جمان.داشم

سيف.شتشمين

جمان.عطر

سيف.عطر؟؟!!

جمان.اي

سيف.هاي صدك تحجين لج مو زين

جمان.خاله كالت عادي لان داتوحم

سيف.ونتي عفتيهه كلهه تتوحمين بعطري

جمان.اي والله ماعرف ليش شي بداخلي ديجبرني اشتمة يومية انومة يمي افز من نومي اشتم وارجع انام

سيف.اول مرة اسمع بهيج توحم بعطر انتي غريبة

جمان.اخذت العطر هذا صار صديقي ورحت نطرحت يمة اخذ العطر من ايدي رش على جسمة

سيف.توحمي براحتج

جمان.(ابتسمت وحضنته)
•
•
•
اية.عبيسان الو يمعود ابو الغيرة

عباس.خلي انام يا مرا

اية.كوم شكد تنام

عباس.(عدل كعدته)اذكرج منو البارحه جبرني اكمل الفلم ياله انام

اية.غير تباوع وياي

عباس.يا ضالمة النفس شتلتيني وياج من3لل5وهسه مكعدتني ب10

اية.شوكت اروح لهلي

عباس.اول البارحه انتي يم اهلج

اية.مو سيف اجة اليوم اريد اشوفه

عباس.انام وكعد ويصير خير

اية.داخله اسبح من اطلع نروح اوك

عباس.اني داحجي فرنسي لو سويسري كلت انام

ايه.نام بسرعه داخله اسبح

ام سيف.بعد روحي يوم طولت هل مرة

سيف.يوم مو حولت اوراق نقلي راح ارجع باطراف محافظة البصرة

جمان.يعني راح ترجع هنا

ام سيف.صدك يوم

سيف.اي راح ارجع

ام سيف.والله يا يمة فرحتني الانبار بعيدة كلش

•
•

اية.عبيسسااااان

عباس.(كعد ع السريع من النوم)وينج اية

اية.عبيسان عيوني الحكلي

عباس.(كام وكف يم باب الحمام)فتحي اشوف شبيج

اية.شفتح انت خبل اخ عيوني اهئئ

عباس.زين شلون هسه فتحي رحمة لمكة خلي اشوف شبيهن عيونج

اية.تلمست لكيت المنشة لفيتهه على نفسي ورجعت اتلمس الباب فتحته

عباس.شبيهن عيونج اشوف

اية.ماعرف سبحت بشامبو نزل على عيوني هسه ماكدر افتحهن اهئ عبيسان ديأذني

عباس.ليش تسبحين بهل شامبو نعناع اكيد يحرك عيونج انطيني صبر ثولتيني تعالي اغسلج

اية.لزمني من ايدي غسلي عيوني اوف بعد التوبه اذا اسبح بهل شامبو بس اطلع اذبة

عباس.هسه احسن باله فتحي

اية.ماكدر

عباس.حاولي

اية.هسه احسن،بس ديأذني

عباس.هسه يصيرن احسن

اية.شوكت نروح لهلي

عباس.بالاول شوفي حل لعيونج

اية.صارن احسن

جمان.كعدي اني اجهز الغدة

رند.لج جمان اني كارهه نفسي من ورا بطني

ام سيف.كعدن يوم اني اجهز الغدة

يوسف.كومي رند صايرة جنج رفش من ورا الكعدة

رند.والله يوسف مداكدر اكوم

سيف.خليهه شرايد منهه

جمان.جهزت الغدة ويا خاله ويوسف مابطل من عندنه اني ورند بس يعيب علينه

يوسف.احنه كاعدين بقرية السنافر

سيف.لا بقرية القرد الكاعد يمي

يوسف.😐خليني ساكت

سيف.احسن لان بس تحجي اشفط راسك بهل صحن

شاهين.سلام يا قوم

سيف.هله بيك تعال اكعد هنا

اية.من بعد ما بزعت عبيسان حته ياخذني لاهلي وافق عبيسان كلش حباب ويايه يعاملني كطفله كو كزوجة ما متندمة لان تزوجته وبدون ما احجي يفهمني صح اضوج لان فاركت اهلي بس داحسهم هوة وخاله ونوارة ديحاولون يسدون هل فراغ
كملت حضرة الضابط يله نروح

عباس.خلي نتغدة ونروح

اية.لالالا هناك ناكل

عباس.متباتين هناك

اية.ليش

عباس.سمعي كلامي بس هل مرا الله يرضة عليج

اية.ماشي
نزلنه بوست خاله من خدودهه
خالتو بالليل ارجع

ام عباس.سلميلي على امج

ايه.نشالله يله عبوسي

عباس.يمة مفتاح السيارة البارحه شمرتة ماعرف وين مجاي اتذكر

ام عباس.انت تشمر واني اضم وراك تلكاه بالغرفه

اية.اني اجيبه الك
دخلت لغرفه خاله جبت المفتاح خليته بأيده وطلعنه وصلت للباب التفتت لخاله
خالتو كولي لنوارة بالليل ارجع

ام عباس.نشالله انتبهوا من الطريق

عباس.سحبت ايه وطلعنه فتحت الهه باب السيارة وصعدت اني

ايه.عبيسان مو كلت اعلمج السياقه

عباس.من افرغ على يوم

ايه.وصلنه لبيتنه نزلت قبل عبيسان

عباس.انتظريني جنج فزاعه

ايه.لكينه الباب مفتوح دخلنه كبل عبيسان دخل للاستقبال كال صيحي سيف واني دخلت سمعت صوتهم بالمطبخ مشيت على كيف وكفت بالباب محد انتبه على وجودي جتفت اديه
ليش متسلمون
التفتوا كلهم عليه ركضت حضنت سيف صارلي عشر ايام مشايفته جلبت برقبته

سيف.مشتاقلج والله

اية.واني هم

يوسف.بس سيف اخوج

اية.لا عندي بعد اثنين
نزلت من سيف سلمت على يوسف وشاهين والباقين سيف اشرلي رحت كعدت على رجله

سيف.لعد عبيسان وين

اية.بالاستقبال

شاهين.ليش مادخل قابل هوة غريب روح يوسف صيحه خلي يدخل

دخل عبيسان سلم وباوع على ايه

سيف.هله بيك والله ردت انتصل عليك حته تجيب اية

عباس.ام هيه اصرت فجبتهه وكلت هم اسلم عليك

سيف.تعال اكعد يمي

سحب عبيسان الكرسي وكعد يباوع على ايه يريد يكلهه كومي بس ايه ممنتبهه علي راح يموت من غيرته

يوسف.اي ايو شلون عبيسان وياج

عباس.حجة الحاروكة

اية.كلش حباب

طبطب سيف على ظهر عبيسان وشاهين هم واجة يوسف من ورا طبطب بقوة

سيف.عفية عليك

شاهين.انتبه عليهه

عباس.هاي عود كالتلكم زين وياي وخسفتوا لظهري لو مو زين شتسوون

يوسف.نكلك سلم ع الشهدا الي معاك

ام سيف.خلستوا للولد

عباس.خاله تعلميني بيهم مشوفيني ماشي مثل السمسم وياهم اي اية البارحة نضفت الغرفه ومن نرجع اليوم اغسل الملابس انتي بس اكعدي اهم شي راحتج

ضحكوا على كلام عبيسان

سيف.لا مو لهل درجة بس انتبه عليهه اختنه صغيرة

عباس.نشالله
خاله ترا ميت جوع بنتج مخلتني لا اتريك ولا اتغدة

ام سيف.ادلل هسه اصب

عباس.ايو كومي انطيني مي

جابت اية المي اخذ المي منهه وسحب ايدهه

عباس.كعدي هنا

اية.اريد اكعد يم سيف(بهمس)

عباس.اشش كعدي

سيف.شتبسبس

عباس.(باوع على سيف)ميخصك

سيف.تريدني اهفك

عباس.اسكت مالي خلك احجي

سيف.لا والله

عباس.والله

سيف.اجتك الحاله معذور ورا الغدة اخذك للمستشفى

(باوع على سيف)

سيف.نزل عيونك مضيع شي بوجهي

عباس.اي معجب بشفايفك

سيف.اكل خرا

عباس.هة

جمان.كعدنه كلنه نتغدا كعدت يم سيف شكد يتناكرون هوة وعبيسان كملنه غده همة راحوا للصاله جيهان كالت اني ارتب المطبخ صعدنه اني واية بغرفتي

اية.جمان يمكن اني مشوقه اكثر منج حته اعرف جنس الي ابطنج

جمان.سيف يكول جمانة

اية.سيف رايد ابنيه

جمان.اي يريد وحدة تشبهني

اية.يالهوي

جمان.ههه حته اسم مجهز يكول اسم جمانه قريب على اسمج

اية.يا خوش حلو اسم جمانه

جمان.ونتي

اية.اني ماريد طفل حاليا بس عبيسان مصر

جمان.ليش مرايدة طفل

اية.جمان بعدني ماجاي احس نفسي مستعدة

جمان.اعرفج تفكرين للبعيد

اية.هه ملعونه

جمان.عوفي تفكيرج الخايس بالاول صيري حامل نوب فكري بالولاده كبر لهل تفكير خوفتيني وياج

اية.والله الشغله تخوف شفتهه بأختي سرور ماتت من الالم لالالا ماريد خليني هيج احسن وذا عبيسان رايد خلي يشوف حل

جمان.يول تعرفين عبيسان يحب الاطفال ليش تسوين هيج

اية.اوو جمان كافي عود افكر بالسالفه الله كريم اجرب بيج

جمان.ننننن

اية.هه انتي هم خايفه فأسكتي لتصيرين بطله براسي

عباس.يعني وين بالتحديد

سيف.باطراف محافظة البصرة

عباس.اهم شي داخل المحافظة الانبار كملت يعني

سيف.تحررت راح الهه لواء ثاني حته يفحصهه فحص تام حته يرجعون الناس لبيوتهم

عباس.زين منو كال تتحرر جانت اخطر منطقه

سيف.غير بزودي حررتهه

عباس.طييطط بزودة هوة

سيف.تعال تعال شو صاير سز فد نوب

عباس.هه ضحكتني منو انت وبزودك

سيف.قسم بالله نص المحافظة وكعت على ضهري وربك لكل مداهمة او مواجهه اني اول الناس حته راح ينطوني مكافأت وجوائز وبعد شهر يجي ترفيعي صعدوني عميد فبعد من تحجي وياي نزل راسك

عباس.احلف(بصدمة)

سيف.والنبي شبيك ممصدك شنو مو بعينك اني حته بعدني مكايل لاهلي

عباس.لا اهنا انت صدك بطل على راسي مبروك حظرة العميد

سيف.ابو راس قبل شوي معاجبك اني

عباس.هسه عجبتني

جمان.مر الوقت باليل كملنه عشة وكعدنه كلياتنه بالصاله سوالف وضحك فززنه صوت اطلاقات نارية من كثر ما الصوت مرعب جسمي كلة رجف كلش قريب عبالك هنا بالبيت

شاهين.شنو هل صوت هذا علينه

ام سيف.يووم فدوه اروحلكم لطلعون

يوسف.خلي نصعد من فوك نشوف

رند.يوسف اكعد(لزمت ايده)

سيف.طلعت ركض للحديقه شفت الرصاص ع البيت بحيث شكو جامه تكسرت رجعت دخلت للبيت كبل صعدت لغرفتي طلعت اسلاحي
شااهين تعال هنااا هذا الرصاص علينه

ام سيف.شنووو اكعدوا لطلعون اكعدووا سدوا البيبان لحد يطلع

سيف.صعدت فوك شفت سيارتين سود وكم شخص ملثمين اجوي الولد صعدوا يمي

عباس.شو انطوني اسلاح خلي اطيح حضهم هل لملطلطين

صارت مواجهه بين الطرفين

سيف.اااني ماتحمل نازل الهم وخللي يصير الي يصير

شاهين.(لزم ايد سيف)سيف الشغله مو لعبه هذولي جايين يهددون ويرحون فارغين

جمان.كلنه التمينه على خاله صعد ضغطهه من الهبطة والولد ولا واحد بيهم يسمع الكلام كلهم صعدوا فوك دقايق واختفى صوت الرصاص ورا بثواني نزلوا سيف عاكد حواجبه ويفتر

ام سيف.انتوو ناوين تموتوني باله واحد تصوب بيكم شسوي اني

شاهين.يمة اهدي ماكو شي لتخافون

سيف.منو هل قنادر حته يجون وهيج يسوون بينه مااا خليتوني اطلع هسه شيكولون علينه نخاف مانعرف ندافع على حرمة البيت يجون يفلشون البيت ويرحون

عباس.الي سووه يعتبر تهديد صاير شي واحد بيكم مهدد

شاهين.لا

سيف.وحنه منو حته نتهدد صرنة ضباط كفرنة لو حرام

عباس.سيف انت تعرف الضابط اكثر،شخص يتهدد ونتوا الكم مكانة بالدولة ورتبكم قوية طبيعي تتهددون

شاهين.ابوية دينتصل

سيف.لتكولة شي

شاهين.الله يساعدك ها منو كلك لالا ماكو شي لا مطلعنه والله ماعرف ماشفنه شكلهم هسه انشوف كاميرات المراقبة لتشيل هم والله ماكو شي الله وياك

يوسف.منو كايله

شاهين.الجيران

سيف.اني اموت اذا ماعرفهم جمان انطيني التلفون اشوف الكامرات اطلعهم اطلعهم

جمان.انطيته التلفون ربطة بالبلازمة طلع كم شخص ملثمين شكلهم يخوف وسيارتين سود سيف مخصر عيونه ديحاول يعرفهم

عباس.سجلي ارقم السيارات اوديهن لسلوان يمكن يوصلنه الحل

سيف.مامبين منهم شي الحقراء

شاهين.سيف اهده شوي باجر نفتح قضية وابوي هم باجر يجي يمكن ينطينه حل

سيف.شاهين ماكدر ارتاح اله اطلعهم وأدبهم بيدي ماكو اي سبب حته يسوون هيج هل مرة سووهه بالبيت ثاني مرة يسووهه بواحد من عندنة

شاهين باوع على سيف بمعنى اسكت لان امهم وضعهه تعبان

شاهين.بنات اخذن امي ترتاح يوم ماكو شي ارتاحي
•
•
•
•
•
شاهين.انت عقلك بي شي شلون تحجي هيج كدام امي متشوف حالتهه حاله

يوسف.اهدوا اهدوا

عباس.اكلكم الشغلة موزينة فتحوا قضية بهل موضوع

شاهين.ابوي كال باجر اجي لتسوون شي.

عباس.طفرونة الله يطلع نخله براسهم عبالي صار يوم القيامة واني بعدني ماتايب لربي

يوسف.اني اول مرة اسمع هيج صوت قوي واني كلشي ماكو لا اعرف الزم السلاح ولا احبة

سيف.طلعت بالحديقة اباوع ع البيت زرفوه ولد القنادر اني الكم بسيطة وين ترحون مني لو الجهنم هم الزمكم

عباس.سيف اني اريد اروح

سيف.(التفتت اله)وين تروح

عباس.للبيت

سيف.لا متروح ابقوا هنا اليوم

عباس.مو باجر دوامي وبس اني موجود بالمركز لاتخاف ماعلينه شي

سيف.لا عبيسان اكعد راحة

عباس.لا سيف والله ما اكدر روح كول لاية تجهز نفسهه

سيف.روح انته ليش تاخذهه وياك

عباس.اوو سيف روح الله يرضه عليك ماكو شي والله

سيف.خاف مراقبين البيت اكعد راحة

اية.ها رايدني

عباس.اي يله نروح

اية.نروح

عباس.ايو تعرفين،باجر دوامي فما نكدر نبقه

اية.اروح اجيب موبايلي واكول لامي وارجعلك

عباس.يول تكول مراقبين البيت ونت واكف بنص الشارع ادخل

سيف.اريد عار بيهم يجي

عباس.وداعتك راحوا هذولي الي يسون هيج اكبر خوافين ومعفنين تلكاهم وصخين وجاي يصيرون خيرين براسنة

اية.بالكوة قنعت امي

سيف.اروح وياكم

عباس.خايب اكعد ماكو شي

سيف.اخذ سلاح وياك

عباس.عندي بالسيارة ياله مع السلامة

سيف.الله وياك من توصل انتصل علي

جمان.انطيت لخاله علاجهه نامت طلعت ادور على سيف لكيته كاعد بالحديقة ويدخن كعدت يمة
ماعرفتهم

سيف.لا

جمان.عزا بعينهم طفرونة قبل شوي حته بطني وجعتني

سيف.كون بعدة الوجع

جمان.لا راح تعال ادخل

سيف.خليني كاعد هنا اني مامرتاح هذولي وراهم شي جبير

جمان.نشالله ماكو شي لتفكر هواي

سيف.امي وين

جمان.نايمة بغرفتهه

سيف.اخذت علاجهه

جمان.اي عوف هذي شوي(سحبت الجكارة من ايده)

سيف.بس هيه تهديني ليش طفيتيهه

جمان.اني اهديك قابل هيه احسن مني
خله راسة ع رجلية بقيت العب بشعرة

سيف.جمان اكو شي بداخلي ديحذرني من مصيبة

جمان.سيف صاير هواي تفكر تفكير سلبي يمكن غلطانين اجوي اليوم

سيف.ههه بابا شبيج غلطانين شنو اصلن جايين ع الوصف
نسيت هل اثول شو ما انتصل
وصلتوا شو منتصلت عود هاي وصيتك وعدتهه عليك عشر مرات

عباس.اي داشرب كولا

سيف.وجة الفكر مو كلتلك من توصل انتصل

عباس.نسيت ونت بعدك بالحديقة

سيف.اي

عباس.ادخل نام ماكو شي

سيف.يله روح

عباس.مع السلامة

سيف.يله جمان نصعد

جمان.يله
لزمت ايدهه وصعدنة شفت السلاح بالكاع دنك شاله شمرة ع الميز
شكله يخوف شلون تلزموة

سيف.شايله وشايل الاكبر منة تعالي انام تأخر الوقت

جمان.نمنه كعدنة الصبح على دكة الباب كمزنة اني وسيف لفيت نفسي وهوة راح يفتحه

شاهين.سيف بدل ع السريع(بتوتر)

سيف.شصاير

شاهين.اا اب ابوية .........

يتبع.......

كلش كلش كلش اسفة ع التاخير وربي مشغولة القصة باشرت على الانتهاء تقريبآ بارتين او تلاثه

رأيكم

تصويتكم

اموت عليكم تفاعلكم يجنن