رواية أُلَمِلَأُزُمِ وِأُلَطٌأُلَبّةَ 💙 الفصل السادس وخمسون 56 - بقلم benin_rsool

جمان/منو الزعطوطة

رسل/الحر تكفيه الاشارة

رند/جمان

جمان/عوفيني عليهه خلي اشوفهه الزعطوطة شتسوي واني منا كلش متحمله عليهه

جيهان/لا عوفيهه جمااان

رند/لا لا لا جمااان عززاا يوووسف

يوسف/لا لا شنو هاي ولجن كافي بناات لاااا تعورت هسه اني بيهه عليهه حصلتلي كفخه كااافي شو متحترمن

جمان/لزمتهه من شعرهه كتلتهه كتله معدله بس هيه اذتني خرمشت صدري واديه

يوسف/كافي كافي شنو زعاطيط انتن

رسل/اني اعلمج بسيطة هيج تسوين بيه عوفوني عليهه

يوسف/جيهان اخذي رسل

رند/تعالي جمان

جمان/اخذت جيهان رسل وراحوا للغرفه كعدت يم رند

رند/عززاا بعينهه شسوت بيج

يوسف/ليش هيج تعاركتن

رند/هذي بنت خالتك تجذب عينك عينك .......

يوسف/هذي رسل ماعرف شبيهه سنفورة اجيبلج مرهم عصارة من الصيدليه

جمان/لا مايحتاج

يوسف/صعدي ارتاحي

جمان/هسه اصعد
راح يوسف خاله طالعه وعمو وشاهين بالدوام وايه طالعه ويا عبيسان فلذلك البيت فارغ

رند/طلعتي الوحش الي بداخلج

جمان/ضوجتني كلش خلتني اشك بنفسي صدك عيطت

رند/صعدي بدلي ملابسج نشكت اني اكمل الباقي

جمان/ماشي
صعدت للغرفه اخذت التلفون سيف منتصل هسه شيخلصني منه وين جنتي وليش مرديتي رجعت انتصلت بي

سيف/وين جنتي

جمان/جنت جوة والتلفون بالغرفه

سيف/امم بس قلقت عليج امي رجعت من سرور

جمان/لا بعد

سيف/شبي صوتج

جمان/ماكو شي شوكت تجي

سيف/بعد مامعلوم عصام يريدني اجي داحاول اكمل مهامي حته الحك ع العرس

جمان/اي سمراء تكول عصام ضايج لان مراح متجي

سيف/داحاول

جمان/سيف

سيف/همم كولي

جمان/سمراء محتاجتني

سيف/لا

جمان/خلي اكمل بالاول

سيف/من الاخير تردين ترحين لبيت اهلج

جمان/اي

سيف/لا

جمان/لا حباب والله ازاعلك

سيف/زاعلي

جمان/سيف ترا والله ميصير هيج داحسك حابسني حته اهلي مجاي تخليني اروح ولا للسوك هلكد معندك ثقة بيه

سيف/بالعكس اثق بيج اكثر من نفسي بس اخاف عليج

جمان/

سيف/باجر العصر اكول ليوسف يوصلج

جمان/الصبح لان تريدني اروح وياهه للسوك نجهز للحنه

سيف/سوك همين

جمان/سيف ياحبيبي خليني اتونس حباب ابوس ايدك

سيف/نشالله ادللي الصبح الصبح

جمان/صدووك اقسم

سيف/ليش فديوم جذبت عليج

جمان/لا بس حته أمن

سيف/أمني عوفي هل سالفه مشتاقلج

جمان/ام

سيف/ونتي اكيد ممشتاقتلي بعد العقاب السويته بيج

جمان/والله الاثار باقيه وهذي رسل زودتهه اليوم (عزا فلتتهة اخ يا لساني)

سيف/شسوت رسل

جمان/م مم ماكو شي هيج طلعت بالغلط شوكت تجي

سيف/يعني دتجذبين علي وتعرفيني اكرة الجذب

جمان/تعاركنة اني ورسل...............

سيف/ونتي ليش تعاركتي

جمان/تكلي زعطوطة المعنسة شايفة نفسهة

سيف/ههه لج عيب هلكلام وذا كالتلج زعطوطة عادي

جمان/لدافع لبنت خالتج هيه البدت

سيف/وهسة انتي كون متأذية

جمان/شوية

سيف/اوصي يوسف يجيبلج مرهم حاولي لتنزلين اليوم لترجعن تتعاركن

جمان/انزل وعلى عنادهه

سيف/هسه تكتلج وبذيج الساعه خلي يفيدج العناد

جمان/تهي وربي أدبهه خاف هل مرة خلصاهه يوسف من عندي اذا عادتهه مره ثانيه محد يخلصهه

سيف/انتظري امي ترجع ونزلي

جمان/يمكن اجت داسمع صوتهه جوة

سيف/روحي تعشي ابتعدي من رسل

جمان/اوك انتبه على نفسك اكل زين ونام لتبقه سهران

سيف/ام

جمان/لتكعد ويا هذي الملازمة نسيت اسمهه

سيف/لارا كلش خوش ابنيه وحبابه

جمان/لا وحافظ اسمهه هم

سيف/غير زميلتي

جمان/اروح انزل اكل خاله دتصيحني

سيف/واني هم لارا منتظرتني

جمان/سييففف

سيف/اذني بنت الاوادم داجذب عليج طفرتيني

جمان/عبالي ديربالك تلعب منا منا كايلتلك قبل اني ماتحمل

سيف/لتخافين مالعب انتي مكفيه وموفيه يله روحي اكلي

جمان/نازله مع السلامة

سيف/الله وياج

جمان/فصلت الخط بدلت ملابسي ونزلت ماشفت رسل لكيت خاله جايه سلمت عليهه وايه هم جاية
همم شصار

ايه/اكلني وفراني بالسيارة وتعاركنة وتصالحنة وجابني وهاي اني كاعدة يمج هاي بختصار

جمان/هه خوش

اية/هاي شبي خدج

جمان/بعدين اسولفلج

اية/احاول ولو ماتحمل

جمان/كمت ويا رند حضرنة العشة اجتي جيهان ساعدتنه جيهان حبابه بس من تجي رسل تنكلب عليه تعشينة مشفت رسل اوي بعد احسن غسلنة المواعين انتبهت على خاله ابد ما اكلت شفتهه دخلت لغرفتهه دخلت وراهة لكيتهه كاعدة ولازمة راسهه
خاله محتاجة شي

ام سيف/لا يوم صعدي ارتاحي

جمان/سديت الباب ودخلت
خاله داحسج مو تمام

ام سيف/شويه راسي ديأذيني

جمان/اخذتي علاجج اليوم

ام سيف/ماشربت الظهر نسيته هنا اعتقد ضغطي

جمان/شلون تنسينة وينة هوة

ام سيف/يمج بالجرار

جمان/انطيتهة العلاج والمي شربته ونطرحت كعدت يمهه وفرج بيهه

ام سيف/نزعي شالج شعندج مختنكة ترا سيف ماموجود حته تخافين منة

جمان/ابتسمت ونزعت شالي

ام سيف/عزا جمان هاي شبيهه رقبتج

جمان/ها(رجعت لفيت الشال على رقبتي)مابيهه شي

ام سيف/كولي يوم ليكون سيف

جمان/(اويلي راح اموت بدمي)جنه دنشاقه

ام سيف/هذا غير شقه اول مرة اشوفه

جمان/مر الوقت نامت خاله واني نمت يمهه نومتني على ايدهه اول مرة احس بهيج احساس حسيتهه صدك امي من كثر ما حنينه وتخاف علي كعدت الصبح مالكيتهه كمت لبست شالي وطلعت غسلت ورحت لكيتهم ديتريكون بالمطبخ
صباح الخير

الكل;صباح النور

ام سيف/تعالي اكلي يوم

جمان/كعدت يم خاله صبتلي جاي وكعدت اكل

يوسف/سنفورة ترحين هسه لو من ارجع من الدوام

جمان/هسه اذا تكدر

يوسف/عادي كملي حته ناخذج بطريقنه

ام سيف/وين ترحين

جمان/خاله سمراء محتاجتني

ام سيف/اي روحي خطيه بوحدهه

جمان/كملت صعدت لغرفتي حضرت ملابسي وبدلت انتصلت على سيف مرتين ياله رد
صباح الخير

سيف/صباح النور

جمان/نايم

سيف/اي

جمان/كمل نومتك انتصلت حته اكلك راح اروح 

سيف/امم روحي انتبهي على نفسج اخذي مصروف شنو تحبين اشتري ماشي

جمان/ماشي شكرآ

سيف/ادللي

جمان/يله كمل نومتك مع السلامة

سيف/باي

رند/جمان خلصتي

جمان/اي حبي اليوم ترحين للدوام

رند/اي صارلي هواي مرايحة كلت اروح اليوم

جمان/نزلنه سلمت على خاله لكيت رسل عفتهه ورحت لاية سلمت عليهه

اية/باجر اخلي عبيسان يجيبني الجن من غبشة

جمان/هله بيج يله مع السلامة

ايه/الله وياج

جمان/طلعنه صعدنة بالسيارة خمس دقايق وصلنة لبيت اهلي طلعلي يوسف علبه

يوسف/سنفورة هذا المرهم مرتين باليوم البارحه نسيتة بالسيارة

جمان/شكرآ ابو عبودي

يوسف/هه ادللي

جمان/ودعتهم ونزلت دكيت الباب طلعتلي سمراء

سمراء/جنت منتظرتج

جمان/عوبة شعندج كاعدة هنا

سمراء/منتظرة حضرة جنابج يله دخلي

جمان/بابا موجود

سمراء/باجر يجي

جمان/ها
دخلت سلمت على خاله مياسة وكعدنة شوي وراحت نامت

سمراء/متريكة

جمان/اي

سمراء/لعد كومي سوي لخيتج ريوك

جمان/نعم

سمراء/جمان حبيبتي اني والريوك مو اصدقاء كومي

جمان/لان عروس راح اسويلج ادللي

سمراء/فديت اخيتي

جمان/منايمة انتي

سمراء/اي كاعدة من البارحة

جمان/مبين حته ريوك مابيج حيل تسوين

عباس/ايو

اية/شنو منايم شعجب كاعد من الصبح بالدوام لو بالبيت

عباس/بالخرا

ايه/اها اكول ضايج اكيد تعبان

عباس/كلش

..../استاذي

عباس/الله ياخذ استاذك كول اميين

...../الله يطول بعمرك

عباس/اخ والله تعبت يا الله ساعه السودة الي صرت بيهه ضابط شرايد

..../ماخذ من وقتك هواي اعتذر من المدام قاطعتكم بس وقعلي على هل اوراق

عباس/انطيني.      هذني هم

.../بلي

عباس/شدعي عليك ادهيييم

..../لا تدعي خلصن والله

عباس/اتمنه بعد ماتجيبلي اوراق لان اريد ارتاح بزعت والله منايم من بعد اذنك

.../نشالله يله اخذ راحتك

عباس/شفتي منين تجي الراحة

اية/قهرتني عبيسان اجي اساعدك

عباس/انتي تساعديني وتريحيني من نتزوج

اية/عبيسان فكرت بشي

عباس/شنو

اية/انته كبير

عباس/نعم؟؟!!شفتيني بكد ابوج

ايه/عزا عبيسان ابوي شدخله

عباس/ترا عمري26وين كبري بعدني شباب ماداش بالثلاثين

اية/كبير بالنسبة الي اني16ونت26باع الفرق اكبر مني ب11سنة اني بنتك

عباس/بعد ضوجيني واني ساكت ومتحمل سااكت ومتحمل

ايه/كلشي ولا تضوج ماقصدي بس هيج فكرت بيهه

عباس/ولا تفكرين بيهه اصلن

ايه/اوك اوك لا تعصب ولا افكر بيهه طلعتهه من راسي انسة اكلت شي

عباس/من التعب ماريد اكل شي

سمراء/نزعي الشال

جمان/مشوفيني نازعته

سمراء/قصدي وخري من رقبتج

جمان/وليش اوخرة

سمراء/سحبت الشال ونصدمت رقبتهه كلهه بنفسجية
عزا شنو هاي

جمان/مم ماكو شي متعرفين عندي حساسيه

سمراء/شكلهن مو مال حساسية هذي واحد مجلوب مسويهن😅

جمان/اكول اسكتي ماريد اسمع شي

سمراء/منو مسويهن سيف ها اعترفي يله يله كولي

جمان/(خلت ايدهه على خدودهه ومبتسمه بوجهي)لا

سمراء/هه اني متأكدة هوة اعترفي

سيف/كملت كل شغلي حته باجر اروح لان عصام اخوي وكلت لازم وياه بفرحته ثاني يوم رجعت للبيت الساعه7جسد بدون روح ميت تعب الطريق كلش دمرني لكيت ارويحتي كاعدة سلمت عليهه وصعدت سبحت ونمت

جمان/طالعه حلوة

سمراء

سمراء/شكرآ ونتي لايكلج الاسود

جمان/(صبغت شعري اسود هذا لوني المفضل طلع حلو علي طبعن احنة بالصالون وايه هم موجودة ويانه اليوم حنه سمراء حاليا الساعه3العصر مكيجت مكياج طوخ اليوم اني حرة طليقه لا سيف واكف
على راسي ولا مسحي الحمرة رجعنه للبيت صارت الحنه فدشي كلش حلوة

اية/جماان وين تلفونج

جمان/بالغرفه

اية/اكلج شي

جمان/كولي

اية/سيف يدك عليج

جمان/ها لتجذبين كولي غيرهه

اية/روحي ابعلي عبالج خلصتي منه لا حبيبتي غلطانة اخوي واعرفه خهه روحي

جمان/صعدت لغرفتي اخذت التلفون رجعت انتصلت بي

سيف/يا حلوة وين شامرة التلفون

جمان/بالغرفه

سيف/اي وشلاعبه اليوم ماراويتيني

جمان/احم كلشي ملاعبة

سيف/فتحي كام اشوف

جمان/ها ليش افتح

سيف/حته اشوف شمصخمه بغيابي

جمان/فتحت كام ورفعت التلفون فوك طلعتله السقف

سيف/نزلي اشوف

جمان/سيف

سيف/نزلي

جمان/(باوعت علي)شرايك بالوك الجديد(داحجي هيج بس بداخلي ميته خوف)

سيف/شلاعبه بخلقتج شنو هل طحين

جمان/سيف لويش تضوجني

سيف/والله ماعرفتج من كثر مخاله مكياج

جمان/محاطة هواي

سيف/مبين

جمان/سيف عادي عوف هل سالفه شنو تلبس اليوم بحنه عصام

سيف/عصام جابلي ملابس شوكت ترجعين

جمان/من يخلص العرس

سيف/طولتي

جمان/بس اليوم باجر بالليل يمك

سيف/راح اجيبلج ملابس تلبسيهن بالعرس لان راح يصير مختلط

جمان/اشتريت

سيف/عادي ضميهن الي اجيبهن اني ينلبسن

جمان/وشراح تجيب

سيف/اجيب الي يعجبني ماشي

جمان/سيف الله يستر منك

سيف/هه ثقي بيه

جمان/اروح انزل

سيف/روحي
فصلت الخط التفت شفت عصام كاعد ع التخم وعبيسان واكف ع الامراية يرتب بشعرة ويوسف يباوع علي ويضحك
هاي شوكت دخلتوا

عباس/من ضليت تلطم

يوسف/شنو هل طحين

عصام/واني من فتحي الكام

سيف/يعني ابقه اعلم بيكم من تدخلون دكوا الباب واحد ماعنده خصوصية تجون وتجيتون

عباس/عوف الادب والرسميات جيتنه حته نرحب بعودة الملازم المجتهد البطل الشجاع الغيور سيف تصفيققق شلونك اخبارك احوالك تعبت من الحجي وخر وخر خلي انطرح اجيت من الدوام علمود عصيم مانايم الله وكيلكم
هذا ادهم كل ماريد ارتاح جايبلي اوراق

عصام/كوم يول مو وكت نوم بعد كم ساعه للحنه

عباس/اذا ساعه خليتوني انام اكوملكم مثل الحصان بس لحد يحجي

سيف/دكوم انزع حذائك لا اهفك بي

عباس/يمعود دعوفه شمسويلك والله مابيه حيل

يوسف/شوكت ما اجيكم انت وخوي تلطمون منو جابركم على هل شغل

عباس/اني لو ما ابويه جابرني جان فلا صرت ضابط تلكوني اربعه وعشرين ساعه نايم عطال بطال

عصام/تعيبون علي عاد احسن رحت طب ولا هل سالفه

سيف/شسالفه مو لهل درجة هيه صح الشغلة تضوج وماكو نوم بس مو لعبان نفس مثل متكولون
قبل لا اجي بيومين رحنه حته نستكشف مكان بعد محررناه نزلنه اني وكم ضابط وجنود دامشي جان يعيط علي جندي التفتت اله

.../سيدي اعتقد هنا عبوة شهم جيبلي الادوات خلي افككهه

سيف/شنو اختصاصك

.../هندسه تفكيك عبوات

سيف/كعد ركبة ونص فتحهه طلع عبوة مدفونة

يوسف/يعني لو ماهذا الولد جان انته الله يرحمك

عباس/(كعد)مو بس الله يرحمة جان ماتلكون منه لا ايد ولا رجل

سيف/انته نام

عصام/سيف غير تنتبه

سيف/واني شمدريني دامشي بأمان الله

عصام/والله خايف عليكم

سيف/يمعود كل واحد ويومة الكاتبة ربك يصير (رجع عبيسان كعد)

عباس/اجاني كتاب نقل لبغداد بس لغيته وخليت ضابط بمكاني يروح

سيف/شوكت هل حجي

عباس/اولت البارحة(رجع نام)

سيف/لا تتحرك لاي محافظة فاهم

عباس/فاهم يله سكتوا خلي انام

يوسف/داحس حياتكم رعب هناك صراحة ماكو راحة

عباس/(كعد)اكيد باله اني هنا امان بس سيف موقعه خطر

سيف/ولك نام طارت الساعه

عباس/هسه انتم غير تسكتون تعرفون بيه دودة الكلام ماكدر اسكت فأسكتوا

ايه/الكعب وكع صبغي اريد اكعد

سمراء/داخله ارتاح تعبت كلش

جمان/روحي
خلصت الحفلة عمات سمراء بقن شوية وراحن البيت فرغ ايه اليوم تبات يمنه صعدنة لغرفتي دخلت سبحت وطلعت واية دخلت وراية

اية/(وهيه تنشف شعرهه)يمكن خلصوا حفلتهم هسه الساعه 11

جمان/اي انتصلت على سيف قبل شوي راجعين للبيت

اية/خلي نروح يم سمراء اليوم الوحشة

جمان/هه خرب حضج وحشة شنو

اية/هه لازم نواسيهه راح تعوف البيت تدرين ماعرف شلون راح يتوالمن هيه ورسل عصام راح يصير وصلتين بين اخته وزوجته

جمان/اوف بنت خالتج ماتنحمل

اية/اعرف والله اني ماطيقهه الله يساعد سمراء

جمان/رحنة لسمراء

سمراء/تعالن دخلن شنو هل ادب ادكن الباب

اية/هذي من شيمنة نطرق الباب قبل الدخول

جمان/سحبت ايدهه ودخلنة كعدنة سوينة سهرة وداعية اكل وعصاير نمنه الساعه4 كل وحدة بمكانهه حته مفرشنة فراش

عباس/ولللكم اكعدوا الساعه10يا فلك طركم كلتلكم ناموا بس انتوا متسمعون الكلام العريس اكعد صدك تحجون تحركوا

سيف/بس وخر ليش دايس على رجلي

عباس/سوري مشفتك يلة كعدوا

سيف/ولكم كلبتوا الغرفه سويتوا بيهه انفجار شدعي عليكم

يوسف/اكوم انام بغرفتي احسن ماشبعان نوم بعدني

عصام/تعال تنام شنو دكوم وياي عندي شغل بعدني ممحضر شي

سيف/مطلعون اذا مترتبون الغرفه

عباس/علساس هيه غرفه ابن حوتم الرابع هيه كلهن كم بطل عصير واجباس وجكاير وملابس البارحة نزعناهن مشمورات بالكاع شيلهن انته انة رايح ويا عصام كوم عصام

سيف/تعالوو طايحين الحظ اني الكم
كلهم طلعوا