يوسف/نايمين ولكم وسعوا وسعوا اجيت(نام بنصهم)
عصام/رحمة لدينك خليني نايم
يوسف/الوو الرقم الذي تتصل بة مغلق حاليآ
عصام/يرجئ اعادة المحاوله فيما بعد
يوسف/هههه
عصام/شجابك يول جاينة من غبشة
يوسف/يا غبشة ترة الساعه ب12الظهر
سيف/نايم علئ ضهري وايدي علئ عيوني بعدت ايدي جان اشوف يوسف مقرب وجهة علي ضربتة راجدي
هيج تخرعني
عصام/ولااا
يوسف/هيج تضربننني
سيف/ونت شكو حاط وجهك بوجهي
عصام/اكو تلفون بالموضوع تلفون منو ديدك
سيف/هذا تلفوني يوسف جواك وخر شوي
يوسف/مخلي سايلنت
سيف/اي
الو. شنووو شلون هيج
عصام/خير يول
سيف/شلونكم هسة. اوك جاي
يوسف/شنو احجي وكعت كلبي
سيف/عصابه داخلين للمركز ومطلعين تاجرين مخدرات
عصام/ونت شكو رايح شغلك مو هنا بعد
سيف/رايح علمود صديقي يكولون متأذي
يوسف/خلي نروح وياك
سيف/لا ما يحتاج
عصام/شنو ما يحتاج دكوم يوسف نبدل
يوسف/رنو رايح اني
رند/وين
يوسف/بعدين افهمج
سيف/بدلت ع السريع ونزلت سألني ابوية
ابو سيف/صدك السمعته
سيف/مم
ابو سيف/مالك حق تروح لان مو مكانك
سيف/اعرف ما رايح اني علمود المركز رايح علمود عبيسان
ابو سيف/اخذ اخوك وياك اني اريد اروح للدوام جان رحت وياك
يوسف/راح نروح اني وعصام
سيف/يلة نروح
اخذت مفتاح سيارة عصام صعدوا وياية ورحنة للمركز دقايق وصلنة نزلت ركض اباوع المركز مكلوب رأس علئ عقب صار بوجهي النقيب الجديد يباوعلي من فوك لي جوة باوعت علي بطرف عيني ودخلت لغرفة الاستراحة شفت عبيسان شصاير بي مضروب علئ راسة وشفتة مشكوكة ركضت علي
عبيسان
عباس/سيدي اخخ راسي
سيف/كوم اخذك للمستشفئ
سندتة وطلعنة فتحلي يوسف باب السيارة صعدنة اني وياه وره
عصام/نروح للمستشفئ
سيف/اي
عبيسان شلون صار هيج
عباس/كاعدين نتغدة جان يدخلون علينة تلاثين شخص ملثمين وكلهم مسلحين عاط واحد بيهم علينة لان رفعنة اسلحتنة بوجهم كال نزلوا الاسلحة
سيف/نقيبكم السكط وين
عباس/بالمكتب والنبي كل الي صار من ورة راسة ميخلي الحراس يرتاحون بالليل علمود بالنهار مصحصحين لا يخليهم الليل كلة يشتغلون وبالنهار نايمين خرة علي اخ راسي اووف
سيف/علمود شنو اجوي عليكم
عباس/علمود يطلعون اصدقائهم البارحة حجزناهم بتهمة مخدرات طلعوهم من طلعوا صارت اطلاقات نارية بينة وبينهم اتصوبوا اربعه من عدهم اخذوهم يستجوبوهم
سيف/هذا راسك ينزف
شكيت تشيرتي ولفيتة علئ راسة
منو ضربك انت
عباس/تعرفني اني ماخاف هجمت علئ واحد جان يضربني بوكس علئ راسي تعاركت وياه اتضاربنة اجة الثاني وضربني بالسلاح من جوة الحقير
سيف/ونت شنو تروح عليهم ولا تكعد راحة
الظاهر متأذي لازم راسة بثنين ادية ويون وصلنة للمستشفئ نزلنا اني ويوسف الظاهر جاي يفقد الوعي لان ميكدر يفتح عيونة بالكوات فاتحهن باثناء مدنوصل للغرفة فقد الوعي دخلنا للغرفه اجة الدكتور فحصه
…/لازم راسة يتخيط مضروب بقوة
عصام/يلة دكتور شمنتضر متشوفة دينزف وفاقد الوعي
…/من فضلكم انتظرونة برة خلي نباشر بعملنة
سيف/طلعنة برة اقل من نصف ساعة طلع الدكتور كال كملنة بس منتضري يصحة
شكرآ دكتور
…/واجبنة وليدي اني بالمكتب من يصحة خبرني
سيف/نشالله
دخلت يمة سحبت الكرسي وكعدت لافين راسة بشاش ابيض اوف يعبيسان والله لو تعرف بيك امك
يوسف/سيف اني رايح اصدقائي بالبيت جايين يباركولي
سيف/روحوا انت وعصام اني باقي هنا
عصام/خاف تحتاجني
سيف/لا روح ارتاح اذا صحة نطلع وراكم يلة روحوا
عصام/اوك يلة يوسف
•
•
•
عباس/اخ يابة راسي يا يمممة(وهوة لازم راسة)
سيف/همم عبيسان تسمعني
عباس/ليش شنو من ضربوني علئ راسي فقدت السمع
سيف/حتة ونت راسك مخيط متكعد
عباس/خيطولياه
سيف/اي
عباس/فدوة اروحلك جيبلي مسكن راح اطك من الوجع
سيف/اصيح الدكتور انتظرني
رحت للدكتور لمكتبة ملكيتة سالت الممرضة علي كالت ديفحص بمريض انتضرتة وكفت بالباب خلص فحص طلع شافني عرفني
…/صحة
سيف/دكتور يكول متوجع
…/اي طبعن ثلاثة اخياطات اكيد يتوجع تعال نروحلة
سيف/تفضل
تمشينة للغرفة
…/متوجع
عباس/لا جاي يدغدغني راسي
سيف/خرب حضك(بهمس)
…/ههه هسة راسك يوجعك لو يدغدغك
سيف/يابة يوجعة بس الظاهر جاي يحشش من ورة الضرب الاكلة
…/هه
هسة اشدلك مسكن من يخلص تكدر تطلع بس ذكرني علئ العلاج
سيف/شدلة الدكتور مسكن بالمغذي انتضرتة يخلص
جمان/حضرنة العشا اني وسمراء اباوع علئ تلفونهه كلساع منتصلين عليهه
منو هذا
سمراء/هوة
جمان/شنو رايد منج
سمراء/شلون افهمج واكلج
جمان/كولي
سمراء/يكلي رايدج بالحلال
جمان/هااا؟؟!!!
سيف/يلة ولك شلعت كلبي
عباس/خليني امثل دور المريض
سيف/دنزل لا تخليني اشمرك هسة من الدرج اكسرك فوك ما راسك مفتوح
والله عيب شتكول علي الناس تشيرتي مشكوك
عباس/يكول جاي يراوي عضلات بطنة
سيف/تالي وياك
عباس/سكتت
سيف/خلي ناخذ سيارة اجرة للبيت
اخذنة سيارة اجرة انطيتة عنوان بيتنة
عباس/لا اروح البيتنة امي تبقة بقلق علي
عباس/بعيد هواي بيتنة اقرب
عباس/براحتك
سيف/غصبن عنك توافق
عباس/😐😒
عصام/خيتي يوسف وين
رند/بالغرفة
عصام/اوك
تمشيت للغرفة لكيتة ديلعب بلي ستيشن
يول كوم حيجون جاي احجي ويااا الحايط
عوييلص
يوسف/ها شنو جنت تحجي
عصام/رحت طفيت النقطة(البلي ستيشن)
يوسف/لااا وصلت للنهاية
عصام/كوم خرجوا عباس راح يجون
يوسف/هنا قصدك
عصام/اي
هياتهم وصلوا اعتقد هذا صوت سيف
سيف/ادخل
عباس/ادش برجلي اليمين
سيف/استغفرلله يا محمد
عباس/ههه
ام سيف/هلة بيك يمة
عباس/بعد روحي خالة
ام سيف/شلون صرت هسة انشالله احسن
عباس/الحمدلله
ام سيف/ارتاح يمة اسويلك عشة
عباس/ماوصيج الاكله الاحبهة
سيف/لا والله خاف ميعجبك
ام سيف/ادلل يمة من اعيوني
عباس/بعد روحي
عصام/الحمدلله علئ سلامتك
عباس/الله يسلمك
يوسف/شلونك عبيسان
عباس/الحمدلله بوجود ابو جون
سيف/اروح اسبح لان حاليا بس ابقة يمك اسوي اخياطاتك اربعة
عباس/هه اخ راسي ماكدر اضحك
جمان/شنو قصدة
سمراء/انتي تفتهمين لو تسوين نفسج متفتهمين
جمان/هاا شمعرفني
انتي شنو ردج
سمراء/تردين الحقيقة
جمان/اكيد
سمراء/اسألج من ناحية شكلة شتشوفي
جمان/مرتب
سمراء/ومن ناحية الاخلاق اية هم تسولفلج عنة
جمان/حسب ماتسولفي اية كلش حباب وما عندة علاقات وكذا اهم شي دوامة
سمراء/لعد ها هية اروح اخطبة
جمان/هه انتي خبلة
سمراء/جمان والله محبوب بسرعة دش الكلبي
عباس/عاشت ايدج خالة
ام سيف/عوافي علئ كلبك
سيف/لتنسة العلاج
عباس/هسة راح اخذة
رند/تالي وياك صار البلي ستيشن اهم مني
يوسف/انتي الاصل حبي
رند/طفي خلي نسولف
يوسف/بس اكمل الجولة الاخيرة
رند/اوك كملهه نشوف وين تريد توصل(بزعل)
يوسف/تخسي اللعبة اهم شي رنوشتي(طفة البلي ستيشن)
انتي هم نفس ابوج اتطنكرين
رند/شنو قصددك(بغضب)
يوسف/ماقصدي شي هيج طلعت بالغلط
رند/انتت اخ منك
يوسف/جبتلج مفأجأه
مترديهه
رند/شنو
طلعلهه خاتم ذهب مرتب ولبسة الهه
يوسف/شرايج بي
رند/حلو بس مو احلة مني(بغرور)
يوسف/اكيد ماكو شي احلة منج
عباس/هذا العلاج ينعس
سيف/يلة ارتاح اني اصعد بغرفتي عندي قضية ادرسهة اذا احتاجيت شي انتصل علي
عباس/نشالله(بنعاس)بدون امر عليك طفي الاضوية كلهن
سيف/اوك
طفيت اضوية الاستقبال هوة نام الظاهر العلاج قوي حتة ميكدر يفتح عيونة طلعت وسديت الباب لكيت عصام ديودع جيهان
عصام/يلة اروح حبايبي باي(يودع التؤام)
سيف/وين
عصام/اروح للبيت عثمان عندة شغل راح لاربيل البيت فارغ
سيف/اها
عصام/يلة مع السلامة
سيف/الله وياك
12:15بالليل
اية/هذا عصام هيج معترف
جمان/اي هذا الفقير طلع بي كل البلة
اية/الصراحة مو تكولين ابن خالتهه وتحمد بي وداعت بابا عصام ماكو احسن منة
جمان/مصدكتج
اكلج شدسوين شنو هل اصوات الي يمج
اية/جنت نايمة فجاي اسويلي عشة ممتعشية
جمان/اها لعد كملي ورجعي انتصلي علي
اية/لا كملت هسة اخذ الاكل واروح للاستقبال حتة نحجي براحتنة
جمان/اوك
•
•
اية/راح اوكع اني والاكل الاستقبال ضلمة
جمان/انتبهي
اية/هه شعلتة
•شغلت اية الاضوية وممنتبهة علئ الي نايم بالركن كعدت تاكل وتسولف وتضحك ويا جمان فززتهة رنة تلفون عبيسان التفتت علئ مكان الصوت جان تشوف الي نايم ومغطي راسة وايدة تدور ع التلفون فزت من مكانهه بصدمة منتضرتة يكشف عن نفسة
•
•
•
•
•
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!