•شغلت اية الاضوية وممنتبهة علئ الي نايم بالركن كعدت تاكل وتسولف وتضحك ويا جمان فززتهة رنة تلفون عبيسان التفتت علئ مكان الصوت جان تشوف الي نايم ومغطي راسة وايدة تدور ع التلفون فزت من مكانهه بصدمة منتضرتة يكشف عن نفسة
عباس/اف منو هذا دينتصل
اية/م م منو انت(بارتباك وخوف)
جمان/دتحجين وياي
رفع عبيسان الغطه عن وجهه فتح عيونة بنعاس جان ينصدم بالي يشوفة كدامة واية نفس الحالة وكع التلفون من ايدهه
نرجع لعبيسان;
قبل فترة عبيسان نعجب بأية ولا نكول من اول مرة شافهه بالمركز بقة ينتضرهه من تجي للمدرسة بس حتة يشوفهه مجان يعرف انو تقرب لسيف ابد الي يعرفة عن سيف عندة بس اخت وحدة ومزوجة فمن شافهه هسة اعتقد انو تقرب لسيف(بنت عمة او من قرايبة)
اية من الصدمة صوتهة مجاي يطلع
اية/حراامي(بصوت خافت)
ركض عليهه عبيسان خلة ايده علئ حلكهة
عباس/اششش والله مو حرامي بس انتي تشوفين حرامي نايم وين لكيتي هلكلاوات
اية/م منو انت(بخوف)
عباس/صديقة لسيف
اية/سيف
بعدت ايدة وطلعت ع السريع
عباس/شنو تقرب لسيف الخبلة عافت الاكل والتلفون
جمان/هذي العوبة ويا منو دتحجي بس هل صوت مو اخوانهة.الووو يمعودة
اية/شلون جنت واكفة يمة بهذا لبسي وملابسة شال صارلي ساعه احجي واضحك وهوة نايم والله فشلة هسة شنو يكول علي جمان عزاا عفت التلفون هناك والاكل هسة شلون اخذهن يا ربي تمشيت للاستقبال لكيت محرم امي معلك لبستة شلون ادخل اررريد تلفوني اهئ
عباس/هلة يمة شلونج
ام عباس/هلة بيك يمة وينك انتصل عليك من العصر ماكو ضل بالي يمك
عباس/بالدوام ليضل بالج باجر نازل نوارة شلونهة(اخته)
ام عباس/زينة الحمدلله استلمت نتيجتهة ناجحة
عباس/فرحتيني كليلهه يجي اخوج والج الي ابالج
ام عباس/انشالله
عباس/يلة اروح انتبهوا علئ نفسكم مع السلامة
ام عباس/الله وياك مودع بالله
عباس/فصلت الخط ضحكت علي صار قبل شوي شلون صدفة جمعتني بيهه اكيد بعد ماتدخل فتحت باب الاستقبال قليل طلعت بس ايدي خليت الاكل والتلفون وسديت الباب طفيت الاضوية ورجعت المكاني كل ما اذكر الموقف اضحك لبسهة شعرهة حمرتهة المشمشية عجبتني لو اعرف شنو تقرب لسيف جان ارتاحيت
اية/واكفة باب الاستقبال انفتح الباب رجعت ع السريع طلع ايدة خلة الموبايل والاكل وسد الباب ع السريع ضحكت علي بس كل ما اذكر الموقف افشل من نفسي خذيت التلفون والاكل ودخلت لغرفتي جمان بعدهي ع الخط
ها جمان
جمان/ويا منو جنتي تحجين صارلي ساعه احجي مثل الخبلة ونتي ماكو
اية/شنو اكلج موقف ما ينحسد علي
جمان/اكو واحد صوتة غريب منو
اية/ولج جنت اكل واضحك وياج وصديق سيف نايم بالاستقبال
جمان/شنوو شلون(بصدمة)
اية/نايم مانتبهت علي عزاا بعيني فشلة فشللللله كل ما اذكر الموقف اتمنة انقرض من الوجود
جمان/هههه صدك فشلة ونتي فلتي
اية/ولج فشلني اريد اصيح اكول حرامي صوتي مايطلع جان يكول اكو حرامي نايم وفوك كل هذا يحشش
جمان/ضحكتيني والله هههاي
اية/يتخيلي شايفتة بس ما اذكر وين
جمان/عود اذكري وكليلي باجر النتائج شنو معنوياتج
اية/احح معنوياتي هابطة من الصدمة هه
بخصوص النتيجة متفائلة خير
جمان/امم
اية/اكلج خايفة خاف يكول لسيف واترزل
جمان/ما اتوقع يسويهة
اية/اتمنة يلة اكمل اكلي جوعانة
جمان/اني نعسانة باي
اية/باي
عصام/لتخافين اني صادك وياج
سمراء/اخوية شلون اصدك انت صادك نفس متكول
عصام/اترجاج بطلي كلمة اخوية جاي ترفع ضغطي هل كلمة
سمراء/حاليآ انت اخوية
عصام/انتي صدك ترفعين الضغط
سمراء/ما لازمة عليك السيف حتة تراسلني😒
عصام/اح مجبور شسوي
اثبتلج شوكت متكولين موافقة من باجر اهلي يمكم
سمراء/تحجي صدك
عصام/يمعودة قسمتلج ليش رافضة تصدكين
سمراء/اممم صدكتك عيني لتعصب
عصام/عبالي اخوية جان صدك هل مرة طلعلج بوكس من الفون
سمراء/ههه
•
•
•
•
•
•
سيف/كعدت الصبح فتحت التلفون لكيت العقيد منتصل علي رجعت انتصلت علي
العقيد قاسم/الو
سيف/صباح الخير سيدي
العقيد قاسم/صباح النور وليدي
سيف/اعتذر التلفون صامت فما رديت عليك
العقيد قاسم/بس ردت اكولك انو ضروري تجي باجر مكانك فارغ مثل متعرف عندنة نقص بالضباط هذي اولا وثانيآ انت عندك خطة فلازم تمشي عليهة
سيف/نشالله
العقيد قاسم/اخذ راحتك
سيف/مع السلامة
فصلت الخط شمرت التلفون ع السرير كمت لبست تشيرتي ونزلت لكيت امي وعبيسان جاي يتريكون
صباح الخير
ام سيف/صباح النور
عباس/صباح الفل ابو جون
سيف/يالحمزة هل ولد مينبلع
كعدت يم امي
ام سيف/اتمنة يزوج ويجينة جون صدك
عباس/نشالله يجي وتفرحين بي(غمز لسيف)
سيف/اشرب علاجج واكرمني بسكوتك الله يشافي راسك
عباس/كتم ضحكته
اني اليوم تعبت خالتي خطية كاعدتلي من الصبح
ام سيف/عليش التعب انت هم وليدي وامك عزيزه علي
عباس/بعد روحي والله دأئمآ تسألني عليج نشالله علئ يوم اجيبهة الج
ام سيف/والله يا ريت
سيف/عندك خبر شصار بالمركز
عباس/انتصلت الصبح علئ سلوان كال اجوي فوج للمركز يحققون بالي صار
سيف/والله الي صار لازم يتعاقب علي نقيبكم صارلنة اربع سنوات ما صار الي صار البارحة بس هوة فاشل
عباس/ما عاب اللسانك والله مايسوي شغله براسهة حظ
سيف/ادخل اسبح خلي اجيبلك ملابس من يوسف لان قياسك
عباس/لا رايح للبيت هناك اسبح امي خبصتني
سيف/شنو تريد تروح
عباس/اي امي بالهه يمي كلساع ومنتصلة علي كلتلهة باجر ارجع
سيف/شراح تكللهة بخصوص راسك
عباس/والله ما اعرف اوصل ويصير خير
سيف/راح عبيسان نبهتة علئ علاجة لينساه دخلت للبيت كعدت بالمطبخ يم امي دتحضر للغدا
ام سيف/باجر تروح
سيف/اي(اخذت نفس طوييل)العقيد انتصل علي الصبح كال ضروري تجي
سحبت كرسي وكعدت يمي
ام سيف/شوكت ترجع بالي يمك
سيف/اني بنفسي ما اعرف
ام سيف/الله كريم
اية/وهية داخلة للمطبخ;يمة هيج تضربيني بوري مو كلتلج كعديني اليوم النتائج لو ما جمان منتصلة جان اني بسابع نومة هسة
ام سيف/نسيتج التهيت بعبيسان
اية/من جابت طاريه اذكرت الي صار باوعت علئ سيف
سيف عيني تكدر تاخذني للمدرسة
سيف/اي معندي شي بس ابدل
اية/براحتك
سمراء/لج شبيج متوترة انتي الشاطرة وهيج شتكولين علي اني(وهية تضرب علئ خدودهة)
جمان/روحي اجة خطج
سمراء/اجاك الموت يا تارك الصلاه
جمان/ههه
طلعت سمراء كعد بابا
ام جمان/شبيج يا بابا هيج وجهج اصفر هية نتيجة
صفن علي جان يكول
ابو جمان/اذا طلعتي مكملة اعاقبج
جمان/بابا لا تزيدهة علي
باوعلي وضحك
ابو جمان/كليتي شي
جمان/من ارجع اكل
ابو جمان/تعرفين عندج ضغط غير تاكلين
جمان/من ارجع هسة ممشتهية شي يلة اروح ادعيلي
ابو جمان/من هسة اكولج اذا راسبه املصهة لاذنج
جمان/هه بابا
ابو جمان/ههه الله وياج لتخافين تنجحين
جمان/تمشيت للمدرسة دخلت انتضرت اية تأخرت يالله اجت
شرفت الخانم
اية/خايبة يا خانم اني مفزوعه من سالفه البارحة
جمان/هه والله بعد مسديت الخط منج فكرت بيهة صدك فشله
اية/اهئ الموقف مجاي يروح من بالي
جمان/تكبرين وتنسين(وهية كاتمة ضحكتهة)
فجر/بنات النتائج تعالن
اية/يلة تعالي خلي نشوف وين احنة بالسما بالارض
جمان/وزعوا النتائج اية ناجحة باركتلهة بقيت اني
المديرة/جمان(وهية تباوع عليهة)
جمان/ن.نعم ست
المديرة/ماتوقعتهة منج
جمان/صدك عيوني غرغرت بالدموع بقيت منتضرتهة تكمل
المديرة/ناجحة ودرجاتج كلش تمام شفتج خايفة كلت اخوفج اكثر
اية/ست البنية رادت تنجلط وكعتي كلبي وكلبهة
جمان/خليت ايدي علئ كلبي تنفست براحة المدرسات والمديرة يضحكن علي تقدمت اخذت نتيجتي صدك درجاتي خيالية مجنت متوقعتهة هيج
المديرة/بنات مبقة شي للدوام جهزن نفسجن
…/نشالله
جمان/تمشينة اني واية حتة نرجع للبيت
منو جابج الخط
اية/لا سيف منتضرني برا
جمان/سيف(بارتباك)
اية/اي سيف
جمان/لعد روحي
اية/تعالي طلعي وياي
جمان/ها روحي انتي اني بعدني اريد احجي ويا عذراء
اية/شعدكم انتي وسيف(تباوع عليهة ورافعه حواجبهة)
جمان/ش شنو قصدج
اية/قصدي اعتقد تعرفي
جمان/هزيت راسي لا ما اعرف
اية/يسألني عليج كل يوم ومن هوة بالدوام ينتصل علي وياخذ اخبارج وبعد وبعد
جمان/ها م ماعرف انتي سألي ليش هيج ديسوي
اية/تعالي طلعي وياي
جمان/ماريد
اية/ما تردين تشوفية مو وعذراء مجرد عذر
جمان/سكتت محجيت شي كعدت ع المسطبة
اية/كومي
جمان/هزيتلهة راسي بالرفض
اية/شو اله تكومين واوصلج بطريقي هم يلة كومي
جمان/ماريد لتلطشين روحي
اية/كومي لتخليني ازعل وزعلي ثكيل عليج
جمان/روحي حبيبتي تأخرتي عوفيني بحالي
اية/اوك رايحة مع السلامة
جمان/حركتلهة ايدي باي راحت بقيت اباوع علئ درجاتي كلت اكيد هسة راحوا طلعت جان انصدم شفت اية كبالي تضحك علي بعد مكدرت ارجع بسيطة هاي سوالف اية العوبة مجوز منهة
تمشيت باتجاهم سيف جان ديخاير من شافني فصل الخط واية طلعت من السيارة
يتبع……
بارت طويل 1360كلمة
شرايكم بي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!