رواية أُلَمِلَأُزُمِ وِأُلَطٌأُلَبّةَ 💙 الفصل الثالث وأربعون 43 - بقلم benin_rsool

اية/يعني سيف اجة اليوم

جمان/اي قابل اجذب عليج

اية/زين اجة مشتاقتلهة
اكلج هذا عبيسان كرهني بعيشتي

جمان/بعدكم تتعاركون

اية/ولج السانة محلو بس اضوجة يغردلي

جمان/انتي هم صايرة اتغردين الظاهر انعديتي منة

اية/اي والله انعديت

جمان/اشوفكم مناسبين

اية/شنووو

جمان/فززتيني عوبة والله مبينة تحبية بس انتي راسج يابس

اية/اني احبة

جمان/اي لعد ابوية لج منتبهة علئ نفسج من نطلع وتشوفية برا شلون تسرحين

اية/هاي اني

جمان/ههه لعد منو

اية/لا لا تتخيلين

جمان/بس هوة يحبج

اية/هسة بس اطلع ويشوفني جاية بهل سدرية من ارجع للبيت ينتصل علي ويعصب ويغلط

جمان/ليش

اية/مو حذرني

جمان/ونتي ليش مسمعين كلامة

اية/وهوة منو حتة اسمع كلامة واليوم اطلع واحرك كلبة الة اجلطة

جمان/انتوا اثنينكم مخابيل
•
•
•
عصام/شوكت ترجعين

سمراء/العصر

عصام/نفس موصيتج

سمراء/اي لابسة شالي وملابسي مستورة وما سولفت ويا ولد خالتي امن

عصام/عفية عليج لضوجين مني اغار عليج

سمراء/ممكن تقلل هل غيرة شوي

عصام/ولا شوي

سمراء/هه قافل

عصام/كلش انتصلي علي اني اجي اخذكم

سمراء/ماشي
•
•
•
جمان/خلصنة الدروس وهذي الخبلة متحلفة اله
يلة فضيني

اية/يلة نطلع باعي كلتلج واكف

جمان/اباوع علي بس شاف اية غمض عيونة مبين معصب وهاي تحرك بكلبة تضحك ويا الحارس
يلة اية

اية/يلة عمو مع السلامة

الحارس/الله وياج بنيتي

اية/مع السلامة جمان

جمان/الله وياج
راحت هاي الخبلة وخلت الولد محترك رجعت للبيت بابا ماكو دخلت لغرفتة لكيتة نايم البيت هدوء بس اني وبابا الباقين راحوا بدلت وطلعت احتاريت شنو اسوي غدة فتحت الثلاجة لكيت لحم طلعتة قررت اسوية مركة لحم رفعت شعري وبديت اجهز الغدة
.
.
.
ام سيف/كملت الغدة صلوا حتة اصب

جيهان/خالة روحي صلي اني اصب

ام سيف/اني راح اصلي دزي واحد يكعد سيف حتة نتغدة سوة

جيهان/نشالله
•
•
•
•
يوسف/يلة يول ابو السوس

سيف/فتحت عيوني بنعاس
لك وخر عني
جنت نايم ع بطني وهذا صاعد فوكي شوكت يكبر ما اعرف

يوسف/جاي ادلكك

سيف/ماريد وخر. يوسف لا اتعبني. راااااح اكوم
هذا الظاهر ما يفتهم بس تحركت ربط ادية

يوسف/لقد ربطنا ثورآ هائجآ يود الافتراس بشراسة

سيف/وفوك مصاعد فوكي سويتني ثور اوكفلي اذا ما اسويك احمار اطلع اني صدك ثور
تماطلنة اني وياه بالاخير ماكدرلي نومتهة وصعدت فوكة
ها منو الحمار هسة

يوسف/ههه اخ بطني انت الاحمار يممممممممة لتعض لا سيف كافي

علئ عيطة يوسف دخلت رند تباوع علئ سيف ويوسف بصدمة

رند/(بضحكة)هاي شنو

ام سيف/دخلت ع السريع
يا هاي صدك عود انتم شوكت تكبرون

يوسف/يمة راح اموت(بضحكة)

رند/خوية سيف ترة زوجي اريدة

سيف/باوعت علي وهوة ميت من الضحك
باع هاي لخاطر رند راح اعوفك
كمت من عندة سوة نفسة ميت ضربته برجلي
كوم لك

رند/خوية موتة الي

سيف/لتخافين علي زوجج سبع ارواح

يوسف/يا يمة فقراتي اخ ضهري

ام سيف/يمة اذيتة علئ كيفك وياه

يوسف/اي والله يمة موتني شني اني مجرم(خنزر علئ سيف وحرك جتفة عود عندة عضلات)

سيف/بعد اخوج اخذي زوجج

ام سيف/يلة نزلوا اتغدوا راح يبرد الاكل

سيف/غسلت وجهي ونزلت لكيتهم كاعدين ع الطاولة سلمت علئ ابوية
شلونك يابة

ابو سيف/هلة بيك وليدي
يلة كعدوا صارلنة ساعه منتضريكم

يوسف/يابة كلة من ورا سيف جان يخابر بخطيبته

سيف/غصيت بالتمن
خرة بية شكد يجذب

ام سيف/اشرب مي يمة ولك يوسف

يوسف/يمة حرام واحد يحجي بالاكل اكلوا واسكتوا
•
•
•
جمان/كملت الاكل صبيتة ورحت لغرفة بابا كعدتة بهدوء
بابه بابه

ابو جمان/ها باباتي شوكت اجيتي

جمان/صارلي ساعتين وسويتلك ذاك الغدة

ابو جمان/اه ماحسيت عليج شسويتي النة بلة

جمان/كوم وشوف يلة بسرعه

ابو جمان/يلة امشي

جمان/طلعنه من الغرفة

ابو جمان/لا مبدع شيفنة

جمان/هه لعد يلة خلي ناكل
•
•
•
سيف/اية مشفتهة

ام سيف/نايمة تكول اكعد واكل
•
•
•
اية/شرايد

عباس/شنو معنئ هل تصرف

اية/بكيفي شلون ما يعجبني اتصرف

عباس/ماعرفتي ويامن اتلعبين استلمي

اية/خاف انت رونالدو واني ما ادري

عباس/لا تخليني اشعلج واشعل رونالدو وياج

اية/عبيسان من الاخير شرايد مني
•
•
•
جمان/كملنة غدة راح بابا بالصاله خدرت اله جاي بس اريد اعرف ليش لازم ورا الاكل يشربون جاي تره والله مطيب واصلن ميصير واحد يشرب ورا الاكل مباشرة بس بعد العراقين
غسلت المواعين وصبيت جاي وديتة اله
بابا راح انام اذا احتاجيت شي كعدني

ابو جمان/روحي بنيتي

جمان/دخلت لغرفتي انتصلت علئ سمراء كالت شوي ونجي حجيت وياهة شوي وفصلت الخط نعست
•
•
•
عباس/بس لا نايم

سيف/لا كاعد

عباس/اذا فارغ نطلع اليوم اريد نسولف

سيف/اي معندي شي ابدل وامرلك موجود بالبيت انت

عباس/اي

سيف/اوك يلة اروح ابدل
فصلت الخط كمت فتحت كنتوري اباوع ملابسي نصهة ماكو اوف منك يوسف اوووف طلعتلي بنطلون رصاصي وقميص ابيض بدلت ورتبت شعري اخذت التلفون ومفتاح السيارة ونزلت
يمة رايح لعبيسان

ام سيف/انتبه علئ نفسك يوم

سيف/نشالله
طلعت سيارتي اباوع عليهة لازمهة غسل صعدت بيهه وتجهت لبيت عبيسان ربع ساعه وصلت يم بابهم رمشتله دقيقتين وطلع صعد يمي

عباس/سلام

سيف/هله بيج وين نروح

عباس/الي يعجبك

سيف/اخذته للمطعم طلبنة عصاير
اي شنو ردت تكول

عباس/ا ا ااسمعني

سيف/داسمع

عباس/لا تفهمني غلط

سيف/دحجي

عباس/اريد ازوج

سيف/صدوك خوش خبر منو هذي المحظوظه

عباس/باوع علئ سيف عمض عيونة وكال اية

سيف باوع علي بصدمة

سيف/اية(ركز علئ كلمة اية)اية اييية اختي

عباس/اي

سيف/لك اشايفني كوا.. هنا

عباس/اني وياك كواوي.. هنا المهم لا تفهمني غلط خليك ريلكس اخذ شهيق وزفير وسمعني
سيف اني احبهة لاية لا تفهمني غلط ومعجب بيهة وبس اخذ موافقتك اريدك وياية حته اخطبهة من عمو ليث وارجع واكول لا تفهمني غلط

سيف/هاي صدك دتحجي

عباس/وروحة لابوية شبيك

سيف/ليش اية

عباس/واني هم اسألك ليش جمان

سيف/يعني تحب اية مثل ما اني احب جمان

عباس/وربي اكثر متتصور

سيف/عبيسان

يباوع علئ سيف بترجي منتضرة شنو يكول

سيف/اني ما معارض بس اية شلون

عباس/اذا انت موافق كول الباقي سهل من تخلص امتحانات ادز امي

سيف/اي خلي تخلص الامتحانات ويصير خير

عباس/بخصوص هل مناسبة اطلبلي عصير

سيف/شنهو من يطلب المنو انت لازم تطلبلي

عباس/ما بية اكوم شنو شوكت العرس

سيف/والله ما اعرف يمكن ورا الامتحانات بعدني ممقرر

عباس/خير نشالله

سيف/تروح للمول اريد اشتريلي ملابس يوسف ماخذ كل ملابسي مامخلي علئ حالي حال

عباس/اني هم اريد جينزات

سيف/لعد كوم ادفع الحساب

عباس/اني ادفع

سيف/ادفع ابو فليس فلوس العصير متدفعهن لعد شلون تعيش اختي

عباس/ومنو كال ما ادفع اصلن اني صيرفه

سيف/امشي ابو الصيرفه كال
•
•
•
سمراء/رجعنه عصام للبيت

مياسة/ابقة للعشة متروح

عصام/لا خالة تسلمين

سمراء/عصام ابقة للعشة

مياسة/ادخل عيني سمراء تريدك

جمان/بابا الباب ديندك
كام بابا يفتح الباب واني داجهز للعشة دخلت خاله مياسه سلمت عليهة وعلئ البنات

سمراء/شلونج

جمان/تمام التمام منو هنا

سمراء/عصام

جمان/اها زين سويت عشه

سمراء/ابدل حته نصب

جمان/اوك
دخلت لغرفتي لبست شالي ورجعت للمطبخ

مياسة/زين مسوية عشه يله جهزن حته نصب

جمان/رتبنة الطاولة اني وسمراء وراحت تصيحهم دخل عصام سلمت علي بس شفته تذكرت سيف يشبهة هواية بس سيف احلئ👌

عصام/شخبارج جمان

جمان/تمام انت شلونك

عصام/الحمدلله

جمان/دوم
الله يحفضهم هوة وسمراء كلش حلوين
•
•
•
عباس/منو احلئ الزيتوني لو الاصفر

سيف/راسك احلئ والله فريت راسي

عباس/عوذة شبيك صاير نفسية

سيف/هوة الواكف وياك شتريدة يصير

عباس/هسة منو الاحلئ

سيف/الزيتوني

عباس/شوفلي تشيرت مناسب وياه يا لون(وهوة يباوع ع التشيرتات الموجودة)

سيف/هذاك حلو

عباس/لك انت شنو كشكشني مشمشني منين جايب هل ذوق

سيف/باوعت علس وهزيت راسي اخذتلي كم قطعة دفعنه الحساب وطلعنة

عباس/نتعشه

سيف/ما مشتهي

عباس/لعد نرجع

سيف/يلة
لفت نظري ونظر عبيسان اربع بنات يباعن علي هذي من اجينة شفتهن وهسة هم
اكلك بية شي

عباس/اي بيك

سيف/ليش شبية

عباس/حلو

سيف/طاح حضك عوف الشقه هسة

عباس/ما بيك شي يمعود بس ديزحف عليك امشي لتخليني اكول لخطيبتك

سيف/هيه مال زحف
طلعنه صعدنة بالسيارة وشمرنة الاغراض ورا

عبيسان ربط وشغل اغنية طارش رحت للبصرة وصاورا يغنون وياهة هوة وسيف

عباس/لاكتني
          لاكتني
              لااااكتي وحدة وسمرة

سيف/ها سمرة

عباس/منين انفوت هاي النجف(اشر ع اليمين)وهاي الكوت(اشر ع اليسار)
هااا سمرة

سيف/طارش رحت للبصرة

عبيسان/طرا
للبصرة شسولفلك علئ الضيييم هذا الضيم ضيم الله(وهوة يطبل ع السيارة)

سيف/ههههه

عباس/هههخخ

سيف/عاش هل صوت المعفن

عباس/بعد روحي

ههههه يتبع………