جمان/فصلت الخط اف ارتاحيت من اطمنت علي
سمراء/ها ارتاحيتي
جمان/اي والله
سمراء/قبل اكو ناس تكول اني خلصت من كرار وماريد سيف شو هسه تبجي علي دموع وقلقانة وتفتر حته ابوهة متعجب عليهة
جمان/عرفت منية قصدج
سمراء/هه زين عرفتي
جمان/اي روحي بعد اني ماريد اروح كون كلتي لعصام
سمراء/اكيد غير خطيبي
جمان/شني الشرقية نيوز كلشي تكليلة
سمراء وعصام خطبوا صارت ع السريع لان سمراء سمعت ابن عمهة يريد يتقدملهة ف عصام ثاني يوم اجة خطبهة وامهة وافقت لان عصام شاب مرتب ومكون نفسة ماكو سبب للرفض صح اكبر منهة بهواية وهذا جان حاجز بس سمراء كدرت تقنع امهة
سمراء/باعي مو اذا ما اكولة بس يعرف ما اخلص منة يحشني حش
جمان/يلة حبابة كومي صبيلي غدة
سمراء/لا والله متغديتي ويانة اصلن بعد ساعة يأذن يعني عشة انتضري ماخليتيني اروح القزمة
جمان/اصلن اخبل
•
•
•
سيف/يمعود ماكو شي شنو انتو قناهRTالعربية متلحكم
عصام/كوا.. مو قلقان عليك
سيف/لا تقلق اخوك عار ميصير علية شي
عصام/زين من اعترفت انتة عار
سيف/ونشرتني بالبث المباشر
عصام/بس يوسف وشاهين مكلت لغيرهم
سيف/خليتني بالسان يوسف معناهة كل العالم عرف
•
•
•
يوسف/منتصل علئ عصام الحمدلله خلصت علئ خير
ابو سيف/زين من امك يم خالتك جان كلبتهة مناحة
شاهين/هذا شوكت يتوب كم مرة كنالة اذا رحت مداهمة لو غير شي خبرنة يا اخي انطينة علم
ابو سيف/من يجي هم احجي وياه ولو اعرف ما يفيد
•
•
•
سيف/شاهين مو شي ضروري حتة اقلقكم
شاهين/اكلك اني مو امي وتضحك عليهة ترا اني هم اعرف الشغل حالي حالك اني من تصير عندي مداهمة اخبر ابوية وابوية هم كذلك يخبرني بسس انتة لا تخبرني اني ولا ابوية
سيف/فهمت فهمت وصلت
شاهين/نشوف وذا صارت عندك مداهمة وكلت لاحد انطيك نعال وركعني بي
سيف/ههه شبيك والله فهمت وانت اول واحد اكلك نشالله رضيت
شاهين/نشوف يلة اروح شوكت تنزل
سيف/ماعرف هل ايام
شاهين/الله كريم
سيف/فصلت الخط خرة بالحظ خبصوني واني مالي خلك
•
•
اية/عبيسان شراية مني يا اخي عوفني بحالي
عباس/ايو حبيبتي مال اعوفج طلعيهة من اذنج وحلكج وخشمج ومن راسج اني منتضر سيف بس يجي افتح وياه الموضوع اريدج انتي دشيتي كلبي بدون نعال
اية/منين اجيب هل مفردات بدون زحمة
عباس/عقلي بالدقيقة يطلع مية مفردة وذا انتي موجودة عقلي يغرد اكثر هسة شنو ليش مطايقتني اشو وسيم مثل متكولن انتن الكيوتات اشناقصني وضيفة عندي ليش مجارعتني بلة
اية/اني احب واحد اح
عباس/عيديهة حته اكصة للسانج صوجي اني الكوا.. منطيج مجال
اية/عزا عزا يااا
فصلت الخط بوجهة ولا يستحي اف هسه اني ليش ما اتوب منة ليش اجفص ابطنة واخلي يغردلي بالسانة المنحرف
•
•
سيف/شلونك هسة
بدر/الحمدلله زين بس جوعان كلش
سيف/يخسي الجوع شنو تريد
بدر/فد دجاجة تمن ومرك هيج شي يعني
سيف/شنو برنامج طلباتي لو دتتنسة كولي شنو حتة اجيبلك
بدر/شطابخين جيب راح اتعبك
سيف/عادي ماكو تعب
صعدت للمطبخ وصيت جندي يدز اكل لبدر العقيد طالبني نزلت الدرج طيح حضي اليوم
العقيد قاسم/مو ردت تنزل
سيف/اي
للعقيد/تكدر تنزل راح يجي ضابط ياخذ مكانك
سيف/اوك سيدي بخصوص بدر خلي ينزل علما يتحسن وضعه
العقيد قاسم/اي اصلن اني ناوي انزله يا محافظة هوة
سيف/بصرة
العقيد قاسم/نفس المحافظة لعد انزلوا سوة ونتبة علي
سيف/نشالله
ترخصت منة وطلعت صعدت لبدر لكيته دياكل
بدر/تفضل ويايه
سيف/بالعافيه ما اشتهي باجر ننزل سوة
بدر/للبيت
سيف/اي
بدر/شعجب وافق قويسم
سيف/اسكت يول الله هداه
بدر/دلعته شوي زين من وافق والله مشتاق لاطفالي
سيف/امم كمل وجهز نفسك حته نطلع من وكت ونوصل الصبح
•
•
•
•
•
•
•
ابو جمان/سيف
سيف/شلونك عمو(سلمت علي)
ابو جمان/هله بيك وليدي تفضل
سيف/رجعت للبصرة وصلت بدر لبيتهم داروح للبيت صار كبالي بيت ابو جمان كلت انزل اسلم عليهة اصلن اني مشتاقلهة الساعه سبعة خاف عيب اخر شي نزلت لان هيه دوام اليوم اكيد كاعدة دكيت الباب طلعلي ابوهة سلمت علي ودخلت الكل نايم
اعتذر اجيتك بهل وقت
ابو جمان/عادي وليدي شنو هستوك نزلت
سيف/اخذت منة المي جان جايبلي
اي والله عبالي جمان كاعدة كلت اشوفهة
ابو جمان/كعدتهة ورجعت نامت روح كعدهة
سيف/ها(بصدمة)
ابو جمان/ههه غير خطيبهة روح لغرفتهة وكعدهه الي الله يرضة عليك
سيف/اشرلي ع الغرفة كمت رحت للغرفة فتحت الباب بهدوء نايمة على بطنهة وحاضنة الدبدوب الجبته الهة ابتسمت علئ نومتهة كعدت ع السرير تقربت يم اذنهة
جمان
جاوبتني وهية نايمة
جمان/بابه كايمة بس شوي
سيف/يلة كومي
جمان/كايمة
سيف/لتجذبين مو داشوفج نايمة
جمان/استغربت هذا مو صوت بابا وخرت شعري من عيوني وفتحت عيوني جان اشوف سيف بوجهي بقيت ارمش بعيوني وافرك بيهن.هزيت راسي جمان لتتحلمين سيف بالدوام
سيف/اني كاعد اكبالهة وتكول جمان لتتحلمين هاي شبيهة كرصت خدهة
يول ترا اني سيف(حضنتهة)شلونج
جمان/والله الظاهر مو حلم حقيقة حضني واني احاول ارخي اني طبعي من انام انزع ملابسي الداخليه والله فشلانه بعد عني سحبت الغطة علي
هاي شوكت اجيت
سيف/ماصارلي عشر دقايق اجيت اشوفج مشتاق لهل طلة
جمان/ابتسمت علئ كلامة والله شكلة كيوت جاي بملابس الدوام سود مخصرة علي وشعرة نازل مبين علي التعب
سيف/يلة كومي اني اروح
جمان/هسه اكوم
سيف/شمنتظرة
جمان/كايمة(يا اخي حس عكد حواجبة وحركلي جتفة)
سيف/اوك
جمان/طلع كمت ع السريع بدلت اباوع ع شكلي بالمراية اختلست شعري مخربط الله يساعدة شلون شافني بهل وضع رتبت شعري وطلعت
ابو جمان/متطلع اذا متتريك
سيف/لا عمو تسلم اريد اروح انام
ابو جمان/لا متطلع تلحك ع النوم يلة باباتي جمان جهزي الريوك خالتج يم اختهة
جمان/كعدوا يسولفون رحت للمطبخ جهزت الريوك اجة سيف
محتاج شي
سيف/اريد اغسل من بعد اذنج
جمان/تفضل
طبعن جذاب غسل ع السريع وخلصة بس يباوع علي
سيف/انتبهي يمعودة الطباخ اطول منج
جمان/التفتت علي باوعتلة بطرف عيني ضحك وتقدم
سيف/اريد ريوك من ايد مريتي الحلوة
جمان/يخجلني ويطلع كملت الريوك رتبتة ع الطاوله وصحتلهم كعدوا ياكلون
ابو جمان/تعالي اكلي
جمان/بابة ابدل تأخرت
سيف/تعالي اكلي اني اخذج
جمان/كعدت اكلت وياهم وهذا سيف ممتوقعتة هيج وكح كل ساعة يسويلي حركة انتبهت علي مياكل بس يشرب جاي اشرتلة اكل كمت دخلت لغرفتي بدلت ملابس المدرسة وطلعت
سيف/اذا كملتي اخذج بطريقي
جمان/كملت يلة بابا اروح
سيف/مع السلامة
ابو جمان/الله وياكم
جمان/طلعنة سوة شفتة يدور بجيوبة
سيف/بنيتي يمكن نسيت مفتاحي جوة
جمان/دخلت للبيت دورت لكيتة واكع جوة الطاولة اخذتة
سيف/بشري
جمان/هياتة
انطيتة الة وصعدت وهوة صعد باوع علي وبتسم ورجع باوع ع الطريق شغل السيارة وصلنة للمدرسة
سيف/انزل وياج تأخرتي كون تحاسبج
جمان/ماعرف
سيف/يلة ننزل
جمان/نزل واني فتحت الباب ونزلت سلمت ع الحارس
الحارس/هم متأخرة
جمان/يلة عمو بس اليوم
الحارس/يومية بس اليوم وصارلج سنتين
جمان/ههه
الحارس/وياج ضابط ما احاسبج هل مرة
سيف/انتبه عليهة اخوية
الحارس/بعيوني
سيف/سالمة عيونك كون تحاسبهة المديرة
الحارس/ادخل وياهة
سيف/تعالي
جمان/دخلنة وهوة لازم ايدي دخل للمديرة سلم عليهة
المديرة/شخبارك
سيف/الحمدلله امم جمان متأخرة
جمان/باوعت علية
المديرة/اعرف زين اجت هسة ردت اسجلهة غياب
سيف/وهسة كون تكتلوهة
المديرة/ههه لا غير تموتنة انتة
سيف/هه
المديرة/روحي ماما اخذي درسج
سيف/يلة جمان محتاجة شي
جمان/سلامتك
عفته يحجي ويا المديرة ورحت لصفي
ست اعتذر ع التأخير اكدر ادخل
…/تفضلي ماما
جمان/دخلت كعدت يم اية
سيف/اترخص اتمنة تنتبهين عليهة
المديرة/لتشيل هم
سيف/مع السلامة
المديرة/الله وياك
سيف/طلعت من المدرسة جان اشوف عبيسان واكف اباب المركز رحتلة
شنو هل صباح الخلاني اصبح بوجهك
عباس/شنو هل صباح الحلو(حضنته)شخبارك
سيف/الحمدلله انت شلونك
عباس/تمام شنو شو هنا
سيف/وصلت جمان
عباس/اكول
سيف/انت شلونك وية الاملح
عباس/والله مصافين هل فترة
سيف/الله يهديكم يلة اروح من ارتاح نطلع ميت نعاس
عباس/يلة توكل
•
•
•
يوسف/ما شايف واحد يكعد من الصبح ياكل موز
ام سيف/يمة غير مشتهية شرايد منهة
رند/عمة ماعرف شبي وياية
ام سيف/ابنك طالع عليك اني هم من جنت حامل بيك كلة اكل موز مشوف طلعتلي قرد
رند/ههه
يوسف/لا يمة قصفتي جبهتي
ام سيف/دروح افتح الباب ابو جبهة
يوسف/اجييييت منو جاينة من غبشة
سيف/هم انت
يوسف/لا هلة احم قصدي هلة بيك وبجيتك نورت ابو السوس
سيف/باوعت علي
شنو كلت بالبداية
يوسف/هلة بيك حبيبي نورت ادخل ادخل
سيف/سحلني ودخلني
يمعود اوكف خلي انزعك(قصدة ع الحذاء)
يوسف يباوع علي ضربة بوكس علئ ايدة
سيف/اخخخ نذل
يوسف/اكول كلمة
سيف/انجب واسكت عويلص
يوسف/يمة اجة سيف
ام سيف/كافي لعب وتعال تريك
يوسف/هه ممصدكة روح ادخللهة
سيف/شلون رويحتي
ام سيف/هلة بيك يمة يا روحي شلونك
سيف/الحمدلله
رند/شلونك عيني
سيف/هلة بيج خوية الحمدلله
ام سيف/اكعد اكل
سيف/اكلت
يوسف/لعد وخر خلي اكل
سيف/تعال اكعد اني اصعد اريد انام نعسان
ام سيف/روح يمة ارتاح
يتبع…
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!