جمان;حركتلهة ايدي باي راحت بقيت اباوع علئ درجاتي كلت اكيد هسة راحوا جان انصدم شفت اية كبالي تضحك علي بعد مكدرت ارجع بسيطة هاي سوالف اية العوبة مجوز منهة تمشيت باتجاهم طلعت من شافني فصل واية طلعت من السيارة
اية;هلو جمان(وهية طالعه)
جمان;السلام عليكم(وهية منزله راسهة)
سيف;وعليكم السلام هلة بيج
اية;تعالي نوصلج بطريقنة اريد اسولف وياج شوي
جمان;لا ميحتاج عود سولفي وياية بالتلفون
اية;حبابة
سيف;صعدي اوصلج
جمان;هاا
سيف;اشرتلهة علئ السيارة
جمان;صعدت ورا واية اصلن كاعدة ورا جنهة منتضرتني اول مدخلت ضربتهة ع الخفيف علئ راسهة وهية ميتة ضحك
اية;ها صعدتي بالغصب لو لا ههاي
جمان;رجع يخابر برا هسة غير يدخل يوصلني
اية;هسة اشغلج موسيقئ حلوة ههه
جمان;سدي حلكج
شغلت اغنية عشق ورجعت يمي
اية;احبهة هل اغنية
جمان;صعد سيف سمع الاغنية جان يضحك رفعت النتيجة علئ وجهي بحيث مخليتة يشوفني من سويت هيج ضحك اكثر من قبل شوي
اية;ضحكني وياك(بابتسامة)
سيف;هيج اذكرت موقف حلو ويضحك بنفس الوقت
اي جمان ناجحة
جمان;اي ناجحة
سيف;انطيني اشوف النتيجة
جمان;نزلتهة اجتي عيني بعينة جان ديباوعلي من المراية انطيتهة اله لزم ايدي واخذهة
سيف;مبروك
جمان;شكرآ
انطاني النتيجة وهم رجع لزم ايدي اخذتهة ع السريع
اية;ابوج موجود اليوم
جمان;اي موجود
اية;وسمراء هم تستلم النتيحة اليوم
جمان/اي(تقربت يمي وهمست)
اية/صايرة لزمات وكذا بس اني حديقة
جمان/اسكتي(بنفاذ صبر)
وصلني للبيت فتحت الباب ونزلت
شكرآ ع التوصيلة
سيف/العفو
جمان/دخلت للبيت لكيت بابا كاعد من شافني عدل كعدته
ابو جمان/ها ترا اني مستعد
جمان/هه لا ناجحة
تقدمت انطيته النتيجة
ابو جمان/هاي بنيتي مبروك حبيبتي
جمان/شكرآ
طلعت مياسة كللهة بابا كالت مبروك من ورا خشمهة
شكرآ
بقينة نتناقش اني وبابا بخصوص الدرجات دخلت سمراء
سمراء/باركولي ناجحة
ابو جمان/مبروك اليوم فرحتوني ربي يفرحكم
مياسة/مبروك حبيبتي
جمان/مبروك
اجتي كعدت يمي
سمراء/ونتي هم مبروك
جمان/هه شكرآ•
اية/سيف
سيف/همم
اية/لتكوللهم ناجحة
سيف/شلون يعني
اية/----------------
سيف/ولو مالي خلك بس يله
اية/طبيت للبيت جانوا الكل كاعدين مثلت دور الحزن
شاهين/ها بشري
يوسف/ملامح وجهج متبشر بتفأؤل
سيف/هاي الغبية واكعه بأثنين
ام سيف/عزاا صدك
يوسف/عفية عليج.لج صخم الله وجهج
سيف/اي والله(وهوة كاعد)
شاهين/علئ كيفكم وياهة واذا تكدر تعدلهة
ام سيف/لعد السهر للصبح والدراسة اربع وعشرين ساعة وين راحت
يوسف/لج يا غبية ابوي من الصبح منتصل عليج يريد يعرف نتيجتج شتكليله مصخمتهة
رند/بالله اشوف النتيجة
لج هاي ناجحة وين راسبة
يوسف/هاا
اية/ناجحة جذبت عليكم ههاي
يوسف/لعد اسحب كلامي;عفية عليج هاي اختي الشاطرة رفعت روسنة
سيف/قبل شوي مسحت بيهة الصاله
يوسف/ههه
شاهين/عفية عليج بنيتي
اية/شكرآ
ام سيف/انتصلي علئ ابوج منتضرج
اية/اي هسة انتصل
جمان/اف ارتاحيت من نجحت
سمراء/اني هم
نسيت خلي اكل لعصام منتضرني
جمان/ها عصام شنو
سمراء/عيني اني صرت مرتبطة
جمان/عصام(وهية تقلدهة)
سمراء/ونتي سيف/باستهزاء/
جمان/شنو س سيف منو
سمراء/انتي اعرف
جمان/هذولي شنو يحجون قبل شوي اية وهسة هية
رند/جيهان انطيني اوكل وحدة
جيهان/والله يا ريت لان دخت روحي رفل لخالة
رند/تعالي حبيبتي ناكل
يوسف/هم رفل تولي ماريدهة هوهو
رفل/انت هوهو
يوسف/انتي هوهو ولي
رفل/شاهين
شاهين/يمعود عوفهة للبنية شرايد منهة
يوسف/باع التربية كولي بابا انتي لو بنتي جان علكتج بالمروحة
رفل/ويلص
يوسف/يا ادبسزية علئ هل دكة الناقصة
سيف/تستاهل ههه
تغدينة ويوسف ورفل بس يتناكرون رفل لسان ومتسكت يوسف عندة قابلية يرد
يوسف/اني عمج كولي عمو
رفل/ما
ام سيف/يمة كافي وكفت كلبهة عوفهة بحالهة
يوسف/ههه
سيف/تغديت وصعدت لغرفتي انتصلت علئ عبيسان
عباس/الحمدلله
سيف/وامك
عباس/هية فتحتلي الباب وشافت راسي يا بوية ضلت تصيح اريد اسكتهة ماكو كوة سكتت لزكتلهة سالفة وهية تكلي اعرفك جاي تجذب علي
سيف/مو سوالفك مو مال اوادم
عباس/بوكتهة ماكو سالفة براسي
سيف/مو اثول غير تفكر
عباس/باجر تروح
سيف/اي
عباس/هم اطول نفس كل مرة
سيف/ويمكن اكثر الوضع لعبان نفس هناك
عباس/الله يستر يكولون صايرة خطرة هناك
سيف/اعرف
عباس/تعرف وتروح
سيف/اي لعد اكو طريقة ثانية
عباس/الله كريم
سيف/يلة اروح انام شوي راسي يوجعني
عباس/الله وياك
اية/والله هوة
جمان/متأكدة
اية/اي والله وقبل شوي تأكدت اكثر من ماما
جمان/هذا الي لزم لتحرشوا بينة
اية/اي
جمان/اي اعرفة وكذا مرة شفتة واكف باب المركز
اية/شلون هسة
جمان/ولا شي انسي الي صار
اية/مو سهلة
جمان/اعرف بس حاولي
اية/هف حاولت مكدرت
سيف/صارت الدنيا ليل حاولت انام مكدرت لان نمت الظهر نزلت اشرب مي دخلت للمطبخ شفت يوسف وزوجتة دياكلون ردت ارجع بس يوسف صاح
يوسف/تعال اكل ويانة
سيف/ماريد جيت اخذ مي
فتحت الثلاجة اخذت بطل مي وصعدت لغرفتي جانت الساعه3:12اليوم كلة راسي يوجعني ما اعرف من التفكير لو وجع طبيعي اجتي علئ بالي جمان اريدهة تصير قريبة علي بس ماعرف شلون من جهة دوامي ومن جهة اللخ تفكيري بيهة
نمت محسيت علئ نفسي اله علئ دكة المنبة لكيت الساعه بالستة اف راسي راح ينفجر كمت غسلت وبدلت ملابس الدوام نزلت لكيت رويحتي محضرتلي الريوك بست راسهة وكعدت
من شوكت كاعدة
ام سيف/كعدت صليت وكلت احضر الريوك واكعدك
سيف/هزيت راسي واكلت ما اشتهي بس هية جبرتني
كملت وكمت اغسل وامي تراقبني بنضراتهة اعرف ضايجة لان راح اروح مابيدي شي
سلميلي عليهم واحد واحد
ام سيف/نشالله
سيف/انتبهي علئ صحتج ليضل بالج تره هناك مرتاح اني
حضنتهة حيل وهية توصي بيه انتبه واكل ونام زين واني بس اهزلهة راسي بعد اوامر امي الي متخلص طلعت وهية ذبت مي وراية اشرتلهة بأيدي باي واخذت سيارة ونتجهت للانبار
•بعد مرور شهر•
جمان/كاعدة بغرفتي الجو صار بارد لفيت البطانية علي غطيت راسي طلعت بس وجهي وادرس اجتي المدرسة واجتي وياهه تحاضيرهة ضل بالي علئ اية اتكول ننتصل علئ اخوي وماكو ماعرف ليش كلساع انتصل عليهة حتة اعرف اخبارة صدك ضل بالي يمة درست التاريخ كملته وخذيت الرياضيات انتصل التلفون رفعته حتة اشوف منو رقم سويته صامت وكملت دراسة فصل ورجع هم انتصل الساعه11منو هذا شوي وجاني مسج ع الواتساب صار عندي فضول اشوف منو سديت الكتاب وفتحت الرساله باوعت علئ خلفيتة ركزت بيهة
اي هوة والله بس شنو رايد مني؟؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!