هلااو مشتاقتلكم هواي بكد ما انتم مشتاقين لسيف وجمان💕
عباس/لعد واني😑
اكيد انت هم اني مشتاقتلك هواي😁
عباس/بعد روحي
صح طولت عليكم تعرفون امتحانات وكذا الوضع تعبان والنفسيه تحت الصفر
بس رجعتلكم بكل طاقه يله نبدي بالبارت
•
•
•
•
•
سيف/جمان عوفيهن يرحن منتضريهم جوة
جمان/باوعت عليهن يضحكن والله ضجت منهن عفت ايدهن اشرن بيدهن وطلعن سد الباب
سيف/تعالي نصلي
نسولف ع الشقة;طبعن تصير بالطابق الثاني كبيرة مابيهه بس صاله والمطبخ مفتوح عليهه وتلاث غرف واكيد الحمامات وموجود بالكون
جمان/دخلنه للغرفة واني مثل الغبية ماعرف شسوي فرش المصلاية اله وفرشلي هم وكف هوة يصلي واني هم صليت خلص التفت علي وبتسم
سيف/تقبل الله
جمان/مني ومنك
لف مصلايته واني هم لفيت مصلايتي ردت اكوم مكدرت من ورا البدلة لزمني من ادية وكومني
سيف/بدلي هذي البدله ثكيلة شلون لابستهه
جمان/رفعت بدلتي ورحت للكنتور فتحت واحد واحد ادور علئ ملابسي
سيف/هذاك الي ع اليمين ملابسج
جمان/فتحته لكيت كم قطعه ملابس هوة طلع من الغرفة اباوع عليهن مستحيل البس هل لبس هاي سوالف سمراء تمنيتهه يمي هسه اله انفش كفشتهة كعدت ع السرير اباوع عليهن شلون البسهن
سيف/طلعت من الغرفة هل عار هم رجع انتصل يحجي بس مبين مو بوعيه(شارب)قفلت التلفون وذبيته بالصاله نزعت سترتي والقميص كعدت ع التخم
جمان/اوف منج سمراء شلون البس ذني شفت واحد شوي مستور طلعته
هسه هل فستان شيفتحه طاح حضي ياله وصلت للسحاب فتحته من ورا ونزعتهة بدلت وكعدت افتح التسريحه راسي يوجعني دخل سيف سحبت الغطة علي
سيف/اساعدج بشي
جمان/لا شكرآ
كعد بالجهة الثانية
سيف/اي جمان
جمان/(باوعت علي)
سيف/شنو هذا شعرج
جمان/حلو
سيف/لا
جمان/بس اني عاجبني
سيف/واني شنو كلت
جمان/انتصلت بيك حته اخذ رأيك بس انت ماجاوبت فصبغته ماعرف شبيك اخر فترة وياية حته متنتصل علي
سيف/حقج متعرفين الي مريت بي هل فترة
جمان/بشنو مريت حته يستوجب متحجي وياي حته مترد علئ اتصالاتي
سيف/عندج اتصال بكرار
جمان/(استغربت من سؤاله)كرار؟
سيف/اي ابن عمج
جمان/راسلني باركلي ع الخطوبة
سيف/بس
جمان/اي ليش
سيف/ماكو شي تعالي اساعدج
جمان/تقرب علي سحب الماشات طلع كومة شكد مخليتلي
سيف/شنو هاي
جمان/اكول راسي يوجعني
نزل شعري يابه حسيت براحة
سيف/تعالي نتعشئ
جمان/ممشتهية
سيف/براحتج
طلعت من الغرفة حسيتهه متضايقة من وجودي حقهة ممتعودة علي كعدت بالصاله طلعت جكارة شعلت وحدة اخذت تلفوني فتحته لكيت عبيسان فاتح واتس
💬كاعد المليق؟
عباس/هاي شنو
سيف/شنو
عباس/شعندك مكابلني متروح لزوجته
سيف/ونت منو مكابلك
عباس/تعاركتو؟
سيف/لا وكافي لتصير حشري
عباس/لعد
سيف/ماكو شي شبيك انت
عباس/انت وين
سيف/بالصاله
عباس/ليش مو بالغرفه
سيف/ولي مالي خلكك
عباس/روح للغرفه يم مريتك كابلهه وكعد اعرف تحبني وما تتحمل ماتحجي وياي شنسوي تحمل بس هل ليله
سيف/انت هم شايف نفسك لاول الحظ
عباس/هه لا والله بس انته مو طبيعي المهم تصبح على خير
سيف/سديت التلفون نطرحت ع التخم اريد بس ارتاح ماكدرت بقيت اتكلب كمت طلعت بالبلكون شغلت جكاره ماعرف احس نفسي مامرتاح بقيت اكثر من نص ساعه ورجعت دخلت للصاله
جمان/بقيت كاعده مكابله اربع حيطان ماعرف وين راح سيف سحبت المخده ونمت ميته نعاس البارحه كله منايمة ماعرف شكد مر وقت اريد ادور ع الجهة الثانية ماكدرت فتحت عيوني بنعاس لكيت سيف نايم يمي حاضني تحركت اريد اعدل نورتي هوه فز فتح عيونة رخه ايده درت ع الجهة الثانيه نمت ميته نعس
كعدت الصبح لكيت نفسي دافنه راسي بصدرة عزا هذا شجابه هنا(نسيتي)سحبت نفسي من عندة كمت للحمام غسلت دورت بجنطتي لكيتهة بالصاله لكيت دشداشه مرتبه قصيرة سبحت ولبستهة احسن من الي جنت لابسته عفت شعري مفتوح حته ينشف سويت جولة ع الشقة حلوة ومرتبه بس شنو راح نبقه هنا ماعرف باوعت الساعه ب7نمت من وكت البارحه ملل شسوي اشتاقيت للعوبه سمراء
سيف/كعدت حسيت نفسي مختنك وعركان لكيت الغرفة ضلمه شغلت فلاش تلفوني شوكت ارتاح من هل حاله باوعت علئ مكان جمان ماكو كمت شغلت الاضوية الغرفه وطلعت ماكو بالصاله دخلت للغرفه الثانيه لكيتهه
جمان/اسم الله(خلت ايدهه علئ كلبهه)
سيف/صباح الخير
جمان/صباح النور
سيف/حضريلي ملابس اريد اسبح
جمان/نشالله
راح للحمام واني دخلت للغرفه فتحت كنتورة طلعتله ملابس ولكيت منشفة هماتين اخذتهه داطلع ودك تلفونه تقربت اشوف منو(رويحتي)منو هذي اخذته وطلعت دكيت باب الحمام انطيته الملابس
سيف/منو جاي ينتصل
جمان/منو هذي رويحتي
سيف/جاوبي
جمان/فتحت خط
ام سيف/صباح الخير يمة
جمان/عرفتهه خاله ام سيف
صباح النور خاله
ام سيف/شلونج يوم
جمان/الحمدلله
ام سيف/نشالله دوم لعد سيف وين
جمان/ديسبح
ام سيف/من يخلص كوليله يدك علي ماشي
جمان/نشالله
فصلت الخط دخلت للغرفه رتبتهه اخذت تلفوني فتحته جان مقفول نصدمت كرار منتصل علي اكثر من عشر مكالمات هذا شرايد مني فتحت الرسايل
كرار:جمان اني احبج
كرار:ابوس ايدج لتخليه يتقرب منج
كرار:ميستاهلج والله اني اولا بيج
•
•
سيف/طلعت من الحمام دخلت للغرفه جمان بس شافتني سدت تلفونهه مبين عليهه متوترة شمرت المنشفة ع السرير
منو انتصل علي
جمان/خاله انتصل عليهه رايدتك
سيف/وين تلفوني
جمان/ع التخم بالصاله
طلع ياخذ تلفونه قفلت تلفوني ليرجع كرار ينتصل علي ويسويلي مشاكل
سيف/هله بيكم لا كاعدين نشالله
فصلت الخط اهلي راح يجون
جمان/بقيت افكر بكرار هذا شرايد مني كمت ع الامرايه رتبت وجهي طلعتلي خصلتين والباقي رفعته كعكه بس كرار مراح من بالي خايفة منه اخذت تنهيدة طويله وطلعت لكيت سيف كاعد بالصاله يشرب جكاير شلون يشرب من الصبح دخلت للمطبخ اخذت بطل مي فتحته داشرب وندك الباب
سيف/اجوي اهلي
جمان/راح هوة يفتح الباب دخلت للغرفه اخذت شال جان تدخل ايه حضنتني من ورا
اية/اشتاقيتلج عوبة
جمان/ولي مزاعلتج البارحه عفتيني ورحتي
اية/عوبة لعد تردين ابقة يمج شنو مكاني باله
جمان/بقت تبوس بيه
كافي كافي
اية/سامحتيني
جمان/لا
رجعت تبوس بيه
كافي سامحتج وخري وخري
اية/تعالي نطلع
جمان/منو اجة
اية/امي وابوية ورند ويوسف وهاي اني
جمان/طلعت سلمت عليهم وكعدت يم خاله
رند/شلونج
جمان/تمام
راحت خاله للمطبخ تحضر الريوك كمت وياهه
ام سيف/روحي يمه ارتاحي
جمان/لا خاله مرتاحه خليني اساعدج
ام سيف/ميصير روحي كعدي يم زوجج
جمان/حاولت وياهه مقبلت رجعت للصاله كعدت يم سيف لان يوسف كعد بمكاني تلفون سيف ولا وكف كلساع منتصلين علي يطلع بالبلكون يخابر ويرجع
ابو سيف/يعني دوامك بعد اربعه ايام
سيف/اي لان طولت هواي
يوسف/وشكد اطول
سيف/ع الاكثر اسبوعين
يوسف/هم اهواي
جمان/الي افتهمته انو سيف بعد اربعه ايام يداوم حضرت خاله الريوك اشكال شبسرعه سوته متعجبه عليهه كعدنا ناكل انتبهت علئ سيف بس يتأفف مبين مزعوج حته اية انتبهت علي
ام سيف/شبيك يمة ماتاكل
سيف/مامشتهي
جمان/بس كام عمو هوة كام ورا يغسل لملمت المواعين اني ورند واية اصرت تغسلهن مابقوا هواي قبل الغدة راحوا بعد ماطبختلنه خاله الغدة سيف سد الباب وراح دخل بالغرفه بس لو اعرف شبي ليش هيج ديسوي رتبت الصاله وكعدت اتنهد بملل لو باقيه هاي العوبه يمي جان تونسنه
سمراء يمكن دتنتصل علي بس تلفوني مقفول دخلت للغرفه لكيته نايم اخذت التلفون وطفيت الاضوية كلت يمكن تعبان داطلع كال؟
سيف/شغلي الاضويه
جمان/شغلت الاضوية وطلعت ضجت من تعامله ويايه كعدت ع التخم فتحت تلفوني هم لكيت كرار منتصل انتصلت علئ سمراء لان هم منتصله علي هواي
سمراء/هلوو
جمان/هله بيج
سمراء/شلونج لج مشتاقتلج
جمان/اني هم بابا خاله البنات شلونهم
سمراء/الكل تمام شجاي تسويين
جمان/كاعدة
سمراء/لعد سيف وين
جمان/نايم بالغرفه
سمراء/ياا
جمان/شبيج
سمراء/غير يكعد يمج
جمان/تعبان
سمراء/اي وشصار البارحه
جمان/بعد مرحتن صلينه وبدلت ونمت
سمراء/هاا
جمان/اي
سمراء/جمان ما اعتقد انتي غبيه لهل درجه
جمان/مافهمت؟
•
•
ايه/حباب شرايد مني
عباس/ايه ليش تضوجيني
اية/واني شمسويه
عباس/يعني البارحه تركصين ويا عمامج كدام عصام وولد عمومتج حلوة
اية/اي كلش حلوة تونست
عباس/والله راح تصعدين اليوريا عندي
اية/استر علئ نفسك وبعد عني
عباس/باع هاي بابا انتي ماتعرفين ويا منو دتلعبين ترا اني الاستسلام ماكو بقاموسي اجيبج يمي ويوميه اضربج علئ صماخج واذكرج اكلج اخذتلج لو لا
اية/ومنو كال اني اقبل اتزوجك
عباس/وداعت الحمرة المشميه توافقين ونتي الممنونه
اية/يا اخي عوفني اني مو مال زواج اريد اكمل دراستي
عباس/اخي بعينج كم مرة ذربلت وكلت هاي الاخي شيليهه
اية/والله راح تموتني
عباس/لا تخافين بدقايق اني وراج وهناك هم نتلاكة
اية/حته بالموت لاحكني وين انطي وجهي
عباس/اي موداكلج ماكو خلاص اله الزواج
•
•
جمان/كافي سمراء ماريد اسمع بعد
سمراء/شنو هيه بكيفج لازم هل شي يصير
جمان/بقيت كاعدة حته ما اجة يمي ماعرف شبي حته تعامله وياي محلو من يحجي ميباوع بوجهي ضجت من وضع راح احاجي اريد اجي يمكم
سمراء/انجبي لج شنو تجين
جمان/لعد شترديني اسوي وفوك ما تعامله هيج ويايه بعد اربعه ايام يروح للدوام ويبقئ اسبوعين ويرجع اني شنو مكاني بالاعراب هم راح ابقة وحدي لو مامزوجه احسن عاد اكابلج واكعد
سمراء/شنو هل حجي الماصخ بعدنه بالبدايه
جمان/اففف ضايجه كلش شسوي
سمراء/روحي بدلي ورتبي وجهج
جمان/هسه وجهي شدخله
سمراء/سمعي الكلام
جمان/ماشي
سمراء/يله لتضوجين اروح عصام دينتصل علي راح نطلع للمول
جمان/الله وياج
سمراء/مع السلامه
جمان/فصلت الخط وكمت دخلت للغرفه علئ اطرف اصابيعي طلعتلي تراك اصفر واخذت كم شغله وطلعت
رحت للحمام بدلت وعفت شعري مفتوح وردت اخدودي ماعرف الي جاي اسويه صح لو غلط رحت للمطبخ صبيت الغده حضرته ع الطاوله رحت حته اكعده يتغدة لان اليوم مماكل شي والبارحة هم ممتعشي دخلت للغرفه لكيته نايم وايدة علئ عيونه متردده اكعده لو لا غمضت عيوني واخذت نفس
سيف(بعد ايده عن عيونه)صبيت غده كوم ناكل
سيف/ماريد
جمان/ليش
سيف/ماريد لتلحين طلعي وسدي الباب(دار ع الجهه الثانية)
جمان/صدك اختنكت من تصرفه طلعت ع السريع وسديت الباب ماسيطرت علئ ادموعي رحت للمطبخ رجعت الاكل من كثر ما عيوني مغوركة دموع داخلي الصحن ع الطاوله وكع من ايدي ونكسر نزلت حته الم الكزاز ودموعي عشرة عشرة ماجنت متوقعه سيف بهل حقارة من اول يوم بين علئ حقيقته علئ صوت كسرة الصحن طلع من الغرفه
سيف/شكو
جمان/ماكو شي
سيف/من انطيج سؤال جاوبي
جمان/واني جاوبتك ماكو شي ارجع كمل نومتك اسفين ازعجناك
سيف/عدلي اسلوبج من تحجين ويايه
جمان/اسلوبي مبيه شي اتمنة انت تراجع اسلوبك
سيف/تااالي وياج
جمان/جاي احجي الحقيقه من ورا الخطوبه انت تغيرت اذا مرايدني شكو كتلت نفسك علي منو جابرك تتزوجني ترا بعدنه بالبدايه
سيف/وحضرة جنابج تعتبرين الطلاك هوة الحل
جمان/اي اذا مرايدني ومطايق وجودي شعندي وياك
سيف/اعرف منو حط هل فكرة براسج وغلات امي الفكرة الي براسج وبراس ابن عمج العار ماراح اخليهه تصير تحلمين اطلكج
جمان/ابن عمي شدخله
سيف/لج اشايفتني هنا حته تلعبون علي انتي والعار عبالج ماعرف عندج اتصال بي
قبل ساعه انتصل بيه يكلي شوف حبيبتي ماتحب واحد غيري يتقربلهه شعرفه انو اني ما متقربلج اله انتي كايلتله ماجنت متوقعح رخيصة لهل درجه وسكوتي هذا لا خوف ولا شي ثاني مجرد ماريد افشل ابوج لان ابوج خوش رجال مايستاهل انو بنته تكون رخيصه مثلج
جمان/اسمع كلامه ومصدومة دموعي تصب شجاي يكول والله ماكو شي من الي يكوله
جان يحجي بعصبيه بحيث الشرايين الي بوجهه كلهه برزت عافني بصدمتي وطلع برا الشقه
كعدت بالكاع واني احجي ويا نفسي
والله ممسويه هيج مستتحيل اسوي هيج
كعدت اشهك وابجي حسبي الله عليك كرار ليش دتخرب حياتي ليش دتنتقم مني لان رفضتك اكول سيف متغير علي كوله من ورا
•
•
•
•
كرار/جمان جانت بالنسبه الي روحي واول حب بحياتي كلت لابويه انو رايدهه بابا فرح ورحب بالفكرة كال احاجي عمك
مرن اسبوعين كل ما اكول لابويه كلت لعمي يكلي يكول خير
بس الي اسمعه من اهلي انو جمان رافضه وعمي ديقنع بيهه الئ ان بيوم جنت راجع من الدوام دخلت للبيت شفت ابويه معصب وامي واخواتي يمه
شصاير
ام كرار/ماصاير شي ادخل ارتاح حته احضرلك غده
كرار/بابا شبيك
ابو كرار/جمان نخطبت
كرار/سولفلي ابويه شلون جاي هذا الي اسمه سيف ويه جدة وجايب هواي ناس حته يحرجون عمي ويوافق
بابا شلون واني صارلي شهر منتضر(بعصبيه)
ام كرار/يمه علئ كيفك ويا نفسك
كرار/بابه ماتحجي
ابو كرار/شحجي اكلك عمك انحرج وعيب يرفض جايه شيخ يتوسل بي شتريده يسوي
كرار/بنت عمي اني اولا بيهه
ابو كرار/بابا افتهم عمك انطه كلمه بعد
كرار/عفتهم يحجون ودخلت لغرفتي واني دمي يغلي شلون كله منج جمان لو قابله
ورا خطوبتهة راسلتهه تحجي وياي مبينه فرحانه من هل لحضة قسمت اخرب علاقتهم اول شي سويته هكرت تلفونهة اني شاطر بهل شغله وربطت تلفونهه بتلفوني بحيث كل مكالماتهه ومسجاتهة يمي اسمعه ينتصل بيهه اموت الف موته
كدرت اوصل لرقم خطيبهه كل يوم انتصل علي واهدده تمنيت يعوفهه بس هوة ولا انهزت شعره منه ولي صدمني مكال لعمي(ابو جمان)مع العلم هوة عرفني اخر اتصال صار بيناتنه كلش ضوجته كال العرس بعد يومين عبالي بس حجي خليت اختي تراسل جمان طلع صدك
وسواهه صدك ورا يومين العرس اشتغلت بصور جمان اعرف ميصير الي جاي اسوي بس والله احبهة اريده يعوفهه
كلت اكيد بعد ميشوف الصور العرس مراح يتم بس نصدمت صدمه عمري من سمعت رايح للعرس يعني شسويله اكثر من الي جاي اسويه تأكدت انو هوة صدك يحبهه
ثاني يوم عرسهم جنت كاعد كبال لابتوبي اجاني تنبيه انو جمان دتنتصل بشخص سمعت كلشي كالته لصديقتهه ماعرف منو اعتقد اسمهه سمراء
صح نصدمت من الي سمعته بس فرحت
انتصلت علي(سيف)اكثر من عشر مرات ياله رد لان البارحه هواي ضوجته
سيف/بس فهمني انت ليش عار شوكت تبطل مني
كرار/حبيت ابرهنلك انو حبيبتي تحبني لدرجه مخلت غيري يتقربلهه باع وتكلي ليش تحبهه وربك اموت عليهه
سيف/ومنو كال حجيك صحيح
كرار/هيه نكطتلياه بالسانهه العسل باع ماعرف شسمك اذا اذيتهه لو مديت ايدك عليهه انهيك انته والوياك
سيف/اقسم بالله وداعت امي عهد عليه بس اشوفك انهيك خلاصص تعرف شننوو انهيك يعني موتك علئ ايدي واني اعرف شلون اتصرف ويه هل رخيصة ربي يذب كبالي شكو واحد عار امثالك
كرار/اسمع فصل الخط خاف يأذيهه اعتقد تسرعت المهم يطلكهة بدلت ورحت للدوام رجعت الضهر دك تلفوني باوعت جمان نصدمت جمان منتصله علي!!فتحت خط اجاني صوتهه تبجي وتناشغ
جمان/
يتبع.....................
لتنسون التصويت والتعليق الحلو احبكم هواي
اذا اكو جفصه مهما كانت كبيرة ام صغيرة غلسوا عليهه😅
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!