رواية أُلَمِلَأُزُمِ وِأُلَطٌأُلَبّةَ 💙 الفصل السابع وأربعون 47 - بقلم benin_rsool

عٌبِيَِّّسأّنِ يِّګوِلَ;بِدِتّ أّلَأّمَتّحٌأّنِأّتّ رأّحٌ نِغٌيِّبِ عٌلَيِّګمَ أّتّحٌمَلَوِأّ أّهِمَ شٍيِّ لَتّنَِّسوِنِةّ 😅
اعتقد الكل سمع انوا الامتحانات قريبة فأعتذر بخصوص البارتات الجاية يمكن يتأخرن بالتنزيل
اهم شي لتنسون الاحداث واني نشالله احاول ما اطول بالتنزيل l am sorre
•
•
•
نبدي بالقصة;اليوم البارت حلو مثلكم وبي احداث مليانه قبل منبدي ديراسلوني خاص يكولون القصة مملة هذي اولا
2-يكولون بيهة اكشن هواي بالنسبة الي بالعكس داشوفهه واقعية واصلن الرواية حقيقية بس اني ضفت الهة لان ابطال القصة مو قريبين علي حته اخذ احداثهم اكتبوا رأيكم الحقيقي بالقصه ترة ما ازعل بالعكس اعدل بيهه اذا كلتوا اكو شي من الي ذكرتهن فوك 👆

هِلَ مَرةّ نِبِدِيِّ صٌدِګ أَّّستّمَتّعٌوِأّ💕

سيف/لك عار اكو واحد يطعن بشرف بنت عمة لك والله لو الزمك اله اربيك من جديد يا طايح الحظ
فصل الخط بوجهي ودزلي صور اتمنيت ميت ولا شايفهن لو ذابحيني ولا الي جاي اشوفه هوة وجمان بوضع اووف ادية ترجف وكع التلفون من ايدي واني بحالة صدمة من الي داشوفه

عباس/هاي انت هنا واني ما خليت وما بكيت مكان ادورك بي(احجي وياه وهوة فاصل وايدة ترجف ركضت علي)سيف شبيك(اهزة وهوة ميتحرك ماعرف شسوي ضربته راجدي قوي باوع علي سيف يبجي مستحيل)
شبيك فهمني
سديت باب الغرفة ورجعت كعدت يمة
رحمة لدينك فهمني خوفتني تره(عطت بي حسيتة انتبه اكثر)
شبيك
•
•
•
جمان/كملت كل شي المكياج والتسريحة اية ورند اجني ويايه ضحكتني رند مبرطمة ضايجة من بطنهة لان كبرانة
عادي ترة مو كبيرة كلش

رند/هسه انتوا اله تعرسون واني حامل

اية/جا انتي الحملتي وياهم همه شعليهم

رند/بنفسي فستان بس مصارلي من ورا بطني

سمراء/نشالله اذا تأجل عرسي البسية بي

رند/نشالله
•
•
عباس/ونت مصدك بهل عار

سيف/لك دزلي صور

عباس/انطيني اشوف

سيف/انت صاحي شتشوووف(بعصبية)

عباس/جيب داكلك اني متأكد جمان بريئة متسوي هيج هاي بس لتخليني احجي واجفص بالحجي جيب مو طفلة مثل جمان تريدهه تسوي هيج(اخذت التلفون من ايده بالكوة شلعته صح انصدمت اول مشفت الصور بس اني مو غبي حته اصدك مبين فوتوشوب بس الوجه وجة جمان لو واحد غبي مثل سيف يصدك بس اني ماتعبر علي اني واحد ملعب بس النذل شلون مركبهة مبين حقيقة كلش)
وهسة انته صدكت

سيف/لا اوو ماعرف

عباس/سيف اسمعني هذي مو جمان اقسملك وروح ابوية مو هيه هذا العار مسويهة فوتو البنية بريئة

سيف/عبيسان اطلع اريد ارتاح

عباس/ما اطلع

سيف/اطلع اريد ارتاح راسي يوجعني

عباس/والعرس شبيك انتة

سيف/خرة بالعرس(بعصبية)

عباس/هاي صدك عود

سيف/اي صدك

عباس/انتة صاحي

سيف/لا مخبل مختل شتريد تسميني سمي

عباس/طلعت وسديت الباب هاي شديصير

عصام/سيف وين

عباس/ا ا بالغرفه شرايد منة

عصام/شمنتظر ميبدل الساعه ب2هناك رايدية

عباس/هسه اكلة
نزل عصام ردت افتح الباب قافله اسمع صوت تكسير
سيف يمعود ترة الغرفة جديدة لا تتخبل علية

سيف/عبيسااان عوفنننني لتكفرني
•
•
•
•
جمان/كملنة كلنة اجة اخوة لسيف(يوسف)هوة الي اخذنة للقاعه موتنة ضحك بالسيارة ماخلة وحدة ما حشش عليهة حته زوجته

رند/يوسف اسكت ترة واصله لخشمي

يوسف/سبحان مغير الاحوال قبل ابو جبار وهسة ماعرفتجن

اية/هسه احنه شحاطين هية حمرة وكحلة وعدسات وفونديشن وكونترول ومسكرة محاطين شي ترة

يوسف/لا لا كلشي محاطات كلش اشوية جان حطيتن بعد

رند/اي مو جاي اكلك محاطين شي

يوسف/والله ماكول غير حسبي الله ع الصالون الي جبار يطلعهة ملاك
شغل اغنية ويأشر علئ رند ويغني

يوسف/وي وي يحلوه والله جمالج بلوه

جمان/وصلنة للقاعه بصف قاعه البنات قاعه الشباب بالكوة دخلنة يوسف
اول موصلت انفتح باب القاعه اجتي ام سيف لزمت ايدي وكعدتني وهيه تصلي علئ محمد ومبتسمة هواي عازمين الاكثرية ما اعرفهم اجني رفل وازل يا ربي شحلاتهن لابسات بدلات بيض كعدتهن يمي
•
•
•
ام سيف وهية دتخابر ابو سيف

ام سيف/سيف وين الساعه خمسة شوكت يجي بعد

ابو سيف/غير بالبيت انتصل علي مغلق اني بالقاعه كل ما ادز واحد يكلي هسه يجي وفشلة من الناس تريد تباركله وهوة ماكو

ام سيف/طب شاهين وين

ابو سيف/يمي هسه ادز عصام يروح يشوفة

ام سيف/حاول بسرعه خلي يجي عيب
•
•
•
عباس/هاي عملة اسويهة بية صارلي تلاث ساعات واكف بالباب اترجة بيك تفتحه يالكعبة انوب ميحجي افتح البببباب خرة بيك

عصام/شنو تأخرتوا سيف وين

عباس/مطنكر

عصام/شنو مطنكر؟

عباس/مايفتح الباب

يوسف/شنو هل حجي(وهوة يدك الباب)سيف يمعود

عباس/بس لا انتحر سييف ترة الدنيا متسوة

يوسف/والله دوختوني شبيكم وعليش ينتحر صاير شي فهموني

عصام/سيف الباب راح ينكسر افتحة(بنفاذ صبر)
دفع عصام الباب بكل قوتة وبعدين يوسف واخر شي عبيسان انكسر القفل ونفتح الباب دخلوا علئ سيف ديشرب بالجكارة والغرفة صايرة انفجار باوع عليهم

سيف/شبيكم خبصتوني

يوسف/(وهوة يباوع ع الكاع متروسة جكاير)لك راح تموت شكد شارب ذبهة من ايدك اح عصام افتح الشباك اختنكت ذبهة ذبههة من ايدك

عصام/سيف شبيك ترا الناس منتظرة برا هسه انته لا تكول شبيك ولا تريد تروح للعرس غير تفهمنة شكو

عباس/خلوني اني ويا وذا الله قدرني وساعدني الين راسة اليابس نطلع وراكم

طلعوا يوسف وعصام بس يوسف واكف قريب ع الباب حته يسمع حشري مو بيدة

عباس/يا حبيبي يا سيف بس كلي انت مصدك بجمان لو لا

سيف/مصدك بس

عباس/لا بس ولا شي ماطولك مصدك وثاق بيهه لا تخلي واحد عار يخرب بيناتكم والي جاي تسوي هاذه كلهه لمصلحته هوة(كرار)تره يفرح لان الي اباله راح يصير
يلة كوم بدل الكل منتضرك ابوك والضيوف وامك منتظرة عرسك يوم يوم حته تفرح بيك والاهم ينطيك كلبك تعوف جمان هيج منتظرتك لا تكسر كلبهة متستاهل الي جاي يصير بيهة
والي يجلط يكول اثق بيهه اذا اثق بيهه ليش جاي اسوي هيج هاي مو ثقة هاي اني اسميهة احجي لو لا
•
•
•
جمان/تأخر كلش كلش كلش ما اكدر اعبر الي حسيتة بهل وقت صدك دمعت عيوني ليش هيج يصير ويايه ولا يوم فرحتي اكتملت

سمراء/لا جمان لتبجين يخرب المكياج هسه يجي صدكيني

جمان/لج صارلي تلاث ساعات منتظرة لشوكت انتظر حته الناس بدت تروح

اية/جمان اسفة والله اني بنفسي ما اعرف الي جاي يصير ننتصل عليهم ميردون

جمان/عليش تعتذرين يا روحي انتي شدخلج هذا حضي
•
•
•
عباس/كللويش قنعنا ابو راس اليابس

يوسف/يا الله والله انك كفو ياخاشوكة كلبي

عصام/ولو احنة(قصدة علي وعلئ يوسف)طرشان بالزفة بس عود ورا العرس فهمونه

يوسف/يلة بدل شمنتظر

عصام/عبيسان بدله بطريقك وكمل جميلك

سيف/اسكتوا وطلعوا سدوا الباب خلي ابدل تأخرنة

عصام/ترا الباب انكسر

سيف باوع ع الباب ورجع باوع عليهم واحد واحد

سيف/هذا منو كسرة

يوسف/منو اخر دفرة هوة المجرم

عباس/ها عويلص شمرتهه براسي

يوسف/كلام الحك ينكال لو علئ كص الركب

عصام باوع عليهم وحك راسة من ورا

عصام/اني ادز صديقي يصلحه بس فضونة

عباس/عصام ابو الفكرة

عصام/لا غلطان

يوسف/اشش اش عبيسان انت ابو الفكرة

عباس/ايا وجه الفكر

بأثناء مديحجون وواحد يذبهه براس الاخ سيف بدل ملابسة

سيف/اذا كملتوا جذب خلي نروح

يوسف/سبحان الله شبسرعه بدلت

سيف/منتبهين علئ نفسكم صارلكم ربع ساعه واحد يذبهه براس الثاني ما عوزكم بس شوي وتتكافشون

عصام/زين اذا سألونه ليش التأخير شنو نكول

سيف/كلولهم سيف سوة حادث بسيط وخلص

يوسف/حيييل حادث شو كلشي مابيك

سيف/ايدي نجرحت بالكزاز

يوسف/بلة راويني لك هاي ايدك مشكوكة هواي
•
•
•
•
جمان/الكل توتر واني ماباقيلي اله القليل وابجي سمراء كاعدة يمي

ام سيف/بنات لبسن احجبتجن راح يدخلون الشباب

جمان/باوعت علئ سمراء بصدمة هية ابتسمتلي خلت علئ راسي وشاح نزل علئ فستاني ممبين بس وجهي انفتح باب القاعه ودخل سيف ورا اصدقائة وابوه اول مدخل باوع علي وبتسم وكعن دموعي بهل لحضة اجة صعد وكف كبالي مسح دموعي وباس راسي

سيف/فكرت وفكرت جمان متسوي هيج لان الكلام الي جان يكولياه كرار مستحيل وحدة مثل جمان تسويه لان اني اعرفهة ما انكر ضجت من ذزلي صور لان اي واحد بمكاني يسوي الي سويته واكثر يمكن حته العرس ميتم كلام الخبل عبيسان رجعلي عقلي وخلاني افكر صح بدلت ودزينه علئ كم شخص حته يرتبون الغرفة لان اني لعبت بيهه لعب رحنه كبل للقاعه سلمت علئ اصدقاء ابوية اعتذرت منهم ع التأخير كلتلهم حادث بسيط واصلن شكلي تعبان فصدكوا وما سألوا اكثر

ابو سيف/يلة ما بقة وقت ادخل عروستك منتضرتك

سيف/دخلت للقاعه ما اهتميت للموجودين عيوني تركزت ع الملاك الكاعد تمشيت الهة صعدت مسحت دموعه فكرت لو ما جاي جان شنو حالهة اكيد جان ضلمتهة بذنب هية ممسويته ولو ما جاي جان بقيت الوم بنفسي وما راح اسامح روحي
اعتذر بنيتي سامحيني

جمان/ماحجيت شي لزم ايدي والايد الثانية لافهة علئ ضهري من ورا كعدنة وهوة ماشال عينه مني

عباس/جان رايهة وخذاها(هوس وخله عباد الله كلهه تهوس وياه)

ام سيف/بالمبارك عليك يمة

سيف/الله يخليج الي رويحتي

عباس/يله يابه ابو عبود(الموسيقي)اطربنه

جمان/شغلوهه ورفعوا الصوت يعني سيف يعيط ياله اسمعه
سيف ترا كلشي ما اسمع

سيف/هذا الخبل خلاهم يعلوه

جمان/صدك تونست ولا جنت متوقعه هذا عباس هيج بس هوة نضراته فاضحته يباوع علئ اية واية تركص ويا عصام ويوسف خلوهة بنصهم وخلوهه تركص لان مموجود احد غريب كلش يحبون اية حته عمهة احمد ركص وياهه

سيف/كومي اركصي ويا البنات

جمان/لا هيج مرتاحة

سيف/يعني يمي مرتاحة

جمان/لا بس كعبي عالي وخاف اوكع

سيف/جذبي وكولي ابقة يمك

جمان/لا كعبي

سيف/راسج يابس اكثر من راسي

عباس/هاي بنيتك الي خبصتنة بيهة

جمان/باوعت علي وكف يم سيف

عباس/اني ما حب الرسميات ومال مستحة لا تصيرين مثل ريلج كومي ويا البنات وذا مستحية مني عادي اطلع

جمان/لا مو هيج بس كعبي عالي

عباس/سهلة كوم الزمهة وركصوا سوة ترا بعدين تتندمون

سيف/ونت شصعدك هنا

عباس/جاي علئ خيتي جمان مو عليك يلة كوموا
ابو عبود اطربنة للعرسان هذا مايسمع ابووووووو عبووود هسه يسمع😅

عباس/عفيه عليك ابو عبود حبيتك لانك مثل ذووقي

جمان/لزمني سيف من ايدي كومني ونزلنة لزمت سمراء ايدي الثانية ورطت نفسي همة عدهم عادي بس اني مستحية

سيف/ترا عادي ماكو غريب ماداعي تتوترين اركصي ليجيج عبيسان يركصج

جمان/كلش تونست حته عمو ابو سيف ركص ويايه حسيته مثل بابا لبسني عقد كلش حلو تشكرتة

اية/رحت للحمامات ارتب مكياجي ما احس غير باب الحمام انسد درت اشوف منو شفته عباس

عباس/قصدج من هل تصرفات بس تضوجيني واكفة بنص الزلم وتركصين

اية/ليش داخل وياية ليشوفنة احد شيكول

عباس/يكول الي يكولة البسي شالج عدل

اية/ترة بس عمامي ماكو احد غريب

عباس/مايهم اذا ماتسمعين كلامي تعرفيني خبل اسوي شي ميعجبج بس يعجبني باي حبيبي

اية/كرص خدي وطلع البس شالي لا هسه يكول تسمع كلامي لا خلي البسة ماريده يتخبل عليه لبسته وطلعت باوع علي وبتسم تفو عليك هسه هوة منو وهيج يسوي وياي يتحكم بيه بكيفة عناد بي رحت ركصت ويا عمامي وصرت بنصهم وهمة يفترون علي اباوع علي رافع حاجبة ويباوع علي ابتسمتله بنصر

جمان/رحنه اخذنة صور بالاستديو حسيت سيف انتبه علئ شعري باوع علي بس الحمدلله ماحجة شي بس مبين متحلفلي الله يستر
اجة بابا باسني وباركالي واخذ صورة ويانه وحجة ويا سيف انو ينتبه عليه

ابو جمان/هاي بنيتي ماداعي اوصيك عليهه

سيف/لا توصي حريص احطهة بكلبي الله يقدرني وما اخليهة محتاجة شي

جمان/كعدت يم بابا يريد يروح واني مجلبة بي

ابو جمان/متحجي وياهه

سيف/شحجي خلي تشبع منك وشوكت متريد نروح

جمان/كعدت ربع ساعه اني وبابا بس اباوع علي وهوة يضحك علي

ابو جمان/يلة روحي يا بابا عيب الرجال منتضرج برا

جمان/ماريد اعوفك

ابو جمان/اني اخلي كل فترة يجيبج يلة كومي

جمان/سترت نفسي وطلعنة من الاستديو لكينة الكل منتضرني برا بابا جان لازم ايدي خلة ايدي بأيد سيف باسني وراح اعرف ابابا ضايج حته دمعت عيونة صعدت بالسيارة صارت الزفه حلوة بفضل عباس كلساع وواكف يهوس بنص الشارع يهوس ويرجع يصعد انتبهت الطريق مو طريق بيتهم من شافني اباوع كال

سيف/راح نروح لشقتج

جمان/سكتت محجيت شي وصلنه للشقة وعباس ما عافنة اله وصلنة لباب الشقة هوسات صعدت اباوع عليهه كلش حلوة ومرتبة سيف نزل اجتي سمراء تحجي كلام طايح حضة اني سديت اذاني

سمراء/عوبة داحجي لمصلحتج

اية/ها انتي هنا عصام منتظرج
ها جمان شلونج

جمان/ابقي يمي

اية/ههههه تحجين صدك يابة انتي اليوم مو صديقتي لا اعرفج ولا تعرفيني لا تكولين ابقي يمي يلة سمراء

جمان/هيج تبيعيني

سمراء/ما بايعيج حياتي بس لازم ننزل اذا سمعتي شي من الي كلته فسوي

جمان/كمت جلبت بديهن وصلني لباب الشقة وهنه يردن يطلعن دخل سيف

اية/خلي تعوفنة مجلبة بينة

سيف/جمان عوفيهن يرحن منتضريهم جوة

جمان/باوعت عليهن يضحكن والله ضجت منهن عفت ايدهن اشرن بيدهن وطلعن سد الباب

سيف/تعالي نصلي

يتبع……

اذا اكو اخطاء سامحوني❤️❤️

سيف

اية

رند

سمراء

جمان