رواية المليحة والمهووس الفصل العاشر 10 - بقلم Shaqraa

المليحة والمهووس
الجزء التاسع

اول ماشافني جلال دنك واجه ردا يطلع..
قفلت الباب بسرعة وجريت المفتاح..
_وين رايح جلال افندي؟؟
قبل متطلع اريد افهم شكو ؟؟؟
جانت شمس مدنكة وتفرك بيدها ..
صح هي اكبر مني..
بس بهالموقف حسيت اني الجبيرة..
صح يمكن الزواج يكبر ..
ولا الهم اليكبر مادري بالضبط..

_واحد منكم يحجيلي الي شفته شنو معناه؟؟؟
اباوع لشمس تبجي ومتوترة ومدنكة مانطقت حرف جاو جلال..
_حوراء راح اغهمج بس اعصابج شوي..
_اوكي اسمع ؟؟
_شوفي خيتي اني وشمس نحب بعض صارلنا فترة!!!
واني تعرفين حالي ميسور وموظف..
واكدر اتقدملها..
بس انتظر شقتي تكمل..
اني جاي ابني شقة بالقطعة مالتنا..
وحصتي صارت فوك بيت منذر ..
وجاي ابني ماباقيلي شي..

_وع متخلص الشقة انتو مخلفين يمكن؟
بيناتكم حب وميخالف ماحجينا شي..
بس تتقربلها وبالحرام؟
تقبلها غيرتك انت؟
مو باجر حتصير عرضك هي؟؟؟
_لحظة ضعف واول مرة يصير هالشي..
ان شاء الله بعد ميتكرر..
اروحلج فدوة خيتي لتكبريها..
تعرفين شعور اليحب ترى!!

_اوكي اخذ راحتك واتمنى هالشي مينعاد..
فتحت الباب وهو يتعذر وطلع..
تقربت لشمس جريتها من ايدها..
_رفعي راسج حاجيني بعد اختج..
عفية بيج ماقصرتي..
تخلي يتقربلج وبغرفة اختج..
نفرض الحظ جاب رجلي هسه..
مايطلعنا من ال...
ويكول فاتحين بيت هوى براسي؟؟
_حوراء عفيه كافي ضعفت وماحسيت ع نفسي..

_لج انت حتى ماكلتي تحبي لو بينكم شي..
لو مااني شفتكم متعترفين..
رفعت راسها وتحلف اليوم ردت افاتحج بالموضوع..
انتبهت لشفتها زرگة!!!
_صخام بوجهج شنو هذاااااا؟؟؟
_شبيج شبيج ..
_لج شفتج زرگة طايحة الحظ..
لزمت شفتها حسيتها متونسه رغم رزالتي بس بغير عالم..
جريتها لحضني وضربتها براسها..

لج حقيره اخاف عليج اني..
دربالج ع نفسج الرياجيل مالهم امان..
بعدين شعجبج بجلال جنه ساسوكي..
_ولي لتعيبين عليه..
اصلا من رجلج جنه درهم ههههه..
نصحتها بس ضليت افكر..
اذا جلال نفس منتصر شلووون!!!
ماتحمل اختي تعاني مثلي..
كلت ابحث عن وضع منتصر واشوفه وراثه لو شنو؟؟

هالحجي نسيت منتصر والفون..
حطيته ع شحن وشمس كالت حروح..
انتظرت يشحن شوي وبس انفتح دك؟؟؟

_ها ... تغلسين موووو؟؟
اني الج..شوفي باجر راجع اذا ماسويتج جنازة..
شبعني غلط اشكال الوان حتى نصه ماافهمه..
وسد الفون بوجهي..
لليل ساعة ب١١ اني نايمه ضوجة ووحدي بسرعة انام..
حسيت على لمساته فزيت مرعوبة..
طبعا هو ينطي موعد ويجي بغيره..
لاحظت هالشي بي..
من شكه ميكول شوكت يجي..

بدون سلام ولا كلام ..
تقرب مني واغتصبني ..
طبق طقوسة المقززة وراح طلع من الغرفة..
بقيت متمددة وابجي ع حظي..
وين وصلت نفسي..
ليش دمرت حياتي بيدي..
حقدت ع عبير بيوم العرفتني بي..
رجع للغرفه جان الجو بارد..

فتح البنكة ع اعلى شي..
وذبني بالارض جواها مباشرة..
وراح تغطى بالبطانية ع الجرباية..
بدك تحقيق وياي كالعادة..
_شعندج غالقة الجهاز اني مو مانع هالشي؟؟؟؟
وليش تأخرتي..
_مامنتبهه مخلص شحنه جانت شمس يمي..
_وشنو اليضمنلي شمس يمج؟؟؟
_مو امك كلتلك اختها يمها قابل تجذب حشاها؟؟
_اكلي.... ولتجيبين سيرة امي ع لسانج..
وكم مرة محذرج متخابرين الا اني اخابر..
اذا عدتيها وخابرتي اجي مناك ارفس ببطنج واطلع روحج..
استمر برزايله واني ميته ارجف..
خصوصا الجسم اذا متاذي وتضربه برودة يزيد..

صحيت يوم ثاني تعبانه وبرد بمعدتي ..
جسمي نحلان كلش..
ضليت هواي اتقيأ..
شافني خالتي شفتها استبشرت..
سوتلي لبن وانطتني..
حسيتها مبتسمه وتهدي بيه وتمسح براسي من طلعت من الحمام جنت اتقيأ..
منتصر جان بييت عبير..

اني صعدت ارتاح بغرفتي..
ورا شويه ..
ماشفته الا فتح الباب واجه لزمني من ركبتي..
_لج شنوووو بيج شسوين بالاختبااار؟؟؟؟؟

للحكاية بقية
بقلم شقراء(قمر كانون)