رواية المليحة والمهووس الفصل التاسع 9 - بقلم Shaqraa

المليحة والمهووس
الجزء الثامن

جابلي بدلة عرس كلها كيبور خفيف وناعم..
ومن جوا منفوخه ..
كلش نازكة وشكلها حلو بس هواي عارية..
لبستها واني خجلانة ..
كلش انعجبو بيها اهلي والناس ..
اجه عليه ورحنا اخذنا صور..
عيونه تريد تاكلني..
بالاستوديو وكلساع حركة شكل ..
خلصنا ورحنا للقاعة..

صارت الامور التقليديه والبنات يركصون..
عبير تركص هي وحماتها..
اني اعرفها لان جانت وياي بالمدرسة..
واحنا منطقة وحدة ..
عبير زوجها رافد من المنطقة..

تقدمت علية اخت رافد اسمها رواء..
_مبروووك حوري منه المال ومنج العيال..
_مشكورة رواء يوم الالج وونفرح بيج..
_لا بعد راحت عليه الاريده اخذتيه!!!!
عافتني ورحعت تركص..
وهي وعبير يركصن مكابل وحده تغمز للثانيه؟؟
لو كلساع تشاورها ويغيرن الركصة..
شبيها هاي معقولة تحبه !!؛
لو بينهم علاقة لو شنو!!
وعبير طابكة وياها!!
هسه فسرت تصرفات عبير!!
ترديد اخوها لحماتها اكي..
ضليت افكر ومنا
وترتني حجايتها..
واني منا متوترة من البداية من تعامل منتصر..
افكر الف تفكير شلون حتعانل ويا..
كون يصير حنين وياي ومايضربني..

تفكير يجر تفكير الى ان صارت الزفة..
ودونا للبيت ماقبل بفندق هو ..
زفونا وهم عادتهم قديمة يكعدون ينتظرون..
اول مافتنا قفل الباب بلا مقدمات،.
اليشوف تصرفه بوقتها يكول هذا موقتي ويخاف يخلص التوقيت!!!

تقدم عليه بس ذب السترة بالارض..
اجه بلا كلام وبعدني لابسه البرنص..
جره حيل كل قوته!!!
اني لزمتني رجفه وضلت دموعي تنزل بلا توقف..
اريد اصبر مااكدر..
خفت اكثر فتح الجرار جان مكص!!!
باد حيلي ماكدرت اوكف كعدت بالارض بسرعه..
اجه كومني كتله عوفني ابوس ايدك..

جان ميسمع ولا ينطق حرف..
كصص البدله بالمكص وخازرني ...
اني مثل الميت بيده اخاف احجي..
صارت البدلة مكصصة..
باوع من فوك لجوا عجبه المنظر..
وراها تقربلي بس اخذني بدون اي اضافات..
بس هم بطريقة متوحشة..
كام طلع شوي ورجع..
سمعت صوت الهلاهل ع ذبحي..

اني بمكاني ومصدومه من تصرفاته..
راح فتح كنتورة كال..
_هسه راح نبدي الشغل الحلو..
مو تصيرين جبانه..
ولتخافين بعد ماقربلج بس اخذتج كافي.!!!
كلت اي فرجت اوي خل ارتاح بعد ميقربلي...
شوية اندار علية بيده كلبجات!!!!!

يووومه مخبل هذا رسمي مخبلللل ..
_شنووو هذا منتصر يومه !!
_اووش اريدج تطيعيني..
واذا ماطعتيني تتعاقبين..

طبق عليه منتصر كل خبالاته..
وبابشع الطرق والادوات ..
اغتصاب تعنيف ضرب سب غلط فاحش..
لحد مارتاح وشعر بالرضا!!!
عافني مثل الحيوان بمكاني..
فتح الثلاجة طلع بيرة وكعد يشرب..

يشرب ويباوعلي ..
_اوف لج هسه ارتاحيت غزالتي..
واخيرا صرتي مرتي بعد ماحتاج اخسر فلوس وادور التعجبني!!
انصدمت من جرأته ووقاحته..
شلون هيج يحاجيني ..
فوك ما دمرني وانتقم مني باحلى ليلة بعمري..
المفروض ادلل بيها واعيش ملكة..

كمل كلامه..
تدرين حواري مو اي وحده تقبل اسوي بيها مثلج،.
لهذا اضطر ادفع فلوس اكثر..
بس هسه مرتي حبيبتي موجوده ماحتاج غيرها..
اني استمع وقلبي يبجي عقلي يصرخ..
جسمي يحاسبني لييييش؟؟؟
ليش خليتي هالوحش ياذيني..
احس كلشي بيه يعتب عليه ويأنبني..

خلصت ليلة الزواج بس بجرائم مكررة ..
وكل مرة ابشع من القبل..
صفنت بيني وبين نفسي..
ليش منتصر هيج..
شنو اليخلي ياذيني..
هو ميكرهني يحبني..
واني اعشقه واريده..
ليش يريدني اكرهه..

عشت وي منتصر ايام  محد يعلم بيها..
اهلي مننوع اوصللهم بعدني عروس..
جسمي تشوه وشبعت اذية ..
عبير تجي تسوي نفسها محبه وهي حية..
فد مرة اجت هي وحماتها...
بس هي صعدت لغرفتي ع اساس تشوفها..
هو اجه يمنا..
خليته براحته ردت اعرف شكو بينهم..
لاحظت الميانه البينهم فظيعه!!
اني ماكدر احاجي منتصر هيج،..

خليتهم براحتهم كلش..
ورا ماراحت سالته..
_منتصر شنو علاقتك برواء؟؟
_ههه طلعتي ذكية ولج..
_يعني اكو بينكم شي؟؟؟
_اي جانت صاحبتي قبل بس عفتها..
تولي متفيد ماخلت واحد مالعبت ويا..
_وبكل وقاحه تحجيها بوجهي!!!
ع الاقل احترم مشاعري..
_تروحلج فدوة لج انت شريفة..
شتقارنين نفسج بهال......

غلست ماحجيت كلت ماضي وراح..
ولو يحبها صدك ماتزوجني واصر عليه..
مر ع زواجنا اسبوعين وسافر لبغداد..
اني ميقبل اروح لاهلي..
لازم ابقى ابيت اهله..
جنت اتواصل وي اهلي وصديقاتي..
واجه موعد الدوام..
ماخلاني اداوم كال اجلي السنة..
هالسنه ثالثة اني..
اختي شمس تخرجت ..
صارت عدها اوقات فراغ..
كتلها مريلي باستمرار اضوج وميقبل اطلع..

ضليت شمس تجي يمي ونكعد نسولف..
تحس بيه متضايقة وبيه شي..بس ماردت اصدمها ..
واخاف تكره فكره الزواج..
ماريد اتيبب بعقدة لاختي..
بس اطياف تعرف بالي يصير وياي..
وتنصحني اوكف بوجهه..
بس اني اخاف منه..
وماريد اخسره احبه..

جان منتصر يمي اسبوع وشهر واكثر بيغداد..
وخلال جياته ينتقم مني انتقام.
بكل ليلة اني ايدي تتكلبج ..
وحلكي ينسد واتعرض لانواع التعذيب والعنف..
وجان مولع بالممارسة الشاذة..
يعني مواصلي بالطريقة الطبيعية..
غير مرتين من زواجنا..

بس لازلت احبه واكول بلكي يتغير..
مر ع زواجنا شهور..
وهو جياته يمي قليل..
اكثر شي بشغله..
ماجنت اعرف شنو شغله بالضبط..
مجرد مهندس بشركة اجنبية..
وجان يغيب هواي من قبل الزواج هي نمط شغله..

جيات شمس مستمرة الي..
وعرفت بيوم من الايام..
عدها علاقك بجلال..
بيوم جانت يمي وصاحتلي خالتي..
كالت منتصر ع الخط يكول فونج مغلق وينج..
كتلها مابي شحن انطيني احاجي منج..
حاجيته منها واستلمني غلط ورزالة تمام..
عباله عندي شي وغالقته..
عيط عليه وكال روحي هسه تفتحي اريد احاجيج.
اعرف يريد يكمل رزالة..

صعدت ركض فتحت الباب..
شفت جلال يجر بشمس اريد يحضنها وهي تدفع بي!!!!!

للحكاية بقية..
بقلم شقراء(قمر كانون)