رواية المليحة والمهووس الفصل الرابع والعشرون 24 - بقلم Shaqraa

المليحة والمهووس
الجزء الثاني والعشرون

ضليت اباوع للفون وارجف..
شلون اتصرف شسوي..
احجي لاهلي ..
واذا حجيت وتعاركو ويا وعاند اكثر واذاني..
شسوي هسه شلوووون..
خطر ببالي الولد اقارب اطياف..
بما انه يعرف عن المرض ..
اكيد يعرف تصرفات المريض..

خابرت عليه ماكو جواب..
ذبيت الفون واحس دخت..
مو وكتج حوراء هسه..
صيري قويه لخاطر سمعتج..
بين تفكيري دك الفون مرتضى..
جاوبته بس اشهك كوة احجي..

مرحبا استاذ اني اسفه ازعجتك هيج وقت..
_لا بالعكس كتلج اني حاضر باي وقت تردين..
بس ماكدر افهم عليج هدي شوي..
استاذ فدوة اني بورطة..
بس اريد افهم منك..
طليقي يحاول يهددني حتى انفذ رغباته..
واذا ماقبلت يفضحني..
معقولة هالشي عنده ويتنفذ؟؟

شلوووون؟؟؟وبشنو هددج؟؟؟؟
بجيت حيل فديو وصوررررر...
ليش منيله ؟؟
فهميني اكثر..
خليني اعرف اتصرف..
بس فهمني يسويها؟؟
احرك الخلفوه غييييير..
بس احجي شنو عنده ضدج؟؟؟

حجيتله ع الفديو والصور بس كوة احجي ..
موضوع يخجل مو سهل..
شوفي انت تسايري هسه..
وكليلة باجر اشوفك وتواعدي ويا..
شلووون؟؟لو يذبحني ماسويها..
دسمعيني يمعودة شبييج تخبلتي فهمي علي بس...
اتفقو وين تلتقون ومشي الامور طبيعي..
اني اتصرف..

ليش انت؟ماريد اسويلك مشكلة..
اني حكول لاهلي ..
اخواني هم يتصرفون..
اوووش دربالج..
لتجيبين سيرة لاخوانج..
وبطلي بجي كافي..
صيحيلي اطياف اريدها..

رحت صحت لاطياف استغربت..
بس جاوبته..
اني اباوع لوجهه وتعابيره..
واستمع لجوابها..
اي هسه ادزه مني ..
مافهمت شنو بس المهم حيخلصوني
ختمته ويا وحاجتني..
ليش مكلتي الي صار؟؟
مخبلة انت تسكتين ع هيج شي..
شنو حجيتو عفيه شنو راد..
ماراد شي بس كال هدئيها شوية ليرتفع ضغطها..

لا الحمدلله قويت نفسي شويي صح دايخه بس مو هوا؟؟؟
هو شمدري بصغطي؟؟
اني ماحجيتله!!!
اووف شمدريني يجوز حجيتي بلا متدرين..
وكافي تحليل وتفكير حتموتين..
كومي اكليلج لكمة..
حتى نعرف شنسوي،.

شربت حليب واكلت بسكت لان نفسيتي مسدودة..
وكعدنا اني واطياف شوي نفسيتي شبه ارتاحت..
دزيت مسج لمنتصر وين نلتقي؟؟
اجاني الرد بصواني..
عندي شقة صديقي..
وين صايرة؟؟
بالجزائر..بس شعجب قبلتي؟؟
لو حنيتي للذلة ولج..
اوف يا ليالي الخلصتها وياج..
احلى من الف ليلة وي غيرج..

اني احس نار تسعر بداخلي..
بس ماردت ابينله..
شكد مقزز وقذر ومنحط..
خلصت نفسي منة كوة ونمت بعد عناء وتفكير..
كعدت الصبح احساس بداخلي مبهم..
ماعرف يائسة خايفة منتهية..
المهم شي سالب راحتي..
طلعنا اني واطياف وصلنا للكلية..
خابرني مرتضى..

صباح الخير..
تطمني واخذي راحتج بعد ميضايقج..
شلوون يعني؟؟
صارت بعد لتفكرين ..
يلا اخذي راحتج ..
لحظه اني اشكرك هواي..
ماله داعي..
كتلج شنو تحتاجين اني موجود..
حاليا اترخص مع السلامة..
مع السلامة..

شبكت اطياف ضليت ابحي..
لج يكول خلصت الشغلة لتخااافين..
الحمدلله ياعمري كافي بجي ارتاحي اهدأي..
كعدنا شوي هدأت نفسيتي..
اطياف شلون خلصها؟
اريدج تعرفين عفية..
خابري وفهمي منه..
ارتاحي هسه تالي احاجي..
لان امبين مشغول..
اي صح صح..

كملنا دوام ورجعنا..
احس نفسي احسن..
اكلت وسولفت..
صعدت نمت شوي وكعدتني اطياف..
حويره ام المصايب..
كعدي ولج خبلتي الرياجيل،.
فزيت شصار ولج شكووو!!
ههه ماكو شي بس فتحي عيونج عدل..
حتى تشوفين الصور الي دازها الج مرتضى..
وين وين ياصور؟؟
كال بفونج دزلج..

طفرت فتحت فوني واطياف لاطشة بية..
لكيت صورتين لمنتصر بلا لبس!!!
بس مسوي تمويه ع قسم من جسمه!!!
ومربوط من ايديه وكاعد ع ايديه ورجليه!!!!
اطياف تكمز فوكي اني انصدمت ماعرف شكول،.
اجه فديو فتحته..
بي منتصر بلا ملابس وهم تمويه..
ويزحف ع ركباته وبركبته سلسلة  !!
ودز مسج..

لعيون الريم احرك عشاير
واگاوم كلمن نظر للشفة..
الرموش سيوف والنظرة خناجر..
وحلاة الشفة من تخجل برجفة!!!

للحكاية بقية
بقلم شقراء(قمر كانون)