رواية المليحة والمهووس الفصل الخامس والعشرون 25 - بقلم Shaqraa

المليحة والمهووس
الجزء الثالث والعشرون

منا وضع منتصر صدمني!!
منا الشعر الدزه..
درت ع اطياف..
شفتي الي شفته؟؟؟
ايي شفت خلي اروح اتمدد تعبانة..
تعالي لج متطلعين..
لزمتها ووكفت ع الباب حتى لتطلع..
مرتضى يعرفني؟؟
شنو هالشعر الدزه..
وضع منتصر ماخبلني مثل الشعر..
ترى امبين يعرفني اني مو غبية..
من غيرته من عرف بالموضوع لهسه..
ترى امبين انزعاجه وقتها مو شهامه!!

مغلسه متريد تجاوب..
عوفيني حويرة ولي..
معليه اني معليه..
اممم بسيطة معليج مو؟؟
تكسحي لعد برا..
فتحت الباب وادفع بيها هي ميتة ضحك..
سديت الباب بالقفل ..
اخذت الفون خابرته..
جنت مرتاحه ع وضع منتصر..
مو طبعي الشماته بس احس اخذ جزاء بسيط..

اجاني صوته بعد تنهيده وحسرة..
شلونج!
بصراحه ماعرف شلوني..
بسسس شنو هالمسج!؟
دازه الي بالخطأ؟؟
حوراء...
اني احبج!!!
سكتت مصدومه..
ماعرف شنو اجاوبه..وشلون اتصرف..
ماعرف شلون طلعت كلمة..
منو انت؟؟

كافي لف ودوران خلاص..
اني ع كولتج السفاح هههه...
شنوووووو!!!عزاا هذا شيحجي!!
سديت الخط بوجهه..
خليت ايدي ع حلكي..
شلون هيج يعني ؟؟
شجاب هذا عليه؟؟
وشلون اطياف كالت اقاربها..
بس فعلا هو من سال عن ضغطي..
والمسج مالت شخبارج وغيره..
اصلا  عرفته مو منتصر..

طلعت لاطياف سالت امي..
كالت بغرفتها..
رحت دكيت الباب كالت ادخل..
فتت لكيتها متمدده..
شافتني تقريبا فهمت ..
ها اشو جايه هاده ولج..
اجيت كفشتها ضلت تكمز..
شيطانه شلون صار هيج..
ولج عوفيني خبيثه معليه اني..
شوفي تحجيلي كلشي لا احولج من اطياف لكوابيس..
عوفي شعري سخيفه هسه احجي..

باعي هو جان رايدج من شافج من تخربطتي وضليتي تهذين..
من وقتها رادج..
بس جنتي ملتهية بهرهور وناسيه الدنيا..
ههه ولج عوفي تحشيشج فهميني..
اي ورا فترة اجه للكلية..
حاجاني كال امبينه متتفاهم اريدج تحاجيها..
كتله مخطوبة ترى هي ..
حسيته ضاج وانفعل..
كال ليش ماكلتي قبل لتنخطب..
كتله اصلا عدهم علاقة حب من الاول..
سد الموضوع وماشفته بعد..

ورا متزوجتي هم شفته بالعمادة وسلم عليه..
وسال عنج كتله وضعها مو شي ممرتاحة..
حسيته فرح شلون العنده امل..
كال شفتها وي واحد يكطع الخلفة هو هذا رجلها؟؟
ههههه اي هو ..
اي وللكلاب حظوظ..
المهم هذا رقمي خلي يمج ..
لتخافين مجاي ازحف عليج ترى ..
لا شدعوة هيج مااشجع ههه..
لا هواي احترمج اخت وصديقة عزيزة...
تسلم دكتور اتشرف..

ضل بين فترات يراسلني يتطمن عنج..
وكتله رجلج منعج تداومين..
بصراحه جان يشبعه سب واني اتونس..
الى ان سالتين ع المرض..
كتله وشرحلي..
ومن طلبتي تحاجي طار ماصدك..
بس كال لتحجين اني منو لان هي مترتاحلي..
اخاف عبالها اجذب عليها بمصوص المرض..

امممم وست اطياف هذا كله من وراي؟؟
باوعتلي صفح..
شمسويه من وراج..
انت مخج قافل ومخبلة..
زين هسه هو اعترفلي يحبني!!!
جذذب ..
هه لا صدك ..
حنطي بلوك واذا تدخلتي انطيج انت هم بلوك..
وهسه اريدج تخابري تفهميلي وضع عوع ..
شلون هيج صار وشخبار الفديو والصور؟؟
عابت هسه اخابره..
دكت عليه ماكو جواب..

عفتها كلت اخابر ع شمس ..
تتطقسلي اخبار منتصر..
فتحت الفون مكالمات من مرتضى..
انطيته بلوك من البرامج من السيم كارت..
خابرت شمس وحجيتلها مختصر..
خطيه خافت كتلها بس شوفيلي الوضع..
اوكي هسه اسده شويه واخابرج..

كعدت انتظرها تاخرت ..
رحت طلعت بسبوسة اكلت..
احس نفسيتي ارتاحت وشهيتي مفتوحه..
يمكن شعور منتصر انذل ريحني..
اما مرتضى ماسمحت لنفسي افكر حتى بي..
لهواااي اسباب..
شوي ودك الفون شمس..

لج حوووور جيبي البشارة..
شكو ولج..
منتصر بالمستشفى عنده رضوض وكسور!!
ذابي من سياره يم الباب العصر..
جان مربط وبس بالداخليات..
يبووو وهسه؟؟
ماعرف يكولون زين وضعه..
بس مسلبي..
حتى فونه ماخذي..
خابرت مرت منذر..
وكالت لتحجين لجلال ماقبلو نحجي..
بعدكم عرسان ضلو تونسو..
لج اه ريح قلبي هذا فدوه اله..
اكول ولي انت الثانيه..
ههه بومه..

ختمته وياها ضليت متمدده بفراشي..
شلون هيج سوا مرتضى..
عندي فضول اعرف الصار..
معقوله هيج يحبني؟
تذكرت كلامه ونظراته..
جانت كلها بيها معنى ومغزى..
بس اني غبيه كلش..

اندك الباب اطياف كتلها دخلي..
ها الغراب عرفنا القضيه..
وجع غراب بعينج..
تعالي شرحي بالتفصيل..
باعي ابن اخته ملازم اول بالمكافحة..
ومكلفه بالشغله..
وخاطفين منتصر قبل ليجي الصبح..
كاتلي ومعذبي مطلعين روحه..
وماخذين الفون مالته..
ومصوري حتى ليبتزج بعد..
مهددي لو يطلع من البصرة لو ينشرون الفديو..
يطلع!!؟
اي يطلع كلعه عساه..
دفعة مردي بهوا شرجي..
ههههههه..

زين الفون مالته وين هسه؟؟
ماخذه مرتضى بس بصراحة..
شنو؟؟
من حاجيته يحجي معلك..
يكول ليش ماحجيتي من اول..
عاجبها الي صاير بيها وساكته..
هيج بشر مكانه وي الحيوانات..
كتله يولي متدري بي انت قابل..
كال..
لج من شفت بعيني احس روحي احتركت..!!!
شنووو شاااف!!!!

للحكاية بقية..
بقلم شقراء(قمر كانون)