رواية المليحة والمهووس الفصل السادس 6 - بقلم Shaqraa

المليحة والمهووس
الجزء الخامس

سمعته سلم حجيت وي نفسي..
واخيرا شرفت لو ضال للعصر..
رفعت راسي شفته رافع حاجبه ..
انصدمت طلع شاب توقعته شايب..
الظاهر سامع شنو حجيت عليه
نظراته امبينة..كال..
_حضرتج المريضة مو؟احجيلي شنو اعراضج؟
_ايي اني لج اطياف احجييي..
طبعا شبه اهلوس لان مرتفعه حرارتي ..
ومنا ضايجه ومالي خلك..
بحيث اتصرف بخبال..
كلتله اطياف..

_دكتور حرارتها عالية ودايخة ومعدتها تمغصها ..
وهي كلش تاكل قليل ..
كام يمي جاب جهاز الضغط والمحرار ..
_فتحي حلكج شوي..
باوعتله صفح كتله ماشتهي اكل..
_هههههههههههه يابه انت مريضة لو مخبلة!!
اندار ع اطياف تدرين صديقتج تهلوس..
_لا عيني شبيه اهلوس اصحى منك..
فضها بردانه اريد ارجع لبيتنا..
ضل حابس ضحكته كوة..
اخذلي ضغطي وكوة خليته..
اتضايق اذا تقرب مني رجال صح هو حالة طارئة..
بس مارتاح احس اخون منتصر كال..

_ضغطج هابط لازم تاكلين ..
بس اقيس حرارتج حتى اعرف وضعج يحتاج ابرة لو لا..
_ماريد ابرة حتى لو تكتبها اخذها برة واذبها..
_اوكي بس نجيك فتحي حلكج..
فتحت حلكي حط المحرار لعبت نفسي
اباوعله حابس ضحكته كوة..
هذا شبي ارعن خانكته الضحكة
شنو قرد كدامه اني..

باوعلي راد يطلع المحرار واني سادة حلكي كوة
لان نفسي لعبانه واخاف يوكع..
من اخذه باوعت بوجهه حتى اعرف وضعي ..
جان همي مااضرب ابرة بس..
هو من اخذه ركز بشفايفي وعض شفته وتنهد..
صح جنت لاكفه ونص اهلوس بس احس ..
تضايقت من تصرفه..
_يلا اطياف امشي اريد ارجع للبيت..
_لحظه اكتبلج الدوا عيني وروحي
لتخافين متحتاجين ابرة..
بس الاسم الكريم والعمر ؟
_حوراء محمد وعمري عشرين..

_اوكي هاي اخذيها للصيدلي ورجعي حتى اوضحلج شلون تستخدمي..
كالت اطياف انت تعبانه كعدي اني اروح..
خبيثة عافتني وطلعت ..
باوع بوجهي كال وهو ضاحك ..
_لازم تتغذين زين ترى ضغطج هابط..
اني جان سويتلج اج بي ..
بس ابو المختبر ممداوم اليوم..
فد يومين وتعالي..
ترى الدم اذا نزل مو زين ..
انت مثقفة اكيد تعرفين هالامور..
_باوعتله حركت عيوني اله
اني بيه طبيعة استخدم عيوني بالحجي هواي..
وهن كبار وسود يعني يبين الكلام خلالهن..
رجعت اطياف ..
كتبلي شكد اخذ وطلعنا وصلت للكلية كوة ..

كعدت خابرت حيدر كتله تعبانه..
صدك اجه اخذني للبيت اخذت علاج ونمت..
يوم ثاني مداومت..
لحد ماصرت زينة واجت الامتحانات..
ومنتصر مامنه خبر..
امتحنا وعطلنا نصف السنة..
اجه النصف الثاني وداومنا..
بيوم من الايام كاعدين بالحديقة نسولف..
وشفت الدكتور جاي يمشي باتجاهنا..

بالاول صفنت ناسيه منو..
بس هو جان مميز بضخامته وطوله..
يعني اعتقد طوله مترين ..
وخشن شكله جنه سفاح بالافلام..
تقدم علينا وسلم..
_السلام عليكم..
اني واطياف..وعليكم السلام..
_شلون صرتي ست حوراء ليش مااجيتي
اجيك دمج؟
_ماله داعي شكراً..
اطياف ..تفضل دكتور ليش واكف..
_لا تسلمين عندي شغل من رخصتكم..
راح واطياف تكرص بيه..
لج شبيج مخنزرة بي عيب ع الاقل كومي وحاجي فشلة دكتور شكبرة وشكدة..
_صدك اني كاعدة نسيت..
بعدين لج هذا مو دكتور..
هذا سفاح امبين يتصورلي بيده المكص ويشك ببطون الناس ..
دشوفي ايده من يرفعها توصل للطابق الثالث..
_ههههههه خرب يومج ماتتوبين..

مرت فترة واني نفس وضعي..
كلياتي بين فترة وفترة تأذيني..
وعايشة ع ذكرى منتصر..
افز بالليل من نومتي ..
الزم قلبي احسه فارغ ..
شلون المعدة من تفرغ وتضل تمغص..
هيج احس بي فراغ والم..
احضن نفسي واضل ابجي بحركة..
ليش تركني ليش علقني بي..
من الاول ماردت ليش ورطني..
حتى ملامح وجهه تلاشت من عيوني..
ضلت اشياء بسيطة..
بس زادت محبته بقلبي..
مو يكولون البعيد عن العين بعيد عن القلب!
لعد ليش اني كلما يبعد كلما يتعمق بقلبي...

بقيت ع هالحال ومنتصر غايب..
اخير امتحان خابر عليه رقم..
جاوبت طلع منتصر!!!!

للحكاية بقية
بقلم شقراء(قمر كانون)