رواية المليحة والمهووس الفصل الخامس 5 - بقلم Shaqraa

المليحة والمهووس
الجزء الرابع

سديت الخط منها بس احس قلبي يبجي...
ماعرفت شتصرف احس فصلت عن العالم..
مشيت لفراشي تغطيت ..
ضليت ابجي بحركة بحيث الدمعه من تنزل كد ماحارة تبرد قلبي..
ماتذكر شكد بجيت بس كعدتني شمس..
الساعة ب٩ونص بالليل...
_لج كافي نايمه من الظهر شبيج..
يوومه شبيج وجهج مورم شنو ضغطج صاعد..
_ لا من النوم ..وكمت مالي نفس احجي..
احس راسي ثكيل كلش..
عيوني كوة افتحخا احسها مورمه..
والم بصفحاتي عجيب..
ماهتميت لان الم قلبي اقوى..

رحت شربت حليب وسبحت..
ردت شي يخفف من الحرارة البداخلي..
رجعت للفراش كبل..
حاجتني شمس مجاوبت..
غطيت راسي وبقيت ابجي حتى الفون ماتقربتله..
ضليت منطوية كم يوم ووضعي الصحي ساء..
اطياف تخابرني وتراسلني ..
اكلها يمكن مااطول بدونه..
مو بيدي احبه..
هو اول رجال بحياتي..
تهديني وتخفف عني بس هي الوحيده الي افرغ البداخلي يمها..
عبير ابد ماتصلت صارلها فترة..

بس اتصلت علي اليوم..
_هازحورية شلونج حبيبتي شخبارج وتبجي!!!
_الحمدلله عايشة..خير ليش تبجين؟؟
_لج حوراء منتصر راح يستقر برا..
امي ميته عليه متخبلة ..
وابوي ضغطه مرتفع بسببه..
_اي اني شبيدي؟؟اشو هو مانطاني خبر..
حتى ماكال راح اروح من يوم رفضو اهلي..
عبالك جان منتظر حتى يطفش..
_لا هو يحبج وماتحمل خاف تصير مشاكل ...
خابري خيرجع هو ياخذ حجايتج..
_لا تعذريني ..ماكدر اتصل اذا هو مافكر بيه وحتى ماكلف نفسه وحاجاني..
الله وياه ويسهله..
ختمته وياها وهي تبجي..
بس اعرفها ترائي..
شكد جنت احبها واحترمها..
بس هسه قلبي لاعب منها وكارصني..
ماعرف ليش رغم اسلوبها وحجيها تحسسني تموت عليه..
بس احسها متريدني اصير لاخوها...

حالتي الصحية تعبت والم صفحاتي زاد..
وجهي شحب صار وجه ميت..
ماكعد يم اهلي مثل قبل..
جنت قبل اني وشمس ورضا وحيدر..
بالليل نسهر ويوميه فلم والكعده الحلوة والاكل والكرزات..
هالكعدة جانت احلى شي عندي..
بس ضليت افوتها انام من وكت..
بس اني مو انام لا..
انام واتغطى حتى ابجي..
حتى اريح قلبي ..
اريد اعرف ليش؟؟؟؟
اهلي رفضو بدل ميوكف وياي..
يتركني وحتى مينطيني خبر؟؟؟
ليش هيج قاسي وقلبه صخر..

شمس فاهمة الي بيه بس مابيدها شي..
مقهوره عليه تحاول تحاجيني..
بس اني صرت كئيبة ..
كأنو الدنيا كلها بيها شخص واحد هو منتصر..
وخلاص راح معناها ماكو احد بالدنيا..
احس الناس كلها عدم...
مرت كم يوم جنت جاي اغسل مواعين الغدا..
بس حسيت مثل شي رفسني بصفحتي..
لزمتها ورجعت كعدت ع الكرسي..
بس احس الالم موتني..
نزلت دموعي بسرعه..
هو طبيعتي دمعتي بسرعه تنزل..
ومنا اريدلي حجه حتى ابجي..
التمت علي..
اجت مرت قاسم تاخذ الجاي شافتني اخترعت..
احتارت شتسوي صاحت لامي واجو كلهم..
ماكدر اتحرك كلش احس الم قوي..

كوموني وساعدوني ابدل وكالو شوي ونروح للدكتور..
متفيد المستشفى لازم اختصاص..
اخاف اكو شي بكلياتج..
صدك شوي ورحنا اخذنا رضا وامي وياي وشمس..
فتت للدكتور وسوولي تحليل وفحوصات..
انصدم الدكتور بالنتيجة..
بابا وين جنتي وليش هيج هامله نفسج؟؟
عندي التهاب بجدار الكليتين ودرجته عالية!!
امي انصدمت خطيه ضلت محتارة..
_زين دكتور شنو الاسباب لان هالشي فجأة وهي مصارلها هواي من حست بالالم..
قبل ابد مشاكية..
_يااما وراثة او صدمة او التهاب عادي بس هذا مو فجأة اله تمهيد اله اعراض..
حسب تحليلي السبب صدمه او مقهورة ع شي؟؟
_لا دكتور ماكو هيج ..
لاحظ الدكتور وضعي فهم ..
انطاني علاج ومنعني من اكلات هواي..

اطياف اجتلي شافتني..
شبكتها ضليت ابجي..
طكت روحي ودي اصرخ بعلو صوتي..
مجاي ارتاح ابد..
اطياف..شوفي حوراء هو راسلني..
يكول مالي عيشة بالعراق وهي مو الي..
كتله ليش ماحاولت اكثر من مرة..
كال ابتعد هسه احسن واذا مقسومة ارجغ..
_لج احس ماحذ حيلي..
تخيلي من قهري زين ماوكفن كلاتي..
_صيري قوية عاد مو كلش ..
لج انت جنتي تعيبين ع التحب وتتأذى..
_اطياف اني عندي منتصر وي الهوا
لج اريده ماحس بروحي عايشه بدونه..
شبكتني وضلت تبجي..

ضليت ع هالحال ايام وايام..
والعلاج مستمر حسيت بتحسن شوي..
بس عالمي مغلق بس اني وذكرى منتصر..
اجو ناس خطبوني ماطلعت اصلا ..
حاولت وياي امي بس قنعتها منعرفهم وبعدني صغيرة..
اجه موعد الدوام داومنا بس مو بواهس العام..
شمس تمرلي تاخذني لكليتها نتمشى اني وياها واطياف..
جان عدهم ولد اشوفه هواي يباوع..
بس احس حرام غير منتصر يباوعلي..
ضليت مااروح لهالسبب..
اعتكفت بكليتي..

طبعا اكلي كلش قليل اكثر شي عصائر اكل..
بيوم تخربطت بالكلية ..
اخذتني اطياف للطبابة وجان شتا شهر الواحد..
واني ارجف لزمتني باردة ومعدتي ماغصتني..
فتت للغرفة مال الدكتور هو ترخص وطلع بسرعة..
واني منا تعبانه..
_لج هذا ويييين راح خرب يومه..
_ولج فشلتينا اسكتي يجوز حمام شي..
متشوفي كال تفضلو هسه اجي..
اكيد شي طارئ..
_خيروووح شي طارئ يعوفني اون ويرووح..
هالحجي جنت مصخنه واون واطياف يمي تسكت بيه..
واني عجوز وماخذين تقاعدها بالحجي والگرگة..
لج اطياااااااف وين راح هذا الثور ع كولة بيبي..
ماسمعت الا ...
آسف انشغلت شوي...

للحكاية بقية
بقلم شقراء(قمر كانون)