رواية المليحة والمهووس الفصل السادس والعشرون 26 - بقلم Shaqraa

المليحة والمهووس
الجزء الرابع والعشرين

عزا العزاني لج احجي...
مرتضى شاف الصور والفديو ..
ضليت الطم ع وجهي ودموعي تصب..
لج تخزيت تفشلتتتتت..
بيا عين اشوفه بعد ..
الله ينتقم منك منتصر..
ومنك مرتضى النذل..
يعني ماكو رجال شريف..
كلهم مو ثقة خرررب هو ليش يشوفه ليش..

حاولت اطياف تسكت بيه لحد يسمع..
لج مامتاكده شبييييج..
لا متاكدة ونص..
طبعا يشوفه اكبر سرسري هذا ..
لو شافني تضل عيونه تلعب..
ودزلي هذا الشعر ع اساس يشوف بيه مجال لو لا..
لج اكره الرياجيل اكرههم اكرههمممممممم...
كافي ولج خلينا نفهم..
اني اراسلة واحاول اجر منه الكلام..

بقيت افكر اكثر..
صح هو وكفته وياي حلوه..
بس هالتصرف صغره بعيني هواي..
مر اليوم كوة وكابة..
يوم ثاني مداومت وحتى اطياف هم..
كعدت متاخرة امي سالتني..
كتلها تعبانه وماكو محاضرات..
كفينا شغل البيت ورحت سبحت..
طلعت من الحمام لاكتني امي..

يمه اختج اليوم ترجع ..
شعجب؟
هذا المكموع مدعوم مدري شبي ..
واخو سامع ورح يرجعون..
يوو عساه..
شوكت يوصلون..
هيج ب٥ تقريبا..
الله يجيبهم بسلامة..
رحت مشطت وامي كملت الغدا..
جاي اصلي واجت اطياف..

حويرة بله لتقفلين علي زين ..
ولي منا ..
مااولي جايبتلج اخبار..
اخبار ايش؟؟
بوسي ايدي بالاول واحجي..
شلون رح اكوم اكسر ايدج هسه ..
غردي يلاااا..
حاجيت مرتضى ويكول مضروب بلوك ثلاثي الابعاد..
كتله عوفها هالفترة صاعدات كويلاتها ع كولتكم..

شنو كويلات؟؟وشنو هالمفردة ع كولتهم هم منو؟
يعني خبالات شلون خبالاتج..
وهو اصله دليمي من الغربية..
امممم ..
وبعدين شصار؟؟
مصار شي بس اعتذر وكال وصليلها كلامي..
مو لائق تنطيني حضر بهالطريقة..
وتكدر تكول ماكدر ارتبط واني انسحب لوحدي..
ع العموم انتهى الموضوع وخل تتطمن..
الفديو والصور انحذفت ..
وبعد منتصر ميحاول ياذيها باي شكل..

اوف اطياف اني غلطانه مو؟؟
صح ماريد انطي امل..
بس يمكن تصرفي ماصخ زيادة..
يلا باجر ينسى ولو اني جفصت ببطنه..
اي ينسى خبالج..
يعرفج لاكفه رسمي..
ههههه...

ضليت افكر صح عيب هيج اسوي..
بس هو هم سخيف ليش يشوف..
بس منو كال شاف؟؟
اوووه اكيد شاف طبعا..
ضل دماغي مشوش..
العصر رحنالبيت شمس اني وامي والولد واطياف..
عيالها ميدرون بيها حتجي ..
باركنالها وضلينا نسولف
تالي كمنا ويا اني واطياف..
واشتغلناها تحقيقات..

طبعا جلال رايح يشوف عوع..
يلا شمس هاتي ماعندك بسرعة..
ههه ولكم اوكفو خل اجر نفس..
جري خيه جري واحجي..
ولج عوع بالمستشفى مكسر..
وعليه اثار تعذيب..
هم شاكين خاطفي بعدواة ..
ورويه متقبل تروح للمستشفى تشوفه تلعب نفسها..
ههههههههههههههه هي كلها عباره عن لعبان نفس..
هسه شنو جلال يمه؟
اي ولج رايدين يطلعو كلش والدكتور مانعهم..
خايفين من نزيف داخلي..
يااا..
وجعا امشو جوا كافي..

رجعنا كعدنا نسولف وشوي واجه جلال..
سلم وكعد يسولف..
ساله قاسم عن عوع كله هواي متاذي امبين متعرض لاعتداء قوي..
وسالناه يكول ماعندي عداوات..
بين الحجي والسوالف جاي انطيهم هداياهم ودك فون جلال ع القنفة يمي..
من رخصتج حوراء منو ؟
خالتي..
اخذه جاوب الو..
شنوووو اني جاي اليوم اسويها دم!!!
ركض يدور يريد سلاحه ولزمو بيه الولد...

للحكاية بقية
بقلم شقراء (قمر كانون)