رواية المليحة والمهووس الفصل السادس والثلاثون 36 - بقلم Shaqraa

المليحة والمهووس
الجزء الثالث والثلاثون

حسيت قلبي رح يوكف مديت ايدي ع بطني..
تلمستها متوجعني..
معناها طفلي بعده عايش..
بس اريد اطلع الكلمة ماكدر..
جانت امي تقرا دعاء بيدها..
ضربت بالسرير التفتت شافتني كاعده واجت...

الحمدلله ع سلامة بنيتي حبيبتي.،
خوفتينا عليج ياعمري ..
اريد اسالها شنو صار ماكدر..
اشرتلها بيدي ع بطني معناها بخير لو لا..
هي جانت مبتسمه وتحاجيني من اشرتلها..
نزلت دموعها وي ابتسامتها...
شنو ماما ليش متحجين..
اشرتلها ماكدرر..
يلا عادي فتره ويرجع لتخافين ياعمري..

خابرت ع مرتضى ثواني واجه..
فات وباسني ع راسي..
الحمدلله ع سلامتج حبيبي..
لتخافين مابيج شي انت والنونو بخير..
هسه ماكو سونار باجر اخذج لدكتورج ونسوي فحوصات ..
هسه شتحسين حبيبي..
ابتسمتله وهزيت راسي سويتله اوكي باوع لامي..
حسيته ماكدر يسال وراد يحجي وي امي بس مو كدامي..

حاجه امي هو يكلها يمه..
يمه روحي ارتاحي احنا هسه نطلع بعد ماحاجه نبقى..
حيدر جاي يخابر برا امشي اوصلج انت تعبانه وانهبطتي..
خل ناخذها يمنا مرتضى بعدها تعبانه..
تعذريني ماكدر اعوفها بهيج وضع..
تعالي ابقي يمها انت..
لا يمه تعرف ماكدر اعوف البيت باجر اجيج حورية ماما..
هزيت راسي بوستني وشمتني خطية ..
دربالج ع نفسج ياعين امج وروحها ..
ودعتني اخذها مرتضى وطلعو..

شوي فات حيدر وياهم هم باسني وتطمن وراحو..
رجع مرتضى كملنا كلشي وطلعنا بس ماحجه شي..
الظاهر فهمته امي راح صوتي..
رجعنا للبيت كعدني وطلعلي ملابس..
اجه يريد يلبسني اشرتله يوكف ماهتملي بدا ينزعني..

شبيج مشنجة نفسج ولج رخي شوي هي جكة ابرة هههه..
ابتسمتله لزم ايدي باسها..
ينزع ويبصبص مو بيده ابد مو راحة..
اشرتله عيونك ضحك حيل..
هسه محرومين خل نمتع نظرنا شكد بخيلة..
يعني اشوف الفستق واللوز كدامي وماكدر اكله عاد اباوعله..
اشرتله بعيوني ضحك..

نمت ونيمني بحضنه ..
يوم ثاني اخذني للدكتور المسؤول عن حالتي وبعد الفحوصات والسونار ..
طبعا الدكتور يعرف حالتي لان صارت قبل مالت عدم النطق..
كال الوضع نفسه وممكن باي لحظه يصير نزيف وع الاكثر الرحم ينشال اذا الحمل بالبداية..
اما بالاشهر المتقدمة يصير الضرر عليه ممكن الطفل يعيش بس اني اتضرر..

نصحني الدكتور ويشرحلي ممكن بعد كم سنة وي العلاج وضعي يتحسن..
بس هسه بعده الوضع خطر جانت بس دموعي تصب...

اجت امه وعرفت بيه حامل بالاول تعجبت ..
تالي كلها مرتضى جنت اتعالج وصار بس حوراء تعبانه..
من شافتني وماحجي استغربت حسيتها..
تعاملها وياي اختلف جنت متوقعة غير شي ..
صارت زينة وتداريني ..
مرتضى ماحجه بعد لو ضغط عليه بصورة مباشرة..
بس من خلال اهلي واطياف يدزهم يحاجوني..
بس اني مااسمع لاحد..

مرت فترة عليه خلصت الدوام بالكوة ..
لان مااحجي وتعبانه بس الاستاذة هواي تساهلو وياي..
هواي غيابات واجازة..بس ماردت اترك بس ردت اخلص..
بدت بطني تبين والفرحة مسايعتني..
بس حركتي محدودة صارت ومرتضى ابد ميصير يتقرب مني حتى المداعبة ممنوعة..
بس هو متفهم و معتني بيه مثل الام من تعتني بطفلها..
يعني ثبتلي يحبني حب منقطع النظير..
وشكد ممنونة من اطياف لان شجعتني اقبل بي..
يعني لو مضيعته ماالكى مثله بحياتي..
بس هامل نفسه لحيته شطولها وشكله تعبان..
احس كره كلشي وماله واهس بشي..
يعني اليشوفه يستغرب لان طبعه مرتب ومعتني بنفسه..

عرفت من شمس رواء راجعة لمنتصر بس ماخذها لبغداد مستقر هناك..
وعبير حامل من قبل لترجع لزوجها..
طبعا شكد حاولت تتواصل وياي بس ماطيقها..
وشمس تعرف شلون تتصرف وياها..

خلص الدوام وارتاحيت كلش ..
بقيت بالبيت حتى مااطلع المهم طفلي يسلم..
بس خلال هالاشهر احس الم ببطني ع طول بس مااحجي ابد..
وكل مااروح افحص الدكتور يكول زاد الخطر لان جاي يكبر..

فد يوم الصبح كاعدين اني ومرتضى نتريك ..
وامه ببيت اخته هي اغلب الوقت عدهم..
لان عائلة وتتونس وياهم..
دك فون مرتضى بس جاوب كمز بسرعة..
كال امه بالمستشفى صاعد سكرها لان هي بيها سكر وضغط..
راح ركض لان من امس متخربطه ومكالو بس الفجر منتكسة ورايدته من صاحية..
كال رح ادزلج احد دربالج ع نفسج ..
باسني براسي وطلع لونه مخطوف يقهر..

شوي واجتلي اطياف هي وعلوش جابها رضا..
لان مرتضى مخابرهم حتى لا ابقى وحدي..
كعدنا نسولف ورضا راح كال يتطمن عليها ..
ورا ساعة خابرت اطياف مرتضى ميجاوب ..
كالت تخابر رضا..
خابرت مرتين مجاوب شوي وهو دك..
جاوبته اباوع وجها تغير ،.
اشرتلها بيدي شكو ؟؟
ختمته ويا ودنكت..
كالت الحجية توفت ..

رغم اذتني وجانت شادة وياي بس مااكرهها ..
انقهرت هواي شبكتها وابجي..
بس بجيي زاد افكر بمرتضى شلون حاله هسه..
بقينا كاعدين اني وياها ورا كم ساعة اجه رضا..
شبكني وعزاني كال
مرتضى كلش تعبان خطية منتهي..
كال اخذ حوراء عدكم لان فاتحه وهوسه مو زين عليها..
يلا اطياف حضري جنطتها خل نروح..

لمت اطياف اغراضي بس تفكيري بمرتضى شلون اواسي وحتى صوت ماعندي..
رحت لاهلي للعصر راحو للفاتحه كتلهم بس اجي وياكم اشوفه..
كالو ماخذ امه يدفنها باجر تعالي..

صدك يوم ثاني رحت بس اوففف منظره يموت قهر..
شبكني حيل وضل يبجي ..
احس قلبي انعصر عليه..
لج حوراء راحت امييييي راااحت ...
تدرين جانت امنيتها تروح وياج تجيبين..
تكلي يمه من تريد تجيب حوراء اخذها بيدي حتى اول وحده تشيل ابنك اني..

زاد حزني من حجه هيج شبكته بقيت ابجي وامسح بشعره..
افكر يمكن موتتها بحسرة تشوف ابن لابنها..
يعني لو متزوج غيري جان جابتله طفل مو مثلي ومثل وضعي..
احس قهري زاد اضعاف..
بعدين صاحو عليه وطلع اني حسيت الم زاد اكثر بس ماريد اكلهم..
احس بطني تتقلص كلها..
شوي ومااشوف الا ملابسي كلها انتلفت دم..

للحكاية بقية
بقلم شقراء(قمر كانون)

حبايبي بالنسبة لليريد البيج بالانستاغرام هذا اسمه
Shaqraa_kanon