رواية المليحة والمهووس الفصل السابع والثلاثون 37 - بقلم Shaqraa

المليحة والمهووس
الجزء الرابع والثلاثون

عزاا العزاني يومه بس لا ابني راااااح ..
عطت بلا مااحس بنفسي مرتضىىىىىىىىىىى...
اجو يركضون عليه من الخرعه محد انتبهلي احجي..
شافو وضعي صاحو مرتضى اجه يركض..
شنووو حوراء شبيج ولجججج ..
لزمتني دوخة ..
حجايتي ثكيلة كوة تطلع..
الحككككككني فدوة ابني ليمووووت...
باوع بوجهي صوتج رجع صوتج يااعمري..

شالني للسيارة خليت راسي ع صدره احس تنفسه عالي يجر النفس كوة..
لزمت بدشداشتة حيل وابجي..
احسه حاضني مو بيدة من خوفه لا بقلبه بروحه..
صعدنا خلاني كدام يمه ماقبل ورا..
امي وشمس صعدو وهو لازم ايدي ويفرك حيل..
خليج قويه حبيبي اكيد مابيج شي تحملي..
ضل يحجي اني شبه واعيه..

وصلنا وواخذوني فحص وسونار وتحاليل كومة..
الوضع خطر والمشيمه مفطورة وماكو نبض...
كالو عملية حتى ينقذون حياتي..
لزمت بمرتضى..
ابوووس ايدك لينزلو عفيه عوفوه ببطنيييي...
معليج ذوله مو اختصاص هسه خابرت دكتورج كال يترك العيادة ويجي..
هو اذا اكو نزيف بالعادة النبض يقل المفروض ننتظر..
صدك يعني ابني يعيش يعنيي ..
كولي انشالله حبيبي كولة انشالله...

صدك انتظرنا الدكتور اجه طمني وحجه وياي شوي ارتاحيت..
انطاني ابرة وكال فد اربع ساعات ونعيد السونار..
ع الاكثر الطفل عايش..
طلع وياه مرتضى وامي حاضنتني وشمس تهدي بيه..
ماماااا فدوة ادعيلي ماريد انحرم من امومتي ابوس ايدج...
فتحت عباتها وشهكت وضلت تدعي..
لني اسم دعائها ابجي اكثر واكثر عيوني عمت..

طبعا هذا كله ومحد علق ع صوتي غير مرتضى..
كد ماملتهين خطية..
مر الوقت واجه الدكتور اخذوني للسونار يااابه..
لحظات عصيبه كللللش...
مرتضى لازم ايدي واكف يمي..
سوالي السونار واني مغمضه حتى ماريد اباوعله ابد ماريد اشوف ردة فعله..
بس سمعته كال ماشاء الله بطل ابنج انت تبجين وهو يلعب ااااخ يابه...
سمعت كلامه كتله شكرااااااا ربي ....
بعد ماحسيت بالدنيا..

لشوي كعدت مرتضى يبوس بيدي ويباركلي..
بعدين انطوني مغذي شوي ونمت..
ضليت يومين بالمستشفى..
اخذت مجموعة ابر ولازم ماتحرك من مكاني..
لحد مااصير بالسابع ويولدوني..
لازم ابقى حذره من اقل حركة..
واتابع النزيف اذا ماوكف معناها اخسر الطفل او...نفسي...
بقيت نايمه لو ع ظهري لو صفح..
واني محد وياي بالبيت كال مرتضى اخذج لاهلج حتى لتتحركين..
صدك رحنا لاهلي وهو خطيه انشلع قلبه..
اهلي يلزمون بي كوة يقبل يبات..
بس لخاطري..

خطيه احس هواي ماذيته ومنا فراق امه ومنا اني وضيمي..
ضعفان ولونه مخطوف كلش تعبان حتى اكله صاير قليل جان شكد ياكل هسه كوة ياكل لكمتين..
مرت فترة وفتت بالسابع ورحت للدكتور وحددلي موعد الولادة بس نسبة نجاحها قليله..
لان الرحم رح يتخيط بعد ع مسؤوليتنا..
لان الطفل وضعه ممتاز وماعليه شي وحجمه هم جبير وهالشي هم ماذي الرحم ..
لان طفلي خمس كيلوات وزنه..

طبعا مرتضى جهز للطفل كلشي هو واهلي..
واني مااكدر اطلع..
شلت الملابس تخبلت مخليتهم يمي واشمشم..
احسب يوم يوم..
ياترى رح اطلع منها واحضنك ياماما لو تجي للدنيا يتيم..
يلا عندك ابو ماتلكه مثله بالكون اكيد يحبك مثل امك..

صار يوم الولادة ومحضريلي اغراضي وكلشي..
رحنا للمستشفى بس مرتضى منتهي احسه يمشي بدون تفكير كد مامشغول..
حضرولي دم ومرتضى نفس فصيلتي هو تبرع..
اهلي كلهم موجودين برا..

فات وياي للصاله لان يعرفوه الاطباء..
قبل ليخدروني وصيته..
مرتضى اذا ماطلعت عايشة اريد اوصيك عفية..
باوعلي ضل يفرك عيونه كافي لتعبين نفسج ليتخربط ضغطج..

لا عفية خليني اوصيك ابني دربالك عليه ..
وحبه مثل متحبني مو تضوج منه لان متت بسببه..
واريدك تعرف اني احبك اكثر من كلشي..
وماحلى بعيني رجال غيرك..
اطلب منك طلب هسه..
احجي عيوني الج واباوع لعيونه حمرة وميخلي الدمعة تنزل حتى لا اضعف..
بوسني مشتاقة لبوستك صار ٧ اشهر مبايسني..
راح حجه وي الاطباء راحو فرغت الغرفة..
حضني حيل عصرني..
وباسني بوسة طويلة..
اااه شكد مشتاق لهالشفة خلتني مثل المراهق تدرين..
ههه ادري اتذكر من عضيت شفتك وانت تباعلها..
اموت عليج..
اموت علييك...
اجو الاطباء وانطوني البنج لحظااات...
رحت بعالم ثاني...

هنااك واشوف نفسي بحديقة بيتنا اني وشمس نلعب واماني عود امنا..
ويجي حيدر هو ابونا وينطينا فلوس قصاصات مالت كراتين ..
يتكرر الصوت باذني حيدررررر ..
لتكولين حيدر ولج كولي بااااباااا...
ههههه انت صغيييير مثلنا ماكول بابا..
تعالي لج الا اعضج ...

امشي حييل اشوف نفسي بالكلية مرحلة اولى بداية الدوام..
اني واطياف كاعدين نحش بالناس وناكل شامية ونتعارك ..
عير ولد يكل لاطياف شبيج اول طيحتها وتاكلين بايديج الثنين وضلت تكمز وتسب بي..

هناك ورحت لغرفه الطبابة ومرتضى يباوع لشفتي ونظراته تريد تاكلها..
لزم ايدي وباسها يااا هذا ميستحيييي..
تقرب لراسي باسه واجه يريد يبوس شفتيييي..
وخررر عوووف شفتي ولك متستحي مو اوت ثور ع كولة بيييبي ..
شلون الثور يتحرش بالمرضى عوف شفتييي لتبوووس..

فتحت عيني مو واضحة الصورة بس مرتضى يضحك يمي..
اختلط حلمي والحقيقة..
شافني فتحت باس خدي..
الحمدلله ع سلامتج ياعمري..
ابنييييي ويين اااه بطني يومه الم قاااتل..
لتخافين حبيبي اهدي شوي زين وصحته حلوة ارتاحي وهسه نجيبه تشوفي..
انت السفااح موو اي حباب انتت حباااب جيببه عفيييه بسسرررعه ...

اهذي ولا ادري نفسي لحد ماجابلي ابني..
اوووف ماكدر اكعد من الالم ..
خلاه ع صدري وامي ساعدتني بس ماكدر اكعد عدل..
شميته ياااااااابه هاي ريحة الجنة هاي..
يجنن مدنفش وشكبره وعيونه رصاصيات وحلكة احمررر..
بس قربته مني فتح حلكه يدور شبكته بايدي ثنينهم وضليت ابجي..
امي ومرتضى وقاسم وشمس كلهم بالغرفه يمي..
ضلو يبجون ع بجيي..

الحمدلله والشكر ياااارب انطيتني احلى هدييييية...
ضل يمص بخدي جوعان..
اخذو انطو ممه واني عيني عليه والوجع دمرني..
لشوي هاج الوجع اكثر ضليت اعيط..
انطوني ابرة ونمت..
كعدت تالي رضعته ع مود المادة الصفراء غذاء مهم اله..
مرتضى وامي يتناوبون علي وشمس واطياف جانت تتوحم وكلش تعبانه..
بس ماعافتني تجيلي وتروح لان صارلي اسبوع بالمستشفى..

بس الالم مو طبيعي عايشة ع المسكنات..
ابني انطي ممه اغلب الوقت لان ماكدر اكعد..
وماودي افاركة لحظة ااه شعور حلووو من تشيلين ابنج بحضنج وتحسي ملهوف عليج..
فرحتي بي صفنت حتى الاطباء..
بس اشوف نظرات مرتضى مو مالت فرح..
وماجاي اختلي بي حتى احاجي..
الى ان المغرب امي راحت تصلي وبقى هو يمي..
مرتضى شبيك مااحسك فرحان؟؟؟
لا ياعمري شلون ماافرح انت كمتي بسلامة وسويتيني ابو لاحلى طفل اروح فدوات الكم ..
اسم الله عليك حبيبي بس احسك بيك شي..
وجهك وشكلك ماعرف ضام شي عليه؟؟؟
لتفكرين وتوسوسين ريحي راسج..
مرتضى اني بية شي؟؟؟

للحكاية بقية
بقلم شقراء(قمر كانون)