رواية المليحة والمهووس الفصل التاسع والثلاثون 39 - بقلم Shaqraa

المليحة والمهووس
الجزء السادس والثلاثون والاخير

ماكو غير اطياف كلشي تدري..
ركضت جبت الفون وصورته لاطياف ودزيته..
باعي شنو لكيت بالحاوية مالتنا..
معقولة مرتضى!!!
انتظرتها تجاوب وكاعدة بالصالة وابجي ..
شوي وخابرت اطياف ..
شبيج مخبلة نص الليل تدورين ورا الرجال؟؟؟
هدي اعصابج وانجبي كافي خبال..
لج احجي راح اتخبل عفية كلبي نااار..

مو اله لابن اخته الضابط يبات ببيتكم لان هو يبات يمج عدنا..
جايب وحده وناسية صخامها ولاكي رجلج..
ومحقق وياه وحاجيله هو جايب صديقته ..
ومتعارك وياه وذاك معتذرله ورجلج قافل عليه..
اطياف اذا تجذبين تعرفين شسوي..
انجبي اجذب شنو تردين اتبلى ع الرجال شنو..
تعرفين رجلج خوش ولد وماعنده هالسوالف..
خليني اكمل لا تطنكرين..
رضا يدري وهو صالحهم..
لان كاعد يمنا وحجه بالفون..
كله لتجي مو بالبيت عد مرتي..
شوية واجه لبيتنا ورضا تدخل وتصالحوا..

لج مو هو صارله فترة قافل ووجهه اصفر ممرتاحه لوضعه..
اي عزيزتي طبعا يقفل ووجهه اصفر انت ٩٠٪‏ رحمج ينشال بس مجازفة بقى..
وجانو متوقعين باي يوم ينفجر وتموتين ..
لو ماهو يفتهم وجابلج الابر من برا والعلاج رغم هذا متخبل مثل اليفكك قنبلة..
ميدري بيا لحظه تنهي حياته..
سكره ضل يتخلخل شكم مرة يوكع خطية ورضا والولد وياه..
من يطلع كلساع يخابر يتطمن ويحذر بينا..
بس تحسوها موجوعه كلولي بس يصير عدها الم قوي خابروني واخذوهل للمستشفى عشنا برعب
لحد ماتحسنتي..

سودة عليه هذا كله متحملة وسكره بعد..
اف لا حجه ولا كال..
ميريد يضوجج وانت صايره شكاكة حنج عوع..
انجبي لج من حبي اله ماتحمل بيوم يباوع لغيري اريد اضمه بصندوك واقفله حتى يبقى كنز الي مو لغيري..
ايي خوش عليج ضمي بصندوك وخنكي الرجال وكتلي..
ولو هو ياصندوك يكفي؟؟
لا خيه حطي بشاحنة وقفليها يلا تكفي..

عااابت هو صوجي كاعده واحاجي وحده مثلج..
دولي بدل متريد تسوين الزلمة معلبات روحي دللي..
صارلة شهور صايم مسكين ..
ههه لا فطر ونام..
ياا هديتي حيله ولج انتن السمر بيجن بلة ع كولتة هو مليحة عشتو..
اووو كلبت عليه دروحي اروح لرجلي احسن سلمي ع اخوي..
يوصل سي يوو..

افففف ارتاحيت اخ شكد صعب شعور الخيانه اه..
عندي الرجال يتزوج عليه ولا يخوني ماعرف احس نفسي لا شيء..
ولو رضاي ميسويها فديته ..
بس جاي اتاكد يوم بعد يوم يحبني حب ماكو منه..
يعني اني شفت قطعة ملابس نسائية تخبلت!!
ورغم مو اله ..
شلون هو من شاف الفديو مالتي؟؟
وتغاضى عنه وبقى متمسك بيه..
صح اني مخاينته وزوجي جان ذاك المايتسمى ..
بس اففف شعور متعب..
هالرجال صدك ماشفت مثله..

كمت ارجع للغرفه شفته واكف بالباب وصافن عليه..
يووومه خرعتني مو هيج  انت مو نايم؟؟
لا كاعد من جنت طالعة دورية بس لج طلعتي تحبيني..
عبالي جذابة بس تحبين البوس..
اووو مرتضى لتكول هيج اخجل..
تقرب عليه وعينه ع شفايفي..
ماكو خجل وياي اشو تعالي..
لزمته من خده ..
ليش مكتلي الصار وخفت عبالي تخوني..
لج لاخر نفس ماخونج شبيج..
بس ردت اعرف شكد تحبيني هههه ..
لا اتشاقه اصلا ناسي الشغلة حالتج جانت مدوختني لحد متحسنتي...
شلون اخونج ياروحي ..
انت جوهرة اليملكها معناها ملك كلشي..
ياعمري اموت بيك سفاحي..

هههه انت مو وجه غزل اشو تعالي..
اريد اعض هالشفة مخبلتني..
قبل متعض عندي سؤال اريد اسألك بس متضوج..
ماضوج منج اني بس اذا اذيتي نفسج ..
اوكي تعال للغرفه..
شالني واني معلكة بركبته وابوس بيها..
تمدد ع ظهره واني نمت ع بطني ومرتجية ع صدره ووجهي بوجهه..

ضل يلعب بشعري باطراف اصابعه..
كولي حورية دنيتي واخرتي شبيج..
حبيبي بلا لف ولا دوران اعرفك تضوج منه..
ليش باوعت للفديو والصور ؟؟
كعد فجأة وضل يحك بلحيته...
شجابج ع هالسالفه؟؟؟
رضاي لتضوج فدوة بس شي بداخلي يحوس اذا ماسالت اليوم باجر اسال ترى مو بيدي..
صح شي مقزز بس اريد اعرف..

ماعرف بس لان شي يخصج ردت اشوفه وتندمت لان شفته انقهرت اني ماموجود وادمي لهالقزم المسخ..
سدي الموضوع لتفتحي بعد واذا قصدج شفته للاثارة مو مكرن اني فهمتي؟؟؟؟؟؟
عافني وكام احتاريت اكوم وراه لو اعوفه..
شوي وكمت لكيته متمددع القنفة ورجله رافعها ..
اجيت وكفت يم راسة ولزمته بيدي من خدوده باوعلي..
دنكت همست باذنه مشتاقتلك.....
جرني وكعت عليه وصرت فوكه..
باوع لشفتي بنظرات اعشقها جرها حيييل واحممممم..

مرت الايام ومحمد يكبر واخاف عليه اكثر من روحي ومرتضى مثال للوفاء والحب..
عيشتي ويا مرتاحه..
رغم صحتي مو كلش بس متفهمني ومداريني ..
حالياً ابني سنة ونص عمره وخشن مثل ابوه..
عايشة بين عائلتي واهلي ومرتاحه..
اطياف جابت صار عدها حسوني..

قبل فترة قليلة سمعت بمنتصر طلك رواء وكاعدين عشاير لان ضاربها ومتبلية عليه..
وماخذين فصل كلش جبير..
عبير رادت تجيلي بس ماقبلت..
اما منتصر ع اساس استقر بتركيا بس قليل يتصل باهله وكل مرة بدولة ميدرون بالضبط وين..
ضل ابن منتصر بيبيته تربي..

صح حياتي جانت قاسية بس عندي اهل يحبوني ويتمنون راحتي..
واعتبر منتصر محطة وانتهت واستفدت منها رغم هواي خسائر بصحتي وبكرامتي..
بس علمني درس ماصير ضعيفه وارضخ..
والحمدلله تعوضت بزوج الكل تحسدني عليه مرتضى عملة نادرة...
رجل بمعنى الكلمة..

منو هذا رجل بمعنى الكلمة ...
انت حبيبي...
اويلي فديت هالشفة المنفوخة تعاليييي....

تمت ..١٠_١_٢٠١٨
الساعة ١٢:٣٦
بقلم شقراء(قمر كانون)