رواية المليحة والمهووس الفصل الثامن والثلاثون 38 - بقلم Shaqraa

المليحة والمهووس
الجزء الخامس والثلاثون

حبيبي اني اعرفك اذا بيك شي حاجيني..
اووش لتفكرين عاد ترى افضحج واكول شسويتي وانت مخدرة..
ههه لا يا شمسوية بلة؟؟
هذيتي هواي شلون كلام من هذا التمام..
طلعتي خبرة واني ماادري..
يااا عزاا لا جذب لا انت تتبلى عليه ماكلت شي..
هههههه اي بس ساعة تكولين بوسني بعد مشتاقه لشفتك ساعة تكولين عوف شفتي لتبوس..
هههه اي مو شفتك بالحلم..
لا هذا مو حلم صدك بس انت شبه صاحيه مو كلش..

دوخني بالكلام حتى لا ارجع اسئله شكو بس احسه مو ع بعضه..
طلعوني للبيت وبقيت يم اهلي فترة الى ان اكدر اكوم...
كلش معتني بعمليتي بس احس الم حيل قوي..
طبعا الاطباء متعجبين شلون نجيت اني وابني وعمليتي نجحت!!!
يكولون الصار وياج معجزة مصايرة بس اني اعرف ربي ميخيبني وامي دعتلي..
امي مجربه دعائها حتى من قبل من جنه اطفال من يصير شي يكلولها زهرة ادعي دعوتج ماترد ..
يعني حتى الاقارب يعرفون هالشي...

خلال هالفترة مرتضى يروح ويرجع واحسه ممصدك عدنا طفل طاير بي ومتونس حيل..
وهو حمودي يجنن شكله مال عمر خمس شهور مو مالت بيبي ..
الملابس تكعد عليه تخبل وعيونه واسعة ولونهم يجنن ممصدكة هذا ابني حتى من انام مااقبل بجربايته..
اخلي يمي واسهر ساعات بس اباوعله واكص وياه صور..

اجتلي شمس هي وابنهل وجلال سلم عليه وباركلي شويه وراح...
اجت اطياف وكعدنا نسولف واستلمت شمس تحقيق..
ولج شخبار عوع وابنه هذا اذا طلع صدك ابنه هههاو..
عابت ولج اطياف لا تظنين سوء..
باوعتلي شمس شوف الفطيرة ع اساس من طهارتها رواء عابت ذاك البوز جنه منقار..

يااا ولكم تخبلتو شبييكم هههه..
دسمعي الاخبار انت وضحكي..
لج هناك رواء وحدها وعوع بالشغل وتاركها ميدري بيها..
تطلع تطب براحتها..
فد يوم راجع ولاكيها فاتحه فديو وي واحد وداخل كاتلها كتله مكطعها..
كومي واشتكي عليه ومراويتهم اثار ضرب وحابسي..
بس بعد هو معارف وواسطات وطالع..
ومالاكيها شاردة راجعه لبيت اخوها..
هسه تكله لو ترجع للبصرة لو مارجعلك بعد متريد تبقى هناك..

حيل يستاهلون نارهم تاكل حطبهم بس مسكين الطفل قاهرني ضايع بينهم..
لا الطفل هسه عد بيبيته ذابته متريده رواء والمرة مريضة وتعبانه بس هي رايدته ..
لان يكولون كلش هاملته رواء لا اكل لا لبس يكسر الخاطر..
اووف كافي لج قهرتيني عليه شنو ذنبه الله اله..

ورا الاربعين رجعنا لبيتنا بس الاحظ مرتضى تعبان هواي صح تصرفاته نفسها بس شكله تعبان..
جنت نايمة ع صدره ..
حبي شبيك مو ع بعضك احجيلي..
مابيه شي حبيبي ممصدك انت يمي وعايشة صدكيني فرحان كلش...
نورتي البيت جان ميندخل ..
لعد ليش بعيونك نظرات حزن..
لا قلبي بس مشتاق للوالدة الله يرحمها جان ودها تشوف محمد وتحضر ولادته..
اي بس شوي يكبر نكدر نسافر بي نروح نزورها..
اكيد هي تحس بينا وتشوفنا..

اوف طبعا تحس حبي تحس..
مرتضى باوعلي..
درت وجهه عليه وخليت عيني بعينه..
حبي احجيلي يلا عفيه شنووو ترى مو طفلة اني وتسكتني بكلمتين...
احجي المضوجك يلا....
صايرة محقق ولج ها ام البوس اشو تعالي..
اوووه عوفني ولك كااافي...
ماعوفج اريد اكرطج ...
تعالي ترى صار شكد صايم ترى هو رمضان ٣٠ يوم واني صايم حيصير سنة مو حالة ترى..

حضني واخذ شفتي بشفته واحمممممم...
رغم اشتياقنا لبعض بس حيل جان حذر ويعاملني برقة بسبب حالتي...
نمت ع صدره هو نام شوي وكعد حمودة ..
سويتله ممه ورضع ورجع نام..
كمت سبحت ورتبت المطبخ ..
طلعت الاشياء الزايدة خليتها بجيس اخذته للحاوية..
دورت عليها مخليها بالطارمة ورا الشجر ..
فتحتها اريد اخلي الجيس !!!
شنو هذا!!!!!!
لا صدك ميسويها مرتضى معقولة ؟؟؟؟؟؟؟

للحكاية بقية
بقلم شقراء(قمر كانون)