رواية المليحة والمهووس الفصل الثامن 8 - بقلم Shaqraa

المليحة والمهووس
الجزء السابع

فتحت عيوني لكيته مخليني بحضنه ويلعب بشعري ..
_ها غزالتي كعدتي يلا كومي نرجع
لو يعجبج جوله ثانية..
انتفض جسمي من الخوف كمت بسرعة..
نسيت المي نسيت كلشي..
استر جسمي بيدي وارجف..
ليش صورتني منتصر شنو قصدك؟؟
اني مو عرضك شلون تسوي هيج؟؟؟
_شبيج غزالتي هو التصوير بفوني..
انت مالتي شنو خايفة احد يشوفه غيري..؟
بس من اشتاقلج اتفرج عليه..
_لنفرض ضاع الفون..
بي رمز مينفتح ابد..

_منتصر ليش تصرفاتك غريبة..
ليش هيج تقربتلي غصب وبطريقة مقززة..
مو اني وثقت بيك وطلعت وياك..
_اووش اني عاقد عليج بلا هالحجي التعبان..
وحقي شرعاً ترضيني وتريحيني..
ولتعكرينزمزاجي ترى مرتاح هواي..
وخلي ابالج هالطريقة تعجبني اكثر من التقليدية..
لان صارت قديمة وانت هم تسوين واهس ..
بس تعرفين طلعتي ستندر !!
توقعت ع هالجسم ملعوب بيج..
بس زين بعدج بالباكيت..

اجيت اجاوبه لان قهرني وحقدت..
بس خفت ليسوي اكثر..
اعرفه بالعناد يزيد..
واذا رفضته عنده عيد..
يستمتع بالغصب والاجبار..
سكتت بس باوعت عليه..
_اريد حمام وديني..
شعدج من توصلين لبيتكم سبحي..
_لا اريد هسه..
_ماشي خليني اتمدد هنا ع متخلصين..
روحي تلكي مقابيل الدرج..

طلعت واني الف حسبة ببالي ..
فوك المصيبة صورني..
احس الم مزعج وماكدر حتى امشي..
سبحت ولبست ملابسي لميتها قبل لا اطلع من الغرفة..
_يلا خلصت امشي..
_ماشي حبيبي بس وجهج ميطمن
عيونج مورمات..
خل نتاخر شوي حتى بس ترجعين نامي..
امشي للصيدليه اخذلج عصارة حتى لتتاذين..
ونمر نتعشى وناكل موطا ع الكورنيش..

مابية ماريد عفية..
_لا بيج لتدلعين ترى بس اول مرة..
تالي تضلين انت تطلبين ويعجبج!!
طلعنا رحنا للصيدلية كال ابقي بالسيارة اني بسرعة اجي..
ماقبلت اخاف ابقى وحدي بيه خوفه قديمه..
نزلت ويا فتنا سلم هو الصوت مألوف رفعت راسي..
نفسه الدكتور بالطبابة يبووو هذا السفاح..

شافني بس ردة فعله واضحة..
ابتسم بفتور ونظراته امبينة..
والوياي شلونه ابد ميشك..
اخذ العصارة بسرعة وجرني من ايدي وطلعنا..
صعدنا بالسيارة وهو نار..
ضل يسب ويغلط ..
شلون باوعلي وكله مني ولبسي..
اني ساكته ماحجي شي..

اخذنا للكورنيش جاب اكل ماكلت ..
كوة غصبني لكمتين..
جاب موطا اكلت ردت شي يبرد قلبي..
لان احس بداخلي بركان..
بس رغم هذا ماكرهتة احبه..
اي اريده لو شيسوي بيه..
رحنا للسيارة بالطريق ضل يسولف..

_غزالتي اني باجر طالع لبغداد احتمال ابقى شهرين..
لهذا ردت اشبع منج..
بس اجي نعقد محكمة ونتزوج..
يعني نفس الاسبوع حسبي حسابج..
خلا هالشهرين كملي كلشي وتجهيز..
اني رح احجز قاعة من هسه..
اريدج تجهزين كلشي..
كثري اللون الاسود والاحمر..
_شوكت بالضبط حتى احجز البدلة والصالون؟
_لا البدلة الي بيها غاية اني اجيبها الج..
عليج بس الصالون..

وصلني فتت كاعدين سلمت وصعدت ركض..
صاحت امي لج وين راكضة..
خففت نبرتي بضحكة..
_ماما حطك اريد حماااام ..
سمعتهم ضحكو واني دمعتي بعيني..
بدلت وغسلت لطخت وجهي مرطب..
نزلت يمهم سويت نفسي طبيعية..
ضلو ناصبين عليه لان اجيت ركض امي كالت..
_ولكم خجلتوها بعدهم هذا اول لقاء وتستحي..
كال رضا..
_منو تستحي حويرة!!
اكيد اكلت الولد وشربته تلكي هو استحى وشرد..

اباوع ضحكهم وتحليلاتهم!!!
وهم ميدرون وين جنت وشصار..
حسيت بالذنب والخوف وكلشي..
شكد فرحت من ارتبطت بمنتصر..
بس فرحتي هواي لطخها الخوف والحزن..

مرت الايام وجهزت كلشي..
هو يخابرني ع طول اسلوبه من سيء للاسوأ..
قرر نسكن وي اهله ..
لان اخوانه ٣ متزوجين وطالعين ..
وبس اخوه جلال بعده ممتزوج..
واخواته ثنين عبير والثانيه متزوجات..
خلصت المدة واجه يوم الزواج..

للحكاية بقية..
بقلم شقراء(قمر كانون)

م/بالنسبة لليكولون هواي شارحه تفاصيل ترى مو القصد الاباحة ابد بس ردت ابين تصرفات هالانسان وشلون هو مهووس ..
وكذلك ردة فعل البنت وياه وشلون ياخذون عبرة من سكوتها الي دمرها والمفروض اذا واجهو هيج شي يعرفون يتصرفون..
وهالتصرفات رح يكررها هوايه ومااكدر كل مرة اشرح..لهذا شرحت مرة وراح اكتفي بالاجزاء الجايه برؤوس اقلام..
وتحياتي للكل..