رواية المليحة والمهووس الفصل الثاني عشر 12 - بقلم Shaqraa

المليحة والمهووس
الجزء العاشر

خلصت نفسي منه كوة واني اكح..
_يااختبار شتحجيي؟؟
_امي كالت جيبلها اختبار حمل جنها حامل..
_ههه مسكينه شافتني اتقيأ عبالها حامل..
متدري من برد البارحه كله صار ببطني..
منين اصير حامل وانت متقربلي مرتين وماخذ احتياط؟؟؟
تطمن ماكو هيج..
_مااصدك كومي وياي نروح نشوف دكتورة مدام بعد وكت..
واذا طلع صدك ادفنج..

كمت ويا بدون كلام ..
لبست ورحنا للدكتورة..
اخذتلي سونار وسويت تحليل مابيه شي ..
بس برودة وضغطي هابط..
انطتني علاج ورجعنا متطمن ويحجي عبالك مو نفسه قبل شوي..
مرت يومين جاي ادور ملابسه الوصخ حتى اغسله ..
وشفت الكوت شوي املح كلت اغسله..
دورت جيوبه كالعادة واحد يدور الجيوب قبل الغسل..
حسيت شي بس الجيوب فارغة...
دورت منا منا ماكو..
كلبته لكيت جيب داخلي فتحته طلعت ٣هويات!!!!

الاولى ضابط مخابرات!!!!!!!
والثانيه مهندس !!
والثالثة مدير مكتب بشركة امبينه من اسمها اهليه لشخص معين!!!!
لان الاسم واضح..
عزاااا شنو ذوله!!!!
شنو ضابط شنو مخابرات وشلون مهندس!!!!
شنو منتصر كل لحظه اكتشف بيك شغله توكف قلبي..
من عساه وكف وبعد ماعشت ..
شنو حبيت لو اجرمت..

خليتهم وكعدت انتظرته يجي..
دخل ويتغزل ويسولف..
حتى غزله غلط هالانسان هذا..
باوعتله وارجف شلون افاتحه بالموضوع..
كلت احجي بلطف وبدلع..
لان اخاف منه ميرحم..
_حبيبي عندس كم سؤال ممكن..
وتقربتله امشي ايدي ع شفايفه..
هو يحب امدحه واكله انت قوي لو رجولتك طاغيه..
_الاسد مالتي يجاوبني لو لا..
_اي غزالتي سالي..
راويته الهويات رجلي شنو ذوله؟
اشو اسمك بيهم وكل وحده تقرا شكل..
هيج حبيبي مهم وسبع وخطير فديته..

شفته ابتسم كانه يفتخر ..
_لج ملعونه وين اندليتيهم..
_بعد صارت صدفه من ردت اغسل الكوت شفته وصخ..
هسه احجيلي فرحني صدك انت ضابط ودولة..
_اي بس هالحجي ميطلع خارج الغرفه..
اعرف انت برة خرسه وطرشه بس هذا تحذير روتيني..
_طبعا اكو وحده تطلع سر روحها انت روحي..
_شوفي غزالتي ..

اني خريج هندسة تعرفين بيه..
بس دخلت دورة ضباط قبل لا اتعين..
اقترح عليه صديق ابوي..
وصرت ضابط بس محد يعرف هالشي بس ابوي..
وبالنسبة للهوية الثالثة..
اني حاليا عميل سري بيها ..
بصفتي موظف عدهم..
بس جاي نجمع معلومات عنهم..
لان الشركة واجهة لشغلهم..
_عزااا اخاف يعرفوك ..
_لتخافين هذ ا شغلي مو جديده هالامور..
ياما وكعت مجرمين وجرجرتهم..
ولا واحد شك لان نعرف شلون نتصرف..
_زين شنو يشتغلون ذولة؟
_يولون تعاااي لتشغلين بالج..

كومي عاجبني تركصين..
_منتصرررر بعدني ممكملة كلام عندي هواي اسئلة..
هذا بس الاجاوبج عليه ماجاوب زايد..
شغلي لتتدخلين بي..
يلا كومي هزي شوي مشتاقلج..
ردت الح عليه خفت لان اعرف خباله...
شغل اغنية وركصت شويه بعدني..
وهم مثل الوحش..

بلا رأفة بلا رحمة بلا توقف..
سوى اليعجبه واغتصاب بانواعه..
بس هالمرة تقربلي طبيعي وبلا احتياط!!
كلت اي يمكن بلش يتغير ويعقل..
صح تعذيب واذية..
بس المهم مو بشذوذ لان تدمرت..

سافر يوم ثاني لبغداد واني لوحدي..
اتصلت باطياف..
_هلا حوري لج مشتاقتلج بذات متطلعين كلش..
_سكتي هسه رايدتج بشغله بعدين عاتبي..
_كولي ..
_شوفي اريد تعرفيلي اكو طبيب نفسي مضبوط..
اعرف متدرين قبل لتجاوبين..
بس شوفي اقاربج احد تثقين بي..
_بخصوص منتصر؟؟
_اي اريد احد يفهمني شنو حالته..
لان هاي حاله نفسيه..بس مو النعرفها..
شكد سامعين بناس بيهم حاله نفسيه..
بس هالشي مختلف..

_امممم خليها عليه..
رح اسأل واحد ثقه ومضبوط..
باجر انطيج خبر..
_ماشي انتظرج اني..
يوم ثاني خابرتني اطياف العصر..
_حويره اذا احد يمج كومي..
_لج لا محد بغرفتي اني..
ماشي لعد سمعي الراح اكوله..
هذا رجلج الخبل وقبل لتكليلي لتحجين عليه صمي حلكج وامداج وامداه..
طلع مريض نفسي ومرضه اسمه السادية..

السادية..هوس يصير عد الانسان متعته من يأذي المقابل
وخصوصاً شريكته ويكون عنيف خلال الممارسة..
يحب يطبق اقصى درجات العنف وياها...
وترى هو مراحل ..
يتطور شوي شوي اذا ماتمنعي وتقاومي توصل لدرجة يجرح جسمج..
ويستمتع بمنظر الدم..
الى ان يضل مايرضي اي شي..
يحس يريد شي جديد ممطروق..
ومن يتعب جسمج ويتدمر..

يدور عن فريسة جديدة..
وهذا من صفاته ميحب احد يأمر عليه بشي..
يحب يكون الامر الناهي..
وبالنسبة لشغلة الاطفال بديهية ميريد..
ميريد احد يشاركه بيج..
وطبعا هو من اختارج مو اعتباط..
هو درس تصرفاتج واختبرج بامور..
من قبل العلاقة ..
حسب ماعرفت يلاحظ الشريك ويراقب تصرفاته..
ويوف مدى تحمله للالم..
ومن شافج بلا مقاومة عندج وخنوع ثبت عليج..
معناها اختياره صح..
وفعلا انت انطيتي مجال من اول محاجاج وفرض نفسه ماحجيتي..
وينج ولج وياي..

_كلتها ببجي انت تجذبين تشاقين مو؟؟؟؟
لج معقولة هذا السلمته قلبي ونفسي..
هيج واصل اقصى درجات التوحش!!!
لج شلون بيه شسوي..
احبه ومقهوره عليه واصل هيج مرحلة..
زين ماله علاج ..
يمكن اساعده يتخلص منه..
_خررررب انت حمارة من صدك لا لا الحمار حشاه منج يفكر..
جاي اكلج رجلج مخبل..
احتمال ضربه من الضربات تموتين بيده !!!!
لو باجر يشمرج ويدور جديده..
والعلاج اكو مو ماكو..
بس حسب تقبله اله وارادته..
اذا هو راد يتعالج ..
اذا ماساعد نفسه محد يساعده..

اوكي اني احاجي وبلكي يقبل يتعالج..
_كيفج بعد جربي وشوفي..
اكلج منين عرفتي منو كلج؟؟
_شخص اعرفه يفتهم هالامور قريبه منه..
سالته ع طبيب نفسي كال عندي صديقي..
بس مسافر مده ويرجع..
بس اني اريده هسه..
شنو مشكلتج؟يمكن اساعدج.
حجيتله وضع منتصر صارت عيونه بكصته..
يكلي يولي المفروض تعوفه من العلاقه..
كتله تحبه..
كال ختاكل وحل لعد..

منو هذا اطياف ؟؟؟شنو يعرفني هو؟؟
_لتخافين ماجبت سيرتج لو اسمج..
كتله اقاربي..
وواحد متعرفي..
_اعرفه لو لا؟؟؟؟
_متعرفي وقرري حياتج ترى ضيعتي نفسج..
حتخلص السنه ويمكن الجايه هم تضيع..
_اي يصير خير ..

سديته من اطياف وقررت هالمرة من يجي احاجي..
مرت كم يوم واجه..
ورا يوم هم تقربلي وكالعادة..
من خلص واني بعدني مربوطة كتله..
_منتصر عندي موضوع عفيه اسمعني للاخير..
_امبين بعد بيج حيل تحجين..
_مابيه بس لازم نخلي حد..
اني تعبت جسمي كله ياذيني..
منتصر انت مريض ولازم تتعالج..
شنوووووووو!!!!!

للحكاية بقية..
بقلم شقراء(قمر كانون)