رواية المليحة والمهووس الفصل الثالث عشر 13 - بقلم Shaqraa

المليحة والمهووس
الجزء الحادي عشر

لج شنووووو ؟؟اني مريض..
منين جبتي هالكلام حيوانه؟؟؟؟
_اي ومرضك اسمه السادية..
واني مستعده ابقى وياك واساعدك تتعالج..
اجه علي كومني من شعري..
احس روحي شاغت..
_هسه تكليلي منيلج هالحجي اليوم اثرمج ..!!
_عفيه منتصر كافي ضرب شبيك..
من الكوكل منين يعني مثلاً..
بحثت وعرفت وضعك..
_ماكو مريضه غيرج ادبسز وان جبتي هالسيرة اذبحج بيدي..
حسيته تنرفز من حجيت..
فتح ايديه وعافني وطلع..
ومن رجع ماحجه شي..
حسيت دكيت ع وتر الحساس..

يوم كامل ميحاجيني..
ثاني يوم رجع يحجي..
وتوسلت بي هم بس اذن طين واذن عجين..
رافض رفض قطعي..
يكول حذابين بالكوكل معليج بكلامهم..
تعاركنا وعافني وطلع من الظهر..
رجع ب١ بالليل!!
ماكدرت اخابره اخاف احصل كتله..
لان تاخر خفت..
دخل بالوحده واني انتظر..
ماحجه شي ابد..
اجه تمدد بالفراش انطاني ظهر ونام..
شفت ورا اذنه اثر!!!!

احس دمي فار !!!
فوك صخامه يخون!!!!!!
ضليت الوب شسوي..
كلت افتح فونه شلون اخاف يكعد..
الفون اكيد بي شي يدليني..
كمت اخذته وخليت اصبعه انفتح..
كاعدة بالارض وارجف..
رحت للواتساب وشفت البلاوي!!!!
اول محادثة هو ورافد رجل اخنه..
بس اشو اخير رساله بيها اريد راحة!!!
فتحت الدردشة..
محاجي بنيه ..
متفق وياها قبل ليطلع مني..
كاتبلها اليوم اخلصه يمج..
اريد الشغل عليج لان مالي خلك ..
اريد راحه للاخير...
لعد ليش مسميها رافد!!!
لك انت مو بشر حشر اكيد ..
ضليت اكلب بعد..
اسماء بنات وكروبات!!!
دخلت صور يندى لها الجبين..
خلال جاي اكلب شفت دردشة وي  رقم هم فتحته..

قريت المسجات يتحرش باطياف!!!!!!!
لا ياناقص توصل وياك لصديقتي؟؟؟؟؟
لا ياعديم الغيرة..
شكد كاتب وكلام فاحش يلعب النفس..هي ممجاوبه ابد غير رساله وحدة..
مجاوبته توب مني ترى اوصل المحادثة لاهل حوراء واطلكها منك..
يا منحرف تريدني اغدر اختي!!!

اه احس نفسي ضاك ..
صدري اختنككك..لا لا مستحيل..
هذا الانسان هيج يسوي!!!!
هذا حية بمية لون!!!!
اخذت الرقم المكتوب رافد ..
ردت اعرف منيه خلص يمها يومه وليش باسم ولد هيج خايف عليها؟؟؟؟
ذبيت الفون ورجعت تغطيت..

يوم ثاني بس طلع دورت الاسم بالتروكولر..
والكاه رواء!!!!!
اي هيج الحجي...
يعني بعدك وي رواء...
اااااه شكد كرهتك...
احس مشاعر الحب البقلبي احد لزمها بيدها وشلعها من جذرها..
خوفي من خسرانه رااااح..
ضليت محتارة شسوي..
هذا حتى صديقتي متحرش بيها..
وهي ماجابتلي سيرة حتى لا اضوج منها لان تعرفني شايفته بس هو دنيتي..
امداها من دنية وامداني...

خل يجي اني اله اليوم..
كعدت انتظرته اجه ..
_حضريلي جنطتي بعدين طالع  احتمال هالسفرة الاخيرة.
حنستقر هنا شغلنا صار..
بس مرات قليلة يدزوني يعني مو ع طول..
باوعتله بطرف عيني شاط..
_بالعافيه شبعت وياها امس؟؟
_هه شبيج تخبلتي..
_رواء تقبل تمارس عليها خبالاتك وطقوسك التعبانه؟؟
_حورااااااء!!!!
لتنكر كلشي اعرف والدليل ركبتك..
ليش تنكر!!!
انت بصديقتي متحرش الي اشرف من الشرف..
مو بعد رواء الزبالة..
اكيد صايرة مستنقع للوحل مالتك..

لزمني يريد يضربني ودك فونه..
جاوب يمي مو مثل مرات يطلع برا..
رد باحترام كال هسه طالع طالع بسرعة..
باوعلي كال حسابج بعدين حيكون عسير..
حضريلي كلشي طالع هسه منتظريني...
حضرتله كلشي وطلع..
حتى ماسلم عليه..
كلت بعد احسن..
فكرت احاجي اهلي واتطلك احسن..
هذا مو بشر ويتعاشر..
المثله ميتزوج ابد..
شكد جنت احبه..
احس كرهتة اضعاف مضاعفه..

مر ع روحته فترة وحسيت الشهرية تاخرت..
واعراض حمل واضحة..
خفت وانهد حيلي..
تالي فكرت شيريد يسوي يسوي..
ابني وبطني قابل يشكها ويطلعه..
بس لازم اتاكد بالاول..

جابتلي شمس اختبار وطلع فعلا حامل..
شكد فرحت وارتاحيت..
حسيت حيجي هالطفل ينتشلني من كل هالعذاب..
ماحجيت سكتت ..
ضليت اعتني بنفسي لخاطر ابني..
ومنتصر ابد ماخابر..
مرت فترة يلا خابر وسأل ..
عادي جاوبته تحصيل حاصل ..
لا لهفة لا حب لا مشاعر ..

كلت لخالتي عن حملي وبطني واضحة وجببرة..
رغم بداية حملي بس بارزة..
رحت اخذت سونار عرفت ب ولد حجمه كلش جبير وصحته جيدة..
فرحت من اعماقي..
حبيب امك حتجي وتغير حياتي..
انت حييتني من بعد مابوك دفني..
مرت فترة وخابر منتصر كال حيجي..

للحكاية بقية
بقلم شقراء(قمر كانون)