رواية المليحة والمهووس الفصل الثلاثون 30 - بقلم Shaqraa

المليحة والمهووس
الجزء الثامن والعشرون

رفع ايديه ثنينهم وابتعد..
اسف اسف حبيبي اسف..
بس ردت احضنج لان كلتي احس بامان وياك..
مابنيتي شي ثاني..
اني لفيت ايدي ع رجلي ودنكت ..
شوفي عمري اني طالع وانت اخذي راحتج بدلي وارتاحي شوي وارجع..

طلع هو واني صافنه ع نفسي..
ليش هيج عدائية!!
اذا هو راد يحضني تخبلت وعطت..
لعد اذا طلب حقه شلون؟؟؟
شورطت نفسي شكد غبية..
كمت سبحت وراسي لوص بالكوة فتحت الماشات..
بدلت ولبست بجامه ستن مخططة جوزي ونيلي..ردان طويلة وهي اصلا عريضة..
تمددت ع الجرباية تعبانه كلش..
بس ماكدر انام..
ضليت افكر شراح يصير بحياتي..
اني كلش ماعرف اتصرف..

دك الباب كلت منو بخوفه..
كال اني مرتضى افوت؟؟
صدك خجلت من نفسي ع تصرفي..
فات باوعلي ضم ابتسامته !!
هذا شبي يضحك عليه بس لا عباله اني مهووسه بعد..
نعيما حبيبي سبحتي ارتاحيتي..
اني جوعان خل ناكل ..
اي وانت متسبح اريحلك..
اخاف جوعانه متنتظرين..
لا انتظرك اكيد..

فات هو للحمام بين مارتبت الاكل ..
صاج وبيتزا وتكة ومعلاك ..
وماعون مشكل بقلاوة وكنافة وزنود الست..
شسالفه ذيابه احنا لو عرسان؟؟
اذا اكلنا هذا الاكل اليوم يسوولنا غسيل معدة..
التفتت ع صوته ..
اذا تبقين حاطه عينج عليه يمكن نتسمم ونموت هم..؛
خلي ناكل غير عرسان احنا خلصناها اليوم كله تعب وركضة..
تعالي ناكل ونشبع بطنا حتى نروح ننام ونقفل الفونات حتى محد يزعجنا..

صدك كعدنا اكلنا اني استحي اكل ويا..
هو انتبه لهالشي ..
كام هو يوكلني..
وكوة افتح حلكي..يدفع اللكمة كوة..
اني اتصرف بعفوية..بس هو باله بغير شي..
حوراء..رحمة لروح ابوج لتسوين حلكج هيج..
يعني منا اني نسفت المعلاك وشارب رمان
منا ماعون الحلويات..
وحضرتج تتفنين بحركة شفايفج..
رحمي بحالي يمعودة..

صقر؟؟؟؟
انت ندمان ع وعدك لو شنو؟؟؟؟
انت مو كتلي اصبر عليج..
ليش هسه تسوي العكس؟؟؟
ترى اذا سويتها وغصبتني هالمرة مااسكت ولا اخضع..
اقتل نفسي وارتاح من هالغابة الاني بيها..حسيت بعصبية وااشر..
يباوعلي نص مبتسم وايده ع خده..

متأكدة تقاوميني؟؟
يعني هسه اذا ربطتج تكدرين علي؟؟
حجيت بحركة اعصاب..
طبعا اكدر لو تموت ماخليك تسيطر عليه مو حوراء قبل الخبلة..
لا هسه وحده جديده اني..
واذا صارت وكدرت واغتصبتج!!!!
صفنت بوجهه بهتت شيحجي هذا؟؟
شنو تخبل لو شارب؟؟

اذا صارت رح اطلع منا واشتكي عليج واذا ماسجنك مارتاح..
صدكني احول حياتك جحيم..
استفزتني ابتسامته خافيها كوة..
ومركز بكلامي..
من سكتت طكها ضحكة..
ههههههههههه فديت مرتي اني..
هيج اريدج قويه حبيبي..
سمعيني حوريتي ترى اني عد وعدي مالمسج الا من تنطيني الضوء الاخضر..
واليرجع بكلمته مو زلمه ..
صدكيني ومستعد احلف يمين وقسم ..
مستعد اعيش وياج لاخر يوم بعمري ومالمسج قابل..
المهم انت كدام عيني وحاميج من كلشي..

اني تعمدت احجي هيج..
ردت اشوف حوراء الخاضعه بعدها بداخلج لو تغيرت..
بس شفتج فعلا متغيره وصرتي تكدرين تاخذين حقج محد يغلبج..
هيج اريدج تصيرين لبوة بوجه كل احد ياذيج..
لتنطين مجال لاحد يدوسج..
انت مثل العالم عالي وكلها ترفع راسها اله..
لتخلين احد يدوسج لان من ينداس العلم
بعد متضل للزلم هيبة..
واني هيبتي بيج يا علم ..

باوعت بوجهه ارتاحيت ملامحي ارتخت من بعد العصبية..
تدري هبطتني اففف..
حتى الاكل انهضم بسرعة..
لعد تعالي كملي ..
لا لا شبعت ..
كمنا هو لابس برمودا وبدي وياها..
نام ع جربايه كال تعالي هنا نامي بحضني..
اذا حسيتي بامان كملي..
اذا تضايقتي كولي واكوم من يمج اذا ترتاحين لوحدج..
بالاول ترددت بس فكرت بكلامه ..
تشجعت اروح..

فتحلي ذراعة نمت عليها..
هو خشن كلش بحيث ذراعه احسن من المخده..
نمت عليها ضل يلعب بشعري..
يتغزل ويسولف اشياء تطمني..
ميريدني احس طامع بيه..
فعلا ارتاحيت بحضنه..
ليكول حاضنه حايط مأمنه..
ها حبيبي مرتاحه ؟؟
اي كلش مرتاحه نعست حنام..
هسه تنامين بس ابقى العب بشعرج..
ايي عفية شعور حلوو كلش..

تدلل حجي متولي..
شنو؟؟؟حجي متولي منو انيييييي
اي انت بجامتج مخططة مالت وحدة وزنها ميتين..
تءبه بجامة حجي متولي..
هههه بله انت مال واحد ينام يمك..
اشو عوفني احسنلي منك تحشش علي..
تعالي لج اتشاقى..
تخبلين لو تلبسين بدلة عمل ..
لفيت ايدي ع صدره لحد مانمت..

فزيت باوعت للساعة ب٣ ونص ..
انتبهتله نازع وباقي بس بالشورت!!
عزاا هذا شبي مو نام بملابسه..
انطيتج ظهر ورجعت نمت ..
كعدت بسسته ع صوت طكطكة بالغرفة..
لكيته سابح وجاي يبدل..
صباح الخير كسولة كومي يلا نلحك نوصل للمطار..
حسيت نفسي نشيطه ومرتاحه..
كمت سبحت وكفيت اغراضنا..
طلعنا للمطار..
كملنا الاجراءات وقلعت الطيارة..

هو احسه يقرا الخوف بتصرفاتي بسرعه..
اني اخاف من تقلع..
لازم ايدي ويفركها ع كيف برقة..
وصلنا تعبانين كلش..
اكلنا قليل ونمنا..
كعدنا ب٨ بالليل...
خابر اهله وطمنهم واني هم خابرت..
اطياف توصي بيه وامي تدعيلي..
تالي طلعنا لان شابعين نوم..
رحنا افترينا وتونسنا ..
خلص اليوم ونمت هم فزيت بالليل لكيته نازع؟؟
شنو فلمه هذا؟؟
ليش يزغ ورا مانام..

كمت من ايده وكعد..
يفرك بعيونه ها ولج وين طافره..
مرتضى ليش تنزع من انام؟؟
يضليقج هالشي.؟؟
لا بس ليش؟؟
متعود انام فري اذا بملابسي تطير نومتي..
زين لخاطرج لبست شي خفيف..
امم لتتحرج مني عادي انزع براحتك..

خلصت سفرتنا ورجعنا..
مسوين عزيمة واهلي اجو..
شكد مشتاقتلهم اوف..
اطياف تجر وشمس واماني..
وامي ترزل بيهن ثكلن..
علوشه يجنن صاير فديته..
صار وقت الوجبه وكملنا..
اني وياهم اساعد صح ماقبلو..
بس اضوج لكعد..
جاي اصب الجاي واجتي امه جرت من ايدي الخاولي ..
عقت القوري لان حار هوا..
صفنت بوجهه شبيها؟؟
لج ام السحورة شبيج عمية هذا الهاولي مالتي..

للحكاية بفية..