المنجمة الفصل الرابع وأربعون 44 - بقلم كفايه بتاريخ2024/12/18

#المنجمة

الكاتبة_كفايه

لاتنسون متابعة الحساب
تصويت وتعليق بين الفقرات لطفاً 🧡

ياعلي مدد ♕

___________________________

_ورد: دخل ضرغام شافتة وابتسمت بخبث بقت عينة على ابنة وهي اخذتة وركضت بيه للغرفة
صرخ بصوت عالي رج البيت وركض وراها سدت الباب بكل قوتة يرفس بيه ويدفر .

_ضرغام: اذببببببجج بس تسوووويلة شيييييي

_اسيل: ما اخليك تتهنى بيه
الا احرررك كلبك علية واكتلة بيديييييي
واحنييي بدمة البيباااان

بصوت رج البيت رج صاح متخبل
_ضرغام: يا علييييييييييي ابنيييييييييي
يا علييييييييييي مشيييييي عليك الحسن

دفر الباب انفتح بيدة وضهرت هي تخنك بية
من شافت ضرغام من الخوف وكع الطفل من ايدها وجهة قطعة حمرة ولاصوت طلع منه ركض متخبل علية شالة ورفعة بالكاع يصيح يا علييييييييييي
ابنيييييي يا علييييييييييي

اخذتة من ذهب وسهلة طاحت بالكاع كلبتة ادك على ضهرة نزعتة ملابسة صار قطعة بنفسجية
طاحت ضرغام بالكاع يلطم على راسة بقوة
وذهب مستمرة تمسح على ضهرة .

_سهلة: مااات ابنك يمة كتلتة الماتخاف من الله

انفصل على العالم يدك على راسة وبس يردد
_ضرغام: يا علي ابني يا علي

اجة ابوي يريد ياخذ الطفل من ايد ذهب وهي ماتقبل تنطية بعدها ادك بضهرة لو ترفعة ليفوك _جيبية يمة مااات كااافي

_ذهب: ما مات ما مات عوفوة بعدة

كرصتة بقوة مانحس الا الطفل صرخ بصوت عالي فززنة كلنا واولهم ابوة كام من مكانة ومن شاف ابنة يبجي صرخ بصوت عالي يا علييييييييييي

اخذة من ايد ذهب دموعة نزلت يصيح
_ضرغام: عايشششش يمة ابنيييي عايشش
ما مااات علييييييييييي

التفتت عينة صارت على اسيل واكفة تباوع حتى احنا نسيناها ومن الصدمة التهينا بسيف ومصيبتة
تبدلت ملامحة عاف ابنة بيد ذهب وهي ركضت ركض وراها رادت تطلع وكعت على وجههة لزمها صرخت حار شلون يضربها ويبدي يبرد كلبة بيها
وحش صار عليها .

_ضرغام: ولج ابنج جبتية شايلتة شهور
بطنج هيج تسوووين بيه

تصرخ بصوت عالي الحكوني يا ناس ضربها الى درجة دمها طلع دخل ابوي كوة طلعها من ايدة
وذهب تصيح بيه:: لاقرب مركز اخذ هالجلبة
بت الشوارع ****

حتى مشي ماتكدر تمشي صاحت بينة ذهب على عباتها ركض جبتها لبستها واخذت الطفل اثار اصابعها طابعات بجلدة طلعت وراها تصيح

_انا امكم اذا ماخيستها بالسجون وادفع ماي
كلبي عليها

ساعات مرت علينا احنا بحالة من الصدمة
والذهول من ناحية ام تقتل طفلها ومن ناحية الطفل مات ورجع عاش بقدرة قادر .

رجعو بعد ماقدمو شكوى بالمركز وفتحو قضية قتل وسجنوها دخلت ذهب بيدها الطفل بحلكة ملهي يمص بيها جوعان ركضت امي سوتلة ممة رضعها بدقايق وذهب بس تدعي على اسيل اجة ضرغام منتهي من الخوف كعد يم بيبي ايدة ترجف يباوع لسيف صفن وكال..

_يمة بعد اسمة صار علي

_ذهب: سلام الله عليك يابو الحسنين
هاهية علي جا اكو احلة من اسمة

مرت بس الليلة وطلعو كلهم من البيت صبح بيتنة فارغ لاضرغام ولا علي ولا حتى ذهب عرب وشالت
بيتنة صار ما ينطاق وتمنينا ما اجو ولا هاي وحشتهم .

_____

_نيزك: بعد كل الصار رجعت لبيت ضرغام البيت الاجرتة ودخلتة واني كلي خوف على اخواتي
وشاردة من سالم ولدة لايلزمونا ويكتلونا
هذا البيت صار بيت رجلي واني راعيتة .

كعدت الصبح سبحت ضرغام نايم عفتة علي الصغير يبجي اخذتة سويتلة ممة كملها واخذتة غسلتة وبدلتة خليتة بالكرويتة وكعدت اناغية بعدة صغير ياروحي سماة علي بدال سيف لان يكول طلبتة من علي بس نخيت علي الباب انفتح بيدي ولحكت علية ومن اتذكر امة شكد انقهر علية
سهلة اخذتة عدها اسبوع وضرغام كلش متعلق بيه بخلص وقتة هناك كعدت وياة اقنع بيه يجيبة الي

_انت بمكان وابنك بمكان مايصير يا روحي
باجر يكبر يشوف جهالك بصفحة وهو بصفحة
اكيد يحس بتفرقة ونقص مادام بعدة صغير خلية يمي يكبر وي جهالي والله اخلية بعيوني
حالة حال امير واذا كبر سهلة تتعلق بيه ماتنطية

_تعب عليج حامل وامير ماخذلة صفحة
والبيت انتي مريضة فوكها ماريد اتعبج

_هسة اني شاكيتلك؟ هو طفل صغير
مايتعبني اني افكر بالمستقبل ما افكر بيوم وباجر
اريدة وي اخوتة يكبر وهم يحقد عليك لو كبر مربي ابن مرتك وعايفة هو ابنك نختصر كل هاي ونجيبة

اقتنع بالموضوع وبلغ امة ماعارضت وتفهمت الفكرة سلمتة الي توصيني ومن يومها علي عندي
وضرعام حتى للشغل مايروح تعبان .

خليت علي ورحت سويت ريوك كعد ضرغام اسمعة يسولف وياة ما استغربت حبة اله وهو صغير امير بفترة قصيرة تعلق بيه وخلاة يحبة ومايصيحلة غير بابا .

_صباح الحلو يحلو

_اكعد عيوني لاتتحرش ستوني كعدت

_مايصير نقلد الاجانب من يكعدون يتغازلون
لو الا عرك من الصبح يلا ترهم

_شلون نحس احنا عراقيين الا هيج

هز ايدة وكعد خليت الريوك مديت راسي اشوف علي كال:: خليتة بكاروكة تعالي

_بس اشوفة شوية

رحت لكيتة بكاروكة فاتح كماطة يلعب بادية
عفتة وغطيت امير ذاب الغطا والغرفة باردة
رجعت للمطبخ كعدنا نتريك ونسولف
شفت ضرغام صافن التفتت اشوفة يباوع لامير واكف بالباب يخزرنة بعصبية فتحت ادية اله

_تعال موري حبيبي

_ضرغام: تعال وليدي السبع يا روح ابوك

تحرك راح يحضنة وضرغام بوسة رفعة على رجلة خلاة:: تعال اغسلك

_امير: ماليد

_نيزك: مو بكيفك تريد تصير خايس

_امير: بابا يعسلني مو بابا

رفعة ضرغام وكام بيه
_اغسلك شعندي غيرك

_امير: الي

_علي اخوك هذا

غسلة ومسح وجهة كعدة يوكل بيه ويسولف علية يلزم بوجهة وضرغام مركز وياة كلش كملو موضوعهم الما فهمت منه شي عبالك بغير لغة يحجون .

_نيزك: اني اكوم اشوف ابني علي والعب وياة كملو سوالف عيوني وعزلو المطبخ مو بس تاكلون

_ضرغام: ادللي عيوني

_امير: ادللي ايوني

_ابقة قلد ضرغام بكلشي

عيبت علية ومشيت يم علية كمطتة ودكيت علية رجع نام عزلت غرفتي وطلعت الملابس اغسلهن لاكوني ثنينهم مغسلين وجوهم كعدو على القنفات
امير يباوع لضرغام شلون كاعد يسوي نفسة ويشمر ادية مناة ومنا .

_ضرغام: اااح تعالي ام عيون

_امير: اااح تعالي ام ايون

ضربة ضرغام خازرة يكلة
_تجي الي انت شنو

_امير: امي هاي انت امت هنات افتها

_زوجتي عزيزي ومثل ماعفت امي انت هم عوف امك وروح

كعدت حضني امير بقوة يخزر بضرغام ضحكت ونثرت شعرة:: ها مو جنتو اصدقاء قبل شوية شبيكم تخاربتو

_ضرغام: من وراج بس تخلين عيونج علينا

_نيزك:كل سالفة وذبها براسي
صدك اني امة ماتروح لامك

_ضرغام: اااه

_تريد الصدك لو تجيبها يمنة لو نروح يمهم
اني تعودت عليهن وشكد حجيت وياكم ردت محد يسمعني

_ضرغام: امي ماتجي هنا لو تنكلب ماتعوف بيتها
_نروح احنا يمهم

_بيتهم على كدهم وابوي اجة زرك روحة
هالفترة بلكت يسويلها مغريات حتى ترجعلة
عوفينة بيتنة احنا وزعاطيطنة لانشيل الناس من بيتهم

_منين اشو امير ماكو اعقل منه
فدوه لوليدي وعلي بعدة اسم الله

_ضرغام: وبعد البطنج تخيلي صرنا خمس نفرات
فوكهم باجر علي يتزوج وعلي مايعوفهن ويطلع

_اهووو سدها بوجهي مايردنا نروح يمهم

_حبيبتي عوفي الموضوع هما مايريدونا واحنا نريد مساحتنا الخاصة

_كول مساحة خاصة اي تريد تمشي وتبوس

ضحك بصوت يرجع بشعري
_اي اريد اشوفج بتراكات بشلحات
ماريد محاصرات

للعصر امير خبصنا ويسحل بضرغام يكلة
_اريد امت

_ضرغام: هي غيرة مثل ماني اريد امك
انت هم تريد امي

زعل امير كال بدلو اول مابدلت لامير ورشيتلة عطر اخر شي اكو مراية عدنا للكاع راح يشوف نفسة ويرفع بشعرة بغرور مو يشوف ضرغام قبل لايطلع هيج يسوي طلع يصيح .

_بااابا اني تملت يلاااا

_ضرغام: خل ننتظرهم شوية ياروحي

بدلت لعلي الصغير واحضرت جنطتة من حليب وممة ومستلزمات يحتاجها جهزت بسرعة وطلعت شايلتة اخذ ضرغام مني الجنطة وبوسة هو وبحضني .

_امير: اني هم اليد ابوسة بابا

نزلتة اله باسة ورفعتة طلعو كدامي لازم ايد ضرغام فتحلي الباب واخذ الطفل صعدت وانطانياة صعد امير بصفة ضبط وطلعنا من البيت
بس وصلنا نزل امير يدك بالباب ويصيح
_افتهو الباب اني ازيتكم

فتح علي الباب
دنك باس امير وامير يموت علية يسال بيه
_امو لاسك بعدة بيه دوة

_ضرغام: سودة علية صار زين

دخلنا وامير يركض لسهلة يبوس بيها عبالك امة وعايفتة خلصوها معاتب ثنينهم يسولفون ويشكون عافتة راح لذهب طلعت تصيح .

_هلا ومية هلا وبعد هلا بيكم

سلمت عليها وسهلة اخذت علي بقو يفرفرونة من واحد لواحد وسوالف رحت اشوف سهلة واساعدها بالعشا خاف تريد تطبخ .

_ها عمة شلونج شخبارج ما اشتاقيتيلي

_والله الج وحشة بكلبي شكبرها كل ما تصيرين على بالي ادعيلج

_والله اريد اجي يمكم بس ابنج مايقبل
تعودت عليجن

_عوفية يرتاح ويشوف دربة شوية
خلصها من مكان ومكان احجزية يمج

_ابشرج حتى للشغل مايطلع
كاعد بالبيت

_اشتغلي علية ههههههه

_هم يشتغل خطية مايقصر يساعدني بالجهال
وبالبيت مكفي وموفي ابنج

_هيج اريدة رباي ماضاع بيه
المايداري مريتة ويخاف الله بيها لابارك الله بية

_والله عاشت ايدج على الزلمة العفتية الي

ضحكت وضربت كتفي
_تستاهلين

_عمة متغيرة صايرة حلوة خاف لان عمي هنا

سكتت منطيتني ضهرها
_ها عمة هاا صار الصلح مو؟

_من الحرام رجعت بعدة شاب وسالت الشيخ مرة كال ماطول يريدج الله يحاسبج لا انتم مطلقين مايصير باسمة وبنفس المكان واحد كاطع الثاني

_والله فرحت من كل كلبي خطية هو يحبج

_مليت منه تالي عمري رجعت شسوي بعد
حتى بالتركي يشمرلي حجي عبالك مراهق
يفشلني يلا يرتاح

خدودها صارن دم تحجي بعصبية
ضحكت وكتلها:: يلا محد موجود بس امة
وعلي مو دوم بالبيت خل يعوض الراح

كطعت كلامي وهو دخل وكف بالباب يباوعلها تجاهلتة تشتغل كال:: لا تشتغلين عيوني ضرغام راح ياخذنة للزيارة امشي تجهزي

_سهلة: هسة وكت زيارة صدك يحجي هذا

_فرقد: اي عيوني يحجي صدك
ياخذ ابنة يزورة امير المؤمنين

_اذا هيج اروح ابدل

طلعت راح وراها وضرغام صوفر بصوت عالي
_هااا رجعت للبرلمان العراقي

_فرقد: انجب لاتخلي عينك عليه

_ضرغام: عليمن لو ما ادري بيك شلون رجعت
وثبتت رجليك بكاعة

ضحك وكام حضني من كتفي يكلي
_يلا عيوني نطلع

خليتة يمشي كدامي يشغل السيارة بقيت بالمطبخ علما يطلعون صدت عيني على الكاميرات والمشاهد تنعاد براسي والذكريات هنا اباوع لكواكب تجيني
باوعت للطاولة وشهكت جنا اني واخواتي ملتمات
ونسولف قهرنا دخل ضرغام مسحت دموعي ماحجي شي عرف السبب لزم ايدي رفعها باسها وكال .

_ضرغام: ذكريات هنا

_هواي جنت بوقتها خايفة ومحترك كلبي

قلص عيونة واشر على الكاونتر كال
_تذكرين من خطبتج هنا ورفضتيني

ابتسمت اهز براسي اي
_ضرغام: نومت حمامة نمت غطيت راسي بيدي من كتلي ماريدك ليش ولج ترفضيني اني انرفض ام عيون !؟

_عبالي تستهزا لو تضحك علية شبسرعة
شفتني وخطبتني واحنا مبعثرين

_هي الاصلية مبينة من شكلها جنتن شاردات وبنات وحدهن مافكرت بغير شي المظلوم مبين
وانتي مظلومة كلت هيج واتزوجها بس طن بوجهي الرفض صار

_صرت مرتك بعدين

_هم من عقدت عليج ماعاجبج تذكرين كوة كلتي اي للشيخ

ضحكت
_ليش الجذب جنت لعبانة روحي من الزواج والزلم كلها

_ضرغام اني افيدج بروحي

سكتت خجلانة ماعرف ارد علية
طلعو مشيت وراة صعدت وذهب صعدت يمي
صاح ضرغام بامة تجي سحبها ابوة كلة

_فرقد: روحو انتو سوى السيارة ماتكفي

_ضرغام: لاتكفي هذا مكان تعالي يمة

_فرقد: شبيييك ماتروح ترضعك امك
شلون احطة واكتلة بنص الشارع هسة

اخذ سهلة يسحل بيها المرة حتى عينها مارفعتها من المستحة شغلو سيارتهم واحنة وراهم
دايرة وجهي على الجامة بيت خالي كدام عيني صار غمضت عيوني ماريد اتذكر شي .

طريق طويل امير ينام ويكعد وعلي بس ممة سويتلة ذهب تلعب بيه .

_ضرغام: علاوي بابا ياروحي

دار وجهة علي عبالة علية
_ضرغام: مو وياك وي ابني اسمة علي

_ذهب: خاب شمالك وي عليش تروحلة فدوه
وسبع فداوي

_ضرغام: هسة اني شكلت سبيتة لو ضربتة

_ذهب: اسكت ولك تتغزل بابنك وماتتغزل باخوك
هو انا كون ما مخليتك تسمية علي هو بس علي واحد عدنا تاج راسكم كلكم من عدا ابو ود

_ضرغام: ذكرتيني بابو ود تاج راسج
رايح بغير كوكب مخلصها فوك السطح سودة عليج مو علية لان تحبينة

_ذهب: لاتضل تحجي علية يلا اسكت يسواك المزنجر

_ضرغام:اخخ لو تدرين هيبتج شلون مسحول ذهاباً واياباً روحة ورجعة فافونة

ضحك بصوت عالي صاحت بيه
_ذهب: نزلنا انا وعليش انت بس حاقد علينا
وماتحبنا

الطريق خلصوة واحد يقصف الثاني
بعد ساعات صرنا بالصحن امير بيد ضرغام تالي شالة وعلي مد ايدة اخذ علي الصغير .

_ذهب: وينك يامير المؤمنين هنا يعلي
اريد مرية لعلي بت حلال تسعدة وتجيب جهال يتونس عليهم

كلنا كلنة امين دار وجهة من عدنا كال ضرغام
_علي انت بس اختار بنية والباقي علية
اجهزك من كلشي ربع ما اخليك تصرف
بس خلصني وخلص فافونة الراح صوتها من الدعاوي

_ذهب: اي والله بكل صلاة ادعيلة

_ضرغام: هاي لو داعيتلي جان اخذتي معرض
السيارات باسمج مقابل دعائج الي

_ذهب: يا حبوبا شمالك ولك لاتخلي عينك على اخوك انا احبكم كلكم وادعيلكم ما انسة واحد بس عليش هذا وحد حتى احبة اكثر من ابوك

_ضرغام: حتى اكثر من ليث العزيز مو اعترفي

_ذهب: اي يلة ارتاح جا هو ذاك زلمة مات من زمان
ياهو الي غير عليش الغالي

باس راسها وهي تدعيلة بقة ضرغام خازرهم اخذني من ايدي وراح يحجي .

_امشي ذولة حموضة

_ياااا

_ماتشوفينها ماخلت دعاوي تعتب عليها

_غير ربتة من زغرة ليش تغار

_منين اغار شبيج حبيبتي بس فافونة
صاير ما ارتاحلها يمكن خلص مفعول السحر
المسويتة

ضحكت بالكتمان مبين كلش مايغار كعدت بالصحن كال راح ازور امير واجي راحو بقة علي الصغير بحضني يباوع بعيونة خطية شفت ذهب علي جابلها عربانة كعدها واخذاها وي الزلم يزورون
حقها ماتدعيلة وتحبة الله يحفظة الها بجاة علي

رجع ضرغام بيدة امير شربة مي وجابلي كلاص اخذتة شربتة دنك اخذ علي رفعة يبوس بيه

_هذا يا علي ابني سميتة علي

دمعت عيني اخذة يزورة ومن اتذكر حجي البنات وخوف ضرغام بذاك اليوم تنزل دموعي لفيت امير بعباتي يلزم بخدي ويسولف علية يحب يسولف
والاحرف مايكدر يلفضهن مثل ماهنة اكزكز علية من يحجي.

_امير: نانا بابا يهب الي وهم يهبني مو

_يموت عليكم ثنينكم

_واني هم اهبة واهب الي هو بعدة زعير
بس اهبة

دنكت ابوس بيه وهو يسولف اجة ضرغام خليت امير عندة ورحت زرت مادخلت للضريح اخاف يدفعني دعيت لاخواتي ولاهلي بالرحمة ومن ردت اطلع رجعت ادعي لكواكب بعد بجيت وعيوني حركني دومها مشلوع كلبها وضالة وحدها لاترضة تجي ويانة ومخلصتها مدري شلون .

لكيت ضرغام يفتر بعلي يبجي وامير يفتر وراهم يصيح:: استت الي ايب (عيب)

اجيت اخذتة منهم ورحت للحمامات غيرتلة يلا ارتاح سويتلة ممة امير ياكل بنستلة ويوكل ضرغام منها نايم بحضنة اجة علي جاب ذهب نزلت من العربانة كعدت راح يرجعها .

_ضرغام: مخلية الولد يدفع بيج ماتكومين
ناقصج حيل امشي برجلية لو تريدين الا تشوفين الزلم وتزورين وياهم

_ذهب: خاب لو ما الامام جان حجيت وياك اردك رد

رن تليفونة جاوب
_ضرغام: احنة بالصحن كاعدين وين انتو

بقة يحجي وي ابوة ويوصفلة المكان سدة
_ذهب: خيبة دعيت لاختج السبعة كون الله وبجاة اهل البيت يوفقونها

_ادعيلها لاتنسينها وياج

_ذهب: كون جاية ويانة جان حتى ونستنا
بسوالفها احسن من رجلج الغثة

_ضرغام: من طحت بس تبجين علية وتنخين
اطيب

_ذهب: گلبي اطمة يلا ارتاح جا يجوز منكم
اكلج حبوبا هسة اخيتج تضل وحدها كاعدة بالبيت حتى ما راهمة وعلي

_نيزك: شبيدي عليها لاتقبل تكعد يمي ولا تخلي واحد يكعد يمها هي بس دراهم ودراهم ماتعوف شغلها وبيتها

_ذهب: دراهم المرة رحتلها لبيتها تشكرت منها وانطيتها فليسات شغلها ماقصرت المرة ورادلي عزيمة اعزمها بس اختج ماتفعل تاخذ شي

_لاتحاولين وياها هي سوت هيج لخاطرنا
ماتهمها فلوس ولا الها طمع بيهن

_ذهب: مو بكيفجن انا كلتلها وكون
تريد اخليها بالبرلمان ادفعلها فلوس واسويها نائبة

ضرغام انتهى من الضحك حتى امير وياة يضحك
_حتى توزع بالحصة سجاجين وتسوي قانون
الينتقتل مدچوج مايحاسب القاتل

_ذهب: عمت عين الاغم من يسمع بطاريها
اي والله

اجة فرقد وسهلة صاح بيهم ضرغام
_عرسان شهر عسل عدكم اليوم تالي وكت والله

_فرقد: هسة اني المن اجيت امشي احسلي

_ضرغام: ابقة نروح للمطعم عود روحو لهاي الفنادق

حسيت سهلة من المستحة اختفت رحنا للمطعم كلنة طول الطريق ناكل فماجوعانين هواي
اكلنا الجمعة حلوة سوالف وقصف على ساعة اغص من وراهم كملت غسلت واخذت علي للسيارة ضرغام راح يغسل بقيت انتظرة برا طلع يمشي
عيوني علية واحسهن يطلعن قلوب من جابلي استكان جاي خلاة واخذ علي صعدة بالسيارة وكفنا شربنا جاي راح يرجعهن جابلي ماي

_اشربي عزيزتي

اخذتة من ايدة بعد ما فتحة والابتسامة شاكة حلكي
طلعو امير بيد سهلة كالت راح اخذة وياي وهو جلب وياها يروح رجعنا ويومين امير يمها مايقبل يجي
تالي رجع سويت روحي ما اشوفة زعلت علية ونفس ضرغام مايخليني زعلانة يبوس بيه .

_امير: نانا اني اهبج بس هي هم اهبة وماعدها وليدات هي

_عدها علي وهذا ضرغام ادزه الها اذا تريد

_ضرغام: ها شو تحجين علية خير سالمين
وين تطيريني تردين

_لامك امير يكول وحدها ماعدها وليدات

_حتى تصبح ماخذها ابوي وطافر بيها

ثاني يوم العصر رحنا لكواكب عندي مفتاح مادكيت الباب فتحت الباب ودخلت مالكيتها دورتها وضرغام يصيح :: ام دجة اجيناج خطار تلكينا بسجينتج

باوعت مالكيت الدراجة باوعت لضرغام كلبي احترك هاي وين رايحة بهيج وقت

_ضرغام: لاتضوجين يمعودة هسة تجي
تلكينها تشوف الشغل وتتفيك عليهم
لو تروح تاكل لفات

_ضرغام ترة هي بنية الى متى تبقة هيج
عمر كامل تعيشة عيشة ولد حتى الله مايرضاها

_بليلة ويوم تتغير عوفيها تتونس وتعيش مثل ماتريد

_الشارع خطر بية اشكال الوان
غير تنعدل وتكعد ما ارجع اذا ما اشوف شلون تصفى وياها

_ضرغام: كون هيج الف راسي وانام مو تتعاركن عود
__________

_كواكب: بيت وحدي بيه ما اكول استاحشت لا عادي هم حلو الهدوء وتعارك وي روحك تسولف بصوت مسموع اكعد اتريك على كيف مرات اجيب صمون واسوي جاي اكعد على البلازما لكيت قناة صفرة محتواها حلو تطلع برامج مترجمينهن
اكعد عليها اتونس واني اكعد ومن اجوع اجيب واجي الحمدلله مادام اخواتي مرتاحات بنص الراحة اني .

الساعة الـ 10:16 بالليل اندك الباب اسمعة اني قافلة البيبان من جوة مو خوف بس نيزك حلفتني
اقفلة فتحت الباب وانصدمت من لكيتة ضيغم

_شتريد

_هلو كواكب اني زين انتي شلونج؟

_اريد انام ونعسانة شتريد تحجي بهليل

_بعد وقت توها الناس

_عدكم عندي انام بهيج وقت حتى اكعد من الصبح

_شعندج الجهال مسطرة

خزرتة وذبيت نفس
_وهسة بلة شرايد ها غضنفر اندليت مكانة مو

_خليني اكعد جوة واسولف

دفع الباب ودخل مو للاستقبال لا للصالة مشيت وراة احجي:: هي الاستقبال خلوها للخطار لو للزمايل

_ماعرف صراحة اني مو ثنينهن

_اليوم مزاجك حلو خاب ماتحجي من الاخير

كعدت على القنفة كدامة عيونة تدور بوجهي تنرفزت:: شكو مضيع شي بوجهي

_احمم لا

_وين غضنفر عرفت اريد اشوفة بداعت امك ضيم
ساعدة اني من عندي الفلوس بس امشي بيها
لان تدري بيه كلشي ماعرف

دنك عيونة باضفرة يسوي بالقنفة

_ها تساعدة حباب ترة هو خطية
ماعاش مثلكم اهل وبيت تخيل ابوة عايش وعندة مرة وجهال ومايريدة وامة ال**٠ هم نفس الشي عمتة ورجلها **** طردوة علمود بناتهم شيطلع وصي غير تربة بالشارع وهاي الشكول لفتة
هسة الحمدلله من ماكاتل ومسوي جرائم
بس مخدرات سهلة سالفتة

رفع عيونة سكتت
_ضيغم: اني اجيبلة احتياجاتة وادزلة مصرف بالسجن خلص؟

_لا بس اشوفة خاب والعباس خطية
المساجين اهلهم يسالون عليهم بس هو

_وانتي اهلة شي؟؟

_لا بس محد اله ومايعرف احد بيه خير وكفو
عاد اروحلة اشوف اخبارة هسة يحجي علية
تلكاة

سحب نفس بقوة يدور عيونة بالمكان منزعج وماعرف شنو اليزعجة غضنفر صح علية سمعة بس يبقة شاب مظلوم بنظري لو مهما حجو علية الناس

_كواكب: شو ساكت ماتحجي

_اممم وياج

_نروح شوكت نكدر نشوفة

_اذا شفتية شنو تحجيلة؟

_شبيك فضولي يعني حتى شكلة عندك فضول تعرف ماصارت هيج عمي ادري بيك فضولي من البداية بس مو هيج

_حقج هاي امور شخصية ماتخصني

_صح

قبض ايدة بقوة وجهة صار احمر خاصة اذاناتة جمرررن ابتسمت واشرت بيدي عليهن...

_شوف اذاناتك عبالك رشيت عليهن فلفل حار
احووووي خل الزمهن؟؟ ها حباب

هز راسة لا سحبتها بقوة ضحكت وكتلة
_صير خوش ولد يلا

نزل ايدي وبقة لازمها سحبتها منه ورجعت لمكاني ايدي ترجف واتمنى صوتي مايرجف .

_كواكب: باجر الصبح نروح مو

_ان شاءلله بس سؤال عادي

_عادي جداً

_جيد هو غضنفر شنو يعنيلج؟ اقصد
تحبينة؟

_حب؟ اني ما احب بهذا المعنى التقصدة بس احجيلك شوية اني شخص تعاملت وياة دخلت للعصابة راد يشردني ومن عرفو صوبوة وراد يموت رغم يعرف راح ياذونة اذا ساعدني بس ما اهتم بس اتخيل يموت عادي المهم يساعدني

_افتهم تحبينة

_احبة كتلك مثل ماحب دراهم
ام حربي محمود مثل ذولة افتهمت
لحظة هسة انت جاي بالليل تسال حبجيات
شو ماتستحي

_شيخلصني من السانج

كام من مكانة عبالي يطلع بقة بالمطبخ فتح الثلاجة متروسة دجاج سفري ماكلة منه باقي بس جناح والصدر ماعرف شكد صارلة طاطلي بغلفة باقي ماكلة منه لفات ببسي لبن حلويات اكل نيزك توديلي بدون مخضر التفت علية سديت الثلاجة لان شكلها مبهذل اكثر من حياتي .

_هاي شلون مخلصتها هيج ماتطبخين

_ليش اتعب روحي ابن عمك النسيب يجيبلي
واني من اشتهي اشتري اليعجبني اكل
الحمدلله راحت ايام الفكر فلوس فلوس الف الحمدلله يارب العالمين

_ماتخسرين بطل دم اذا عزلتيها عندج معلومة
_لاهستوني دريت تعال اكلك هي ثلاجتك لو ثلاجتنا؟

مشة يشوف المطبخ
_ها شنو تقيس مدى النظافة ترة ما انظف
مخلصتها اتابع برامج واعلس

_صح سمنانة صايرتلج خدود

خزرنة وابتسم صفح
_كواكب: منيلي خدود اسم الله

_اكعدي واكلي اذا تردين كليلي اجي انظف البيت
بس لاتطلعين

_كثر الله امثالك

_الله لايكثر امثالج كولي امين

ضربتة على ضهرة بقوة
_وين تلكون مثلي بعد دخليني اتكاثر

غمز وبوقاحة كال
_اتزوجي حتى يصيرن بنات نسختج

عيبت علية وهزيت ايدي
_يلة منا

_فكري بيها بيت عندج وشغل دكولين خير من الله
رادلج بس رجال

_نعال رادلي نعالي قديم كلش وهسة لو كتلتك بية ماتتوجع

_لاتتجاوزين احسلج

_لاتحجي هيج وادلل

_تعبان اريد انام
_الوليلك تريد؟
_ياريت وافركي راسي وياج
_بية كمل اذا تريد اكصعة الك

دخل اصابعة بشعرة رفعة عافس وجهة
_ضيغم: شبيج انام هنا حتى الصبح نروح سوية

_دولي شنو مرتك نروح سوية

_من وراج مابقيتي مرتي

_ااه والله حلو تاليتي مثل اسيل اصير دروح امي روح لامك بيتكم فرغ يفتقدونج

_اي وراح اتزوج بعد ما ابات برا

دفعتة من ضهرة بحركة
_بالعافية روح واعزمني لعرسك

_صار بعيوني بس خليني بعد كاعد نسولف مادام بعد وقت

_كتلك اريد انام يلة اطلع بلا مطرود

_خليتي مطرود انتي بعد هسة ماتخليني مو؟

_اي مثل ماتشوف

_السبب؟؟

_رجال غريب

_فهمت

_تصبح على خير

_ماتخافين وحدج بالبيت والدنيا ليل

_ما خفت من جنت بالشارع والدنيا ليل واني وحدي ماخفت من نمت بالشارع وغمضت عيني اخاف من واني بيت وبية بيبان؟

هز راسة عيونة يلصفن بالضوة
_تصبحين على خير

مديت راسي وراة صعد بسيارتة باوعلي واشرلي ادخل ضحكت وسديت الباب يلا حرك سيارتة
طفيت الضوة وطفيت البلازما رحت للغرفة فرشت فراشي ورديت الباب صارت الغرفة ظلمة خليت ادية جوة راسي نايمة على ظهري وافكر بكلامة
راح يتزوج؟ يتزوج منو؟ منين عرفها شلون حبها؟
غمضت عيوني ونمت صفح اتذكر من باسني
رجف جسمي حسيتة يمي موجود ليش باسني بوقتها؟؟ طيح الله حظي ليش خليتة يبوسني
وسكتت عجبني قربة؟

بس هو اكيد راد يجرب لكاني يمة ورضيت مثل الزمالة مسحت دموعي النزلت الغصة بلعومي بصوت عالي حجيت .

_خل يتزوج ويشبع بووس ابن النعال
امداني اذا باوعت بوجهة بعد بس اخلص شغلي
نعال على راسج كواكب الزمالة عجبج
شخصية وعطرة يسطررر الزمال مو بس البشر انوب عيونة حلوة وشعرة سرح ثولج يالثولة
اشوفج بعد تفكرين بيه الا اشبعج نعل مكطعة
خوش ديلا انجبي ونامي لاتبجين

مسحت دموعي حركة بكلبي ضلت للصبح كعدت وي الاذان صليت وشغلت ماطور اجة الماي لان وقتة الصبح ترست الدبات والمبردات التانكيات متروسات منو يخلصهن شو حتى ما اغسل امواعين غسلت الطارمة عفتة رحت طلعت فواكة اكلت ماكدر انام بعد وين اروح المي يجري قوي دخلتها جوة ورفعت بجامتي غسلت البيت كلة عفتة ينشف شغلت البنكات بين ماغسلت الاستقبال فحطت وجعت تذكرت الفيتامينات لحد هسة مستمرة بالعلاج لان افحط وكلبي مرات يدك بقوة
ومن سالت الصيدلي كال اخذي من تحتاجين بس الفيتامين اخذي منهن .

طلعت اكل حميتة اكلت واني كاعدة اتابع برنامج سيارات خلصت لفيت المواعين ورحت سبحت
احتاريت شنو البس اشتريت ملابس جديدة عيني
وصار عندي خانة الهن معلكات بيه بس ما البسهن
احب البس هيج تشيرت وبجامة كل وحدة شكل

اختاريت بنطرون وقميص بعدين غيرت رايي وكلت خل افاجئة نيزك جابتلي فستان اسود مسطرة بية فتحة وفوكة سترة كصيرة كابوي
وحذاء ابيض طكيتة وطبعاً وياة جواريب كصار طالعات من الحذاء نفس الطلاب مشطت شعري اخر فترة كصيت منه لان طول بقة لنص ركبتي
وجهي صاير زين مو املح هاي لان ما اطلع بالشمس عجبني شكلي كلش تخوصرت احجي وي روحي .

_شوية خل استهتر واخلي حمرة نفس البنات

اتذكر نجمة تخلي لخدودها منها سويت نفسها ومن شفت روحي بست المراية صدك طلعت صاكة ترست روحي عطر واخذت فلوس بس حرت وين احطهن بحذائي؟ لو بالجواريب؟ لحظة نجمة جانت تاخذ جنطة اي هاي جنطة خليت بيها فلوسي ولبستها ومثل الماشايفة كلساع اشوف روحي بالمراية .

فتحت الثلاجة طلعت موزتين خليتهن بالجنطة صارت ثكيلة طلعت وحدة اكلتها وخليت نستلة وعصير بدالها كوة انسدت اندك الباب عرفتة ضيغم اجة طلعتلة بيدي موزتي اكل بيها فتح عيونة بصدمة واني فرحانة والضحكة شاكة حلكي طلعت افتر واكل .

_شلوني اخبل لو بيدي اشيل المراية واكابل روحي الحلوة عيني عيني اموت صايرة

عكد حواجبة ورفع ايدة يكلي
_شنو هذا لبسج؟؟

_شبية يخبل واني اخبل

_انتي من كل عقلج اخذج هيج؟

_وشبية عيني اشو اطك بالكاع
جني الاجنبيات المرعوصات رعص

_امشي بدلي تعالي شبيها شفتج هاي حمررة

_ها

_مخليييية حمرررة شكووو؟؟
وين رايحييين لحفلة لو لسجننن
تسوين اغرائات رايحة

_هييي شو ماتعرف تحجي شنو اغرائات يالخايس ابو العطور شفتني نفسك اسوي اغرائات

_شوفي تبدلين وتمسحين حلكج وتخلين
شال على راسج اخذج تبقين هيج اني رايحة عندي شغل

فتح باب السيارة صاير عصبي لزمت ايدة
_شبيك تحجي صدك وين رايح !!

_سمعتي مو تبدلين اخذج

_شبيك هسة اني شلابسة

_لا ما لابسة شي وخري ايدج امشي

بلعت ريكي بقيت مجلبة بيه
_هسة ما تاخذني شنو؟

خزرني عيونة كلهن غضب
_كتلج بدلي وخلي شال على شعرج
انتظرج بالسيارة لو اروح بكيفج؟

سكتت ماعندي شي احجية عندي بس خيارين
واني اريد اروح ضروري اروح صعد بمكانة
بقة خازرني نتر بية اخ لو الزمك هسة

_يلة ماتبدلين لو بطلتي حتى اروح

_انتظرني

مشيت ورجعت صحت بيه واعصابي ترجف
_شبية لبسي شبية والله حلو

_اررروح؟؟

مشيت ما حاجيتة ودموعي نزلت شكد جنت فرحانة الخايس خرب فرحتي لان طالعة حلوة ضاج بس يغار الغيور مسحت عيوني وفتحت الخانة غلطت علية اشكال الغلط طلعت بنطرون
اسود عريض وقميص لنص الفخذ ابيض وليش ابيض لان صايرة ادور تغيير وماحب الالوان
كلش تزعجبني الابيض شوية حلو طلعت اسب بيه اشر على راسي وصاح

_شال وياج شال

_انعل ابوك الفاسد ابو النسوان انت ولد عمك
بس صرتو خيرين وشريفين براسنة
روح لصبا حمرتها حمرة وي الزلم كاعدة
ماصرت رجال عليها ولبستها شال نعال
بحلكها

شغل السيارة طفرت لزمتها كل عقلي اوكفها
_اسفة اسفة بروح امك بروح اخواتك بروح ابوك بروح ذهب اوكف اسفة بعد ما احجي هسة اجيب عباية واجي

طكيتها ركضة لكيت شال جرجيت اخذتة بية وطلعت طايرة فتحت الباب وصعدت كوة اجر بالنفس .

_تف عليك الخايس فحطتني

حرك السيارة ما جاوبني وين يلا كال
_البسية

_من انزل

_لا هسة

_كتلك من انزل يلا بس تحجي ادفعك واخليك تسوي حادث

_سوادين

_مثل صبا ***

_كواكب لا تزوديها خليني سااااكت

_يلا اسكت اسم الله عليك

طالعة روحة يكول حاطين طلقة براسة حتى مجبور ياخذني ماحجيت وياة لو اكو غيرة ياخذني ويعرف مكانة مارحت وياة طلعت موزتي اكلتها
والنستلة والعصير عطشت .

_اريد ماي

بالشارع ولد يبيعون ماي من جهتة اخذ واحد انطاة خمسة كلة اخذها كلها اندار بيدة البطل جمدت بمكاني حتى عيوني سالني شبيج؟

هزيت راسي مابية شي واخذت المي وحتى هو عرف اني تذكرت من انطاني عشرة وكلي الباقي اخذة الك .

كملنة الطريق بدون كلام وصلنا كلي
_البسي شالج يلة حبابة
اني والله لمصلحتج ترة حرام انتي مو تصلين
وهنا ضباط وكلها زلم البسية وانزلي لاتخليني اندم

خليتة على شعري وشمرتة ليورة انصدمت من تقرب علية وضب الشال من جوة رجع شعري الطالع وكال:: دنبوس عندج؟

_لا

رجع الشال ليورة وشدة بقوة خنكني حيل قريب مني ابتعدت واني حتى الهوى كطعتة نزلت بسرعة يا شال نسيتة توترت وادية يرجفن من المخدرات تذكرت طلعت فلوس انطيتهن اله .

_هاك ذني هاك اخذهن مني ماعرف شلون بس انطيهن اله

_بعدين اخذهن منج

مشيت وراة مسلمتها بيدة الى ان صار الوقت اشوفة كلبي صار يدك بقوة عبالي اشوفة بغرفة طلع من ورة الشبك وكفت وهو اجة لازمة الشرطي
دموعي نزلن مسحتهن انصدم من شافني ضحكت
اسلم علية بحماس واشتياق جبير..

_كواكب اجتك يالخايس شلونك غوغو

ضحك مامصدك كال بفرحة
_غضنفر: هاي انتي ولج خاب ما مصدك

_حقك ولك اني كواكب صاحبة الاملاك والمشاريع اجيت اشوفك واعوف شغلي وكلشي

_ولج شنو هاي بس لاصدك لابسة شال وملابس حلوة بوووووية قميص ابيض انوب صدك ولج طلعلج كنز لو لكيتي اهلج طاكين وهوامير

_احممم هسة لو باقي جان شغلتك
وياي امداك

_دحجي شصار وياج

سولفتلة مختصر عيونة ضحكت قبل شفتة ومن الحماس يريد يطفر .

_غضنفر: والله طلعتي مصيبة

_كواكب: احسن منك صرت امداك ارتاحيت
هسة من انسجنت شكد حجيت عليك عوف المنعلات ماسمعت

_شبيج تشمتين بيه جاية

_دولي ترة اني زعلانة عليك ماتشوف اجيتك
واسمع لذاك الخايس خلاني البس شال خنكني

_ضيغم

_اي خطية جابني بس الحقير خلاني اغير لبسي لان شافني حلوة

_ما عافج شنو؟

_ها اي

صاح الشرطي بعد خمس دقايق وتخلص
_هسة احجي بدون نفس خالي شسالفة
الوقت بفلوس شو لا شغل وعمل عدهم

_اختي هذا القانون

_العراق بكلشي عندة قحط حتى بهاي
اكلك غضنفر اني ما اعوفك وعد اشوف قضيتك
واطلعك منا بس كون تصير، رجال وتسمع كلامي

_انتي غير عنهم تذكرين من جنت اكلج؟

_اي واطلعك كواكب لديكم لاخوف عليكم

رادو ياخذونة تذكرت فجاة وحجيت
_خالي بس شوية احجي وياة دقايق

_الشرطي: هو انتن النسوان ماتخلص سوالفجن

_بس شوية غضنفر صدك هم تفكر بية وتحجي علية؟

_لا

_اه وما تحبني بعدك؟

_دولي احبج روحي لابو العطور يحبج
بس طلعيني مو تنسين

_امدااااك بس اطلعك لاتخاف
راح يدزولك فلوس من عندي طشر بيهن
عود اتهنىىىىىى

طلعت اضحك واحس ارتاحيت من شفتة وحجيت وياة خطية شعرة مزين بس يلة تهون اختفت ابتسامتي من شفت ضيغم ضايج تقربت وسئلتة

_شبيك اذا ماتريد تاخذني ليش اجيت
اني بس طلبت منك ما جبرتك

_اصعدي نطلع

فتحت الشال شمرتة على الكشن وصعدت
_شفتية

_اي شكراً الك

_ساعة تغلطين وساعة تشكريني

_طكات تحمل اننونة تتحملون كل النسوان ضلت علية

_كل النسوان اشوة منج

بقينا نتناطح لمن وصلنا فتحت الجنطة طلعت الفلوس راد يحجي شمرتهن علكرسي وشردت نزل وراي سديت الباب بقة يدك بية .

_عيب عليج اخذيهن

_عيب عليك انت اخذهن واذا تريد
اطلب منك طلب اخذهن ترة تحرم علية اكلك على شغلة بعد

راح سبحت وبدلت جعت اريد اكل نمت ومن كعدت اخذت الدراجة وطلعت مريت بمحمود اخذتة ناكل لفات ومن رجعت لكيت نيزك وبالساحة تفتر وشكلها عصبية ...

____________

_اجااني اجااني

_ميس: مافتهمت منها غير هالكلمة حجيت اريد افهم البنية منهارة عرفتة زيد انقلق الخط رجعت اتصلت هواي يلا جاوبت بس مو هي مرت خالها

_خالة شبيها نجوم

_زيد النذل يهددها لو يدزلها كلام
كلنا لخالها خابر على عمة يكول ماكو شي

_خالة البنية منهارة شلون هيج تسكتون

_ماسكتنا بس شنسوي عمة كال هو بالعراق شيجيبة الكم يمكن غير شخص يعرف بالسالفة

_شنو قصدة بغير شخص

_والله يا خالة ماعرف

افتهمت يقصد فقار كال هيج حتى يخلونها تشك بيه جاي يموتها على البطيء ويتلاعب بيها من بعيد

_شلونها هسة

_نايمة

سديت التليفون ورحت حجزت لتركيا ثاني يوم بالعدلة رحت بابا ما قبل يخاف من طارق
بس من فهمتة هو مايكدر يسافر والبنية متاذية
وافق .

وصلت للشقة دكيت الباب الجهال فتحوة لكيت مرت خالها تطبخ وجهالها يدرسون سلمت وكتلها

_خالة وين نجوم

_بغرفتها

دكيت الباب فتحتة ماردت شفتها متلفلفة ونايمة
كعدت يمها كشفتها فزت عيونها حمر ومنتفخات من البجي جوة عيونها سواد البنية منتهية انصدمت من شافتني حضنتها بقوة كوة لازمة دموعي صديقتي الفرفوشة وسوالفها ماتخلص هيج صاير بيها !!

_نجمة: شجابج ميس؟

_علمودج شبيج شنو صاير وياج

دنكت راسها ورجفت ايدها بدت تحجي والشهكة لازمتها .

_نجمة: يراسلني يذكرني بكلشي
يهدد بيه اذا مارجعتلة يفضحني بالشركة ويدز صوري يكول مصورني ذاك اليوم يكلي اجيتج

رفعت راسها اختنكت البنية
_وين المحادثة

_يمسح حتى الحساب كلشي يمسح
صرت حتى ما الزم التليفون اندك بابنة طلع ابن خالي لكة كرت مكتوب بيه رسالة تهديد الي
يكول موجود اني هنا جايج لو تجيني

_بسيطة الا اربية من جديد انتي بعد ماتبقين
هنا ترجعين وياي هيج راح تموتين

_اخاف هناك اسهل يلكاني

_ما يلكاج حبيبتي هناك نوكلة نعل
كلها يمج بالعراق اخواتج اني صدك تحجين
توكلي بلة وخليلي احجزلج ترحين يم اختج باقية وحدها

ما انتظرت منها اجابة اخذت جوازها وحجزت للعراق كومتها تبدل بكد ما حالتها النفسية تعبانة حتى كوة تمشي بدلت واخذتها بلغت مرت خالها

_ناكل شي ونرجع

_الله وياج خالة بس ديري بالج عليها

_بعيوني

لزمت ايدها اسحب بيدها سحب بقيت اسولف عليها خليتها تندمج وتتحمس..

_نجمة: خطية علي طاحت بيه لان حباب

_اي والله صدك حباب وخوش رجال معدل وصاحب غيرة

اكلنا وافترينا برا رجعنا قبل الغروب لكينا خالها سلمت عليه وجلبت بيه ابقة يمها بقيت بغرفتها ومرت خالها ماقصرت بالضيافة كعدت وياها اسولفلها لازم ترجع وياي وتقنع خالها المرة تفهمت ومارجعت جواب للصبح واحنا لازم نطلع
تجهزنا ونجوم كالت اكيد خالي مايقبل

_مو بكيفة يقبل واخذج اخذج

اجت مرتة نجوم ايست بس المرة كالت قنعتة بطلاع الروح قبل اخذت نجوم متوترة وخايفة
وصاني خالها عليها هواي طلعنا راجعين للعراق
ماخليت نجوم ترجع لافكارها جبت وخبطت بالسوالف خليتها تضحك من كل كلبها واول ما وصلنا طمنت بابا ولكيت المحامية متصلة وراجعة دازة..

_البشارة ميس طارق لزمته الشرطة

كمزت بمكاني من الفرحة وصحيت نجوم تريد تفتهم شي بستها بوسة ام الطكة واحنا راجعين شفت فقار طالع جان يراقب من بعيد وطبعاً يراسلني واني احجي كلشي اله بس مال زيد وتهديدة ما كتلة لان خفت يسويلة شي ويضيع عمرة اكتفيت بـ..

_تعبانة نفسيتها لان وحدها هناك

نامت نجوم بالطريق وكل شوية تفز تلزم ايدي وترجع تنام الى ان وصلنا لبيتهم هي شبعانة نوم
كعدتها ونزلت لازمة بيدها قوي التفتت بالشارع ونزلت دموعها حضنتها ودكيت الباب محد يطلع دكيت اقوى اجة صوت كواكب تلعلع .

_اجيييييت ولكمممم الباب الا تخلونا بدون باب وكل اليجي يدخل مثل بيت دراهم

فتحت الباب شافتنا وانصدمت شمرت نجوم روحهة علية دخلن جوة عفتهن يكملن كلامهن وسلامهن الطويل ودخلت شربت مي وغسلت وجهي صوت التلفزيون عالي اخبار اخذتلهن مي دخلتها تبوس بيها اخذت مي شربت ونزعت شالها كواكب سلمت علية فرحت بشوفتها كلش متغيرة وصايرة حلوة حتى بشرتها موردة وسمنانة شوية

كعدن يسولفن صحت بيهن
_كافي سوالف نريد اكل

_كواكب: اروح اجيبلجن واجي

_تعالي اكعدي مانريد هسة نشوف شكو وناكل

_كواكب: لاااا لااا ابقن اني اجيبلجن لحد تفتح الثلاجة ادج ترة

ضحكت نجوم شمرتلها بوسة دكلها
_كواكب: اروح فدوه وسبع فدوات لاختي الحلوة

طلعت خطية دخلت الجنط رحت اسبح لكيت نجوم بالمطبخ فاتحة الثلاجة وتاكل بقلاة اخذت اكل وهي صافنة بالثلاجة متروسة ترس كلة اكل جاهز رجعت سديناها بقوة بيدها اكل علاكة خزرتنة

_كواكب: اني مو كلت لاتفتحن الثلاجة ليش فتحتنها !؟

_نجمة: حتى ما نشوف هذا المنظر الحلو مو؟؟

_كواكب: بيت شكبرة شكدة بس وحدي اشتغل واركض منا ومنا شلحك وشغل ومسؤليات
وعمال ومصانع

_ميس: ستوب حبيبي لهنا

_نجمة: واضح ماعندج وقت هو العندة وقت يتابع اخبار وراسة مصحصح

_كواكب: تاكلن وتسكتن لا اطردجن

سكتنا ثنينا وكعدنا ناكل جابت ورانا صينية بيها بسبسي لبن وعصير وفواكة وحلويات خلتة وكعدت

_كواكب: بس بالجنة هيج جميع الاطباق والحلويات الطازجة اكلن بخيرنا

اكلن ونجوم خبطت من كلشي راحت تسبح بقينا اني وكواكب كاعدين بصوت ناصي كلتلي.

_شفت فقار بالفرع بس شافني شطح

_بينا الحجي بالمطار هم شفتة لاحكنا
بس ذمة لاتكولين النجوم ماتحب تسمع عنة
خلينة نطلعها من جوها.

_هي بس وصلت هنا طلعت لاتخافين

شلت الاكل وياها ماقبلت اعزل بس من لحيت
كالت:: يلا عفية انتي مو خطار اروح اكمل الاخبار يكلج راح يطب وباء وبلاء

_يمعودة جذب

_دولي محد يجذب انتي احسن منهن

كعدت على القفنفة وعلكت رجليها على الميز كملت ورجعت تمددت تعبانة بقت نجوم كاعدة شبعت نوم كعدت العصر على هوسة لكيت اخواتها جايات سلمت عليهن وبقينا سوالف وحش كلنا عيونه عليها صارت تسولف وتضحك شهب كامت تبجي برا
طلعت وراها ابتسمت..

_شهب: شخبارج ميوسة

_الحمدلله وانتي

_رجعت ادرس ولبست ملابس مدرسة صح مو كل البنات يلبسن بس عادي المهم اعيش الشعور

ضحكت وفرحت على فرحتها
_ميس: ان شاءلله تصيرين دكتورة وتحققين حلمج

_لا بطلت حدرس اختصاص قبس حتى اصير وياة

_عجبني تفكيرج الج مستقبلج وزوجج كدامج

دخلنا جوة اندك الباب ضرغام اجة نجوم شردت للغرفة دخل بيدة اكل اخذتلة نيزك الجهال باسهم يلا راح ورة الاذان فرشت سفرة خطية جايب اشكال حتى حلويات..

_نجمة: ليش خليتية هيج يجيب خطية

_كواكب: عليمن خطية غير نساباتة
احنة اكلن بخير النسيب

جمعة تخبل ماكو احلى منها خابرني بابا كلتة راجعة كواكب ونجوم جلبن بيه .

_كواكب: جيبي ابوج احجي وياة

اخذت منه التليفون وطلعت تحجي رجعت كالت وافق سوينا سهرة تخبل سوالف كل شوية يلزمن وحدة يحششن عليها من وصل الدور لكواكب طفرت تهدد..

_كواكب: اني ما اتحمل وما اعرف شقة اسكتن لا اطيرجن

سكتنا نخاف منها وهي ماخلت واحد ماحجت علية بقة ضرغام بالاستقبال الجهال يمة من ردنا نام نيزك راحت .

من الصبح كعدت بدلت كعدت كواكب كاعدة كلهن نايمات:: ها عيني وين رايحة

_رايحة لدوامي

_اتريكي وروحي

_ما الحك غير مرة عيوني

طلعت تمشي كدامي تحجي
_مو بكيفج صمون هذا حار هستوني جبتة الجاي خدر اكلي وولي

كعدت صبتلي وخلتة كدامي
_كواكب: تستاهل ميس الحلوة الطاكة

_عيونج الحلوة يحلوة

كعدت تاكل وتكلي
_اكلج عادي اذا اشتغل بشركة

_اذا ناس تعرفج مثلاً اني ضيغم اي

_خيولي ابو العطور انتي بلة شنو اشتغل وياج
شوفي ترة اني ما عايزة بس افكر هيج

_اعلمج على شغل مايحتاج شهادة ومرتب براتب مرتب

_خوش حلو جداً وممتاز بس هسة شغلي نجوم اول

_اكيد هاي غصباً ماعليها تجي وياي تشتغل

طلعت وراي تاكل بلفتها صعدتني بالسيارة يلة راحت وصلت للشركة اشتغلت الشغل الماجلتة
بحب وسعادة وواهس بس يبقى عندي عدم معرفة بشغلات معينة اسئل مختصين واتعلم منهم .

صارت استراحتي ولان صاحبة الشركة محد تصادقني وتحجي وياي غير تجي نجوم .

اخذت نسكافية وكعدت اتصفح بتليفوني
راسلت علي مارد عفتة وطلعت وصلني اشعار راد علية اتصلت اتصال رفض وكتب .

_ما احجي اني اكتبي كتابة

_اني احجي اريد انت بس اشرلي افهم

اتصلت رد علية كاميرا ثبتتها كدامي وجاوبتة
_شلونك راسك شلونة

سوى باصبعة اوكي
_عليك الله يوجعك كول

اشر بعينة لا
بقيت اسولف وياة واعتذر منه سديتة ومر اليوم
رحت يم البنات بيتهم كلهن موجودات ولحن علية اجي بدلت وطلعت لكيتهن مخبوصات يبدلن ونجوم سادة عليها الغرفة صاحت بية نيزك .

_حبابة قنعيها تروح ويانة

_وين

_عزيمة مسوين بيت عيالي وكلنا معزومين ماتقبل تروح شلعت كلبنا

بقيت يم الباب اقنع واحجي وماقبلت تستحي دكلي ايسن ورادن يروحن بس وحدهن كواكب بطلت كالت ماتروحن ما اروح اندك الباب
راحت فتحتة دخل ضيغم وهي تعيب علية من ورة
حجة وي نيزك .

_ضيغم: تجهزتن

_نيزك: بس احنا نروح الثلاثي مايجن

التفتت على كواكب خزرها رادت تحجي كلها
_ضيغم: اذا ما اجيتي بعد مستحيل مستحيل مستحيل احجي وياج اذا ماعندي ذرة خاطر يمج لاتجين

_كواكب: هسة شبيك طحتلي مستحيل
هو اني لان بيها اكل بس غير اختي ماتجي ابقيها وحدها

_ضيغم: اني ادخل احجي وياها سويلي طريق

راحت نيزك قبلة دخل وراها بقيت برا طلع وكلي
_يلا ميس تحركي شعندج باقية

_ميس: اعتذر منك بس ..

_ما اعتقد انتي غريبة لو جاية من الفضاء حتى ماتجين

باوع لكواكب خازرتة بعد شوية وتكتلة
طلعت راحت دخلت جوة بقيت انتظر نجوم
بصوت ناصي حجة وياي .

_تعرفين الصار!؟؟؟

_لا شنو الصار

_ضيغم: الصار صدمة للكل...

يتبع.....

________________________

اللهم صلِّ على محمد وآل محمد

توقعاتكم
رايكم بالاحداث