المنجمة
الكاتبة _كفايه
لاتنسون متابعة الحساب
تصويت وتعليق بين الفقرات لطفاً🧡
يا علي مدد ♕
حايـر مـن تجي بيا وردة الاگيـك
ويا عين الـ تكفي وبيهه أخلـيك .
_____________________
_ضيغم: الصار محد متوقعة
_ميس: خوفتني شنو الصار
رفع عيونة باوع بالمكان وحجة بصوت ناصي
_سمعت زيد مسوي حادث السيارة الضاربها
سايقها متوفي وهو حالتة خطرة بين الحياة والموت
ابتسمت استوعبت كلامة ودخل براسي واتخيلت الصار ضحكت طلعن البنات باوعلي واني اضحك
هزيت راسي مو متشمتة بس احس مي بارد وكع على كلبي من اشوف نجوم وشلون ادمرت اخواتها يسحلن بيها وهي تريد ترجع تدخل للبيت
_نجمة: ماريد اروح والله استحي
_نيزك: منين تستحين ليش انتي شنو مسوية ياروحي
_نجمة: كلهم يعرفون ويباوعولي بنظرات مختلفة والله ماكدر والله
نزلت دموعها تمسح بيها ونيزك لازمتها من ايدها مثل الطفل وتقنع بيها بكل هدوء وحنية .
_نيزك: هاي انتي تتخيلين هيج وتفكرين
كلها تباوعلج ومخلية الموضوع براسها بس الحقيقة كلمن ملتهي بنفسة وبشخصة
لاتحبسين نفسج اكثر من هيج وادمرينها
ماسويتي شي غلط حتى تستحين تواجهين الناس
تمسح بدموعها وتشهك سحبتها كواكب من ايدها
تريد تنفجر من العصبية .
_كواكب: روحن نبقة احنا ما نروح صح جنت اريد اكل واشوف الاجواء بس يلة خل ذهب تعزل حصتي
ايسن وراحن بقيت ماتحركت باوعت لنجوم مسحت دموعها واخذت ايد كواكب
_نجمة: يلة نمشي روحي اكلي بس لاتعوفيني
وخاف واحد يباوعلي هيج مدري شلون لو يذب كلام انتي اكتلية
_هاي سجينتي وعلي املخة اني اريد اتعارك طاك كلبي
ابتسمت نجمة ومدت ايدها الي اخذتها وطلعنا سوى فرحن البنات بجيتنا .
_ميس: يلا عيني اطلعو كدامنا وراكم طالعين
اخذتهن بسيارتي كواكب فاتحة الجامة رغم حارة ماحاجيتها طلعت ايدها تاشر انتبهتلها سيارة ضيغم بصفنا تمشي .
_كواكب: المثقف مناسبتيش العزيمة
_ضيغم: ثواب اكلي واسكتي
_كواكب: اححح شو عطرك ماطلع من الجامة
وشمته السيارات اليمك اااه جددة هاي كتلك
خزرها وطلع كدامنا بسرعة بقت تحجي علية وتضرب بالكشن..
_كواكب: شايف روحة شوفة اني مثقف اني
ابو العطور الخايس رش يرشرش بهلعطور وهو خايس الناس يشوفهم فضائيين لان عيونة ملونة وشعرة سرح هسة اني عيوني احلة هم تفيكت على الناس؟؟
_ميس: لاحبي ماكو بتواضعج
_كواكب: وشعري لو اخلي مثل الشامبو اليخليةةلشعرة جان صار زلازل وهاي وجهي جاي يصير ابيض هم تفيكت على الناس وشفتهم كائنات فضائية ؟؟
_ميس: لا حبي وين انتي وهو وين
_كواكب: هما ذولة المثقفين كلهم هيج
الحمدلله البعيجي مو مثقف جان كعد الصبح لكة السجينة بخاصرتة نايمة
خلت ايدها جوة خدها ورفعت الجامة
_كواكب: خو شفتي غضنفر شكد حلو
_ميس: ومرتب هم
_كواكب: ومو بس هيج ابوة طلع يمتلك عمارات
وسجلهن باسمة والولد خطبني الف مرة وكلي اسجلهن باسمج بس وافقي ماوافقت هذا عبالة محد خاطبني خل يسئل نجوم شكد خطبوني قبل احجي نجوم
_نجمة: من كثر ماهواي ما اتذكرهم يجونا يكولون نريد عيون ملونة حتى تطلع جهالنة هيج
ويبووو ما اسولف المواقف الصارت يدكون روحهم الا هي نريدها هاي الجنها اجنبية
_كواكب: هذا الحجي هناك سولفية من يجي
خل يعرف حتى مايتفيك علية عبالة اباوعلة
مايدري امشي وارفض بالزلم كلهم يتوسلون بيه
بس اقبل بيهم
_ميس: اكول حبي شمعنى ضيغم بالذات مو جنج مهتمة اله زايد وحاركة كلبج علية
_لان ما اطيقة يلة اسكتن كافي هواي كصينا بيه
هسة راحت حسناتنا اله وهو يغري بالبنات
حسناتي ملزكتهن بتفلة يجي يلمهن لم
اني ونجوم ماتحملنا ضحكنا من كل كلبنا كواكب سوالفها ابد ما تنمل تشد الواحد وتونس بنفس الوقت من وصلنا بيت ليث وشفت خوف نجوم ماتحملت اكتم الخبر اكثر بلغتها حتى ترتاح ويبرد كلبها بس صار العكس وبجت بجي نزلتلها كواكب كعدت بصفها حضنتها تسكت بيها ودكلها.
_كواكب: هاي حوبة بنية بريئة يتيمة الام والاب
خدعها واخذها حتى ينتقم من عدوة بيها ورجع كسرها ورجع يهدد بيها ويبتزها
_ميس: رب العالمين اخذ حقج منه
وكل دمعة نزلت من عينج اخذ حقها بعافيتة
نزلت ادخل بتليفوني ماطلعن من السيارة بعدهن جوة وضيغم واصل قبلنا فتحت الباب احجي وياها تنزل ماحسيت الا شخص ورانا انداريت شفتة فقار وكفت عدل معاني وجهة خوف وقلق تحجي
_فقار: هلو بنات ليش ماتنزلن
_ميس: هسة شوية
عيونة على نجوم الدايرة وجهها منه ومخبوصة تمسح بوجهة ردت اشرلة يروح حتى تنزل براحتها عيونة ثبتت عليها كلش ماوخرها فز من حجيت
_ميس: بلا زحمه شوية ابتعد دتنزل
ابتعد مسافة نزلت وكواكب اجت لازمتها من ايدها مارفعت راسها نجوم عبالك مسوية مكسورة
كواكب احسها تخاطب فقار بالنضرات سبقني بالمشي مشيت بصف فقار يحجي وياي من دخلنا صارو الشباب بوجهنا كلهم التفتو علية سلمت .
_سمار: المديرة المحترمة اجت ونورت الديرة
_ميس: بنوركم منورة
_سمار:الامراة الناجحة تزور منزل ال ليث
_قبس: مو اكول تنجب احسن
_سمار: صحبتك شحجي عليها
بطل..
سد حلكة قبس ما خلاة يكمل وجهي صار احمر كوة كاتمة ضحكتي هذا سمار مو طبيعي ابد مشيت لكيت علي واكف على صفحة مكتف ادية يباوع ابتسمت من شفتلة ردلي الابتسامة
_ميس: شلونك علاوي
هز براسة
_ميس: خو ماعندك اعراض هالفترة صداع دوخة خمول شي منا منا
هز راسة لا ودنك يضحك بخفة
_الحمدلله طمنتني اذا صار شي امانة بلغني
دخلت جوة معازيم جاية نسوان متروس البيت من اقاربهم لكيت البنات ملتمات يم ذهب كعدت يمهن
_ذهب: حبوبا انتي خوش بنية وانا احبنج وافكر بيج اكول ماتصير مسلمة ماطول بعدها شباب
_ميس: ليش الدين المسيحي شنو قصورة
ليش ماخذين علينة نظرة احنا بالنار نهايتنة
مثل ماعدكم نبي وكتاب احنا هم هيج
_ذهب: حبوبا انا ما اكول هيج
المسيح حلوين وخيرين مابيكم اذية على العالم
ونبيكم عيسى (ع) نبي بكتابنا ومعجزاتة معروفة كون من تتبعونة ليش ماتمشون بنمطة اسئلج سؤال مريم العذراء جانت مطلعة شعرها نفس نسوانكم شو كلهن مشلتحات ماكو مسيحية لابسة شال جا مو حرام
من شافتني سكتت وضجت اجت باستني تبرر بنية حسنة هي بس حبت توضح وتريدني ما ادخل النار كتلها ماضايجة وكمت وي البنات نساعدهم .
_ورد: ماكتلجن بنات رفل البارحة عرسها
ضربت نيزك على صدرها ضفاتحة عيونها بقوة
_نيزك: وحسن صدك تحجين
_ورد: عزمتنا ابوي ماقبل نروح لان اخوها منو
وهم ماراد نلتقي بيهم بعد لاتصير مصيبة امي راحت وسهلة
_نيزك: شكالن عليها ضايجة تلطم تصرخ
_ورد: دكول امي صافنة وجامدة بمكانها ماتحركت
ولا ضحكت ومن اجوها بجت بجي حتى مكياجها خرب كوة طلعوها
_نيزك: حسبي الله عليهم حسبيييي الله
الله ينتقم من الظالم ليش هيج كسرو بيهم وهما شباب
طلعت برا محترك كلبها وجهها احمر صار اخذت كواكب الها مي ومن تكاب الجو اجت كواكب ترفع بسترة فستانها اسود مسطرة يخبل عليها
_كواكب: هم لابسات مثلة قبل اكيد لا
هذا جابوة الية من المانيا تعرفن صارت عندي فلوس واعمال مو نفس قبل شوفن التغييرات راح اصير بالبرلمان لان عرفت السياسة وطكتها مخلصتها اخبار وقضايا سياسية
_ورد: وياج اخذيني اشتغل فدوة
_جوري: هذا فستانج مايصيرلي كلش عجبني
_كواكب: اوصيلج واحد من بريطانيا ادللي
_ورد: مو قبل شوية دكولين المانيا
_كواكب: عجبني اغير الدول وافرها فر بكيفي
دخل فقار شايل ود يبوس بيها وكف بالباب متعمد يباوع لنجمة الابتسمت من شافتها ود بيدها شوكلاة اول ماشافت نجمة ضحكت وفتحت ايدها
_ود: بابا اجت نجوم صدك
هلووو نجوم بابا جابلنا حلويات النة ثنينا
هاي الج
نزلها بالكاع راحتلها تركض ونجمة دنك تبوس بخدودها مدت ايدها اخذت الشكولاة شكلهة يشهي
فتحتها ود فتحت حلكها خلتها بيه تصيح هممم
فتحت ود البيدها ونجمة فتحت حلكها خلتها بحلكها ونجمة تهز براسها تقلدها ودكلها هممم
كلنا نباوع ومبتسمين عليهن وعلى لطافتهن وكياتتهن يسولفن مندمجات عيوني صارت على فقار الابتسامة شاكة حلكة عيونة تاكل بيهن وينطن لمعة اشوفهن قلوب اني واحس كلبي يريد يطلع من الفرح هيج والله وينجمعون .
خلصنا البيدنا وكعدنا بالصالة كل شلة تسولف وحدها اجو خالات ضيغم وبناتهن وهاجر وبناتها لحد الان ماعرفت لمنو الثواب والعزيمة جنت مركزة بيهم ماحسيت غير ذهب صارت كبالي سحبت ايدي بهتت ملامحي وانصدمت لبستني اسوار ذهب كلها انتبهت وهي كالت بندم .
_ذهب: والله انتي معزتج مثل معزة البنات وتعرفني احبن البنيات الحبابات بسرعة
ماردتج تزعلين انا جانت نيتي غير من فكرتي
_ميس: لا بيبي والله مزعلت منج بالعكس ليش ازعل كلامج صح واني سكتت لان معندي جواب
واضح وصريح
ردت انزع السوار مو على هاي اخذ ذهب
لزمت ايدي وكالت:: ماينزع عوفية ذكرى مني
لو متت تذكريني
_ميس: عمرج طويل بيبي والله ماعرف شنو احجي على هذا الكرم والنفسية الطيبة
_ذهب: بس يضل بنفسي تتحجبين وتدخلين للاسلام وتبعين دين محمد (ﷺ)
ضحكت تلزم بحلكها ابتسمت احس وجهي عرك من كثر مايخزرن بيه ذني الكاعدات حجت وحدي بيهن
_ماتحجين وي اخت جناينكم راجعة بس على المسيحية مو المسلمة اولى بالحجاب شعرها طالع اديها مدككة وشوم وشعرها كاصتة مثل الاجنبيات
ولبسها مدري شلونة عاد المسيحية استر واحسن
وحدة بقت تباوع بالثانية منا يلا افتهمنا تقصد منو كواكب المالها دخل باحد جانت كاعدة على القنفة وطابكة رجلها خزرتهن تباوع بشكولهن خفت تنفعل وتصير عركة بس هزت بيدها برود ردت عليهن بس صدمتنا وخلتنة نفر بعيونها بردها .
_كواكب:عفت الاسلام الج يلشريفة
راح الزم لساني لان كلة فشاير وبعد افشر هم ضيفي بس افشر على امثالج روحي شوفي بيتج اول بيتج كلة زنا كبر لفج ولف ولدج
غمتها كواكب بثنين اديها خلت المرة صارت كبريت كامت من مكانها تريد تهد على كواكب تصيح وكواكب وكفت فوك القنفة اطك اديها بكل برود
وكفت ذهب بوجهة المرة وصاحت
_ذهب: ضبي السانج انتي حجيتي وبديتي
تاكلينها وتسكتين يلااااا
_سمعتيهااا شدكول علية وتغمني كدامجن مرة شكبرني تغمني وتردين اسكت
_كواكب: ها هااا هنا اني شو تعاي اعدل فقراتج
_ياسمين: شبيج كواكب مو عيب شنو هالكلام
مرة اكبر منج احترمي
_كواكب: ماحجيت الا الصدك
لزمت اختها تريد تسكتها وذيج فلا تسكت تريد تعارك صاحت بيها ذهب، من جديد
_ذهب: المايحترم بيتي وخطاري ويتجاوز علية يطلع منه خووووش
سكتت المرة ابتسمت واني من يمي كلت امشي وي كواكب النزلت من القنفة ترجع بشعرها ليورة متفشلة بس لحظة وحدة فسرت قصدها دفعت المرة (اخت ياسمين) من ايدها وبحدها صاحت
_ذهب: نبصتي بالنص تردين تخربين الكعدة رجعتي على البت يمج كرباج شعليج بيها
جايتج متجاوزة عليج تستاهلين لو تسكتين وتكعدين لو تطلعين بلا دوخة راس
_ااني ولدي يزنووون دكلييي هال***
_ذهب: ماكو غيرج *** جا ولدج ياهو مايدري
بيهم ساقطين يلا ولي يلاااا
اخذت بناتها وطلعت تغلط وتسب دخل ضيغم وامة زعلت لان اختها انطردت راحت لغرفتها باوع يريد يفهم شكو راحتلة كواكب كالتة .
_العركة علية تنغار هاي خالتك من وشمي ولبسي وشعراتي الحلوين
فتح عيونة بقوة يباوع للوشوم البيدها وجهة صار دم رجعت ليورة لطم على كصتة وبحركة كلب واضحة كال .
_ضيغم: منوووو الكالج دكي وشم جديد فوك ذنيج ولج انتي شنو من بشر كل ماتضوجين ترحين تقترحين وشم ولج حرررررراام ماكافي ذنيج
_كواكب: لو ادري ما اجيت باقية اباوع
نشرة الاخبار واشاهد الكوارث العالمية ولا هالدكة بس يلا رايحة ...... طلعت متنرفزة ماكدر بعد ابقة اخذت حذاتي هذا كلامنا صار بالمطبخ دنكت البسها دفعها برجلة خزرتة بقوة والله لو ما اكول عيب جان لزمت خالتة شبعتها كتل وهو وياها حتى ابرد گلبي بيهم
باوع بالساحة كلهم جوة بس البنات يباوعلنة
شلت الحذاء بيدي اريد اسيطر على عصبيتي ماكدر
_ضيغم: كواكب لاتروحين اذا الي خاطر يمج
_كواكب: ليش خليت بيها خاطررر بس عوزك تضربني كدام البنات كلهن شعليكم بياااا انتتووو
هو اني صوجي اجيت لو باقية بالبيت اشرفلي
_ضيغم: كواكب اذا طلعتي ازعل عليج
اذا الي خاطر شوية يمج ابقي بس تخلص اني اوصلج بيدي
_ماريد ابقة شنو علمودي مسوينها الف واحد هنا كلها تاكل مايبقة الاكل بمكانة
التفتت من سمعت صوت ذهب بالباب واكفة كالت
_ذهب: ماتطبين وين مولية ولج
_كواكب: راجعة للبيت
_ذهب: ياهو وياج حتى راجعة هسة
اشرت على ضيغم وكتلها
_هذا حفيدج المدلل المثقف مسوي روحة
يرزلني علمود الوشم ويريد يضربني كدام البنات شاهدات علينا
_ذهب: حتى اكتلة الج دتعاي نسولف
جاي اشوف جني يمكن رجعت السحورة
_ميس: شمرت حذاتها ودخلت جوة ضيغم بقة يهز بيدة وراح كعدن يسولفن بالخنسة ويتبسبسن ماكامن من مكانها ولاسكتن بعد .
البنات كل وحدة شغلة واني اخذت الفواكة اغسلها من جديد مخلينها بالمجمدة وجامدة طلعت برا بالحديقة عدهن تانكي مي بالكاع كعدت نص كعدة وفتحت البوري عليهن اسويهن بيدي خلصت وكمت وكفت وجذبني دخان الجكاير مديت راسي شفت فقار يدخن ويدندن وي نفسة بقصيدة او شعر مافهمت كلماتها درت امشي رجلي التوت همزين ماوكعت على وجهي صحت اخ التفتت اجاني
_فقار: ها ميس خو ماتاذيتي
_ها لا
حركت رجلي اكثر من مرة ورفعت راسي من كال
_شلونها نجوم
_شفتها بعينك
_اريد احجي وياها ليش تشرد مني
_ما اعتقد وقت كلام هسة اخذ وقت
_ماكدر اريد اسمع اسوالفها مشتااااق
وعزيز الحسين مشتاق
_ان شاءلله اقنعها او اشوف طريقة غير مباشرة حتى تحجي وياك
_ما انساها الج هاي
_يدلل النسيب
ابتسمت ومشيت خطوات تذكرت كلامة قبل شوي وهو يحلف بعزيز الحسين (ع) التفتت علية وبفضول كتلة:: منو عزيز الحسين؟؟
_حامل لوائة الامام العباس علية السلام
قشعر جسدي من ذكرة احس هيبة وقار وي اسمة يجي هزيت راسي ومشيت صح اني مسيحية بس عندي معلومات عن اهل البيت واعرف كلشي عنهم بس مو بشكل مفصل مثل الشيعة من يعرفونهم
وعن قريب كلش ناوية اخذ نجمة وكواكب نزور كربلاء المقدسة .
دخلت جوة فرغت الفواكة بمواعينها او ماعرف شنو يسمونها والبنات خلصن من الترتيبات المطبخ صار عبارة عن مواعين اجو الولد ينقلون الاكل
واحنا ننطيهم دخل قبس خزر وردة ورفع اصبعة يكللها .
_قبس: شايفة لو طلعتي برا راسج املصة
_ورد: يمتها طلعت برا شبيك
_قبس: وردة والقران تشوفين مني ردة فعلة تتمنين ما تشوفينها مني اكعدي هنا بين مايخلصون
لو سمعت صوتج هذا صوتج اجي اخنكج
_ضيغم: خيرررر تخنك منووو؟؟
ضرب على ضهرة وقبس التفتت علية اباوع لوردة وجهها صار دم هي تفتر ماتكعد بمكان ورة الجهال مخلصتها تغور باخوها وتلعب امير هاي سوالفها البنية من دخلت ولجاي .
_قبس: مايخصك
راد يطلع وكفة
_ضيغم: شنو مايخصني اشفتني كدامك حتى اسكتتتتتت
_قبس: زلم تارسة الساحة وهاي العوبة
لو صوتها شعلوة لو تطلع وجم مرة اخزرها ما اتوب حاجيتها كافي
عيونة اندارت على وردة رفعت ايدها وبتوتر بررت
_ورد: والله امير يطلع واجيبة بس هاي
_ضيغم: احجي وياها بدون ماتكلها اخنك وماعرف شسوي تمام قبس؟
مشة قبس وردة كامت تريد تبررلة رفع ايدة كلها
_ضيغم: مثل ما كال قبس صوتج ولاتطلعين انطيني الصينية يلا عيوني
شالتها ترجف اخذتها نيزك منها انطتها اله وامها رزلتها خلتها تبجي ودخلت جوة لحكتها اختها وسهلة تحجي على امها ما قابلة لان رزلتها .
_ياسمين: ملكوفة دومها وزمانها مفشلتني اكلها ثكل للبنية ماتفهم
كلها تدخل تاخذ اكل وتطلع وفقار جكارتة بحلكة وعينة على نجمة المامنتبهتلة ياخذ المواعين .
_ضرغام: لاتوكع انتبهة عيوني جبير بيت الليث
طريقك انتبهلة لاتخزينا كدام العالم
ماكدر يحجي من ورة الجكارة بحلكة مشة خازرة وضرغام يضحك علية نجوم دخلت جوة اخذ ضرغام صينية بقت صينية ترسناها نيزك كاعدة شلتها وتقدمت انتظر واحد ياخذها كفخني العطر قبل لايجي ابتسمت واخذها من عندي من مشة شفت خياط راسة وتاذيت انتبهت لسهلة تباوعلي ومبتسمة وكفت يمها وكتلها بحسرة .
_ميس: والله انقهرت بوقتها كلش
من تاذى بسببي خوما يوجعة راسة؟
_سهلة: بسببج شنو غير تجاوز عليج ومحد يمج
يسكت تردينة مو عيب احنا ولدنا معلمينهم من يشوفون حرمة محتاجة فزعة كبل لاتصيح يفزعولها مابالج انتي زميلتهم وابوج صديق العائلة
_ميس: والنعم من تربيتكم خالة
خلصنا من الزلم وصبينا للنسوان سفرة فرشناها بالصالة من الطول للطول كعدنا كلنا كواكب صف بصف وي ذهب تشيل وتخلي كدامها وذهب تصيح بينا وحدة وحدة
_اكلن حبوبا شمالجن ماتاكلن البنيات انتن لاتخلن شي تعبتن اليوم... جا ياسمين وين هاجر وبناتها ماينزلن ياكلن
_ياسمين: والله صعدتلهن ماينزل امهن تعبت وهنا مكابلاتها كتلهن اصعد الاكل كالن بس تنام ننزل
_ذهب: جا امهن كل سنة ماتجي تاكل من الثواب
امشي كلليها مايوصل ماطولج ماتاكلين منه
ومو هل يجنها بالحلم جوعانات يشكن هاي كلة من وراها غير كون الام تاكل من ثواب بناتها حتى يوصل الهن
صعدت ياسمين توصللها الكلام شوية ونزلت وبناتها ملتمات عليها كعدنها والتمن عليها يجيبن ويخلن كدامها صافنة بالاكل صارت تضرب على رجلها ودموعها نزلت .
_سماهر: يمة اكلي مو وقت بجي نعمة الله
_هاجر: يمة جوعانات يجني اختج راحت بلا اكل
من وراي
سكتت والغصة خنكتها بس دموعها يعبرن عن وجعها مو بس هي مالها نفس بالاكل كلنا من شفناها ما اشتهينا بناتها وكلنها شوية كامت وبتها الجبيرة كامت وراها دقايق وصعد فقار وراهن مانزل بعد خلصت ذهب اكل ورفعت اديها .
_ذهب: نهدي قراءة سورة الفاتحة و ثواب هذا الاكل لوجهة الله تعالى
والى روح ام البنين وامواتنا وموتى المسلمين ولاسمياً من ماتو على ولاية امير المؤمنين
وبالتحديد الى روح المرحومتين الطاهرتين
العروسة الشابة سيماء والطفلة سارة من دار
الدنيا الى دار الاخرة
كامت تغسل والكل قرا الفاتحة وتبعها صرنا نلم بالاكل وهاي اني الما اشتغل وياهن اركض منا ومنا
وفجاة تحولت الاجواء من الفرح للكابة..
_ورد:هاي كل سنة هيج نسوي عزيمة هاي ثابتة ودائماً نسوي غيرها بس بمثل هاليوم تختلف اجواء هالعزيمة تنختم بجي وحزن
_جوري:هاجر تتخربط وبعد هاليوم توكع
وتدخل بحالة نفسية يحيرون شلون ترجع لصحتها ولحالتها بناتها ولدها مايعوفونها يوم
_ورد:شكد مرت سنوات ولا تتخطى عبالك هاي اول سنة
_سهلة: ليش فكد الضنى سهل؟
حقها ام وبناتها تحسها راحن بسببها
_نيزك:شلون بسببها
_سهلة:هي دعت على بتها سيماء بالموت لان عاندتها وقبلت تتزوج واحد امها ماتريدة
_نيزك:نفسة الاجة بالعيد؟
_سهلة:اي نفسة تموت منه هاجر هو واهلة بس سيماء حبتة كلش وامها زعلت وياها رادت تجهز لعرسها وتاخذ امها وياها دعت عليها وكالتلها
"لو ميتة بطني ولا جبتج للدنيا"
التراب اولى بيج منه "
البنية طلعت مقهورة من امها دمعتها بعينها
راحت تجهز لعرسها واختها الصغيرة لحكتها تالي ثنينهن راحن
طلعت برا تمسح بعيونها والبنات الدمع بعيونهن
_جوري:من ذاك اليوم بيت عمي ما ارتاحو
ولا تهنو بحياتهم رغم الفلوس العدهم ابد ما ارتاحو ولهذا يومهم
غيرن الموضوع من اجت سمر، المطبخ صار كلة مواعين حتى كواكب اجت ويانة تشتغل وتعزل
عود هي جانت شاردة من التنظيف .
_كواكب: طلعن المواعين برا نغسلهن بالصوندة
وانتن نضفن البيت والمطبخ حتى نرتاح
_حوري: محد يقبل اكو زلم
_كواكب: مو بالطريق بالختلة هاي نعبرهم اشو بابهم مسدود وهسة راح يمشون جاي وشربو
سكتت وهي نقلتهن محد تطلع منهن يخافن من الولد طلعت وياها اساعدها ومن شافنا علي اجة ياخذ منه اشرلي كتلة .
_ميس: كواكب دكول برا نغسلهن بالصوندا
احسن
اشر على نفسة وحجة احاول افتهم منه هو ياشر واني احجي اليريد يكولة .
_ميس: انت تنقلهن وتغسلونهن وي الولد.؟
هز راسة اي وابتسم بفرح اشر على نفسة وابتسامتة وعلية وبعدين على راسة .
_ميس: انت سعيد لان افهم عليك بسرعة
صفك بفرح بيدة ضحكت بفرح وكتلة
_كتلك قبل افتهم عليك سهل ترا فانت احجي عادي
اشر ادخل جوة طلعت زلم
وكفت وهو اجة خلة المواعين الكبار بالخزانات وطلعهن برا وضرغام وراة دخل اخذ الباقيات كال
_ضرغام:هاي علمود ايدين نازوكتي لاتصير سودة
ومصخمة اخلي الشاعر العظيم يغسلهن
_كواكب:والمثقف وياك اشتغل علية
_ضرغام:منو تقصدين بالمثقف؟
_كواكب:انت اغسلهن حتى الصخام مايبين بيدك
كوة كتمنا ضحكتنا هاي تحجي ولا تحسب حساب طلع بقن بس الخفايف
سهلة جلفتهن والبنات مسحن البيت خلنة يلمع كواكب لازمة المعطر وترش .
_كواكب: نادرات النسوان المعدلة مو نفس ذيج الشكول السحارة ندارة هااااي
_ذهب: تعاي ولج اكعدي هواي تعبتي
_ورد: كواكب تقصدين ترا رشت بس معطر
_كواكب: ليش هو المعطر وانتي كاعدة وترشينة غير فرفرة وتعب
_ذهب: اهم شي المعطر جاي حبوبا وياج
نسولف حتى
_كواكب: صار
راحت كالت لشهب صبتلها وكعدت طلعو الزلم والبيت كلة نظف بقت الساحة كالتلي جوري نطلع نغسلها ونرتب الاستقبال طلعنا راحت شكلت الصوندة واني افر بالماسحة رفعت بنطروني اجت ترشلي ونسولف على جامعتها وتخصصها .
_جوري: برأيج ميس شنو نعرف الشخص اليحبنة؟
_ميس: يصير رجال ويجي يسلم ويكول
اني رايد زواج تقبلين اجي لبيتكم
وهاي اكو نوعية زبالة جذابة تدرين شنو يكولون
مو يشوفون بنية محترمة مايكدرون يكولون
ندخل بعلاقة
_لعد شيكولون؟
_اني اريد اتزوجج حبيتج وشفتج خوش بنية وحبابة بس لازم نتعرف بالبداية وهي مثل الثولة تصدك مجرد يخلص وقت وياها ويسويها محتوى وي جماعتة ماراح يتقدملها هاي اكبر جذبة
الرجال يخطب بعدين يتعرف ليش اكو فترة بالخطوبة المن مخلينها غير للتعارف
_جوري: يعني كلاوات مال نتعرف
حتى نتزوج
_ميس: اي حبي وهاي مال اكون نفسي
ثاني اكبر خدعة وجذبة وبعد من نتخرج نتزوج
اكبر جذب بالاخير يتزوج من اقاربة
وهي تبقى مفضوحة بين الطالبات والطلاب هي عدها علاقة ومرتبطة حتى لو رجال منهم يريدها
من يسمع سوالفهم عنها يبتعد وحقة هم
لان خلصتها وي ذكر
تعرفين جوري الرجال ابن امة مايحب ولايصارح بنية ويعلقها بية الا اذا مكون نفسة وامورة
حتى يتقدم رسمي مو يعلقها بيه انتظري بس اكون نفسي انتظري بس اقنع اهلي لازم يرتب كل وضعة
بس يعترف ويخطب هذا حب الزلم
_جوري: والله صحيح
_سمار: الجامعة للدراسة مو للحب
فزينا ثنينا هذا وين جان طالع من الاستقبال
واحنة مندمجين مبين سامع كل كلامنا باوعتلها وجهة انصبغ دم همستلها:: مو كلتي الاستقبال فارغ
انخرست حتى ماردت علية
_سمار: اليريد والبية خير انطية رقم اخوج
كليلة حاجية
ماردت اشر عليها وجهة كلامة الي
_هاي خرسة شبيها علي يحجي بالاشارة
عاد سوي حركة منا منا تفهمينا
شمرت الصوندة ودخلت تركض انفتح شعرها كستنائي سرح على طول ظهرها اختفت التفتت علية صافن وفاتح حلكة شلت الصوندة رشيتة بالمي طفرر وخزرني .
_سمار: شبيج ومرض ليش بللتيني
_ميس: مو وقت صفناتك
_سمار: عمام ضيغم جوة وهما هسة يطلعون
ولي جوة
_ميس: ميخصك ما استحي منهم
طلع علي خازرنة صحت بية
_ميس: صيح بسمار مايخليني اشتغل
تقرب وانصدمت من اخذ الماسحة مني عطرة تلبس بيه كد ما قوي (تذكرن نجوم من دكت روحها على عطرة 🫢مو بس المثقف عطرة يسطر 🫠)
اشر بيدة ادخلي جوة واني اكمل مشيت بدون مارد التفتت اشوفة يمسح وسمار يرشلة مي كعدت بالصالة يم نيزك تلعب بعلي الصغير ضاب ايدة على اصبعها وامير يضحك يجعص بخدودة .
_امير: نانا يسويلي دلليلة
_رضا: واني هم
_امير: اني عدي احو ات ماعدت
يسويلة حركات بعيونة وبيدها خلة رضا يركض لامة يبجي يكللها:: اليد احو نفس اميل
_ياسمين: شهيضت علينا امير سوسة بلة ولاتكعد راحة جيبو علي ناخذة منكم وانتو راح تجيبون غيرة يصير عدكم واحد وعدنا واحد
_نيزك: ما نوزع سبيل عيوني دبري روحج
_ياسمين: هو هذا وفضحوني علية ابني شكبرة واخوة حتى حجي مايحجي عدل
_ذهب: زوجية شبعدلة اذا مايتزوج هسة يمتها يتزوج انتن هم امهات عود ساكتات على ولدجن
لازواج ولا جهال عدهم ربعهم يدرسون بولدهم
اخواني زوجو ولدهم سبعطعش سنة وهسة ولدهم كل يومية جايبين طلابة وهم تناين ولدجن
_ياسمين: هالايام ان شاءلله اخطبلة بنت اختي
_ذهب: ياهي منهن اخواتج ماينجرعن
_ياسمين: لا اختي ام جنة غير عنهن
_ذهب: يلا حلن الجبسة
كمت وي البنات فوك نجمة وي ود يسولفن جوري لحد الان مامتخطية وخدودها حمر ضحكت وكعدت تقربت تهمسلي:: شاف شعري؟
_اي
لطمت على خدها صارت تاكل بشفتها
_ورد: اكو طبخة تنطبخ بينجن يلا سولفنهاااا
كالتلها جوري هزيت ايدها وردت
_ورد: عادي اني جم مرة شايفيني بدون شال
_جوري: غير طايحة حظ انتي
تضحكين مدري على منو بشالج هذا
تنسى روحها ولادكول محجبة
_ورد: والله انسى محجبة بالبيت بس من اطلع لا
الحجاب الحجاب
_جوري: وردة عبالها ولد عمها كلهم اخوانها
وكلهم ماتتحجب كدامهم ماتستوعب حرام
حتى لو يعتبرونها مثل اختهم
_ورد: ديلا اسكتي
كلبت وجهة وراحت يم كواكب تكلب بوشمها ودكلها يوجع.
_كواكب: شوية... يلا بنات خل نولي اكلن واكلنا جاي وشربنا ضالين شكو
_ورد: لا لا دضلن للعصر
_كواكب: حتى خالاتج راحن ضلينا بس احنا
شعدنا هم نريد نرتاح ولا تنسن عندي اعمال واشغال
كامت لازمة بطنها
_كواكب: امداني اذا اتفيك والبس فستان احس روحي مكمطة تكمط انوب اكلت هواي ولجن اروح ابدل والبس تشيرتي الهفهاف حتى اتنفس مو اختنكت
_ورد: انطيج من ملابسي
_كواكب: ما البس اصفر احمر برتقالي انتي
لو بيدج تصبغين الغرفة لون اخضر والبردة بنفسجية كد ماتحبين الالوان
نزلنا تلاثتنا نريد نطلع شهب ونيزك بعد يرجعن وي رجولتهن سلمنا وتشكرنا منهم بالباب ورجعنا ضيغم ياشرلنا شوية رجعنا لان عمامة ولدهن طالعين
كعدنا على القنفات بالصالة دقايق وعدلنا انفسنا من دخلو كلهم جواد فرقد اسامة كعدو على القنفات بعد ما سلمو ولدهم تتطششو لزكنا سوى وكواكب تهمسلنا نطلع كمنا وضيغم عيونة علينة
_ضيغم: اكعدن بس شوية احجي وروحن
هزيت راسي وكواكب كامت من مكانها لهاجر كعدت كدامي بصف اختها نيزك الصالة كلهم بيها الجو متوتر صار احسة.
_جواد: يلة احجي شنو جمعتنا تريد تزوج
لو ناوي تعوف البيت وتطلع
_ضيغم: لا ماكو هيج شي
باوع بالوجوة وحجة بصوت واضح مسيطر
_ضيغم: مثل هذا اليوم وقبل اكثر من عشر سنوات
جان المفروض تصير، مناسبة سعيدة وتتزوج بنت عمي الجبيرة راحت للسوك حتى تجهز نفسها
_اسامة: ليش عايد السالفة احنا مانعرفها لو نسيناها مثلاً !؟؟
_ضيغم: اسمحلي اكمل ولا تقاطعني ارجوك
للاسف صار انفجار وخسرنا سيماء الكينا جثتها
بس سارة مالكينة اي اثر الها واعتقدنا هي ميتة
لهذا اليوم بس هي عايشة حية ترزق
كانة شمر قنبلة وفجرها خلة الكل مصدوم مايعرف ينطق بحرف خاصة هاجر الازمها اسامة حاضنها كوة وهي تضرب على وجهها وتصيح..
_هاجر: بنتي ماتتت
_ضيغم: لاااا عايشة
_اسامة: ضيغم شكاعد تحجي انت بيك شي
هم كول شنو جاي دكول سارة عايشة وين عرفت
شبييييييييك انتتتتتتتت
_ضيغم: صوتك ليش تصيح علية
قبل فترة مو طويلة عرفت بنية مضيعة اهلها بالسوك وصاير انفجار بوقتها حتى ذاكرتها فاقدتها
ماتذكر شي لليوم هذا عن اهلها اكو ناس ماخذينها
جانت متاذية من الانغجار ومربينها وي بناتهم
قصتها شككتني هي نفسها سارة وحتى عيونها
نفس لون عيونها وملامحها كل هذا كلت يمكن مو حقيقي وتطلع مو هي بس بعد ما سويت تحليل
ال DNA طلعت بت عمي
طلعت من جيبة اوراق فتحهن وانطاهن لاسامة رجفت ادية وصوتة رجفت من كلة .
_اسامة: بنتي هاي بنتي وينها ضيغم وين لكيتها
شلووووون بس شلوووووون
_ضيغم: بنفس السوك الصار الانفجار بية جانت تفكر اهلها شامرينها بالسوك لو مضيعينها لو فعلاً ميتين وخلصت عمرها تشتغل بالسوك منتظرة احد منهم يجي ويسال على بنية ضايعة حتى تكلهم هاي اني
_هاجر: وينهاااااا بنتي وينهااا بعد هالسنين
_ضيغم: موجوده وكاعدة بينكم
جنا احنا البنات بصفحة وحدة كلهم التفتتو علينة
يباوعون بوجوهنا كامت كواكب من مكانها لازمة راسها عيونهم صارت علية باوعت لضيغم وهزت راسها لا مانسمع الا صوت وكعتها طاحت بالكاع مغمي عليها شالها ضيغم وجوري جابت مي اله اخذة من ايدها يغسل بوجههة والموجودين من الصدمة محد بيهم كام من مكانة وتحرك حتى اني احس لطشت بمكاني اريد اكوم ماكدر .
_ضيغم: اسف كواكب ضميت عليج
بس ماكدرت اكلج وحدج بالخبر
اني متاكد ماتتقبلين هالكلام.
ضرب على خدها ونيزك صاحت منهارة
_نيزك: الدكتوررر كال مايصيررر تتعرض لصدمةةةةةةةةة تمووووووووت
فتح عيونة بخوف وشالها وهي تطلم على وجهها
طلع بيها وبصوت عالي صاح بالولد
_ضيغم: كوووومو وياييييييييييي شبيكممممممم
ركض ضرغام وفقار يمشي راح يصعد فوك رجع دخل للغرفة داخ ضيع طريقة احس الدنيا دارت بية
_هاجر: كواكب نفسها سارة شلون ها اسامة؟
_اسامة: ام امير هي مو اختجن؟
_نيزك: لا لا مو اختنا الحقيقية ابوي نقذها من الانفجار خاف يطك الثاني لان بس يطك انفجار اول الناس تلتم تطلع بالمصابين يفجرون الثاني اخذها يسعفها من قوة الانفجار
فاقدة الذاكرة نامت هواي بالمستشفى
محد طلع الها وامي كالت احسن ماتروح لدار الايتام جيبها اني اربيها
ضربت على رجلها بقوة ودموعها هلت
_نيزك: انصدمت انصدمت بس لايصير بيها شييييي
ضرررررررغاااااام وين ضرررررررغاااااام
لزمتها نجمة من ايدها تبجي وشهك
_راح وياهم
ماكو دقايق والولد كلهم طلعو
_ذهب: صارلي شكد من عرفتجن
ليش ماكلتن هي مو اختنا
لو كايلات جان من زمان عرفنا
_________
_ضيغم: فقدت بيدي وجهها صار كركم ضرغام ساق السيارة ماكدرت اشوف شي كدامي راسها بحضني اتلمس بوجها غصة بكلبي صارت هواي فكرت شلون اصارحها بالحقيقة بس ماكدرت ولا خطرت بالي فكرة غير هاي وهسة الخوف والندم اكلني
خفت عليها وهي فاقدة وخفت من تكعد شنو تسالني شلون تعاتبني شكللها؟
من حجت قصتها ربطتها وي قصة سارة
خاصة من شفت لون عيونها جانت سارة صغيرة متعلقة بفقار عبالك ابوها وين مايروح تطلع وياة
واحنا الولد كلنا نحبها لان الصغيرة وكحة كلش
من يوم الحادث فقار انتهة اكثر شخص تاذة هو من بعد هاجر...
كلبي يوجعني من اعرف الصار بيها والعذاب الشافته بهذا عمرها وكلامها من تحجي على اهلها وماتريدهم بصوب .
تمنيت تكعد وتحجي وتعاتبني لو تخليني احجي وياها بس الصار كلنة ماتوقعناة من دخلت غيبوبة
ومدة الغيبوبة مامعلوم شكد وتصحى منها
وهنا اختلف كلشي وانقلبت الموازين .
عمامي كل يوم يجون للمستشفى امها ابوها فقار باليوم اكثر من مرة اخواتها الكل متاثر عليها
بس مو مثلي اني الندم ياكل بيه اني القهر بكلبي
مشتاق لسوالفها لكلامها والله اشتاقيت اكعد يمها
ماتدري بالدنيا شكو .
دقايق مرت والوقت فات واني كاعد ومتامل تكعد كاعد كدامها كل يوم وكل وقت اجيها مثل ماهي وحالتها ماتغيررت رفعت شعرها رجعتة ليورة
وابتسمت بحزن .
_ضيغم: شوفي شعرج طولان كذلتج ماتزعجج
كومي كصيها كومي ماجعتي تاكلين؟
اجيبلج لبن وطاطلي تردين؟ دجاج اجيبلج ها كوكبة ها شو ساكتة يايوم انتي مارديتي علية
دكومي ياعيني فرفري بدراجتج بيتج ارجعيلة
تابعي اخبارج العالم اطلعي على اخبارة
نزلت دموعي مسحتهن تلمست خدها ونزلت لشفايفها:: مو ماتقبلين اتقربلج لو المسج
ليش هسة ترضين اكعدي ام الوشوم دكي وشم جديد اذا تردين .
وكل ما اجي اسولف من امل ويوجعني كلبي اطلع منها وكفت بالباب اجة فقار ما يحاجيني واني مابيه حيل من يومها اروح احجي وياه وافهمة الصار خزرني ودخل يمها بقيت انتظرة برا لمن طلع عيونة حمررر سحبتة من ايدة .
_فقار: عوفني مالي خلكك عوفني
_ضيغم: ليش ماتحاجيني ومحملني الصار بيها
ليش ماسمعت الدكتور شنو كال؟ كال
بكل الاحوال بس تستوعب الخبر ماتتحملة
_فقار: مازعلان عليك زعلان من روحي اختي
صار بيها اشكال والوان ضاكت كل العذاب واني اخوها واشتم الهوى لك جانت تلم الربع وتركض بالشمس واحنا اهل خير بناتنا مدللة وهي مشلوع كلبها تشتغل حالها حال الزلم
حجها وخلة ايده على وجهة يبجي بكل محروك حضنتة وبجيت وياة تصعب علينة من نتخيل
الصار وياهة .
_ضيغم: ربك اله بيها حكمة اختار الناس الربوها وضلت هي ساندة البنات لو ماهي ماشفناهن
ومثل ما اخذاها رجعها
_فقار:مارجعت وينها رجعت طاحت والطيحة طيحة مالحكت حتى احضنها واسولفلها مواقف الطفولة مالحكت اشوفها حذاتها ولبسها
وحتى لو صحت ماترجع اختي ماتريدنا
تشوف شلون عايشين وتحقد علينا
_ضيغم: هي ماتدري احنا معتبرينها ميتة
بس تدري تتفهم الوضع
_صعب تتفهم
___________
_شهب: سبوعين مرن وكواكب مافاقت من الغيبوبة
شكدر احجي على حالنا ابديها من نيزك الانتهت خلال هالفترة كاعدة بيت اهلنا وتحجي وي الحيطان عبالك كاعدة وتعاتبها وبس تمر كم ساعة لبست عباتها وللمستشفى وهي منا حامل صار عدها وجع قوي والطفل نزل وصتها الدكتورة بعدم الحركة واليوم الماتروح تشوفها تشبع بجي .
لو هاجر واخوانها صدمة كلشي صار بصدمة مانكدر نتخيل ذولة اهلها واخوانها قبس وفقار صعب احنا نتقبل شلون هي...
هاجر مريضة كلش تروح تشوفها وترجع منتهية
ماكدرت اعوف البيت لان صاير خبصة كعدت الصبح جسمي متكسر غسلت ونزلت لكيتهم يتريكون والبنات موجودات كعدت اتريك رفعت راسي على صوت عمتي .
_هاجر: من اجتكم شلون تعاملتو وياها
_شهب: ما اتذكر بس نيزك تسولفلنا جان راسها يوجعها كلش وتصرخ منه اهلي ماخلو دكتور ما اخذوها اله بس مافاد لحد هالوقت راسها يبقة يوجعها
_هاجر: جنتو تحبونها امج تعتبرها مثل بتها ابوج شلون جان يعاملها؟
_شهب: معتبرينها حالها حالنا ماكو اي فرق عنا
امي جانت تهتم بيها اكثر منا لان مريضة
وابوي كلش يحبها
_سمر: دارسة هي
_شهب: اي بس تركت ورة وفاة اهلي
_سحر: صدك هي تشتغل بالشارع
_شهب: لا بالسوك ومرات تمسح جام السيارات
_سماهر: ودخلت سجن يكولون
هزيت راسي اي وهاجر لطمت على وجهها لزمنها بناتها .
_هاجر: والله احس بعذابها ما ارتاح تجيني بالحلم تكلي ضربوني تراويني جسمها ازرك جانو يضربونها؟؟ منوو يضرربها؟؟
_شهب: عمي سالم بس مو دائماً من تصير عركة دافعلنا وهو ولدة يكتلونها ويكتلونة كلنا
_هاجر: مو اكللجن بناتي ما مرتاحات جوعانة تجيني تباوعلي واني اكل اشكال وهي كاتلها الجوع افز من الحلم وكل ما اكل اتذكرها من تجيني جوعانة سودة علية ماتنطوها اكل
_شهب: لا والله هي من جانت بيتنا واهلي عايشين مددللة حتى ماتشتغل واحنا حالتنة زينة بس من ماتو اهلي سالم اخذنا كلنا تبهذلنة وهي اكثر شي
_سماهر: شنو قلت اكل ليش ماينطيها
_شهب: مايحبها جان وهي لان تدافعلنا وتعارك بيهم يتحاقرون وياها بس تطلع برا تشتغل وتاكل
بس من يحبسها بالمخزن تبقة بدون اكل
_هاجر: الله لايوفقة دنيا واخرة
لااني ارتاحيت ولاهي دومها بحلمي تجيني
تشكي يمة سارة هم تكليلي يمة واسمعها منج
كومنها بناتها لغرفتها لان بس اجاوبها بعد
يصعد ضغطها شلت المواعين عزلتهن وسمر لحكتني .
_سمر: اكلج هم تريدنا بعد ترة احنا اخواتها
جانت صغيرة نمشط شعرها ونلعبها انتن مو اخواتها
_بس تعتبرنة اخواتها وتفدينة بروحها لان كبرت ويانة
_سمر: بس كون تكعد ونسولفلها عن طفولتها بلكتت تتذكر اذا تذكرت تحن النة والله
تحجي بغصة واني غصة صارت بلعومي من تكلي اختي هي اختنا ما اتقبل فكرة اختهن ولايحجن بيها بس يبقن خطية ومن يحجن شلون جانن يحبنها انقهر عليهن .
عمو اسامة يجي صامت مايحجي شي ويطلع صامت ما مستوعب الصار ومن يستوعب ياكلة القهر من يشوف حالتها، صار الليل علساس قبس ياخذني اشوفها بس ما اجة نزلت اشتم هوى احس اختنكت كعدت بالطارمة وصوت قصيدة من الاستقبال يجيني .
_كل ما اشوفك بالطيف
لازم تهب نسمة صيف من نومتي تصحيني
مادري يلغالي شصار
لاهدهد يجيب اخبار... وانا الهجر ماذيني ×2
يلنايم بعيني حـزن.. بالصدفة يغمضلي جفن
واصرخ مثل كلبي الجرحتــــــة
ناحن حمامات السفر وبناظري جمرة ومطر
ليلي بالف ليل السهرتة
ارجع ولو ساعة ردت خاطر اكلك من رحت
جم خاطر بخاطر كسرتــــــة
كمل القصيدة واني اسمعها وابجي وياها طلع يمسح بعيوني وكفت من شفتة ردت احجي وتراجعت .
_فقار: احجي خوية
_قبس ماكو شو مارجع عود كلي اخذج
_خابرني بالمستشفى هسة راجع
_هم رحت اليوم للمستشفى؟
_اي
_شلونها شنو كلولكم الدكاترة؟
_غيبوبة ما معلوم شوكت تفيق منها
لزمت راسي بقوة انسطرت ودخت ردت اوكع الا شوية كوة صعدت لغرفتي خابرت البنات ماكو تغيرر نفس الحال بدلت وتمددت انام الف فكرة تجي براسي استعيذ من الشيطان تالي اشبع بجي وعيوني راحت انفتح الباب دخل قبس مسحت عيوني ودرت وجهي سويت روحي نايمة فتح خانتة اخذ ملابس سبح ورجع تمددت وسحبني لحضني صحت بيه .
_عوفني انااام الجذاب
_قبس: بشنو جذبت عليج
_كلت اخذج ومااجيت وحتى من اتصل بيك ماكو
سحب تليفونة فتحة طافي شحن
_قبس: بعد رحنا اني وضيغم ماكدرت امر عليج غير مرة اخذج هي نفس وضعها
_حتى لو المهم تحس بينة وتسمع صوتنة
_منو كال هيج ماكو صحة لهذا الكلام
_لا تحس والله هي تحبنا
بس نبجي ماتقبل لا عبالك اختنا هي
مسح وجهي وباس خدي بتعب رتب شعري وكال
_قبس: ادري وكلنا ندري هي شلون تحبجن
وعلاقتجن سوى
_بس هي هم تحبكم انت وفقار حتى علي بس ضرغام ماتحبة
_جذب تحبة وهو هم يحبها بس طبيعتهم هيج
_شهب: من شفتها ماعرفتها انت اهلك؟
_وين نعرفها هي جانت طفلة
الشخص من يكبر يتغير عيونها اي تنطي لعيونا وعيون اخواتي بس لا محد بالة تعودلنا لان سارة ماتت
_تحبها؟
_منية ساؤة لو كواكب
_شنو الفرق؟
_االفرق كل وحدة شخصية سارة اختنا الصغيرة
وكحة جانت متعلقة بفقار كلش جانت من اجي اقرا تشخبط بكتبي واني ما اقبل صرت اضمهن منها لو الكاها بايكة اقلامي ومن اسالها وين وديتيهن ماتجاوب الا فقار يحجيها ويجيبهن الي
بوقتها جنا كاعدين بيت جدي الجبير وكلنا طلاب نقرا من تشوف فقار تسوي روحها فقيرة حتى
يطلعها وياها اباوعلها تخلينة نلتهي وتبوك الاقلام تخليهن جوة ملابسها ويبقون يتعاركون منو باك قلمي تالي كشفتها وفقار رزلها
ضحكت من كل كلبي من باكت افنان محد حس عليها ولا شكو طلعت من الصغر متعلمة .
_قبس: تدرين جان ضرغام من صغيرة يكتلها
وهي ماتحبة
_عزااا ولحد هسة ليش يضربها
_هيج خباثة وهي خبيثة دون اخواتي
يوم كامل كتابة ضايع يدور علية وعندة امتحان شالها يكللها هسة تطلعينة لان هاي سوالفها
وكتلها بوقتها بس ضيغم ماخذها ومشتريلها حلويات ماكلة ومفرفرها تالي باك لسانها واعترفت
دافنتة بالحديقة
ضحك بصوت عالي من كل كلبة سكتت اتامل ضحكتة وذكرياتهم الحلوة لو ما الاحداث صار شلون صارت حياتهم وحياتنة ياترى هم نلتقي!
_قبس: تدرين شمسوية هي وجوري يلعبن بالتراب مال الحديقة يحفرن الكاع ويرشنها ماي عود يزرعن منكعة الكتاب مي وطامتة بالتراب طلعة ضيغم منتهي وضرغام تخبل لو ماضيغم موتها
ولو تشوفين ضرغام يمسح وينشف بالكتاب كلبة محترك ومحد يخلية يكتلها
_منو جان يحبها اكثر واحد بيكم؟
_ضيغم يحميها من ضرغام لو تروحلة تتوسل
بية يطلعها وفقار نفس الشي ذولة الثنين
_جانت حلوة من صغيرة
_كلش حتى جانت ثلج ذهب تخاف عليها
من الحسد
_هي من الشمس سمرت والتعب وين يروح
كام من مكانة طلع من الغرفة شوية ورجع
بيدة البوم تربعت كلني حماس وقهر بنفس الوقت
كعد يمي فتحة يراويني بالصور من جانت صغيرة سمينة وعيونها يلمعن وبعد صور وي اسامة وهاجر شايلتها وهي فقار والولد جانو شباب شكولهم تضحك وهي صغيرة .
_قبس: لاتضحكين لج ترا ما اراويج بعد
_لا حباب خليني اشوف الولد كلهم
_ترة حلوين
_بس انت خو ضرغام مو حلو يععع
علي صغير شنو هاي ههههه
هذا فقار لا زين وانت شاب اشقر لحيتك ستوها طالعة
_قبس: احلة واحد اني
_اتمنى كواكب تشوفهن حتى تشبع ضحك وتنمر عليكم
_والله انطيها الالبوم بس تكعد
بقة يسولفلي عن طفولتها وهواي ذكريات حلوة
غفة وثاني يوم الصبح اخذني لنيزك كاعدين هي وضرغام بيتنا علمود نجوم وهم هي ماتقبل تطلع من البيت لبست وضرغام اخذنا رحنا كلنا ايدنا على كلبنا خايفين على نيزك بكد خوفنا على كواكب
انتهت وذبلت نيزك بهاي الفترة حتى الجهال هملتهم وهملت كلشي .
حجة ضرغام وي الدكتور كلة
_احجو وياها بلكت تتاثر بكلامكم
وتفيق هواي حالات هيج بعد الزيارة يفيقون
دخلنا لغرفتها متمددة وجهة اصفر لاتحرك ايد ولا رجل بوسناها وكعدنا يمها محاوطينها رفعت نيزك ايدها تبوس بيها ودموعها تنزل تحجي وياها
_نيزك: كافي نوم كواكب ما شبعتي نوم ولج انتي ماتحبين النوم والكعدة كومي اطلعي شوفي الشغل شلونة اخواتج احنا ماتردين تشوفينا اني كواكب اني عيوني عمت والله بس تطولين يعمن عليج
اني ما صدكت ترجعين الي تاليتها ترحين مني
وحق الله اتخبل عليج .
لزمت كلبي ومسحت دموعها تعاتبها
_كولي اختي كلبها يوجعها وتعبان مريضة اني وحقج وحامل ماتنقهرين علية اموت وانتي
اكعدي ما تلكيني بس تلكين جهالي تلاثة بركبتي انتي تربينهم سمعتي معليج بضرغام
باعي دراجتج راح انطيها لاي شخص يطلع بوجهي
ضلي نايمة ماتردين تستوعبين الواقع كتلتي روحج على اهلج عمر انتي تحجين اتمنى الكاهم وبس لكيتيهم تركتي حتى حلمج
صاحت بوجع كومناها واجة ضرغام ياخذها للدكتور كال ابقن يمها رفعت شعرها نجمة ودموعها نزلن .
_نجمة: اني اجيت من تركيا علمود اعيش وياج
مابقيت كم يوم يمج وعفتيني حتى ماتونست
ولا عرفت نمط العيشة يمج جنت مخلية بالي مغامرات مو شلعان كلب كواكب لخاطرنا كومي
احنا نحبج تدرين بينة
ومر الوقت نسولف يمها على وضعها دخل ضرغام كال:: يلا عدلن حجاباتجن وتعالن
_نجمة: ليش وين نيزك
_اخذتها للسيارة تعبت كلش بعد ما اجيبها لو تنكلب
لاسلمت على صحتها ولا على الطفل انتن هم احجن وياها لاتجي بعد عود من تصحى اجيبها
احسن تخسرن اختجن لو هي تخسر ابنها شيصير بيها هذا القهر، وين يروح
طلعت شهب اخذت جنطتي اهز راسي بقهر بوستها اودعها طلعنا ميس تاخبرني مرت الايام مثل ماهي
اجت ميس ورحنا سوية للمستشفى نشوفها نيزك هالمرة ما راحت وطولت عليها قبل كل يوم كلش كلش بين يوم ويوم .
دخلنا للمستشفى لكينا اسامة يحجي وي دكتور سلمنا علية ورحنا الها .
_ميس: شكد مهتمين الها ويحبونها
ماعافوها ابد
_نجمة: كل يوم يمرون عليها
ابد ما عافوها
_ميس: الحمدلله من طلعو هم اهلها
_انتي ماتدرين شكد عانت بسبب هالموضوع بالليل واحنا نايمين تسولف لنيزك دكلها اشتغل واذني وي اليسولفون خاف يحجون بالموضوع لو من اشوف واحد يجي يسال اروحلة اركض خاف يسال على بنية
_ياررروحي فدوه
_والله تنزل دموعي من اسمع سوالفها بعدين
صدكت كلام الناس من يكولون بت حرام شمروها
هواي حجي حجوة خلوها تصدك يسوولها قصص
خلوها تكول اني بت حرام بت الشوارع
لادين ولا تحب هيج سوالف اتذكر افنان دكلها ابن الزنا بالنار
_كون نار بكلوبهن يارب
دخلنا للغرفة سلمنة عليها وجريناها سوالف كتلها
_نيزك مريضة تسلم عليج ماكدرت تجي دزتني اشوفج خطية شصاير بيها هالفترة كلش تعبانة
و..
_ميس: نجووووووووم ايدهااااااااا
تحركتتتتت
فزيت اشوفها مامتحركة
_نجمة: وينها شبيج تتخيلين
_لا والقرررررآن لج تحرركت
ركضت تصيح الدكتور وبشرنة هاي اول علامة حتى تخرج من الغيبوبة مو بس احنا فرحنا بهذا الخبر الكل فرح .
_____________
_ضيغم: طلعنا اني وفقار للنجف والولد من عرفو خبصونا بالاتصالات بحيث يسكت هذا يتصل هذا
_فقار: جاوب ماتجاوب
_هما منطيني مجال فوكة فوكة
لحكت افتح خط على علي رزلتة
_شبيك حتى انت خبصتني عود العاقل شتررريد
_قبس: لك اوكفو نروح سوى شنو بس انتو تزورون
_فقار: بكلشي تشاركون ماترتاحون
_سمار: خاف نخرب عليكم الجو الرومانطسيييي
يا رومانطسينن لكممم اوكفووو يلااا هم نريد نطلب من ابا عبدالله والعباس حاجاتنا شنو ماعدنا حاجة بس انتو
_ضيغم: رايحين للكبوررر
_سمار: نطلع دفاااانة
_مايفيد بعد اجتمعتو علينة
يلا تعالو
وكفت السيارة وفقار يحجي متنرفز
_هسة ذولة منين عرفو بلة احنا رايحين نزور
_لاتصير نحس السيارة فارغة خليهم يزورون
_هسة تشوف شلون يطلعون روح روحك
احنا بنص الزلك سمار يقرا اشعار خايسة
بس يكول الشاعر النعيل ادفرة من السيارة
ضحكت وسكتت لايذب حركتة بية هي من كل الجهات مليوصة علية ومخربطة حياتة كلش
باخر فترة اجو ذبهم حسن وراح اجو تلاثتهم صعدو ورة ومثل ماكال فقار بس يتعاركون بينهم وسمار بدا بسوالفة من نام يلا ارتاحينة .
شغل فقار قصيدتة المفضلة(كل ما اشوفك) اشك يسمع غيرها وحفظتها كد ما اسمعها صافن مندمج بجوها .
_ضيغم: بعدها تجيك بالحلم؟
_لا كطعت
_ليش
_رايح اسالها ليش كطعتي بيه
زعلانة علية لو ماترديني
_لو ما اعرفك تتصدق عنها وثواب جاري
الها هم كلت علمود هاي
_ما انساها عزيزة كلبي وسندها
دار وجههة مندمج بحزنة بهيج وقت فقار طفت الدنيا بعينة خسر اخواتة الاثنين وهو معروف كلش يحب اخواتة ومتعلقات بيه خاصة سيماء جانت صديقتة والمقربة اله حتى تغور اخواتها تصيحلة سندي بخبر وفاتها راحت لمكان الانفجار وانهار
لحد الان محتفظ باشياء الها وما اعتقد يتخطاها يوم .
وصلنا للامام كل واحد راح وحدة يزور على راحتها دخلت لحظرة امير المؤمنين ونخيتة بكلب محروك ومن تذكرت وضعها نزلت دموعي والرجال ما تنزل دموعة بسهولة .
_ضيغم: ياعلي ياقاضي الحاجات
اريدها منك تكضي حاجتي وتطفي نار كلبي
عليك بضلع الزهرة كومها الية
طلعت للصحن عوائل كاعدة شفت ثنين سوى يسولفون متزوجين ماعرف مخطوبين كلت بس تطيب اجي ازورها .
اتصلت بالولد اجو .
_سمار: وينك ياعلي ابن ابي طالب اريدلي مرة
بجاهك كون اتزوج وربي يسهلها علية
بجاهك احصل مرادي ويصيرون عندي جهال هيج يا علي مو عمري خلص
_قبس: ماتزوج منو الازمك شو كلشي متوفرلك
_سمار: وسواس الارتباط من ورة ذولة حتى ما اباوع بالنسوان اني رجال فقير تالي عمري تغدرني
لو تحب غيري
_فقار: سمار وعلي الكاعدين بحضرتة لو تشمر بكلامك افنيك
_قبس: يتشاقة شبيك وياة
_فقار: لا يشمرررر
عافنة وراح خزرت سمار رفع ايدة يبرر
_سمار: هيج كلتها ما اقصد شي
_ضيغم: لو تسكت احسن
_سمار: حاجي وياكم عمي وي الامام
دخيلك يالامام زوجني بجاهك عند ربك
يفتحها بوجهي
_صافي: انذر كول اجيب طلي اجيب شي
شبيك فكر بس تريد مرة وجهال
_سمار: مو اخاف انسى عود اجيب بس خل ازوج يا علي وياك عليوي مرة اله والنبع الصافي هم مرة
_قبس: وضيغم هم بقت علية
_سمار: وحتى فقار حتى تروح الطنكورة منه
بجاااااهك يا عليييييييي
_قبس: يلا حبيبي كافي سمعك لاتلح
اكلنا وطلعنا للمكبرة زرنا موتانا قبس زار اختة ورحنا ورة صافي نزور ابوة قريت الفاتحة عفتهم ورجعت لقبر سيماء مايزورها واحد يمة اله وحدة لكيتة يسولف عليها ودموعة تنزل .
_فقار: ياروح اخوج وعمرة يا حبيبتي
اني فقار سندج ليش هيج وياي ماتجيني بالطيف
ليش عودتيني تالي تعذبيني؟
ماعفتة رحت حضنتها امسح على ضهرة بستة براسة اريدة بس يكوم ما اتحمل اشوفة بهذا الحال حيلي يروح والله .
_ضيغم: كوم فقار كوم عمري
غسلت وجهة وشربتة مي ينتهي من يجي لقبرها
خابرت الولد اجو ورجعنا .
_نجمة: فتحت تليفوني على السريع قبل لا انام لكيت ضيغم مراسلني وكاتب .
_نجمة فقار مو زين كلش ياريت تتصلين بية
شوية يرتاحلج
رجعت راستلة وكلبي يدك بخوف
_شبية استاذ فقار
طلع متصل رد علية
_منتهي حتى حجي مايحجي
_خيرة؟
_شوفي شبية
كالها وقفل تليفونة بقيت بقلق علية واخر مرة حجينا من جنا بتركيا حتى بعدني منطيتة حظر
دخلت شلت الحظر عنة وراسلتة فوراً
_شلونك استاذ شخبارك خو ماكو شي
صحتك امورك بالي يمك اتمنى ترد
مارد خمس دقايق ضبط اتصل ماكدرت ارفضة
جاوبتة والتوتر ياكل بيه .
_هلو فقار اقصد استاذ شلونك
اجاني صوتة يبين مدى تعبة
_هلا بيج نجومي انتي شلونج
_استاذ انت تعبان ماتنام حتى ترتاح
_ها رجعنا لاستاذ حتى شغل وبطلتي بعد شكو
_لاتضوج هي ما ناقصك ضوجة
ود شلونها
_زينة
_اهلك شلونهم
_زينين
_اخوك شلونة
_هم زين
_اختي شلونها
_زينة
_كلهم زينين بعد عليمن اسالك
اكلك خاف مصخن انت
_لا
_خاف طاكة بلاعيمك
_لا
_خاف ا..
_كافي نجوم
_غير اعرف شبيك
_نجوم
_ها
_لا هيج
_لا كول شنو ترة ماعندي سوالف خلصتهن
_وين خلصتيهن
_اول مادخلت للشركة وهسة ضليت
_لا هو بس تشوفيني يرجعن
_Nooooo
_هههههههههه نجوم شبيج
_مابية شي
ارجعي كولي No
_ليييش
_احجيها بعد لخاطر ود
_Noooooooooo
_الواو تنجر جررر
_اه
_نجوم ليش تعاندين
ذب حسرة والتليفون تغير مكانة
فتح كامرا واني فزيت عفت التليفون وركضت ادور شال من الفشلة رغم ما فاتحة كاميرا بس ماكدر اشوفة واني ما لابسة شال رجعت كال
_وين رحتي
_لبست شال شو ما كلت افتح كاميرا اني انصلت لان ضيغم كلي شوفية مريض انقهرت عليك
وراسلتك
_نعمة الله عليكم وانتي انقهري علية ولا تشلعين كلبي
سكتت بقيت احوس اريد انهى الاتصال بس تيهت شلون .
_ليش تسكتين
_ماعندي سوالف
_اسولفلج اني.. افتحي كاميرا اشوفج
_لا ما افتح انت ما شايفني علساس روح نام رجال مريض باي
_نجوم اوكفي
_واكفة اني
_احبج نجومي
سديت الاتصال منه ومن التوتر نزعت شالي ولفيت وياة التليفون وشمرتة بالكنتور وين يلا استوعبت اني شمرتة همزين ما مكسور نمت والتوتر يقرا الف عندي وكلبي يدك بقوة من اتذكر صوتة .
ميس تقنع بيه اشتغل وياها بس ردت كواكب ترجع حتى اشتغل هسة ماكدر لان نيزك ماتكدر للجهال كلش تعبانة اجت شهب قبس وصلها النة وراح للدوام سويتلهن ريوك كالت ما اشتهي وعفست وجههة غطت خشمها..
_شهب: عيععع بيض
رفعت نيزك عيونة صفنت بوجهة ابتسمت ومالت راسها .
_شهب: احممم حامل ابشرجن
_الف مبروك شوكت عرفتي
_قبل يومين سويت تحليل
وكان فرحتنا ناقصها كواكب ورجعتها
كعدت اسوي غدا وامير يفتر فوكي دوخني
فزيت من سمعت صرخة البنات دخلت خايفة وكلبي احس راح يوكف حتى رجلية كوة شالتني بخوف سالت شهب التبجي .
_كوووواكب فاقتتتت من الغيبوووبة
يتبع...
_______________________
اللهم صلِّ على محمد وآل محمد
رايكم بالاحداث
توقعاتكم 🥺
س/من اي محافظة او بلد
تقرا الرواية
باجر انشر اسك بحساب الانستا نتناقش بالرواية
+بقناة التلي بكل وقت نتناقش واجاوب عن الاسئلة 🧡
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!