رواية المراهقة (الرجل الغاضب) الفصل الرابع والأربعون 44 - بقلم نبأ التميمي

بارت 40الاخير

نبا... محمد مو هيج الموضوع بس اني حاسه بسحر شنو شعورها مثلي من زوجتك اني غصبن عني وو

محمد... بس بل اخير تاقلمتي بل وضع سدي الموضوع نبا ولاتدخلين انتي العالم بس ساعه يجون شنو اكللهم والله ست نبا ماتقبل ازوج سحر روحو بطلنه انتي من كل عقلج

نبا.. وسحر

محمد... طبها مرض تتحمل لي سوته شعبالها ظل ظامه علاقتها الشوكت ويوسف احسن من حمزة

نبا... بس سحر تحب حمزة ماتريد يوشف

محمدبعصبيه.... نبا كافي كتلج لاتدخلين لي عندي كلته كافيييييي

نبا... خلص راح اسكت
عفته ورحت كعدت عل سرير هو يغير ملابسه اجه يمي

محمد... حبييي نبا اني فرحان وطاير من الفرح لن علاقتي بيج تحسنت وصارت اقوى ماريد شي يخربها ولي اكثر مفرحني انو ايدج بدت تتحسن لاتخلين احد يااثر عل علاقتنه ماريد ندخل نفسنه مشاكل سحر اعرف مصلحتها كلش زين ماشي حبيبي واني اخذت عهد عل نفسي انو مااضوجج ولا ازعلج بيوم امممم حبيبي

نبا... بس حبييي مادام بعدني بل بدايه الله يخلي

محمد... شنو جنت احجي خلص كلبي سدي الموضوع
اممم شنو رايج حلووو

نبا... اييي حلووو
نزلنه اني ومحمد لبست اني قفطان بيجي ولبسه شال وحاطته مكياج خفيف ومحمد لبس بنطرون اسود وقميص سمائي نزلنه والكل جان يباوع علينه راح محمد الاستقبال بدوة العالم يجون الحمدالله اجه بس ابو سمير زوجته مااجت نزلت سحر لبسه فستان وردي طويل ومسرحه شعرها نزلت وكعدت عل تخم والدمع بين عيونها وتباوعلي

سحر... هاا عمه بشري صار عمي قبل

نبا..حجيت ويه هواي بس ماكو فايدة

سحر... عمه اموت والله اذا اخذت غير حمزة

نبا... سكتي لاحد يسمعج والله يموتوج
الشويه وكالو اجوي العالم طلعنه نباوع من الشباك يوسف جان شاب كل البنات تتمنه حلو وشخصيته حلوة دخلو محد جاي من النسوان بس زلم عل مهر يجون نسوان هيج عاداتهم الشويه واجه حامد

حامد... قربو المصخمه يم الباب علمود السيد يعقدلها

سعاد... كومي سحر بل عجل

كمت وكعدت يم الباب وقررت بس يسالني السيد اكله جابريني ازوج وشنو يصير خلي يصير

محمد...حامد ليش اجيت روح اوكف يم سحر خاف ترفض

حامد... معقوله سويها

محمد... روح حامد قبل لايبدي سيد وتفضحنه بسرعه وهاك هذا خلي يمك خاف يصير اي شي

حامد... شسوي بي

محمد... لعب بي جهالك حط يم سحر خاف ترفض يله بسرعه

نباجنه واكفين كلنه يم سحر وهيه بس تبجي اجه حامد يركض وحاط المسدس بيدة احنه كلنه خفنه

حامد... يله بدون كلام زايد

سعاد... يمه عزا العزاني هاي ليش هيج موجه السلاح عل سحر حامد كول يالله وين محمد صحوليه

حامد... لاتخافين ماراح اضربها بس اذا رفضهت اعولها بل رحمه ومحمد هو لي دزني

الكل مصدوم ليش محمد هيج يصرف ولي افكر بي ليش احمد مايدخل ليش ساكت بدا السيد يقرا ايات قرانيه وحامد حط المسد عل خصر سحر

السيد... سحر احمد حسين موافقه عل يوسف .....اذا موافقه قولي نعم وانت وكيلي

حامد من بين سنوانه... يييييله احجي

سحر بخوف... نعم موافقه

سعاد... كللللللووووووش مبروك يمه سحر

راح حامد طلع وسحر كبل صعدت فوك تبجي صعدت وراها

سخر... عمه راح اموت والله ليش محد حاس بيه عمه يعني راح اصير زوجه الغير حمزة والله راح اموت عمه فدوة ساعديني حبابه

نبا... كافي ياغيني شنو يطلع بيدي اسوي

سحر... ساعديني اهرب من البيت واروح ويه حمزة

نبا بعصبيه وصوت عالي... انت صدك ماتستحين تردين عمامج يتخبلون والله يموتج انت شفتي حامد شلون يباوعلج لو مصطفى اخوج لا سحر عمه لاتسوين هيج مو الخاطر احد الخاطر امج كافي لا تبجين

سخر... عمه لعد شنو اسوي احبه الحمزة

نبا... ويه الايام راح تنسي وتحبين يوسف وتشوفي شلون يصير اني بل بدايه مو جنت اكرها عمج وهسه تشوفينه شلون كمت اموت عليه واحبه مثل المخابيل عود هو اكبر مني يوسف بعد بشبابه وحلووو وعندة شهادة مثل اختصاصج صدكيني راح تحبي

سحر... عمه ممكن تعوفيني وحدي

نباعفتها ونزلت لكيت العالم رايحين محد موجود احمد كاعد ومنزل راسه والوجه ماتفسر بخير

سعاد.. شوكت كالو الزواج يطولون لو لا

حسن... بعد شهر الزواج وباجر يروحون يشترون الذهب سعاد وميس يرحن وياها

احمد... ييي الولد خوش ولد حبيته من كلامه وشخصيته

مصطفى... عمي الحك حمزة جاي هو واهله ويصيح باب البيت
طلعو الولد يركضون

محمد... هيي انت شكو صاير

حمزة... اليوم احرك البيت عليكم شلون تنطي سحر الغيري والله احرك البيت عليكم

احمد... روح منه بلافضايح ترى هسه اخابر الشرطه عليكم وانت ابواسامه اخذ ولد وروح عيب منه العالم

حمزة عمي الله يخليك لاتقبل والله اموت اذا زوجت غيري

مصطفى ماتحملت حمزة وحجيه عل اختي لزمت من ياخته ودك بوكسيات بل كوة وخرو مني للحقير يموت اخذا مني عمي محمد وطببه جوة

محمد... تعال شوف كدام عيني حامدددد صيحلي سحر بسررررعه

طلعت سحر وحامد يجر بيدها وشمرها بل كاع

سحر شفت حمزة وجها كل دم وملابسه  مخربطه

محمد... سحرررر هذا حمزة كدام وكليله انو ماتردي بعد واذل تردي هسه ترحين ويه وتنسين عندج اهل

سحر... بس عمووو اني احب حمزة بس ماريد اعوفكم

محمدبعصبيه .... لعد روحي ويه وانسي عندج اهللل

سحربقيت حايرة شنووو احجي واشوف اهلي وعمامي واهل حمزة

حمزة... سحررر تعالي وياي والله اعيشت ملكه واصير امج وابوج وكل اهلج لاتعوفيني

سحرذبيت حسرة..... روح حمزة اني هسه مخطوبه وماكدر اعوف اهلي

حمزة... لج لادكولين مخطوبه لادكولين والله اموت سحر حبيبتي مو كلتي محد يفرقنه الموت موتيني ولاتصيرين الغيرة فدوة

سحر... روححححح حمزة ماريدك روححح لاتجي بعد البيته روححح الله يخليك كافي تعبت حس بيه كافيييي

حمزة... اني طالع سحر الله يسعدج بحياتج بس راح اكلج شي روحي الله وياج الله يسعدج بحياتج بس صدكيني ماراح انساج وهذا عهد عليه الحد مااموت ماازوج واخلي وحدة غيرج تاخذ مكانج

طلع حمزة دخلت سحر تبجي الكل جان مقهور عليه وحتى محمد بس بعد فوات الوان

محمد... نبا يله علمود اوصلج بيت اهلج تاخر الوقت
رجعنه طول الطريق ساكتين وصلنه قريب بيتهم

محمد... حبيبي شبيج ساكته ليش ماحجيتي شي

نبا... مقهورة عل سحر

محمد... الله يباوع الحالها كلشي قسمه ونصيب

نبا... بس

محمد.. خلص حبيبي وصلنه
نزلت نبا من السيارة وبقيت حاير شنو اسوي سحر كسرت كلبي بس هيه كالته ماريدك روح لو تريدة جان حجت اوووف خليها الايام هيج لي تحكم

نبا رجعت البيت حجيت السارة عل سحر كلش ضاجت ونقهرت عليه مرت الايام وصارت شهرين وايدي صارت كلش زينه وكدرت احركها ورجعت وكنو ماصاير شي سحر نخطبت وماسوت حفله لامهر ولا حنه ولا زفه كبلت سافرت شهر عسل بتركيا اصر عليها يوسف بس هيه جانت قافله اليوم اخر يوم اليه يم حجي سلمان بس هل مرة محمد مااجه بابا لي وصلني رجعت الييت

بابا... نبا باباتي محمد خابر كال العصر اجي

نبا.. اييي خابرني بس شو خايفه مادري ليش
بقيت العصر اتلكلب اريد يجي واشوفه تعبت من الانتظار الساعه7اجه محمد

محمد... سلام عليكم

الكل عليكم السلام

نبا... ليش اليوم مااجيت

محمد... صار عندي شغل وماكدرت اجي

نبامحمد مو عل بعض ليش هيج يحجي وياي

محمد.. اييي ابو علي اليوم جايك علمود شغله مهمه

بابا... اييي تفضل اسمعك

نبا محمد يحجي ويه بابا وكلبي يريد يوكف توقعته يكله ماريد نبا خليها يمك بس لي صدمني

محمد... تعرف الضروف شلون خلتني اتعرف عليكم وصار القسمه ونبا صارت زوجتي وصارت هواي مشاكل وحتى وصلت نو ننفصل بس ربك ماراد هل شي يصير

بابا... اييي ربك قادر عل كلش بس مافتهم شنو الشي المهم

محمد... يشرفني اطلب ايد نبا منك عل سنه الله ورسوله زوجه اليه واعذرني ماجبت مشيه زلم بس اذا تريد من باجر اجيبهم واجي

نبا.محمد يحجي وطرت من الفرح عيوني وحدها كامت تنزل حطيت ايدي عل حلكي ومامصدكه لي صار

نبا... محمدددد
باوعلي ولزم ايدي

محمد... ماسمعت جوابك ابو علي

بابا... يشرفني انو تطلب ايد بنتي

محمد... يعني موافق

بابا... اكيد وين الكه احسن منك واهم من كل هذا نبا تحبك

محمد... لعد سيوع الجاي العرس

نبا... ياعرس محمد راح تسويلي عرس والبس بدله والله مااصدك

محمد... اييي حبيبي صدكي وراح طلعين اجمل عروسه

بابا... اترخص اعوفك عر راحتكم

نبابعد هسه طلع بابا ومحمد حظني بقيت بحظنه واسولف ويه

نبا... حبيبي والله مامصدكه يعني البس بدله وانت يمي اووو والله مامصدكه

محمد.. عهههه اييي حبيبي واني قررت ماادخلج البيت اذا مو عروسه

نبا... يعني راح اظل هنا حد ماازوج😕

محمد... نعم

نبا... ما بس اني مشتاقتلك ومشتاقه البيتنه ماا اريد هسه ارجع وياك

محمد... امممم ظاهر مستعجله😉بس حبيبي اني اريد تجين عروس ودخلين تحملي بس سبوع واحد وبس كلبي

نبا... اممممم ماشي حبيبي
بقينه نسولف عل حفله وشنو نسوي

محمد.. حبيبي راح يكون شهر السعل بيت الله اني جنت ناذر انو بس تصيرين زينه اخذج السعوديه

نبا... احلى شي هذا حييبي

محمد... بس ماراح تكون عمرة ولا غير شي بس نزور بيت الله

نبا... ماشي حبيبي براحتك شوف شنو تريد تسوي واني وياك كلبي

محمد.. اني تاخر لازم اروح وباجر راح يجي ابو جمال ياخذكم تحجزون بدلات وصالون ماشي حبيبي

نبا... تمام عمري

محمد... مااخذلي شي هسه قبل لا اطلع

نبا... مثل شنو 😕

محمدامممم بوسه

نباتقرب باسني محمد ومااحس ال باب نفتح علينه ودخلت سارة

سارة... والله موثصدي ادخل طالعه طالعه

محمد... دومج الله مصلطج عليه

سارة... مادري والله مادري اسفه

محمد.. لعد ماتجين بعرسنه

نبا بقيت اضحك عل  سوالف محمد وسارة بس يتناكرون راح محمد البيت دخلت كلش فرحانه والفرحه ماواسعتنه بقيت اكلب بل فيس وانستا اريد بدله حلوةةة بقيت ادور الصبح اجه ابو جمال رحنه حجزت بدلات حنه وعرس وصالون وكلش ومحمد كال العرس نسوي بل قاعه ...

مخمدجنت كلش فرحان نو  راح اسوي حفله واسوي عرس كل علمود نبا مرة الاسبوع يركض ركض سويت حفله بل شارع حنه وعزمت ابدنيا كلها كلهااريد تعرف انو اني راح ازوج اجت سحر هيه ويوسف الي اسمعه يكولون مرتاحين ماعدهم مشاكل صارت الحفله وكمت اركص ماكعدت دقيقه لييشوفني يكول سكران الله اخذت البنات ورحنه يم نبا نحنيها ولكيت اميرتي لبسه بدله ماروني اول مادخلت كمت اركص وهيه كابلتني ونركص اني وياها والكل جان فرحان بل حفله

محمد.. طالعه كيكه اني مو كتلج بل ماروني محد يشوفج غيري

نبا... حبيبي بس هاي عجبتني واني بس ااكل حبيبي

بقينه نركص اني ومحمد ولا كعدت بس اركص خلصت الحفله وثاني يوم الزفه رحت الصالون وجنت كلش خايفه خوف بكلبي احس راح يصير شي ويخرب سعادتي بقيت عل طول مااني بل صالون بس ادعي كون يمر هذا اليوم عل خير بدون مشاكل

محمد... كعدت الصبح والهوسه فوك راسي حامد وجهال وسحر ومصطفى ومريم

حامد... لليوم عرسك والحد هسه نايم كوممم

مريم... هم عريس وهم نشمي وو

مصطفى... شو سكتي هاي من جايبتها من زمن جدي

محمد... خلصتو حجيكم يله اريد اكوم
نزلت وطول الدرج يغنون ويدكون عل بيبان كعدت تريكت وطلع برة ادخن لن راح يجي رافت صديقي جايب الكامرة
لكيت سحر تحجي ويه زوجها برة سلمت عليه ورحت عل صفحه

سحر زوجت اني ويوسف يدون حفله طبعا جانت مصرة هو حاول يقنعني بس جنت رافضه سافرت كبل التركيا ماكدر اكول نسيت حمزة بس جان يوسف مايستاهل انو اخونه من يوم لي كتله ماريد والخد هسه ماشايفته الحمزة ومااعرف اخبارة تركت الجامعه ماريد شي يذكرني بي تاقلمت ويه الوضع وصار زواج عمي اجه يوسف علمود انطي خير شوكت يجي علمود الزفه اريد اسد الباب واشوف حمزة بقيت مصدومه ماعرف شنو اسوي باوعت عمي واكف ويوسف راح وحمزة اجه تقدم عل بيتنه

حمزة... سلام عليكم

محمد اهلا

حمزة... بل خير شايف كل الخير

محمد... تسلم يوم الك

حمزة ... شلونج سحر

محمدباوعت لكيت سحر واكفه

سحر... تمام

حمزة... اني رايح راح اسافر واجيت اشوف محمد عندي شغله ويه

محمد... خير شنو لي تريدة

حمزة... انت جاري وحق الجار عل جار عوف المواضيع القديمه انت عندك واصطات ومعارف هواي بل بصرة

محمد... ييي والمطلوب

حمزة... عندي كاع هناك واريد ابنيها بس اكو مشاكل يكولون تابعه الدوله وحجي هواي اريد هل شغله منك

محمدد.. ماشي اسوس لي اكدر عليه بس شسوي بل كاع

حمزة... راح نشيل ونروح بل بصرة

محمد... هااا الله وياكم اخابرك واخذ منك المعلومات

حمزة... يله مرة خصتك

سحر.. باوعت ابحمزة اخر مرة حسيت بعد مااشوفه بقيت اباوع عليه ومااحس ال عمي صار بوجهي

محمد... ليش بعدج واكفه طبي جوة
عرفت حمزة انو يريد يوصل الفكرة السحر انو راح يشيلون من المنطقه

نبا خلصت من الصالون ورحت البيت العصر واجه حبيبي هو واهله لبس القاط الاسود لي طالع يخبل مو بشر ملاك وطبو يهوسون

طلعت من بيت اهلي بس هل مرة عروس مو فصلية ودعت اهلي وعمامي وصعدت بل سيارة وجان حبيبي هو لي يشوق السيارة ولني ويه نغني ونركص وكل شويه يبوسني وصلنه القاعه الملكية وحبيبي مامهتم الاحد يركص ولا باله وكومني اركص ويه وفرحانين والفرحه مو سايعتنه خلصت الحفله ورحنه البيت لكيته كلها اجواء رومانسيه وشموع كلش حلوة الغرفه مغيرها

نبا... محمد خايفه

محمد... منو شنو خايفه اني مصموك جدجدي وهسه دكليلي خايفه شو تعالي

نبا شالني وشمرني عل سرير وجانت احلى لحظات عمري كضيتها ويه حبيبي والصبح توجها المطار وصلنه السعودية وتوجهنه البيت الله

بقينه ندعي وجانت الاجواء تخبل ابد ماتوقعت هيج احلى شهر عسل ظلينه 10ايام ورجعنه العراق بدات حياتنه عاديه كاي ثنين مزوجين بس مو مثللنه محمد حسسني اسعد وحدة بل عالم ماجان اكو خلافات بيناتنه صارلي ابويه واخويه وحبيبي وسندي بهل دنيا مرة عل زواجنه 5 اشهر سحر صارت حامل وكلش فرحنه بهل خبر

محمد... حبيبي كومي كافي نوم اريد اروح تاخرت

نبا... اييي حبيبي كمت
كمت سويت ريوك سويت بيض نفسي كامت تلعب بس ماحجيت اجه محمد حظني من وراء وحاط عطر كلش قوي

نبا... محمد وخر عني بعد مااكدر
ورحت كبل المغاسل تقيئت الشويه ورجعت بقه هو متفاجاة

محمد... شبيج حبيبي ليش هيج صار شبي عطر لي تحبي هذا

نبا... مادري ماحبيته هل مرة لايظل بالك مابيه شي

ظلت هل حاله عندي اكثر من 10ايام صادفت سعاد يمنه حجيتلها

سعاد... لج خاف حامل

محمد... شنووو حامل

نبا... شلون بس

سعاد.. كومي خلي نروح  نحلل

اخذتني سعاد ومحمد ماقبل يجي بقه بالليبت سويت تحليل وبقينه نتظرة  راحت جابته سعاد وهيه تبجي

نبا شبيج سعاد تبجين

سعاد.. نبااا انتي حاملللل

نبا... بقيت مصدومه من الخبر حظنتني سعاد وبس تهلل رجعنه الييت محمد جان منتظرنه

محمد... هااا بشر صارر

سعاد... مبروك عليك راح تصير اب

محمداجه بسرعه حظني ويفتر بيه ويصيح

محمد.. راح اصير اب راح اصير اب واخير الحمدالله وشكر ربي

محمد... بعد ممنوع تتحركين ظلين نايمه وبس

نبا... ماشي حبيبي

مشت ايام وايام حملي لي جان سبب سعادتي ومحمد لي مامصدك الي صار انو حامل كل شويه يجي يحط راسه عل بطني ويسولف ويه ابني مرة الاشهر تركض ركض ودخلت بشهري ودكتور تفقت وياها اسوي عمليه بالليل صار عندي الم كلش قوي

نبا.. محمد بعد مااكدر راح اموتتت بعد مااكدر

محمد.. اييي ميخالف خلي انام هسه

نبا... محمد راح اجيب يمكن كوم سوي شي

محمد... اييي عود من جيبين عود كليلي اءءء شنووو راح تولدين اوكغي وين اروح اخابر امج لو سعاد لو لا خلي اروح اني وياج

نيا... وين رايح تعال ساعدني راح اموت
اخذني محمد المستشفى هو يكلي اخذي نفس واني بس ابجي مامصدكه لي يصير الم مو طبيعي شفت الموت دهلت بسرعه الصاله الولادة

دكتورة... يله عيني انتي عندج ولادة مستعجله

نبا... يعني شنووو اريد محم وينه

محمدبقيت خايف عل نبا تصلت عل اهلها واهلي كلها اجت ومصدومين لن كالت دكتور كالت انو راح جيب لن جان موعدها ثلاثاء جيب واحنه سبت برة واكفين ونسمع صوت نبا بقيت خايف كلش لن هيه جبانه

محمد... عادي ادخل يمها

ممرضه... يااا الردها كلها نسوان شسوي جوة

نبا... محمدددد كله منك اكرها محمددددد راح اموتتتت

محمداسمع حجي نبا ولضحك عل سوالفها شويه ودخلت الدكتورة

نبا... عفيه دكتور ماريد

دكتور بعصبيه... يمه تستحن هسه ويمه الزلم عادي

نيا... انتي ليش عصبيه وياي اني شنو حجيت محمد وينك ال اكول المحمد عليج

دكتور... يله بله حجي فارغ يله بعد اكثر يله لج راح يختنك الطفل لج هاي شنووو

نبا... شكووو

ممرضه اييي دكتور نبا بيها توم

دكتورة... وهسه يله تحجين

نبابقيت مصدومه اني بيه توم كل من وراء محمد ملجلن يقبل اسوي سونر علمود اعرف جنس الطفل جان يكول هليها عل الله

دكتورة.. يله راح يختنكون اطفالج يله علي وياج

نبا.... اوووووف يااااااعللللللييييي

دكتورة.... مبروك ولدتي ولد وبنيه مثل القمر

محمدبقينه نتظر دكتورة تطلع طلعت الممرضه وكالت

ممرضه... مبروك نبا جابت توم ولد وبنيه

محمد ظلينه مصدومين واحد يباوع عل ثاني  فرحت فرحت عمري كله مافارحها بجيت من الفرح وحمدالله الله وشكرته انو رزقنه بعد هاي السنين كلها بتوم الشوية وطلعو نبا بغرفه خاصه اجيت يمها

محمد.. حمدالله عل سلامه حبي

نبا... الله يسلمك محمد توم ولد وبنيه

محمد... اييي حبيبي الحمدالله

نبا.. شنو راح نسميهم

محمد.. احنه مو جنه متفقين عل اسم ولد وبنيه مومل وتياتلي

نبا... حبيبي وينهم خلي اشوفهم بعد مااتحمل

جابتهم ماما وسعاد وحطوهم بحظني اني ومحمد ومحمد خايف يشيلهم باوعتله وكتله

نبا... وهسه بدائت حياتي وياك ويه اطفالي

محمد... انشالله اكون مامقصر وياج ويه نور عيوني

نبا... احبك يا شايبي

محمد... احبج يا بنيتي 💙

النهاية.......

الى هنا وتخلص رواية وقصة المراهقة (الرجل غاضب)اتمنه اكون ماقصرت وياكم انشالله القصه نالت عجابكم انتظروني مع قصص جديدة مع تحياتي

برائة عشق ☺