رواية المراهقة (الرجل الغاضب) الفصل الثالث والأربعون 43 - بقلم نبأ التميمي

كل عام وانتو بالف خير عيد سعيد وعساكم من عوادة انشالله بخير وصحه وسلامه والامن عل كل العراقيين يارب
بارت 39

محمد.... ماشي نبا لي تردي يصير

نبارجعنه طول الطريق ساكتين درت وجهي اباوع من نزل شال عل وجهي كلش مكدرت احرك ايدي حاولت اسوي ماكدرت باوعت ال محمد باوعلي وطبك السيارة

محمد... تعالي اني اسوي الج

نبا... ماتعرف

محمد... ماكو شي مااعرفه اني
بقيت اسوي بشال ماعرفت شلون اجيب منا واسوي منا

نبا... مو كتلك ماتعرف عوفه

محمد... اوكفي لحظه
نزعت الجماغ مالتي وسويته الها

محمد .. وهسه صرتي شيخ ههههه

نبا... لا محمد سويت عيب منا العالم

محمد... لا والله حلووو بس هاي اعرف اسويها والله حلوة بقيها

نبابقيت اباوع عل نفسي بل مرايه كلش حلوة طلعت بل جماغ لزم ايدي محمد وكلي سمعي هاي الاغنية كل كلمه الج ....

خليني يمك 💙خليني يمك ياحبيبي
خليني يمك
يابعد عمري حبيبي
خليني يمك
خليني يمك ياحبييبي
يابعد روحي حبيبي
خليني يمك
ماكدر اني بلاياك
خليني خليني وياك
انت عمري
انت روحي
خليني يمك
ماريد جنه والاقصر
وياك اريد اقضي العمر
ماريد جنه ولا قصر
وياك اريد اقضي العمر
ياحبيبي......

نبانزل دموعي ويه الاغنيه ومحمد يغني بيها

محمد... ماريد والله لاجنه ولاقصر ولا اي شي اريد بس اعيش مرتاح واخلص من خليصان وسوالفها

نبا لدموع ودلع... يعني ماتحبها محمد 😔

محمد... لج بابا انتي مخبله اكو واحد يحب اخته انتي من كل عقلج تحجين نبا والله ماعندي شي وياها وحق هاي المنيه لي احنه بيها

نبا... يعني لا هسه ولا بعدين

محمد... لو ظل اخر مرة مااخذها ولي صار سو فهم وبس ومن باجر اجيب سحر وهيه تسوالفلج الي صار

نبافكرت بكلامه وتوسله بيه انو ارجعه اكو شي بداخلي يكلي لا محمد مايحبج مايريدج وساعه اكول لا لو مايحبني مايسوي هيج علمودي وصلنه البيت قبل لا انزل حجة وياي محمد

محمد... حبيبي لاتستعجلين بقرار ولاتسمعين كلام احد انتي شوفي احساسج شنو تجاهي اكو مشاعر او لا و

نبا... احبك

محمد... هههههه شنو

نبا... ييي مثل ماسمعت احبك وماريد تروح الغيري

محمد... نبا والله مامصدك يعني تحبيني واحبج ووو نرجع البيتنة سوو صدك تحجين نبا والله مامصدك

نبا... لا حبيبي صدك

محمد... شنووو حبيبج شتعلت عشيرتي واحد واحد كولي بعد مرة

نبا... هههه خلص خلي انزل حبيبي وبعدين نحجي باي

محمد... شتعلو عشيرتج باييي يابعد كلبي وغراضه

نبانزلت دخلت البيت الكل جان موجود ومخبصوين علية

بابا... وين جنتي ظل بالي عليج

نبا... ليش شكو مو تدرون ويه محمد اني

ماما... يمة والله وكع كلبي عبالي صاير شي تعالي ارتاحي راح تجي خالتي نجلاء هسه

نبا.... هممم اوك يييي ماما

محمدجنت كلش فرحان وناسي الدنيا  لي بيها وبس نبا حبيبتي بالي اذكر شلون دكول حبيبي اويلييي يابه ياهو لي يجي يكولها رحت الشركه بديت بشغلي اشتغل والبتسامه مافرقت وجهي والموظفين كلها مستغربه لن اني كلش حاد وياهم  بس هل مرة لا اضحك واشاقه صار وقت الغدة اتصلت ب نبا

محمد... الوووو هلو حبييي

سارة... اني سارة 😒

محمد.. اهوووو لعد وين نبا

سارة.. هااا صارت اهووو هسة نبا يمنه خطار هسه شلون تحجي وياك

محمد.. منو الخطار

سارة... خالتي نجلاء

محمد... هااا وهذا المتلهف موجودة

سارة... ياهو تقصد

محمد...انطيني نبا رجاء

سارة... اوك

نبا... هله محمد

محمد... اابن خالتج موجود بعصبيه

نبا... يااهو محمد تقصد

محمد... ييي فوكها نفس اسمي

نبا... ييي موجودين

محمد...  وانتي مكابلتهم وكاعدة ونازعه الشال وضحكين وياهم والمتلهف موجود مووو نبااا

نبا كلش خفت من حجيه وعصبي وكاعدين الكل ماكدر اكوم احجي ويه بصوت ناصي

نبا... ييي حبيبي زينه ماعندي شي

محمد.... نبا لاتخليني هسه اجي انعل والدي مفهوم كومي من يمه

نبا... يااا وين اروح اني مالي دخل بي والله هو هم كاعد بعيد عني

محمد... هااا لازم مرتاحه عل كعدة يمه ومن اجي اني بس تتعاركين

نبا... هسه منو المتعارك اني لو انت

محمد... اوك حبييي باي

نبا سدة بوجهي ماكدر ارجع ادك مرة ثانيه بصعود دكيت مرة مرتين هم ماكو عفته عل راحتة...

محمد بقيت ضايج لن اعرف نبا ماعدها شي ويا بس هو الحقير يحبها ويريدها هسه كاعدة يمه ويسولف اوووف شنو شبيك محمد شنو كمت تغار وليش مااغار زوجتي وحلوة والكل يتمناها كمت شغلي لليل ورجعت البيت تعبان

سعاد...الله يساعدك

محمد... هله شبيج وجهج مايبشر بخير

سعاد... سحر شبيها اليوم احمد صعد موتها كتل غير نعرف سوت

محمد... ومنو فتح الباب اله

سعاد.. هذا الهامك انت منو فتح الباب احجي شنو مسويه

احمد... احجي محمد لليل مانمته صعدت ضربتها وماعرف شنو السبب

محمد... ماكو شي وسحر جايها خطابه والخميس المشيه مالتها

الكل ظل مصدوم

احمد... بس

محمد... لي عندي كلته

احمد... ومنو الولد ومن وين وشنو اهله شغله

محمد... الولد اعرفه زين خوش ولد واهله خوش ناس وهو محامي متخرج وفاتحله مكتب نفس تخصص سحر طلب مني مرة بس اني جنت مئجل هذا الموضوع وهسه خابرته وانطيته موعد وكتله عل خميس

احمد... بس اني مااقبل انطي بنتي اذا ماعرف شنو صاير وليش تريد تزوجها

محمد... ماشي تريدني اكلك لزمت بنتك تحجي ويه ولد وتريدني اظل ساكت

احمدبعصبيه ... انت شنو تحجي سحر مستحيل تسوي هيج

حامد... والله لي اصعد اموتها
صعد حامد ودفر الباب لج كلبه انتي تجين تالي وقت تنزلين راسنه والله لي اموتج حقير

سحر... عمووو والله ماسويت شي غلط

حامد..  غلط مووو مصادقه ودكولين ماكو شي غلط اليوم اموتج وعلي
لزمتها من شعرها سحل جوة لزمتها ودك بوكسيات محد كدر يدخل حتى امها والكل موجود محد دخل احمد جانت الصدمه عل وجها وميس هم كاعد ودك وتلطم

سحربوجع... بابا بس اسمعني فدوة

احمد... ليش هيج سويتي واني جنت وين مااروح اكول سحر وسحر بنتي هيج تنزلين راسي

سحر... بابا بس اسمعني

احمد.... اشسش ولا كلمه اني ماعندي بنية اسمها سحر سحر ماتت

سحر... لا بابا لا حباب لاتعوفني انت هم بابا دخليك عمه وللله ماسويت شي عمه فدوة احجي ويه بابا

محمد... الخميس المشيه مالتج

سحر بصدمة... شنووو لا عموووو حباب لاتسوي هيج بيه دخيلك عمووووو موتني ولا زوجني

محمد... اششش ولا كلمه اسمع بعد يومين الخميس اريد كلشي جاهز مفهوم

سحر... بس اني ماريد

محمد... مفهوم
جنت كلش قافل عل موضوع سحر وجان ولد صديقي رايد من مرة ال اخوة بل بدايه رفضت بس صار لي صار وكتله موافق وانشاللة خير اتفقت ويه يجون الخميس يجبون سيد وياهم علمود يعقدون دورت عل حمزة وخليت احد يدور عليه هم ماكو فص ملح وذاب صعدت الغرفتي ارتاح لكيت نبا داكه عليه ب100مرة دكيت

نبابكاء... وين جنت ليش ادك وماجاوب

محمد... شبيج ليش تبحين

نبا... ظل بالي عليك عبالي صاير شي وانت ماكو

محمد... لا مابيه شي بس جان عندي شغل وهسه شفت جهازي

نبا... هممممم شلونك اخبارك

محمد... 😒😒راح ابن خالتج

نبا... ييي راحووو محمد اليوم ايدي كدرت احرك اصابيعي

محمد.. عل خير

نبا شبيك ليش هيج تحجي

محمدد... مابيه شي

نبابدلع... شبيك والله ماكو شي صاير وهو بس ابن خالتي وبس واني اعتبرة اخويه وبس

محمد... اييي الله يخلي الج واني هم من اخلاص بت خالتي

نبا... جابها خليصان قائد الميدان بل نص

محمد... هههههه واللة عليج سوالف ههههه

نبا.... ههههه محمد يعني كل مانحجي لو موضوع خلاص لو عركه جديدة وهل مرة ابن خالتي

محمد... ابيي والله ماعدنه غيرهم صدك مشيه سحر الخميس

نبا... سحر المن

محمد... الواحد اسمه يوسف محامي وخوش ولد

نبابقيت ساكته من كال يوسف لن اني جنت اعرف بحمزة يحب سحرشلون هيج صار وسحر شلون قبلت

محمد... الووو وينج

نبا... هااة اييي وياك الله يسعدها

محمد... ترة تجين

نبا... شلون اجي  ايدي

محمد... تعالي بس ساعتين ورجعي

نبا... الله كريم

محمد... مشتاقلج موتتت

نبا... وانييي بعد موتتن

محمد... اويلي يابه ترة مااتحمل بعد اني

نبا... هههه خلص لعد راح اظل ساكته

محمد... هههه فدوة الكلبج حبيبي يله حبي خلي نام تعبان كلش

نبا... ماشي حيييي تصبح عل خير

محمد... وانتي بالف خير كلبي احبج

نبا... بقيت افكر بحجي محمد وشلون راح اعيش ويه وسحر شلون قبلت دكيت عليها ماكو مغلق جهاز عفتها عل راحتها

محمد... ثاني يوم الصبح كعدت كلها كالبه وجها صبحت عليهم محدجاوب

احمد... خابرت عمي علمود المشيه مال سحر

محمد... اييي  اني هم خابرت ولد عمي فاروق هم لازم يجون وخبر خوالها هم

احمد... اييي هو هم اريد اخابرهم

مصطفى... يابه اجوي خطار ودخلتهم المضيف

احمد... منو

مصطفى... بيت ابو اسامه جيرانه

محمد😳

احمد.. خير شنو يردون

محمد كمت اني  احمد نشوفهم شنو يردون وكفت احمد قبل مانطب

محمد...ترة حمزة هو لي عندة علاقه ويه سحر ويمكن جاين يطبوها راح يكون جوابنه الرفض مفهوم

احمدبصدمه .... هووو والله اشرب من دمه الحقير

محمدبعصبيه... شنووو تشرب من دمه  الصوج صوج بتك هيه لو صدك تخاف عل سمعتها ماسوت هاي سوايتها

احمد... تعيرني محمد بنتي

محمد... لا مامعايرك بس هذا الصدك وخلي الحجي بعدين

دخلنه استقبله جاي حمزة وابو واسامه اول ماشفته ردت اهجن عليه بس بقيت ساكت لن هما بيتنه

ابو اسامه... اسفين اجينه بدون مانطيكم علم

محمد... تفضلوو  شنو الرايدي

ابو اسامه... اعرف ابني شنو لي سوا واني جاي اعتذر منكم

محمد... اييي وبعد

ابو اسامه... واحنه اجينه من الباب نطلب ايد بتكم سحر البني حمزة عل سنه الله ورسوله

محمد... 😏ييي

احمد... والله طلبكم مرفوض بنتي الخميس المشيه مالتها

حمزة... بس عمي اني اريد سحر

محمد.. ومثل ماسمعت سحر مشيتها الخميس واسمعني زين ابو اسامه انت رجال جبير عل عيني وراسي الكم مدة منا الخميس الجاي اذا ماشيلون من المنطقه راح احرك البيت ولي بي واني هذا العندي

ابو اسامه... بس وين نروح اني صار 10سنين كاعد بهذا بيتي واذا عل ابني احنه اجينه نخطب مو ضحك عليها اجه خطبها

ممحمد كمت وكفت وكتله... الزيارة خلصت اهلا بيكم

طلعو منزلين راسهم وراحو

احمد... شلون عرفو

محمد... اكيد تواصلت ويا بس شلون ....

سحر من يوم عمي كال الخميس المشيه مالتي مانمت ليل بس افكر بحمزر خابرته من مريم بت عمي

سحر... الووو  حمزة اني سحر

حمزة... هله حبي  وين جنتي

سحر... اهلي عرفو عندي علاقه بيك وراح يزوجني الخميس المشيه مالتي حباب سوي شي راح اموت والله

حمزة... شنو تحجين انتي باجر راح اجيب اهلي واجي لا يظل بالج والغيري ماتصيرين لو تنكلب الدنيا

سحرسديته منه شويه رتاحيت ولو عمي قافل بس عسى ولعل يقبل الصبح اجتي مريم تركض كالت اجه حمزة وعمي رفضه متت من البجي والقهر ليش هيج صار بيه شويه  ماحس ال باب نفتح علينه

احمد... حقيرة شمدري انتي راح تزوجين وين حجتي ويا احجي

سحر... بابا بس اسمعني فدوة عوف شعري حباب
لزمني بابا موتني من الكتل وعافني وطلع واخذ موبايل مريم وكسر كل بسبي اني بقيت الطم عل وجهي امي تفوت من يمي ماتاحجيني ليش شنو سويت احد يفهمني سويت حبيت مايصير احب لو حتى الحب حرام اجه وتقدملي ليش رفصتووو ليش

محمد.مرة اليومين بلمحه بصر وعلاقتي بنبا يوم عن يوم زيد جبتها وياي اليوم علمود المشيه مال سحر

نبا... حبيبي لعد ما راح تنزل

محمد... حبييي راح ازين واجي

نبا... مو زين الحيه اموتك ولاتصبغ خليها هيه والشب احلى

محمد... اييي علمود كل شويه ومغنيه شايب وانه بنية وانطوني فصليه

نبا.... هههه لا مااغنيها بعد
دخلت البنات ستقبلني بس مابين عل وجوهم الفرح صعدت السحر لكيتها شعرها مكفش وجها اصفر متغيرة

نبا... هاي صار وياج

سحر... عمه لحكيني راح يزوجوني ماريد ارزوج احجي ويه عمي حبابه عمه

نبا... بس فهميني صار
حجتلي سحر كلشي من البدايه من اخلاص صعدت حد هذا اليوم بقيت مصدومه هذا كله صاير ومحمد ماحجة بقيت اهدي بيها وهيه رافضه وتريد تنتحر

نبا... حبيبتي سحورة هذا الحجي مايصير حرام كلمن ياخذ قسمته يمكن حمزة مامقسومج منو جان باله اني ازوج اعمج واجي فصلية القسمه واذا حمزة قسمتج لامحمد ولا غير يوكفه خلي ايمانج بالله

سخر... احجي وية عمي خلي يلغي حبابه

نبا... والله هسه احجي ويه لا تشيلين هم وانشالله يقبل
بقيت انتظر محمد يجي اريد اعرف ليش ماكلي رحت الغرفه ولكيته بريد يسبح

محمد... وين جنتي دورت مالكيتج

نبا... ليش ماكتلي

محمد... هااا والله مابالي وماحبيت ازعجج بهل موضوع

نبا... وانت صدك تريد تزوج سحر الواحد ماتعرفه

محمد.. بس اني اعرفه هاي هيه

نيا... وسحر عادي عندك تنجرح وتتعذب ويه شخص ماتريدة محمد لاتزوجها غصب عنها لاتخليها تمر لي اني مريت بي صدكني صعب مو اي واحد يكدر يتحمل حمزة مو اجه وتقدم الها ليش رفضته الولد حبها واجه خطبها لو ماجاي جان من حقك زوجها بس اجه وجاب اهله محمد حباب لا تخليها تعيش اني لي عشته

محمد... وشنو انتي لي عشتي بله

نبا... تزوجت الشخص لي مااريدة ومااحبه

محمد... شنوووو😳يعني انتي ماترديني وماتحبيني

شنو تتوقعون محمد راح يقبل يزوج سحر او لا انتظروني بارت 40رراح بكون بارت النهايه القصه المراهقه (الرجل غاضب)