تحميل رواية «المتمردة» PDF

رواية المتمردة الفصل الواحد والعشرون

بسم الله ولا حول ولا قوه إلا بالله العلي العظيم

العسكري .. علي فين يا عبد الله بيه

عبد الله .. اطلع علي دوار العمده

العسكري .. حاضر يا فندم وبيتحرك علي دوار العمده

العمده .. صباح الخير يا صباح

صباح .. صباح الخيرات يا عمي والف مليون مبروك و صباحيه مباركه يا عرسان

رانيا .. بتضحك الله يبارك فيكي يا صباح

فرح .. فين

صباح .. في اوضتها مش راضيه تنزل

رانيا .. انا هطلع لها يا عبده

عبد الحميد .. وانا مستنيكي هاتيها ونزلي

رانيا .. بتطلع وبتخبط علي الباب

فرح .. قولت مش نازله يا صباح

رانيا .. بتفتح الباب وبتدخل انا ماما يا حبيبتي مالك

فرح .. بتحاول تمسح دموعها

رانيا .. ايه ده انتي بتعيطي وبتقعد جنبها علي السرير مالك يا حبيبتي

فرح .. بتترمي في حضنها وبتبكي وهي منهاره

رانيا .. بطبطب عليها مالك في ايه احكيلي

فرح .. ساره صاحبتي الوحيده ضحكت عليا وكانت بتوقع بيني وبين فارس مع ان ما فيش بينا حاجه انا كنت بعتبرها اختي هي الي طعنتني في ظهري يا ماما

رانيا .. وانتي عرفتي ازاي انا سيباكم بالليل زي الفل

فرح .. هي الي حكتلي كل حاجه يا ماما وبتقول انها ندمانه

رانيا .. وانتي عملتي ايه

فرح .. ولا حاجه انا معرفتش انطق ولا كلمه و سبتهم وجيت هنا و هتجنن

رانيا .. بس ربنا عز وجل يقبل التوبه وطول ما هي بنفسها جاتك واعترفت لك يبقا خلاص لازم تديها فرصه تانيه يا حبيبتي

فرح .. ازاي اثق فيها بعد اللى عملته

رانيا .. ساره معدنها نظيف ولولا كده ما كنتش فاقت اديها فرصه تانيه وانا متاكده انها هتكون اكتر من اختك

فرح .. مسحت دموعها انتي اجمل انسانه في الدنيا يا ماما مش عارفه من غيرك كنت هعمل ايه

رانيا .. يعني خلاص مفيش زعل

فرح .. لا خلاص وبتحضنها جامد

رانيا .. يلا الفطار جاهز يا حبيبتي ودموعك دي غاليه اووي عليا مش عايزه اشوفك بتبكي ولا زعلانه تاني اتفقنا

فرح .. اتفقنا وبتقوم وبينزله يفطره كلهم سوا

ساره .. السلام عليكم

مهران .. وعليكم السلام ورحمة الله وبركاته عامله ايه يا بنتي

ساره .. الحمد لله يا عمو هي فرح طلعت

مهران .. لا هتلاقيها في الدوار جوه اتفضلي

ساره .. بتخبط

صباح .. تقوم من علي الفطار وبتفتح لها

ساره .. صباح الخير يا صباح عايزه فرح لو سامحتي

صباح .. صباح النور اتفضلي يا ساره فرح اهي

ساره .. بتدخل اسفه اني جيت بدري بس انا قدام عمي وطنط وصباح مش هرتاح غير لو سامحتيني وانا هقول كل حاجه قدامهم

فرح .. بتقوم وبتجري علي ساره وبتحضنها مفيش حاجه عشان تقوليها احنا اخوات و هتفضل كده

ساره .. حضنتها جامد وانا اوعدك اللي حصل مش هيتكرر تانى انا لما حصلت لك الحادثه كنت هتجنن انا اكتشفت اني مش هقدر اعيش من غيرك يا فرح انتي فعلآ اختي واسفه اووي علي الي حصل

فرح .. خلاص مفيش اسف بينا واحنا عايزين نركز في المذاكره عشان نطلع من الاوائل ان شاء الله

ساره .. الدموع نازله من عينيها ان شاء الله

فرح .. بتمسح دموع ساره يلا نفطر سوا

وبيقعده كلهم وبيفطره سوا وساره مبسوطه ان فرح سامحتها وفرح فرحانه انها مع ساره عشان طول الليل كانت موجوعه اكتر انها هتبعد عن ساره هما خلاص اتعودو انهم يعملو كل حاجه سوا

عبد الله .. بيوصل الدوار السلام عليكم

مهران .. وعليكم السلام ورحمة الله وبركاته يا عبد الله بيه

عبد الله .. العمده هنا

مهران .. ايوه جنابك اتفضل وانا هديله خبر وبيجري علي الدوار وبيخبط وبيدخل يا عمده عبد الله بيه عايزك

عبد الحميد .. دخله المكتب وانا جاي وخد الفطار للرجاله

مهران .. حاضر يا عمده

عبد الحميد .. الحمد لله كملو انته فطاركم وانا هشوف عبد الله بيه وبيقوم وبيدخل المكتب صباح الخير

عبد الله .. صباح النور يا عمده اسف اني جيتك بدري كده وانت راجل عريس

العمده .. انت صاحب بيت يا عبد الله بيه خير

عبد الله .. شوف الصوره دي

العمده .. ايوه ماله وليه رسم له صوره

عبد الله .. ده هو الكبير الي بندور عليه يا عمده

العمده .. وقف مره وحده انت بتقول ايه اكيد انت غلطان مستحيل

عبد الله .. للاسف المعلومات اكيده

العمده .. انا غبي اووي كده بس ازاي انا مش مستوعب

عبد الله .. مش عايزك تحسسه باي حاجه وعايزك تراقبه عشان نعرف مخازن السلاح والمخدارت فين وانا هعرف اوقعه بطريقتي

العمده .. والله ما عارف اقول ايه انا هتجنن يا عبدالله بيه ده كان عايز يخطف بنتي

عبد الله .. لا حكاية الخطف والاثار ما لهوش علاقه بيها دي كانت من ترتيب حاتم دراعه اليمين

محمود .. مهران

مهران .. ايوه يا حاج محمود

محمود .. العمده جوه

مهران .. في المكتب مع عبد الله بيه

محمود .. خلاص انا دخله

مهران .. وانا هجيب الشاي وجاي وراك

محمود .. بيوصل المكتب وبيخبط

العمده .. ادخل

محمود .. بيدخل السلام عليكم يا عريس

العمده .. اثار الصدمه علي وشه ومش قادر يرد

عبد الله .. اتفضل يا حاج محمود العمده زعلان مش عايز يستلم جثة حاتم

محمود .. معاه حق يا عبدالله بيه ده عريس وانت جاي تسلمه جثه وضحك

العمده .. بداء يتمالك نفسه شوف حد من قرايبه يا عبدالله بيه

مهران .. بيخبط وبيدخل الشاي

العمده .. حطه علي المكتب يا مهران

عبد الله .. يعني مش هتستلم جثة حاتم

العمده .. لا رن علي صلاح وشوفه لو ينفع يستلمها او اي حد من اهله

عبد الله .. ما لوش اهل غير مراته ودي في دنيا تانيه ربنا يكون في عونها

مهران .. تطلب حاجه تانيه يا عمده

العمده .. شكرا يا مهران روح انت

محمود .. لا حول ولا قوه إلا بالله شوف لو صلاح مرضيش يستلمها استلمها انا ودفنه هنا وهو كله لوجه الله

عبدالله .. تمام يا حاج محمود هكلم صلاح بيه وشوفه الاول يلا استاذن

العمده .. طاب والشاي

عبد الله .. لسا ما فطرتش يا عمده

العمده .. الفطار جاهز نبعت نجيبه

عبد الله .. لا شكرا استاذن انا سلام عليكم و بيطلع من المكتب

صباح .. بتكون طالعه بره

عبد الله .. وهو طالع بيخبط فيها اسف يا انسه

صباح .. ولا يهمك يا عبد الله بيه

عبد الله .. الانسه صباح صح

صباح ..ايوه

عبد الله .. انا فاكرك من اول ما تقابلنا في المستشفي لما كانت فرح مصابه هناك.

صباح .. ذاكرتك حديد يا عبد الله بيه

عبد الله .. وقف للحظات وهو ساكت قدامها انا همشي بعد اذنك وبيطلع في اتجاه المكتب تاني

صباح .. ابتسمت من هنا يا عبد الله بيه

عبد الله .. ابتسم اسف مش عارف مالي ويمشي

فرح .. واقفه هي وساره و شافوا اللي حصل وقربوا من صباح الله الله عملتي ايه في الظابط يا صبوحه

صباح .. اتخضت انته طلعتوا منين

ساره .. من اول المستشفي

صباح .. فيه ايه انا مش فاضيه لكلامكم ده وبتمشي وبتدخل اوضتها وبتوقف قدام المرايا وهي بتلعب في شعرها وبتفكر في عبد الله

عبد الله .. بيركب البوكس وهو سرحان في صباح

العسكري .. علي فين يا عبد الله بيه يا عبد الله بيه

عبد الله .. اه في حاجه

العسكري .. هنطلع علي فين

عبد الله .. علي المركز لا قصدي المستشفي

وبتعدي الايام والعمده مراقب الكبير وعبد الله بيه بيجهز الخطه عشان يقبض عليه وفارس مش بينزل من شقته و تامر قاعد في فندق لحد ما ساره اتصلت علي فرح وطلبت منها انها تصالح فارس علي تامر

فرح .. بترن علي فارس

فارس .. بيرد علي طول السلام عليكم

فرح .. وعليكم السلام ورحمة الله وبركاته ايه يا فارس من يوم الي حصل وانت لا بتسال ولا بترن

فارس .. مش عارف اتقبل الي حصل يا فرح تامر يعمل فيا انا كده

فرح .. علي العموم كلام التليفون مش هينفع ممكن تيجي الدوار

فارس .. مسافة السكه وكون عندك وبيلبس وبينزل يركب عربيته وبيروح الدوار

فرح .. بتقعد في الجنينه تستناه ومعاها مامتها

رانيا .. فارس انسان محترم واكيد هيسامح تامر

فرح .. عارفه بس خليكي معانا عشان نقنعه يا ماما

رانيا .. حاضر يا قلب ماما

فارس .. بيدخل السلام عليكم

الكل .. وعليكم السلام ورحمة الله وبركاته

رانيا .. اتفضل اقعد يا ابني

فارس .. شكرا يا طنط

فرح .. بصراحه انا رنيت عليك عشان موضوع تامر

فارس .. ماله تامر

فرح .. هو رجع ندمان يعني خلاص سامحه

فارس .. مستحيل انتي هتقدري تسامحي ساره

فرح .. انا فعلآ سامحتها عشان احنا مالناش غير بعض

فارس .. بس انا مستحيل اسامحه بسببه كنت هخسرك قصدي انك يعني اخدتي فكره غلط عني

رانيا .. فارس انا اكبر منك وشوفت كتير يا ابني وانا متاكده ان تامر بيحبك وهو ده الي فوقه وخلاص يا بخت من قدر وعفي

فارس .. بس يا طنط

رانيا .. بتقاطعه مفيش بس انت كمان بتعتبره اخوك عشان كده زعلان اوي بلاش تخلي الشيطان يلعب بيك وطول ما رجع وندم يبقا تعمل زي فرح وتديله فرص تاني علي الاقل عشان خاطري انا وفرح

فارس .. اقتنع بكلام فرح و رانيا حاضر يا طنط كلامكم صحيح

رانيا .. انا قولت برده انك مش هتكسفي هروح اعمل العصير واجي

فارس .. اتفضلي يا طنط.

فرح .. انا فرحانه اووي انك سمحته وهرن علي ساره تجيبه وتيجي وتطلع التليفون وبترن علي ساره عشان تجيب تامر وتيجي

فارس .. طاب وانتي مش هتسامحيني

فرح .. علي ايه

فارس .. ابتسم بصراحه انا جبت اخري منك انا بحبك يا فرح

فرح .. وانا قولتلك انك بنسبالي استاذي وبس

فارس .. انتي بتكدبي

فرح .. اتعصبت ووشها اتغير وهكدب ليه يا فارس انا عمري ما حبيتك ولا هحبك ولا هحب حد كلكم خاينين

فارس .. كلنا الي هو مين

فرح .. الرجاله كلهم

فارس .. يعني عمي عبد الحميد خاين

فرح .. لا طبعا ازاي تقول علي بابا كده

فارس .. انا ما قولتش انتي اللي بتقولي مش هو راجل زينا

فرح .. لو سمحت اقفل الموضوع

فارس .. لا مش هقفله ولازم تعترفي انك بتحبيني

فرح .. اكدب يعني

فارس .. انتي ليه بتتمردي علي مشاعرك ليه عايزه تكتميها وتحبسيها جواكي

فرح .. بعصبيه قولتلك غير الموضوع

رانيا .. جت وشافتهم الاتنين متعصبين فيه ايه انا سيباكم كويسين

فرح .. مفيش حاجه يا ماما

فارس .. لا فيه يا طنط انا بحب فرح وعايز اتجوزها ومتاكد انها بتحبني بس بتتمرد علي الحب ده ومش عارف السبب

رانيا .. لسا هتتكلم لقيت ساره وتامر جايين خلاص يا فارس ناجل الكلام في الموضوع ده

فارس .. حاضر يا طنط واسف اني فتحت الموضوع بالطريقه دي بس بنتك جننتني يا طنط

فرح .. انت

رانيا .. انا قولت ايه تامر وساره داخلين علينا

تامر .. مساء الخير

الكل .. مساء النور

و بيقعده وبيتكلموا سوا وفارس بياخد تامر بالحضن وبيتصالحه وبيكونه كلهم مبسوطين لكن فارس وفرح جواهم كلام كتير لبعض فارس عايز يقوله وفرح بتحاول تخبيه وفارس بياخد تامر وبيروحه وساره بتبات مع فرح

الكبير .. بيروح بيته وبيدخل اوضة النوم وبيشغل النور وبيلاقي واحد ملتم قدامه وبيحاول يطلع المسدس

حاتم .. مكانك يا كبير وبيوجه المسدس عليه وبيقرب منه وبياخد المسدس بتاعه

الكبير .. انت مين

حاتم .. بيقلع القناع

الكبير .. اتصدم ازاي هو انت ما موتش

رواية المتمردة الفصل الثاني والعشرون والاخير

بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير

حاتم .. لا لسا عايش يا كبير ولا اقولك يا شيخ الغفر مهران

مهران .. انت ازاي لسا عايش وزاي عرفت توصلي انت ما تعرفش غير شكلي وحتي لما جيت مع صلاح لما فارس اتصاب ما تقبلناش

حاتم .. سبحان الله مكنتش اعرف انك هنا و مستخبى في دوار العمده عشان ما حدش يعرفك ويشاء القدر انك تتصاب لما امرت الرجاله يخطفو فرح يا ريتك موت وقتها كنا هنرتاح من شر كبير ازاي فضلت طول السنين دي مستخبي وما فيش مخلوق يعرفك

مهران .. ضحك عشان مش بحب الاضواء ولو فاكر انك هتطلع من هنا عايش تبقا غلطان ومش المسدس ده الي هيحميك مني

حاتم .. انت فاكر اني بخاف من الموت انا خلاص في نظر الكل ميت والي عملته في مراتي هيكون هو نهايتك

مهران .. الكلب افيونه هو الي مراتك حليت في عينيه انا كنت قايل له يقتلها لكن انت عارف شغلتنا ديه ما فهاش مبادئ والحمد لله مراتك بخير عايز ايه تاني

حاتم .. اه بخير لكن انت مش بخير عشان البضاعه دي جننتك لدرجة انك تهاجم الحكومه وانت عارف انهم هيوصلولك

مهران .. الوحيد الي يعرفني هو انت وكده كده مش هتطلع من هنا حي وكده يبقا صفحه و قفلنها

حاتم ..ضحك بتحلم يا مهران بس انا عندي فضول ازاي انت تسلم بضاعتك بنفسك

مهران .. اه دي كانت ليله سوده العمده جمعنا واخدنا معاه وما قلش اي حاجه لحد ما تفجأة وما كنتش اقدر اخاطر اني اتكشف عشان كده فضلت ساكت لحد ما قدرت ارجع البضاعه بص يا حاتم بدل ما تموت انا هديك الي يكفيك وهضربلك جواز سفر وسفرك انت ومراتك وعيالك البلد الي تقول عليها وكفا المؤمنين شر القتال

حاتم .. مؤمنين يا افجر خلق الله

مهران .. لا وانت ملاك قوى دانتا كنت هتدبح عيل قد عيالك عشان تفتح المقبره جاي دلوقتى تتوب

حاتم .. بيشد الاجزاء انت لازم تموت يا مهران

مهران .. بيمسك كرسي وبيضرب بيه حاتم

حاتم .. المسدس بيوقع من ايده

مهران .. بيجري عليه وبيضربه

حاتم .. هو كمان بيضربه وبيوقعه هما الاتنين علي الارض

عبد الله .. بيكسر الباب وبيدخل مكانك يا مهران

مهران .. بيتصدم وبيقوم يوقف انت عملتها يا حاتم فعلآ السرب الي تستهون بيه هو الي بيغرقك

عبد الحميد .. يدخل انت يا مهران دانا كنت بعتبرك اخويا و دراعى اليمين ليه تعمل فيا كده انا فعلآ كنت غبي ازاي طول السنين دي عايش معايا ومقدرتش اكشفك

مهران .. عشان فعلآ غبي رغم اننا ولاد عم لكن ديما كانه بيفضلوك عليا أنا عمرى ما حبيتك وكنت دائما بغير من حب الناس ليك وفى كل لحظه بشوفك فيها كنت بتمنى انك تختفى من حياتى وكل حاجه تبقا ليا أنا

ولولا انك اخدت البضاعه كنت هتفضل لحد ما تموت وانت كده لكن مهران مش هيخسر أبدا ويجري ناحيت المسدس الي وقع من حاتم و يوجهه ناحيت العمده

عبد الله .. بيضربه بالنار

مهران .. الرصاصه جات في كتفه المسدس بيوقع من ايده وبيوقع علي الارض

عبد الله .. خدوه

العساكر .. مسكوه واخده على البوكس

عبد الله .. يلا يا حاتم

حاتم .. حاضر يا عبد الله بيه و اتفضل الكاميرا والمكريفون

عبد الحميد .. للاسف يا عبد الله بيه فضلت مراقبه زي ما قولت لكن ما وصلتش للمخزن بتاعه

عبد الله .. ولا يهمك يا عمده هنقلب الدنيا لحد ما نوصل للمخزن

عبد الحميد .. بيتحرك وبيضرب رجله وهو ماشي سمع صوت رن عبد الله بيه

عبد الله .. ايوه يا عمده تعالى كده

عبد الحميد .. بيشيل السجاده وبيلاقي باب بيفتحه وبيلاقي سلم نازل لتحت

حاتم .. ده شكله المخزن وكان حاطط الكرسي الي ضربني بيه عليه عشان ما يتكشفش

عبد الله .. نور كشاف ونزل و تصدم من كمية السلاح والفلوس والمخدرات الموجوده

حاتم .. ده سلاح يكفي دوله

عبد الحميد .. تجار السلاح دول بيتغذو علي مشاكل الناس وعندنا في الصعيد مفيش بيت ما فهوش سلاح ودي اكبر مصيبه

عبد الله .. انا هبلغ الوزاره القضيه دي اكبر مني

عبد الحميد .. تمام يا عبدالله بيه وانا موجود لو احتاجت اي حاجه

وبتيجي قوه من المدريه وبتصادر السلاح والفلوس والمخدرات

رانيا .. بتخبط

فرح .. تعالي يا ماما

رانيا .. بتدخل انا كنت متاكده انك صاحيه

فرح .. ابتسمت ليه يعني متاكده

رانيا .. عشان عارفه انك بتفكري في فارس

فرح . ماما مفيش حاجه من الكلام ده

رانيا .. انا عارفه ومتاكده انك بتحبيه وعلي فكره كلام فارس صحيح

فرح .. كلام ايه

رانيا .. انتي متمرده

فرح .. انا مش عارفه ايه حكاية الكلمه دي انا مش بحبه ومش عايزاه

رانيا .. بتقرب. منها وبتقعد جنبها طاب عيني في عينك كده

فرح .. لو سمحتي يا ماما نقفل الموضوع ده

رانيا .. حبيبتي انا امك صرحيني ليه بتهربي من حب فارس

فرح .. بتحضنها وهي بتبكي

رانيا .. بتطبطب عليها احكيلي يا بنتي عشان ترتاحي

فرح .. هحكيلك كل حاجه وانا في ثانوي حبيت زميلي وحكت لها كل حاجه

رانيا .. اولآ ده سن مراهقه والبنت في السن ده بكون مشاعرها لسا بتتكون وبتتوهم انها عايزه تحب وتتحب وكل ده بيكون غلط والبت الجدعه في السن ده تركز في الدراسه والقرب من ربنا وبس مفيش بنت حبت في ثانوي او دخلت علاقة حب او اعجاب وكملت

ثانيآ الي بيحب بقلبه بجد عمره ما بينسي حبيبه يعني من الاخر اللي حصل لعب عيال واكبر دليل انك حبيتي فارس

فرح .. يا ماما

رانيا .. بتقاطعها حبتيه ولا لا و بتبص في عينيها

فرح .. اه حبيته

رانيا .. بتحضنها وهو كمان بيحبك وانا متاكده انه هيسعدك ان شاء الله

فرح .. اول مره تحس انها ارتاحت من الجبل اللي كان علي قلبها وأخيرا رجعت فرح لحياتها اللى كلها هتكون فرح

رانيا .. صباح بتفتح الباب اكيد عبد الحميد جه تعالي ننزله

فرح .. يلا يا ماما

صباح .. حمدالله بالسلامه يا عمي

عبد الحميد .. الله يسلمك يا صباح

رانيا .. طمني حصل ايه

فرح .. هو فيه حاجه

عبد الحميد .. للاسف اه يا بنتي الشخص الي كان وراء كل الي بيحصل والي هو الكبيره طلع اخر شخص كنا نتوقعه

صباح وفرح في نفس الوقت .. مين

عبد الحميد .. مهران

فرح .. اتصدمت انت بتقول ايه يا بابا عمي مهران لا مستحيل ازاي ده اضرب بالنار وهو بيحميني لا في حاجه غلط

عبد الحميد .. لما حاتم بعت رجالته عشان يخطفوكي ما كنش يعرف ان الكبير هو شيخ الغفر الي بيحميكي ومهران ما كنش متوقع ان حاتم هيعمل كده

صباح .. ايه ده ازاي هو احنا عايشين فين وانتي كنتي عارفه يا طنط رانيا

رانيا .. ايوه يا صباح العمده قالي اول ما عرف بس سكتنا لحد عبد الله بيه ما يوقعه

صباح .. احنا بعد كده نصدق مين ونكدب مين في العالم اللي كله كدب وخداع ده

رانيا .. زي ما الشر موجود الخير برده موجود ورغم ان مهران كان مامن نفسه اوي لكن في النهايه وقع و هياخد جزاءه

فرح .. انا دماغي هتتفرتك ازاي لا مش معقول عمى مهران بيتاجر في المخدرات الراجل الي كبرت علي ايده حياته كلها طلعت كدب وخداع

عبد الحميد .. اهدي يا بنتي في الدنيا دي كل حاجه ممكن تحصل

وفيه خبر تاني بس ده كويس

صباح .. قول يا عمي

عبد الحميد .. حاتم عايش

فرح .. ازاي هو احنا في فليم هندي يعني حاتم لسا عايش

عبد الحميد . ايوه ربنا نجاه من الهجوم وقصة موته كانت بترتيب من الضابط عبدالله عشان يعرف يوقع الكبير اللي كان لسا مش عارفين هو مين وحاتم ما يعرفش غير شكله وبس ولما قال اوصافه والرسام رسم الصوره كلنا اتفاجئنا وما صدقتش غير لما سمعت كلام مهران بودني وحنا بنسجله وهو بيعترف بكل حاجه

فرح .. الحمد لله انا كنت زعلانه اووي علي طنط ندي

رانيا .. الحمد لله يا حبيبتي يلا بقا اطلعي عشان تنامي

فرح .. حاضر يا ماما تصبحو علي خير

الكل .. وانتي من اهله

عبد الحميد .. بيطلع الاوضه هو ورانيا

صباح .. بتدخل اوضتها وهي مش فاهمه حاجه من الصدمه

عبد الحميد .. بيغير هدومه

رانيا .. بتقرب منه يا عبده في خبر حلو

العمده .. خير يا رانيا قولي

رانيا .. فارس كلمني عايز يتقدم لفرح

العمده .. فارس ابن حلال المهم فرح ايه رايها

رانيا .. موافقه وفارس مستني مني رد

العمده .. خلاص خير البر عاجله بلغيه اننا موافقين ويشوف هيجي امتي يتقدم

رانيا .. حاضر يا عبده

وبيطلع فجر جديد كله خير وسعاده علي الجميع علي فارس وفرح وتامر وساره وكمان عبدالله وصباح

رانيا .. بترن علي فارس

فارس .. السلام عليكم

رانيا .. وعليكم السلام ورحمة الله وبركاته

فارس .. عامله ايه يا طنط

رانيا .. الحمد لله وانت اخبارك ايه

فارس .. الحمد لله

رانيا .. شوف باباك وحدد الميعاد الي هتيجى فيه

فارس .. وقف انتي بتتكلمي بجد.

رانيا .. امال ههزر معاك يا فارس

فارس .. لا مش قصدي انا فرحان اووي الف شكر يا طنط مش عارف اشكرك ازاي

رانيا .. اهدا بس يا فارس مالك يا ابني جرالك ايه

فارس .. انا اسعد انسان في الدنيا ممكن اجي اقعد مع فرح واسمع منها انها موافقه

رانيا .. ربنا يسعدك كمان وكمان تقدر تيجي في اي وقت هنكون في انتظارك يلا سلام

فارس .. شكرا يا طنط سلام

تامر .. فيه ايه يا فارس

فارس .. اخيرا فرح وافقت

تامر .. الف مليون مبروك يا صاحبي وبيحضنه بعض

فارس .. بيلبس وبينزل من الشقه جري عشان يروح لفرح و يوصل الدوار وبيكون رن علي فرح و تنزله وبيقعده في الجنينه

فارس .. انا مش مصدق انك اخيرا وفقتي

فرح .. بص انا مش بعرف اتكلم بس هو اه وفقت

فارس .. بتهربي مني ليه بصي في عيوني

فرح .. لا مش قادره

فارس .. عشان خاطري

فرح .. خاطرك غالي اووي عندي يا فارس بس انت بتكسفني

فارس .. خلاص اهو هسكت بس بصيلي

فرح .. بترفع عينيها وبتبص في عيون فارس وبتحس ان جسمها بيتكهرب

فارس .. تعرفي اني اسعد انسان في الدنيا عشان انتي حبيبتي

فرح .. انا حبيتك من اول ما شوفتك بس ما كنتش قادره اطاوع قلبي

فارس .. يعني اخير التمرد انتهي

فرح .. اه انتهي وانت كسبت يا فارس

فارس .. انا كسبتك انتي يا اجمل وارق انسانه عرفتها بحياتي

فرح .. انت اللي فيك رجوله و جدعنه عمري ما شوفتهم في حد كنت بحس بخوفك عليا وشوفتك وانت بضحي بنفسك عشان تنقذ طفل انت ما تعرفهوش انا مش شايفه في الدنيا كلها غيرك بحبك يا فارس

فارس .. اخيرا وانا جوايا ليكي مشاعر تفوق الحب مش عارف اترجمها بالكلام انتي كل حاجه بالنسبالي واوعدك اني هعمل كل الي ربنا يقدرني عليه عشان اسعدك

رانيا .. بتطلع من الدوار وتروح ناحيتهم تعالوا يا ولاد اقعده معانا بقا

فارس .. لا انا هروح عشان اكلم بابا ونيجي في اقرب وقت ممكن كده كده هو جاي بعد ما عرف الي حصل انته عرفته ان مهران هو الكبير

فرح .. اه بابا جه بالليل وحكالنا انت عرفت ازاي

فارس .. الناس كلها بتتكلم عن الموضوع ده ما حدش مصدق والحمد لله عمي حاتم عايش علي قد ما انا مصدوم ان مهران طلع الكبير علي قد ما انا فرحان ان عمي حاتم عايش ورجع عن الحرام يلا السلام عليكم

الكل .. وعليكم السلام ورحمة الله وبركاته

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

فارس بيكلم ايوه وبيقوله وصلاح بيفرح اوي وبيجي من الجيزه وبيروح للعمده هو وفارس وبيطلبه ايدها رسمي وبيتفقوا علي الفرح بعد الامتحانات وظهور النتيجه وفي الفتره دي كانت فرح وساره بيذكره ليل ونهار وكان فارس و تامر بيساعدهم وتامر اعترف بحبه لساره وراح خطبها من اهلها وحدد الفرح بعد النتيجه مع فارس وفرح وفي الوقت ده عبدالله هو كمان اتقدم لصباح والعمده وافق وقرارو يعمله الفرح كله في يوم واحد فارس❤️ فرح & ساره❤️ تامر & عبدالله ❤️ صباح

والحمد لله فرح وساره نجحوا وجابوا امتياز وبدءوا في التجهير للفرح وكان فرح كبير اوي حضره كل البلد وكل البلاد المجاوره واخيرآ الحب كسب والخير انتصر علي الشر ومهران اتحاكم واخد اعدام وحاتم اخد خمس سنين وطلع لمراته وعياله وبعد عن سكت الحرام وصلاح ساعده وربنا كرمه بالحلال