مساء الخير ع اجمل متابعين اتمنى لكم قراءه ممتعه
❣️❣️البارت 2❣️❣️
❣️❣️الندم ما بعد الخطيئه ❣️❣️
❣️❣️للكاتبه رونق❣️❣️
جان اسمع صوت ولد اني طفرت من مكاني
هاي شدتسوين هنا
مااعرف بعد اجاوب
عدلت حجابي
اني صديقة شهد
اشو هذا دخل وقفل الباب
هاي شدتسوي عفيه اطلع
وين اطلع
اطلع بره الغرفه
واذا ماطلعت
انت شتريد تسوي
حاب العب وياج شويه
كمت اصيح شهد شهد باعلى صوتي
اجاني اتقدم عليه
حاب اخلي سمعتكم بالكاع مثل مسويتوا بينه
هاي انت شدتحجي
ولج شهد شهد
اتقدم عليه لزكني بالحايط
جسمي كام يرجف من فوك لجوه
حاب اعلمج انت واخوج السكط شلون تقشمرون ع بنات العالم
بده يتلمس بوجهي اول مره يلمسني رجال اتخبلت
اني ابعده مني بس ولاكانو
هيج اخوج جان يسوي بشهد
دموعي نزلن الله عليك لتلمسني
دنك وباسني اني ادفع بي بس ولاكانو
هو ظخم وصاحب جسم رياضي
اني ضعت بالنسبه اله
اني شويه دبدوبه وشبه قزومه
يعني طولي وسط
قسم يكلولي حلو طولج
وقسم يكلولي قزومه
بدت ادي تتلمس جسمي بوقاحه
اتخبلت
ادفع اضرب ولا كانو
جرني للجربايه
شهد شهد
كل مااصيح يبوسني حتى اسكت
نيمني ع الفراش وبحركه منه
نزعني الصدريه
عقل مبقه براسي
ادفر بي اضرب بصدره بس ولاكانو
هيج اخوج جان يسوي وانت تستريله
والله فهمان غلط الله يخليك بس خل اتفاهم وياك
الله عليك بداعت امك لتستعجل
فدوه هذا شرفي وشرف اهلي لا تدنسه
عليك الامام الحسين لتلمسني
ولا كانو احجي
لحضات وجان يتقدم عليه
كانو وحش بده يتقرب عليه
ويتلمس بجسمي اني تخبلت اتوسل ولاكانو
بده ينهش بجسمي ولمساته صارت جريئه
بده ينزعني ملابسي واني فقدت من سمعني اصيح
لف حلكي بالشال يكلي ماريد
اسمع صوتج حقيره اسكتي وضل بس يغلط اني تخبلت
صوتي راح من كثر مااصيح ومايسمعني
شكد حاولت ادافع عن نفسي ماكدرت لان مسيطر عليه بس مع ذالك قاومت وضليت
اضرب بي وقبل لايخلي الشال بحلكي عضيته
وجنت مربيه اضافر بس مو طوال لان ممنوع
بالدوام بالخفيه مخليتهن نبتت اضافري بضهره
وكل هذا وهو مستمر يتمتع بجسمي
وبده ينزعني ملابسي. وتقرب عليه
بكل وحشيه وبدون رحمه من كثر
ماقاومت بعد مابيه طاقه اخذ اغلئ ماملك
من عندي وبدم بارد عافني وخر
اباوع ع نفسي
من شفت الدم تخبلت وخرت الشال من حلكي
بديت اصرخ
اتخبلت عقلي وكف
مااكدر اصيح لان يبوس بيه
اديه لازمهن بادي
بس شنو فقدت
بعد مااشوف دربي
هو الحقير جر جهازه وكام يصور بيه
واني منظري مينوصف
جريت ملابسي ولبست
بسقطت بوجها انت اكيد حيوان مو بشر
والله هسه اشتكي عليك يانذل ياجبان
عديم الحياء انت واحد ساقط
مو رجال والله لو رجال مسويت هيج
مرتضئ ..اكلي خ ...... وانجبي
ساقطه بنت الساقطين
لو بيج حظ مجيتيني برجليج
ادبسز حقير حيوان انت الساقط
ضربني راجدي فر راسي
روان ..افتح الباب لا الم الدنيه عليك
مرتضئ ..تدرين اسعد واحد بالدنيه اني
لان هسه اخذت حقي منكم انت واخوج السكط
راح اخلي هذا العار وياكم مدى العمر
روان ..ابجي وفقدت
معقوله فقدت عذريتي بكل بساطه
معقوله اهلي راح يمشون ومنزلين راسهم من ورايه
معقوله هذا الحقير النذل هيج يسوي بيه
العتب مو عليه هذا الحقير العتب ع صديقة عمري شهد
معقوله ماسمعتني من صيحت
معقوله مارجعت عليه من كالت اجيب مي واجي
بديت اكسرشكو شي بالغرفه
افتح الباب يانذل
مرتضى. .واذا مافتحت
روان ..هسه اكوم اصيح
مرتضى.. يله صيحي وافضحي نفسج
لج بابا انت ابيتي وهاي غرفتي مو غرفت شهد
كمت اصيح ياناس بعدني ممكمله
رجع باسني
بس شنو مقزز
عوع لعبت نفسي حيل منه
دفعته بس ولا كانو
افتح الباب حقير
لزم شفايفي وفركهن حيل بايده
مره لخ اذا عدتيها اكص لسانج ساقطه
سكتت الج هواي بس هاي بعد
تف عليك وع اخلاقك
ضربني راجدي فر راسي فر
انت حرامات عندك شوارب
المفروض تحلقهن وتخلص منهن ياعار
ضربني مره ثانيه
بهاي الاثناء اجت شهد كامت ادك بالباب
صاحت معرفت اركز شتحجي
اريد بس يفتحون الباب وانهزم
هو فتح الباب
دخلت شهد
جان يكلها هاي الزباله خل تطلع من البيت
عافنه وطلع
جان تصيح وراه شهد
هاي انت شمسوي
عود هي خل تسولفلج
والا اكولج تعاي اطلعي كدامنه لتنكسين بيتنه
التفتت ع شهد
مع الاسف انت صديقتي
ومع الاسف اخوي حبج
ومع الاسف اخوي صانج
لو ادري بيج هيج حقيره ونذله مجان صادقتج
هي كامت تبجي
ولج والله مجبوره دزيت عليج
رادت تحجي بس منطيتها مجال
الله ليوفقكم اثينكم
الله ينتقم منكم
الله ياخذ حقي منكم
لج بلا لغوه تعاي اطلعي بره ياساقطه
جرني حيل وطلعني
بس نسيت جنطتي
كتله جنطتي
صاح شهد جيبيها بسرعه لان مااضمن نفسي شاسوي بيها اذا دخلت هاي الحثاله
شهد تبجي
طلعت ورايه الله يخليج سامحيني
كل السويته ع مود عمار بس والله ماادري هيج راح يسوي بيج
مهتميت طلعت
بس شطلعت
افور واحس الدنيه كلها تعرف قصتي
مااندل بيتنه بعد
الجو حار جان
الساعه مااعرفها بالضبط
امشي ودموعي تجري ع خدي
الرايح والراد يباوع عليه
عبالك عليه علامة استفهام
كوه وصلت
فتحت الباب وجان محد بالبيت الحمد لله
رحت كبل دخلت للحمام
سبحت وبقيت فتره بالحمام
ادك والطم واضرب ع وجهي حيل
اني شلون جنت مخدوعه بشهد وشلون كدرت هيج تسوي بيه
تعبت وطلعت
ملابسي ذني ذبيتهن بالزبل
اتصل بيه بابا
ها بابا رجعتي
اي
شخبار ماما
زينه وراح نطلعها
سويلها شوربه ع ما نجي
ان شاء الله
طبكته ورحت اسوي شوربه
وعقلي مكاعد يستوعي الي صار
احس بالم قوي
بس بنفس الوقت الم روحي ازيد
كوه سويت الشوربه مااعرف شلون سويتها
خابرني بابا كلي طبختي غده
لا بابا هسه اسوي
لتسوين راح اجيب من بره
نقذني والله
الي مدا افتهمه ليش شهد هيج سوت بيه
رجعوا اهلي وماما مستقره حالتها
اتغدوا واني بغير عالم
احس بنفسي فاصله عن العالم
اهلي حسوا بيه
سالوني شبيج
كتلهم مابيه شي بس تعبانه
طبعا يوميه اكلي فضاعه رغم عمار بالسجن
عندي اهم شي الاكل
والحلويات عشق مو طبيعي
بس اليوم كرهت الدنيه كلها
كرهت الاكل
اريد بس اتهرب واصعد لغرفتي
ماما خطيه تبجي وتون
فتره وطلع خالو بقت بس بيبي
بابا كال راح اروح لعمار
بيبي وماما راحن يرتاحن بالغرفه
اني صعدت لفوك كمت ابجي
مااعرف شاسوي
اكتل روحي انتحر هم راح يعرفون الناس السبب واشوه سمعت اهلي
اني الصراحه لحد الان ماعندي اي علاقه باحد
مااعترف بهاي السوالف
جنت شايله هاي الافكار من حياتي
كلت لمن ادخل للجامعه عود لو افكر لو لا
شويه واجتني رساله ع الفايبر
فتحتها وجانت صورتي واني بابشع منظر
اتخبلت
دزيتله انت لوين تريد توصل
دمرتني واخذت عذريتي شتريد بعد
لحد الان مشفيت غليلي بيكم انت واخوج العار
شلون تضحكون ع اختي وابيتكم
والله ملامسها اخويه وعلاقتهم شريفه
اخويه رجال وعرف شلون يتعامل وي اختك
الباقي والدور عليك مو مثلك ذكر وعار
مرتضى : اهلي كلهم لحوا عليه اتنازل اتنازل
بس قررنه اتنازل وره زواجها لشهد
اني مااكدر بهالسهوله اتنازل
فضحني بالمحل وكدام الناس
والكل عرف ع اختي
معقوله اتنازل بسهوله
معقوله متحارش باختي واسكتله
بعدين اجتي ابالي ادز ع اخته ابيتنه
جان الغضب عامي عيني مجنت افكر باي شي غير الانتقام
حبيت انتقم منهم باي طريقه
دزيت ع شهد
حجيت وياها تردين اتنازل عنه
اي والله ياريت
والله ماعليه بي ابد
بس خلي يطلع من السجن
لان مااذاني ولا يوم
عندي شرط واتنازل عنه
شنو احسبني موافقه ع اي شرط
ادزين ع اخته خل تجي للبيت
ليش شتريد منها
هذا الشي ميخصج
وروح جدي وبيبي ثاني يوم زواجج اروح اتنازل عنه
واذا لا اعاند والله واخلي يخيس بالسجن
لا مااسويها والله خطيه روان
والنبي حبه الي طاهر
ضربتها راجدي
لج حقيره لتحجين هيج كدامي
رادت تطلع
فكري زين
واني مراح اسويلها شي
بس حاب اخوفها شويه واحجي وياها مراح ااذيها ابد
عافتني وطلعت
اني متاكد توافق ع مود الكلب الحقير
ثاني يوم اجتي
كالت احلف مراح تسويلها شي
لج بابا مخبل اسويلها شي حتى يلزموها عليه
بس حاب اخوفها شويه وانطيها رساله لاخوها
موافقه
بس اوعدني تتنازل
والله والقران اذا سويتها واجتي اخته اتنازل يوم الاحد
ع مود الكعده اخليها يوم الجمعه لو السبت وره زواجكم
كالت انطيني جهازك خل اخابرها
اني جهازها فلشته وخطها كسرته
سويت نفسي مريض وطلبت من امي تروح للنجف
تزور وتدعيلي وقنعتها
اتفقوا يرحون هي ومهند
وابويه بالدوام
يعني باجر ماكو احد
انطيتها جهازي وخابرتها
كالت راح تجي
بس والله يامرتضى اذا سويتلها شي
اسولف لبابا عليك
دولي ولج شاسويلها قابل
البنيه اني شايفها بس ممركز بيها ابد الي ادري بيها سمينه
ثاني يوم اهلي راحو
واني مارحت للمحل
اجتي وصعدتها شهد لغرفتي حسب تعليماتي
دخلت ولكيتها نازعه الحجاب
حجت وياي عبالها شهد
بس من شافتني وجها انخطف لونه
اني فقدت بذيج اللحضه مااعرف شتحجي وياي فصلت كانو بغير عالم
جان هدفي ادمرها وادمر اخوها
اتخيل اخوها العار هيج يسوي بشهد
اكيد بايسها اكيد لازمها اكيد باقين بوحدهم وثالثهم الشيطان عقلي فاصل
طبعا اتقربت عليها بهدوء مو بوحشيه
اخاف تتاذه وتعال جيبه ورده والكل يعرف بيها
احسها مثل الوحش
لعبت لعب بيه غلطت هواي
اتجاوزت عليه هواي
فقدت ضربتها وبديت اغتصبه بدون
ماحس بنفسي الحقد عمه عيوني هم انتفم منهم
وطردتها بعدين وحجيت وياها حجي قاسي
شهد تخبلت
هاي شسويت بيها
اش ولا حرف
روحي خل انام
والله اله يجي بابا واگله عليك
لج اطلعي عار هم الج عين وتحجين قسما بالله اذا طلعت السالفه مااتنازل لو تموتون واله اخيسه بالسجن للعار
طردتها ودخلت سبحت
محسبت للعواقب ابد
طلعت من الحمام ردت انام
اتذكرت هاي شهد خاف تفضحني
رحت عليها
قسما بالله اذا حجيتي شي اندمج والله
وهذا العار مااتنازل عنه ابد
وحتى اذا اتنازل ادجه سجينه واخلص منه
الافضل الج انجبي واسكتي
انسى هذا العار هو اخته وحيري بزواجج الخميس
رحت نمت كعدت اتغديت ورحت للمحل
اتفقت وي اهلي اتنازل بس بعد الزواج
خاف يسويلنه سالفه
لليل طلعت رقمها لهاي الساقطه
كتبت ع رقمها الغثه
كلت اخاف تروح تكول لاهلها وراح ينقلب كلشي عليه
خل اهددها
دزيتلها صوره وهي بصوره متنوصف
دزتلي شتريد وبدت تغلط وتتجاوز
طبعا ابد ممركز ع شكلها ولا ع جسمها لان متهمني
غايتي انتقم منهم بس
من غلطت كتلها
اكلي تبن وانجبي
اذا فكرتي تفكين حلكج لاحد والله افضحكم فضيحه
اني افرح من تسولفين لاهلج
تعرفين ليش
حتى تنفضحون فضيحه وهاي غايتي
هاي صورتج انشرها بكل مواقع التواصل
الافضل اسكتي
والله اسكت بس امسحها
اني راح اسلمك بيد الله هو الي ياخذ حوبتي منك
دكلي خ...... وانجبي احسنلج
بداعت امك وعليك الزهراء امسحهن للصور
والله مراح احجي شي
اني اخاف ع سمعت اهلي
حبيت اغثها شويه
لج شنو هذا جسمج اليلعب النفس
هاي شتاكلين يوميه
سوده بوجه الياخذج ويتزوجج
ولو نسيت منو بعد يكلبج
انت عار اتمنى اهلج يعرفون حتى يغسلون عارهم
بس اخاف ع نفسي
مااعرف ليش هيج حجيت بس حبيت اضوجها
بعد مجاوبت شي
بيومها للصبح ماكدرت انام
ياترى الي سويته صحيح لو غلط
اجذب عليكم اذا اكول ماتندمت
بالعكس كمت اكل بنفسي اكل
بس البنيه مو ابالي لاشكلها ولا جسمها
بعدها دزينه خبر الهم ع مود الكعده
اتفقنه يوم الجمعه الموعد
الخميس اتزوجت شهد
بس شنو ولا كانو عروسه
بس تبجي وحاقده عليه
تكول للموت مااطب بيتكم ولا احجي وياكم
كنالها هو احنه الي راح ننساج لان مع الاسف خنتي ثقتنه بيج
اكو خوف بداخلي
اخاف متقربلها وننفضح كدام الناس
امي اكثر وحده تبجي عليها
واخيرا تزوجت واجوي بيت عمي واخذوها
بقينه بس اني وامي وابوي
حسينه البيت فارغ
اتذكر قبل جنه مدلليها لشهد وشحده اليحاجيها
هي اكثر وحده مدللة
دائما اتعارك وياها بالشقى وتروح لابويه تشكيله ويلعب بيه طوبه
حسيت البيت وحشه حيل
نمت وثاني اليوم مطلعت لان الكعده موعدها ب4
اجوي اقربائنا والشيخ واتفقنه نطلب تعويض للمحل 200 مليون وللضربه 50 مليون
الكل عارض كالوا هواي ميصير هيج وهاي مبالغه حيل
ميدرون اني سببي اذلهم واحطمهم حطام
اريد اعلمه شلون هيج يسوي باختي
وشلون يجيني للمحل ويفلشه تفليش هواي خسرنه
محلي حيل جبير انواع الاجهزه بي وانواع اللابتوب والايباد
غير الجام المعرض الي داير مداير المحل عارضين بي
غير الرفوف
يعني حيل دمر المحل
كتلهم اني تعويض غير ال 200 مااقبل
مااتنازل ولا ع فلس غير هذا الشي مااتنازل
الضربه انتوا من يمكم حلوها
كام يحجون ميصير هيج
والله والرسول ميقبلون بالخساره
يكولون لعنة الله ع الخاسر والمخسر
يعني ميجوز
محلي ذاب عليه دم كلبي وكوه كدرت اوصله لهيج شي
الاجهزه كلها غاليه والله
عندي اجهزه يعبر سعرها المليون ونص
اذا احسب ادق التفاصيل يطلع فوك ال 200
وهو فعلا صحيح اني ماجذبت
كالوا خل يجون ونشوف
اجوي وصبينه الجاي وقدمنا
طبعا محد شرب
لمن حجينه وطلبنه 200 تعويض المحل و50 ع الضربه
كالو حتى انزل الهم شويه شويه
حجايه منا وحجايه منا وع حساب فلان وع حساب السيد
اخر شي قفلنه ع 100 لان ناس هواي ادخلت وكالوا الله يعوضك عن خسارتك
اني محجيت
رادوا ينزلون بعد قفلنه
كنالهم من تجيبوهن يله اتنازل
كالوا بس نريد تعهد بالمحكمه ابد متتعوض اله
ابويه هم كاللهم حتى هو يتعهد
اتفقوا الشيوخ اي احد يخلف العهد يتحشم ويدفع فصل 100
بعد الاتفاق طلعوا
ثاني يوم السبت بالليل اجوي سلموا الفلوس وياهم شهود اخاف نقلب عود
يوم الاحد رحت واتنازلت
سوينه التعهد وفضت المساله نهائيا
اني بديت اجهز محلي من جديد
طلبوا مني اهلي اتزوج لان امي متكدر وحدها
كلت لابوي مابعد شي وتخلص
كال لا اتفقت وي عمك تتزوجون قبل الامتحانات
لا يابه خلي البنيه تكمل احسن مضل شي خلال شهر تكمل
خلصت السبعه مالت شهد
عزمهم ابويه
رفضت شهد تجي وامي متخبله
راحوا الهم للبيت هي وابوي
ممسلمه ع ابوي زعلانه
رجعوا وجان ابويه حيل ضايج
كال والله لو ماعيب منهم جان سحلتها سحل من شعرها واعرف شاتصرف وياها
امي كالت عوفوها مكفاكم جبرتوها للبنيه
والله اليحجي بعد وياها لو ياذيها العب لعب بيكم
اشو تزوجت وانتهى كلشي
اني تقريبا البنيه ماافكر بيها
بس صورها مسحتهن كلهن كلت مراح اخلي شي يذكرني بيهم
كلت بعد ماعليه بيهم ابد وراح انساهم
مشت الايام وخلصت مريم الامتحانات وبدينه نجهز للزواج
اني غرفتي جاهزه بس اجتي ايات ورتبتها فرشت الفرشه ورتبتها كلها
صار يوم الحنه وابيتهم
رحت اني حنيتها وطلعت
جنت حيل فرحان
بالليل سويت حفلتي بالقاعه
طبعا شهد لحد الان مااجت ابد حتى بالحنه متظاهره بالمرض ومحاضره ابد
زوجها بسوريا حاليا
ثاني يوم كعدت من الصبح البيت مخبوص وناس هوايه
بيت خوالي وخالاتي وعماتي وهواي ناس
الهلاهل والديجي مفتوح
سالت امي ع شهد
كالت متقبل تجي ابد
اتركوها لحد يجيب طاريها خطيه
يوم ميصيرتشجعيها عيب كدام الناس
وهسه بيت عمي شيكولون هسه يشكون اكو شي
لتخاف كايلتلهم لان بطلوني
وخطيه رجلها كايللها السنه التجي اخليج ترجعين للمدرسه
حتى والله اسويها كربلاء اذا داومت
هي ورجلها انت شعليك بعد
مو بكيفهم ماكو دوام
هسه دخلينه عدلين للسنه التجي وعود الله كريم
اني الصراحه حيل ضايج عليها
مهما تكون تبقى اختي بس اخاف لا يأذوها عمار واخته
ومدام اتزوجت وماكو شي معناها ممتقرب عليها مثل مجنت متوقع وخايف
ابوي تعارك وي امي كللها انفضحنه خابريها خل تجي
مقبلت كالت عوفوها ماتقبل تجي لو شيصير
للعصر صارت الزفه ورحت جبت زوجتي
طبعا العرس بالبيت لا فندق ولا طلعه خارج العراق
بالليل قضيت ليلة العمر وي الانسانه الي جنت اتمناها طول عمري
ثاني يوم بدت الناس تجي وتسلم
لليل نمنه سويه بعدها رحت سبحت
كملت سبح وبعدها دخلت مريم
فجأه دك جهازي
اباوع الرقم اخر شخص جنت متوقع يتصل بيه
روان : كرهت الدنيه ومابيها
كرهت الاكل وقطعته تقريبا
امي ادهورت حالتها خطيه
عمار متخبل بالسجن
المشكله مايدري بشهد الحقيره شسوت بيه
اكبر خاينه هي
مااعرف شلون كدرت تخون الزاد والملح
هي تعرف كلش زين شلون جنه نتعامل وياها اني وعمار
المشكله مااكدر افضح نفسي واحجي
هم انكتل واني ممسويه شي
وهم اهلي ينفضحون خطيه
وهم عمار يجوز يكتله لاخوها
يعني بين قوسين عائلتين تدمر دمار
انقطعت علاقتنه بيهم
قرروا الكعده وراحوا الهم
بس انصدمنه من كالوا اتفقنه ع 100 مليون
مانملك هذا المبلغ ابد
لان هذا بيتنه هستونه مشترينه بارقى منطقه وع شارع عام وجانت مساحته 800 م
جان حيل غالي ذبينه العدنه والماعدنه علي
ومحل عمار هم هواي خسرنا عليه
بابا عنده سياره عاليه
وعمار سياره زغيره
ماما كامت ادك ع راسها
منين نجيب وشلون
كللها بابا مو مشكله ابيع نص البيت
عارضنه الفكره لان اذا انقسم البيت راح يصير بيتنه وره يعني ممر يله البيت والمقدمه لازم تنباع يعني البيت راح يختنك
كال بابا لعد ابيع سيارتي وسيارت عمار
ونبيع المحل مالته
كالت ماما المحل خطيه متعود علي وتعب هواي علي
هنا بابا فقد اعصابه وكام يسب ويغلط ويصيح لعد منو كله يسوي هيج
يعني من كسر محل الولد محسب حساب لهاي مفكر بينه ع مود بنيه هيج يسوي تحجين صدكانت
كامت تبجي
كلتله اني انطيك الذهب بيعه
لج بابا 100 مليون تعرفين شنو يعني لو لا
كلتله اخوتك محد يساعدك
لج يامره حتى الي يريد يساعد مو اكثر من 5 يعني نفشل ارواحنه هيج
افضل حل نبيع السيارات والمحل
بس المشكله مينباعن بسرعه اله بخساره
سيارته نزلها للمعارض خسر بيها بس يكول ميخالف
وداين من شكم واحد من جماعته
عمامي جابو 10منهم
خوالي هم انطوا 10
كملوا المبلغ بس كله دين
ثاني يوم سلموا الفلوس
يوم الاحد تنازل عنه
بعد الكفاله والاجراءات طلع واخيرا
خطيه حيل متغير ولحيتها شطولها
كال بابا لحد يحجي ويا شي خل يرتاح
فعلا سبح وراح كبل للحلاق
بعدها رجع
صبيتله غده اكل وخلص
اول سؤال سالني
اتزوجت مو
دموعي جرت
كتله اي
بس اتفاجأت بهدوئه
اتوقعت يعصب يكسر
كلت بكلبي والله ماتستاهلك خل تولي حقيره
بابا خبره ع السياره والمحل
ابد معارض خطيه
باع المحل هو والملابس
كال ماكو داعي ابيع سيارتي
كملنه المبلغ ورجعنه الدين
انطاها لبابا السياره
كال اني مااحتاجها
لمن ترجع من الدوام اشتغل بيها تكسي
كمنه نبجي اني وماما
بعد العز والدلال يشتغل تكسي
كام يحجي بابا
الشغله الشريفه مو عيب ولا حرام
خطيه بده يشتغل وره دوام بابا
يحصل مصرفه وجكايره
مجان يشرب جكاير ابد
بس يكول بالسجن انجبرت واتعودت عليها
اني تفكيري كله بذيج السالفه
انام واكعد ادعي عليهم اثنينهم
الله ليوفقهم
خطيه عمار حالته متنوصف
ضايج حيل وروحه طالعه
بده يطلع بالسياره يشتغل من العصر لل 1 بالليل يله يرجع
اسويله عشه وينام يبقى لثاني يوم نايم ب3 يكعد
كاعد يضغط ع نفسه بالشغل يريد يلم شكم فلس
يوم الجمعه والسبت يطلع من الصبح يرجع يتغده وينام شويه ويرجع
اني خايفه دائما اخاف اهلي يدرون بيه
ردت اصارح ماما بس خفت عليها
اخاف متتحمل الصدمه
لو تروح لبابا وعمار وتكبر السالفه
اني قررت ابطل ابد مااداوم بعد
اخاف لا يتعرضلي اخو شهد
بابا راح جاب نتيجتي وجنت ناجحه الحمد لله
بابا كال خل ادخلج دورات تقويه من هسه
اني رفضت طلعت حجتي ماعدنه
كلت لبابا وماما مااداوم السنه
ماقبلوا وماما رفضت
كتلهم مااداوم لو شيصير
حالتي النفسيه زفت
وماالي واهس
خل اقره وعود للسنه التجي ارجع
اجه خالو وبيبي وجدوا اهل ماما
حاولو يقنعوني ماقبلت ابد
ملوا مني وتركوني
بيبي وجدوا كاعدين وي خالو الجبير
عنده ولد يدرس بالخارج وعنده بنات 2 وحده بعمري اسمها ديما وحدهاكبر اسمها لارا متزوجه
بين فتره وفتره جنت اروح ابقى يمهم اسبوع وخاصه بالعطله
هالمره رفضت اروح
كمت حيل اخاف
كمت اتهيئ الكي بكل مكان
شكد جانن بنات خالتي يتوسلن بيه اسوي رجيم
حتى اضعف لان جسمي مو حلو
بس اني ارفض
لان حبي للحلويات خورافي
هسه خطيه عمار يجيبلي يوميه علاكه
اني كرهت الاكل والحلويات
يمكن بس وجبه وحده اكل
احس بوزني نزل
بس ميهمني النزل والمانزل
كل مااهلي يردون يطلعون لبيت جدو او بيت عمو
اني ارفض هواي استغربوا
عبالهم ع مود شهد
واني هم بينت للكل لان صديقتي وممفاركتها
وخطيه عمار اشوفه انسان ثاني صار خسر كلشي بلمح البصر خسر حبيبته وخسر محله
ماما كاعد تموت من وراه
خطيه كام يلم الفلوس ميصرف ابد
حتى الحلويات كتله لتجيب مااريد بعد
حابه اسوي رجيم
وهو يضحك عليه
لج يارجيم ينرادلج سنه رجيم زين اذا نزل وزنج
يمته اني سمينه اشو جسمي يخبل
ولي ولج جنج ثور استرالي
اني اتخبلت من كلي هيج
خبيث والله جسمي حلو
لج ياحلو
اني شايل هم اذا انخطبتي
بس يشوفج يشرد الله وكيلج
من كال هيج واني انفجرت بالبواجي
ابجي ع حضي واكول هو منو بعد يفكر يخطبني
او بالاحرى اني الي مستحيل اوافق
هو اتخبل
لج اشاقه وياج والله
انعل امه فوك ابو اذا عافج
العب بي طوبه
مايدري سبب بواجيي الحقيقيه
اجتي ماما هاي شبيكم صوتكم وين واصل
هاي تبجي لان اقلد ع جسمها
دعوف اختك بحالها اصلا الناس ادور سمن
شنو الضعيفه عبالك بيها خير
اتذكرت من قلد ع جسمي ذاك المخبل
الغسل اله
اله اضعف واغير جسمي كله
خليت هدف ابالي
صار اكثر من شهر ع الحادث
نسيت موعد الشهريه ولا ع بالي
بس كعدت من الصبح وانضف البيت وي ماما
لحضات وانغمه عليه
كعدت لكيت يرشون عليه مي
ماما وبابا صادف يوم جمعه
كعدت وكبل للحمام ذبيت من راسي
بابا وماما كاموا يحجون عليه كالو لان متاكلين اكيد ضغطج هبط
صعدت ارتاح واتذكرت موعد شهريتي فايتتلي
بس لا حامل معقوله
لا ممعقوله
اكتل نفسي والله ولا امر بهيج موقف
طلبت من بابا ياخذني للصيدليه الظهر من يجي عمار
اتحججت بعلاج حبيت اجيب اختبار حمل
فعلا اتغدوا واني كارها الاكل
اخذني بابا
راد ينزل مقبلت
كتله دور للجهه الثانيه ع مااجيب
وفعلا جبت بندول وكبسول التهاب لا ع التعين
وجبت الشريط ضميته ورجعنه للبيت
دخلت كبل وصعدت للغرفه وقفلت الباب عليه
اجريت الاختبار وجانت صدمة عمري طلع خطين واضح
يعني حامل
حامل بابن حرام
ياربي مااعرف شاسوي
اخاف اهلي يشكون بيه
والله اهلي يموتون من يعرفون الصار
حرت شاسوي ماادري
المشكله مااعرف شلون اتصرف
ياربي ساعدني ماعندي غيرك ياربي
راسي افتر
كمت ابجي مااعرف شاتصرف
اخاف ماما تشك بيه
لليل قررت ادك عليه النذل خل اشوف شيكدر يساعدني
بلكي يشوفلي حل
لان اني عاجزه عن كلشي
دكيت ع رقمه واديه ترجف
وكلبي احسه دكاته الف بالدقيقه
حيل خايفه ومااعرف شاكول
كل الي اعرفه مااريد اهلي يدرون بيه
والطفل لازم اشوفله حل
دكات كلبي اسمعهن واضح
دك لحد ماانتهت المكالمه وهو مرفع خط
دكيت مره لخ هم ماكو جواب
كمت ابجي شاسوي مااعرف
شويه وجان يدك نفس الرقم
شويه ورفعت خط
وجان يكولي .........
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!