رواية الندم مابعد الخطيئه الفصل الرابع 4 - بقلم رونق

مساء الخير ع اجمل متابعين اتمنى لكم قراءه ممتعه

❣️❣️البارت 3❣️❣️

❣️❣️الندم ما بعد الخطيئه ❣️❣️

❣️❣️للكاتبه رونق❣️❣️

جان يكول الوووو

اني نعقد لساني مااعرف شاكول

جان يكول ان شاء الله حنيتي الي وحابه اعيد الموقف

من هسه اكلج مااكلبج لو تموتين

دموعي تجري بس ماتجرأت انطق بحرف

لج ساقطه تحجين لو اطبكه ماالي خلكج

لحضات واني قطعته شكد نذل وحقير

ماكدرت احجي ولا حرف

دزلي رساله

يابه انسيني لو تموتين مااكلبج بعد

احتقرج انت واخوج

اني دزيتله راسا بدون مقدمات

اني حامل

هههههههههههه ضحكتيني عبالج تعبر عليه كلاواتج

بابا احب اطمنج اني البارحه اتزوجت

واذا ممصدكه ادخلي ع الصفحه مالتي واتاكدي

دزلي اسم صفحته اني تخبلت بسرعه دخلت الصفحه

وجانت صدمه الي صدك متزوج البارحه

يعني بهالسهوله لعب عليه وراح اتزوج

دزيتله والله والقران لو تبقى بس انت بالدنيه ماافكر بيك لان انت مو رجال

انت ذكر واني مستحيل افكر بذكر

اكلي خ..... وانجبي

ساقطه بنت الساقطين

احترم نفسك ياعار

لو بيك خير ملعبت ع اعراض الناس

شوفلي جاره شاسوي بهذا الطفل

مو مشكلتي بابا روحي شتردين تسوين سوي مو مشكلتي

روحي خبري اهلج وهم يشوفولج حل

لك بابا اني بنيه لا حوله ولا قوه اليه مااعرف شاتصرف

واني ابطني طفل منك

هاي كلاواتج متمشيهن عليه

روحي شوفيلج واحد غيري واضحكي عليه

وحتى اذا صدك هذا ابن حرام

ليكون ابالج اتزوجج واستر عليج

روحي بابا روحي اضحكي ع واحد غيري

اني اتزوجت وانت ماضي وانتهى

وشهد تزوجت واخوج العارماضي وانتهى

وهسه ولي خل انام نعسان لتزعجيني بعد

شكد نذل ومنحط وساقط

انجبي واسكتي ساقطه

بعد مراسلته

كمت ابجي مااعرف شاتصرف

دخلت ع النت شلون اسقطه للطفل هواي طلعت

طرق بس شفت اسهل طريقه زيت الخروع

لازم اشرب زيت الخروع

ثاني يوم

وصيت بابا وكتله اريده لشعري

جابه وشربت الشيشه كلها ع اعصابي وحيل اتاذيت وبعدها ذبيت من راسي

وكمت اصعد وانزل الدرج يمكن 50 مره

كمت العب حبل بحيث حيل تعبت

شكو زوالي عدنه طلعتهن وغسلتهن والبيت كله نضفته

هذا الحجي استمريت اسبوع ماخليت شي

جبت قرفه (دارسين)

اخذت اسبرين اكو رياضه خاصه للجهاض

واستخدمت بقدونس وبذور السمسم

اوصي ماما اكله اريد لشعري

ماعندي غير حل اكل ماكل نهائي

حسيت نفسي تعبت حيل وضليت بس ادعي

اخلص من هل ورطه لان تعبت حيل اذا حسو

اهلي يموتون مايتحملون ضليت ادعي

ع هذا العار الله لايوفقه دمر

حياتي وراح زوج وعايش حياته

يوم منهن لعبت هواي رياضه

لليل حسيت حراره تنزل عليه

ركضت للحمام لكيت دم واكع عليه

بديت اطفر اكثر واكثر

بقيت يومين ع هاي الحاله

لمن حسيت مثل الجبده دم نزلت

عرفتها هذا الطفل

بقيت شكم يوم انزف بس مو هواي

الي ساعدني بعدني ابدايه الحمل بساع حسيت

ع نفسي من غابتلي جنت خايفه ومركزه وياه واحسبله

لذالك بساع وكع

بقه عندي شريط كلت اسبوع واعيد التحليل

فعلا عدته وطلع سلبي يعني ماكو حمل

بين الفرحانه وبين الضايجه

فرحانه لان خلصت من همي

وحزنانه اكول شنو ذنبه هذا الطفل هيج اجه بالحرام وهيج قتلته وهو مااله ذنب

دزيتله رساله

مااكول غير الله ليوفقك انت وشهد

الله يطلع حوبتي وحوبة الطفل بيكم ان شاء الله

ان شاء الله تتمنون الطفل اثنينكم وتتحصرون عليه وماكو

الله ياخذ حوبتي ان شاء الله

مااريد يعاقبكم بس يحرمكم الاطفال

منطيته مجال يجاوبني

انطيته حضر لان مااتحمل اي كلمه من عنده

طلبت من عمار يجيبلي خط جديد

مااريده بعد هذا الخط

بقه سين وجيم وجيبه ورده

كتله البنات الويايه اكلن كلبي وضوجني

اني كرهت المدرسه كلها وكرهت كل صديقه

راح اعزل نفسي عن كلشي

سكت محاجاني

فعلا قفلته وضميته الخط

جابلي خط ومحد يعرفه

انطيته بس للمقربين

خوالي وخالاتي وبنات خالو وبنات خاله وعمو وعمه

كرهت الحياة كلها

كرهت الطلعه

كرهت الاكل

كرهت شهد و

كرهت كل صديقه

مرت الايام وقربت تخلص العطله

بس مااكدر اداوم

وزني نزل حيل اليشوفني ميعرفني

فرحت بجسمي الجديد

جنت دائما متضايقه من وزني واتمنى انزل بس مااكدر اقطع الحلويات

هسه كرهت الحلويات الحمد لله

تغيرت جذري والكل يسالني بس اني كتلهم متاثره حيل بصديقتي ومااعرف صدكوني لو لا

اخويه كدر يجمع مبلغ زين

بابا اقترح عليه يفتح محل من بيتنه احنه بشارع عام وبمنطقه راقيه

كله ناخذ قرض من البنك ونسوي سلفه براتبه

وكله خل نسوي سوبر ماركت

عمار رفض كال اريد افتح لو كوزمتك لو ملابس نسائيه

ذني اكثر شي مرغوبات

شجعوا ع هاي الفكره

الفلوس الجمعهن بنه بي المحل وسواه جبير حيل لان حديقتنه جبيره

قدم ع قرض واستلم المبلغ

وبابا سوه السلفه واستلمها اول اسم

وبيبي ساعدته

وخالو همين حالته زينه اتقرض منه وكال ارجعهن الهم

عنده ولد صديقه كله خل ادخل شريك وياك ويمته متريد انفك الشراكه نفكها

رحب بالفكره وبابا وماما شجعوا

سافروا لتركيا

جابو بضاعه من ارقى شي

جابو اشياء غريبه وجان بداية موسم مدارس

سووا دعايه للمحل وسووا بيج خاص للمحل

خلوا المحل قسمين قسم ملابس وقسم كوزمتك

خلال شهر انباعت بضاعة المدارس كلهن

وهواي من الملابس العاديه

حيل فرحنه

راح عمار مره لخ لتركيا وهم اتسوك مناك

خلال 6 اشهر رجع وكف ع حيله

كال اكدر افك الشراكه بس خلي ويايه احسن منا لسنه يله

رجع بس فلوس خالوا

بدوا يجيبون شكم سيت جنط واحذيه

انعرف البوتيك ع مستوى

كال الحمد لله الله عوضني احسن من ذاك محلي بهواي

طبعا يطلعون ويمشون واني صدفه اطلع

اخاف اطلع عمار تقريبا ناسيها لشهد لان ابد ميجيب طاريها

صرت انسانه ثانيه كرهت كلشي لاطلعه

ولااكل ولانوم والكل ملاحظ هل

وشكد حاولت مو بيدي الصار بيه مو شويه

شنو ذنبي وشنو مصيري شكم مره حاولت

انتحر ومانجحت تعبت نفسيتي

اجو عليه جيرانه خطبوني رفضت

وقررت اشيل فكرة الزواج من بالي افضل الموت

ولاازوج ماريد اجيب العار لهلي

اجتي العطله الثانيه

يعني صار سنه ع الحادثه

اي خبر منعرف لا عن شهد ولا عن اخوها

ابن خالو رجع من الخارج وجان متخرج السنه جان يدرس خارج العراق طب بشري

سووا عزيمه ع موده

اخذوني قبل يوم كالوا اخاف يحتاجوج

طبعا اني مو زينه بالطبخ كلشي مااعرف

بس اعرف اسوي بيضه

واكلي نواشف

يعني تمن ومرك مااعرف

رحت وسلمت عليه ابن خالو

جان متفاجئ بيه

ونصبوا عليه هو وعمار

يكله لك هاي الغزاله منو معرفتها

زين روان الفيله وين صارت

احترموا نفسكم واسكتو

لتشبهوني بالحيوانات

والله هسه اكوم اكل لخالو عليكم

لك يستحيل هاي روان لان هاي حلوه وكرش ماكو مو كثل اختك جنها فيل استرالي

عفتهم وكمت لان بقوا يقلدون عليه وضوجوني

راحوا اهلي واني بقيت

بقينه بالليل نجهز بالاشياء

وهو مقابيلنه ويتامر

سون هيج وهيج

جهزنه التمن ونضفنه الباميا وجانت كميه جبيره

ل 3 يله خلصنه

رحنه نمنه وكعدونه من ال7 كوه

لمن كرار ذب علينه مي يله كوه كعدنه

لكيناهم ذابحين خروفين ومجهزين

ماما جايه من وكت وحتى عمار

احنه البنات بس يصخرون بينه

جيبي هيج ورجعي هيج

هلكونه والله

كملنه واتغدت الناس واتفرقوا

بقينه بس احنه وخالاتي التهينه بالمواعين والهوسه

البيت باسم جدوا ابو ماما

لليل ردت اروح مقبلو عطلوني

كال كرار اني باجر ارجعج

كال بابا ابقي

فتحوا موضوع الدراسه

اني هم رافضه والله اخاف مااكدر

بس لحوا حيل عليه وماما زعلت عليه

كتلهم الله كريم للسنه التجي

راحوا اهلي

بقينه اني والبنات

اجه كرار يمنه

كال اني بعد مااتحاجه صرت دكتور مو مثل باقي الناس تخاف من السادس

دروح عاد شلونك هسه قحط طب

شايف نفسك شوفه

اذا بيج خير ادخلي جامعه حي الله يله عود قلدي ع الطب

والله اذا اريد ادخل احسن جامعه

الله وايدج راوينه ويضحك عليه

بس صدك تعاي سولفيلي شلون ضعفتي

كلت بكلبي لو تدري السبب الي ضعفني جان كتلتني يمكن بيدك

كتله عجبني اغير شكلي واستايلي

هاي منو التحجي

لج ديما متاكده هاي روان التحجي لو غيرها

لج منو الي جانت تكول مو مهم الستايل والشكل اهم شي بطني

والله كرار صاير مليق كلش

اسكت احسن

كالتله ديما لك هاي وحده ثانيه مو نفسها روان

بكلشي تغيرت

كامت متحب الطلعه ولا تحب الحلويات

كرهت حتى الدراسه

لج روان اخاف احد مضايقج لو مسمعج حجايه

احسبي امه داعيه علي الي يتجرا ويضايقج

لا يمعود وين راح بالك لبعيد

بس الصراحه احس بنفسي ضعيفه بالدراسه

وحيل ضجت منها

والضوجني اكثر صديقتي شهد اتزوجت

واذا انت شعليج بيها

لج بابا هاي دراستج اهم من كلشي

البنيه سلاحها الوحيد شهادة التخرج

لتصيرين غبيه

كملي دراسه السنه احسن

اقترحوا عليه انقل وي البنات بمدرستهن

كلت خلي افكر واشوف

ثاني يوم بالليل كلي كرار يله خل اوديج

رحت ويا

صارحني بالطريق

كلي روان حاب اتقدملج واخطبج

حبيت اخذ راييج قبل لا اكل لاهلي

فاجأني

الصراحه اني حاسبته اخويه من يومه وساعته

وهذا وضعي وين افكر بالزواج

ولو ماوضعي عمار مايفتوت شاب من شكل من اخلاق من شهاده معايز شي

كتله كرار انت اي وحده تتمناك بس اني لا

حاسبتك حسبت عمار والله شاهد عليه

كلي لتنطيني رايج

فكري زين

بكلبي كتله ياافكر واني مصيري محتوم

كتله ابد ماافكر ولا راح افكر

لان رايي واضح مااغيره ابد

كلي هاي هي وانسي فاتحتج وراح ابقى الج اخ

شكرا كرار لان اتفهمتني

ولو مسويت شي تدللين انت

وصلني

ومبقه ابالي ابد

مرتضى : الصراحه اتفاجات من شفت رقمها للغثه

مجاوبت مرتين دكت

انتظرت تطلع مريم من الحمام

رحت لغرفة شهد

دكيت اني عليها بس ماكو جواب مسمعت صوتها ابد

من راسلتلها صدمتني من كالت حامل

مااعرف اصدك لو اجذب

معقوله من مره وحده يصير حمل

اكيد تجذب عليه

يجوز تريدني استر عليها

ماتدري لو اموت مااخطبها ولا ازوجها

صارت حواجز هواي بيناتنه

رزلتها بس دعت هواي علينه اني وشهد

هي ماتدري شهد جبرتها جبر ع هذا الشي

طبعا اموري كلها اتغيرت مااعرف شاسوي

اكيد اني غلطت بس صعب عليه اصحح غلطي وخاصه البارحه كان زواجي

المفروض مني مااستعجل وهيج اسوي بيها

ردت اراسلها لكيتها منطيتني حضر

للصبح مانمت من التفكير

حسبه تاخذني وحسبه توديني

مااعرف شاتصرف

حتى اذا افكر استرها صعب عليه

اول شي اتزوجت وثاني شي اجونه بكل الطرق ورادوا شهد ورفضناهم

غير المشاكل والفصل وغيرها يعني حتى اذا افكر اخطبها راح يطردوني اكيد

اخر شي تركت الموضوع

بس اني اكو بداخلي ندم ع الي سويته اعترف غلطت غلط جبير ومجنت محسب للعواقب ابد بس بعديش

مشت حياتي طبيعيه حاولت انسى

صار ع زواجي شهر تقريبا

شهد لحد الان مااجت ومن نروح تختفي من الوجود

حاولنه نتصل بيها مترفع خط ابد

طبعا جبنالها جهاز جديد وخط جديد قبل لتزوج

وره فتره مريم كالت شاكه بنفسي حامل حيل فرحت واخذتها للتحليل

حللت وطلعت حامل

حيل فرحنه جنت اسعد واحد بالدنيا

بس تقريبا من دخلت بشهر الثالث كالت بطني ذبلت ومااحس بعد بنساة

اخذتها للدكتوره وجانت الصدمه الطفل ميت ابطنها

سقطوا الها

وكتلها عادي الايام طويله كدامنه بس بداخلي متت حيل ضجت

وره فتره عرفنه شهد حامل

هم فرحنه الها

طبعا عملنه المستحيل حتى نتصالح وياها بس رفضت ايات وماما حاولن وياها وگللها عيب من بيت عمج بس هي قافله

عمي كال عوفوها ع راحتها

لان ضايجه ع الدراسه

حاولو يعرفون السبب الي خليناها تترك الدراسه بس ابد محجينه گنالهم مو زينه بالدواسه وادور طلايب وي البنات معرف بعد صدكونه لو لا

زين كالوا الولد ليش كسر محلك

كتلهم اشتره مني جهاز وره فتره عطل ورجع يريد يبدله

كالت مريم الصراحه احنه شاكين اكو علاقه بين شهد وهذا الولد

بعدهي ممكمله اتعاركت وياها وكتلها اذا حجيتي هيج شي مره ثانيه العب لعب بيج

سكتت بعد منفتح الموضوع

الوحيده الي تحجي وياها امي وايات

امي خطيه دائما تروحلها

وره تقريبا بشهرين من سقطت الطفل مريم هم صار حمل ثاني

تقريبا 4 اشهر وصار عدها نزف قوي بدون سبب وهم سقطته للطفل

طبعا البنيه صديقة شهد تقريبا راحت من بالي ونسيتها لسالفتها ونسيت دعائها عليه

حيل ضجت وانقهرت

بس شنسوي كلت ممقسوم النه

وره تقريبا فتره جابت شهد ولد

والكل فرح حتى زوجها خطيه طالب اجازه وجاي

رحنه للمستشفى وياها

بس شنو محجت ولا حرف ويانه

لااني ولا ابويه والكل ملاحظ هذا الشي

خطيه ابويه يكول احس بندم لان ظلمتها خطيه

اختفت البسمه منها نهائي

مريم تكول عازله نفسها بالبيت لا تسولف ولا تضحك وي اي شخص

حاولت احجي وياها اني بالذات رفضت تباوع بوجهي

امي جابتها النه بس بالكوه مقبلت

بقت 10 ايام بس ع اعصابها

حاولت ادخل يمها مره وجانت بوحدها

اتخبلت كامت تبجي

اطلع مااريد اشوفك ولا اريد اسمع صوتك مااعرفك انت انسان غريب متربطني بيك اي علاقه

كل هذا ع مو النذل حبيب الكلب

ولج احنه اهلج غصبا ماعليج

واتزوجتي وصار عندج طفل تنسين كلشي وتسوين حد لتصرفاتج

يعني تتوقع مقاطعتك ع مود هذا الشي ع مود عمار لا عيوني متوهم انت مو اني الي اخون زوجي بتفكيري بشخص ثاني عمار صار من الماضي وانتهى

اني كرهتك بيوم الفكرت تاذي صديقتي وهي ماالها اي ذنب والقران اشرف من الشرف ناس صانوني ومفكروا ياذوني ولا يوم خلوني بوحدي وي عمار جانت تكعد ويانه متتركنه ولا ثانيه وحده

طبعا اني مكاعد اصدك او بالاحرى مااريد اصدك

ماكلت حرام عليه

ماكلت خطيه دمرت حياتها منو بعد يتزوجها بس يعرفون اهلها راح يكتلوها بس انت الي راح تتحمل ذنبها

سدي الموضوع واسكتي

لا مااسكت وصدك مراح تتوفق بحياتك لان دمرت مستقبلها جان المفروض منك اذا عندك شي وتصفية حساب جان اخذت حقك من اخوها مو منها هي وهي لاحول ولا قوه الها

عفتها وطلعت لان كلامها اذاني واحسها سجاجين بكلبي كلامها كله صدك اني هواي اتسرعت وعماني الحقد والانتقام بس محد خسر بهاي السالفه كلها غير صديقة شهد

بقيت اكل بنفسي اكل مااعرف شنو الي اتصرفه الندم بده ياكل بيه اكل

بعد 10 ايام شهد صارت زينه ورجعت لبيت عمي

مريم طلبت مني اخذها للدكتوره

اخذتها

كالتلها بس يصير عندج تعالي انطيج مثبتات وعلاج

فعلا صار عدها واخذتها

كالت تحتاج ربط لان خطر الطفل مهدد بالاسقاط

ربطت الها الدكتوره ونزلنه جوه نمنه مو زين عليها الدرج

ابن شهد خطيه كام يتخربط عليهم

اخذوا للدكتور وطلع بي فتحه بالقلب

كال خل يكبر شويه ونسويله عمليه لان ضعيف ميتحمل هسه

صار عمره 3اشهر

رسول زوجها صارله تقريبا شهر بسوريا منازل بس يتصل بيهم ويطمأن عليهم

طلبت مني مريم تروح لاهلها تبقى هناك اسبوع

دزيتها بقينه بس اني وامي وابويه

يوميه نتخابراني ومريم

واسالها ع يومها وتخبرني

طبعا مريم مطيعه بشكل وتحبني حب مو طبيعي واني همين احبها واعشقها ماكو مشاكل بيناتنه ابد لان متفاهمين دائما

اليوم نايم بوحدي اجت صورة البنيه كبالي طبعا شكلها تقريبا اختفى من مخيلتي كل الي اتذكره سمينه ومو حلوه

بقيت افكر وين صفه بيها الدهر

اداوم لا

اهلها حسوا بيها لا

قررت اروح باجر للمدرسه واشوف

فعلا رحت للمدرسه وراقبت اسبوع كامل وماكو ملمحتها ابد

قررت باجر اراقب بيتهم من بعيد

فعلا رحت

اني الي سمعته اخوها بايع محله ع مود الفصل

حالتهم مدهوره بس حيل بي يستاهل

وكفت بعيد عن البيت

طلع بس ابوها وهي ل8 ونص ماكو

شفت محل جبير مطلعي من بيتهم

لافته جبيره مكتوب الاسم

اكيد كدر يوكف ع حيله هذا العار وهم يمكن افضل من قبل مااعرف شلون بهاي السرعه كدر هيج يسوي

طبعا بيتهم بارقى منطقه وجبير حيل موقعه بيتهم يمكن ساعده لهيج مشروع ناجح

بقيت اراقب الاسبوع كله بس هم ماكو

اكيد تاركه الدراسه

تركتها للسالفه ورحت رجعت مريم من اهلها

بس تكول خطيه ابن رسول كاعد يختنك يوميه

وابو لهسه منازل

وصفولنه برفسور بالنجف جراح قلب

كلت اخذه اني بيدي اودي

بس هاي ام خشم اليابس رفضت

كالت من يجي ابو يله ياخذنه

رحت لامي وكتلها قنعيها لبنتج

كالت ماتقبل قبلك اني شفتها ورفضت

اني لخاطر الطفل خطيه

مريم دائما اخذها للدكتوره واجيكها

اليوم اخذتها وجانت الصدمه بانتظارنه

الطفل ميت ابطنها رغم ماهي لاتشتغل ورابطه معرفنه السبب ابد

اتخبلنه هالمره

وديتها لاربيل وسويت تحاليل كالوا عدها جرثومه

تخلي الطفل لو يموت لو يسقط وكل هذا السبب يرجع لزواج الاقارب خاصتا اولاد العم

بدينه نراجع باربيل مدة شهر تقريبا

بعدها هم صار حمل

وهم ربطولها وانطوها علاج تستمر عليه

اليوم جنت بالمحل العصر

وجان يجيني اتصال من مريم تبجي وكوه افتهمه

ها حبيبتي شبيج

مرتضى تعال بسرعه

شكو مريم بيج شي الطفل بي شي

لا مابينه شي احنه زينين بس

شنو بس احجي وكعتي كلبي

جان تكول ....... طبعا الخبر صدمني صدمة عمري متوقعت هذا الشي ابد

توقعاتكم حبيبي شنو الي صاير ؟؟؟؟؟

وهذا الخبر راح يأثر ع حياتهم لو لا ؟؟؟؟؟

لتنسون التصويت حبايب كلبي حتى متضيعون حقي ☺️☺️☺️

تحياتي الكم 🥰🥰🥰. فديتكم يااجمل متابعين 😘😘😘