رواية النجمة البعيدة الفصل الخامس عشر 15 - بقلم ريام هادي

يوسف : كاعد بالقاعه واباوع على نبأ واتخيل مياسين مكانها واصفن ليش وصلنا لهنا ومنو الغلطان زين اني شلون اتسرعت وخطبت ليش محاربت واخذتها ليش استسلمت وانطيتها لوسام الف سؤال وسؤال بالي واني اصلا احس روحي مو يمي يم مياسين شراح تسوي اذا عرفت اتزوجت جنا ايام وليالي نكعد نخطط عرسنا شلون راح يكون وفوكاها جنا مخططين العرس يكون بنادي الفروسيه والحظ صار هنا بس العروس مو مياسين

واني صافن واشوف حب عمري وبنت قلبي تدخل عليه على لحظه توقعت دااتخيل بس م̷ـــِْن شفت لازمه ايد وسام وداخله وكفت على حيلي المنظر مدااستوعبه

ام يوسف : ياربي دخيلك
شاورت يوسف وايدي على قلبي لان ادري ابني راح يتخبل منا وسام ومنا مياسين
فدوه ابني بروح ابوك لتسوي مشاكل
يوسف : امي تحجي واني مااسمعلها فاتح عـُـُيٌُوني وممصدك الي اشوفه
ام يوسف : يمه فدواتك دااكلك بروح ابوك بداعتي اذا تحبني لتسوي مشاكل
يوسف : يمه دتشوفين الي اشوفة
ام يوسف : بداعتي عليك العباس ابو فاضل لتسوي شى
يوسف : سلام إٱللـِْﷻـِْﮭﮧ عليه رِّبًـــ♡̨ـــٍْيٌٓ صبرني وكعدت لان شفت امي ترجف وشفتها ترجف وبيضت من الخوف خفت ليصير بيها شى باوعت على مياسه واجتي تسلم

مياسين : دخلت للقاعه والكل تباوع واني عيوني مترمش بس اباوع على يوسف حبيبي وهو عريس وهوعيونه نار شكد اشتاقيت لعيونك
مديت ايدي الف مبروك يوسف تتهنى يارب

يوسف : لزمت ايدها ثلج جانت دائما تكلي م̷ـــِْن قلبي يدك سريع واشوفك احس اطرافي ثلج لزمت ايدها وعصرتها حيل وباوعت بعيونها
إٱللـِْﷻـِْﮭﮧ يبارك بيج يوم الج
مياسين : تسلم
الف مبروك عروستنا تتهني حبيبتي
نبأ : تسلمين شكرا

عرفت هاي حبيبة يوسف لان شفته يرجف ورجله م̷ـــِْن التوتر متوكف ويصب مي باوعت عليها حلوه وراقيه ومقاصرها شى انقهرت لان اجتي وخايفة يخرب عرسي لان ادري بيه يعشقها واكيد مراح هاي الليله تفوت على خير

وسام : الف مبروك اخويه وضلعي
يوسف : شاورته شجابك مو كتلك مااريد اشوفك وانت متت بالنسبه اليه
وسام : جيت اهنيك اقلها حق العشره
يوسف : اخذ مياسين واطلع لا اريدك ولا اريد عشرتك
وسام : لتخاف شويه واخذها م̷ـــِْن رخصتك

يوسف : كاعده گبالي وبصفها وسام لو بيدي اكوم اجرها م̷ـــِْن شعرها واوخرها منه واخذها واطفر م̷ـــِْن العرس وم̷ـــِْن الدنيا كلها اني شسويت بروحي كاعد ومحاس بالدنيا كلها گـ❈ٍـْلٍ بالي يم مياسين

نبأ: شاورت يوسف اقلها بس اليوم عدي على خير
يوسف : ليش شمسوي
نبأ: يوسف شوف حالك ترجف وعيونك مفاركت مياسين اهلي وصديقاتي كلهم هنا مااريد احد ينتبه اقلها احترمني وحس اني عروسه وكاعده بصفك
يوسف : انتبهت على نفسي وانقهرت على نبأ شنو ذنبها وحاولت مااباوع واتعامل طبيعي محد يعرف بقلبي شديصير بس رب العالمين يعرف شأحس
گـ❈ٍـْلٍ شويه تجي عـُـُيٌُوني بعيون مياسه انتبهت عليها شطالعه تخبل ليش تحركين قلبي مكافي الي سويتيه حتى اللون الي احبه لابسته شنو شغله احبها مسويتها ونفس الوقت شًٌگــو شى اكرهه هم مسويته مثل الكصيف والفتحه الي مطلعه رجلها شبيت نار وغيره

ليش يابنت قلبي تمرمرين حبيبج

وتلاكينه
بس شلون ملكه تلاكينه 💔
عيون تحجي
كلوب تبجي
وكلشي يحجي وما حجينا 💔

مياسين : عيوني وعيونه يتلاكن ويسولفن اعرف شيفكر وادري بيه يعرف اني شأفكر احنا حبنا فاق المشاعر والاحاسيس بس الكبرياء الي دخل بنص حبنا خرب كلشي مقبل يتنازل ويسامحني واني استسلمت ومكدرت ارجع حبه اليه

اصعب شعور بالعالم لمن تشوف الحلم الي تحلم بيه طول عمرك يتحقق بس مو الك لغيرك اصعب شعور م̷ـــِْن تحس حبيبك اليوم راح ينام بحضن غيرك ويشم عطر غير عطرك ويتغزل بحبيب متكون انت هو هذا الحبيب
سجاجين بقلبي لو بيدي اصرخ واوقف هاي المهزله هذا حبيبي هذا الي
صاحوهم على ستيج الرقص واباوع عليه شلون ًحاضنها ويركص سلووو وياها ربي مكعد اتحمل مااريد دموعي تخوني وتنزل
وسام : تكومين نرگص سلووو وياهم
مياسين : هااا اي يله

يوسف : هاي بنت الگلب شراح تسوي اوف إٱللـِْﷻـِْﮭﮧ هاي اليوم ناويه على موتها شلون تخلي يلمسها اباوع على ايد وسام على خصرها لوبيدي اكطعهن وايدها على جتفه

نبأ : اباوع على مياسين ويوسف ماادري اضحك انقهر طبعا اضحك على سوالفهم مثل الجهال واحد يحاول يستفز الثاني ويثيرون الغيره
وانقهر لان عيونهم فاضحتهم هذوله مو واحد يحب الثاني هذوله واحد يعشق الثاني الله يساعد قلوبهم مع الاسف معرفوا يصرفون صح والنتيجه اني اتزوجت شخص قلبه مو اليه وبعد الي شفته مستحيل قلبه يصير اليه
والثاني ابن عمها متأمل تحبه وهي لو يموت متحبه كلنا انظلمنا بسبب غرور وكبرياء مياسين ويوسف

مياسين : متحملت الي ديصير احس دموعي راح تنزل الموقف فوك تحملي المفروض مااجي
وسام م̷ـــِْن رخصتك اروح للحمامات
وسام : اوصلج
مياسين : لا شكرا
رحت بسرعه دموعي راح تنزل ومااريد احد يشوفهن
يوسف : انتبهت على مياسين راحت للمغاسل شلون اريد اروح وراها شويه انتبهت بعدها مراجعه
نبأ هسه اجي
نبأ : وين يوسف
يوسف : اروح للحمامات
نبأ ؛ أوگيـ Ok ـگ

يوسف : رحت ركض ردت بس الحك عليها قبل متطلع انتبهت على هذا الغبي وسام ملتهي يحجي ويه ابوه وابو مياسين

قمر : انتبهت على مياسه راحت بره بالحديقة وشفت يوسف هم راح بأتجاه الحمامات توقعت وراها ومراح يلكاها ترخصت وكتلهم رايحه لمياسه حتى يطمأن وسام وميدور عليها
لدور عليها مو هنا بقلم Reem

يوسف : قمر هلووو شلونج
قمر : عوفك مني ادري بيك ادور عليها طلعت بره
يوسف : شكرا ورحت اركض نسيت عرسي نسيت اهلي ومستعد انسى الدنيا كلها بس اشوفها

مياسين : متحملت مدخلت للحمام لان اكيد راح اشوف بنات هناك جنت محتاجه اتنفس احس الهوا مديدخل الرئه مالتي طلعت وجان الجو يخبل وبديت اخذ نفس واذكرت قبل شهرين جنت هنا وشلون جان مسويلي عيد ميلادي اخذتني رجلي بلا مااحس للمكان شفته وظليت ابجي واشهك دمرت متوقعت ذاك اليوم راح يكون اخر يوم حب بيني وبينه ولمست الكلاده الي لبسها اليه منزعتها ابد كعدت بالكاع واني ابجي الدنيا ليل وماكو احد ردت ابجي اخر مره على يوسف واطلع ضيم قلبي اليوم بالذات مااريد اسكت

تذكرين م̷ـــِْن كتلج انتي نجمتي وحصلتج
انداريت شفت يوسف كبالي وحطيت ايدي على عيوني وابجي مااريد اشوفه
يوسف : كعدت كبالها وحالي مو احسن م̷ـــِْن حالها ونزلت دمعتي على دمعتها واني اشوفها تشهك ومااكدر المسها لان مو م̷ـــِْن حقي بعد
عرفت بيج راح تجين هنا

مياسين : ليش اتزوجت ليش عاقبتني هيج حرام عليك جان اكو الف طريقة تعاقبني بيها بس مو هاي

يوسف : انتي الي تحجين ولج اني متزوجت لحد مشفت صورج وانتي بحضن وسام ويشاورج وتشاوريه ولزمت ايدها م̷ـــِْن يم زنودها حيل كوليلي جنتي شتكوليله احبك اموت عليك واخيرا صرت الك احجي شكتيله

مياسين : اخ اخ هد ايدي تعرف شكتله كتله اكرهك اموت منك لااخر يوم بحياتي احب يوسف

يوسف : جذابه جذابه
مياسين : تدري بيه شكد احـٍُــبٌـك وانت شنو
بالنسبه اليه وردت بس اعاقب وسام على الي سواه بيه قبل وغلطت اعترف واجيت اعتذرتلك واتوسلت بيك وكتلك احبك سامحني بس مع الاسف متستاهل حبي وبعتني بالرخيص ومكان متعاقبني وتعلمني دمرتني وخليت وسام بسهوله يحصل عليه

يوسف : مياسين انتي اليوم ليش جايه احجي مكافي الي سويتيه

مياسين : اجيت اشوف حبيبي يتزوج واباركله جيت اشوف نبض قلبي يروح لغيري اجيت اشوف حلم العمر يضيع كدامي
جيت اشوفك حتى اكرهك
يوسف : وكرهتيني
مياسين : هذا الي خبلني مااكدر اكرهك مااكدر
يوسف : حضنتها واشم بيها وابجي وهي تبجي
حبٌيـبتي وبنتي وروحي افيش شكد مشتاقلج بكد رحمه إٱللـِْﷻـِْﮭﮧ
نجمتي الي ضيعتها ادري بروحي ضيعتج بس شبيدي بعد شبيدي

مياسين : حاضنته بكل قوتي مااريد اعوفه وابجي بحضنه احبك يوسف احبك اموت بلياك ليش عفتني شلون اعيش بدونك مفكرت بحبيبتك مياسه مكلت شراح يصير بيها بدونه انت اناني اناني واضرب بصدره وهو يحضني ويشم بيه ويبجي ويايه

قمر : واكفه مسافه عنهم مشيت وره يوسف خفت ليجي وسام وهمه ميدرون ويصير العرس عزا بس مخليتهم يشوفوني وره الاشجار واراقب الوضع واسمع كلامهم وابجي وياهم وعيوني على القاعه خاف يجي وسام او احد
يوسف : باعي عليه رفعي راسج مياسه

مياسين : مااكدر مااريد اشوف عيونك مااريد
يوسف : مشتاق لعيونج خليني اشوفهن
مياسين : رفعت راسي وصارت عيوني بعيونه ظل يبوس بيهن واني ابجي باسني م̷ـــِْن خدي وراد يبوس حلكي وكفته لهنا وبس لتنسى اني هسه متزوجه وهذا مو م̷ـــِْن حقك

يوسف : لتكفريني انتي الي تعرفين شنو الي محد اله حق بهاي الشفايف غيري انتي مالتي
وظليت ابوس بيها بالقوه من خدها حلكها فقدت عليها واشهك بجي وياها
مياسين : وخر كافي لهنا وبس كمت م̷ـــِْن يمه شفت قمر مااكدر امشي كوه رجلي تحملني
صحتها تعاي

قمر : حبيبتي نروح للسياره كافي شوفي وضعج مو مال ادخلين
قمر : وديني للحمامات خلي اغسل وارجع للميز مالتنا ابلغ ماما وبابا واخلي وسام يرجعني حتى لحد يحس

يوسف : اباوع عليها كوه تمشي واني مكدرت اكوم وراها لان اذا كمت مااخليها ترجع ابوكها وحك الي خلقها ابوكها وانهزم بيها وطلعت جكاير وادخن وحاير اريد اخذها هسه والي يصير يصير بس اهلي نبأ شنو ذنبها شسويت يايوسف دمرت نفسك ودمرت الكل وظليت كاعد امسح بدموعي ودك تلفوني
نبأ : وينك يوسف ظل بالي الكل تسأل
يوسف : جاي

وسام : هاي وين صارت حتى قمر راحت وبعد مرجعت گـ❈ٍـْلٍ مااريد اكوم وراها ابويه يفتح موضوع جديد واستحي اكوم وعمي يسولف واني صاير نار لان لامياسين ولا يوسف بعد متحملت كمت ورحت للمغاسل شفت مياسين ولازمتها قمر
شبيج حبي احجي قمر شبيها ليش اتأخرتوا وجهه اصفر
قمر : مابيها شى بس ضغطها هبط اخذها ورجعوا للبيت

وسام : حبيبتي نرجع للبيت
مياسين : اي رجعني كافي
يله امشي
اوكف بس نسلم عليهم قبل منطلع
وسام : وتالي مياسين مو كافي
مياسين : والله نسلم ونطلع
يوسف : رجعت للظيم مالتي يم جنازتي مو عرسي

نبأ :عرفت جان يمها عيونه حمر سكتت
اجتي كوه تمشي وضعها يخوف مو هاي الي طبت بكل شموخ عرفت تواجهوا اعتقد المواجهه انتهت بالفراق
باركتلي وشاورتني
ديري بالج عليه وحطي بعيونج

نبأ: اتفاجأت بجرأتها وكتلها ادللي
يوسف : كافي مياسين روحي راح اسوي جريمه احجي بقلبي باركتلي وتقربت مني بس اني اسمعها لان صوت الركص والموسيقى عالي محد منتبه بس اثنين نبأ و وسام منتبهين ومااهتميت ولا هي اهتمت وهمست عاشت ايدك وسويت الي تريده كسرت قلبي وقلبك وضيعت حلمنا شكرا لان خذلتني وماوفيت وياي وراح تبقى طول عمرك بحسرتي مثل مااني راح ابقى بحسرتك مبرووك
عفته ومشيت ولازمني وسام بس اني بغير عالم

اصعب موقف بلحظات الوداع
م̷ـــِْن اتشوف الجنت تبني تهدم
م̷ـــِْن تقوي گـلبك وانت مجروح
مامهتم تبين ..وانت مهتم ..!
م̷ـــِْن تبتسم بس ابداخلك نوح
الدموع اباب عينك سكته تلتم
تضطر تمشي ، لكـن وانت مكسور
عزة نفسك اتبررلك الهم ..!
وراح تعيش ..لكن گلبك يموت
وحساسك الطيب يبدي يفهم
ماتحلم بعد بل عنك يروح
ومامسموحلك يوميه تندم
گل جروحنه وكل المعانات
م̷ـــِْن ماوره الناس البيها نحلم (ايهاب المالكي)

يتبع ...
ملاحظه / هذا البارت قصير لان مكدرت ادمجه مع البارت القادم