رواية النجمة البعيدة الفصل الرابع عشر 14 - بقلم ريام هادي

قمر : مياسه حـًًًًِـبي شبيج احجي ولج راح تموتين مياسه اتنفسي ولج ازركيتي
مياسين : حسيت الهوا مديدخل الرئه مالتي اريد اتنفس ماكو وبس ابجي الالم الي بيه فاق حد تحملي لهذا محسيت غير واني بالمستشفى
اني وين
قمر : وين يامعزايه بالمستشفى موتينا خوف عليج حتى جسمي لحد هسه يرجف يوميه مهبطه باباوالله راح يصير بيه شى م̷ـــِْن وراج
مياسين : لعد وينهم بابا وماما

قمر : بره يم الطبيب يريدون يعرفون الحاله الي جتج شنو سببها لان جان منظرج مرعب وانتي متكدرين تتنفسين

دكتور وليد :الْحٍمَدٍ للـّہ على السلامه ست مياسين مبين عجبتج الاقامه هنا كمتي يوميه جايتنا
مياسين : إٱللـِْﷻـِْﮭﮧ يسلمك دكتور شسوي بعدصارت
د.وليد : لا هذا ممقبول ضغطج جدا صاعد وتنفسج صار بيه خلل لو ما متلاحكين عليج جان لاسامح إٱللـِْﷻـِْﮭﮧ انجلطتي وبهيج عمر الجلطه تسبب وفاة

مياسين : بقلبي احجي لو ميته ولا هاي عيشتي قابل هسه اني عايشة
وليد :هاا شو سكتي
مياسين : ماكو شى دكتور شوكت اطلع
وليد :شبسرعه مليتي منه
مياسين : لا بس اني مااحب المستشفيات
وليد :صيري زينه واهتمي بصحتج ومدخلين مستشفى على كلا كتبتلج علاجاتج كلها واريد التزام بالاكل

مياسين : اوف غير يفضها موتني الف وصيه وصه بقلبي احجي اباوع على قمر فاتحه عيونها على الطيب منظرها يضحك
وليد :يله عيني ست مياسين ماعندج الا العافيه
مياسين : شكرا دكتور

قمر : هذا شنو منيش مخلوق عسل كب كيك چكليت بس فهميني
مياسين : والله مالي خلكج بطرانه
قمر : العباس عليج شلونه مو كيك عسل فراوله ولج صاك صاك وفوكاها دكتور قلبي الصغير لا يتحمل
مياسين : ههههه متجوزين وين علاووي هاي ثاني مره تتغزلين بالطبيب
قمر : علاوي الكبد مالتي شعندي غيره اموت بلياه بس ان لعينيك عليك حق
مياسين : رعنه اسمها ان لبدنك عليك حق لعينيك منين جبتيها
قمر : غير گـ❈ٍـْلٍ واحد والي يصرفله ياعيني اكلج إٱللـِْﷻـِْﮭﮧ عليج يوميه تخربطي واني اجيبج حتى التكسي عليه
مياسين : ههههه مخبله والله صيحي بابا وماما خلي نطلع

رجعت للبيت وجانت اسألة اهلي متخلص شبيج وليش صرتي هيج وعيون بابا حبيبي مفاركتني احسه حاس بيه وساكت مرت عليه ايام سوده طعم اكل مااعرفه المي م̷ـــِْن اشربه كوه اجرعه صار10 ايام هذا وضعي والكليه دزتلي انذار لازم اداوم وداومت بس احس روحي ميته وبالي ابد مًو يم الدراسه تحاول روى اطلعني م̷ـــِْن جو الكآبه هي وعمار مرات اضحك ومرات ابجي ومرات اصفن واذكر مواقفي ويه يوسف وحبنا وخاصه م̷ـــِْن اشوف روى وعمار وشلون يتغزل بيها

معرفت شى بعد عن يوسف لان كسرت السيم كارت بقى يومين بعد مكالمتنا الاخيره يتصل واشكال الرسائل ومجاوبت واخر شى م̷ـــِْن اعصابي كسرت السيم كارت وغيرت رقمي
وبيوم اجه علينا وسام للبيت جان ماكو احد الكل طالعين عدا قمر باقيه ويايه
وسام : هـًٌِــلو مياسه شلونج
مياسين : خير شو جاي اكو شى
وسام : ليش نسيتي اني خطيبج
مياسين : رجاءا لتكول خطيبي
وسام : لا خطيبج وبعد كم يوم زوجج
مياسين : شنووو بكيفك

وسام : اي بكيفي اليوم حجيت ويه ابويه وابوج وحددنا الخميس الجاي المهر نعقد سيد ومحكمه الصبح والعصر نسوي حفله
مياسين : لا اكيد انتم تخبلتم بكيفكم اني امشي
وسام : طبعا بكيفنا سمعي لج اياج لزمت ايدها قوي واني صاير نار منها
سمعيني اذا حجيتي حجايه زايده اكتلج خلاص بأيدي
مياسين : كلش آذاني ايده كلش قويه وانهاريت لان اصلا اني البيه مكفيني وحسيت روحي هاي هيه انتهيت هاي نهايتي عـُـّــٓمُْري كله راح يخلص ويه واحد اكرهه وهو سبب دمار حياتي
كمت ابجي واعيط اتهسترت
ولك كافي كافي حرام عليك ليش هيج تكرهني مسويتلك شى حتى تكرهني هيج وادمر حياتي

وسام : كامت تبجي بطريقة هستيريه وتعيط قهرتني وبنفس الوقت استفزتني لان ادري بيها تحب يوسف وهاي دموعها لان عافته
فقدت اعصابي م̷ـــِْن وراها وكمت احجي كلشي بقلبي وبعياط

حرام عليه ولج انتي تحجين على الحرام وتكولين ممسويتلك شى شتريدين بعد تسوين مياسين
خليتيني اعوف خطيبتي لخاطرج واعوف صديق عمري واخويه تعرفين شنوو اخويه يوسف جان اعز اهلي كلهم جان ميمر يوم عليه اذا مو هو ويايه انام اكل اطلع اصادق ويايه مثل ظلي حتى بيوم الي انقهر وانهم مااضم بقلبي احجي اله لان احسه ظلي ومرايتي دمرتي الخوه الي بينا خليتيني اشوف دم سنوني ولا اشوفه احاول بكل الطرق ادمره لان حبج وضم عليه وفوك گـ❈ٍـْلٍ هذا حبيتج اي حبيتج م̷ـــِْن گـ❈ٍـْلٍ قلبي بحياتي ماتوقعت احب وبالذات انتي حبيتج وحسيت روحي مااكدر بلياج وجنت مستعد اعيشج احسن عيشه واعوضج عن كلشي غلطته بحقج وبيوم الي شفتج بحضن يوسف ردت اكتلج واكتله خلاص حسيتكم مشتركين حتى ادمروني تدرين شنو شعوري واني اشوف حبيبتي بحضن اخويه وصديقي
تدرين شنو شعوري واني اشوفج حاضنته بكل حب ولهفه وعيونكم تسولف حبكم قبل حلكم معرفتي ولا راح تعرفين شعانيت من وراج لان ممريتي بلي مريت بيه اني لحد الان مااعرف شلون بيومها سكتت ومكتلتكم خلاص اثنينكم دمرتي حياتي وكسرتي قلبي وخسرتيني اخويه وتسألين شسويتلك

مياسين : اسمع كلام وسام جمدت م̷ـــِْن كال احبج ويحجي عن مشاعره اني ممصدكه الي اسمعه وبنفس الوقت حسيت غلطت غلطه جبيره بيوم مقررت انتقم منه صح نجحت وانتقمت وذوقته طعم المر وطعم الحب م̷ـــِْن طرف واحد بس بنفس الوقت اني هم دمرت وخسرت حب عمري
وسام لهنا وكافي عفيه لدمرني الي مرينه بيه مو قليل فدوه كافي مااكدر اتزوجك اني مااحبك ولا راح احـٍُــبٌـك عوفني احلفك بأغلى شى عندك عوفني اني هم ادمرت وخسرت يوسف وراح اعيش طول عـُـّــٓمُري متندمه على الي سويته

وسام : مياسين انتهى النقاش الخميس مهرنا
مياسين : عافني وطلع واني ادك على راسي والطم اكرهك مااريدك مااريدك
قمر : ولج مخبله كافي
مياسين : سمعتي قمر سمعتي شكال
قمر : سمعت كلشي حـًًًًِـبٌي جنت جوه ومحبيت ادخل كلت عسى ولعل تنحل
مياسين : راح اموت قمر مااريده اكرهه مااكدر اعيش وياه اني اصلا مااريد اتزوج كافي الي مريت بيه قلبي بعده ينزف
قمر : فدوه كافي بداعت بابا كافي راح تموتين
مياسين : ياريت اموت واخلص ياريت

مرت الايام بسرعه واني يوميه اخابر وسام اتوسل بيه يرجع عن قراره وهو مصر لحد ماطلبتً م̷ـــِْن بابا تكون خطوبه بدون مهر وحاولت بكل الطرق اقنعه خاصه ادري بابا يحبني ومراح يرفضلي طلب وافق بس يكون عقد سيد فقط مو محكمه م̷ـــِْن باب الحرام والحلال وشلون يطلع وياج وانتم معاقدين متت مااريد اكون على ذمته وانجبرت واجه اليوم الاسود يوم خطوبتي على الحقير وسام

وسام : ماانكر اني اعشقها لمياسين بس ادري بيها تكرهني كلش ومراح تحبني بيوم كلت بلكت انطيها فرصه تتعلم عليه بس م̷ـــِْن اذكر حبها ليوسف اريد اشرب م̷ـــِْن دمها وبيوم المهر جانت طالعه تًجٌـــــنّنُٓ لابسه فستان جدا بسيط طويل وربع ردن وكصيف طالع جسمها عبالك ملكان ومكياج جدا فاتح وبس فاتحه شعرها عبالها بهذا تصرفها تطلع محلوه عسى اشوفها هيج واتراجع متدري هي طالعه كلش نازكه وراقيه وعجبتني اكثر متت عليها ولبستها الحلقات وهي حتى ضحكه مضحكت
مياسين : لو بيدي اعيط املخ وسام مااعرف شنو شعوري قرف على كراهيه قطعت مهر سيد وكرهت وسام اكثر م̷ـــِْن مااني كارهته وظل كاعد يمي وهمس بأذني

وسام : طالعه تخبلين
مياسين : اكرهك همست بأذنه
وسام : رجعت همست اعشقج
مياسين : اموت منك ولااخر يوم بعمري اكرهك وراح ابقى طول عمري احب يوسف وبس
وسام : اسكتي لتخليني أاذيج

معودت خلصت الحفله صعدت اركض وابجي وقمر و روى ويايه يواسوني
يوسف : ظليت ايام اتصل بمياسين اريد احصلها وقررت افسخ خطوبتي بنبأ مااكدر لازم ارجع لمياسه واسامحها لان احبها ومااكدر اعيش بلياها
حجيت ويه نبأ
نبأ: اعرف الموضوع م̷ـــِْن البدايه وادري بيك متحبني ومقدره صراحتك كلش وموافقه على الانفصال بس بشرط
يوسف : وشنًو الشرط
نبأ :اكدر اكوله طلب ورجاء مو شرط الصراحه اريدك تبقى ويايه بس هلشهرين
يوسف : شمعنه
نبأ:حجيت كلشي ليوسف عن اخويه وطلبت يبقى ويايه بس هلشهرين لحين موعد مناقشه البحث مال ماجستير مالتي وراها ننفصل بهدوء حتى اخويه ميحاول يبطلني
يوسف : موافق وادللي راح اكوف بجانبج
نبأ واني مستعده حتى لحبيبتك اروحلها وافهمها

يوسف : ان شاء إٱللـِْﷻـِْﮭﮧ نلتقي بيها اني وياج ونفهمها اشكرج نبأ مااعرف شلون اجازيج
نبأ بالعكس اني الي اشكرك لان راح تنفذلي طلبي
ورجعت للبيت فرحان واريد اروح لمياسه للكليه بس اليوم خميس شيصبرني للاحد وطبت امي

ام يوسف :هله يمه شلونك شوو فرحان
يوسف : حجين كلشي لاامي حتى لتحسب احساب زواجي م̷ـــِْن نبأ
ام يوسف : انتي شتحجي ابني تخبلت
يوسف : يوم انتهى الموضوع نبأ ماازوجها كلها شهرين وكل واحد يروح لطريقة
ام يوسف : حتى تاخذ مياسين بنت ابو امجد موو
يوسف : اي يوم احبها واريدها تكون زوجتي
ام يوسف : اكيد انت تخبلت تدري اني م̷ـــِْن وين جايه
يوسف : خير م̷ـــِْن وين
ام يوسف : م̷ـــِْن المهر مال وسام ومياسين
يوسف : مستحيل اكيد كاعد تجذبين عليه

ام يوسف : خلف إٱللـِْﷻـِْﮭﮧ عليك ابني اني اجذب هاك هذا تلفوني بيه كم صوره اخذتهن اختك الي لوسام ومياسين

شفت صور المهر واني النار تحرك بيه واكو لقطه ديشاورها اكيد ديكلها احبج فقدت محسيت بروحي غير واني مكسر البيت كله وطلعت اركض م̷ـــِْن البيت رحت لوسام
وصلت للبيت واعيط عليه ولك گلب ساقط وينك اطلعلي اذا انت رجال
وسام : خيرك شرايد

يوسف : لزمت م̷ـــِْن ياخته وجريته ودك بوكسيات وهو هم يضربني دماني ودميته وجان ماكو احد بالبدايه لهذا واحد يضرب الثاني واعيط وهو يعيط واحجي وياه ليش اخذتها مني ليش ولك مو احبها وروحي بيها
وسام : نتضارب ونحجي واني هم احبها واموت عليها وهي م̷ـــِْن الاول جانت تحبني تذكر لو نسيت

يوسف : هاي جانت مراهقه ونست كلشي وكرهتك طول عمرك تحب تاخذ غراضي كلشي احبه تاخذه ملابسي اجهزتي سيارتي كلشي واني انطيكياه واني الممنون ولك حتى الكليه الي طلعتلي عفتها لخاطرك ودخلت كليه اقل لخاطرك گلت اخويه شلون اعوفه تالي تاخذ روحي مكافي الي اخذته قبل جاي تاخذ اهم شى بحياتي حبٌيـبتي

وسام : اني مااخذت شى ومياسين م̷ـــِْن الاول اليه واعتقد وصلك خبر المهر مالتي يعني هيه زوجتي تعرف شنو زوجتي
يوسف : انهاريت وكمت اضرب بكل قوتي لحد مااجه زوج خالتي وخالتي وزوج بنتهم مروه فكونا كوه وميعرفون شكوو وشنوو سبب العركه

يوسف : قبل مااطلع اسمع وسام انت انتهيت م̷ـــِْن حياتي وميشرفني تكون اخويه وحتى لو متت مااوكفلك على جنازة ولا توكف على جنازتي روح إٱللـِْﷻـِْﮭﮧ لايوفقك وطلعت واني وجهي كله دم وعفت وسام مدمه وميكدر حتى يوكف
رجعت للبيت وحبست نفسي اسبوع اكلي جدا قليل وبس جكاير ولاانام امي تبجي يمي تريد اطلعني م̷ـــِْن الي اني بيه معرفت شديصير بيه وراح اخسر كلشي حتى رساله الماجستير مالتي انطوني اخر تمديد الها واذا مااناقش البحث ارسب

ام يوسف : يمه بروح ابوك كافي ابني مو طك قلبي عليك راح اموت بحصرتك صارلك اسبوع لااكل ولا شرب ولا نوم وبس جگاير وتون تالي الليل ولك راح تموتني
يوسف : لا يمه اسم إٱللـِْﷻـِْﮭﮧ عليج
ام يوسف : ابني اذا تحبني وتعزني كوم اكل واسبح وزين وارتاح كافي راح تموت وراح اموت م̷ـــِْن وراك اني بعد ابوكم ماعندي غيرك وغير اخوك واختك وانت يوميه موتني وهاد حيلي كافي ابني حس بيه اني امك والي حق عليك وحقي بأن متوجع قلبي عليك ليلي ماانامه بسببك اذا تحب امك صدك وتكول اني مو عاق الوالدين اسمع كلامي واصحى على روحك كافي

يوسف : ضلت امي تتوسل وتبوس بأيدي واني ابوس بيها وتعذرت منها لان معيشها بهاي التعاسه
يمه حسبي حسابج الجمعه الجايه عرسي على نبأ
ام يوسف : صدك يمه راح تعرس
يوسف : اي هاي هيه الجمعه الجايه الزفه وراح اسويها بأحلها قاعه
رحت لنبأ وكتلها وتفاجأت

نبأ : يوسف هاي خطوه مصيريه ميصير تاخذ الامور بهاي الطريقة احنا مكاعد نلعب هذا زواج
يوسف : ولا اني العب اريدج زوجتي وام اطفالي
نبأ ؛ وحبيبتك
يوسف : ماعندي حبيبه انتهت وان شاء إٱللـِْﷻـِْﮭﮧ بعد الزواج والعشره بينا تكونين انتي حبيبتي
نبأ : يوسف انت متأكد لو لحظه عصبيه وبعدين تندم

يوسف : متأكد
نبأ:سكتت لان اني بديت اتعلم على يوسف واحبه وافقت بان يكون زواجنا الجمعه الجايه رغم ماالحك بهاي السرعه بس وافقت وقررت احاول انسي حبه وان شاء إٱللـِْﷻـِْﮭﮧ انجح واخليه يحبني
وصارت الجمعه واجه يوسف اخذني م̷ـــِْن بيت اهلي جان طالع يموت وسيم بشكل والبنات صديقاتي ماتوا عليه واني هم طلعت كلش حلوه ورحنا للقاعه والكل يركص وفرحان جان عرس راقي بس الي خفت منه صار

مياسين : جنت كاعده اني وقمر اشكيلها حالي وهي تواسيني وطبت ماما علينا
الام الهام : بنات حضروا نفسكم الجمعه معزومين بعرس
مياسين : اني مااروح لتحسبون حسابي
قمر : ولج امشي غيري جو ويانه
ماما عرس منو
الهام : عرس يوسف تعرفوه ابن خالته لوسام الي جان يجينا
مياسين : شنووو
الهام : وجعووو شبيج جفلتي

قمر : هاا لا مو وسام كلها هو ويوسف يزوجون بيوم واحد لهذا استغربت
الهام :على كلا احسبوا احسابكم الجمعه العرس بقاعه الخضراء مال نادي الفروسيه
اذا محتاجين ملابس احذيه عدكم بس هليومين حتى نروح للسوك وراها مااكدر مبقى كلها 3 ايام للعرس اني رايحه للاسواق اجيب تمن واجي

قمر : اباوع على مياسه مترمش وبس فاتحه عيونها مصدومه خفت كلش عليها اريد بس ماما تطلع طلعت ورجعت ركض عليها لكيتها نفس كعدتها وعيونها مترمش
مياسه مياسين فدوه جاوبيني مياسه حبيبتي بيج شى وٌلج دااموت رعب عليج جاوبيني
كمت اضرب على وجهه عسى ولعل تبجي تحس ماكو تقربت م̷ـــِْن اذنها وكتلها
مياسين يوسف راح يزوج انتهى انسي
رأساً حست على نفسها وبجت بجي حتى الكافر يبجي على حالها وتعيط واني حاضنتها وابجي وياها ربي ريح قلبها حبيبتي على كيفج ويه نفسج والله ميستاهلج خلي يولي

مياسين : قمر عافني واتزوج تعرفين شنو اتزوج يعني راح يحب غيري ويلمس غيري ويحجي شعر بأذنها نفس الشعر الي جان يكوله الي حبيب عمري راح تاخذة وحده مني وتنام بحضنه وتعيش حياة المفروض هاي حياتي ليش هيج والله غلطت قمر والله ادري غلطت بس مو هيج يعاقبني بشهرين يتزوج وينساني هيج اني رخيصة عنده هيج الحب والغزل والحضن والمواقف الي بيناتنا مالها قيمه عنده هيج اني تافهه بنظره ونسى كلشي والله غلطت واعترف بس هاي عقوبته نهت حياتي لك يوسف دمرتني ليش ولك مو اني حبيبتك اني نجمتك هاي تاليها يوسف هيج تجازي حـًًًًِـبٌي الك
وايامنا هيج تنساها

قمر : مياسين منهاره وتحجي وتشهك وتعيط مااعرف شلون اسكتها خايفة لا ماما ترجع وتعرف لان عياطها وبجيها واصل للشارع كوه كدرت اسكتها ومتعيط بس دموعها متوكف
وطلعت يم ماما حتى متحس وكل شويه اطب واطلع عليها واشوف دموعها متوكف واني مااعرف شلون اتصرف وياها وميته قهر عليهاحتى روى تتصل واجاوبها ومتقبل تحجي ويه احد ظلت يومين على هاي الحاله اكل متاكل نوم متنام ودموعها منشفت مااعرف شلون اساعدها اول مره اشوف مياسه هاي ام اللسان الطويل الي متخاف م̷ـــِْن احد وجسره هيج مكسوره

مياسين : صفنت على حالي صح غلطت بس مو هيج اتعاقب بسرعه باع الحب الي بينا وفوكاها تزوج اني دااحاول بكل الطرق اخرب خطوبتي بوسام في سبيل ارجع ليوسف وكلت اكيد م̷ـــِْن يعرف هو هم يفصخ ويرجعلي بس هو بكل سهوله ديتزوج وفرحان ظليت وقت مااعرف شكد لان بس ابجي واتذكر المواقف الي بينا لحد ماقررت لازم اواجهه واشوفه عريس حتى اكرهه خابرت وسام
أُلؤْؤٌ📞ؤًِّؤٌٍٓ وسام تعالي هسه
وسام : بيج شى احجي صاير شى
مياسين : لا ماكو شى تعال هسه وسديت التلفون
وسام : قلقت على مياسين واول موصلت طبيت لغرفتها شفت وضعها مأساوي العيون حمر وجواهن سود مال قلة النوم والوجهه اصفر حالتها كانها ميته وتمشي
بيج شى ولج شنو هذا حالج

مياسين : وسام انت تحبني
وسام : شنوو بله جايبتني بهاي الطريقة وعلى شويه واندعم م̷ـــِْن السرعه وتسأليني تحبني
مياسين : جاوبني تحبني لو لا
وسام : تدرين كلش زين احبج
مياسين : اثبتلي حبك وساعدني
وسام : كولي مياسه شمحتاجه عيوني الج
مياسين : مااريد عيونك اريد اروح لعرس يوسف
وسام : شنوواكيد تخبلتي
مياسين : لا متخبلت هذا طلبي واريدك تنفذه الي
وسام : بابا احد كلج اني ماعندي شرف لو مكرن بحيث اخذ بنت عمي وزوجتي لحبيبها السابق لا اكيد انتي مو طبيعيه
مياسين : كمت ابجي واتوسل بوسام فدوه وسام بداعتي اذا تحبني صدك وديني وكعدت بالكاع ابجي واشهك
وسام : حالتها منتهيه قرفصت كبالها وشلتها وكعدتها على الجربايه كافي اسكتي وفهميني ليش تريدين تروحين هيج ماعندج احترام الي هيج اني مو بعينج انتي زوجتي تعرفين شنو زوجتي مستحيل اسوي هذا الشى
مياسين : لازم اشوفه متزوج حتى اكرهه وانساه هاي الطريقة الوحيده الي تخليني انسى حب يوسف واكدر ابدي وياك حياة جديده
ابوس ايدك وسام وديني وتعال ويايه اريد اطلعه م̷ـــِْن قلبي حتى اكدر اعيش وياك انت مو تحبني واكيد تريد احبك وهاي الطريقة الوحيده

وسام : مياسين الي طلبي صعب يمكن اصعب طلب بحياتي بان اخذ الي احبها وبنت عمي وزوجتي لحبيبها السابق مااكدر والله مااكدر

مياسين : لا تكدر لان انت هم تريد تروح حتى تشوفه بان انت اخذتني منه وصرت الك انت مو تكول اريد ادمره وماكو اقوى م̷ـــِْن هيج دمار بان يشوف حبيبته لازمه ايد غير ايده ومخطوبه لصاحبه هاا شكلت ظليت ساعه اتوسل واقنعه لحد مقتنع

وسام : مًـُاُشي نروح بشرط
مياسين : موافقة
وسام : غير تعرفين الشرط شنو
مياسين : كتلك موافقة على كلشي
وسام : تبقين بأيدي وين مترحين ويايه وشوكت مااكلج امشي نرجع راساً نرجع للبيت
مياسين : موافقة
وسام : يله كومي اكلي وغسلي وارتاحي خلي وجهج يرتاح بستها م̷ـــِْن راسها وطلعت واني ميت قهر عليها ومنها بس لازم انفذ طلبها حتى بلكت تكره يوسف وتحبني

مياسين : كمت سبحت واكلت وخليت اقنعه لوجهي ولعيوني حتى يرتاحن م̷ـــِْن البجي وثاني يوم اخذت روى ورحنا للسوك اليوم كله نفتر حتى الكه الفستان الي بالي ولكيته واتقصدت اخذ الفستان بلون الي يحبه يوسف عليه لان دائما يكلي اللون البرونزي وتدرجاته تًجٌـــنن عليج لهذا اشتريت فستان برونزي كان تصميمه راقي جدا ونازك بنفس الوقت كان ردن تول ناعم وصدره مفتوح بس مو فاضح وعدل كصيف مقسم جسمي تقسم وبيه فتحه م̷ـــِْن الامام م̷ـــِْن لبسته تخبلت عليه روى
روى : مياسه طالعه ملكان بيه شنو هذا يموت شناويه إٱللـِْﷻـِْﮭﮧ الي يستر منج
ورحت للصالون وخليت المصصفة مال الشعر تسوي شعري بطريقة نازكه وبسيطه حتى المكياج راقي وهادئ واكيد قمر متخبله متريدني احضر تخاف عليه لبست وجهزت وانتظرت وسام لان لازم نروح سوه

وسام : وصلت لبيت عمي واني القلق كاتلني الي راح اسوي صح لو غلط ونزلت مياسين وياريت مانزلت بحياتي كلها مشايفها هيج لابسة فستان جدا راقي ومغري ومااعرف على شنو اباوع الجسم الطول الفستان المكياج كلش بيها يجنن
مياسين : شبيك وسام فاتح حلكك يله تأخرنا
وسام : هاي شمسويه بروحج
مياسين : ليش محلوه
وسام : شنو محلوه طالعه تخبلين متفقنا هيج
مياسين : يله وسام تأخرنا

وسام : صعدت بصفي واول مره اشوف مياسه بهذا الجمال والاغراء وفوكاها عطرها يموت لو بيدي احضنها واشمها واظل ابوس بيها الطريق كله اكل بروحي شجاني وافقت وجبتها واكيد يوسف اذا شافها راح يتخبل وشلون جبت زوجتي اله حتى يشوفها جانت طول الطريق هادئه كلمه مفتحت حلكها لحد موصلنا للقاعه اتفاجأت بيها قبل لندخل حطت ايدها بأيدي وتمشي فرحت لان حطت ايدها من غير مااجبرها وبنفس الوقت حزين لان ادري مو محبة بيه بس حتى تثير الغيره عند يوسف والمصيبه راضي بهذا الشى

يوسف : كاعد بالقاعه واباوع على نبأ واتخيل مياسين مكانها واصفن ليش وصلنا لهنا ومنو الغلطان زين اني شلون اتسرعت وخطبت ليش محاربت واخذتها ليش استسلمت وانطيتها لوسام الف سؤال وسؤال بالي واني اصلا احس روحي مو يمي يم مياسين شراح تسوي اذا عرفت اتزوجت جنا ايام وليالي نكعد نخطط عرسنا شلون راح يكون وفوكاها جنا مخططين العرس يكون بنادي الفروسيه والحظ صار هنا بس العروس مو مياسين
واني صافن واشوف حب عمري وبنت قلبي تدخل عليه على لحظه توقعت دااتخيل بس م̷ـــِْن شفت لازمه ايد وسام وداخله وكفت على حيلي المنظر مدااستوعبه
يتبع ...

ڤًــ😻ــدّوٌٓوٌٓهْٓ بنات م̷ـــِْن الاول كتلكم القصة مكامله والله اكتب واعدل وانشر على كيفكم اني مابنيتي اشلع قلبكم وانتم تشوفون انشر 3 مكان الواحد لهذا تحملوني القصة تحمل هواي مفاجأت ولازم اعطيها حقها
تصبحون على ماتتمنون
تحياتي