رواية النجمة البعيدة الفصل الخامس والعشرون بقلم ريام هادي

مياسين : جنت ابجي ودخلت ماما عليه
الهام ام مياسين : شبيج ماما شجاج
مياسين : مابيه شويه تعبانه
الهام : تعاي بحضني

مياسين : اول مره ماما تكلي تعاي بحضني شمرت روحي بحضنها محتاجه حنانها كلش وظليت ابجي بحضنها وهي تمسد على شعري
ماما انتي ليش متحبيني
الهام : اني مااحبج ولج انتي روحي بنتي بزر الكعده انتي الي طلعتي م̷ـــِْن قلبي قبل بطني

مياسين : بس عمرج محسستيني بهذا الشى جنتي تحبين اخوتي كلهم اكثر مني وخاصه قمر إٱللـِْﷻـِْﮭﮧ يرحمها

الهام : لاتصدكين ام متحب جهالها كلكم نفس المعزه والغلا بالقلب بس مرات الضروف تجبر الام تميز واحد عن الثاني بس محبتكم وحده ياعمري

مياسين : بس انتي حتى م̷ـــِْن جنت صغيره تضوجين اذا اطلع وياج كأن اني الي سبب بهاي خلقتي

الهام : ماماتي الام مرات تتصرف تصرفات الابناء ميفتهموها اني م̷ـــِْن كمت مااطلعج ويايه علمودج حتى لتسمعين انتقادات العالم وحجيهم ادري بيج تعرفين شدينحجي عليج واشوف دمعتج م̷ـــِْن يبوسون قمر وانتي لا جنت اموت الف موته م̷ـــِْن اشوف دموعج لهذا قررت مااطلع ويايه حتى لا اعرضج لهيج مواقف ادري بيه غلطت بس اني ام وصعبه لمن تجي وحده وتكلي بنتج محلوه ينمرد قلبي عليج لهذا كلت مااطلعج حتى هم متضوجين وبنفس الوقت اني هم مااتأذى م̷ـــِْن اشوف العالم تجرحج بالحجي لهذا قررنا اني وابوك هو يهتم بيج حتى لتتعقدين واني اهتم بأخوتج لهذا تقرب ابوج الج واني شفت قمر اكثر م̷ـــِْن مره تختل م̷ـــِْن هيه صغيره وتراقبج انتي وابوج شلون يشيلج ويشتريلج وهي تبجي م̷ـــِْن الغيره لهذا قربتها مني ردت اسد النقص الحاصل بس مع الاسف اتضحلي اني وابوج غلطنا غلط جبير لااني كدرت اسد الفراغ بقلب قمر تجاه ابوج واحتياجها اله ولا هو كدر يملي فراغ قلبج مني انتي وقمر جنتم محتاجين اب وام مو گـ❈ٍـْلٍ واحد وحد اسف بنيتي ظلمتج وظلمت قمر متشوفين ابوج متأذي كلش عليها يكول محسستها بحبي ومعزتها بقلبي واني مااريد اتندم مثل ابوج واكل بروحي ليش محسستج بحبي مياسه انتي نظر عيني بنتي وروحي بيج لهذا مااريد فديوم تشعرين اني مااحبج واسفة اذا وصلتلج هذا الشعور بقلم Reem

مياسين : حضنت امي وبجيت م̷ـــِْن گـ❈ٍـْلٍ قلبي اذكرت معاناتي م̷ـــِْن جنت صغيره كلش احتاجيت امي صح جايه بعد فوات الاوان بس هم تبقى امي بيومها نمت بحضنها حسيت بدفوا وحنان الام الي انحرمت منه طول هاي السنوات

نبأ : رجع يوسف وعيونه براسه ويعيط كافي يوسف منا بنتك عقدتها حرام عليك تجي تكسر وتعيط احنا شعلينا حل امورك بعيد عنا
يوسف : كعدت مقهور خايف مياسين تنفذ حجيها
نبأ : كعدت بصف يوسف وسألتي تحبها
يوسف : منو
نبأ : نجمتك مياسين
يوسف : سكتت مااكدر احجي مهما كان هاي زوجتي

نبأ : شكرا لان قدرت مشاعري وسكتت يوسف رجاءا باجر اطلكني وخلي گـ❈ٍـْلٍ واحد يروح لحال سبيله
يوسف : ونجمه
نبأ : ادري هي الي فارقه عندك اني مو مهمه لتخاف تبقى بنتك
يوسف : اسف نبأ مو بيدي والله حاولت ومنجحت
نبأ : مثل مااني حاولت ومكدرت اخليك تحبني بس اريد طلب منك
يوسف : امريني
نبأ ؛ اني راح ارجع لروسيا واريد نجمه ويايه
يوسف : بس مااكدر بدون بنتي

نبأ : لتخاف تبقى بنتك وتعال زورها بالعطل واخذها يمك بين فتره والثانيه ولتخاف نجمتك راح تصير يمك وتنسيك حتى بنتك
يوسف : مستحيل انسى بنتي هاي قطعه قلبي
نبأ : شبيك ممرتاح اتوقعت م̷ـــِْن اكلك نطلك تكيف
يوسف : تعبان نبأ مياسه ممصدكتني ومتريدني
نبأ : ان شاء إٱللـِْﷻـِْﮭﮧ تصير الك م̷ـــِْن رخصتك خلال هاي اليومين لازم اسافر
يوسف : سامحيني نبأ
نبأ : لتخاف مسامحتك

مياسين : ظليت ايام مااداوم خابرني احمد بعد مرجعت م̷ـــِْن يوسف وفهمته بطريقتي واعتقد افتهم
وليد مااعرف شأكله محتاره وبيوم دك تلفوني رقم غريب جاوبت
نبأ : أُلؤْؤٌ📞ؤًِّؤٌٍٓ مياسين
مياسين : نعم منووو
نبأ : اني نبأ ام نجمه
مياسين : تفضلي
نبأ : اكدر اشوفج
مياسين : تواعدنا بمتنزه بزيونه واجتي وياها نجمه اني حيل مابيه احس راح تعاتبني لان اخذت رجلها منها حقها لو شسوي حقها
نبأ : شلونج ان شاء إٱللـِْﷻـِْﮭﮧ زينه
مياسين : الْحٍمَدٍ للـّہ

نبأ : اجيت احجي وياج بموضوع يوسف
مياسين : ماكو شى بينا واني كتله مااريدك
نبأ : اني ويوسف اطلكنا
مياسين : شنووو ليش
نبأ : تعرفين ليش لان يحبج ويموت عليج واني لا شى بحياته

مياسين : غلطانه انتي ام بنته واكيد يحبج
نبأ : رجاءا خليني اكمل كلامي
منين تحبين ابديلج م̷ـــِْن عرسي الي انتي خربتيه وخليتيه اتعس يوم لو م̷ـــِْن يهيني ويكلي مااحبج احب مياسين
تدرين بيوم الي صرت زوجته شلون
مياسين : مااريد اعرف

نبأ : لا لازم تعرفين اجاني سكران ويهذري بأسمج حتى احلى ليله عيشها اليه بكل حب ورومانسيه جان بكل بوسه وحضنه يصيح بأسمج ويتخيل نفسه نايم وياج مو ويايه مراح تعرفين شعوري شنوو احقر شعور ورغم هذا كلت ميخالف عسى ولعل يحبني وينساج غلطت وصار العكس وبيوم الي قررنا نطلك عرفت روحي حامل بنجمه ولان عرف بيج ازوجتي استسلم وبقة ويايه لخاطر الطفل وبس
وحتى م̷ـــِْن ولدت راد يسمي بنتي بأسمج اني نفسه وادك والطم عود رحم بحالي وسماها نجمه وبعد مده كاعده واذكرت بليله الدخله مالتي صاح نجمتي شكيت ورحت للنت وبحثت معنى اسمج ولكيته النجمه البعيده حتى بأبسط حقوقي وهو اسم بنتي حرمني منه وخلاني طول حياتي اكره اسم بنتي لان گـ❈ٍـْلٍ ما يصيحلها نجمتي اذكرج

يوسف دمرني مياسين اني ماانكر اتحمل جزء م̷ـــِْن الذنب لان المفروض مااقبلها على روحي وازوج واحد يريد يداوي روحه بيه ولا هو عالج نفسه بيه جرحني وجرح نفسه بالزايد
وكله بسبب اهرب م̷ـــِْن ضروفي حاولت اخليه يحبني وهو ابد

چيتج اليوم مو لان اريد اصير انسانه مثاليه بس اني وبس ومضحيه لا عزيزتي ماكو هيج شى
اجيت وحجيت گـ❈ٍـْلٍ هذا الكلام لان مااحب اكون مديونه لااحد واني مديونه ليوسف بهواي شغلات اولها الدراسات لان هو فضلني على نفسه وخلاني اكمل الدكتوراه وهو آجلها حتى يبقى يعتني بنجمه لان منكدر اثنينا ندرس ونعوفهااضافة لو ماهو باقي ويايه جان اصلا مكدرت اكمل الماجستير بوقتها وجان اخوي بطلني ويزوجني صديقة واني اموت منه وغيرها م̷ـــِْن الشغلات الي سواها اليه احيانا بقصد واحيانا بدون قصدلهذا اجيت اوفي بديني اله

وبنفس الوقت مااحب اعيش انسانه مهمشه بحياة الانسان المرتبطه بيه اني ماانكر هّْـٍٍـًًــواي حاولت ويه يوسف اتقرب اله واخليه يحبني بس هو ابد محس بيه مكان ميدخل الحب بعلاقتنا الزوجيه دخل الاحترام وتبادل المنفعه فقط اضافة الى وجود نجمه بحياتنا

اني مثقفه والي مكانتي العلميه وحلوه ومناقصني شى مامستعده اخلص عمري كله انتظر واحد يحن ويعطف ويتكرم عليه بنضره او لمسه لان اني مو م̷ـــِْن هذا النوع احب الي يرتبط بيه يبادلني الحب ويحسسني اني انثى ومهمه بحياته والي مساحه بقلبه لاتقل عن مساحه حبه لااهله واني هذا الشى مشفته عند يوسف ولا راح اشوفه

الي شفته اني مجرد وحده ارتبط بيها بساعه غضب ولخاطر يرد جزء م̷ـــِْن كرامته الي انتي دستيها رغم اني لحد الان مااعرف سبب خلافكم ولا اريد اعرف ولا يهمني اصلا گـ❈ٍـْلٍ الي يهمني حياتي كافي انطيت ليوسف 3 سنوات م̷ـــِْن عمري واني احاول انسيه وحده اسمها مياسين وفشلت

لهذا بقيتي وياه او مبقيتي هذا الشى خاص بيكم بس ردت اوضحلج نوع العلاقة بيني وبين يوسف حتى لتعتبريني عائق بحياتكم

مياسين : صافنه على حجيها كله مكدرت انطق ولا كلمه ماادري انقهر عليها لو افرح لان هيج يحبني مااعرف شنو مشاعري اسمعها وعيني على نجمه تلعب كبالنا وكامت ومكدرت احجي وياها اي شى مشت شويه ورجعت

نبأ : بالمناسبه ترى اني وخطيبج السابق عمرنا مكنا عوائق بطريقكم انتم الي زرعتوا هذا الشى كبريائكم واخطائكم هي الي وصلتكم لهنا
المهم دوختج اتمنى يلكه يوسف بيج الي مكدرت اوفره اله اني مسافره واخذ بنتي ويايه وكل عطله راح يجي يشوفها او ياخذها واذا الج نصيب وياه ياريت م̷ـــِْن تجي بنتي يمج تعامليها بكل حب لان هاي بنت يوسف
م̷ـــِْن رخصتج

مياسين : راحت حتى مكدرت اودعها وظليت ابجي وحدي بالحديقة اكثر م̷ـــِْن بنيه يفوتون يسألوني شبيج مكدرت اجاوب ورجعت للبيت والحيره زادت ارجع ليوسف ارجع لحب عمري الضايع لو لا وراح اكدر اعيش الباقي م̷ـــِْن عمري بدونه

يوسف : رحت لمياسين للشغل مااكدر محتاجها يمي كافي الايام الي عشتها بدونها
مياسين : يوسف شجابك
يوسف : گلبي جابني
سوسن : اي عيني روميو طلعت مو هين
مياسين : ولج سوسن سكتي

يوسف : مياسه امشي ويايه اريد احجي وياج
مياسين : مااكدر ومااجي اصلا
سوسن : ليش عيني شعندج باوع يوسف هاي تحبك وتموت عليك تتلوك تريد تدلل عليك
مياسين : ام لسان سكتي
روى : اي والله يوسف اكلت راسنا م̷ـــِْن الصبح يوسف يايوسف احبه وامنيتي اشوفه

مياسين : اني ها يالفاهيه هم طلعلج السان
روى : شاورت مياسين تذكرين م̷ـــِْن حرگتي قلبي على عمار وخليتيني اعترف بحبه اجاج الدور حبي
مياسين : اني الج صدك ياما تحت السواهي دواهي روى الفاهيه
روى : هًًهًهًهًــًهًهً عيني يوسف اخذها وروح رحمه لااهلك ها ونسيت اكلك رفضت وليد متريده بعد
مياسين : يابا والقران اذا اكمشج اكطعج

يوسف : يمه فديتها للعصبيه شاورتها مشتاق ابوسج تعاي امشي وجريتها مثل الطفل
مياسين : ولك يوسف عيب هدني شيكولون الموطفين
يوسف : حبيبها وزوجها واجه اخذها م̷ـــِْن الشغل
مياسين : هو بكيفك زوجها
يوسف : يعني معترضتي على حبيبها يعني تحبيني
مياسين : اوف منك

اخذني يوسف لمطعم وهاي المره سولفنا كلشي وشلون الايام الي مرت شكد اتأذينا بيها وموتت قمر الي هدت حيلي وجنت شكد محتاجته اتعذرلي وظل يبوس بأيدي وعدني يعوضني عن گـ❈ٍـْلٍ الي راح وسامحته وراح احاول بمرور الايام انسى الايام السوده الي صارت بيه
وتقدملي يوسف والصدمه والدي رفض

الاب :مستحيل اقبل اول شى هو مطلك وعنده بنيه والشغله الاهم هو ابن خالت ابن عمج واني ممستعد اخسر اخويه لان اكيد راح يعاتبني شلون قبلت ازوج بنتي ليوسف وتعوف ابن عمها مستحيل
مياسين : بابا حبيبي فدوه اروحلك وافق
الاب : ليش هيج كاتله روحج عليه تعرفيه عندج علاقه بيه
مياسين : هااا لا
الاب : كاعد تجذبين مياسين وحطي بالج زواج م̷ـــِْن يوسف ماكوو واذا حكم الامر ازوجج وسام ابن عمج اوله م̷ـــِْن الغريب واعتقد م̷ـــِْن يوم الي عافج وهو اصلا مخطب ولا فكر معناها بعده يريدج

مياسين : زواج م̷ـــِْن وسام ماازوج لو اموت لو يوسف لو ماازوج وضربني بابا راشدي حسيت طبله اذني انشكت وهاي اول مره بابا يضربني دومه مدللني وطلباتي متنرفض اله هذا الطلب رفض قاطع والمصيبه حياتي متعلقه بهذا الطلب

يوسف : اجاني رفض ابو مياسين مثل الصاعقه انهز كياني كله متوقعت يرفض وجان رفضة قاطع خابرتني مياسه تبجي واني ميت علمودها مااريدها تبجي كله ولا نجمتي احرك الدنيا اذا واحد مسها ثاني يوم رحت م̷ـــِْن 9 الصبح لاابو مياسه وهو تفاجأه بجيتي رحتله للدوام وظليت احجي وياها وحاولت اقنعه وهو ابد

عمي مع احترامي الك اني احبكم بس مياسين متصير لغيري لو اعرف اسويها دم ضاعت مني مره ممستعد اضيعها مره ثانيه عفته وطلعت

الاب : هسه عرفت سبب خلاف وسام ويوسف م̷ـــِْن وره مياسه ولاتوقعت هذا الشى ومستحيل ازوجها ليوسف اكيد وسام هم راح يتهور وتصير مصايب

مرت الايام واني ويه مياسه وكل يوميه تبجي واني كله ولا دمعه منها تنزل احس جمره بقلبي
وبيوم كاعد وحدي على ابو نؤاس جنت دائما اني وسام مكانه المفضل هناك وكاعد وصافن وحاير شأسوي واخذها ابوكها ياربي بعدتها مره عني لتخليها تروح هاي المره مااتحمل وسمعت صوت ورايه

وسام : ها سكط كاعد وحدك
يوسف : وسام شعندك هنا
وسام : كعدت بصف يوسف على المصطبه
اجيت اشوفك توقعت انت هنا سمعت امورك لايصه عمي مينطيك مياسين

يوسف : لزمته م̷ـــِْن ياخته اسمع وسام خاف مره اخذت مياسين مني وسكتتلك هاي المره لا خوه ولا عشره تكوف بعيني لو اعرف اكتلك خلاص

وسام : هدني شبيك تخبلت اسمع فديوم عجبني منشور شكاتبين بيه

اكو ناس علمود الخوه صعدت اعدام
واكو ناس علمود بنيه باعت الخوه

فكرت بيني وبين نفسي ليش مااصير م̷ـــِْن ذوله الناس الي تصعد اعدام لخاطر الخوه وزواجك م̷ـــِْن مياسين اعتبره اعدام بالنسبه اليه لهذا رحت لعمي وحجيت وٍٍُُيـٍٍاه كمت وكفت روح اخطبها الجمعه منتظريك تقرأ الفاتحه والمهر موتتأخر

يوسف : اسمع حجي وسام مصدوم صدك كدر يرجعلي مياسين عافني ويمشي ويحجي رحت ركض حضنته

وسام : وخر يوسف الي بيني وبينك انتهى بس حبيت اوفيلك دينك حك غراضك م̷ـــِْن احنا جهال اخذها وكليتك الي حرمتك منها وحبيبتك الي اخذتها وهسه بأيدي راح ارجعها الك يعني تباوكنا لاتطلبني ولا اطلبك واسمع اذا سمعت بيوم مياسين باجيه او زعلانه منك بيدي ادفنك اياك عفته ورجعت للبيت واني ابجي دم على مياسه لان بعدني احبها

يوسف : ممصدك الي سمعته صدك خابرني ابوها بعد ساعه واتفق ويايه واجت الجمعه واني ممصدك وقرينا الفاتحه وحبيبتي طالعه تجنن طلبت منهم الزواج خلال شهر واحد مااريد تأخير كافي الي ضيعنا م̷ـــِْن عمرنا

مياسين : تفاجأت بموافقه بابا طرت م̷ـــِْن الفرح يمكن مفرحانه بكل حياتي بكد فرحتي هسه وقرينا الفاتحه وعقدنا واني يمكن اسعد وحده بالعالم وحبيبي ميكعد راحه بس عافونا وحدنا اشتغل البوس والتلمس
ولك اكعد يمعود لحد يجي
يوسف : وخلي يجون مرتي وحر بيها تعاي اشاورج
مياسين : هااا وباسني بوسه تجنن اني هم مكعدت راحه بسته مثلها وتخبل ههههه مشتاقتله مو بيدي شكد اذاني واذيته وبعدنا واحد يحب الثاني

مياسه تدرين شكد اعشقج وظليت اتلمس بشعرها وابوس بخدها واذنها وحلكها لو بيدي اكلها احبها واعشق گـ❈ٍـْلٍ تفاصيلها

ايام مرت واني اركض منا ومنا اجهز لعرسي لان استاذ يوسف الا خلال شهر ميقبل يريدني يمه واني ميته عليه

وصارت الحنه ولبست بدله برونزي اللون الي يحبه يوسف عليه بس هاي المره الظهر كله طالع واجه كعد يمي حنونا وامه جانت فرحانه صح هي اذتني واذته بس هي بالاخير امه وتريد مصلحته وهو الوكح ميكعد راحه گـ❈ٍـْلٍ شويه ايمش ايده على ظهري واني اغار ويكزبر جسمي وهو يضحك ويهمس بأذني شيخلصج مني باجر
مياسين : 😰

طبعا روى وعمار اتزوجوا قبلنا بأسبوع ومكدرت تحضر عرسي لان عيني عمار اخذها وطار بيها لتركيا يريد يطلع ضيم قلبه گـ❈ٍـْلٍ هاي السنين وهو ينتظرها
وبنات عمي وصديقاتي الباقيات لعبن لعب ركصن ركص مال واحد مشايف وخلصت الحنه على خير وبليله الحنه وباجر زفتي اجاني بابا بوسني وصاني على يوسف وعلى بيتي ولازم اصير زوجه صالحه وهواي توصيات وبسته ودموعنا سوه لان اول مره راح افارك حبيبي بابا

وراها اجتني ماما جايبه صندوك الذهب مال قمر
هذا شنو ماما
الهام : بنتي هذا ذهب قمر صار الج
مياسين : مستحيل يوم شلون اخذه هذا مال قمر
الهام : بنتي اني مااعرف الزمن شضامنا ومااريد هذا الذهب بيوم يوكع بيد الغريبات يعني بًيـد نسوان اخوتج اذا ازوجوا شكبرها عليه م̷ـــِْن اشوف الغريبه لابسه ذهب بنتي غير اموت
مياسين : اسم إٱللـِْﷻـِْﮭﮧ عليج ماما
الهام : وضحى ممحتاجه إٱللـِْﷻـِْﮭﮧ مكنها والصراحه انتي اولى بذهب اختج لهذا اخذي الج بيعيه استفادي منه بكيفج
مياسين : لا يوم ان شاء إٱللـِْﷻـِْﮭﮧ ابقيه لجهالي ومااحتاج وابيعه
الهام : بنيتي بس لكيته مقفول لو تكسرين القفل لو تنتظرين اخوج يكسره

مياسين : لا ماما ميحتاج عندي المفتاح
الهام : هاج بنيتي إٱللـِْﷻـِْﮭﮧ يرضى عليج ويجعل ايامج كلها سعادة

مياسين : اخذت الصندوك م̷ـــِْن ماما واذكرت وصيه قمر احتاجيت افتح الرسائل هذا انسب وقت احس اختي ويايه
وفتحت رسالتي

بسم إٱللـِْﷻـِْﮭﮧ الرحمن الرحيم
عزيزتي اختي الغاليه
اما بعد :
ها زروك شلونج اكيد هسه اني ميته وانتي تقرين الرساله مكدرت اكتبها بالفصحى لان مراح يوصلج الي اريد اوصله
باعي اول شى م̷ـــِْن جنا صغار جنت اموت منج واكرهج لان اخذتي بابا مني وضليت احقد عليج لحد ماوكعت بمصيبتي شفت طيبه قلبج وحنيتج خفتي عليه واحتويتيني ماانكر اتوقعت ادكين الناقصة بيه اعرفج ناقصة ههههه بس لا فاجأتيني صدك بيومها تندمت واتمنيت اعوضج على گـ❈ٍـْلٍ الجروح الي سببتها الج سامحيني
اكلج تذكرين اللعابه الحلوه ام شعر الطويل الي بابا جابها الج تره اني حرگتها حيل بيج تستاهلين ليش بابا يجيبلج وحده تخبل واني مجابلي
مياسه اني مخايفة م̷ـــِْن الموت خايفة بعد مااشوفج ولا اشوف بابا وماما واخوتي اني حلوه واحلى منج بس بالدنيا حظي قليل
اتمنيت اعيش اكثر واعوضج واخليج تحبيني وانسيج گـ❈ٍـْلٍ الي مريتي بيه بسببي
انتي تره حلوه ودمج عسل وتمنيت اصير مثلج بسيطه و اول لقب ذكرتج بيه سوده تفيسه الصراحه تستاهليه ههههه لان جنتي صدك سوده بس قلبج ابيض احسن مني اني إٱللـِْﷻـِْﮭﮧ انطاني وجهه ابيض بس قلبي اسود واذيت وجرحت الكل اولهم انتي وعلي
مياسه بابا وماما شلونهم اكيد تعبانين عفيه لتخليهم هواي يبجون خطيه خاصه بابا تدرين اكتشفت هو يحبني بكدج شفتي المرض طلع بيه فائده راح اشتاقلهم واشتاق لخبالات باهر وامجد وهدوء ضحى واهم م̷ـــِْن گـ❈ٍـْلٍ هذا راح اشتاق للعوبه مالتي اختي احلى نجمه الله خلقها عيشي حياتج وكوني سعيده ولاتجرحين حتى لتنجرحين حبي الكل وانسي الكره والانتقام خلي دائما إٱللـِْﷻـِْﮭﮧ بين عيونج قبل متسوين شى حرام وان شاء إٱللـِْﷻـِْﮭﮧ حظج بالدنيا احلى م̷ـــِْن حظي والي راح تحبيه او تتزوجيه كوليله جان عندي اخت احلى مني ههههه مياسه مو تنسيني تعاليلي زوريني لتخليني وحدي
ملاحظة / مياسه ادري بيج مراح تنطين الرساله لعلي لان راح تنتقمين منه اختي واعرفج بس بداعتي اذا تحبيني انطيه اله خطيه اريد اسلم عليه واودعه لتحرميني ولاتحرميه م̷ـــِْن هذا الشى اترجاج هو حبني مثل مااني حبيته لهذا فدوه لخاطر الخوه الي بيناتنا انطيه الرساله
احبج يااحلى زروكه بالدنيا
اختج الحلوه قمر

مياسين : اقرأ برساله قمر مدري ابجي مدري اضحك اشتاقيتلج يابعد قلبي وعمري شكد اتمنيت تكونين ويايه بهذا اليوم وتمنيت اتشوفين اختج عروس واشوفج عرس بس شكول الْحٍمَدٍ للـّہ على گـ❈ٍـْلٍ حال
ظليت حاظنه رسائل قمر وشفت رساله قمر لعلي متجرأت افتحها وكلت لازم اوديها اله بس سألت روى كالت مسافر الصراحه تندمت لان منطيتها اله
صبح يوم العرس ورحت للصالون اول مكمشتني ام الصالون كتلها
سمعي عزيزتي اني سمره مااريد اصير بيضة رحمه لااهلج لترسيني طحين اني راضيه بشرتي وزوجي هم راضي ماشي
ام الصالون ادللي هو سمارج اصلا يخبل
مياسين : اي فدوه لعيونج مااريد اطلع كاسبر عبالك كونيه طحين بوجهي مكياج طبيعي مو كيلو مكياج

وبدت تسويلي المكياج والتسريحه ولبست البدله طلعت صدك اخبل نازكه ومكياجي هادئ اجه يوسف عليه للصالون واول مشافني
يوسف : اشتعل ابوج شنو هذا الحسن
مياسين : هههههه لتشتم بابا
يوسف : اشتعلت العشيره كلها اليوم منو يخلصج مني اله اكطعج واطلع ظيم السنين كلها

مياسين : رحنا اخذنا الصور والعينتين كله شويه بحجه الصور بايسني ميكعد راحه رجعني للبيت والطريق كله يركص احس هاي الفرحه هوايه عليه طبيت للبيت وصعدت لغرفتي ارتاح لحد متجي الزفة
اجه بابا باركلي وبوسني وراح وريه شويه اندكت الباب تفضل عبالي وحده م̷ـــِْن البنات

وسام : الف مبروك مياسه
مياسين : وسام شجابك
وسام : جيت اباركلج واتمنالج الحياه السعيده
مياسين : شكرا يوم الك بس شعجب هسه يله اجيت م̷ـــِْن زمان انخطبت وانت حتى محضرت اقرايه الفاتحه
وسام : اجيت اليوم حتى احس مثل محسيتي م̷ـــِْن ازوج يوسف تذكرين م̷ـــِْن طلبتي مني اوديج حتى تكرهي
مياسين : اي اذكر
وسام : ردت اجرب احساسج يابا شلون حملتيه إٱللـِْﷻـِْﮭﮧ يساعدج احس هسه نار بقلبي لو يطلع يمكن يحرك بغداد كلها

مياسين : ليش هيج تسوي وسام عفيه
وسام : ردت اشوف ليش مكرهتي يوسف م̷ـــِْن وديتج لعرسه وبقيتي لحد هسه تحبيه وعرفت لان هسه انتي كبالي وكعد تنزفين لغيري وماكرهتج رغم بيدي سلمتج اله

مياسين : انتي الي قنعت بابا مووو
وسام : اي لخاطرج حتى مااشوف دموعج بعد
ولخاطر الخوه القديمه بيني وبين يوسف لان مهما كان جان بيوم اعتبره اخويه

مياسين : زين ليش مترجعون مثل قبل
وسام : مستحيل مياسه الي انكسر ميصلح والمكان الي انتي بيه ويه يوسف مستحيل اكدر اطبله بدون مااباوع عليج واتحصر وهاي خيانه واني مااحب الخيانه لهذا البعد عنكم احسن واسلم
المهم الف مبروك والله يهنيج يابنت عمي الغاليه
بست راسها م̷ـــِْن گـ❈ٍـْلٍ قلبي
مياسين : شكرا على كلشي وسام واسفة على گـ❈ٍـْلٍ شى
وسام : لاتتأسفين المهم سعادتج ربي يحفظج يااحلى نجمه مكدرت احصلها

مياسين : عافني وطلع والدموع بعينه انقهرت هّْـٍٍـًًــٍٍواي اغلاط صارت بحياتي واول غلط صار وسام سمح لنفسه يلعب بمشاعر مراهقه وهاي نتيجتها هو الي انكسر قلبه إٱللـِْﷻـِْﮭﮧ يسعده

اجه حبيبي بالزفة يمه م̷ـــِْن ڤًــ😻ــدّوٌٓوٌٓهْٓ لطوله يخبل والبنات كلهن حاسداتني عليه واني اقرأ معوذات عليه ههههه اخاف عليه مو بيدي

سوسن : هاولجً
مياسين : هم كولي زروكه
سوسن : لا طالعه تخبلين إٱللـِْﷻـِْﮭﮧ يسعدج قلبي مياسه والله انتي ذهب وتستاهلين گـ❈ٍـْلٍ خير وبوستها كرصيني بلكت إٱللـِْﷻـِْﮭﮧ الحكج واخذ دكتور وليد
مياسين : هههههه ان شاء إٱللـِْﷻـِْﮭﮧ
سوسن : ولو هو ميريد اله سمره راح اطلع يوميه الظهر بالشارع بلكت اصير زركه ويقبل بيه
مياسين : هههه إٱللـِْﷻـِْﮭﮧ يوفقج حبيبتي
يوسف : نجمتي اليوم طالعه تموت
مياسين : انتي أًاٌلاًحــلى حبيبي
يوسف : مياسين تدرين شكد احبج
مياسين : اي ادري
يوسف : لا متدرين احبج حتى اكثر م̷ـــِْن نفسي ومن اهلي ومن الدنيا كلها اعشقج ولج مدااصدك صدك انتي هسه زوجتي
مياسين : ههههه اني هم ممصدكه
يوسف : اعشقج يله كومي مظلي عندي صبر
مياسين : ههههههه
زفونا وطول الطريق يركص الفرحه الي حاسه بيها الدنيا كلها متحملها ويايه
واخيرا حب عمري صار اليه بعد گـ❈ٍـْلٍ هذا العذاب الي شفته بحياتي
دخلنا للفندق وهو م̷ـــِْن يم الباب طرد الكل هههههه وشالني
مياسين : نزلني حبيبي
يوسف : انتي بنيتي وزوجتي وحبيبتي واشيلج على قلبي مو بس بحضني تعالي
مياسين : هاااا صارت صدك
يوسف : لعد دنلعب ياحبيبتي
مياسين : اخذني للفراش وظل يبوس بيه بكل حًب ويكلي
يوسف : مياسه اني بحلم لو علم
مياسين : قلبي والله اني هم احسه حلم
يوسف : زين شنو رأيج نتأكد منه حلم لو لا
مياسين : شلون
يوسف : تعاي وووووووو
مياسين : قشمرني اللوتي هههه
عشت ويه حبيبي احلى ايام ليالي وياه كلها عسل وسافرنا لتركيا اسبوعين اتونسنا ورجعنا ايامي كلها ورديه بحيث ميطلع اله ميبوسني وبس يكرص ويحضن ههههه ناقصنه حنان واني هم
إٱللـِْﷻـِْﮭﮧ سبحانه رحم بحالي وانطاني رجال الدنيا كلها تحسدني عليه قلب ابيض ويموت عليه وروحه بيه وميطلع لمكان اله وياه حياتنا مثل العصافير إٱللـِْﷻـِْﮭﮧ يحفظه اليه
طبعا بطلني م̷ـــِْن الشركه لان وليد بيها طنكر شلون جان يريدج وعينه عليج ماكو اتبطلين بطلت وبعدين اتعينت بدائره حكوميه والحمدلله دوامي زين مر 3 اشهر على زواجنا وحبيبي يوسف مغركني بالحب والغزل وبيوم دخت واخذني للطبيب وطلعت حامل طرت م̷ـــِْن الفرح وهو هم تكول عبالك اول طفل اله
ونجمه بنته حبيتها على حبه تجيبها امها گـ❈ٍـْلٍ متنزل العراق تبقى كم يوم وتروح خطيه مرات انقهر لان انحرمت م̷ـــِْن ابوها بس امها ممقصره وياها وحبيبي هم دائما يتراسل ويه نجمه
ولدت وصار عندي ولد سميته حسام وجان حبيبي سلوتنا وفرحت عمري وثمرت حبنا اني ويوسف وراها بكم شهر هم حبلت بالبدايه انقهرت لان مردت جهال هسه اله يكبر حسومي يله بس يوسف طار يريد كومه جهال ولدت بنيه سميتها قمر جانت تشبه اختي بس قموره الجبيره إٱللـِْﷻـِْﮭﮧ يرحمها احلى
مرت السنين وهسه صار 3 سنوات على زواجي وبيوم كاعدين نتمشى اني ويوسف ودخل يوسف لمحل ملابس رجالي وشفت واحد صاح بأسمي
شلونج مياسين
علي هاي انت
علي : اي اني شلونج ان شاء إٱللـِْﷻـِْﮭﮧ زينه
مياسين : الْحٍمَدٍ للـّہ شوكت رجعت م̷ـــِْن السفر
علي : والله صار كم شهر ماشاء إٱللـِْﷻـِْﮭﮧ ذوله جهالج
مياسين : اي حسام وقمر
بوس حسام وشال قمر شمها شم احسه ديبوس بقمر اختي والدمعه بعينه متت قهر عليه وانطانياها
علي : إٱللـِْﷻـِْﮭﮧ يحفظهم الج انت شصار عندك جهال
علي : متزوجت
مياسين ليش
علي : منتظر رب العالمين ياخذ امانته حتى اروح يم حبيبتي وزوجتي قمر على كلا همزين شفتج انتي هم من ريحه الغاليه م̷ـــِْن رخصتج مع السلامه
مياسين : اوكف علي عندي امانه الك
علي : اليه مال شنو
يوسف : مياسه خير اكو شى
مياسين : يوسف تذكر علي مو الي جان ويه قمر إٱللـِْﷻـِْﮭﮧ يرحمها
يوسف : اي اذكرت شلونك اخويه واتسالموا وطلبت م̷ـــِْن علي يجي ويايه للبيت وبعد الحاح اجه لان يريد يعرف شنو الامانه
هاك علي هاي رساله م̷ـــِْن قمر
علي : شنووو م̷ـــِْن قمر صدك تحجين لو تشاقين
مياسين : لا مااشاقه ردت ماانطيكياها لان قلبي محمل عليك وبعدين بردت ودورت عليك ومالكيتك هاك هاي امانه وهسه اني اديت الامانه
علي : رغم متأخره وحركتي قلبي بس ميخالف المهم شى م̷ـــِْن ريحتها اترخص اني وشكرا على الضيافه
مياسين : خلينا انشوفك علي
علي : اذا تريدين تشوفيني گـ❈ٍـْلٍ شهر بدايته تلكيني يم قمر
مياسين : بجيت اني ظلمت علي متوقعت هيج راح يكون وفي الها بعد گـ❈ٍـْلٍ هاي السنين

علي : فتحت رسالتة حبٌيبتي وضوه عـُـُيٌُـٍٍُـُوُنُـٍي الي انطفت لان عافتني
ايدي ترجف احسها بصفي وتحجي ويايه

بسم إٱللـِْﷻـِْﮭﮧ الرحمن الرحيم
الى حبيب الروح والى م̷ـــِْن ملك القلب والعقل والوجدان الى حبيبي علوش
حبيبي اسفة لان مكدرت ابقى وياك ادري بيه خذلتك ومجنت كد حبك الي
علوش تره والله اني احبك وندمت لان غلطت بحقك بس شسوي جنت طايشه والدنيا غرتني موبيدي اتمنيت ايام وليالي مغلطت بحقك ولو حابتك قبل لا اغلط مجان هذا حالي هسه
تدري اني شفتك قبل يوم السفر جنت واكف جوه يم البيت نزلت ركض عليك بس مكدرت جنت تعبانه ورحت اتمنيت ابوسك واشمك واخليك تبريني الذمه
ادري بيك هسه تلوم روحك لا ياروح قمر وعمرها لتلوم روحك هذا امر ربك گـ❈ٍـْلٍ واحد ياخذ نصيبه وكافي اني حبيتك وعشت ولو ايام قليله بس عشت بحبك احلى ايام بعمري
انت جنت نعم الحبيب والصديق وحتى الزوج لان اني اعتبرتك زوجي مو بس حبيبي ومسامحتك على كلشي حتى م̷ـــِْن اذيتني بعلاقتك
اكلك بله هي هاي هم دكه منك تصادق غيري ادري بيك تحرك قلبي ومتحبها لان انت كلت اني قمورتك ومتبدلني بالدنيا وهمزين اني احلى منها
علوش لتزعل صح عفتك بس روحي وياك واذا تحبني صدك عيش حياتك واتزوج لخاطري واذا صارت عندك بنيه سميها بأسمي حتى لتنساني
ها نسيت اكلك اني التزمت بالصلاة وقرأت القران قبل مااموت حتى رب العالمين م̷ـــِْن يسألني اطلبك بالاسم انت مو متطلبني انت كلت اريدج حوريه اليه واني منتظرتك يـِْ♡̨ـِْاعـُـّــٓمُْري
حبيبي عيش وحب لخاطري بس لتنسى قمر لان ماكو بالدنيا وحده حبتك بكدي
علي انت كبدي يااحلى كبدوش بالدنيا
نتفارك اني وياك بس بالهياكل .. صدكني روح وياك تشرب وتاكل
حبيتك وقلبك قمر

بقى علي لهذا اليوم راهب عمره لقمر لايقبل يتزوج ولا يرتبط وكل ميحجون وياه اني متزوج وانتظر رحمه رب العالمين ياخذني لحبيبتي

مياسين : اني مياسين ام لطفلين وحبيبة وزوجه لااحلى رجل بالدنيا عشت طفوله تعيشه ومراهقه مره وشباب كله الم بس بعد العسر يسر والحمدلله إٱللـِْﷻـِْﮭﮧ جبرني وعشت احلى الايام ويه عائلتي الصغيره احاول اتجنب الاخطاء الي وكعت بيها اني وقمر وماافرق بين اطفالي اكون ام مثاليه لااولادي وزوجه مخلصة ومحبه لحبيبي يوسف
يوسف : حبٌيـبتي مياسه نجمتي البعيدة الي بشلعان القلب يله حصلتج هذا الشعر مني الج اعشقج يانجمتي الغاليه

سألوني الخلك هم عندك انت احباب
كلت واحد حبيبي و ما اريد اكثـــــــر
تعرف ليش احبك راح اكلك ليـــــــش
لان انت النفس وبلياك ما اكــــــــــدر
انت النفس ليه واظل عايش بيـــــــك
من تطلع تظل الروح تتحســـــــــــر
يمر طيفك اكبالي وبيك اظل ولهــــان
واصبر الروح وابقى لشوفك اتنطــــــر
احب اسمك لان هو النغم للـــــــروح
واحب ذكرك لانك بالعقل تفتــــــــــر

انتهت قصتنا اتمنى عجبتكم واسفة اذا اتأخرت عليكم واذا صارت بيها اخطاء من السرعه بالكتابه حتى اخلصها وانزلها الكم ويارب كنت خفيفه الظل عليكم واتمنى اذا عجبتكم القصة مو تنسون تصوتون الها واكون ممنونه
تحياتي الكم