رواية النجمة البعيدة الفصل الرابع والعشرون 24 - بقلم ريام هادي

يوسف : ظليت يومين اراقب بيت خالتي مشفت مياسين اشوف خالتي زوجها حتى وسام شفته رغم  م̷ـــِْن شفته اشتاقيت لكعداتنا وضحكنا وعشرتنا بس بعد خربت ميرجع الفات بس مياسين ماكو والي عرفته هي اداوم ويه سوسن بنت عمها لنبأ احتاريت والشك اكل قلبي وقررت اراقب بيتهم وراها بيوم راقبت بيت مياسين وصدك الصبح 7 ونص طلعت هاي ليش مو بيت رجلها شنو جاي خطار زعلانه راقبتها واني قلبي يرجف عليها اذكرت  م̷ـــِْن جنت اروحلها للكليه لو  م̷ـــِْن اجي اصبح عليها  م̷ـــِْن يم الباب اصبح واروح وصلت لشركه دوائيه ونزلت ظليت مراقب سألت عرفت لشركه لواحد اسمه احمد منصور كلت بنهايه الدوام اجه اشوفها لان عرفت بالاربعه يخلصون الدوام واني طلعت السياره وصافن ضربت سياره ثانيه ونزل شاب منها وظليت اتعذرله وشويه هو صفن واني صفنت اكلك انت مو يوسف الحلوو اي وانت احمد عوينجي

اي ولك شلونك اخبارك سلمت عليه طلع صديقي  م̷ـــِْن ايام الاعداديه وجنت كلش اعزه وظلينا نسولف
احمد: اي يوسف وين ماوين اتزوجت لا
يوسف : اي وعندي بنيه اسمها نجمه

احمد : ماشاء إٱللـِْﷻـِْﮭﮧ واني عندي نور ويزن شكد عمرها نجمه
يوسف : إٱللـِْﷻـِْﮭﮧ يحفظهم الك عمرها سنتين
احمد : خوش لعد اخذها لاابني بعد نجمه جنتي
يوسف : ههههههه كدامك
احمد : انت شكعد تسوي هنا
يوسف : جانت عندي شغله وردت ادور تيوبات للمختبر مالتي

احمد : وصلت اني هاي الشركه مالتي وكلشي بيها شتريد ادلل
يوسف : صدك كلش فرحت يعني مياسين تشتغل عند احمد
وظلينا نضحك
وعزمني على الشركه بالبدايه موافقت وبعدين كلت يله احسن بلكت اشوفها
طبينا الشركه راقيه وجبيره باركتله عليها وظلينا نضحك بحدود الساعه

احمد : اكلك صدك ابن خالتك وسام مصياده شلونه وين صار
يوسف : ليش هو مو زوج مياسين المفروض يعرفه احجي بداخلي
موجود زين وفاتح مختبر واموره مًـُاُشيه
احمد : يستاهل اسم وسام مصياده جان شكو وحده تخبل يصطادها الكل جان يحسده على الحلوات الي جان يمشي وياهن
وانت هم عيني متقصر ولو طلعتلك مو خوش طلعه لو مكمل صيدله ويايه جان هسه شركاء سوه بهاي الشركه بس شلون كتلت روحك على وسام      بقلم Reem

يوسف : اي والله ايام المهم اترخص اني دوختك واكيد عندك شغل
احمد إٱللـِْﷻـِْﮭﮧ عليك ابقى
يوسف : غير مره
احمد : باجر انتظرك تجي تاخذ التيوبات شنو نسيتهن
يوسف : هاااا لا منسيتهن باجر اجي
ورحت ثاني يوم للشركه وسوالف وحجي لحد  م̷ـــِْندكت الباب
طبت مياسين لابسه ستره قصيره وتنوره ميدي والجسم طالع يكطع وفاتحه شعرها شبت نار بقلبي   بقلم Reem

مياسين : طبيت عندي اوراق اوقعهن وشفت يوسف يم المدير انتهيت اريد اطب مااكدر
احمد : تعاي مياسه اعرفج هذا صديقي يوسف
يوسف : اعرفها لمياسين شًٌـلونج ان شاء الله زينه

مياسين : عزه العزاك شلون كال اعرفها لو بيدي اكطعه
احمد : صدك ولك منين تعرفها
يوسف : بنت عمه لوسام
احمد : هاااا خوش جيبي مياسه الاوراق
يوسف : مكدرت اكول زوجه وسام لساني
انربط  وكلت بس ابن عمها وهي اخذي الاوراق وركض
احمد : اذا هيج انتم معرفه إٱللـِْﷻـِْﮭﮧ جابك
يوسف : خير شكوو
احمد: تذكر ابن عمي وليد ابو المناظر الحقنه
يوسف : اي اذكره شبيه
احمد : يريد يخطب مياسين كاتل روحه عليها
يوسف : شنو 😱 هي مو مزوجه
احمد : لا ممزوجه
يوسف : متأكد
احمد : والله متأكد حتى مستمسكاتها باكر ليش اكو شى
يوسف : هااا لا ماكو مو سمعت مزوجه
احمد : اني سمعت مخطوبه وفصخت بس مااعرف منو خطيبها

يوسف :  م̷ـــِْن كلي هيج احس واحد وضربني على راسي مكعد استوعب الي دااسمعه مياسه ممتزوجه ورجعت ركض للبيت وحجيت ويه امي وجمعت البيت كله وعرفت امي مكذبه عليه فقدت وكمت اعيط وكسرت البيت ليش يمه ضيعتيني ليش دمرتي ابنج بأيدج هي هاي سوايه تسويها
وامي تخربطت  م̷ـــِْن وره العياط والصياح والله نجاها بأعجوبه واعتذرت منها لان صيحت عليها وكعدت وحدي اون على ايامي وعلى الزمن شكد ظالم ويايه وياها ليش ميقبل يجمعنا ليش الكل ضدنا    بقلم Reem

قررت بعد هاي هيه لو تنكلب الدنيا اخذها لمياسين اخذها كافي مره عفتها لو اموت مااخلي احد ياخذها مني وفوكاها هي اسبع مني كدرت تفسخ خطوبتها  م̷ـــِْن وسام واني كملت زواجي بنبأ وخذلتها صح بدون قصد مني عبالي اتزوجت بس هذا مو عذر المفروض  أســــAskــأل اكثر ياحبيبة روحي شصار بيج  م̷ـــِْن ورايه اله احرك الدنيا واخذج

مياسين : طالعه الصبح وامشي ومااشوف غير يوسف كبالي رجفت رجفه حسيت بهاي اللحظه روحي صعدت للسما والله رجعها
واستجمعت قوتي وحجيت
شعندكً جاي شتريد

يوسف : جاي علمودج اريد احجي وياج
مياسين : اسفة ماعندي حجي وياك
يوسف : اوكفي مياسه اسمعيني بالاول
مياسين : شسمع يوسف رحمه لاابوك عوفني انت مو جنت مسافر شرجعك لو هذا حظي الي ميخليني ارتاح
يوسف : هيج صارت شوفتج الي تعاسه
مياسين : اي تعاسه اصلا  م̷ـــِْن ساعه السوده الي رحت بيها للعيد ميلاد كافي يوسف انت هسه متزوج وعندك بنيه على شنو جايني
يوسف : مياسه اني احبج وعمري مانسيتج اصلا يوم بعد يوم حبي يزيد الج
مياسين : وشيفيد حبك شقدملي غير التعاسه حبك نكعه واشرب ميه اني بالنسبه اليه انت انتهيت

يوسف : لا بعدج تحبيني  م̷ـــِْن لمعه عيونج اعرفج انتي حبيبتي وربيتج على ايدي واعرف گـ❈ٍـْلٍ حركه منج وشلون تتصرفين جذابه
مياسين :  م̷ـــِْن رخصتك مشيت وعفته واني اصلا حتى حيل ماظل بيه
يوسف : اجيبج اجيبج ميسووو
مياسين : مرت ايام وصار شهر ويوسف يوميا الصبح يفوت  م̷ـــِْن يم بيتنا ومرات اشوف سيارته ورانا وايدي على قلبي لحد يشوفه شيكولون والله هذا راجع يراهق

زين زوجته وين  م̷ـــِْن گـ❈ٍـْلٍ هلمصايب
يوسف : يوميا اروح املي عيني  م̷ـــِْن حبيبتي ورجعت مثل اول مره حبيتها بس افكر بيها واعشق تفاصيلها حتى نبأ شبه عرفت اني بعد ماافيدها لان هاي هيه قررت غلطت مره مااكررها واعوف مياسين بس اريد طريقة ثانيه اوصل الها واذكرت عمار وخابرته جان رقمه عندي وممغيره واتواعدت وياه وحجيتله كلشي بس احتفظت بعض اسرار بيني وبين مياسه وبيني وبين زوجتي مهما كان ولد غريب مو لازم كلشي يعرف وعدني يساعدني وتواعدنا اني وعمار وروى وشفتها بالبدايه مقبلت حتى تباوع بوجهي بعدين فكت وحجيت كلشي الها

روى :يعني امك السبب
يوسف : مع الاسف شسوي بعد
روى :وانت شبيك هيج غبي تصدك بسرعه
عمار : روى شجاج 😡😡

يوسف : عوفها حقها صحيح جنت غبي وصدكت بسرعه بس انتي هم حطي نفسج بمكاني الي جابلي الخبر امي مو صديقي حتى اشك وهم رحت سألت اختي ونفس الحجي والله ميت بدونها صح اتزوجت وصارت نجمه بحياتي بس نجمتي الاصليه بعدني ممحصلها
روى : والمطلوب
يوسف : اتساعديني اريد ارجعلها اريد اتزوج مياسين
روى : مستحيل انت متزوج يوسف شكعد تحجي واكيد هي واهلها مراح يقبلون بهذا الوضع
يوسف : اني اصلا اتفقت ويه نبأ على الطلاك هذا الحل الوحيد النا
روى: بس مياسين بحكم المخطوبه هسه
يوسف : شنووو 😡😡شتحجين ياخطوبه
روى : انت مو تدري دكتور وليد رادها وهي وافقت

يوسف : لو على چثتي مااخلي يلمس شعره منها اتهسترت اعصابي وكمت مااعرف شلون اصرف هم راح يلعب القدر بيه مو كافي مو اخذت حيلي كله كمت  م̷ـــِْن روى وعمار واني النار تطلع  م̷ـــِْن عيوني باجر لازم احجي لمياسين كلشي ولازم تسامحني

عمار : روى انتي ليش اتجذبين مياسين بعدها مراده على الدكتور ليش كلتي وافقت مردت اطلعج جذابه
روى : خليه احسن اني اريده يحترك مكافي هاي السنين كله هو عايش وهي محروكه حرك طبه طوب خلي نشوف شراح يسوي روميو

عمار : زين ومياسه اذا درت شيخلصج منها
روى : تذكر  م̷ـــِْن سوت الفلم علينا وخلتني اعترف بحبك ورجفتني هسه اجه دوري اردلها الي سوته 😊
عمار : والله طلعتي مو هينه
روى : شعبالك لعد ديربالك  م̷ـــِْن السكوتي 😌
عمار : إٱللـِْﷻـِْﮭﮧ يعيني عليج بس ميخالف احبج تعاي انطيني بوسه
روى : ولك استحي احنا بمكان عام
عمار : ميهمني زوجتي واحبها

مياسين : اليوم يوسف ماكو زين اني ليش مهتمه
احمد : مياسه اليوم عدنا طلبيه يم الشركه المتحده وراح اروح اني وليد تعاي ويانا حتى توثقين الاوراق بالحاسبه مااريد اي غلط
مياسين : أوگيـ Ok ـگ مًـُاُشي
طلب مني وليد اصعد وياه واستحيت وصعدت بصفه واحمد راح بسيارته كال حتى مناك اروح للبيت واحنا بالطريق ومااشوف غير يوسف كسر بسيارته علينا ردنا نندعم
يوسف : نزلي
مياسين : شجاك يوسف
يوسف : دااكلج نزلي
وليد : نزلت  م̷ـــِْن السياره شنو احنا مو بعينك انت منو

احمد : شفت يوسف كسر على وليد ويجر مياسين  م̷ـــِْن ايديها ويريد ينزلها  م̷ـــِْن السياره هذا شجاه تخبل
ورحت ركض واتلازموا وليد ويوسف احاول افاكك بيهم
مياسين : عزه العزاني شلون بله نزلت  م̷ـــِْن السياره خفت ليزيد الوضع وان اشوف يوسف بركان ويريد يكطع وليد  وحتى وليد صار نار وتلازمو وصحت عفيه كافي  م̷ـــِْنا العالم فضحتوني

يوسف : امشي ويايه احسن الج
احمد : شجاك يوسف هذا انت العاقل وشلك علاقة بمياسين
يوسف : احمد مياسين حبيبتي واذا مأجتي هسه ويايه اعذرني اصرف غير تصرف

مياسين : اني مو حبيبتك ومااجي وياك
وليد : هذا الحجي صدك مياسين يوسف حبيبج
مياسين : جان وهسه ماكو شى بيناتنا
يوسف : مو بكيفج تعاي جريتها  م̷ـــِْن اديها وبنفس الوقت وليد راد يجرها وعاطت
مياسين : كافي رحمه لاهلكم كافي صرت فرجه للعالم انداريت على وليد
م̷ـــِْن رخصتك وليد راح اروح ويه يوسف لازم احط حد لهاي المهزله

وليد : مياسين متروحين لو اعرف اكتله متروحين
مياسين : لا لازم اروح حتى انهي المتعلقات الي بيناتنا وصدك ارجع مااتأخر
يوسف : يله امشي سحلتها  م̷ـــِْن ايديها وصعدتها بالسياره وشخطت السياره وعفت وليد واحمد بنص الشارع

وليد : عرفت هو هذا حبيبها السابق اذكرت جان تهذري بأسمه  م̷ـــِْن جانت بالمستشفى قبل كعدت وصفنت كلت اذا تحبه گـ❈ٍـْلٍ هذا الحب وطول هاي السنين منساها ومنسته اذا اني ماعندي مجال ادخل قلبها ومااعتقد راح ترجعلي

مياسين : انت تخبلت هي هاي سوايه مستحيت شكبرك صرت هاي سوالف مال مراهقين
احجي ويسمع وميجاوب
مكلت عيب سمعتي مهمتك احجي ساكت
زين احنا وين رايحين ميجاوب
يمعود ابو نجمه باوعلي صفح ودار وجهه
وصلنا لحديقة بالجادريه هادئه وبيها قليل ناس طفه السياره واندار عليه
يوسف : يله هسه احجي براحتج
مياسين : شأحجي شأكول اليوم الي سويته المخبل ميسويه
يوسف : اي اني مخبل بحبج واموت عليج وادري بيج تموتين عليه
مياسين : ماكو هيج شى
يوسف : جذابه
مياسين : اي احبك اترتاحيت
يوسف : طبعا احلى كلمه سمعتها وميت واريد اسمعها منج
مياسين : انت شنو حبك مرض مراح اخلص منه ساعه السوده  م̷ـــِْن حبيتك شوكت اخلص منك ومن حبك خلصت عمري انتظرك وانت عايش حياتك ومتهني ومخلف ولا كأن اكو چلبه بحياتك جانت
يوسف : لا  حـًًًًِـبٌي حشاج اسمعيني

مياسين : يا حشاي اني الحيوان احسن مني اقلها  م̷ـــِْن واحديضربه ينهزم ميرجع للي ضربه واني مكان الضربه عشره وارجعلك
كافي اطلع  م̷ـــِْن حياتي اعتقني

يوسف : مياسه انطيني فرصه افهمج انطيني فرصة اعوضج والله الي ترديه يجرالج

مياسين : بعد مااكدر اتحمل ولا اكدر اعطي فرص زياده على الاقل اكو حد لمشاعري حد لحبي حد لقلبي ولازم اكو حد لكرامتي لان هاي المره اذا انطيتك فرصه معناها داادوس على كرامتي يوسف واذا اني غلطت مره انت غلطت الف مره وبعد ماعفتني صار مبدأي الفرصه تنطي  مره وحده وبس وانت اخذت فرصتك وكلشي انتهى بينا رجاءا لاتفتح جروح قديمه التأمت ومشى عليها الزمن الي بينا مات ومستحيل يعيش واذا قبلت بهاي المهزله معناها بعد مااكدر احترم نفسي لان معناها رخصت نفسي الك واني رخصتها مره واجيتك واتوسلت بيك تتراجع وانت دست عليه ومهتميت لحبنا ومشاعرنا كله في سبيل تثبت رجوليتك براسي حتى شوفي ترا اني رجال واكدر اكسرج وادمرج واردلج الي سويتيه رغم تدري كلش زين الي سويته انتقام وقله عقل وقلة خبره بالحياة بمكان متعلمني ادمرني ودست كرامتي برجليك وخليتني ايام وليالي انام ودموعي على خدي انهارت صحتي وعقلي وقلبي هاجروني وبس يفكرون بيك ردت حتى مستقبلي اضيعه الي حصلته شنو منك كلي شنو الي حصلته  م̷ـــِْن حبك غير قلة القيمه وقله الكرامه والخذلان وانت بالمقابل عايش حياتك وصار عندك طفلة وماشيه امورك كلها واني الغبيه ظاله حابسه روحي بماضي انتهى وراح لهذا راح اوافق على وليد لازم اعيش حياتي كافي الي راح  م̷ـــِْن  عـُـّــٓمُْري واني انتظر سراب كافي وانت رجاءا احترم رأي وابتعد عني رجاءا

يوسف : مااكدر مياسين والله مااكدر مو بيدي ولج حسي بيه اني اعشقج وروحي بيج حتى السنين الي بعدت بيها عنج جانت متنحسب  م̷ـــِْن  عـُـّــٓمُْري حبي الج فاق العقل والمنطق مااكدر بعد مالكيتج اعوفج

مياسين : الي يحب ميأذي حبيبة الي يحب يراعي مشاعر حبيبة ويقدره وانت اذيتني ودست مشاعري ومقدرتني ولك جيت لعرسك ابجي دم وانت شسويت رحت ويه عروستك وعشت حياتك وسافرت وخلفت وجايني هسه تصيح احبج والله نكته مدري اضحك مدري ابجي

يوسف : مياسه راح احجيلج كلشي وانتي حكمي
وحجيت الها عن طبيعه علاقتي بنبأ وكلام والدتي وكلشي وهي بس فاتحه عيونها
مياسين : هيج بهاي السهوله صدكت  اتزوجت وكلت هاي هيه خلي تولي خلي اعيش حياتي ماطول راحت مااعرف شحجي شكول عذرك اقبح  م̷ـــِْن ذنبك

يوسف : مياسين لخاطر ربج حسي بيه داموت بلياج مااكدر يابنت الناس اذا صرتي لغيري اموت مااتحمل احد يلمسج
مياسين : احسن اني اريدك تحس ولو شويه حس ولك حس بًًًلي مريت بيه بسببك حس شلون اجيتك وشفتك كاعد يم عروستك
حس بليلتها شلون ضكت المر واني تارسه فراشي دموع ودم لان اتخيلك تلمس غيري واله اعيشك نفس الي عشته يايوسف لان تستاهل

يوسف : سمعي لج والي خلقج اذا لمسج غيري اكتلج خلاص
مياسين : لعد ليش اني عادي اشوفك متزوج وانت حضرت جنابك مترضى تشوفني متزوجه

يوسف : كتلج غلطه والله غلطه ومحمد غلطه ومتتكرر انتي هم غلطتي بحقي وخنتيني
مياسين : اني مخنتك
يوسف : لا خنتيني شنو معناه الي احبها تحجي ويه غيري والليل كله مكضيته حبيات وغزل حتى لو مو انتي تحاجيه كافي تسمعين ومستمتعه بهذا الشى هاي خيانه
مياسين : اي حقك واجيت واعتذر ومسامحتني واتزوجت هسه شتريد مني
خلصني منك مااريدك تعرف شنو مااريدك انت اخذت نص عمري ونص حيلي عوفني بالباقي الي بيه اعيش ممليت وانت ادمرني جاي اتكمل عليه وتروح عوفني وارجع لبيتك وزوجتك وبنتك
وخليني ارجع اسس حياتي بعيده عنك وعن مصايبك
يوسف : تحلمين لو الي لو متصيرين لغيري افتهمتي

مياسين : يعني صار ساعه الغي وتالي هاي الي حصلته منك رجعني هسه
يوسف : اسألج سؤال وجاوبين وارجعج
واذا مجاوبتيني والله ماارجعج لو تفرفحين هسه كدامي
مياسين : كول
يوسف : هاي الشفايف هم باسها احد بعدي واتلمست بشفايفها
مياسين : 😳 وخر ايدك والله انت مو طبيعي بله بربك هو هذا هم سؤال عبالي سؤال بيه خير صار ساعه اخرط اشكال الحجي وانت تسألني هذا السؤال

يوسف : اذا متجاوبين ماارجعج ومااخليج تنزلين وهاج قفلت السياره شعدنا خلينا لليل سوه اكو احلى  م̷ـــِْن هيج شى
مياسين : يوسف رجعني لو تفتح الباب 😡😡
يوسف : تحلمين اله تجاوبيني يله
مياسين : لوتموت مااجاوب
يوسف : عادي باقين شعندي احلى شى ابقى وياج
مياسين : يله فضني محد باسني ارتاحيت
يوسف : اتقربت عليها واني مشعول شعل  م̷ـــِْن قربها اريد اشم نفسها اريد ابوسها
مياسين : وخر يوسف شجاك
سحبني عليه وباسني بوسه حسيت الهوا انكطع مدااكدر اتنفس وشويه حسيت رخت بوسته وماادري بروحي اتجاوبت وياه مو بيدي اعشقة ومشتاقتله موت وحسيت على روحي ودفعته وردت اضربه راشدي ولزم ايدي
يوسف : عبالج تعيديها سويتيها مره تذكرين اول مبستج وضربتيني ومستحيل اخليج تكرريها
مياسين : وخر هد ايدي انت منو سمحلك تبوسني
يوسف : انتي سمحتيلي لان بعدج تحبيني وتأكدت بعدج اليه لان استجابيتي للبوسه  وهاي الشفايف بالذات ملكي لان اني الوحيد الي ضايكهن ومااخلي احد يضوكهن لو اعرف اموت مااخلي احد يضوكن افتهمتي فدوه لهلشفايف يموتن
مياسين : رجعني لا اعيط
يوسف : بعيوني ادللي نجمتي
مياسين : شكد رعنه هسه شبيج ملطلطه مكدرتي تصبرين روحج ولو هي غير مو بوسه تموت عزه شجاني احجي بداخلي

مياسين : وصلني وقبل ماانزل
يوسف : مياسه حطي بالج شى واحد انتي الي ومتصيرين لغيري ولتحاولين تستفزيني كافي تره الكدامج مخبل ومضيع حب ولكاه ومستعد يسوي المستحيل حتى يحصله لهذا لتعبين نفسج
مياسين : نزلت وركعت الباب حيل وطبيت ركض للبيت كمت ابجي ليش رجع اني اريد انساه هسه هو عنده زوجه وبنيه شنو ذنبهم ابني سعادتي على تعاستهم
يتبع ...