رواية النجمة البعيدة الفصل التاسع عشر 19 - بقلم ريام هادي

قمر : مياسه عندي شغله وياج بس قبل كلشي تحلفين بداعت بابا تنفذين الي اطلبه منج
مياسين : بدون حلفان عيوني الج كولي

قمر : باعي كتبت رسالتين رساله الج ورساله لعلي وعفتن بالكنتور بالعلبه مال الذهب مالتي اخاف اموت
مياسين : اشششش مااريد اسمع كافي 😭
قمر : لا هذا قدر ليش الواحد يهرب منه كلشي ايصير هاي وصيتي مياسه رسالتي تنطيها لعلي ورسالتج تقريها بعد مااموت
مياسين : كافي كافي حرام عليج لتسوين هيج شى مااتحمل 😭 بقلم Reem

قمر : مياسه انتي اكثر وحده لازم تبريني الذمه لان هواي أذيتج وجنت موخوش اخت وياج وحرمتج  م̷ـــِْن هّْـٍٍـًًــٍٍواي شغلات
مياسين : فدوه كافي لتحجين لتعبين
قمر : خليني فدوه احجي
مياسه تره اني احبج وحتى  م̷ـــِْن احنا صغار احبج بس احنا رويسيه لازم تصير هاي السوالف ويانا بس اهم شى تعرفين انتي احسن اخت صح ضحى هم اختي بس هي بعيده عني وعنج لهذا انتي المفضله عندي وحتى احب اغثج واشاقيج لهذا اريدج تسامحيني بكل جرح جرحته الج حبيبتي والله شاهد حتى  م̷ـــِْن جنت اجرحج اني هم انجرح وياج بس شسوي طفلة وهاي عقليتي سامحيني

مياسين : والله مسامحتج ومبريه الذمه 😭😭

قمر : مثل ماوصيتج رسالتي توصل لعلي مياسه مو تنسين
مياسين : لا ماانسى المهم نامي وارتاحي فدوه كافي كوه كاعد تحجين

قمر : مياسه بابا وماما امانه عندج حاولي تواسيهم وشغلي مكاني ولتحسسيهم بفراكي ادري بيج كدها هوستج الي بالبيت كافيه

مياسين : 😭😭قمرفدوه كافي مو شلعتي قلبي ليش تفاولين على روحج انتي مابيج شى وراح اطيبين وترجعين قمر يااحلى قمر إٱللـِْﷻـِْﮭﮧ خلقة

قمر : شفتي مياسه همزين ملحك شعري يوكع ولا حواجبي همزين راح اموت واني حلوه خفت لا افقد شعري واموت وتخترعون مني
مياسين : انتي دومج تخبلين وحتى لو وكع شعرج تبقين قموره الحلوه الي كلمن شافها تخبل عليها

قمر : نعست اريد انام تدرين شكد مشتاقه لريحه علي شكد جانت طيبه
مياسين :منين اجيبه الج هسه احنا بلبنان لو بالعراق اسحله سحول واجيبه الج
قمر : ديري بالج عليه خطيه راح يتأذه ومثل مكتلج الرساله تنطيها اله

نامت قمر بس قبل متنام ظلت تبوس بيه وبعدين بابا وماما وكلنا قلقنا  م̷ـــِْن تصرفها
صبح اتعس يوم بحياتي يوم وفاة قمر اختي ماتت وماتت روحي وياها

قمر كعدي حبي قمر يله موعد الدواء مالتج
قموره اكعدي يمه لا ربي لتاخذها مني ماما بابا لحكو قمر متجاوب قممممر لا لتعوفيني 😭😭

ماتت اختي وحبيبه قلبي قمر جانت يوم  م̷ـــِْن الايام اعتبرها علتي وهسه اعتبرها سبب دماري لان بعد ماحسيت بحبها وقربها مني ماتت 😭
واخذت كلشي حلوو بحياتي وبحياة اهلي حسيت قطعه  م̷ـــِْن روحي انزعت مني عرفت شنو معنى الاخت وشنو معناه فقدانها

ياخيتي صعبه الوكت يبعدنه آنه وياچ
وسفه اعلى الوكت وشلون يبعدنه
شفت الموت صدك من عني جافيت
ونخيت الزمن كونه اليوم يجمعنه

ﻣﺮ ﺑﻴﻨﻪ ﺍﻭﺧﺬﺍﻙ ﺍﻟﻤﻮﺕ ﻭﺗﻌﺪﻩ
ﻳﺎﻣﻮﺕ ﺍﻋﻠﻰ ﻫﻮﻧﻚ ﺳﻴﻔﻚ ﺍﺷﺤﺪﻩ
ﺍﺣﺒﺎﺏ ﺍﻭﻛﻌﺪﻧﻪ ﺍﻭﻛﻠﻨﻪ ﻣﻠﺘﻤﻴﻦ
ﻃﺒﻴﺖ ﺍﻭﺧﺬﻳﺘﻪ ﺍﻭﺧﺮﺑﺖ ﺍﻟﻜﻌﺪﻩ
ﺗﻄﺐ ﺩﻭﻣﻚ ﻏﻔﻞ ﻳﻤﻔﺮﻕ ﺍﻻ‌ﺣﺒﺎﺏ
ﻭﺗﺨﻠﻲ ﺍﻟﻨﺎﺱ ﻛﻠﻤﻦ ﺩﻣﻌﺘﻪ
ﻭﻳﺎﻣﻮﺕ ﺍﻟﺒﺸﺮ ﻣﻦ ﻋﺎﻃﻔﻪ ﺍﻭﺍﺣﺴﺎﺱ
ﻣﻦ ﺩﻡ ﺍﻭﻟﺤﻢ ﻣﻮ ﻣﻦ ﺻﺨﺮ ﺟﺒﺪﻩ
ﻭﻟﻮﻣﺎﺗﻨﻪ ﻣﻴﺖ ﻣﻮ ﺳﻬﻞ ﻧﻨﺴﺎﻩ
ﺗﺬﻭﺏ ﺍﺭﻭﺍﺣﻨﻪ ﻭﺗﺘﻜﻄﻊ ﺍﻟﻔﻜﺪﻩ
ﺳﻮﺍ ﻟﻴﻔﻪ ﺗﺪﻭﺭ ﺑﻜﻞ ﺭﻛﻦ ﺑﺎﻟﺒﻴﺖ
ﻭﺣﻨﻴﺘﻪ ﺗﺪﺍﻭﻱ ﺍﻟﺠﺮﺡ ﻭﺗﺸﺪﻩ 
ﻳﺎ ﺳﻠﻮﺓ ﻫﻠﻚ ﻣﺎ ﺍﺿﻦ ﻟﻴﻨﻪ ﺍﺗﻌﻮﺩ
ﻭﺍﺿﻦ ﻣﻬﺮﻙ ﺧﺬﺍﻙ ﺍﻭﻣﺎ ﺑﻌﺪ ﺭﺩﻩ
ﻭﺿﻠﻴﻨﻪ ﻧﺘﺎﻧﻲ ﺍﻣﺠﺬﺑﻴﻦ ﺍﻟﺼﺎﺭ 
ﺍﻭﺋﻴﺴﻨﻪ ﺻﺪﻙ ﻣﻦ ﻃﺎﻟﺖ ﺍﻟﻤﺪﻩ
ﻭﺍﻟﺪﻓﺎﻥ ﺭﺍﺟﻊ ﻭﺣﺪﻩ ﺍﺑﻨﺺ ﺍﻟﻠﻴﻞ
ﻭﺻﻌﺒﻪ ﻋﻠﻰ ﺍﻟﺪﻓﺎﻥ ﻣﻦ ﻳﺮﺟﻊ ﺍﺑﻮﺣﺪﻩ

اوًًًووًفــօƒƒــف ياخيتي كسرتي ظهري وزرعتي المرض والفقدان بروحي قمر عفتيني وحدي ليش😭

احنا دائما سوه عركاتنا ضحكنا بجينا همومنا وكأن توأم صح ياما وياما تعاركنا كرهتج وكرهتيني بس بوكت المصايب والالم وحده تحتوي الثانيه وكفتي ويايه بأصعب اللحظات وجنتي عون اليه وسلوى لجروحي ماانسى وكفتج وخوفج عليه  م̷ـــِْن عافني يوسف احتويتيني وخففتي عني وجنتي نعم الاخت والصديقة

رجعنا محطمين بابا وماما منشفت دموعهم الاجرائات جانت صعبه وكوه رجعناها للعراق واول مطبينا للعراق انهاريت اذكرت قمرطلعناها تمشي على رجلها رجعناها بتابوت واليوم موعد الدفن مالتها رحنا بوجهنا للنجف واني احس مكعد ادفن اختي لا داادفن نفسي اختي شابه مشافت  م̷ـــِْن حياتها شى وكل الي شافته ظيم وقهر ودموع إٱللـِْﷻـِْﮭﮧ لايوفقكم علي واركان اخذتوا حيلها كله

عمار : وصلنا خبر وفاة قمر انهارينا البنيه مابيها شى كلتلي روى ومتجرأت اكول لعلي شكله حبيبتك ماتت
روى : عمار ليش مكلت لعلي راح يوصلون للنجف لازم يحضر الدفنه 😔
عمار : انتي شتحجين روى مستحيل اگله مااكدر واصلا مااتجرأ احجي انتي تدرين علي شسوه
روى : شسوه
عمار : اتفق ويه موقع مناسبات يسوله كيك ورد وشموع يفاجأه قمر  م̷ـــِْن ترجع يريد يعتذرلها كدام الكليه كلها والمفاجأة بالكليه يريد يسويها كرد اعتبار الها كدام الكل وتالي اكله ميحتاج لان حبيبتك ماتت

لا لا مكعد اتخيل الموقف اصلا اني شايل هم ليموت اذا سمع الخبر هو صار ايام يلوب عليها اني اعتبرها  م̷ـــِْثل اختي ومن كتيلي لحد الان ابجي عليها شلون هو

روى: اني اصلا مانشفت دموعي وبالي كله يم مياسه إٱللـِْﷻـِْﮭﮧ يساعد قلبها وفوكاها  م̷ـــِْن خابرتها تعيط متهستره وفاقده وتكول اركان وعلي موتوها لقمر
عمار : إٱللـِْﷻـِْﮭﮧ يستر مااعرف الايام الجايه شحامله  م̷ـــِْن مصايب

علي : أُلؤْؤٌ📞ؤًِّؤٌٍٓ هـًٌِـــلو عمار شلونك شبيه صوتك
عمار : هااا لا مابيه ها ولك موكلت تريد تطلع عندك شغل
علي : مابيه حيل اصلا صار يومين منايم كله كوابيس واحلام عجيبه تعبت وقلبي يوجعني وعيوني متاخذ نوم
عمار : قلب المحب دليله ياعلي شحجي شكلك اكلك هذا لان حبيبتك ماتت وقلبك ديحس بيها
احجي بقلبي

علي : وينك مو احجي وياك
عمار : هاااا لا ماكو شى سلامتك
علي : ولك مشتاق لقمورتي منتظرها ترجع واحسبلها دقيقة دقيقة هسه جنت احجي ويه منسق المناسبات لان كتله اريد ورد جوري هي تحبه ولو ميحتاج هي جوريه فدوه لقلبها
عمار : اسمع كلام علي كمت ابجي ومحسيته شأكله مااتجرأ

علي : عمار شبيك احسك مو طبيعي
عمار : حبيبي علاوي مااكدر احجي بعدين نتخابر باجر اداوم
علي : لا ولك تعبان ان شاء إٱللـِْﷻـِْﮭﮧ وراها اداوم
علي : منمت الليل كله وروحي تلوب مثل الواحد مضيع شى مرات اكول لان مشتاق لقمر ومرات اكول لا احس اكو شى ثاني
منمت الليل وقررت اروح للكليه آحـــًًًًسن مكاعد الوب
وصلت لباب الكليه قريت نعي لوحده  م̷ـــِْن الطالبات بالاول مركزت بعدين رجعت ليوره واشوف الي موقعت بحياتي اشوفة
اللافته تحمل اسم حبٌيبتي قمر محمد سعدون ضليت صافن على القطعه
عمار : داومت الصبح وشفت الطلاب تعلك نعي لقمر خمشني قلبي وكلت لازم اروح لعلي اليوم ميداوم ومااريد باجر يجي ويشوف النعي قريب ماداوصل للباب شفت علي لا ياالله شجابه وشفته صافن على اللافته رحت ركض عليه
علي علي تسمعني

علي : شنو هذا الشقة البايخ منو معلك النعي
عمار : 😔😔مو شقة البقيه بحياتك اخويه
علي:  ههههه لا كاعد تشاقه واكيد هذا مقلب مسوي بيه

عمار : علي اتهستر مره يضحك ومره يبجي
علي تعال اكعد

علي : شكعد امشي وديني لقمر اريد اروح اعتذرلها واتقدم لخطوبتها امشي
عمار : علي اصحى قمر ماتت ماتت
علي : لا لا مستحيل تعوفني
عمار : امر الله هذا حبيبي الله يصبرك

علي : لا مستحيل قموره متسوي هيج بيه ولج قمررررررر رجعي وين عفتيني اني حبيبج ليش هيج تعاقبيني تعالي والله مسامحج وابوس التراب الي تمشين عليه قمر قلبي ونفسي وينج
عمار : علي گلبها للكليه بالعياط والبجي  والطلاب كلها تبجي عليه وعلى قمر انريد انسكته ماكو حتى لطم كام يلطم

علي : قموره حبيبتي لتعوفيني المن تعوفيني يرضى قلبج يعوفني وحدي ترضى عيونج متشوفني انتي مو كلتي مااكدر اعيش بلياك اني هم مااكدر بلياج هيج هنت عليج اني علوش حبيبج وكبدج ليش اطكين كبدي عليج قمررررر
ابوس رجلج رجعيلي بعد ماازعلج ولا اضوجج واحرك الدنيا كلها لخاطرج وباجر والله رايح اخطبج والله بس رجعي ولج قمررررر لتعوفيني ربي ليش اخذتها مني ليش مامسوي شى تعاقبني بيها ربي لا تظلمني لاتاخذها مني اموت بلياها تدري مااكدر اعيش بلياها ربي رجعها واخذني بمكانها راضي بس خليها تعيش قمررررررر رجعيلي

المن هاي الشموع مشغليها طفوها قمر عايشه اي عايشه متعوف علوشها وحده طفوها وهذا النعي شيلوه هسه راح اطب للكليه وتمشي بطولها وهيبتها وجمالها والكل تحسدها على جمالها
عمار : علي اذكر الله كافي راح تموت
علي : ليش اني مميت هسه ولك قمر ماتت مو ماتت لو كابوس احجي كلي جذب كابوس كاعد نشاقى كولي مووو قموره هسه جايه حبيبتي جايه وهسه راح اصبح عليها واتغزل بجمالها هسه هيه جايه موو
عمار : كوم اخويه كوم إٱللـِْﷻـِْﮭﮧ يصبرك
علي : شيصبرني واخذها مني مااريد اصبر اريد قمر رجعولي قمر وراها خلي ياخذ روحي بس اشوفهاهسه اريد اشوفها
قمررررر رجعيلي

عمار : عيط عياط علي بجه الكل وبالكاع كاعد ويلطم مثل النسوان انريد انسكته ماكو اخر شى فقد الوعي ونقلناه للمستشفى  

مياسين :وصلنا للنجف وماادراك ماالنجف كل احباب القلب مدفونين بيها شكد اخذت احباب منه
ابجي واباوع على اختي اذكر شقاها ضحكها زعلها حتى  م̷ـــِْن جانت تعيرني وتستفزني وتكول الزركه الجكمه قمر رجعي ولو يوم واحد وشتريدين احجي احجي بس رجعيلي يااختي ويا ضلعه  م̷ـــِْن ضلوعي كسرتي نفسي  م̷ـــِْن الدنيا وشفت الحياه شكد حقيره تنطيج الامان وتلعبين اشكال والوان وعلى لحظه تخطفج منها

اباوع على تابوت اختي هاي قمر هاي شمس البيت وجماله اختي مثل فلعه الگمر وهاي التراب ينزل عليها وعيونها الي بلون البحر يغطيها الرمل وشعرها الي سوده عليه تموت عليه واداري مثل روحها ملفوف وراح بالتراب متحملت المنظر واني اشوف اختي تنزل بالحفره ويخلون التراب عليها رحت اركض بين الكبور واعيط وابجي ربي صبرني على فراكها رِّبًــي اخذت حيلي وروحي

ياناس الاخت عزيزه وبعزية الروح حتى لو مشاكل بيناتكم حتى لو تختلفون اكثر الاوقات وكت المصايب والموت ينسي كلشي ويبقى تذكرين شلون جنتي تاكلين وياها  م̷ـــِْن انتي صغيره شلون تلعبين وياها شلون تتعاركين وياها ظليت ابجي وانحب لحد مااجه وسام عليه

وسام : شفت مياسين منهاره وشبه فاقده وتبجي بهستريا كلنا مقهورين على قمر وخاصه هي شابه وصغيره والموت اخذها بسرعه شفت مياسين تركض مثل المخبله بين الكبور رحت وراها خفت عليها لتسوي بنفسها شى
مياسين كولي ياالله واذكرج ربج حرام الي كاعد تسوين هيج شمرت نفسها بحضني وتبجي بكل قوتها  م̷ـــِْن كثر ماعيطت حتى صوتها اختفى
واني ابجي على بجيها وعلى قمر لان بنت عمي وعزيزه عليه
كومي ياعيني اذكري إٱللـِْﷻـِْﮭﮧ كلنا انموت كومي

مياسين : مااكدر اكوم رجلي متشيلني
وسام : شلت مياسين واخذتها للسياره وهي حاضنتني وتبجي مثل الطفله  انمرد قلبي عليها اتمنيت هي هسه زوجتي واكدر اخفف عنها بس رغم هذا هي بحضني رغم المصايب الي احنا بيها حضنها بيه شى عجيب حسيت قلبي يرجف  م̷ـــِْن وراها وخاصه اني شايلها ونفسها بأذني واتعوذت  م̷ـــِْن الشيطان هسه احنا بيا حال

ظلت مياسين تبجي والكل منهار خفت عليها وطلبت  م̷ـــِْن عمي اني اخذها بسيارتي للبيت
ظلت طول الطريق تبجي دموعها مسكتت حتى مي متقبل تشرب وشربتها غصب
كافي مياسه ادعيلها بالرحمه حبيبتي هاي ليلتها الاولى

مياسين :  م̷ـــِْن كال وسام ليلتها الاولى اتهسترت يعني مكان متنام بفراشها ودفيانه راح تنام بالتراب والدود ياكل بيها

وسام : كافي بروح قمر كافي ولج راح تموتين
مياسين : ياريت اقلها مااعوفها وحدها
وسام : وصلنا للبيت وصعدتها بغرفتها وبقينا كلنا عدهم اني واهلي واقارب امها
وطول الفاتحه ماشايف مياسين بس  اسأل اختي عنها تكول ميته لا تاكل ولاتنام وبس تبجي

مااعرف شلون اخفف عنها مصيبتها والي تمر بيه متوقعتها هيج تحب اختها رغم شكد جانوا يتعاركون بس هسه عرفت الدم مستحيل يصير مي ومهما كانت اكو مشاكل الاخ والاخت يبقون اعز شى بالحياه

مياسين : خلصت الفاتحه واني مااعرف شنوو الي ديصير صدك قمر ماتت وبهاي السرعه ابويه وامي مو اقل مني الم اذا مو اكثر
مرت ايام سوده علينا بس إٱللـِْﷻـِْﮭﮧ الي يعرف بيها

روى معافتني بالشده الي اني بيها حتى جانت تبات يمي صدك اكو صديقات ينحطون على الجرح يطيب
طول الفتره الي فاتت مداومت والكليه قدرت ضرفي واعتبروها حاله استثنائيه بشرط احضر الامتحانات حتى ماارسب
ردت اعوف حتى الكليه شلي بيها بعد وماكدر اداوم واشوف مكان اختي فارغ بس الحاح روى وعمار وسام بان اداوم اضطريت اداوم

اول موصلت للكليه وشفت النعي معلك ظلت دموعي تنزل عشره عشره والطلاب كلها تاخذ بخاطري واني امشي ميته واذكر ضحكها سوالفها

روى : مياسه حبي اطبين محاضرات لو بس الامتحان
مياسين : لا بس امتحن واطلع مالي خلك للمحاضرات
هي مابقى للشى للامتحانات النهائيه خلي اخلص ولو مالي خلك بس مااريد ازعل بابا مني
روى : ماشي قلبي راح احضر بس هاي المحاضره واجيج ابقى هنا ساعه واجي

مياسين : جنت كاعده وصافنه ودمعتي بعيني وشفت اركان كدامي

اركان : البقيه بحياتج مياسين
مياسين : 😡انت إٱللـِْﷻـِْﮭﮧ لايوفقك دمرت اختي وموتتها وجاي تاخذ  م̷ـــِْن خاطري ولك شنو  م̷ـــِْن بشر انت تموت الواحد وتمشي بجنازته
اركان : والله مياسين مو قصدي أاذيها حبيتها  م̷ـــِْن قلبي وردتها الي اتزوجها وتصير حبيبتي وزوجتي وام جهالي غلت بطريقة طلبي منها بس غيرتي وحبي الها دفعني اسوي هيج شى

مياسين :  م̷ـــِْن وره سوايتك وحركان قلبها ودمها وليلها متنامه وتخاف  م̷ـــِْن الفضيحه احترك دمها وصارت لوكيميا ولك شأسوي بيك لو يذبحوك كدامي ميرفلي جفن امنيتي اشوف المرض الي صار بأختي بيك ان شاء إٱللـِْﷻـِْﮭﮧ يطلع حوبتها ياحقير إٱللـِْﷻـِْﮭﮧ لا يوفقك ولا يخليك ترتاح مثل ملوعتها يلوعك
اركان : ادري بيج مقهوره وتحجين والله اني هم ميت قهر والله حبيتها ومن دريت بيها ماتت من يومها لحد الان نوم منايم وبس ابجي عليها ادري بروحي اذيتها واتمنى تسامحيني واتمنى هي هم تسامحني

مياسين : لا مبري الذمه والله لايوفقك وان شاء إٱللـِْﷻـِْﮭﮧ اشوف بيك يوم اسود مثلك بذاك الوقت يله ارتاح روح النا إٱللـِْﷻـِْﮭﮧ ياخذ حوبتنه منك
عفته ومشيت لو بيدي اكطعه

واجه عمار عليه اخذ  م̷ـــِْن خاطري وراد يكلي على الي صار بعلي وسكته
عمار : سمعيني مياسه انتي الوحيده الي تكدرين تنقذين علي اترجاج
يتبع ..