رواية النجمة البعيدة الفصل العشرون 20 - بقلم ريام هادي

مياسين : عمار شصار بعلي ميهمني ولا راح يهمني افتهمت

عمار : مياسه علي حاول ينتحر وره معرف بموتت قمر وهسه هو اشبه بالمخبل يبجي ويعيط والليل كله مينام واكثر  م̷ـــِْن مره يحاول يأذي روحه وكل منحجي وياه يكول عوفوني اروحلها مااكدر اعوفها وحده نايمه بالتراب واني السبب بموتتها

مياسين : رحمه الله والديه صح هو السبب بموتتها ولك شفت اخر ايام شسوه بيها شفت شلون دمرها عيشها ايام سوده خلها مثل الميته متعرف شتتصرف دمعتها منشفت  م̷ـــِْن وراه وفوكاها راح صادق ويمشي ويه صاحبته كبالها بالكليه وهي تطحن بروحها والتسوه والماتسوهه تذبلها حجي شوفي هذا حبيبج شوفي شلون ضربج بوري واشكال الحجي متسكت رحمه لااهلك

عمار : مياسه بس علي ديموت وكل شويه يحاول ينتحر

مياسين : والله يسوي فضل يمكن اذا مات وراها اسامحه اما هسه لا اسامحه ولا اساعده  يطبه طوب وان شاء إٱللـِْﷻـِْﮭﮧ مرضة بيها مثل مدعيت على اركان لان دمر حياتها ادعي عليه لان همه السبب مرضوا اختي وموتوها بس گـ❈ٍـْلٍ واحد وطريقته

عمار : بس علي يحبها

مياسين : واركان هم يحبها اثنينهم حبوها واثنينهم موتوها لهنا وكافي اختي ماتت واتمنى اشوفهم ميتين يله يبرد قلبي عمار متسكت اني القهر ماكلني

عمار : براحتج مياسه المهم على كيفج اعصابج ليروح يصير بيج شى

مياسين : اذا تخاف عليه وتكول انتي اختي لتجيب طاري علي كدامي ابد اله في حاله اذا مات  م̷ـــِْن رخصتك

شكد حاولو روى وعمار بان يقنعوني احجي ويه علي واني قافله اكرهه كره مشايلته لبشر وكل مااتذكر دموع قمر ولوعته عليه اكرهه بالزايد

اجه الاربعين مال قمر رحنا كلنا للنجف شمرت نفسي على كبرها واني اشم بيه ريحة اختي مااعرف شكد ظليت ابجي ولا شكد ظليت اسولف وياها گـ❈ٍـْلٍ الي حسيت بيه الكل راحوا بيقينا اني وبابا وماما واخوتي وبعدين بابا ضغطه صعد واخذوه اختي وامي للسياره وظليت وحدي وياها بس انتبهت اكو احد ورايه انداريت شفت وسام ينتظرني

وسام : مكدت اعوف مياسين حتى امجد كال صيحها خلي نروح لان عمي تخربط كتله اخذهم وروح اني ارجعها لان ادري بيها بعدها مشبعانه  م̷ـــِْن اختها راحوا وراها بساعه يله حست على نفسها بس اني وهي جان كلام  مياسين لقمر وبجيها يهد اجبال اخت تعاتب اختها لان عافتها وراحت شفت جانب جديد  م̷ـــِْن مياسين شايله قلب عجيب رغم گـ❈ٍـْلٍ الي سوته قبل قمر بمياسين تحبها حب ماله حدود حتى ضحى بجت شويه وسكتت وراها اخذت جهالها وراحت اله مياسين موتت روحها

مياسين : ها وسام شو مرحت
وسام : شلون اعوفج خليت امجد يودي عمي واني ارجعج يله ياعيني متعبتي كافي

مياسين : شتعب وسام هاي قموره نايمه بالتراب واني مابيدي شى عليها امنيتي اشوفها ولو لحظه هاي الحلوه الي الكل تحلف بجمالها تاليتها نايمه هنا والتراب مغطي وجهه والطابوك فوكاها ياربي صبرني اخذت اختي مني ومااعرف شلون اعيش بلياها انطيني الصبر  اختبارك صعب يارب اللهم لااعتراض على حكمك

وسام : ادعيلها بالرحمه واقريلها قران وان شاء إٱللـِْﷻـِْﮭﮧ يصبرج كومي كافي راح تموتين اخذتها وامشي بيها كوه صعدنا بالسياره مشينا خطوتين وعاطت
مياسين : شفت سياره اعرفها
هاي سياره عمار اوكف وسام اوكف
وسام : شبيج مياسه
مياسين : ارجع لكبر قمر
وسام : ليش نسيتي شى
مياسين : دااكلك ارجع

رجعنا والي توقعته صار علي ديزور كبر قمر اتهسترت وظليت اعيط عليه وهو لازم الكبر ويبجي
هذا المن جاي مكافي موت اختي بحصرتها ميستحي بياعين جاي لقمر شيكلها اسف سامحيني ولك كوم عوف اختي ماتت وماخلصت منك

عمار : عيب مياسين هذا الحجي وصوتج نصي المكان اله حرمته
مياسين : ياعيب تحجي عليه عمار العيب  م̷ـــِْن تجيب كتال اختي لكبرها
وسام : فهميني  شكوو ومنو ذوله
مياسين : دتشوف هذا الي يبجي على الكبر هذا الي كتل اختي

وسام : ياكتل مياسه اختج ماتت بالسرطان
مياسين : اي هو الي سوه السرطان بيها هو الي موتها بقهرها

علي : شفت كبر حبيبتي مكان مااشوفها بدله العرس شفتها نايمه بالتراب ردت اكثر  م̷ـــِْن مره اجيج ياضوه عـُـُيٌُـوني بس والله مخلوني قموره تسمعيني اني علوش حبيبج اجيتج واجيت اعتذرلج تدرين شردت اسوي ردت اسويلج احلى مفاجأة واترسلج المكان ورد جوري مثل خدودج واعتذرلج بالكليه كلها وانتي فاجأتيني بموتج ليش كبدي هيج هنت عليج هيج انتي قاسيه وعفتيني مكلتي علوشي وين اعوفة احجي خليني اسمع صوتج خليني اشم نفسج
وين ضحكتج الحلوه وين دلعج عليه  م̷ـــِْن تزعلين واجي اراضيج تعالي ياكل عمري وسنيني بس تعالي ادلعي زعلي شسوين سوي بس تعالي ياامي وابويه وكل اهلي قمرة حاجيني بعدج زعلانه بعدج مقهورة مني والله اسف واعتذر وشتريدين سوي بس لاتعوفيني وحدي زين  اخذيني يمج المهم اني وياج سوه 

مياسين : اسمع كلام علي شكد حاقده عليه بس كلامه يبجي الصخر وحاله تعيس ومبهذل ولحيته طويله ويبجي ويحجي ويشيل تراب  م̷ـــِْن داير مداير الكبر ويشم بيه بجيت متحملت حتى وسام وعمار يبجون وشكد حجيت هو بغير عالم ولا عبالك اكو احد يمه
وسام اخذني منا مااريد ابقى

علي : حبيبتي قموره شلونها خدودج هسه اكيد ذبلن وعيونج البحر نشفن مووو وشفايفج العسل انتهن ليش قلبي اذيتج اطم روحي ولا ااذيج ليش مكتيلي مريضه ليش مخليتيني ابقى يمج هو هذا عقابج الي تحرميني منج وتعوفيني بس والي اخذ روحج اجيج اجيج واله اندفن يمج ومااعوفج

عمار :ظلينا اربع ساعات هلكت وعلي مابطل نوح وبجي وكوه شلته ورجعته للبيت اني  م̷ـــِْن جبته لكبر قمر كلت بلكت  م̷ـــِْن يشوف كبرها يصحى على روحه ويصدك ماتت لان لااخر لحظه يصيح مميته

          شو هذا تخبل بالزايداضطرينا ناخذ دكتور نفسي وهسه صار اربع اشهر على موتت قمر وعلي  م̷ـــِْن سئ الى اسوء

مياسين : مرت اشهر على وفاة قمر وبديت اصحى البيت تعبان امي وابويه منهارين خاصه بابا ضربته جلطه بسبب قمر حاله تعبان والبيت اظلم بلياها اختي ضحى كالمعتاد حايره بروحها بقت شهر وراها سافرت اخذت ابنها وسافرت واخوتي گـ❈ٍـْلٍ واحد حاير بروحه وباهر قرر يسافر يم ضحى بلبنان ويعيش هناك وامجد هم حاير بروحه ميعرف شصار مصار بس اني وحدي عيني على بابا وماما واخاف يصيربيهم شى
روى شبه مقيمه يمي وكفت ويايه وكفت اخت ساعدتني كلش هوايه حتى اوكف على رجلي وكدرت ارجع الدوام وهاي السنه الاخيره الي سنه التخرج
قررت افتح كنتور قمر طبعا كنتورها  م̷ـــِْن يوم الي ماتت محد يتجرأ يتقرب منه فتحت علبه الذهب مالتها وشفت الظرفين گـ❈ٍـْلٍ ظرف بيه رساله متجرأت افتح اي واحد منهن
طبت رؤى عليه فجأة
روى : ها مياسه هاي انتي هنا واني صار ساعه اصيح هاي شنوو بأيدج
مياسين : هاااا ماكو شى
روى : مياسه شنو هذا احجي اتضمين عليه شنو هاي الاظرف
مياسين : هاي بيها رسائل  م̷ـــِْن قمر اليه
روى : بس ذني اثنين
مياسين : واحد الي والثاني لعلي
روى : لعلي وساكته جيبيه خلي انطيه لعمار ينطي لعلي
مياسين : مستحيل لو تنگلب الدنيا ماانطي
روى: مياسه ليش هيج قلبج اسود انتي ام قلب الطيب هيج تسوين
مياسين : شحصلت  م̷ـــِْن القلب الطيب شو يوميه مصيبه يوميه مضروبه بقلبي هذا الي تكولين عليه طيب خلي اجرب يصير قلبي اسود عسى ولعل يصير براسي خير

روى : مياسه علي ديموت وانتي بيدج تحيي إٱللـِْﷻـِْﮭﮧ اعلم شبيها الرساله يجوز اطلعه  م̷ـــِْن محنته ويكدر يعيش
مياسين : اكيد بيه شى يريح علي اختي واعرفها تموت عليه واكيد كتبت كلام يريحه واني مااريده يرتاح اريد يتعذب مثل معذب اختي وموتها بحصرتها
روى : مياسه حبٌيــــبــًتِّيُِ انطيني الرساله ولج هاي وصيه قمر شلون تخلفين بيها
مياسين : صح وصتني بس مكالت شوكت انطيها اله
روى : وشكت ناويه تنطيها اله
مياسين :  م̷ـــِْن يموت احطها على كبره
روى : لا مستحيل انتي مياسه ليش هيج الحقد متملكج وثانيا علي شعليه هذا امر الله وقمر ماتت بالسرطان شبيج كل متحجين تكولين علي موتها
مياسين : اي علي موتها هو سوه السرطان بيها  م̷ـــِْن الكبت والقهر انتي تدرين شكد جانت تبجي ياما وياما تجي ايام اكعد الفجر الكاها تقرأ قران ودموعها متسكت ولج وصلت مرحله تنوح عليه وتتمنى حجايه منه وحاضنه صوره وكاعده وتالي حضرت جنابه راح صادق غيرها وزيد المها احترك دمها وصار الي صار
روى : ولج هو هذا هم حجي بابا هذا مرض هاي انتي المتعلمه وهيج تحجين لا عتب على الي ممتعلم هذا مرض ميعرف صغير جبير حزين فرحان يدك بابنا واحنا مندري وشمدرينا هسه يجوز بينا وبعدين نعرف اتهدي بالرحمن وجيبي الرساله خلي انوديها لعلي

مياسين : روى سدي الموضوع رجاءا لتخليني ازعل منج

روى : إٱللـِْﷻـِْﮭﮧ يهديج بس خلي بالج شى اذا
صار شى بعلي تحملين ذنبه وقمر مراح تكون مرتاحه بكبرها وهاي امانه وانتي مصنتي الامانه
مياسين : طلعت روى واني بجيت عذريني قموره موبيدي لازم يتعذب يله انطيه اله

داومت ومرت الايام تشبه الايام الي وراها وسام حاول يتقرب اكثر  م̷ـــِْن مره اليه واني رفضت قربه والولد احترم هذا الشى وابتعد وكام حتى  م̷ـــِْن يجي يكعد شويه ويروح

والدي مدمر على موتت اختي وامي هم حاولت اشغل مكان قمر مكدرت اذا اني نفسي مكدرت لحد الان املي الفراغ الي تركته قمر بحياتي
هوايه ايام وليالي احتاجيت يوسف بجانبي اتمنيت هو ويايه بهيج وقت بس اني مشفت بس العذاب والقهر  وهو عايش حياته وكلشي ماادري عنه
سمعت علي شبه فاقد ويعيط مثل المخبل لهذا اهله قرروا يسفرا وحسب مسمعت مقابل ميريد يعوف قمر مرات انقهر عليه واريد اروح انطيه رسالته ومن اذكر شهكتها بسببه اتراجع حتى اني مفتحت رسالتي مكدرت اقراها
وسافر علي للعلاج وبعد ماسمعت شى عنه حتى عمار اذا يجيب طاريه اسكته

تخرجت واخر يوم بالكليه صفنت عليها شكد عشت ايام فرح وحزن ومصايب بيها اربع سنوات اشكال شفت بيها واكثر مصيبتين فراك قمر وانفصالي عن يوسف

وجان يوم تخرجي مأساه لان والدي والدتي البجي الي بجوه كأن قمر هستوها ماتت لان المفروض نتخرج سوه والموت خرجها  م̷ـــِْن الحياه قبل ميخرجها  م̷ـــِْن الكليه ودعت صديقاتي وايامي بحلوها وبمرها

وهسه اني مياسين  عـُـّــٓمُري 24 سنه المرأة الناضجه القويه الي محد يكدر يكسرها انتهت ايام طفولتي المأساويه وايام مراهقتي المجروحه وايام بدايه الشباب بأغلاطه ومصايبه اني هسه وحده عٌاًشُـت ايام مأساويه وكدرت اوكف على رجلي واواجه العالم الي ميرحم الضعيف ويدوس عليه ومااسمح بعد احد يدوسني

اني مياسين الي افتخر كوني ذات جمال بسيط ومااحمل الجمال الي يحلم بيه گـ❈ٍـْلٍ شاب
اني مياسين الي بقوة شخصيتي وبعقلي خليت الصغيروالجبير يحترمني ويحسبلي حساب
وبقوة عقلي وذكائي خليت مديري بالعمل يحملني اصعب المشاريع واصعب المهمات وهو على درايه بان اني كدها وكدود ياترى متى الايام تحن عليه وتخليني اعيش ايام حلوه

ياترى استاهل  اعيش حياة حلوه استاهل احب وانحب لو يبقى مكتوب عليه العذاب مثل اول يوم انولدت بيه

يتبع