رواية النجمة البعيدة الفصل الثاني والعشرون 22 - بقلم ريام هادي

قبل ثلاث سنوات

نبأ : يوسف ممكن احجي وياك
يوسف : كولي محتاجه شى
نبأ: سلامتك بس عندي موضوع مهم وياك تدري احنا صار شهر ونص متزوجين واني مثل مااتفقنا الوضع تمام كدام الكل حتى امك محسستها بشى الي يجينا يكول اسعد زوجين
يوسف : والمطلوب
نبأ : اريد اسافر للاردن
يوسف : شنوو للاردن وشمعنه
نبأ : يوسف احنا بعد مده نطلك واني مااريد اطلك بالعراق اريد اروح لبيت عمي بالاردن واطلك حتى اضمن اخويه ميجبرني على شى وخاصه راح اصير مطلقه يعني مستحيل يعوفني بحالي    بقلم Reem

يوسف : وشلون اسفرج وشأكول لااهلج
نبأ : احنا ذيج الايام التهينا بالدراسات والحمدلله انت ناقشت الماجستير واني هم بحجه مسوينا شهر عسل نسافر للاردن وهناك اختلفنا ورجعت للعراق وطلكتني واني مقبلت ارجع وياك وراح ابقى عند بيت عمي

يوسف : تتوقعين اخوج يعوفج بحالج
نبأ: هو يخاف  م̷ـــِْن عمي خاصه عمي صاحب نفوذ ومال واخويه يحسب الف حساب لعمي بس اني مااكدر اسافر الوحدي لان بذاك الوقت عمي مراح يقبل بهذا الشى واحتمال يرجعني بس هسه يختلف الوضع زوجي جابني واتعاركت وياه واطلكت وابقى يمهم عفيه يوسف اترجاك وافق

يوسف : وشغلي والمختبر شلون
نبأ: كله شهر ونرجع انتي المختبر مو خليته بيد محلل بقيه يشتغل بيه كلها شهر وارجع اترجاك بس هذا الطلب بعد مااطلب اي شى اترجاك 😭😭

يوسف : كافي لتبجين ماشي ان شاء إٱللـِْﷻـِْﮭﮧ خلال هليومين نسافر وحطي بالج مو شهر اقل وارجع
نبأ : ماشي موافقة
يوسف : سافرت واخذت نبأ لازم انفذ الي تريده كافي انظلمت ويايه ومعاشت زوجه مثل باقي الزوجات سافرنا واستقبلنا عمها احسن استقبال ومرت الايام واني احسب يوم يوم اريد ارجع لمياسه مشتاقلها گـ❈ٍـْلٍ مااصفن على النجوم اذكر عيونها ضحكتها زعلها بنت قلبي شلونها هسه اخابر وتلفونها مغلق ادري بيها غيرت الرقم
وبيوم متحملت ردت اسمع الاخبار وخاصه اخبار وسام ومياسين واني قلبي مثل النار اتصلت بأمي
هله يمه شلونج يالغاليه ان شاء إٱللـِْﷻـِْﮭﮧ بخير
ام يوسف : الْحٍمَدٍ للـّہ حبيبي مشتاقتلك يمه شلونك زوجتج شلونها مكانكم فارغ

يوسف : الْحٍمَدٍ للـّہ وظليت اسولف ويه امي بحدود نص ساعه وبعدين سألتها اكلج يوم شخبار وسام
ام يوسف : وسام لو بنت عمه
يوسف : يمه نفس الشى
ام يوسف : لا مو نفس الشى اذا وسام بخير واذا بنت عمه ماادري شى عنها
يوسف : هااا يعني ماكو شى منا منا

ام يوسف : يمه شكوو شو عرسان ومتونسين
يوسف : ياعرسان منو قصدج 😡
ام يوسف: وسام ومياسين الله يسعدهم قبل يومين جان عرسهم
يوسف : لا يمه كاعد تشاقين موو
ام يوسف : وعلى شنو اشاقة هو هذا موضوع واحد يشاقه بيه قبل يومين جانت الزفة مالتهم واني مرحت رغم اختي ام وسام عزمتني بس مرحت خاصه بعد الي صار بيكم انت وسام اتعذرت منها بحجه مريضة

يوسف : يمه بروح ابويه تحجين صدك
ام يوسف : وروح ابوك اتزوجوا قبل يومين
اعذرني ياابو يوسف حلفت بروحك جذب لازم انقذ ابنا
يوسف : مدداصدك مياسه راحت مني مستحيل
ام يوسف : ابني شلك بهذا الحجي انت بعد اتزوجت والبنيه  م̷ـــِْن حقها تعيش حياتها التفت لحياتك وانسى كلشي
يوسف : ياحياة تحجين عليها يوم بنيتي راحت مني ضيعتها امداني شيويت بروحي
ام يوسف : يمه صوتك لتسمعك مرتك عيب منها
يوسف : خلي تسمع وخلي يسمع الكل حب عمري ضيعته بغبائي كسرتها وكسرت قلبي
نبأ : سمعت يوسف يعيط ومنهار ادري بيه يحجي ويه امه اجيت اركض عبالي امه بيها شى لكيته يحجي عن مياسين ظليت صافنه عليه واحجي بداخلي انت اذا هيج تحبها ليش سويت هيج بيها لو بس تعرف تغلط واتجر بنات الناس وياك وتالي تتندم ماادري انقهر عليه ماادري افرح لان مياسين اتزوجت بس وضعه يقهر سد التلفون وطلع يركض
وين يوسف تعال وين رايح
عوفيني نبأ اليوم متت اني اليوم حبيبة قلبي ضاعت مني للابد عوفيني بلكت اموت واخلص جنت متأمل ارجع الكاها منتظرتني راح ارجع والكاها عروس بحضن اخويه

نبأ :اول مره اشوف دموع يوسف انقهرت عليه وبنفس الوقت حسيت بالغيره ليش مو هاي الدموع والحب اليه ليش لوحده صارت ماضي وهسه اتزوجت انتظرت يوسف للاربعه الفجر وهو ماكو وراها انفتحت الباب طبعا احنا كاعدين بشقة تابعه لعمي دخل يوسف سكران
يوسف شجاك اول تالي تشرب

يوسف : اشرب  م̷ـــِْن ضيمي اريد انسى اريد انسى عيونها حبها حضنها ريحتها

نبأ : يحجي يوسف وكل كلمه عبالك خنجر بقلبي بس هو مو بيده يحبها واني ادري بهذا الشى وراضيه
ياعيني تعال اغسلك لازم تصحى
يوسف : مااريد اصحى اريداموت مااريد اعيش 😭 شنو حياتي بدون مياستي تعرفين شكد احبها
نبأ : اي ادري
يوسف : لامتدرين اني اعشقها بحيث النفس  م̷ـــِْن يطب احسه الها قلبي الي ينبض دشوفي هذا قلبي بأسمها
تعرفين اني اول واحد بايسها واول واحد يلمسها ليش وساااااام ليش عفت گـ❈ٍـْلٍ بنات العالم واخذت حبيبتي هي هاي الخوه ولك ليش عمري معزيت عليك شى وانت اخذت عمري كله عوفها الي مو تدري بيه احبها ليش مو انت اخويه وضلعي ردتك بالشدات تالي انت الي توكعني بشده وياشده حيلي كله هديته

نبأ : فدوه يوسف صوتك لحد يسمع احنا مو بالعراق اهنا يشتكون اذا الصوت عالي
يوسف : طز بالكل انتي هامج الناس ومهامج قلبي الي تملخ اليوم اني متت وحبيبتي بحضن غيري ويلمس بيها وشمها ولج هاي مياستي مالتي بس الي واني شلت وانطيتها

نبأ : انقهرت كلش على يوسف وصدك اتمنيت اخفف عنه وظل يدك على راسه ويبجي حضنته وابجي وياه اصعب شعور  م̷ـــِْن تحب شخص وهو قلبه ويه غير شخص وفجأه حسيت يوسف مو بوعيه
يوسف : هااا مياسه حبيبتي اجيتي كلت مستحيل نجمتي تعوفني
نبأ : يوسف اصحى اني مو مياسين اصحى بده يبوس بيه ويلمس بشعري بكل رومانسيه ضعت بحنانه صح اعرف هاي الرومانسيه مو اليه لمياسين بس اني هم بشر والي مشاعري ورغباتي واني حبيته ليوسف لهذا استسلمت اله بكل حب وبده يبوس ويحضن ويهمس بأذني
اموت عليج مياسه منتظر هذا اليوم صار سنتين اريد اشمج واضمج بضلوعي مياسه بعدج تحبيني
نبأ : اي احبك واموت عليك
يوسف : تعاي حبي نسيني الايام السوده الي عشتها بعيد عنج ووووووو
نبأ : عشت ليله ويه يوسف كلها حب وعشق ورومانسيه لاابعد الحدود بس مع الاسف ويه گـ❈ٍـْلٍ لمسه يذكر مياسين ويه گـ❈ٍـْلٍ بوسه وحضن يذكرها ويعبر عن مشاعره الها جنت مااحمل اي حقد الها بس بعد هاي الليله كلش حقدت عليها ليش هي بشنو احسن مني حتى اني احلى منها ليش واحد مثل يوسف يعشقها لهذا الحد واني لا
للصبح اني كاعده اباوع على يوسف واسأل روحي هذا السؤال شنو الي شافه بمياسين ويحبها گـ❈ٍـْلٍ هذا الحب

يوسف : كعد الصبح واني كلشي مااذكر اخر شى اذكره دخولي لبار مال شرب باوعت شفت نبأ نايمه يمي وكلشي ملابسه لا ياربي بس لا
نبأ نبأ كعدي
نبأ : صباح الخير
يوسف : شصار البارحه وليش هيج نايمه
نبأ : نعم ليش متذكر اني البارحه صرت زوجتك
يوسف : صدك تحجين
نبأ : عيب هذا الحجي يوسف تره انت كاعد تهيني البارحه انتي نمت ويايه وبرضاتك
يوسف : اسف مو قصدي وشلون هسه
نبأ : شنوو شلون هاي شبيك اكو واحد يحجي هيج بالصباحيه مالته
يوسف : ياصباحيه انتي مو تعرفين بااتفاقنا
نبأ : شتريد سوي سوي ميهمني ومع الاسف عليك متوقعت هاي ردت فعلك
يوسف : نبأ لتخبليني تعرفين احنا على شنو اتفقنا
نبأ : ادري ڰـْـْـْـڷْشْ زين يوسف اطلكني حتى ترجع لحبيبة القلب بس موتنسى حبيبة القلب هسه مزوجه وبحضن غيرك
يوسف : انجبي وضربتها راشدي
نبأ : تضربني علمود كلت الحق انت عايش بالوهم وست مياسه مالتك هسه لايصه بالعسل وانت حايرلي شلون صار وليش صار
على كلا اشكرك على احترامك اليه وعلى الراشدي وروح طلك متهمني روح شوف بنيتك على كولتك بحضن اخوك وعود ظل اعوي يمي

يوسف : لزمتها  م̷ـــِْن شعرها ولج لسانج
نبأ : هدني كافي اني مو حيوانه تمد ايدك عليه اذا تريد تتسبع جان اسبعت وازوجت مياسين واخذتها غصب عن الكل بس انت شسويت عفتها وجيتني تركض تعاي نتزوج لهذا ياعزيزي لتذهب اخطائك عليه

يوسف : صفنت حجي نبأ صحيح اني جبان معرفت احافظ على  حـًًًًِـبي واتنازلت عنها بكل سهوله بسبب غلط جان المفروض مااتسرع وانطي فرصه لنفسي والها
نبأ : اني رايحه لبيت عمي بليل ارجع ياريت تقرر شوكت نطلك
ام يوسف : منال نصر تعالو
خير ماما  صاير شى
ام يوسف : سمعو خاف يخابر يوسف يسألكم عن وسام وخطيبته تكولوله اتزوج
منال : ليش ماما بس همه ممزوجين والي سمعته  م̷ـــِْن مروه احتمال يفصخون
ام يوسف : مثل ماكتلج مااريد كلام زايد
وانت نصر الحجي موجه الك ولمرتك شوكت ميخابركم وسام اتزوج بنت عمه ماشي

منال ؛ اني شعليه اذا سألني اكله ازوجوا وخلص انتي ادرى  م̷ـــِْن رخصتكم اكمل قرايتي
نصر : ليش يمه هيج تسوين
ام يوسف : ابني يوسف اذا عرف بهاي مياسين بعدها ممزوجه احتمال يطلك مرته ويتزوجها
نصر : يمه اني ادري بأخويه يحبها حجالي عنها اني حسب ماسمعت فسخو الخطوبه صح مو رسمي بس شى اكيد خلي يعيش ويه الي يحبها
ام يوسف : انت متعرف شراح يصير اخوك راح يطلك مرته واحتمال تصير مشاكل بين اخوها واخوك عدا المشاكل الي راح تصير بين وسام ويوسف ولا سامح إٱللـِْﷻـِْﮭﮧ يجوز توصل للدم انت مشفتهم شلون تعاركوا قبل مده  م̷ـــِْن وراها زريكه ولعبت لعب بولدنا ذوله الاخوه الي ينحلف بخوتهم وصداقتهم كدرت تفرقهم شلون تريد هيج وحده تصير جنتي وزوجته نبأ احسن منها الف مره حلوه وبنت عائله ومقاصرها شى وكم مره رحت لبيتهم ينكط ورد ومهتمه بيوسف ومراعيه إٱللـِْﷻـِْﮭﮧ بيه وموالمته شريد بعد ويجوز إٱللـِْﷻـِْﮭﮧ دزله هاي البنيه حتى تنسيه حب هاي الزركه شسوت عملت العمايل اسكت يمه لتخليني احجي

نصر : ههههه يمه مو هلدرجه البنيه حلوه شبيها
ام يوسف : بس مو مثل نبأ زوجته احلى منها كافي  م̷ـــِْن وراها ردت اخسر اختي يمعود إٱللـِْﷻـِْﮭﮧ يحبنا بعدها عنا المهم مثل مكتلك يخابرك ازوجت وانتهى بروح ابوك ابني مو تحجي غير شى
نصر : حاضر يمه بس اذا عرف شيخلصنا
ام يوسف : ميعرف منين يعرف شو هو من يومها ميتصل على بيت خالتك وانقطعت علاقته بيهم وبلكت إٱللـِْﷻـِْﮭﮧ يهدي وينساها ويبقى ويه زوجته
يوسف : اليوم كله افكر واكل بروحي اني غلطت شلون اصلح اغلاطي زين شريد اصلح وحده اثنين شو الاحبها اتزوجت واني الي ضيعتها جان المفروض بيوم العرس اخرب كلشي واخذها وانهزم بس اني جبان وعلى كرامتي وكرامتي هسه شحصلت  م̷ـــِْن الكرامه وهاي نبأ طلعتلي صفح وين اروح  ۆيـِن انطي وجهي اتصلت بمنال اريد اتأكد بعدني ممصدك واكدتلي الحجي وطلبت منها صوره كالت مرحت للعرس لان ماما تعبانه ومقبلت نروح

يوسف : اني بحلم لو بكابوس وبالحالتين اريد اصحى حسيت بمشاعر مياسين  م̷ـــِْن اجتي للعرس وشافتني اني محضرت العرس وهسه ميت شلون لعد جان احساسها صدك اني مااستاهلها ضيعتها  م̷ـــِْن ايدي وجاي هسه ابجي عليها ايامي صارت تتشابه ميت وامشي احيانا اشرب حتى انسى وارجع اتندم ثاني يوم اني شسويت بروحي
قررت اهاجر مااريد ارجع للعراق احس اذا طبيت لبغداد گـ❈ٍـْلٍ نسمه هوا بيها تذكرني بمياسين خابرت اخويه نصر وكتله بيعلي المشتمل حتى استفاد  م̷ـــِْن فلوسه وسحبت الفلوس  الي بالمصرف بقيت شهر ونص بالاردن لحد مااكمل معاملتي علاقتي بنبأ بحدود لاتتقرب عليه ولا اتقرب عليها

وبيوم قررت اسافر وحجزت وحجيت وياها
سمعيني نبأ اني مسافر لروسيا راح اعيش هناك اني اسف على گـ❈ٍـْلٍ الي صار
نبأ : على شنو تتأسف يوسف هاي هيه الي صار صار اتمنيت انعيش مثل اي زوجين بس إٱللـِْﷻـِْﮭﮧ مقسم واشكرك على گـ❈ٍـْلٍ شى شوكت اطلكني
يوسف : مثل متحبين اليوم  م̷ـــِْن اروح لروسيا
نبأ : ياريت اليوم وتكملي معامله طلاقي قبل متروح
يوسف : ان شاء إٱللـِْﷻـِْﮭﮧ دااحجي ويه نبأ وحسيتها تريد توكع شبيج نبأ تحسين بشى
نبأ : دايخه ڰـْـْـْـڷْشْ وممتوازنه صار يومين هذا وضعي احتمال هبوط بالضغط
يوسف : امشي اوديج للطبيب
نبأ : ميحتاج
يوسف : امشي يمعوده وجهج ليمونه امشي بدلي وخلي اوديج
نبأ : باوعت عليه وحجيت بداخلي تمنيت تحبني يوسف ولو ربع حبك لمياسين هم راضيه
رحنا للطبيب وبعد الفحوصات طلعت حامل وتخبلت
لازم انزله مااريده
يوسف : تخبلتي بابا حرام
نبأ : مااريده ممجبوره ابقى وحدي هم مطلقة وهم عدها طفل ممستعده اتحمل هذا الشى مو ذنبي ازوجتج ومو ذنبي راح نطلك بس ذنبي بان حملت منك المفروض امنعك ومااخليك تلمسني هذا بعد عندي مجال انزل الطفل وكل واحد يروح بدربه

يوسف : بقيت افكر والحصره ماخذتني اني احب الاطفال وخاصه هذا ابني اتفقت وياها متسوي شى وتنتظرني وفعلا صار اسبوع افكر حتى سفري اجلتي واتخذت قرار
نبأ اني اريد الطفل ومستعد اكون الج زوج وللطفل اب ونعيش حياة طبيعيه مثل اي متزوجين
نبأ : وحياتك ومياسين
يوسف : اولا حياتي راح تصير لبيتي وابني ودراستي ومياسه ماضي حلوو واحاول انساه وانتي هم ساعديني اترجاج اوكفي ويايه

نبأ : موافقة بس بشرط اسم مياسين بعد ابد مينذكر بيتي ومنرجع للعراق نسافر انت مو ردت تروح لروسيا انروح اني وياك واولد طفلي هناك
يوسف : موافق
نبأ : سافرت ويه يوسف والفرحه مسايعتني لان واخيرا راح ابقى وياه ايام واشهر مرت ويوسف ابرد  م̷ـــِْن الثلج ويايه حاولت الالاف المرات اتقرب اله وهو ابد جان بس يتقربلي على كد حاجته وبس وبعدها يعوفني حتى كلام حب مااسمع منه صح اسم مياسين كام مينذكر بس ميحتاج جنت اشوفها بعيونه

مرات اصفن اكول هي شنو المميز بيها بحيث يوسف يعشقها لهذا الحد هي شكلها عادي جمالها بسيط مابيها الي يجذب الي يخلي الواحد يتخبل عليها اتعجبت حتى ابن عمها شاب حلووو والف وحده تتمناه ليش كتل نفسه عليها عبالك هاي البنيه شايله خرزه گـ❈ٍـْلٍ واحد يتقربلها يحبها

مرات اكرهها كره العمى وهي اصلا مو يمي لان  م̷ـــِْن اشوف نظرات البرود بعيون يوسف تجاهي احقد عليها ومرات اكول هي هم خطيه جانت تحبه ومصارت اله
ولدت وجبت بنوته اول مره اشوف الفرح بعيون يوسف وراد يسميها مياسين وكمت ابجي انهاريت وتالي سماها نجمه حتى بنتي مو  م̷ـــِْن حقي اسميها لازم امشي على مرامه

ومرت الايام وقررت اكمل دراسات وقدمت دكتوراه وبفضل يوسف بديت اقرأ لان هو اقترح يأجل الدراسات مالته لخاطري احترمته وقدرت تعبه خاصه هو جان يبقى يم نجمه يعتني بيها

گـ❈ٍـْلٍ يوم يمر علينا واني اتندم لان باقيه ويه يوسف الي اتأكدت منه اني مجرد ام بنته وبس ومستحيل راح اكون حبيبته وخلصت الدكتوراه وناقشت وحصلت امتياز والحمدلله وقررنا نرجع للعراق لمده شهرين وبعدين نرجع لروسيا لان والدة يوسف مريضه وهو يخاف ليصير بيها شى وهو ماكووو

سافرنا للعراق والكل رحب بينا وبقينا بيت اهل يوسف بس صار عيد ميلاد نجمه قررت اسوي بيت اهلي لان ام يوسف مريضه ومتكدر على الهوسه واني ردت حفلة جبيره حتى اعزم صديقاتي وكل معارفنا
وبيوم الميلاد صار الي لا اني ولا يوسف نتوقع يصير اجتي مياسين على الحفله  م̷ـــِْن شفتها متت بدمي شفت بعيونها الذهول البنيه مخترعه والدمعه بعينها حقها موقف طايح حظ لو منها اموت حاولت اسوي الوضع طبيعي بس شلون اسوي وهو وضع كارثي
يتبع ...