رواية النجمة البعيدة الفصل الحادي والعشرون 21 - بقلم ريام هادي

اتخرجت واشتغلت وهسه اني بشركه دوائيه جبيره الها اسم معروف اني وروى اتعينا بيها على الحاسبات
المدير صديق اخو روى وطلبت مني اتعين وياها لان والدها شرط تتعين يله تزوج حتى لو تعيين اهلي لان الحكومي غاسلين ايدنا منه وعمار وكعلي دخيل حتى اتعين وياها لان هي متقبل اله اني وهيه مخبله متجوز شالعه قلبه لعمار بس هو يموت عليها. بقلم Reem

وهسه صار 9 اشهر بالشركه كدرت اثبت جدارتي والمدير خوش انسان صح شاب بس حباب متزوج وعنده اولاد ومحترم والكل يحبه واني هم اعتبره مثل امجد اخويه واسمه احمد

صادقت بنيه ويايه بالشغل اسمها سوسن خوش بنيه بس لغويه اضرب مني هههههه بس تعلمت عليها ورور ويايه يعني ايامي هادئه م̷ـــِْن البيت للشركه والعكس احيانا نطلع نفتر مولات ومطاعم تغيير جو لا اكثر بس بعيوني الحياة بعدها ابيض واسود اي لون ماكو

سوسن : ها مياسه شكلتي
مياسين : شرايده يمعوده
سوسن : وٌلًـ😳ـًّجٌ وافقي هو هذا ينرفض غير كيك دكتور واله مركزه وميت عليج يازريكه هم بيج بله على شنو كاتل روحه عليج ماادري والله اني احلى منج
گـ❈ٍـْلٍ المواصفات الحلوه بيه حلوو ياحلوو يموت ودكتور وفلوس وفوك گـ❈ٍـْلٍ هذا يتمناج تمني اشاف منج دكتور وليد مااعرف
مياسين : عرفتوا موووووو اي وليد نفسه هسه اكلكم شلون اتعرفت عليه
..،

نرجع لقبل 3 اشهر

مياسين : نعم استاذ احمد صحتني طبعا احمد مديري
تفضل رايد شى
احمد: اي مياسين اليوم يجي شريكي الدكتور وليد اريدج تتعرفين عليه لان عنده شغل كلش هوايه بالحاسبه مالته وخربانه وميأمن ينطيها لااحد يخاف يخربوها وتروح المعلومات الي بيها لهذا رشحتج ادري بيج سباعيه

مياسين : واخيرا راح نشوف الشريك اكلت راسنا ومشايفيه
احمد : ههههه غير جان مسافر يكمل دراسات وهسه قبل اسبوع رجع واتصل بيه تعرفين هو مو بس شريكي وابن عمي وصديقي الصدوق

مياسين : أوگيـ Ok ـگ اني بالمكتب بس يجي اتصل عليه
بعد نص ساعه اتصل احمد واتوجهت للمكتب ودخلت شفت شاب كاعد اول مشافني وكف على حيله
وليد : منوو مياسين
مياسين : اني شايفتك قبل بس وين مااذكر
وليد : مذكرتيني قبل كم سنه اجيتي مريضة بالكندي وجنت بوكتها دكتور مقيم هناك وعالجتج

مياسين : حيل دكتور وليد شلونك اخبارك صدك الدنيا صغيره
وليد : اي والله متوقعت اشوفج هنا
احمد : طلعتوا عرف واني ماادري
مياسين : لا مو عرف بس صدف جمعتنا
وليد : اكعدي ليش واكفه
مياسين : باوعت على وليد دمعت عيني اتذكرت قمر م̷ـــِْن تكول كب كيك وچنه جكليت ويموت وفاتحه عينها عليه اتلافيت الموقف مخليت احد يحس ومسحت دموعي

ظلينا نسولف واخذت اللابتوب مال دكتور وليد وصلحته مابيه بس فرمته وكم شغله بسيطه وثاني يوم اخذته ويايه بالدوام
طبعا استاذ احمد بيه طبيعه محلوه يجفص هوايه هههه يعني مرات يحجي حجي مو بمكانه

ثاني يوم اجه وليد والعطر مالته م̷ـــِْن بدايه الشركه تشتمه وهيبه وحلوو ودكتور مابقت موظفة مفتحت عينها عليه واني اضحك ليش البشر اهم شى عدهم المظاهر استدعوني لمكتب احمد

مياسين : صباح الخير دكتور وليد
وليد : صباح النور شلونج مياسين
مياسين : الْحٍمَدٍ للـّہ تفضل هذا اللابتوب مالتك مابيه شى شغلات بسيطه وصلحتها
وليد : شكرا تعبتج
مياسين : لا ماكو اي تعب
وليد : اكعدي ليش واكفه
مياسين : عندي شغل اعذرني
احمد: يمعوده مياسه دكعدي هو الشغل طاير
مياسين : حاظر
ظلينا نضحك ونسولف وهو يحجي على الحالات الي تجيه بالمستشفى وجان يجفص احمد

احمد : اكلك ولودي انت عرفت مياسين قبل لا اعرفها عليك
وليد : مو كتلك مرتين اجتي للمستشفى وجنت بوكتها مقيم اقدم بالمستشفى
احمد: اكلك رحمه لجدي انت باليوم عشرات الحالات تجيك واذا تحسب يعني م̷ـــِْن شفت مياسه لهذا اليوم فوك ال50 الف حاله جايتك شمعنه مياسين تذكرها

مياسين : غير يسكت الارعن بله هذا شبيه هو هذا سؤال الولد صفن وخجل واني ميته خجل اكثر منه هو مو صوجه اني صوجي اصلا كعدت احجي بداخلي
وليد : لان اسمها مميز مجنت سامع بيه لهذا طبع بدماغي
مياسين : طبعا يطمغ هو اكو وحده بالعراق اسمها مياسين غيري شكد اكره هذا الاسم

وليد : ههههه لا ليش اسم يخبل صح جنت مسامع قبل بيه بس هسه هوايه يسمون هذا الاسم
مياسين : إٱللـِْﷻـِْﮭﮧ يساعدهم راح ينظلمون مثلي
وليد : ليش يمعوده اسم يخبل وغريب
مياسين : واكيد متعرف معناه
وليد : الصراحه م̷ـــِْن اجيتي للمستشفى استحيت اسألج ودخلت على النت وبحثت وعرفت معناه النجمه البعيدة

مياسين : همزين واحد تعب روحه وبحث بنفسه ظليت طول حياتي الي يشوفني يسألني شسمج وراها شنوو معناه
احمد : واني واحد منهم ههههههه
وليد : بالعكس الاسم وصاحبته مينسي
مياسين : شكرا هذا شبيه شو حسيته يتلوك لو متوهمه لا لج عوبه اكيد متوهمه احجي بداخلي

وليد : ممكن اسألج سؤال ولو فضول مني واذا متريدين تجاوبين عادي
مياسين : تفضل دكتور
وليد : م̷ـــِْن شفتيني بالبدايه ضحكتي وبعدين دمعت عينج ليش
مياسين : ماشاء إٱللـِْﷻـِْﮭﮧ على قوة الملاحظه بس راح اجاوبك م̷ـــِْن شفتك ضحكت لان الدنيا صغيره وشفتك ومن دمعت عيني اذكرت اختي قمر الي جانت ويايه

وليد : صدك شلونها
مياسين : إٱللـِْﷻـِْﮭﮧ يرحمها 😔😔
وليد : لا اله الا إٱللـِْﷻـِْﮭﮧ البقاء بحياتج اسف هيجت المواجع عليج بس هيه جانت ڰـْـْـْـڷْشْ زينه وجانت الصراحه كلش حلوه ومعبالي اختج اسف يعني للتعبير
مياسين : لا عادي هي الدنيا كلها تكول هيج صح منتشابه بس روحنا وحده الله يرحمه

وليد : اسف مياسه موقصدي اضوجج
احمد : يمعودين كولوا ياالله كلنا لهذا الطريق
مياسين : الْحٍمَدٍ للـّہ على گـ❈ٍـْلٍ حال اترخص اني
اعرفكم بنفسي اسمي وليد طبيب جراح عـُـّــٓمُري حاليا 30 سنه اعزب عائلتي امي ربة بيت والدي طبيب باطنيه وعندي 2 اخوه واحد طبيب ومسافر بالمانيا عايش والثاني يدرس بروسيا طب اسنان اول مره شفت مياسين جنت طبيب مقيم الي جذبني بيها اول شى اسمها جدا غريب وثاني شى انهيارها لان بنيه بعمرها مراهقه شنو الي وصلها لهنا وخاصه جانت منتحره انقهرت عليها وره مده اجتي والليل كله تهذري واني افحص بيها ظلت بالي صح هي سمره بس اني بطبعي احب السمر لان اشكر فااحب السمره وهي جنها هنديه وضحكتها تخبل مميزه لهذا ظلت بالي وراها بعد مشفتها واليوم بعد گـ❈ٍـْلٍ هاي السنين اول مشفتها عرفتها رغم متغيره وكبرانه ومحلوه وصايره جذابه وانيقة بس عرفتها وماادري ليش حسيت هاي الانسانه الها مشاعر بقلبي مااعرف شأسمي اعجاب انجذاب ماادري المهم احب اسولف وياها وهي تضحك الهوا ڰـْـْـْـڷْشْ مرحله بس بنفس الوقت ثكيله ومتتعده الحدود
الكل يحمد بااخلاقه
جنت دائما مااهتم بالشركه وعايفها على احمد لان ادري بيه شاطر وميحتاجني فتحت الشركه اني وياه وهو صيدلاني وبشهادته وبرأس المال مني ومنه كدرنا نأسس هاي الشركه وبغضون 3 سنوات صارت معروفة والها اسم بالسوك

ظليت ايام واشهر اراقب مياسين واحاول اتقرب منها وهي ابد كأنها حجاره مرات احسها تعرف بيه اتقرب منها وتبتعد ومرات ابد متحس بيه

متحملت وقررت اخطبها ودزيت سوسن صديقتها تحجي وياها وتفاجأت برفضها

بعدها وره شهرين رجعت نفتحت الموضوع ومنتظر الرد عسى تحس بيه وتقبل لان اني اتعلقت بيها واحسها هي هاي الانسانه الي صدك تكدر تحتويني وتحمل اسمي

نرجع للحاظر

سوسن : ها مياسه شكلتي
مياسين : متسكتين رحمه لااهلج مالي خلكج
سوسن : زين عندي شى ينفه عنج اني باجر معزومه بعيد ميلاد بت عمي بنتها مسويتلها عيد ميلاد حلوو وعازمه الكل امشي نروح اني وياج وروى
روى : اني استثنوني تدرون بيه دااجهز وباجر اروح اشتري الغرفة ويه عمار واذا كتله اجلها يمكن يضربني طلقة

سوسن :بله انتي عادي نعرف وضعج انتي مياسه شكلتي وٌلًـج والله تتونسين
مياسين : ناس مااعرفهم ولا يعرفوني شلون اروح الهم
سوسن :عادي قلبي غير ويايه واكلج شى اني اصلا مااريد ابقى هوايه يمهم شويه واطلع وراح اخذج حجه حتى م̷ـــِْن يسألوني شو رايحه اكلهم صديقتي تريد تتزوج واريد اروح وياها نجهز لعرسها ومنلحك

مياسين : م̷ـــِْن هيج ماخذتني مو محبه بيه مصلحه وتعاي اكلج روى راح تزوج مو اني
سوسن : ولج حجه شبيج إٱللـِْﷻـِْﮭﮧ عليج تعاي ويايه هم نتونس وراها نروح للمنصور نفتر ونشتري ملابس ونتعشى ونرجع ها شكلتي

مياسين : أوگيـ Ok ـگ احسن مكاعده بالبيت بس اروح اشتري هديه للطفلة هي شكد عمرها عيب ادخل ايدي فارغه

سوسن : انتي ام الاصول حبي مياسه الطفله عمرها سنتين واسمها نجمه
مياسين : اوي فدوه حلوو اسمها عاد شكلها مثل اسمها
سوسن : ولج تخبل هسه تشوفيها بنت عمي جانت مسافره هي وزوجها وقبل شهرين رجعوا وعزموا الكل على عيد ميلاد بنتهم واني مااكدر مااروح عيب وبنفس الوقت مااكدر ابقى هوايه لهذا راح اخذج

مياسين : أوگيـ Ok ـگ باجر وره الدوام ارجع للبيت ابدل وتعاليلي ونروح

مياسين : ثاني يوم خلصنه الشغل م̷ـــِْن وكت واخذت زمنيه رجعت للبيت بدلت وكشخت عيب ناس مااعرفهم لازم اهتم بمظهري واجتي سوسن عليه وبالطريق مريت اخذت لعابه تجنن هديه للطفله وصلنا لبيت بنت عم سوسن جان بمنطقه راقيه وقريب علينا مو بعيد نزلنا ودكت الباب سوسن وانفتح الباب والصدمه بعمري كله متوقعت اتعرض لهيج موقف واحس الزمن توقف بيه ورجعني سنين م̷ـــِْن عمري ايام المراهقة وايام الكليه الحب المشاكل الدموع الخذلان حبيب عمري يفتحلي الباب

خليك لتحس بذنب واني اعتبرني العفتك
واوكفلي يادمعي انتظر لا ننفضح مو وكتك
لعابة كل يوم اشتري لبتنة ال ولا صارت صدك
يافشلة جدامي الاجت نكلت هداية لبنتك
يالطولت باخر زعل تانيت اشوفك ننخطب
مو تضحك انت ومرتك

الناس ما تعذر محب لو تعذر.. الطم عالوجه
من هيج شفتك واتضح,جنت انه بس صاحبتك

لا تشيل ايدك وانتبه واذكر انه شكد شلت
م̷ـــِْن عمري خاطرشلتك
مومثلي خاطر تنغصب انطيني جذبه
بلا حلف حتى اصرخ مصدكتك
ياكبر جرحك مو سهل بيه موت حب
وبيه ذنب يراد جادر ينصب مو مالت مزاعلتك

الرادوني كلهم عرسو وسنتين مرن علبعد
ولحد قبل لاتنفضح يل مو كفو ناطرتك
ياساعه البيضة انطفت
وياوسفه اكلك بالوجهه ساعه السوده الشفتك
ماادري ليش بهل الوضع ماچني على الباب
وكفت جني واكفه بفاتحتك
خليك لتحس بذنب كمل حياتك وابتسم
وانكتني م̷ـــِْن ذاكرتك
                              (للشاعريوسف الساعدي )
يتبع...
انتظروني باجر ان شاء إٱللـِْﷻـِْﮭﮧ الاجزاء الاخيره م̷ـــِْن قصة النجمه البعيدة وراح نشوف شراح يصير بمياسين ولعبة القدر وياها ياترى راح تعيش مرتاحه لو تبقى معذبه
النشر الساعه 10 مساءا
تصبحون على ماتتمنون