رواية النوك الحمر الفصل التاسع والثلاثون 39 - بقلم مريم السعدي

فرح- ولا فد يوم كعد حضي بشغله من صغري واني من كفخه لكفخه. كلما اترزل من السيد اروح اشكي لبابا بدون متسمع خاله ويرد عليه

بابا هاي عيشتهم لازم تتعلمين شنو بيدي اسوي وهو الحق وياه
اسكت واتحمل تجيني ن بات اختنك حيل حيل واطلع بس خاله تشوفني تلهيني بشغله لو تخليني. اسوي معجنات وياها وتعلمني عليها لو تعلمني عالخبز واعجنه.
خاله كل فتره تروح تنضف البيت الجبير تمنيت اشوفه بس خجلت اكوللها هسه تكول مشايفه اخر شي مره دتروح كتلها
خاله تردين اساعدج هناك

لا حبيبه ماريد اتعبج كعدي ارتاحي

خاله ااضوج وحدي بقت تباوعلي ابتسمت كالت
عجل لبسي تعاي وياي
اوكي ركضت لبست وطلعت وياها وبالطريق سالتها

خاله بيتكم حلو

اي جنه  سرايا حان يلمنا كل  احنه وهسا صفه بس اوخوي وبيت ابو عوف تعاي افرجج عليه طبيت وياها وراسن هي شغلت البير تغسل البيت واني افتر البيت يخبل مرمر اسود وجوه بالصاله بالنص اكو نافوره حجر وحوض سمج جبير والبردات عاليه  كلش  والتباريد بس عدهم غير مكان مبردات المطبخ يخبل بي درجات يله واحد يطب بي شكد راقي ولاعبالك بالبستان صح مامو قنفات كلها كعدات بس كلش حلو نفه الحمام يخبل بي بانيو صعدت فوك تلم هدوم اخوها ولمحت سبحه صفره معلكه بغرفته باوعت للغرفه مغربي اثاثها راقي حيل يم الحربايه اكو كتاب علم الطبابه مكتوب كلبت بي ورحعته وخاله تباوعلي تبتسم وتنصي تمسح الاخشاب اخذت وصله ساعدتها محجت شي واياوع عالغرفه خاله
هاي السبحه مالمن
مالت السيد

شكد حلوه يمكن بابا جان عده منها عبالك اتذكر هيج شي

هاه  يجوز همه الزلم يدورون هالسوالف

اي. طلعنا من الغرفه ونزلنا جانت بالنسبه الي احلى طلعه هنا البيت كلش حلو لدرجه اكو بداخل المطبخ حديقه صغير صفح مثلثه طلعنا وراها بدت تعلمني عالشغل لو علمتني. على الزراعه زرعت كرفس وبطنج بحافات حديقتنا. واخر شي جابت شرايط من الخوص نسجنا سلال تخبل صغار ونطتها لابو عوف وداها صبغها ورجعها ووياها جاب صبغ وجلبت هالشغله بيه كمت يوميه كلما ضوج اطلع بالطرمه افرش طبك الخوش واكعد احوك بيهن وخاله ترفع من معنوياتي خلت وحده منهن للبيض ووحده خلت بيها الصابون بالحمام تكول منضرها يخبل انسى نفسي والوكت يطير والمراح بعد ماوصلته مولان هو مقبل بس لان جرحني كلت ابقى بالبيت ولاريد يقلل من قيمتي برزالته كلسا واسمنا كاعدين دخيل عده

والغتره رحت لبابا وحجيتله خايفه جنت كال اليوم اجيب غيرها ولا يهمج متدرين بابا قابل شكو

بابا خاف يضل يحجي عليه

لا بابا شنو السالفه اني احاجي واشتريله غيرها بعد شتريدين شكم فروحه عدي اني فرح بابا اني عايش ومجلب بالدنيا علمودج الا اني خسرت كلشي حبيبتي

لا بابا عفيه والله خاله بريسم كلش تريد خاطرك اني صح جنت اغار منها بس هسه احبها واخاف تروح من ورايه ومن وره سوالفي اللي مادري منين تطلعلي شغلات من جوه الكاع
بابا حبيبتي قابل انتي شمسويه انتي عاقله بس هنا العيشه اختلفت عليج وانشاء الله تتعودين والله يابه لو اكدر ارجع لبغداد لخاطرج
لابابا ماريد كرهتها لبغداد كرهتهاا من وره العايشين بيها
هاهي لعد بابا تاقلمي حبيبتي تردين شي من السوك
ميخالف اجي وياك

والله هو يصير يله امشي لبسي
خاف هذا يكوم يحجي
بابا من الباب سياره للسوك تخلصين التردي ونرجع للباب بسياره
خوش هه لبست علسريع طلع بابا من يمي سمعته يحجي وي خاله

يس- علويه رايح للسوك تردين تجين
صار فتره من يوم النامت عدي بالغرفه واحنا نسولف شوي قبل لننام مواضيع متفرقه بس لازم احاجيها حتى اخذ خجلها ريوكنا اكلنا شربنا سوه صار مااقبل كلمن وحد وتعلمت على هالشي مرت ٣ ايام نايم بليل سمعتها تنهد عبالك تبجي فزيت الدنيا ضلمه كمت كعدت يم راسها شغلت الضوه نايمه شبيها عركانه حيل وترجف حسستها
علويه
علويه شبيج
فزت وصاحت يم اوخوي وبجت
فكيت عيني كعدت كعدت يمها كامت تشهك ميته بجي

شبيج حلمانه لتخافين
اوخوي اوخوي خايفه لالا فيه شي دخيلك خلني اروحلو
وين ترحين حتى الباب قافلها لزمت التلفون خابرته دكتين ورد صوته نايم كال
الو ابو فرحه عسى ماشر

لا مامو شي سيد هاي اختك حلمانه بيك خافت اخذته مني وتبحي وتحجي وتتوسل بي ميروح البر باجر وسمعته ماللها هاذ هو ماروحن وروح ابوي ماروحن سكتت واسمعها يردد بدعاء وهي ترددوراه من الخوف حتى اني رددته سكتت مغمضه وايدها على صدرها ترجف اخذت التلفون سديته منه تمددت ودموعها تجري
كافي موزين تتفاوليله كالت

خايفه لايصيبه شي شون يربي دخيلك خلصو اهلنا ماضللي غيره

مابي شي يابه لتتفاولين للولد موزين

سكتت حولت مخدتي لصفحتها وهي حولت مخدتها ليمي عبالك ضلت خايفه مديت ايدي تلمست شعرها وامسد على راسها غمضت
نامي ارتاحي

كالت وهي مغمضه
لاتهدني ولاتهد اوخوي
لا لتخافين ثاني يوم الصبح قررت اخذهم للسوك
كتلها كالت

انه اجي ويامن وياك
اي لعد ويامن امشي شوي نغير جو محتاجه شي شياتي شو ولا ترحين سوك
انه الابي اطرش ام
لا مو مثل من انتي تختارين امشي لبسي
ها وفروحه
ويانا فرح ويانا رايح اجر سياره واحيبها للباب تحضرو
جا خوش
يس- طلعت من البستان والسيد توه طب شال ايده يبتسم

الله يساعدك عمي
هله هله سيد
لوين على خير
والله داجيب سياره اخد هم للسوك
عكد حاجبه بغضب صدره انرفع نزع نضارته الشمسيه كال
الاهل وياك تغصد
اي اي
هاه زين كظ سيارتي وتوكل مامحتاجها ماعدي طلعه
ماشي مو علمود احير وين اطبكها
لاه هو هناك مطشره مواقف لا تشيل هم

زين نزل من السياره وصعدت بمكانه رحت للباب طلعوا فرح تبتسم شافته ركعت وره العلويه المشكله هو بس شافهم خزرهم

يله يابه اصعدو بس خل اطفي المنضومه واجي

فرح- بس شفته فزيت هو بس يخزر اجتي يمه اخته باسها من. راسها رفع عينه خزرني ودار وجهه رافع تك حاجب شكد اكرهه ابويه ويايه انت شعليك وحتى جواريب لابسه

صعدنا شوي واجه ابويه كلسا والشاهين يحط على جتافه ويطير طلعت السياره اباوعله يباوع لاخته ويدير وجهه خاله كعدت ليكدام يم بابا وطلعنا من البستان ضحك بابا

هههه السيد بعد شوي ويكعد بحضني ههه
بريسم- اهو يخاف حيل لن دنيانه غداره والشافه موشوي. يخاف علي حيل

يس- حقه منو بقاله غيرج

واهو انت كلتها لاتلومه عجل

لا عمي مالوم اصلا غيرته تخبل بس لو ماعصبيته

فرح- وصلنا للسوك ولزمت ايد بابا وخاله تمشي ورانا اخر شي اندار كال
علويه تعاي كدامي طبينا لسوك الملابس اشتريت كومه وبابا يكولي هذا حلو اخذي اشتري هذا واني ماصدك حتى خاله توسل بيها تشتري متقبل كام هو يشتري الها مل منها افترينا عالغتر السود ماكو انقرضت واني الخوف اكلتي التفت عليه كال
حاخذ خضره
لا عزه شوف حيعرف

لا بابا اني احاجي خاله سمعت كالت
عليش جاي تحجون

علويه هاي فرح بالغلط وكعت الغتره بالقاصر بدون قصد

بريسم- وانه ادور عليها اكولن وين راحت
والله خاله بدون قصد مادري شون
يمه فداج طول من الغتروهاي تتوهكين كلما سالت واكولن شجاها
اسفه خاله
ينه فدوه لج يا صديك جذيب

يس- هسه شون مدنلكه بس خصر حاخذله خضره

كيفك بلجن يذب ثوب السواد بيها صالح تصير وين الله. واهل البيت

يس- انشاء الله  اخذت الغتره خضره قماشها حرير ساده هلكد حلوه ومرتبه تخيلتها عليه تطلع مكحله وي بياض وجهه وعيونه الصغار الجوزي ورمشه البني ولحيته وشاربه اخذتها ووياها قرص عنبر ادري بي يموت عالعنبر. وعطره اخذتها ومشينا شوي لبو الذهب جنت لام خوش مبلغ مال جم شهر  طبيت بريسم ضلت بره باوعتلها

يله يابه تعاي بقيت اباوع بعينها من وره الوشاح نصت كالت
اخظ لفروحه انه مامحتاجه كافي الخضيته النوب تاخظ ذهبات

لتزعليني منج احب اشوف بركبتج سلسال من تعبي
همست واباوع بعينها خيال البياض يروحي شكثر ترجف من اصدن ليج

تذكرت حجي ابوعوف قبل بيوم من لكفته يتعارك وي ام عوف ووراها صالحها بين زرعات البستان ضحكوني  عبالهم محد سمع بس ضلت كلماته تدك براسي واتذكر بيها علويتي وعيونها الواسعه

نصت راسها وفتنا للمحل فرح تلهفت من يومها تموت عالذهب يمكن اخذت هالصفه من امها عمي اذا على هاي راضي.
بابا شنو العاجبج
بابا اريد محبس ماعدي
اخذي حبيبتي
ااريد لونه احمر مثل مال بيبي ننه
خو لبسي مال ببيتج مو لبسته الج هو والسوار ليش متلبسي

بقت تباوع بوجهي برطمت وعيونها انترست دمع
ششش فروحه بابا
بابا مو اخاف اغسله من اغسل ايدي وتروح ريحته منه

استغفر الله جريت نفس رفعت راسي باوعت عالمحابس اشرتلها على واحد
باع هذا يعجبج لبسته بيدها كالت
عبالك ما عجايز وكفت يمها بريسم كالت
هاذ حلو فروح شوفي
باوعتله وتفاجات كالت اي اي بابا يخبل هذا
اخذه وزنه ولبسته مكيفه باوعت لبريسم
هسه انتي
والله ابو فرح مايحتاج
نيشانج اعتبري همست واباوع خاف ابو المحل يسمع كالت نفس هدوءي الرديت بي عليها

شللي بالذهب وانه خضيت  الالماس
التفتت بعينها مبتسم جريت نفس بهاللحضه ردت اشيل المحل كله والبسه الها كمت اتلفت واتخيل قطعه قطعه بصدرها رغم قران الجبير التلبسه الواصل لنص جسمها بثكله وطوله بس ردت شي يتربع على ركبتها وبياضها

لكيت كلاده نازكه وبيها فصوص ازرك مجتفه عالركبه تصير تخيلتها عليها لو فرفحت كل كطره دم بيه اشرت عليها ونزلها الولد لزمتها وباعوت بعينها كالت

جنها غاليه
ماتغلى عليج حبيتها حيل
وانه ماراح اذبها من منحري لون ماموتن

اسم الله عليج
نحجي همس وعيون فرح تباوعلنا وتضحك اخذتها وطلعنا اخذت ويايه لحم حبل الضهر جان عاجبني تكه شوي كلش اخذت كيلو ورجعنا للبيت هوسه فرح وكلسا تكدر تراكسود وتشوفها واني دااثرم  باللحم بس انتبهت عليه ركضت تتشله
لايابه لا اني اليوم عاجبني اشوي بيدي
صفنت وتركتني تبلت اللحم وطلعت الفحم بطاسه العماله  وجمرته وكلسا اباوعلهم يكدرون بالهول والضحك مالتهم اندكت الباب رديت واني بالطرمه

تفضل مد راسه السيد غيره محد يفوت كال
اها ابو فرحه يمتى جيت عمي
قبل شوي اليوم عشاك يمي
اه وانت الحاي تشوي عجل لويش عطيناك مره بس تاخضها سوك

هههههه متفوتها سيد يعني لازم تبسمر ضحك ونصه راسه
عجل تضل بزردومي جا غير اطكن واموتن
ههههه كال
بله امر عليج بس اندهلي العلويه لون غترتي صارلها سبوع عدها جن اوخيتي تعلمت عالدلال

هااه الغتره دقيقه انتضر خل اجيبها
عجل انه طالع ومن ترد انده عليه انه كاعد بالمضيف هاذ وينه بصفك

زين يابه زين شوي  وعفت الجمر  يجمر تطفه ناره وارجع اشوي طبيت اخذت الغتره شفت بريسم كدام المرايه لابسه الدشداشه الجديده والكلاده تخبل بركبتها وكفت نسيت شداريد ابتسمت كالت ونصت راسها
جنها ضيكه علي
لا تخبل كصيتها من فوك ليجوه صافن على ترتيب جسمها طويله وخشنه ملامحها  بارزه كامت تجر بهدومها. باوعت لركبتها جريت نفس وغمضت مبتسم براحه

علويه جوعان اني شويه اروح للسيد وارجعلج بس حضري الخبز والبصل والطماطه داشويها

بعيني كالتها بهدوء مبتسمه تقربت منها التفتت ادور فرح لمحتها تكلب بتلفوني تقربت كرصتها من خدها خجلت ونصت راسها رجعت باوعت لفرح وطلعت خاف تنتبه الليل طويل طلعت للسيد للمضيف وطبيت

يابه هاي الغتره بمكان ذيج

عكد حاجبه وباوعلي متفاجا
شني عمي جايبلي اخضر وانه حالف ماذب السواد غترتي وينها في
عصب ووكف كال
شني وينها العلويه خلها تحاجيني واليرحم والديك الضاهر صارت تتعاجز من هديماتي

على كيفك يابه هسه هس مو دزتلك هدومك كلها بس الغتره
واهي تدري انه شكد نحيس بالهدمه الالبسها  عطني طريج خل اشوفن غضيتها

اوكف يابه هههه ههسه ليش تستعجل يا عبدالله باوع عيني موالغتره السوده وكعت بالقاصر   بالغلط

هاي اهي كطتها اهيج صارت

يابه وروح امي موهي
صفنت عليه كضيت  حسره وانه ادري هالملعونه اللسان  بنته اهي متغصده كطيتها بجوفي وسكتت كال
وهم انت سيد وهم يلوكلك الخضار دباوعها شونها حريرتطلع تخبل عليك  وذب الاسود عاد واعذرني واحسبها عليه  سيد

نصه راسه وفرك وجهه
كال همس
غتره اوخوي هاذي
جمدت صافن عليه جر نفس رفع راسه واخذ من ايدي الغتره متحسر مرد كلبي  وكلش فشلت عافني وراح حتى محجه شي  طبيت لبيتنا اشوي وفكري يمه  كملت شوي وفرشنا بره بالطرمه باوعت لبريسم

اخوج متوديله
خابرته مايرد. مدري شجراله طرشت رساله كتلو تعال تعشى كال ابي انهمد

هاه سكتت مغلس مردت تنقهر ومتاكل ناكل والكتاكيت مال فرح داير مدايرنا  كملنا اكل صار الشوي يخبل اخذت شيش طيته لفرح
بابا اكلي وحده
الله طيني وناوشت واحد لبريسم مبتسم اخذته ونصت راسها بخجل التفتت ابحرث بالخبز واشمر للفروخ وياكلون التفتت شفتها اخذت لكمه من الشيش وطلعتها باسنانها ومن مشت اللحمه بالشيش واسنانها ضاهره مدري شصار بي اثارتني انتبهت عليه اباوعلها نصت ونزلت الشيش

طيب صار مو
فرح- يخبل كون بيبي عايشه وتضوكه

ياسين- هو على روحها سويته حتى دزيت لابو عوف اربع شياش الله يرحمها

بريسم- جعله واصل

امين

كامو بعدها لملموا الهوسه الصارت وشربنا جاي عالفحم وطبينا للبيت بريسم فاتت للحمام وفرح تمددت بالهول وتباوع لايدها بالمحبس

ابتسمت بالعافيه حبيبتي

بابا حلو مو

يخبل  عليج

هه
لعد حجلج ليش متلبسي
من يطلع صوت
ميهم لبسي دائما هو انتي بالبيت الذهب زين للمره بابا

اوك حلبسه.  باجر يله تصبحون على خير حروح انام بابا عود طبب الكتاكيت
اي ميهم طبت نامت

واني فوتت الفروخ ورحعت لكيت بريسم بالمطبخ تقربت منها يم السنك فزت ابتعدت
باوعتلها بعتب وتركتها ورحت للغرفه ادري مو صار بيننا حجي وسوالف ليش هالفزه واني اتخبل من تنفهر مني تمددت بالغرفه بالفانيلا والسروال  صدك تضايقت منها شوي وطبت للغرفه جنت مشغل بس الضوه الخافت داريد انام كعدت بهدوء سرحت شعرها وذبت الخاولي غمضت واني احس بحركاتها عطر المسج الفاح على غفله  غمضت قوي تاثرت تاثير مباشر بكلبي صار وحسيت بحراره يمي فتحت عيني لكيتها واكفه يمي عكدت حاجبي مستغرب

محجيت بس اباوعلها
تباوع وتنصي

تردين شي

اانه اعتذر
على شنو تنهدت كعدت وارتجيت بالتاج كالت

انه موبيدي ويشهد الله مامثل عليك بس انه بحياتي ماكاربلي زلمه واضن تعرف فحيل استغرب بكت اللي تقترب مني  وواخجل
تخافين مني
لا بالله انه من تكبل علي من باب الحوش كلبي يصير هاكبره واامن حيل اماني بكت ابوي احسه انعاد الحين
الف رحمه على روحه ابتسمت شفتها عينها مدمعه اشرتلها تعاي خلنسولف شوي
افترت وكعدت بصفي بقت منصيه

ابتسمت البعد بيننا يمكن شبر بس مرتجيه عالمخده وراها وتعصر باصابعها بقيت اباوعلها صفح

الغتره مال اخوج طلعت مال سيد حسين

التفتت متفاجاه
اي متدرين

لاه هدومه طيناهن صدقه بس ضلت كلابيه وحيده وغتره بكبته ضامتها ببيت ابوي

مادري هو كال
ياسوده ببجهي هاي اللي جان لابسه اخر نوبه جا شون خما كتلو بنتك

لا بس لمحتله لا الولد انقهر وراح محجه شي خطيه بس اني غديت دم
لاه هاذ هو فدوات الها جن عبالك ربك يكله خلص لاتكلب بشي ما الك هاي امانه الله وردت  له

والنعم بالله

زين خذاها لغتره الحرير
اي اخذها بعد مادري يلبسها لا كال ماريد اذب هدوم السود

ييزي عاد ماشبعت قهر صار ٨ سنين حتى اوخوي السيد حسين مايرضاها

اي والله جريت نفس الله يساعده

ابو فرحه احلفك بالله وبروح اميمتك نفس ما نقذتني انقذ اوخوي من همه

عكدت حاجبي
نقذت شون اني نقذتج ابتسمت كالت
بلي جا من انه محبوسه ببيت ابوي وكلها تعرف اني بالبصره وانه خاتله لحتى مااسمع حجي الوادم ولمن ترفع راسي بشقل البستان وتردله العافيه هاي شيسمونها عجل انه الرفعت راسي بوسط نسوان البصيه وكتلهم هاذ زلمتي  المعدل اللازم المعامل والبستان  بعدما جنت اخافن بن ادم يلمحني ويكول هاي كراطه الزلم هسه رفعت راسي بيك وماخذاني وحيد نفس ماكالو ماياخضها اله المايصير عده بزره لو المكرم وماعده اهل يدارونه لو جبير  بالعمر عجيز ويكسب اجر بعنوستي وسنيني الكضت اخذني شيخ الشباب

تحجي بالم وعيونها مدمعه وتباوع لايدها اذتني والله قربت ايدي لزمت ايدها بهدوء غمضت

كالت
انه ودي احجيلك بس عطني مجال اخظ عليك لون ادري بروحي زودتها بس يعلم الله انه متاذايه كثرج وازيد بعد

ميخالف
انتي هم جنت واكع وانتي شلتيني تدرين توقعتج بت ابوعوف  متوقعت حاخذ الشيخه اخت السيد العلويه  بريسم اخخخ بس الله يدري شكد تمنيتج

انه تمنيتني الي
كالتها وتاشر لروحها باوعت بعيوني باوعت لكصيبتها اللي انفلت على جتفها وشعرها مفروك مبتسم اعشق صرت تفصيل تفصيل بيها

اي انتي تتذكرين ههههه والله دنيا مداصدك دااحجيلج بقيت اباوعلها مميل راسي كالت
لا بروح اميمتك احجيلي ايدي بيدها ضغطت عليها ووتوسل

شوكت اول مره شفتيني

ابتسمت ونصت راسها كالت
لمن كصدت المراح لمحت عيونك تدور
هاي شوكت عكدت حاجبي كالت وبعدها منصيه

لمن كبلت وره الخوص لاتكول مو انت  انه متاكده

اي هاي اني بس اني شفتج قبلها  ب١٥ سنه
نصت راسها وغطت وجهه تضحك
هاه تذكرتي نصيت راسي لنصيتها شاورتها
تذكرتي مو عبالج نسيت شكلج
رفعت عينها ميته خجل ووجهه احمر مبتسمه بس هزت راسها
لا

يعني من شفتيني تذكرتيني

ليش انه نسيت لحتى اتذكر

شلت ايدها بستها وعيوني بعيونها ذبلت راسن ودرات وجهه بخجل همست
احجيلي  ريحيني بس اليوم شيلي الخجل اذا تردين ابقي منصيه بس احجي لتسكتين

انه جنت اسمع لاوخوي من يحجيلي بيك وافرزن واميمتك الله يرحمها جانت قبل بالحرب حجتلي عنك كلشي وعن عيشتك وي مريتك جانت تصورك باحلى صوره واكولن وي روحي لون ياخذني نفسه لااعيشه عيشه ملوك واتمنى ببكان مرتك اكونن ولمن شفتني ولحكتني حسبالك اميمتك بس كلتلي
اسف عبالي امي
راستا عرفتك انت اليحجون بي اوخوتي ويحمدون بفعاله بقت صورتك مدفونه بعيوني

حتى اني والله على طول اتذكرج نضره هي تضره بس خجلك وخوفج وارتباكج سكطني دباعيلي ياعيني

رفعت راسها مدمعه عيونها
ليش عيونج دمعت بريسم

انه كلما يتقدملي زلمه احلم   بيك  تزورني تكلي تانيني عالوعد لاترحين لغيري وافزن  واكولن مامعقوله يرد النوب  وين اشوفو بعد بس سبحان الله من صارت المجزره مال البصيه وجبت اوخوي لينا رغم  عذابي بفكد اوخوي بس  شي بيه صار بامل واتذكر كلام السيد حسين
انه هاذ لو مامتزوج انطي عشر نسوان بس اكضبه بكاعي
ورديت رحت لاهلك وانه بعدها تغدمولي وكلما يتقدم خطاب احلم بعدها ينجتل صرت اخاف من اشوفك

هه فكر من يومي
لاه لاتكول هيج اله كلك خير

ابتسمت دموعها تجري . و تحجي صوتها المرتبك وخنكتها من تحجي موتتني

امسح بدموعها وترد تنزل بهدوء

كافي
لاه خليني اكمل
يله براحتج اسمعج للصبح
انه الكتلو لاوخوي روح شوفو بلكن يكدر يساويلك الماكينه   انه العطيته الفكره بس والله جن اوخوي السيد علم بيه وبنيتي ماطيبه اجاني بالنوم كال
اهي هاي تربايتي
بيومها متت ميت موته  كضيت الاسبوع اصليله واتعذر واحلف ماعيدها بس اوخوي جابك واجانه وحلفت اساعد امك بطيب خاطر وماخليك بفكري انه كل تعبي التعبته اجره للسيد حسين  هديته

وبعدها شفتني ومتت ميت موته بارضي واحس روح اوخوي تعتب علي و  رجعت حلمت فيه كاللي

نزعي الاسود والبسي هدوم الفرح لنه اجاج
فزيت من نومي وكلت لاوخوي كالي مبتسم

الليله طلبج ابو فرحه وانه كتله عطيني مهله افكر واردلك خبر

وانتي جيتيني بحلمج هاذ وباسني من راسي جنت ميته خوف لا اوافق ويصيرلك شي اندم عليه لني ادري بروحي. كراطه زلم والله اني صدكت حجي الوادم من يكولون كثر كلامهم صدكيته

يس-هزيت راسي همست  كافي بريسم لتبجين

لاه خلني اكمل بيومها انت شفتو حسبالك انه بت ابو عوف وتهاوشت وياه وطلعتو للنجف
اي تذكرت

ايه ومن يومها صارت الغسمه وخدمت اميمتك بمي عيني وتمنيت اخدمك بعد ومن شافتني عرفتني بساع بجت حيل كالت
تمناج  وانه تدوهنت صدك تحجي تواسيني لون عالمر بيه مامر على حديثه وتجبر بخاطري لو حجيها صدك

ابتسمت اي صح حجيها جنت دائما اتذكرج يمها

الف رحمه على روحها الطاهره

يس- من يوم الشفتج انطبعت الصورهه ببالي ودوم اكول معقوله تزوجت النهه عليها لحدما امي عكدت شيلتها بيدي رادت تفهمني تره بريسم الخاطبها من راح صوتها. --تباوع بعيني  وتجري دموعها
بلي بلي

اي ومن. صار الانفحار وشفتج متدرين شصار بكلبي يايابه انفض نفض رجعت ١٥ سنه ليوره   كتلج متاكد بريسم

ايه اذكر متوقعتك تذكر اول نوبه حسبالي اميمتك كالتلك اسمي
لا تذكرتج راسن لابسه شحاطه امي هههه بس احلى لحظه بحياتي من رفعت البوشي يابويه شصار بيه من شفتج

غمضت عيني تاثر كلبي لذيج اللحضه مااحس اله تقربت ونامت على جتفي صفنت عليها حاوطت ايدي بجسمها قربتها اكثر اباوع ايدها قشعر جسمها  بستها من راسها والافكار الشيطانيه عزيمه سوت براسي وكلبي يدك سريع

حاوطتهع اكثر

بريسم
يمي عيني

غمضت لكلامها حضنتها اكثر بريسم اريدج

سكتت شوي كالت

انه والله عدي عذري
كالتها كلمه كلمه بخجل  وتبجي ابتسمت هههههههه ميخالف حضنتها قوي ردت اشوف عينها بقت مغمضه جريتها على صدري وتمددت لفت  ايدها على ركبتي تتحرك شوي وتوكف خجلانه ومتعرف شتسوي حضنتها قوي

احساسي تارسه الحنان احساس انسان كضه عمره يدور حضن دافي مو لاجل مصلحه لا لخاطري اني يحبني اني مداصدك السمعته مداصدك ابد اني معقوله وره هالعمر كله تحبني وحده هالحب وشون وحده شيخه النسوان بيومها منمت ولاهي النامت همست باذنها

بريسم  صدري ممرتاحه عليه نامي اخذي راحتج ماضوج

رفعت راسهها ذايبه كالت
انه الليله لكيت راحه كلبي
ابتسمت جريتها لحضني اريد اتجرا اتلمس جسمها خجلت منها مردت استغلها كلت خل تخلص عذرها واتقرب منها وكلشي يصير مباح صبرت هواي بقه الشوي حضنتها بقوه لفت ايدها على ركبتي  اكثر كالت

كون الله ينطي لاوخوي شوي من راحتي الحين
شون يعني هههه اروح احضنه وانام

وتهدني وحيدي
لا مستحيل بعد هذا مكانج كافي بعد عوضيني الشفته من غدر وقهر
بمي عيوني اددل بيك  تامر علي امر

لحضات وغفينا من كعدت لكيتها بحضني حتى المراح ماراحته  انداريت عليها حضنتها اكثر حسيت جسمها كله بحضني صار

بريسم النوك مرحتيلها

كالت
طرشت رساله لاوخوي كتلو تعبانه كال اخظي راحتج راح اهو وابو عوف وام عوف

ههه وليش هيج
اخاف اتحرك وتفز ماردت اكومن منايا

لاتكومين ابقي بحضني وابقي احجي لاتخلين الخجل بيننا ولو اموت عليه بوجهج
كالت
بس اوخوي دخيلك

لاتهده خلك وياه تراه بعد غدر العشيره وتركهم له ماضله غير ابو عوف ولاتشوفه معصب دوم من ضيم خاله يحس روحه وحيد بعدماكان بيتنا لام السلف والعشيره  لاتلومه

ابتسمت ماعوفكم بعد ---

فرح- بيومها بليل كعدت الفجر  وخاله مكعدت ستحيت ادك الباب طلعت للطرمه وطلعت الكتاكيت يلكطون وجان المح الشاهين عالخوص شلت حصوايه جبيره وشمرتها عليه بقوتي اباوعله وكع بالكع عدجزه بس لاماتت صخام باوعت من الزروف

اجه السيد ركض عليه شاله شوي وطار نتر
هاذ ياهو الكط حجااره ياهو هنا
بقيت ساكته وايدي على حلكي متت خوف شفته تقرب من الخوص كال بهدوء

والله ثم والله ان تدنيتي وكررتي فعلتج لاابتلي فيج فاهمه وانه ادري موضوع الغتره متغصده فينو  تردين ترديها لي بس بسيطه انه الج لو ماابيج واكف بعيني وحق الله  دقيقه ماخليج هنايا ادري انج تسمعين هاذ انه اكولها لج

مانسالجيها بس كلشي ببكته حلو

اباوعله يتلفت ويحجي بعصبيه واجه ابوعوف وراحو ورد التفت عالخوص الجان واكف يمه وكمل مشيته متت خوف طبيت للبيت وطببت الفروخ   ساعه وعلكت وصوت صياح بره يصيحون

عمي ياسين عمي ياسين الحك السيد هدو عليه بيت شيخ حمدان لاجل منضومه الماي حركونا عمي الحك نسيبك السيد راحلهم الحك علي
فزيت وبابا طلع يركض بالفانيلا والبجامه وخاله وراه وترددوتبحي
استر يا ب استردخيلك ربي وبابا ركض وهو يلبس بدشداشته صاح بعصبيه
لحححد يطلع لو تنكلب الدنيا قفلو الباب عليكم
متت خوف وخاله ماتت بحي وكعدت بالكع تملخ بروحها وتبجي بخنيك مادري شسويلها كمت  ابجي  وياها متت خوف حتى على بابا---
يتبع
على ٢-٩
ادعولي اوصل الست مريم واعاونها
شكرا لتفهمكم يااحلى متابعين
عذروني ممدققه ابد لان كلش طويل البارت وتعبت شكرا الكم