رواية النوك الحمر الفصل الثامن والثلاثون 38 - بقلم مريم السعدي

يس- طلعت كمل شغل وي ابو عوف وكعدت بالضيف وحدي ليش عصبي ماادري ياهو الشفته رزلته والمساكين يسوسفون ويروحون ميردون عليه بقيت صافن متمدد على دوشمه المضيف بالبستان كعدت تصالحت وي روحي
اني ليش داباشر راسن واريد منها استجابه البنيه خجوله وخايفه خو اتقرب منها بسوالف بحجي حتامنلي وحتتقرب مني وحدها لغه الحوار هواي تقرب غمضت عيني وكفت طب السيد ابتسم كال
الكوه عمي
هله سيد هله عيني
تفضال تفضال لوين رايح

للبيت
ها الضاهر كضك التعب مال بستان
سيد هذا مو تعب هاي راحه محتاج شي
بلي رايد منك شغيله
اامر
والله سيد اجاني عرض ماكينه لخ لاجل التعليب حنا مانعلب فد نجيس واضن انت بنضافه نفسك تشوف عليها
اي صح

ف اانه رايي هاي ماكينه تعليب ونعنون فيها اسمنا بعد ومغلف ونضيف النتس تامن لمنتوجنا ولو اهو مو بذيج الكثره

امم هزيت راسي صافن وافكر منو اليوكف عليها جاوبت
هاهي سيد ايدي بيدك خوش حجي ونسميها باسم السيد حسين
الف رحمه على اميمتك عمرك اطول من عمري انه كلت اسمي باسم الحسين

هاهي علو بركه الله شوكت تجيبها
بكره بالجثير المغرب تكون بالبستان وندعي من الله الموفغيه انه لولاكح ماجان اثمرت كاعي والرطب زاد وفرته وحتى النوك جن انتعشت بمداراتك لجن باليوم نوبتين تغسلهن

يحجي ياشر بيده بامتنان يباوعلي يميل راسه وايده على صدره
ابتسمت خليت ايدي على جتفه
سيد انت شلتني من الحضيض
لنك اصيل عمي انه الممنون انه حضيضان بوجودك بيننا روح كظ راحتك اخرتك على هلك وبكت راحتك الحين
لا يابه شنو السالفه تفضل وياي تعشىباوع ورايه مبتسم كال

لاه هاذ العشا اجه توكل بالله عمي درب السلامه
فيماللا تركته طبيت للبيت بهدوء فرح دتسوي زلاطه طبيت ابتسم
هلو بابا
هلو حبيبتي تقربت حضنتني بستها من راسها كالت
خاله دتكوي الهدوم هسه تجي

ماشي شمسوين عشا
كباب تكلاه فد طيب
خوش اسبح واجي
اوك ننتضرك
طبيت سبحت وزينت فد مره لكيت الهدوم النضيفه عالرف مالحمام بدلت وطلعت امشط بشعري عالمغسله اباوع لوجهي عبالك متغير متحسن احس روحي وبعدني كل ما باوع بعين روحي اشوف ننه ابتسمت لنفسي جريت نفس
مشتاقلك حبيبه روحي وشريكه نفسي مشتاقلك يااغلى اخت طلعت بريسم من الغرفه وسدت الباب باوعتلها بانعماس المرايه ابتسمت ونصت راسها ابتسمتلها فاتت من يمي كالت
جعله نعيما زيانك

الله يسلمج الافتت عليها مبتسم عدلت زيك دشداشتها واييدها تستر بدايه ركبتها همستلها
مطالع شي والله مطالع وروح امي مطالع
نصت بخجل وفاتت للمطبخ مشيت وراها خلو العشا كوه كعدت كلسا كايمه تجيب شغله مره خبز مره مي مره لبن واني بالبيت يعرفوني اذا كامو من الصينيه اعيط بيهم اخر شي نترت

هالمره اذا كمتي اعوف الاكل واكوم
صفنت رجعت كعدت نصت راسها مرتبكه بقيت اباوعلها مخنزر عليها ضحكت فرح كالت
خاله عادي بابا من اول من جننا بذاك بيتنا ميقبل اي واحد يكوم من عالاكل يكول من نبدي ناكل كلشي جيبو حتى متكومون تطيرون البركه

جاوبت
صار على امرك تحجي منصيه تاكل كلش قليل تخجل تمد ايدها

يابه دكلي شون اكوم. حتى تاخذين راحتج. اشرت راسن

لاه لاه انه جاي اكل والله هاي هاذ انه اكل

كملنا اكل فرح كامت عالمواعين انتبهت عليها صايره بسلاسه تشتغل ودتتقرب هواي منها وهالشي يترسني فخر واطمئنا على بنتي وكفو سوه عالسنك يسولفون ويضحكون بهدوء حتى فرح صوتها صاير ناصي مثلها

جاي ماكو

كالت
بعيني وخلت القوري عالنار التفتت عالتلفزيون اتفرج. جابته وره شوي فرح كالت
خاله حفوت انام بالغرفه
جاوبت بصفنه

هاه
فرح- مو ضهري تكسر من القنفه ميخالف

يس- فوتي بابا على راحتج. جاوبت واني منصي عالاستكان التفتت عليه بريسم ونصت راسها حارت وين تنام وتخجل كدامي بالهول لو بالغرفه يمي واني اليوم مطول خلك كافي عاد خل اكسر الحاجز بس مااجبرها على شي خليني اسولف وياها اتقرب منها

طبت فرح وسدت الباب. وهي كاعده عالقنفه كدامي تباوع للتلفزيون مره ومره عالباب مال مطبخ ومره عالساعه ومره تعدل المخده مال كرويت متدري شون تلهي روحها

كمت وديت الاستكان عالسنك خضيته بقت صافنه عليه واني اباوعلها رجعت للهول كبال المطبخ كعدت بنفس كرويتتها بس بالطارف وهي بالطارف شلت تك رجل جريت نفس باوعتلها مبتسم نصت راسها حومر وجهه بقيت اتاملها ماريد اشيل عيني هاي اللي سنين اتمنى اشيل طرف البوشي واشوف عيونها وجمالها

جريت نفس كحيت كامت بسرعه جابت مي واجتي قدمته الي اخذته من ايدها لزمت ايدها نصت نزلت مدلتها بقيت ايدها بيدي وكعدتها بصفي شربت المي كله. وهي دايره وجهه خجلانه
هديت ايدها الخبلتني بالرجفه وفياتي الحمد لله حسيت روحي مسيطر على نفسي

بديت وياها الكلام

اليوم اخوج جاني بسالفه

سالفتيش عسى ماشر

ابتسمت
وانتيدليش دومج تتفاولين بالشر

لاه بس شوي انطركت

ههههههه شسويتي ههههه
سكتت منصيه

فدوه لهالوجه

نصت اكثر تبتسم

اايي فكال اجيب مكينه للتغليف
بلي
وبديت وياها كلام لكيتها تتفهم بالشغل وتحب تسمع وتنطي اراء. واخذني الحديث وياها نسيت غريزتي. وركزت على عقلها وتفكيرها الناضح مصدوم بيها سكتنا كالت
مانععست ماتعبان

ليش نعستي
لاه انه علمودك
اني مرتاح

جا زين عساك دوم
زين هو السيد ليش دومه معصب ووجهه تعبان سالفه اخو هلكد حافره بكلبه

اوخوي تعبته دنيته وحتى اكرب الناس له غدرو في والوفي البيهم سكن ارض المكبره

الله يعينه ويهياله التريح كلبه ويقرب اليحبه اله

الله يجفي شر ابن ادم

اي والله زين مرته مطلكها
لاه ماطلك يكول خلليها معلكه
هاه هه تره هذا يحبها
لاه مايودها من اول واهي كلبها مو بنفس بياض كلبه اهي اربع وجوه تضل بنت عمي ماريدن ازيد واعيذجد عليها بالكلام بس اآذته كد ما بالكع طين

اف هلكد
ايه واخرتها ذبحت ولدها وولده انت تصور ام مارحمت بوليدها

اي والله صعبه منين مخلوقه هاي
ابن ادم اشكال الوان
صح زين شنو بعد متعرفون اخبارها

والله قبل سبوع طرش مبلغ بيد ابو عوف لن امها بعافيه وماعدهم ولي فوك راسهم قير خالهم وخالهم مايتحمل تكلفه مستشفى فاخوي ساوه باصله كال لخاطر روح عمامي وطرش

ها زين سوه
ايه كال لو اخوي السيد طيب ماكان تركهم واهم حريم وخالهم المسيجين ماعدو

صح الله يرحمه

سكتنا ابتسمت ايي وانتي
رفعت راسها
شفيني انه
مرتاحه هنا

نصت راسها مبتسمه وردت
اله حيل مرتاحه

واني هم مرتاح وصرت انتظر رجعه البيت دقيقه دقيقه حتى وسكتت جريت نفس كالت

نسيت الروبه بالكبت --- الكاونتر

يله اخذي راحتج

راحت كدامي طلعتها وخلتها بالثلاجه كلسا تباوعلي وتنصي كملت ووكفت عالمغسله مالحمام سدت الباب وراها بقيت انتضرها طلعت طبيت اني فرشت اسناني وطلعت جانت دتاخذ فراش من عالكنتور مال غرفه نومنا
ها وين
اا خظ فرش
ووين تفرشين عكدت حاجبي
سكتت منصيه تفرك بديها

نامي هنا وفرشيلي بالكع

رفعت راسها ونصته هزت راسها بالموافقه. فرشته وعدلته ووكفت تقربت يم الفراش نزعت الدشداشه بقيت بالفانيلا والسروال اني ضعيف مو سمين وشغل البستان وشيل والحط عضل اجتافي ببساطه نصت راسها نطيتها الذجدشداشه بيدها نفضتها وعلكتها وره الباب تغطيت ونمت باوعتلها مبتسم
تصبحين على خير

وانت الخير كله كالتها بهدوء وتمددت بهدوء عالجربايه احس بكل حركه منها نمت تعبان ومرتاح

فرح- مكدرت انام طلعت وره مطبو لغرفتهم ردت اقرب بينهم ولو عيب اتدخل بس خاله خجوله وبابا طبيعته حباب ميضوج احد طلعت للطرمه لكيت فوك فروخي سبع كتاكيت جديده استغربت منين ذولي كيفت بيهم بس صغار ووكحين طلعت التمن الزايد والسمسم القوطيه كلها حتى ياكلون جنت مكيفه بيهم توقعت خاله بريسم جابت من بيتهم باوعت لكيت النجانه مال خبز مغطايه بالمطبخ حتى تتخمر بقيت اتمرجح وتفرج عليهم واحد منهم انحشك جوه الباب ديطلع كمت ركض خفت من البزونه عليه يم الباب اكو بسماربي البوشي مال خاله خليته على راسي بس فتحت الباب جانت ضلمه بس ضوه الكمريهه وهو انحشك ين السيارتين البيكم يم الباب نصيت شلته بيدي راد يوكع شددت لزمتي بصف الباب متر واحد كدامها كدام السياره الطابكه يمها السياره مطفيه العالم نايمه دافوت جان يشتغل اللايت القوي مال سياره فزيت جمدت بمكاني طفه راسن انفتحت باب السياره ونزل عززه بعيني السيد وكعتي سوده

دافوت ركض وكف بوجهي تبحبح بصوت تقرب عليه بعصبيه
انتي وتاليها وياج ماتكضبين حالج شني ماتخجلين ماتخافين على ابوج من الحجي طالعه بهالليالي شنهو ماتخافين بني ادم شيطان انتي شيطان

ينتر بصوت مبحوح وغادي نار

ااني مو لابسه بوشي
عبدالله- توهكت خايفه لون انتي خايفه ماتطلعين جنت بالسياره ارتب بيها وامسح الداخل لني المحها تطلع وهم الفرخ ثاولها وكفت ببجها وعيونها تلمع بهالكمريه شنهو عيونها اسود مشخط برمادي عيون بزون بس مدوره خايفه ومنطركه

انن شفتج مره لاخ بليل طالعه لاتشوفين شي ماصاير انتي راده لينا نسبنا انخبطت اي جلمه تمسج وتمس ابوج مستنا لينا

لا اني مطالعه والله بس هو علمود خاف تامله البزونه
طبيت وهو مخنزر وسديت الباب وطبيت بداخل البيت و طببت الفروخ لقفصهم بقيت اباوع من زروف الخوص شفته يتمشى بطرمتهم وكعد بالحديقه عيونه عالسما كعد عالكرسي وبده يجود قران بصوت خافت كمل اني حكتني رجلي من الحشيش نصيت شوي صارت خرخشه من سياج الخوص التفت راسن اذانه اذان ذيب موهيج جمدت بس حس بيه عكد حاجبه ورجع كمل طريقه لداخل البيت وكلسا يلتفت عالسياج
طبيت وتمددت بالهول اكلب تلفزيون صار الفجر كعدت خاله باوعتلي
هاه كاعده فروحه

مكدرت انام خاله
ليش يمه سمله عليج خاف مغثوثه
لا والله بس نمت الضهر
ياله جا تهيري مانروح لصويحبج السليل
هاه لاماريد
يا مليتي من وكت فروحه
لا خاله اتمنى اروح واشوفه بس صارت شغله واخاف اطلع وعيب بعد
ياخافظ شني اللي صاير
تحجي وتلف بحجابها
خاله من الكتاكيت جبتيهن من بيتكم الصغار
ياهن هذن انه ماجبت
لا بس اكو سبعه غير ملاتي حتى اصغر
هااه هاي اخوي طرشهن لن الشاهين كلاه دنفشج امس
عزه شكد عيب باعي خاله اني بالباب والقران طلعت بس داجيب الكتكوت ووشافتي رزلني كال تجيبين حجايه لابوج

عهههه على هاي لا يهمج اخوي طيب بس مايتحمل حجايه تمس ابوج لنه راجع له وان انهد بيج فهاي لاجل سمعتج حبيبه
هسه اني شمسويتله هلكد يكرهني
لا مايكرهج ماعده شي وياج امشينا ياله النوك تتاني حبيبه

اوك زين اذا ترزلت

اه تترزلين وفاطم وياج ما بالحيف امشي ولج امشي
اوك
طلعت راسن لبست البوشي ملبست جواريب هالمره خلخالي والحنه وحتى اضافري مال رجلي مصبغتها لان مو نضيفه. ببالي الدنيا ضلمه محد يشوف طلعنا جنت متلهفه اكثر من قبل يومين وابو عوف كالعاده وصلنا وي ام عوف وهالمره صارت اسهل وكلت السليل وغسلته وخاله تباوعلي مبتسمه من كملنا دنطلع عاطت بيه ام عوف

هاي شنني مالابسه جواريب ورجليج بيضه النوب حنه ومصبغه ماتستحين معيب عليج

خاله الدنيا ضلمه
بريسم- ام عوف هديها انه احاجيها بالبيت مالج خص
علويه مايصير فتحت الباب بريسم وام عوف تحجي باوعت لخوها بالباب يبووووو عاليوم ضوه اللايت النا حتى نشوف دربنا وجهه عالكاع وام عوف ترطن

فردن يوم شفتي وحيده مننه مطلعه غدمها تتمختر بي عيب عليج والنوب مصبغته شني انتي من بنيه يعين الله ابيح عليج حبوبتج ماتت من ضيمج ووكاحتج
التفت السيد عاكد حاجبه ونصه عالكاع. واللايا بيدع يضوي رفع راسه خزرني ضميت رحلي نزلت الجبه ووكفت وره خاله

جر نفس وكال بين سنونه
اسسستغفررك ربي واسالللك التوربه استفرك ربي واسالك التوبه

لزمت زند بريسم همست

امشينا لاتخافين ووباجر وعكبو لاتطلعين وياي
مشيت وراها وهو الطريق كله يستغفر بعد مندار علينا واني متت خوف طبيت للبيت وره بريسم كال بنتره

هاذي اذا طلعت وياج المراح عكب لا احرمج انتي همات منهن
يحجي وي خالتي بعصبيه نار نترت بي

مارريد هي حيوانات عبالك كاتله روحي عليهن هي ريحتها جايفه حجيتها وبجيت حبس حبس خوماحبس اباوعله تقدم ديريد يجيني وعيونه حتطلع وخاله لزمته من صدره تدفعه
روح خويه تريك روح انه احاجيها

طبيت للبيت متت بجي من الخوف مدري شون جاوبته شوي وطبت ورايه خاله محجت شي ابد سبحت وطلعت بس متت بجي بالحمام كلسا وداكه الباب

طلعي يمه مايصير تبجين ببيت الراحه مزين على عافيتج
اطلعي احاجيج يا شجاج فروحه مو جاي اكلج طلعي
طلعت ابتسمت من شافتني ومسحت وجهي
انه اعرف اليبحي وجهه ينكلب ما يحلو زياده يبعد امج لا تبجين حبيبه هاي هي مولازم لا تجين خله يولي المراح

خاله موقصدي والله بس ماعدي غير شي اتونس بي

ماعليج يبعد خالتج انه احاجي
سكتت ورحعت طبيت للحمام غسلت وجهي وهم لزمتني العبره صرت نار شلت مالته الغتره السوده وشمرتها بالكاع شكد حقيير من اباوع وكعت بحوض القاصر خاله قاصره الهدوم البيض شلتها راسن طكعت ابيض عزززه بعيني عزززه شوون --١--
عذروني تاخرت نت مجان عدي

مريم السعدي