الفصل الخامس

رواية الوداع الصامت الجزء الخامس 5 بقلم ريمي الوداع الصامترواية الوداع الصامت الحلقة الخامسة مكنش فيه أي رد من ايميليا ..وكاميليا كانت مش مستوعبة أي حاجة ..لحد ماجاتلها لحظة إدراك إنها مش بتصحى !! صرخت : _ياجماااعة حد يلحقني ايميليا مش بتصحى !!! ~~~~~~~~ كاميليا : صرخت وأنا بحاول أفوق إيميليا يمكن يكون مقلب من مقالبها السخيفة ..بس لا ..وشها شاحب وايدها باردة ونفسها عميق كأنها متقدرش تاخده بانتظام . محدش سمعني ..معقول

مفيش حد في البيت : _ايميليا أرجوك اصحي ..ارجوكي مش بعد السنين كلها تتركيني ، أنا مصدقتش اجتمعنا أرجوكي قومي . وأخيرا اتفتح باب أوضتي بقوة ودخلت ماما وخالتو نسمة . = حصل إيه مالها إيميليا. دي كانت جملة ماما ..أما خالتو نسمة ركضت لإيميليا وبدأت تحاول تفوقها : ^ إيميليا بنتي ..يلهويي ده هبوط في السكر !! ألحقي روحي فوقي تميم خليه يجي بسرعة ناخدها للمستشفى!! صدمة ..ورا صدمة بتضربني !! هبوط سكر …من إيمتى بيحصل معاها كده ؟!

دي أول مرة ؟ هزتني ماما : = اتحركي ياكاميليا واقفة كده ليه البنت بتروح من ايدنا .. تركت ماما و أنا مش شايفة قدامي من دموعي و روحت لأوضة تميم في شقتهم القديمة ! _تميم ، محمد اصحو بسرعة ايميليا مش بتصحى ! قامو كلهم وجريو لغرفتي …تميم شاف ايميليا وتأكد إن ده هبوط سكر ..حملها ونزلها للعربية و وراه كانت ماما وخالتو نسمة وخالتو ليلى اللي جت بعد ماسمعت صوت عياطي عشان كانت عالسطح . كنت نازلة بس منعني محمد : = إنتي رايحة فين.

_ابعد أنا مش هترك ايميليا لوحدها . = ياحببتي اهدي اهدي ..روحي غيري لبسك و .. قاطعته ونزلت جري .. = ياكاميليا اهدي بالله عليكي .. وقفت بعد ماوصلت قدام العمارة .. إيه ده هما راحو ؟ _راحت يا محمد راحت ..أنا عايزة روح معاهم أرجوك مش هينفع أتركها لوحدها في موقف زي ده .. = اهدي يانور عيني اهدي ..تعالي معايا هنروح بعربيتي وراهم وناخد مريم وحسن أخوها يلا . _رن على أخويا ..انا معرفش هو فين ؟!

= أخوكي دلوقتي أكيد في القسم ..وهيكون مشغول بالقضية الجديدة ..هنرن عليه بعد مانتطمن عليها ، عشان ميقلقش ! _تمام بس بسرعة أرجوك . ~~~~~~~~~~~~~~~~~~ دلوقتي أنا في المستشفى وتحديداً قُدام أوضة إيميليا ..، الدكاترة رايحين جايين في الممر …ضغطي هينزل شوية كمان من التوتر .

ماما وليلى قاعدين بيهدو خالتو نسمة ..تميم رايح جاي في الطرقة وقلبه في رجليه … حسن الصغير بيعيط .. هو آه عنده عشر سنين ..بس بالموقف ده رجع وكأنه طفل عنده خمس سنين مضيع مامته .. أنا عارفة قد إيه علاقته بإيميليا قوية ..يعتبر هيي اللي ربته !! وأختي مريم كمان بتهديه ..ياعيني عليها مش عارفة تروح فين ولافين ! محمد ماسك ايدي وبيهديني .. لأني لحد دلوقتي مش مستوعبة اللي حصل … هيي ليه خبت عليا مرض زي ده ؟!

دموعي بتنزل بسرعة …وكأنها خايفة إذا وقفت تروح منها ايميليا ..، شوية والدكتورة المسؤولة عن خالتها خرجت : ” فين أهل المريضة ؟! جرينا كلنا لعندها …وتميم كان أول واحد : ^ أنا أخوها…ممكن أعرف حصلها إيه ؟ ” للأسف هيي دخلت في غيبوبة سكر خطيرة ..وده سبب فقدانها لوعيها ..بس الحمدلله قدرنا نتخطاها بإننا ركّبنا لها ماسك الأكسجين وعلّقنا لها محلول إنسولين عشان يظبط السكر ويرجع التوازن لجسمها تاني . صدمة تالتة بالنسبة ليا ؟!

غيبوبة… وخطيرة كمان ..اسوّدت الدنيا بعيني ..ومبقتش واعية على أي حاجة ..آخر حاجة أدركتها هي صرخة محمد بأسمي…وبعدها رحت في عالم تاني! ~~~~~~~~~~~~~ محمد : كُنا واقفين كلنا حول الدكتورة وهيي بتشرح حالة ايميليا ..بس بعد ماقالت إنها دخلت في غيبوبة سكر ..كاميليا فقدت توازنها تقريباً ..جريت بسرعة وشلتها .. كنا بوحدة صارو تنتين ..ليه ياربي هو إحنا ناقصين رعب زيادة. قولت لتميم .: تابع إنت مع الدكتورة وأنا هبقى مع كاميليا !

_تمام .خد بالك منها .. ندهت للمرضى اللي كانت في الممر وأخدنا كاميليا لأوضة عادية عشان الفحوصات . ~~~~~~~~~~~~~~~~ عند تميم : ^ طب هيي كويسة يادكتورة .؟! ” الحمدلله حالتها مستقرة دلوقتي . ^ ممكن ندخل نشوفها ؟! ” لاء حالياً لساها نايمة ..يمكن تصحى بعد ساعتين أو تلاتة ..عموماً هيي شكلها نست تاخد الدوا ..معقول تهمل صحتها بالشكل ده ؟! ^ غريب ..ايميليا عمرها مانست تاخد أدويتها ..دي حتى كانت حاطتلهم منبه عشان متنساش .

” حصل خير ..المهم ماتخلوهاش تنسى مواعيدها تاني ! ^ حاضر …وشكرا ليكي على اهتمامك بيها ! ” العفو دا واجبي . غادرت الدكتورة وأنا قعدت اطمن أمي ..أخخ يا ايميليا ..معقول تعملي بنفسك كده ؟! بصيت عليها من الشباك …حالتها كسرت قلبي !!

ماسك الاوكسجين على وشها ..والمحاليل في ايدها ..دي تاني مرة يحصل معاها كده …صح أنا فاكر إن أول مرة دخلت في غيبوبة كان عندها 18 سنة… وده لأنها فرحت بنجاح كاميليا من ثانوية عامة ونسيت تاخد الأبرة والدوا بتاعها .. معقول نسيت تاخدها المرة دي ! روحنا عشان نتطمن على كاميليا … جت دكتورة ليها وقالت إنه بسبب التوتر وإنها ما أكلتش حاجة ف ده طبيعي يسبب عندها نزول ضغط .حطتلها محلول وقالت :هتصحى بس يخلص المحلول .

شكرناها للمرة اللي ماعرفش عددها ..لأن خالتو ليان كانت خايفة على كاميليا بشكل كبير ..طبيعي دي رفيقتها قبل ماتكون بنتها الكبيرة !! مرت ساعتين رنينا على بابا وحسن أخوها لكاميليا وباباه .. كانو خايفين جداً على البنات .! خلص المحلول وصحت كاميليا ،اتطمنا عليها وكلو زي الفل …بس صحت وكأنها أخدت جرعة عناد مش محلول طبي !! _وأنا قولت عايزة أشوفها دلوقتي .

ردت عليها مامتها : = يابنتي والله لسا ماصحتش وأنتي مأكلتيش حاجة لازم تاكلي وبعدها تروحي ! _طيب وأنا قولتلك ياماما مش عايزة آكل بدونها ..يلا خدوني لعندها هتصحى بس تسمع صوتي ! اتدخل باباها : ^ ياكرميلتي إهدي ..مش عايزينك تضعفي تاني ..كلي لقمتين كده وبعدها أنا هأخدك بإيدي .. قالت بعد مارجعتلها دموعها: _يا بابا أرجوك افهمني ..أنا مش عايزاها تصحى وتلاقي نفسها وحيدة..كفاية عليها عشر سنين وأنا معرفش حاجة عن مرضها !

^ طيب حاضر ..استني شوية هخلي حسن يكلم الدكاترة ونشوف اذا بيسمحولك تروحي !! _شكرا يابابا يا عسل . ^ وعلى إيه ..دا أنتي عنادك يكسر جبل !! ~~~~~~~~~~~~~ بالفعل راح حسن و كلّم الدكاترة ..وبعد جدال طويل سمحو لشخص واحد بس يدخل الاوضة ..كانت كاميليا هتدخل ..بس انتبهت قد إيه ماما قلقانة على ايميليا . وكأن كوكي غيّرت رأيها : _خالتو نسمة إي رأيك تدخلي الأول ؟

^ لا يابنتي ..انا مش هقدر اشوفها دلوقتي …هضعف بسرعة ويمكن يُغمى عليا ..هدخل بس تصحى ! شوفيها إنتي وطمنيها قوليلها إننا كلنا برا ! _حاضر ياخالتو . ~~~~~~~~~~~~~~~ كاميليا : فتحت الباب بشويش ..كأني حرامي داخل يسرق … التوتر ألف، والخوف مليون .. دخلت ولقيتها على السرير ..وشها بقا أحسن من اللي كان عليه الصبح ..وماسك الاوكسجين اتشال عنها ..الحمدُلله قربت ومسكت إيدها وبدأت أكلمها :

_ياقلبي عليكي يا ميلو …كده تقلقيني عليكي ياروحي..؟! أنا والله مقدرش أعيش من غيرك ..أنا كنت بكذب طول العشر السنين وأنا بقول إنك مش مهمة ..بس الحقيقة أنا كنت بتابعك بصمت ..زيك كده ..أنا عارفة إنك بتتابعيني من حساب وهمي وإسمه كومي ..فاكراني غبية ومش هلاحظ… ده اختصار اسمنا : كوكي وميلو = كومي ..كانو ينادولنا كده وإحنا صُغيرين ! ابتسامة حزينة ارتسمت على وشي للذكرى الجميلة دي ..وكلمت :

_ايميليا أرجوكي إصحي ..مش إحنا قولنا هنروح الملاهي ..؟! تعرفي …أنا كمان كُنت بتابعك بصمت من حساب ماما ..وقت كانت هيي تنام كُنت أدخل وأشوف ستورياتك والبوستات العسل اللي بتنزليهم …وخاصة الخواطر اللي إنتي بتكتبيها ..ده انتي طلعتي شاطرة يابت وبتكتبي خواطر تحفة بجد ..وأحلى وحدة كتبتيها هيي عن العيون الخُضر …أنا حفظتها من حلاوتها ..والله هسمعهالك عشان تتأكدي ! عيناكِ الخضراء قتلتني .. أصابتني بسهام الحبِّ وأوقعتني ..

لا أدري ما أصابني ..؟ او مالذي حلّ بي ؟؟ لم أنسى لمعتها الساحرة وبرائتها اللطيفة كلُّ مايهمُني الآن هو جمالها تلاشت حروفي أمام هذا الجمال ♡ ف سبحان من خلق هذا الابداع ..♡ أنا بجد أُعجبت بيها جداً..تعرفي لو كنت ولد كُنت هكرّش عليكي …معاه حق حسن يحبك ..ده بيعشقك مش بس بيحبك! = إيه.. بيحبني ؟! ( صوتها طلع مهزوز ومفاجئ ) _أنتي تركتي كل الكلام اللي قولته وركزتي على حسن ؟! ..لحظة إنتي صحيتي ..إنتي كويسة ؟ عاوزة حاجة ؟

أناديلك الدكتورة ؟! = لا لا أنا كويسة الحمدلله..اقعدي وكملي كلامك ! _أممم ..أنا كُنت بقولك إيه ….معرفش نسيت ( قُلتها بخباثة كده ) = كُنتي بتقولي خاطرة من بتوعي ..إنتي حفظتيها ازاي ؟! _اممم ..انسي دلوقتي .. بعدها كملت بنبرة مستائة : _ليه ماقولتليش من قبل عن موضوع السكر ده ؟! = آآ ..بصراحة مجتش الفرصة ..ثم إحنا مش منتكلم بقالنا عشر سنين .. _من إيمتى ؟! = إيه هوا ؟! _من إيمتى بدأ المرض ده ؟! = بعد خناقتنا !! _إيييه ؟!

..شهقة طويلة طلعت مني وأنا مش مستوعبة ..يعني أنا السبب في اللي حصلها زمان ؟! = إهدي إهدي ..أنا عارفة إنتي بتفكري ف إيه ..بس متقلقيش مش إنتي السبب …ده قدري وأنا راضية والله ! _محمد يعرف ؟! = أيوه ! _وأنا الوحيدة اللي معرفش ؟! = ما إنتي كنتي بترفضي تسمعي أخباري !! _أنا آسفة أوي …أنا آسفة يا إيميليا …سخافتي وأنا صغيرة هيي اللي وصلتني ل كده ..مكنش ينفع أخاصمك عشان سبب تافه ..وأصدق البت الصفرا حلا !!

= إهدي إهدي …أنا اللي آسفة عشان معرفش حلا إيه اللي عرفها ..بعدين ياستي أنا مقدرة وضعك وقتها والله …أنا لسا فاكرة كاميليا اللي عندها 12 سنة ..فقدت ثقتها من الكل ومبقاش عندها إلا صاحبة واحدة ..واللي هيي إيميليا ..بس وقت اللي سمعتي حلا وهيي بتكذب صدمتك كانت أكبر من وعيك ومقدرتيش تميزي الصح من الغلط ..عشان كده أنا مسمحاكي ..وقاعدة معاكي دلوقتي ومش هتركك !! _إنتي كنتي أغلى صاحبة عندي ..ولحد دلوقتي أغلاهم وأجملهم كمان !

= أنا هغتر بنفسي هاا . _عادي..تستاهلي ياميلوو ! اتفتح الباب فجأة ودخل تميم بسرعة ..، وجري لإيميليا وأخدها فحضنه ! قال : ^ إنتي صاحية من إيمتى ..؟ إيميليا: = من شوية كده ! تدخلت أنا : _صحيت وقت قُلتلها إن … = آآآه .. قاطعت ايميليا كلامي بتآوه .قام تميم وسألها : ^ حصلك إيه ..خلاص هنادي الدكتورة عشان نتطمن عليكي وماما والكل قلقان عليكي كمان ..

بصيت عليها لقيتها بتبص عليا بنظرات وعيد ..إيه ده هيي مش تعبانة هيي قالت كده عشان ما أكشفها ..البت دي محتالة والله !! = بتبصي كده ليه يا كوكي ؟! ( قالتها بتوتر أنا حفظاها ! _ولاحاجة ياميلو إرتاحي إنتي وحسابنا في البيت ياحببتي !! جت الدكتورة ومعاها عائلتنا الكريمة اتطمنو كلهم على إيميليا وبدأو يسألو الدكتورة أسئلة وكأنها في امتحان …أنا أشفقت على الدكتورة والله !!

خرجت برا الأوضة عشان أجيب أكل لإيميليا … بس وأنا ماشية في الممر ..شوفت … ~~~~~~~~~~~~~~~~~~~~~~