الفصل الرابع

رواية الوداع الصامت الجزء الرابع 4 بقلم ريمي الوداع الصامترواية الوداع الصامت الحلقة الرابعة = إنت فاكر اليوم اللي غابت فيه إيميليا عن المدرسة ؟! _أيوه . = في اليوم ده أنا فضلت لوحدي …خفت عليها جامد… قولت يمكن مريضة وهبقى أتطمن عليها بعد المدرسة .. سكت شوية وأنا بفتكر اللي حصل : Flash Back : كانت كاميليا قاعدة لوحدها في الفصل لأن جرس الاستراحة رن ،بعدها جت حلا ومعاها الشلة بتاعتها : حلا :

_كاميليا…..تعرفي إن إيميليا رنت عليا الليلة الماضية وقالتلي إنها مش هتحضر. كاميليا : = بجد ؟ ..بس هيا مقالتليش . _آه والله ..إي رأيك تجي معانا ؟ = بس … _بس إيه ..تعالي هنلعب مع بنات الفصل التاني ..وعددنا قليل أكيد مش هتخلينا نخسر ؟! = لاء خالص يلا بينا .

كانو البنات بيجرو ورا بعض بلعبة الصياد والفريسة ، الدور كان على كاميليا و7بنات إنهم فريسة ..وحلا و5بنات كمان كانو الصيادين .لكن حلا عملت نفسها فريسة وخدعت كاميليا عشان تنفذ خطتها الخبيثة بالنسبة لسنها ! و اتفقت مع بنت من الفصل التاني إنها تفضل تجري ورا كاميليا وماتسبهاش لوحدها ! كانت كاميليا بتجري والبنت بتجري وراها مبعدتش ..سمعت حلا بتناديلها عشان تنقذها بما إنها فاكراها فريسة زيها .. وقفت كاميليا بجانب حلا…

قالت حلا : _ستوووب يابنات ..تعالو عندي مفاجأة ليكو . اجتمعو البنات حولها: حلا : _تلاتة اتنين واحد .. اجتمعت شلة حلا حول كاميليا وكتفوها ..حاولت كاميليا تصارخ بس وحدة منهم حطت إيدها على بُقها عشان تسكت . حلا : _اسكتي واتكتمي خالص وإلا هنادي المديرة تعاقبك وإنتي عارفاني كويس . هِنا التزمت كاميليا الصمت عشان شخصيتها كانت ضعيفة وثقتها بنفسها مهزوزة، بس فضلت تقاوم عشان تفلت منهم . حلا :

_يابنات ..عارفين ايميليا صاحبتها الوحيدة وبت خالتها قالت إيه …قالت إن كاميليا وحش وهتفضل طول عمرها وحش ! هيا قالتلي مبارح سر لبس كاميليا المغلق ! والدليل أهو . سحبت حلا جاكيت كاميليا وشالت اللفحة اللي كانت مدارية بيها رقبتها ، وبعدها دفعتها علىالأرض ..بانت البقع على إيدها ورقبتها .. الكل ضحك ..وحتى الأولاد اللي كانو بيلعبو كورة انتبهو للموقت وبدأو يضحكو ..

الكل اتوقع كاميليا تعيط أو تنهار ..بس هيا قامت وقفت مكانتش مصدومة من حلا ..بقدر صدمتها من صاحبة عمرها! يعني عشان كده مجاتش اليوم ؟؟ غابت عشان فضحت سرها الوحيد !! ….بدأ الطلاب كلهم يضحكو ويقولو عليها ألقاب مش كويسة …بس هيي بعالم تاني خالص . هيا متأكدة إنها سمعت صوت ارتطام على الأرض …هل كان الصوت قلبها اللي انكسر …ولا شظايا ثقتها بإيميليا ؟!

كملت اليوم بهدوئها والكل مستغربها . كتمت بقلبها العياط الصراخ ..وده كان شيء سيء جداً عشان صحتها النفسية ! .ورجعت البيت وطلبت النقل من المدرسة ورفضت تشوف إيميليا أو تسمعها خالص ! ومن اليوم ده وهيّا مبتوثقش بحد ولا كونت صداقات ..وفضلت بس مع محمد وأخوها حسن ومريم الصغيرة ! ~~~~~~~~~~~~~ استغفر الله العظيم وأتوب إليه..♡ Back: = ومن يومها وأنا مقدرتش أسامحها ! حسن : _يااه يا كاميليا ..إنتي مخبية كل ده ؟!

ليه ماعيطتي ليه ماعاتبتي او صرختي ؟! كده تخبي جواكي كل هالسنين دول ! = أعمل إيه أنت فاكر إيه اللي حصل واللي خلاني أضطر وأروح للدكتورة النفسية . _أيوه فاكر وإن كنتي فاكرة أنا عملتله علقة مرتبة و وديته القسم ! ضحكت كاميليا وهيي بتفتكر اي اللي حصل وهيي بعمر ال 19 : Flash Back: كان في شاب معجب ب كاميليا وكانت أول سنة في الجامعة ..وهو كان سنة تالتة : حاول يكلمها أكتر من مرة بس هيي ترفض حتى آخر مرة :

_آنسة كاميليا أرجوكي استني !! = في إيه يا أحمد ..قولتلك مبتكلمش مع حد ! _بس استني لحظة ..انا هقولك حاجة وأنتي احكمي في النهاية ! = طيب بس بسرعة عشان متأخرش ! _حاضر ..أنا معجب بيكي من أول يوم شفتك فيه ..وعاوز اتعرف عليكي ! عصبت كاميليا وضربته بالقلم ! = إنت انسان متربتش وقولتلك مش بتعرف .واللي عايز حد يدق بابه ! مش بكلمه بالسر وراحت …. أحمد اتعصب لأنها ضربته وسط طلاب كتير واتوعدلها ..

بعد باسبوع جا وكلّم باباها وأخوها حسن وقلهم إنه معجب بيها وإنها كبرت في عينه بعد الموقف ده وعايز يتعرف عليها في الحلال . اتخطبو ..وقال لأهلها إنه وحيد ومعندوش إلا أخته ..سأل عنه والد كاميلياوالناس قالو إنه كويس ومفيش زيه ! … وفضلو سنة وهما مخطوبين ..هيي حبته وتعلقت بيه. .أما هو كان هدفه ينتقم لكرامته اللي راحت . في شهر حزيران رنت عليه كاميليا أكتر من مرة بس كان يكنسل وتبعتلو مسجات بس ماكنش يرد !

مر تلات أيام وهيي مش بتشوفه في الجامعة ولا بيرد عليها قلقت عليه جامد..وحتى أخته مردتش عليها . …….بس في اليوم التالت كانت في كافتيريا الجامعة ووراها قاعدين تلات بنات وشكلهم مش منتبهين لوجود كاميليا ! _تفتكرو يابنات أحمد عمل كده ليه ؟! _ردت واحدة منهم : _معرفش ..بس أحمد معروف بحركاته ..وهو قال إنها رفضت تتعرف عليه قال يكسر غرورها ! _معكو حق البت كاميليا شايفة نفسها ومبتكلمش حد في الجامعة ..حتى إنها مصاحبتش حد !!

لفت كاميليا ليهم : = أنتو بتتكلمو عن إيه ؟! اتوترت بنتين بس التالتة ردت بكل وقاحة : _منتكلم عن زواج أحمد ..إنتي متعرفيش ؟؟ يحرام تلاقيه اتسلى بيكي شوية بعديها قال يجرب حد غيرك ! أأقولك عنوانه الجديد ؟ اتكلمت كاميليا بنبرة مهزوزة = أيوه ياريت . تركتهم كاميليا وراحت للعنوان.. .خبطت عالباب واللي فتحلها كان أحمد : واللي اتكلم بنبرة مهزوزة شوية : _أهلا كرميلتي ..إزيك مردتش ..لطشته بالقلم بكل قوتها !

عيونها فيها دموع بس كبريائها منعها تنزلهم ! ..ومع ذلك قررت تعاتبه يمكن تلاقي عذر مناسب ليه …لأنها وبكل بساطة حبته ! = إنت إنسان زبالة !! تهملني لأيام أجي وألاقيك متزوج ؟؟! _إنتي ازاي تمدي إيدك عليا ؟! شدها من شعرها وكان عايز يضربها بس هيي قدرت تبعده : = يعني إنت متزوج ؟؟ الكلام اللي سمعته صح؟ _آه صح ..وملكيش دعوة بيا تاني !! = طب قولي إيه السبب اللي يخليك تعمل فيا كده ؟! ..عملتلك إيه غير إني حبيتك !!

_بس أنا عمري ماحبيتك ! ولا أعجبت بيكي ولانيلة !! هِنا اتكسر قلبها للمرة التانية من شخص كانت واثقة فيه لدرجة إنها تعطيه روحها وبدون تفكير ! = كل كلامك ليا ؟ نظراتك ؟؟ واللمعة اللي كنت شوفها كانت كذبة ؟! ..طب ليه ؟ _أيوه كذبة …أنتي مصدقة نفسك بجد ؟! أنتي ماتتحبيش خالص ..أصلا معرفش إزاي استحملتك واستحملت مياعتك السنة دي ! فجأة جات صبية حلوة وهيي بتنادي أحمد بمياعة : حلا : _مين ياحبيبي اللي عالباب. كاميليا : = حلا ؟!

حلا : _إيه دا كاميليا ؟ دا انتي تغيرتي ؟! بقيتي انسانة ولأول مرة . أحمد : _أعرفك حلا زوجتي الجديدة والغالية !! ..حلا دي كاميليا البت اللي حكيتلك عليها ! حلا : _أد إيه الدنيا صغيرة ياكوكو أهو اجتمعنا بعد سبع سنين ! معقول ماوحشتكيش ؟! ردت كاميليا بسخرية : = لا للأسف . أحمد : _أنتي تعرفيها ياحببتي .؟ حلا : _أيوه ياقلبي دي كاميليا البت الوحش كانت معايا في ابتدائي .

كاميليا : = تعرفي ياحلا. .اكتشفت دلوقتي إن الزبالة على أشكالها تقع ..فعلاً أنتو تستاهلو بعض عشان كل واحد أخبث من التاني …. وتركتهم وركبت عربيتها وخرجت ! راحت لأخوها ووالدها مكسورة الخاطر ..بس ماعيطتش ولاصرخت …وكتمت كل الحزن جوها ! وحسن عمله علقة مرتبة لأحمد عشان مهانتش عليه أخته ولاقدر يتركها !

و قدّم بلاغ عليه كمان لأنه اتهجم على كاميليا وعشان قدر يثبت إنه اتضحك على أكثر من بنت وفي بعضهم هددهن وخلاهم يدفعو فلوس مقابل مسح محادثتهم ! Back ~~~~~~~~~~~~~ لا إله إلا أنت سبحانك إني كنت من الظالمين : = وقتها كُنت صغيرة وأتضحك عليا بسببه ..فاكر لما كنت أصحى بالليل وأقلق ومعرفش أرجع أنام !! كنت أبكي لوحدي وبدون سبب …والست ليان اقترحت إني أشوف دكتورة نفسية عالأقل يخف قلقي . _صح فاكر ..بس إنتي بعدها ماتابعتيش ليه ؟!

= عشان حسيت نفسي اتخطيت الزفت اللي اسمه أحمد..واساساً أنا ماخبرتش الدكتورة عن قصتي مع إيميليا. _ليه يابنتي ؟! كان المفروض تقوليلها على كل شيء زاعجك عشان تبقي كويسة ! = عارفة ..بس مقدرتش أقول ….خذلاني من إيميليا كان أكبر مني بكتير !! ولأني كُنت صغيرة ..فضلت غصة عالقة فيّا .. كُنت ضعيفة ، تفتكر أنا غلطت ؟ حسن : _غلطتي بإيه بالضبط ؟ = تقصد إيه ؟؟ يعني أنا دايما بغلط ؟ ( قالتها كاميليا لتخفف الجو )

_لاء مقصدتش كدا ياحببتي ..إنتي غلطتي إنك ماتكلمتيش مع الدكتورة بموضوع إيميليا .. وغلطتي كمان لأنك ماعطيتيش إيميليا تشرح أو توضح موقفها! = بموضوع الدكتورة معاك حق ..بس إيميليا ..أنا معرفش صدمتي منها كانت أكبر من عمري …ومعرفتش أتصرف ولا أتكلم. حسن : _خلاص اهدي …هنطلع ونقعد كلنا سوا وهتسمعيها للآخر ..معقول ماوحشتك ؟ كاميليا = وحشتني أوي .

فجأة انفتح الباب ودخلت ايميليا وهيي تجري وحضنت كاميليا وقعدو يعيطو و وراها كان تميم ومحمد لأن اتفقت مع تميم إني هرن عليه وقت تبدأ كاميليا تتكلم ويخلي ايميليا تسمع الكلام اللي هيتقال : قالت ايميليا وسط عياطها :

_وأنتي وحشتيني أوي …حقك عليا يا نور عيني ..حقك عليّا يا كوكي ..والله مكنتش أعرف إنها عملت كده ..والله معرفش إن حصلك كل ده ..أرجوكي سامحيني ياوتيني أنتي . والله مقولتش كده ..والله أنا بحلفلك ومستعدة اعملك أي شي عشان تصدقيني ..إنت معقول تصدقيها وتكذبيني ..تكذبي أختك ياكوكي ..والله أما مقدرش على زعلك حتى أقدر على فراقك . كاميليا مانطقتش بحرف …بس فضلت حضناها وبيعيطو سوا. هديو شوية ..بعديها اتطلعو

ببعض وانفجرو بالضحك : خلاص المجانين اجتمعو من تاني والروح ردت لشلتنا !! بقيت أنا وتميم ومحمد واقفين وعلى ملامحنا الاستغراب ؟ يعني من شوية كانو يبكو دلوقتي بيضحكو ؟! قالت ايميليا : _كرميلتي ..أرجوكي اسمعيني للآخر وأنا هفهمك كل حاجة ..أنا مقدرش على فراقك أكتر من كده . = ولا أنا ياميلو ..والله قناع البرود تقيل عليا قُدامك ..خلاص اتكلمي وأنا هفضل ساكتة.

_ماشي … قبل اليوم اللي غبت فيه حلا كلمتني وقالتلي إنها عايزة الواجب عشان ابعته ليها ..، قلتلها إني مش هقدر أجي بكرا وإني تعبانة جدا ..وقالتلي عادي…وصيتها عليكي وقلتلها انتبهي على كاميليا لإنها مبتحبش تختلط بحد …وقالت من عنيا ، كنت عارفة إنها مش بتحبك أوي ..بس قولت يمكن يلين قلبها …متوقعتهاش بالحقد والوحشية دي . كاميليا : =ليه ماقولتيلي قبل؟!

_عشان عرفت دلوقتي ..وقت حكيتي لحسن الموقف أنا كنت سامعاكي وقلبي بيحترق عشانك ..أنا آسفة جداً …وحكاية المعفن أحمد عرفتها النهاردة ..أنا محمد قلي إن كل شيء قسمة ونصيب وإنكم افترقتو برضاكي ..مكنتش أعرف إنه كلب للدرجادي ! كاميليا : _لاء لو سمحتي مسمحلكيش تقولي كلب ! الكل استغرب ..ازاي تقول كاميليا كده ..لكنها تابعت : _عشان الكلب وفي وهيزعل وقت تشبهيه بأحمد المعفن !!

قعدنا نضحك كلنا لغاية عيونا دمعت …حضنو بعض تاني وعيونهم بتضحك لوحدها …وإحنا الشباب فرحانين أوي لسعادتهم …موقف بسيط زي كده عمل فجوة بينهم كبيرة ..ورفضهم للتفاهم هو اللي خلا المشكلة تكبر . اتكلم محمد : ” ما خلاص بقا ياجماعة أنا جُعت وعايز آكل السناكات بسرعة تميم : ^ معاك حق يلا تعالو كلكو نسترجع ذكرياتنا أيام زمان . ~~~~~~~~~~~~~~~~~ استغفر الله العظيم وأتوب إليه كاميليا:

قد إيه فرحت إننا تصالحنا …مشكلة بقالها عشر سنين ..اتحلت بعد نص ساعة فضفضة وخمس دقايق عناق … طلعنا للسطح وأنا ماسكة إيدها ..وكأننا طفلتين عندهم 10 سنين مش 23 ؟! قعدنا وبدأنا نتكلم ونسترجع ذكرياتنا : بدأت أنا : _محمد فاكر لما كنتم جايين لعندنا زيارة وقولت إنك هتنام في أوضة حسن ؟! = لاء بلاش الذكرى دي ياكاميليا أرجووكي . قال تميم : ” ماترديش عليه ..كفاية هو فضحني من شوية ..قولي ومتخافيش أنا بحميك منه.

محمد : = لا ياجدع .؟! مين عض دكتور الاسنان وقت كان عنده تسوس يا ابو ريالة . ضحكنا كلنا عالتعبير اللي محمد قاله ..وأنا خطفت نظرة لإيميليا لقيتها بتبص عليا كمان ..ابتسمت ليها بهدوء ..وكملت كلامي : _خلاص إنت وهو ..أنا هقول عشان ايميليا مكانتش موجودة وقت المقلب ده. كاميليا : ^ أيوه أيوه ياريت . _بعد بسنة من سفركم خالتي ليلى جات لعندنا ومعاها قلبوظ ده و ..

قاطعني محمد : = أنا قلبوظ يا حلوة ..مش هقول لقب تاني هااا ..أنا مش زيك .. ضحكت عليه وكملت : _يعني أعمل إيه أنت كنت مربرب كده وشكلك مستدير ..بس كنت حلو وجميل متقلقش ! = أيوه كده ..أنا عارف إني جميل ولحد دلوقتي البنات بيجرو ورايى . حسن : ” أيوه لدرجة إن البنات مش لاقيين مكان يوقفو فيه من الزحمة وراك . ضحكنا للمرة المليون …شايفين قد إيه اللمة حلوة !!

_طب خلووني أكمل …المهم قلبوظ ده عمل نفسه شجاع وقال هينام أوضة حسن لوحده وإنه مش عايز حسن ينام معاه. قومت اتفقت مع حسن إننا نعمل مقلب صغير . = أيوه أيوه صغير لدرجة إني كان قلبي هيوقف ..كملي كملي .

_أيوه صغير ..المهم حطينا ملاية بيضا علينا ..وفوقها قناع كده جبناه من عمو سامي …واتخبيت أنا جوا الخزانة .وحسن وقف خلف الباب …، استنينا محمد حتى يدخل الأوضة وبعدها بدأنا نقول كلام مش مفهوم ..وحسن لأنه كان يعرف يتكلم فرنسية بدأ يقول كلمات باللغة الفرنسية ..هِنا محمد اتخشب من الخوف ..لأن مامتي ومامتو كانو عالسطح وهو لوحده وإحنا فاكرنا معاهم ..

بدأ يتعوذ ويقول آيات من القرآن ..وفي الأخر بعد ما استمرينا بالأصوات قعد يبكي ووقع بالأرض مغمى عليه ! ضحك تميم وبدأ يسخر من محمد : ” لا ياجدع ..بقا حتة أصوات تخليك تموت رعب وتوقع في الأرض كمان …ده أنت كيوت خالص . قال محمد بغيظ : = لا والله ..كان عندي 14 سنة ولوحدي ..طبيعي أخاف إما دلوقتي أنا راجل ومش بخاف . تميم : هنشوف … وبقينا نتكلم عن ذكرياتنا ونفتكر مقالبنا أيام المدرسة وكده ..لحد مابقت الساعة 1 بالليل ! كاميليا :

_يالهووي دي بقت 1 هنصحى إزاي بكرا ؟! حسن : = كاميليا بالله عليكي اسكتي …إنتي معندكيش أي حاجة تعمليها بكرا . أما أنا عندي تحقيق ولازم أروح بدري للقسم يعني أنا اللي لازم أخاف على نفسي من التأخر . بدأ تميم يقلد طريقة المذيع اللي في التلفزيون : ” دي هتبقى معجزة ..خبر عاجل الظابط حسن مراد يتأخر عن مركزه ولأول مرة … حسن بصلّه بغيظ وقال : أنا بنصحك ياتميم تترك إدارة الشركة وروح اشتغل مذيع هتنفع أكتر . ” عارف

( قالها تميم بضحكة بلهاء شبهه) ردت ايميليا : ماخلاص ياجماعة أنا حاسة إنا هنام هنا من التعب ..أنتو لملمو الأغراض ونزلوهم تحت وأنا وكاميليا هنروح ننام . اتكلم محمد بغيظ : = لا والله يعني إنتي والهانم ترتاحو وإحنا لاء ..شايفينا خدم يعني ولا إيه ؟ _تقريبا آه ..ومحدش ليه علاقة بكرميلتي . قال حسن : ^ آها دول شوية وهيتفقو يعجننونا ..ياريتنا ماصالحناهم !

قُلت : اسكت منك ليه ..إحنا نازلين ..أكيد مامتي ومامتكو رجعو وزمانهم نايمين ..هتنام إيميليا بأوضتي الليلة وأنتو نامو بأوضة حسن ! نزلنا وتركناهم يبرطمو براحتهم !! في أوضة كاميليا ..: ( حوار بين ميلو وكوكي ) _ميلوو..أنا بجد عايزة أعتذر منك عن طريقتي معاكي ..وعن تجاهلي طول السنين دول ..أنا بجد مش عارفة اقولك إيه ! = خلاص ياكاميليا ..والله أنا مسمحاكي ومقدرة موقفك ….وأنا أختك يعني هكون معك دايما ؟! ولا مش عايزاني ؟!

_لا مين قال كدا ..اكيد عايزاكي ..ضيعنا من عمرنا عشر سنين ومش هنضيع تاني ..إي رأيك بكرا نروح الملاهي ؟! = موافقة ليه لاء ! ( إيميليا) _إشطا ..خلاص اتفقنا . = اتفقنا ! …تصبحي على جنة كرميلتي . _وأنتي من أهلها ميلوو . ~~~~~~~~~~~~~~~~~~~~ استغفر الله العظيم وأتوب إليه. الساعة 12 الظهر : . _ميلوو أصحيي ..إحنا راحت علينا نومة…. = ….. _ميلوو يلاا كفاية نوم ..نسيتي إننا هنروم الملاهي ولا إيه ؟! = ……

مكنش فيه أي رد من ايميليا ..وكاميليا كانت مش مستوعبة أي حاجة ..لحد ماجاتلها لحظة إدراك إنها مش بتصحى !! صرخت : _ياجماااعة حد يلحقني ايميليا مش بتصحى !!! ~~~~~~~~~~~~~~~~~~~~