رواية الرعناء والأشيب الفصل الثامن والعشرون 28 - بقلم زهراء العراقيه

أنت لا تعرف ما معنى أن يحبّك شخص متعب..شخص رغم مرارة داخله يحاول أن يحبك بكل حلاوة العالم..ويرتب نفسه لأجلك رغم كل الفوضى التي تسكنه .!

طلعت من الحمام مستغربة شو ما متصل ولا جاي عليه لهسة
جانت سما تقرة واميرة يم تمارة اسولف تاركه اطفالها نيام بغرفة ايمن وعلي و اني اطفالي يمنا اصلا اسرتهم بعدها بابا ما قبل تنشال لا همه ولا سريري من اجي خطار لأن رجلي عسكري  ،
- سمسمة شو رائد لهسة ما اجه الساعه ١٢ ؟
ما ردت
-سوسو ولج احجي وياج
-اييه لازم اتقاطعيني دقرة ، اشمدريني
- سوسو شو ما يشيله
جنت ادك عليه
باوعت عليه وكالت
-بوري ما اجه بس اخذتي عجينة السكر مالتي
مدت بوزها عليها
- اي والله رحت جلفت نفسي بنص الليل ع الخالي بلاش عبالي يجي واني بعدني بالحمام
- باجر اشتري الي وحده
- شنو
-عجينة السكر
-خايبة كلي تبن ، وهذا ليش مدا يرد گلبي لعبني لا صاير بيه شي
واخيرا انطتني أهتمامها سما
- لا انشالله ماكو شي
-لج جان ملهوف عليه كال جايج ، وهسة ما يريد و وطول يووه  يربي
بالي وكلني عليه الف فكرة وتخيل اجه ببالي لا مسوي حادث ! لا سطو وبايكه ، لو مفخخة اوووف يربي ،

ظليت الوب وخواتي يصبرن بيه
،
سمعت تليفوني يرن هو ع سرير وجنت كاعده ع الارض شابكه اديه ع ركبي وحاشرة راسي بيهم ،
وخواتي يمي يسولفن مع بعض حتى يخففني عني ، كامت سما جابته
- هذا رائد
طفرت من مكاني كلت الوو والجهاز يدك من الخبصة ما فتحت خط خليت البنات يضحكن عليه
فتحت
- الوو حبيبي وينك
- ها ترة ما اجي نامي
كلمته خوفتني اكثر و اسمع اصوات زلم وهوسة
- شنو صاير شي شكو رائد  انت بخير
- بخير ام هاشم  بس خابروني اهلي ابن خالتي متعارك ، و صايره مشكلة اني بالمخفر ، نامي
- شنو شصار
-بعدين افهم دربالج على نفسج
سد الخط واني على وشك النطق
- ياه وكته هذا ابن خالته ،اووف
سولفت لخواتي كالن ها هي المهم هو بخير ،
راحت اميرة لرضوان مدري اشعدها وياه اجتماعات سرية كلساع ، رجعت ورة نص ساعه ونمنا ، فزيت من الصبح على صوت تليفون يرن ، هذا رائد
- ها حبيبي
-صباح الخير
-صباح النور اشلونك ،
- ايي اكلج نوفة البسي ابسرعه عباتج واطلعي الي اني براس فرعكم
-شنو !
-ما اكدر ادخل اكو سيارات واكفات سادت الطريق وفرعكم ضيق
- اشجابك
- يعني اشجابني عايفتني دايخ بيج ايام يلا تعالي ابسرعه وخلي الاطفال يم اهلج نيام

اشلون صباح حلو الي افز بيه على صوته جانت الساعه سته وبعدها الشمس مطالعه ، يادوب غسلت وجهي ولفيت حجاب و لبست عباتي وطلعت ،
فتحت الباب وكعدت
-اشلونك البارحه شصار
- ساق ابسرعه
-مو مهم حبيبتي ،ترة اطلبج ايام اهواي
- تأمر توتو ،
اجه يوكف السيارة
- ترة  انزلج من الشباك اذا عدتيها

-ههههه توتو
حطيت ايدي على خده دناها لحلكه وباسها
- لا تعيديه
-ليش كلت الي هااا ما بعد عجبني اعاندك يا توتو
- اني لأبنج ما مقتنع مو الي ،
-كلشي مني حلو موو
-كلشي منج صعب
-هااا يلا و مال واحد يدلعك ،،
وصلنا نزلت
-هاج حطي الغراض بالغرفه وياج
اخذت منه جنطته و تليفونه 
رحت لغرفتي ، فتحت شعري جنت لابسه ثوب قطني سمائي فاتح بيتي بيه جيوب ع شكل قلب الحب اثنين ، رن تليفونه ،
شلته ،
مكتوب
ريما
ريما مو حاذف اسمها ؟
اشعدها متصلة بيه ؟
ريما متصلة بيه اليوم وهسة اشمعنا ،
وكال واحنه بالطريق بتت برة مو بالبيت وجنطته توني طلعتها من السيارة ؟
اها
خلصت المكالمة  ، وهو بعد بالتواليت البراني نسيت اكول الكم مريض السكر اهواي يستخدمه ، رجع رن مرة لخ فتحت خط
-عفية رائد تعالي ابسرعه ،
سديته بوجهه  طلعت لبرة هو دخل بالتواليت البراني اتلكاني الهوا جان عالي ينذرنا اليوم عاصفة صفرة كفحني وكأنه نار تلفح وجهي مو هوى
طلع  يعدل ببنطلونه متوجه للمغسلة واني اتخصرت اله واكفه  تحت  المسقف ، لعنت الشيطان ودخلت ، انتظرته دخل
لزمني من ذراعي وللغرفة ،
اول ما دخلني بدأ يغرقني بالقبل و المسات صعد اديه لفوك بأيد وحده قيدني
درت وجهي و اخذ يلثم بيه
- وخر عني ، و سولف الي وين جنت البارحه
دار وجهي عليه من فكي
و رجع اخذ شفتي مني ما خلاني انطق
- اممم عوفني
وين جنت رائد
- مو وكته  رماني ع السرير
- اااي ضهري
بصوت ذبلان شوگ
-اسف حبيبتي
خلع قميصة ورجعلي  يغدقني بقبل شغفة واني نص وياه ونص ويه اتصال ريما ،
خلعني الثوب وظليت بمنامه
طلعت راسي من الثوب ساعدتها وسالت
-اشعدها ريما تتصل بيك
ولا كأنه يسمعني و غدقني بحركاته الي من يتماده بيها انسى نفسي وما وقفه الا رنة تليفونه
راح يشوفن 
- ها صدك جاي  جايكم ريم انت ظلي بيت امج ولا اطلعين ، عاصم اهناك مو ،

باوع عليه ، ورجع عليه ،
انتفضت
- كول الي شنو الي بينك وبينها
- زوجها اقصد طليقها متهجم عليها وخاطف بتها منها و اخوها معن رايح الهم شابع دك من متعارك وياهم ، واحنه انريد نوكف وياهم
طبعا يحجي ويحاول يرجعني لصفوة البال و يدلك امتوني الي
- هااا
كم ما راضية وانفجرت وخرته اديه وكمت شايلة ثوبي
-روح الها تنتظر خطية
-نوفة لا اسويها زعلة رجائا
-والله حقي اشوفك هيج مهتم بيها لدرجه اترد عليها واشوفها شتريد ..
اتقدم عليه يحاول شرح
- زين رقمها ليش حافظه
-سيفته من اعتذرت منها ، وترة ما تستاهل القضية اتعظميها
- لا والله اعظمها ، ما اتروح ولا تدخل بيها فاهم
-شنو تنطيني اوامر
وخر عن وجهي واخذ قميصه وراح وهو يدردم عليه ، سبح حتى يغسل التعب عنه ويرجع لست الحسن الي اخذته مني البارحه بس همزين مصار شي بينا حتى افهم ليش هيج مهتم بيها احنه شعلينا !
-اخذني وياك لأطفالي
- خليج ، اهنا ، اجيبهم من ارجع ،
ما ناقشته من سخطي منه ، راح وما رجع الا العصر  والاطفال وياه ، جنت مطنكرة عليه ، خابرتني تمارة كالت ترة خلال هاي اليومين يمكن اروح لهلي واخذ الولد وياي بيبيتهم اشوفهم ، وافقت ،
نيمت الاطفال و ظليت يم هشومي غفيت
حسيت بأحد فوك راسي
- تعالي شسوين اهنا
-ما
-اروح وانتظرج
- لا تنتظر
راح وهو يكول اذا ما اجيتي شوفي شسوي بيج ، مارحت و سرعات كلبي صارت لا تضاهيها اسرع مهرة ، منتظرة ردة الفعل وكلي عناد ،
كعدت الصبح ، هاي شنو نمت يم هشومي يعني رائد ما اجه ؟
رحت للغرفة شفته كاعد مبدل يريد يطلع
ووجهه  ما يتفسر كالبة شافني غندب بالزايد
-اتريد ريوك لو تتريك برة
كلتها واني انطرح ع السرير مكسرة من نومه البارحه
- ما اريد منج شي ،واني اعلمج
-  والله صوجك انت مو صريح وياي ،عندك شي وياها
- والله بهاي افكارج جاي اتخليها غصب براسي
فزيت كعدت اله
-يعني شنو ورقمها الي طلعت مسيفه و خوفك عليها وقلقك تسحلك من حضن مرتك
-حضن مرتي ما عفته هي صدتني لو نسيتي ، المهم الشرع حلل اربعه و وياح هذا القرار صائب ازوج ريما هم اخلصها من الهجرة و هم اتنفه عني خنكتج
طلع   واني وراه الوج وغيرة نارها  راح تحركني
-يعني شنو تحجي صدك ،
احجي وياك والله ما اقبل
تعال
وكف يم مراية باوع لنفسه  وطلع تليفونه
- ها لينا ، ريما يمكم ، ها خوش جايكم
غمز الي وراح 
رجع الضهر ع الغده ،
انتظرته يخلص  ورحت للغرفة انتظرة يخلص،
دخل وكال عزلي الميز وغسلي لرائد وجيبيه الي
- ما اجيب الك ابني الا اتكول الي عود صدك كلامك الي كلته الصبح
- رائد ابني ترة مو بس ابنج وروحي عن وجهي مابيه حيل طلايبج ،
رحت واني  ادرم
لعب بأعصابي لعب

**
رائد
محتار بمشاكل معن واخته لا عدهم عمام لا ضهر احنه بس الهم وخالتي الثانية ولدها مخربطين وابوهم شايل ايده ، اني والدي وعصام دنحاول نتعامل مع عائلة طليقها الغضب ، اما هاي نوفة ضوجتني حيل تتمنع عني و اشوفها حيل انطيتها مجال الدلال خلاها تظن هي مسيطرة عليه ، ما تدري اني عفتها ذيج الايام حتى اعزز ثقتها بنفسها ، بس زادت عن حدها لازم اوكفها والسعها لا اتعيدها وهي نقطة ضعفها ريما بلكت تهدأ و تخضع وتبطل شك وقلة ثقة من تحس ممكن ازوج عليها ،
خابرت مرت ابوها اتريد الجهال ، رجعتهم الها حتى تاخذهم لجدتهم بديالى ، تركت رائد يبجي عليه خلفي وطلعت  ،،
رحت للمستشفى شفت معن واطمنت عليه وما رجعت غير بالليل ، شو هاي ما هي ؟
ابسرعه اجه بالي المخزن
،
-شسوين اهنا
-هذا مكاني منا من تترك ريما
- اعقلي سولفت الج الموقف وكفتي لمعن صديقي و ابن خالتي
-كول والله مو لريما
لا تجذب ترة لينا كالت الي انت تروكض حتى اترج الها بتها و واعدها هم
-يووه انت قافلة
- اشمعنا اخوك مو هلكد مهتم
-لأنها حلفتني ارجع اله بتها وحلفت وتدرين حلفاني ما ينزل الارض

-والله ولا جاي اقتنع
-قصدج كذاب مووو
المهم ظلي اهنا تخمي ما اريد اشوف خلقتج برة خوش .
صبح الصبح وهم هي حبسيه المخزن المجنونه ما اعرف ليش هيج تتصرف

***
نيوفر
دتعزز عليه مثل قبل بس زودتها بكعدتي بالمخزن هالمرة حتى يلتسع و يبطل يدور غيري من احكرة
راسلت لينا  بعد غياب ، 
- لينا اني احب رائد حيل ، واخاف لا يعوفني مثل ماما و فيصل وبيبي ، لا يفضل عليه ريما مدري ليش احسه مؤقت وياي مو دائمي ، لينا ادري صارلي اهواي محاجيه ولا مراسلة  لأن حسبت نفسي رجعت لنفسي بفضل رائد بس هي حيل محتاجه افضفض وياج ، ترة دزعله واتعبة حتى اشوف غلاتي عنده ، وبلكت يكطع علاقته بهاي نهائي والله تعبت ، تعبت لينا ،   لا تردين ما اريد نصيحه بس دعوة
ضغطت إرسال وصلت الها ، 
من حسيته طلع ، طلعت لغرفتي ، اباوع لنفسي واقارنها بريما الي يفقد كل حواسه من تتصل ،
لزمت المقص و قصيت كذلة ، يربي صرت جني وحش غابه ، هي كاصته مدرج والكدام صاير قصير كانه كذلة طويله مو اني لعبت بشعري هيج ،

حسيت باب الحوش انفتح ركضت للمخزن
**
رائد
بعد غياب طويل عن قراءة  رسائلها قريت اخر رسالة منها ،أكدت الي ظنوني
نيوفر مجرد طفلة  منكسرة ....ااااخ والف اااخ اتمنى تنزع ذاك الكبرياء وتعترف الي هي بحاجتي  واتمنى هم لو اني اكدر اخلع قناع الكرامة واروح الها اخذها واوسدها بين احضاني بدل الخرابة الي تحتويها هسة .

على شنو ناوية هاي المجنونة؟

على دماري ؟

لو دمارها !

لشوكت لازم اظل ماخذ دور المتفرج
ااااه والف اااه بحجم قساوة بعدج وفقر اللقاء اني احبج  اشوكت روحج تلامس روحي واتعرفين  بداخل جوف گلبي اتجاهج شنو ؟!!!

حسيت بحركة داخل الصالة تيقنت واخيرا طلقت سراحها من السجن الي فرضته على نفسها  بحضوري !..ماتدري هي اخذت جزء من روحي احتبسته اهناك وياها .. طلعت حتى الملم شتاتي واهنا احسم الموقف لو اخذها هي واجزائي واضمها لبقية روحي لو تسلبني الي بقى بعنادها

*
نيوفر
طلعت اشرب ماي تمام تمام بدون كذب طلعت اشوفه  اخر نظرة منه  ثقبت  گلبي وخلت الدم المغلي يتناثر  داخل صدري ؛

صار كدامي وكأنه واكف خلف باب غرفته بس طلعت طل عليه ..

سحبت   كذلتي خلف اذني وكلت واني رگبتي تهتز ابرر اله طلعتي

-ترة اريد اشرب ماي لأن الماي احتر تعرفني احب الماي البارد الدافي ما يروي

جاوبني ببرود قتلني الف مرة

- اني طالع ، عندي واجب ..اجانه تفتيش مفاجئ  اغيب يومين لو اكثر ..اتصلي بأخوج يأخذج .

خيباتي كثرن ما كان منتظرني مثل ما توقعت او ما صورلي خيالي التافه مجرد صدفة طلعته ويه طلعتي .

طلعت مني ضحكة وية دمعة ضاحكة على حالي واني الي عبالي ينكوي بنارة مثلي ،ارجع للمخزن و احبس نفسي  اكرملي .

*
طلعت واني أسال نفسي وين اروح ليومين واني اجازتي اسبوع؟؟؟ اذا اروح لكريمة خاف يوصل خبر لنيوفر واجرحها ، اجرحها ؟يارجل بعدك اتخاف على مشاعرها بعد كل سوايتها . المصيبة اعرف الاسباب لو غافل عنها كان والله انتزع گلبي من بين اضلوعي واشمرة وشمرها وانهي كلشي .
طلعت من سجنها وحتى ما باوعت لعيوني؟؟
ليش كاصة گذلة ؟ هي ما تحبها معقولة من ضجرها وزعلها، لا اتسويها و اتكص باقي شعرها هالرعنة  اطلع عصبيتها بأي شي، نسيت المخزن مابيه تحف وخزف اتكسر بيهن هاي المخبولة
لملمت صارعات افكاري وصعدت بالسيارة

*
حتى ما  كلف خاطرة وكال أوصلج لهلج
تنهدت ضجرة من الي يصير وتذكرت حتى ما باوع لخلقتي .
رحت للغرفة اباوع لنفسي من خلال المراية  رجعت  گذلتي على جبيني

اني ليش كصيتها شنو هالاخبال عود اقلد الكريهة ريما اووف كون ما انتبه الها يارب هسة يظني اغار و من منو ريما الجاموسة الحقيرة القبيحة ما تجي يمي شي ؟؟
باوعت مرة لخ لنفسي وركزت ... ودموعي ملن خدودي لا اكذب على نفسي ريما گمر ريما بيها اهواي اشياء ناقصة بيه

صار الليل وحلفت كعناد بيه ما اطلع وابات وحدي وما خابرت احد من اخوتي

بس الملل اتسلل لروحي .
خابرت لهفة .. بعد السلام

- اكلج ملل ماكو اسم فلم اتابعة ؟

- نيوفر صدوك انت كريهة اذا ملانة ليش ما اجيتي وية خالو هاا؟
-يا خالو؟؟؟
اهنا گلبي بدة ضرباته تنذرلي بشي من الشك

- يا خالوا مثلا ميسي خالوا زوجج وباتي يمنا بمكان ما يم اهلج ملانه

-اهلي ؟؟؟؟؟
هو كال الكم

- مو انت يم اهلج؟

- اي اي يم اهلي 

-اهاا لعد

النار فوول بداخلي وهجت رايح لاخته ومناك يروح لحبيبة  الروح ريما وضحك عليه ماعنده تفتيش ولا شي
والله لهجم عليكم والله لواجهك وافضحك كدام الكل وينهم اهلي الي صاير شيخ براسهم،
الشايب العايب  تذلني مثلا ؟ رايح الها
رحت طلعت اغلى وارقى ثوب عندي واستغرقت ساعة كاملة اتمكيج ..

*

خالو رايح ؟
وقفني سؤال لفهة

-اي هم يلا . صيحي لامج خل اسلم عليها

كريمة اجت ممقتنعة بطلعتي
-حبيبي دبات يمنا مرتك ويم اهلها اشعندك رايح وحدك

- ميخالف
ابتسمت للهفة وكلت
-درسي عدل طلعي معدل بيه خير

انشالله بس كول لأخت  لمرتك هم اشد حيلها صدوق ع طاريها  اشو نوفة من خابرتني لا مريضة ولا شي
ودعتهم وطلعت ارجع للبيت افضلي مدام  اطمنت هي رايحة لبيت اهلها ..هيج افضل النا احسن من الصراعات الي نعيشها هليام واحد يضغط على الثاني خل تصفى القلوب والله كريم ..
غريب هذي الغير مسؤولة  تاركة الاضوية  ما مطفيتهم .. دخلت للبيت باب الكراج مفتوحة دخلت الصالة كذلك ...حسيت بحركة داخل الغرفة فتحت الباب وصارت كدامي نيوفر بكامل حليها الحرارة صعدت لراسي وتداخلت بعماقي الغيرة عليها والسخط منها

-بليلة زواجنا ما سويتي هيج وين العزم انشالله
اشرت على عباتها
و ودي انتزع غرورها وبهاي اللحظة احسم كلشي وافرض عليها نفسي

جاوبت بتوتر زاد شكي

- انت انت شرجعك ؟

*
نيوفر

دخل عليه وكان معصب حيل اشو رجع لهنا ؟واني الي اريد اروح لريما واهجم عليهم بعدني ممخلصة تحضير نفسي بأخر لمسه وهي رش العطر دخل عليه واني الي اريد اغيضة من ادخل عليهم بكامل أناقتي يشوف شنو خسر  اشو دخل عليه واتحول الموقف ضدي

-كذبتي عليه ما رايحة لهلج ؟

تراجعت مع اخر جملة كالها خوفا من نظراته حماقتي خلتني احط كفوفي اثنينهم على خدودي بوضع حماية منه لا يتهور ويضرب وتغافلت عن واجهة الي يباوع عليهم همة شفاهي اخذهم وكأنه قضمهم بعصبية خلت قواي تخر !!!

يتبع
دعواتكم بنات لبنتي الصغيرة عسى ولعل دعوة صغيره منكم تكف عنها غدا بلاء و لا تحتاج  طبيب  ادعوا لي الذي معاها ليس اعراض فايروس A   ، استبراد لا اكثر