رواية الرعناء والأشيب الفصل السابع والعشرون 27 - بقلم زهراء العراقيه

‏برغم تحرّيم الرِّبا لكنني في
حقّ من أهوَى أراهُ حلالاً
‏يشّتاقني فأرد شوقِي ضِعفه
ويُحبني فأحبهُ أمثالا.

اشوكت ينتهي الليل و يصير الصبح و تحل روحتي الهم اعتقد رضوان راح يعقد المسألة ، لكن والدها اكثر حكمة منه متأمل منه خير ،غلطت يا رائد غلطت مهما سوت لازم ما اطلعك من طورك هيج كبرت المشكلة اكثر والعائلتين صار عدها علم ومن تدخل اطراف تتعظم اكثر  سمعت صوت بكاء طفل ؟!
فزيت من مكاني هاي شنو يتهيأ الي صوت ابني رائد !؟
كمت فتحت الباب مصدر الصوت بعيد وعندي شك اني يتهيأ الي بس الصوت ما سكت وبدأ يضعف و اني احسه يم المخزن ، سميت و شفت ضوة المخزن انفتح من جوة الباب، سكت الطفل ؛ و انطفأ الضوة

***
نيوفر
كعدت توتو مخترع يبجي بصوت عالي فززني من نومي جنت توني غاطه بيه فتحت بتثاقل كان دموعي تركن اثر ثكيل عليهم فتحت الضوة شلته رايح بعيد عني بنومه  طفيت الضوة وحطيته ع ايدي ابسرعة رجع غفة وخرت ايدي وانطيته ضهري لأن اختلاط انفاسنا يخنكنا ، دعيت ارجع انام ، حسيت بيدة الباب تتحرك جمدت بمكاني  ،كتمت انفاسي برهبة  و احس بحركتة تتقرب ناحيتنا ،
بس هالشهقات والدموع اشلون اكتمها راح انفجر منها ومن الخوف الي اتملكني من حسيته قريب عليه ،
طلع ، التفتت شفت هاشم ناقص ،  دياخذ الجهال !؟
رجعت غمضت وغطيت راسي من حسيته فتح الباب مرة لخ ، اخذ صوفي وراح ، وعاود اخذ توتو وراح ، ورجع للمرة الرابعة شراح يسوي بيه صدوك جنت مرعوبة منه ، ولا كأنه خليلي اعتبرته محاكم قاسي ، الغطى انزاح عني و ايده جوة تحت خصري والثانية جوة راسي خلاها واني مغمضة اعيوني على كد ما اكدر عاصرتهم عصر ،شالني واسمع لدكات گلبة المستهجنة ، حطني على السرير وراح للضوة فتحه ، حطيت اديه على اعيوني
واتراجعت للخلف
-عوفني ،
وطلع صوتي اليبجي و بان المكتوم  
الملم بروحي و ابجي فاقدة الشعور بالامان ، اديه صارت على امتوني
-انت اهنا ! ما طلعتي ؟ 
-اروح اذا تريد هسة بس عوفني
طلعت الكلمات متقطعه بصوت متشجنج ، اتقرب والانفاس ما بقى بيها هوا
- لا تتقرب ،
اشرت اله بسبابتي   ، كعد كدامي واني اقرفص بروحي لا رجلي اطخ بيه خازرته بنظرة ثاقبة ممليه دموع ،
-يعني ما رحتي !
مسحت خشمي وكلت
-هسة اروح
- ليش بالمخزن نايمة !
مرديت وزدت بالبجي
- ليش هيج اسوين بيه ،
- حلفت ما اظل الك اهنا
اشمر بالحجي .
- زين ليش المخزن ، شنو مو جزء من البيت
رديت عليه بنتر
- عاد ما ابطل حلفاني ،
تحول النتر الى نعي وكملت
-يهون عليه ابات يم الشكر والتمن ولا بعد الي سويته تلكاني على فراشك 
حط ايده على خدي وخرتها بعصبية
- عوفني !
- نوفة والله مقصدي
- لا اتكول اسمي ولا تحجي وياي اكرهك
وكملت بجي مختلة وجهي تحت اكفوفي
وخرها  وظل لازمها
- اسف !
-هدني هدني
-هشش لا يصحون الاطفال
كان صوته هادي ومترجي
-عوفني لعد 
جاب الي كلنس مسحت وجهي وانفي
- ليش بالمخزن نوفة فهميني تصرفاتج؟
عبالي عفتيني
- ما اكدر اعوفك المصيبة ،
جان واكف ع يميني يم ميز المراية
التفتت عليه
-المصيبة ادري بس اطلع مراح ارجع ، لعنت امي وضربتني رضوان يطلكني منك والله
درت وجهي للأمام وكملت
- لا اكدر اظل يمك ولا اعوفك 
- لهيج رايحه للمخزن الي بأخر الغرف
زين ما خفتي ما ارجع ، عبالي خابرتي اهلج ، كل ظني هجرتيني ،
يربي گلبي اللعين رف عليه من كال بضعف اخر كلمة
همست واني اكفك دموعي التجري من غير سيطرة
- خفت لا
سكتت وداخلي يكول خفت لا اخسرك وبعد ما اصبح بوجهك من جديد ما تغفى على ايدي ولا تهمسلي بكلمة احبج خوفا من مراقبنا هاشم خفت لا قبلاتك المسروقه بالمطبخ ما تتكرر خفت لا ما اسمع نوفة منك خفت من البعد خفت اذلك بين اهلي خفت أحرمك من ابنك وانت مريض بس المن اكول هذا الكلام لشخص ضربني و لعن امي!
كنت مدنكه وابحرث بالكلنس الرطب على السرير   باوعت ناحيته  عبالي طلع ، بس هو بنفس مكانه يحك بذقنه واعيونه تتفحصني
غضيت نظري من شفته اتحرك صوبي
- تدرين اشكد احبج اني ؟ تدرين اشكد يأثر بيه كلامج ، انت وحدج تتحكمين بأعصابي ، اتفقديني صوابي  ، احس ما عندي سيطرة عليج ، ليش يا نوفه ليش وصلتينا لهيج ليش ، مو والله وافي الج
ويني وين النسوان  اني
-مدري دموع من كالت اتخبلت وحقي شنو رجلي بالشقق ويه عزبة تخرع !
-جديات نوفه خل نخلي النقط على الحروف ونتحاسب ونفضها
سكتت مرديت وهو كعد يشرح الي سويته غلط و التسرع ما يصير ، وكال الي هو فقد السيطرة على تحملة و انفجر بيه من الضغوطات الي بسببي والي بسبب الشغل ،
- اقسملج بالله مراح تتكرر ، ابد ، انت مرتي ، ما اريد اذلج ولا اشوفج بمنظر الصبح ،
ذكرني بعملته
باسني من راسي وكرر اعتذارة وعذرة والله شنو كلت اخونك  خلاه ينفجر بيه ويضرب ولعن امي ،
اخر بوسة كانت على خدي ، كانت دافية و حنونة استقبلتها بحبور و افكاري تدودهت  وضعفت  نفسي حيل  من حطني بين احضانه ، ايده صارت كدامي ، ايده الي ضربتني ! انزعجت من نفسي وطلع انزعاجي للخارج ابعدته وبالكوة ساحبة نفسي الخائنة كل جزء بيه راغب بنومتي بين احضاني ،جانت نظراته متوسلة
- لا تتصرفين هيج
وكفت على حيلي كدامه
- عيني شتريد اسوي تضربني الصبح انام يمك بالليل ،
- امني بالله ندمان و ما كان قصدي
درت وجهي عنه وكملت
-لعنت امي والله لو مكطعني ولا شاتمها
رجعت بجيت بهستريا
-اجه ناحيتي
ابتعدت
-اطلع برة رائد اطلع

- نيوفر اني من جرحج ومن حقج عليه اطيب خاطرج
- ما اكدر انسى بسهولة اتركني وحدي الله يخليك
اتقرب مني حاول يلمسني
-حباب ترة والله تطخ عندي اروح لهلي هسة حافية
رجع ايده  لجيبة وطلع ، ثاني يوم ذابة نفسي كالقتلى ، فاتحه حلكي ونايمه
حسيت بكركشة  غمضت اعيوني اكثر عبالي ذبانه ، فتحت مطايقة الوضع
-اااووه
ركزت ، فتحت اعيوني ، فركتها ،
رائد ابصفي كاعد و لازم خصلة من شعري اضاهر جان يكركشني بيها مو من هاي استغرابي رائد النقيب ، مسوي الي صينية ريوك لا واكل السرير !
- هاي شنو
- فطار لحضرة الاميرة النائمة
يحجي فصحة يقلد ع نفسة لو علية ؟
باوعت الها مربى و جبن و حليب كارتونه
ابتسمت بداخلي هي طلعه رومانسية بس تضحك ما مسوي شي بيده  ع الاقل جاي !؛

جريت خصلتي منه وانطيته ضهري نزلت نصي من السرير بالكوة عفصت وجهي عفص ونطقتها
-ما اريد
اووف اشكد صعب الصد اشلون گلبه يطاوعه يصدني من يزعل

-اي ماشي نصبر عليج ونشوف تاليها بس كون اخذتي درس من الي صار

واني يم الباب جاوبته
-المفروض الدرس الك منو ضرب ولعن
- الج اكثر حتى اشوفين ردة الفعل اشلون تنقلب على صاحبها و يتحول الموقف عكسي ، شفتي هسة ردة فعلي شسوت خلتني اني المحقوق الج
- اي طبعا وما راح اسامحك  كولت الك ظلتي يمك لخاطر ما اعوفك للابد
اجاني بسرعه البرق رغم جنت احجي بمنية وبغرور
- حبيتج اكثر من شغلتي هذا (اشر ع مخي) لمرة و اصرفتي صح ما طلعتي ما تدرين اشكد كبرتي بعيني
-يعني جنت اصغير
هز راسه ممستوعب
-لاء لاء يمعوده
-اي اي كلتها بعد انت ،
رحت صحيت الجهال وبدلت الهم وريكهتم وسط انظار رائد
حاولت اجاهلة ، من يصيح الي اجي البي الطلب من غير كلام ،  ما رضيت ولا ناوية ارضى بسهولةلا ايده تاخذ ع ضربي
بس الغريب هو يقابل صدي بأبتسامة ودودة !؟
ثاني يوم  اتصل بيه رقم غريب ، ياي هاي منو ، رائد راح للدوام وهسة على جية الساعة بتسعة بالليل ،
محد يمي رغم اني ممتعوده ارد ع ارقام غريبة فتحت وما حجيت اجاني صوت رقيق معسول بترافة
- هلوو، الو ؟
اجاها صوتي الجلفي
- الو منو وياي
- مرحبا نوفة ، اني ريما
وخرت التليفون عن اذني
شتريد هاي خرابة البيوت دمرتني
- نعم شرايدة
- حبيت اسلم عليج ، و همين اطمن
-بيج الخير ، شوفي اني ما فارغة للعبج هذا تتصلين برجلي اتحيليه عليه ،انوب تتصلين بيه حتى ......؟
ما كملت قاطعتني
- نوفة عزيزتي ، اكو مخرب ، ترة بنت ام مسعد لفاقة افاقة
ما فهمت اخر لكمتين
-شنو قصدج
- دموع كولش زين تدري بيا اخويا بيوم الي جبتها تنظف يجي الي ؟وهمين تدري جاية لويش
-لا المرة ما تدري وفهمت غلط ، بس بصراحه اني الي انحطيت بموقف زبالة لأن من زمان فاهمة نظراتج اله وهي كملت

تجاهلت كل كلامي وردت جواب صعقني
- ترة دموع تدري باخويا جاي من السفر حتى ياخذني انا وماما و تدري كولش زين دا اصفي اموري وامور بنتي واجهز للهجرة خارج العراق فيا عزيزتي متأكده هي اني ما عندي شي مع جناب زوجج و مستحيل اقبل ادخله حياتي برخص،
- يعني دموع خبيثة ، زين ليش ؟
- ايي  احنه كنا بيوم لبعض و كان فعل ماضي ناقص ماتم الموضوع وراحنا لحال سبيلنا  ، صح اني كنت على اتم الاستعداد لو خطبني اوافق بس مو برخص اوك ،تهجم عليه مراح انساه ،د
معرفت شرد عليها وهي استرسلت بالكلام
-اني حاقده عليج خليتني بموقف لا يحسد ،لكن بصراحة من خليت نفسي بمكانج عذرتج الي عدها مثل رائد لازم تخاف عليه ،
شو هاي تتغزل برجلي كدامي
-يلا عزيزتي دربالج على ذهبج ، هذي المكالمة عساها فعل خير  لرائد قبل لا اهاجر  لا اكثر ولا اقل لخاطر لا يتعب ،
سدته ، مدري امتن الها مدري احقد عليها على اخر كلمتين ،
اوووف طلعت المرة اتريد اسافر ، واني خرطت خرب والله فشلة دقيقة دقيقة هاي دموع الكلبة ،
اتصلت دخل رائد بيده ملف حطه ع الميز وراح للتواليت ،

- الو دموع
- ها عيوني امر خدمة
- يا ناكرة الجميل ،اشلون هيج اسوين هاااا ، المرة اتريد اسافر و خبثتي يا خرابة البيوت شنو مصلحتج
-شنو كلبتي السالفه عليه
- اي الفتي سالفه مالها اصل وفصل ،
- واني شعليه انت رحتي الهم
-رحت ما رحت انت بعد ما اريد اشوف خلقتج وراح اكول لعمتي على سالفتج ما اتخليج اتعتبين بيتهم ولا بيوت صديقاتها

-لا الله يخليج رزقي
-امشي لج رزقج جان حافظتي عليه ، خرابة البيوت  لا ترحين ادمرين العالم الله العالم شنو نتيج

كفرت بالله بعصبية وكملت
-الله هذا ينطي جوز للماعندة اسنون بيت و عز وجاه لوحده زعطوطه جاهلة متخلفة شهاده ماعدها ، والي عدها شهاده تشتغل عدها خدامه شترجى منه بعد
،هم كفرت صفنتني على  كمية الحقد الي عدها وحسد العيشة ، ظلت اتكفر وتغلط وتدعي عليه تناقضات تدعي عليه بالي تكفر بيه انجر التلفيون مني
التفتت لنه رائد
-اشبيج ترتعدين خوف
سد وكال شتكول الج
-الكلبة ادعي وتغلط علية
كمت متعصبة
-وين بيتها هاي خل اروح اشرشحها والله
هز ايده وكال واتكولين البارحه بعد ما اعيدها

-فورت دمي
ضحك بصوت خفيف و حرك راسي من ذقني
- مصيبة انت
-وين بيتها حباب قهرتني والله منام شسوي

- اروح وياج
-صدك انروح
نتر وهو يضحك؟
-هذا العايز تاخذيني وياج بدل ما اعقلج اتخبل ،
-دروح هسة منو صايح الك اصلا اني بعدني زعلانه ،
-استغفر الله شذكرج
عكفت ادية
-مو بالسهولة رضاي
-زين اذا اروح وياج نكتل دموع ترضين
ضحكت وعفته قبل لا يغريني شكله الرايق ،

اشوية احس ثقتي دترجع بروحي من شفته يحاول بكل وسيلة واني على ثباتي دائما اردد اني قوية اني ثابته ، وابث القوة بداخلي ، ما اسولف لأميرة لا اتموتني دومها ويه رائد صافه رغم علاقتي بيها قوية ، بس لسما احجي زلاتي و هي تتمضحك وأيدتني على موضوع الزعل بالبيت وكالت الي بس لا ازودها ،
صار موعد التحاقة الرسمي ، راح ترة هو لزم منصب قبل اسبوعين  بغنى اني اذكرة ومحارب عليه ، وداني لهلي ، واميرة همين اجت
دنسولف اني وسما سوالف بنات ، طبعا انتم تذكرون صوتي عالي ابد مو  ناصي
اتمضحك عليها ، لازكه لواحد ما معبرها ،انوب ضربها بوري وبطل يوصلهم اشتركت بخط تكسي ويه بنات و هسة ميته ع شوفته

- لج متت متت واحد لا معبرج ولا هاي شحابه منه
- احبه ولج ،والله ادعي بالصلاة يخطبني
وكفت بنص الغرفة واقلد عليها
-احبة احبة ، ولج هذا يوسف بلوة اشلون حبيتيه هههههه انوب بطل يوصلج
انفتح الباب و لنها تمارة اعيونها بكصتها
دخلت وعينها ع بتها الي صار وجهه ينطي الوان
جانت كاعده ع سريرها
-اتحبين يوسف ولج السايق يا كلبة
معشتها من شعرها وسط ذهولنا ودخلت اميرة مفاهمه تسال شكو شي و تمارة ضربت سما ع ضهره
-تعالي شوفي اختج الثانية تتمعشك ،

سما انحرجت و اتفشلت بهذا العمر تنضرب وتنهان وتنفضح مشاعرها العذرية كدام امها واختها الكبيرة ،،

زعلت من امها وحاولت اصلح الموقف واحلف كمت جذب انو اني جنت اشاقه و ماكو هيج شي بس تمارة مصدكت و ذبت كلمات نار ع سما
-امنا بيج و وثقنا هيج يطلع منج يا بت بطني  ،امداج
،،
لليل اني زعلانه على سما خطية ما تعشت و دمعتها منشفت من عينها
اجتني رسالة
-مشتاااق ترة

الابتسامة شقت وجهي و ظليت اعيد وازيدبالكلمة
-حني على الولهان و ربج بالعسكرية
دمرتيني بس اتخيل بيج يمي ليش هيج ما صالحتيني قبل لا التحق

رسايله تهل عليه هل اني اشوف بلا رد ،
وكل رسالة تجي ابوسها واحطها على قلبي ، وما رد ،
ومن يتصل ارد بثقل مصطنع و روح ولهانه  وما رد ع رسايل اخر الليل لحتى مر اسبوع على التحاقة

مطروحه انتظرة مثل وقت كل مرة يرسل  الي كلمة اشتياق

-  عذاااب اشوكت اتحنين ،
والله سكري بالعلالي هليام ، هامل نفسي ، مالي واهس شي ، شنو كرهتيني مو عوايدج الزعل ؟

اني عبالي من جنت اقلده ارد عليه الصاع اثنين كله منه واني ماخذته مثل اعلى شسوي اقلده عاقبته بالتجاهل وندمت لا يصير بيه شي منو الي اني ،
رسلت اله
- حبيبي والله انت غالي علية  بعد ما اعيدها ، وخلص الزعل

***
رائد
جنت بالحضيرة وقريت رسالتها بتمعن  رغم التعب و الارق كمت لبست ، وطلعت ضارب كلشي بعرض الحايط خابرتها
-جايج ترة 
وسديته

يتبع
بنات قصير طويل
حسويه نشر  يومي بس قصير طويل حسب طاقتي وعلى الاغلي دومه قصير فما اريد كلمة قصير البارت ❤🌹🌹🌹