رواية الراقصه والسلطان الفصل الخامس والستون 65 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

#يحلوه مشاركه للبارت ♥️

واشَتهيتك تعثر بـِ حُضني مِثل عَثرة ضريَر ...

قمر وجهها گام ينطي اللوان وهيه فاهمه قصده عدل... اخذت التليفون بسرعه من ايد سمر طفت السبيكر...

ابتعدت عن سمر وحجت بصوت ناصي...

سلطان روحه وياك ما اروح...

گلتله وهيه تخلي شعرها ورا اذنها بارتباك... احم والصار جوا

سلطان بنبره خبيثه ... شصار

قمر وهيه تحرك بروحها گالت بعصبيه ... سلطاااان لتخبلني ما چنت اعرف انته

سلطان گللها وهو ينصبي صوته واضح احد يمه...

ول بويه گمرتنه شابه بارود...

قمر تحس روحها ختتخبل مگاعد تعرفه هذه مو سلطان هذه مو اسلوب سلطان... گلتله

لك انته شصايرلك... وين سلطان

سمعت ضحكته وهو يگللها...

يولي وياچ بشحمو ولحمو...

سكتت...

كللها بنبره هاديه... يجوز انتي ما چنتي تعرفيني وهسع عرفتي سلطان

ويجوز... لجل عينه الكحيله تغيرت

قمر خلت ايدها على خدها تحس صخنت اخذت نفس گالت بعناد ...
وياااك ما اروح

سلطان گللها باستفزاز...

بويه انه رجال حر ما حب يبقى دين برگبتي... وانتي دينچ يحلوه ثگيل على گلبي چثير... ولازم اردو بلعجل

سلطااااان...

صااحت عليه وهيه تشد بشعرها وهيه ما تعرف شتگله... كل ساع يبسمرها ويذكرها...

بويه شهل قساوه عجل لو انه بايسج شسويتي...
هم بستيني وهم دميتي ايدي...

كمل سلطان بخباثه وهو يسمع صوت نفسها العالي يعرف بيها عصبيه نار هسه...

عگلي يگلي اخبرو لعمي واشكيلو من بنتو

اسمعني زين الصار ذنبك الك

سلطان بخباثه...

يا طيب الذنوب اذا هيچ...

قمر عاطت بي بلتيلفون... ماا اروح وياك افتهمت وما اريد اشوف وجهك بعد...

سدت التليفون وهيه تدفع سمر للباب... ونتي براااا الله ياخذج وياخذ أبن اخوج

سمر... الي مو مفتهمه شي وهيه تگلها
هااا ولچ طبگن طبگن

سدت الباب... وهيه سندت ظهرها على الباب ونفسها مو منتظم

شويه وندكت الباب... عاطت قمر

كتلج ما اروح... لتلحين

سمعت صوت امها...طفرت بسرعه وهيه لازمه گلبها معقوله گللها
عززه بعينج قمر... عززز

رجعت هدت روحها لا سلطان ميگول اعرفه...

فتحت الباب وهيه تحاول تبين طبيعيه... ها ماما

سميه... يله يمه بدلي بسرعه سلطان ينتظر

قمر... لا ما اروح اريد انام

سميه بحنيه... لا ماما عيب شلون تگولين للولد طلعني ترجعين

قمر فكت عينها بصدمه... ااني كايله منو گلج

سميه وهيه تختارلها ملابس... سلطان دزني حتى اختارلج ملابس وكلي تدلل بت عمي الف من هل طلب...

اي يمه هيج حتى تعرفي اكثر... وتشوفين شكد طيب وخلوق

قمر بگلبها تگول اياا نذل... اني طلبت منك
عرفت بي دز امها حتى يجبرها توافق وهم تلبس اللبس الي هو يريده...

ما گدرت تگول لا بدأت على اعصابها تلبس وبداخلها تسب بسلطان...
وتكول يربي شلون اخلي وجهي بوجهه... الله يخلصني منك

اول منزلت سمر ضحكت بشماته

خزرتها قمر او وجهها مبوز...
سمر بشماته وهيه تضحك... ابو شاهين گول او فعل
نزلتي مثل الطلي من يجهزو للذبح

قمر گرصتها بضهرها... تسدين حلگج لا اذبحج انتي وابو شاهين

الشيخه وهيه تباوعله لابسات... گربن هين ولچن شعدجن مزرعدات

سمر وهيه تسوي روحها تعدل شالها من الوجع ... يمه سلطان راح يعشينه برا

قمر شافت مروه گاعده يم الشيخه گالت بسرعه لام مروه ... خاله متخلين مروه تجي ويانه خطيه كاعده وحدها

ام مروه وهيه مستغربه طلب قمر... باوعت لبتها اذا تردين يمه گومي وياهن

مروه وهيه من سمعت سلطان يوديهن ونار گايده تريد تروح... حاضر يمه

سمر شاورتها... شناويه ممرتاحه للخيوريه النزلت عليج

قمر وهيه تباوع برا تشوفه واكف يم سيارته ما لگته ... باعي لچ تخليها هيه تصعد بلصدر يمه

سمر باعتراض... وليش مو اني غير اني عمته

قمر باوعتلها باستصغار من جوا لفوك... دنجبي

اگلج فيان وين الحقيره

سمر... ورا مصعدتي عامر خابرها صعدت بعد ما نزلت

قمر وهيه متحلفتلها... بسيطه الفاهيه

نزلت مروه... سلمن وطلعن

قمر گالت وهيه تباوع صفح لمروه...

اگلج سمر اني حصعد بلصدر

سمر بعدم فهم... هااا انتي م

سكت من ضربت ايدها قمر... وشافت مروه تسبقهن بالخطوات

وصلت قبلهن وصعدت بلصدر...

قمر ضحكت وباوعت لسمر...

سمر وهسه فهمت... ايا خبيثه مو يطيحو لحظج

قمر هزت جتفها بلا مبالاه.. شحده

شافته اتقدم لاحظت وگفته لحظات ورجع كمل طريقه وصعد...
سمعته يهمس بعصبيه ويخزرها...

يليلة الكشر يهل الليله...

گعدت قمر وره وعينها على الشارع وتتجنب عينها تطيح بعينه...

وهيه تحس بنظراته عليها...

بويه مروه وين تردين تتعشين...

مروه وهيه ممصدگه سلطان يحاجيها... بلمكان الي يعجبك يعجبني

سمعته يحاجيها... رفعت عينها اله شافته يباوع لمروه ويسولف وياها...

شاورت سمر وهيه عيونها بكصتها ... گليله بودينا لمحل بيتزا لا والله انزل هسه منا مو بكيف هاي العار اروح

سمر استغربت ضوجت قمر... شبيج مو انتبي الجبتيها
قمر بضوجه وعصبيه ... وهو ما صدگ دگ صدره الها

تگليله هسه لا اتعارك وياه...

سمر... سلطان ودينه لمحل بيتزا

سلطان گللها ابرود... اليطلع بدربي ندخل عليه

اتجتفت بعصبيه وهيه تباوع للشارع...

ورا شويه سمعته وهو يدندن ويه الاغنيه...

كُلي يا حِلو شجابك عَليا؟.
چملت الالم والهم اذيه...
واني الي اجرحت ايدي بديه
هويتك وانته مغتر بجمالك...

رفعت عينها للجامه لا ارادي... التقت عينها بعينه خزرته ودارت وجهها...

وصلو للمطعم... اختار سلطان مكان للعوائل

قمر طگت روحها من اول مگعدو من سلطان كل ساع يكللها...
عدلي شالي...

غطي شعرج...

تعالي گعدي بصفي

ما صدگت سمر ومروه راحن للحمامات...

قمر باوعتله بعصبيه...

وتالي وياك...

سلطان خزرها وگلها... انجبي

قمر بقوه ... لتغلط عليه

سلطان خزرها ... واكسرو لراسج لفي روحج عدل ما ريد شعره تطلع منج

قمر اتجتفت وهيه تدير وجهها منه... اففف

لتتاففين...

باوعتله بضوجه وهيه روحها طالعه...

اموت روحي واخلص منك...

سلطان قرب راسه منها وگلها...

شو تصيحين يولي يعوبه...

قمر وهيه ادير وجهها منه...

الله يعثرك... ويخلصني منك

سلطان ضحك... حتى بلهجتنا تدعين عليه اووف يسلطان شعامل بيج...

قمر خزرته وما حجت وياه...

ورا شويه سلطان گللها بهدوء... هسع ليش معصبه

قمر بنرفزه باوعتله وعيونها تجدح من عصبيه... ما الك دخل بيه

وسلطان من يشوفها هيج يبستم...

كملو اكل وقمر ما اكلت شي... وسلطان هم ما اكل

وسلطان خله سمر تگعد يمه بلصدر...

ول يسمره يگول وهو يباوع لقمر بلمرايه ...

گلبي شلون أصّبرة؟ نار العشک جَمرة...

سمر صفگت... الله حيوو ابو شاهين

وصلو للمزرعه وقمر نزلت اول وحدة... ولكو اهلهم محظرين نفسهم يرجعون لان صار شغل لابو عامر...

..........
رجعن من الدوام دخلن...

سمر وگفت ولزمت ايد قمر... فيصل هنا

قمر باوعت وين تاشر ... شجابه هسه

سمر وهيه تباوع لجهه مجلس الزلم... ما اعرف بس هاي سيارته

قمر بتعب... دمشي ندخل ونفتهم كل شي

اول مدخلن...گالن السلام عليكم
سمر اول مشافت اهل فيصل وخالته وعينها راحت على ساره بت خالته...

سميه ... تعالن يمه گعدن ام فيصل وام ساره جايات وعدهن حجايه وياج...

سمر وهيه تباوع لساره باحتقار... لا خل نصعد نرتاح خنگه هنا

ام فيصل بصدق وهيه تباوع لسمر اول مدخلت ما صدكت شافتها بعد العذاب الي اتعذبه ابنها والمشاكل السواها... تعاي يمه سمر مشتاقتلج

سمر نزلت راسها وما ردت عليها صح ما الها دخل بس تبقى اختها وبتها السبب...

الشيخه خزرتها وهيه تاشرلها تجي... گربي يمه الجماعه عدهم كلام وياچ

قمر كيفت تريد اطلع الطاقه السلبيه صارلها يومين من ورا سلطان ... جرت سمر

دتعالي اني اهويلج وضحه تگلج بعيونها

گعدن لا اطيحو لحظجن

گعدن مقابيل ساره وامها...

قمر وهيه تباوع لساره وتفتح حجابها وتحاجي سمر بصوت ناصي... هاي البربوك مو

سمر بحركه كلب وعينها مطاحت من ساره ... اي هاي القندره لچ اريد اگطع شعرها واهلسه بديه... شوفيها رافعه خشمها ولا چنها مسويه

ام فيصل بندم واضح عليها ... خاله سمر الصار گبل غلطه منه ونعتكر عنها ولو نلف ما نلگه مثلج...

وفيصل ندمان وشاريج ورايد رضاج والله يسامح الي ادخل بينكم
الشيخه...

قمر وهي تفل شعرها... عفوا خاله بس ما سمعت الي ادخل بينهم حجه...

ام فيصل وهيه تباوع القمر باعجاب ومستغربه من وجودها ... يمه انه جايتها براسي اتعذرلها...

قمر بهدوء ... فهمتيني غلط خالتو

اقصد انتو اجيتو حتى تعتذرون من سمر وهذه چان شرط سلطان حتى تقبل سمر ترجع لابنچ...

ولحد هسه مسمعت الي غلط اعتذر...

قمر وهيه تشوف جدتها مايدتها... مثل ما عرفتن تجن وتطشن الخبر وتبشرنا بطلاگها وصرتي شاطره وهيه تباوع لساره

ام فيصل باحراج وهيه تباوع للشيخه الي تشوفها ساكته وراضيه عن حجيها... يمه انه اعتذر منها واحب راسها

قمر بابتسامه ...
خالتي حبيبتي مو عركه جهال ونصالحهم وبوس عمك بوس خالك وتنتهي بت اختج اتهمت عمتي بشرفها...

والله لو عليه اباب بيتنه اعلگها من شعرها...

واخلي الرايح والجاي يتفل عليها

ام ساره بعصبيه... ونتي منهي وتحجين هيج سوالف كبار

قمر گلتلها ابرود وقوه وهيه تباوع لعيونها... قمر بنت ابو عامر وجنت مسافره ما اشرفت بهل شكولات

ام سارة وهيه حقدت على قمر ... شيخه ترضين بهل حجي

الشيخه بتاييد ... بت ابني ابو عامر وخطيبه سلطان وكلامها ينوب عني

قمر رجعت ظهرها ورا براحه وتكبر وهيه تسمع كلام الشيخه الي مايدتها وابتسمت ابتسامه عريضه وهيه تباوعلهن بتحدي... رغم ظوجتها من كلمه خطيبه سلطان

ام ساره من فشلتها ما عرفت ترد...

شافت ام ساره تبسبس البتها ولي واضح مجايات بارادتهن وبتهديد من فيصل...

ساره وهيه وجهها ميكصه السيف واضح جايه مو بارادتها گالت من ورا خشمها... اسفه مجان قصدي

قمر كلتلها ابرود وهيه تخلي رجل على رجل...

عادي حبي اشكالج ما استغرب منهم اي شي...

ساره وهيه متگدر تحجي تذكؤ تهديد فيصل الها ... شقصدج

قمر بنفس البرود وهيه تباوع بعينها بتحدي ... قصدي هل جهره الزفره واضح الحقد بيها

ام ساره ... شيخه هل حجي ممقبول جايين ننهان ابيتكم

الشيخه ابرود وهيه ما رايده جيتها بس خطارها وما تگدر اطرده...البت محترگ كلبها على عمتها

وجهت كلامها لقمر... يمه قمر هم خطارنا ودايسين عتبتنا

وسمر كيفت من حجي قمر... الي تحسها اخذتلها حقها منهن
وهيه تشوفهن گرنن منها

ام فيصل وهيه تريد تنهي الجدال... شيخه الردتو صار وحقكم واقل من حقكم وبقت جيت الزلم وناخذ عروستنا ان شاء الله...

الشيخه...حبيبه الحجي بقه يم الزلم
............
ثاني يوم...

سمر طلعت من المحاظره هيه واريج...

ااف عزه بعينه هل دكتور اثول منه ولا يفهم شي...

اريج وهيه تثاوب...شلون نومه حلوه خلفله على زيدون سمين ختلت وراه

سمر وهيه تضحك... اله يوم يلزمج وانتي تشوخرين

اختفت ضحكتها وگلبها نبضة زاد وهيه تشوفه گبالها بكامل كشخته وهو لابس قميص زيتوني وبنرون اسود...

گللها بهدوء وهو يباوعلها بنظرات شوگ... بس احجي وياج

سمر وهيه تدير وجهها ... ما الي كلام وياك

باوعتله صفح وگالت ابرود... كلامك ويه سلطان

فيصل يضغط على سنونه بعصبيه...سحبها من ايدها
ما گدرت تعترض لا تصير فضيحه بلجامعه مثل ذيج المره...

وصلو لسيارته صعدها...

سمر وهيه تطلع تليفونها... اخابر سلطان احسن

صعد فيصل گللها وهو فاير سحب تليفونها ...اكفي يول لا تحرگينو لگليبي اكثر، سلطان لو اموت گدامو يزت تيزاب فوگاي

سمر وهيه تسحب ايدها منه... تستاهل كل اليسوي بيك سلطان گلبي مفكرت بي بعد السويته...

فيصل لزم ايدها... الله يعثرو ويسمط ابوه الجان السبب

سمر باوعتله وهيه گلبها متلهف اله بس تحاول تكابر وطبق نصايح قمر...
مثل ما سمعت كلامهم وصدگت تنساني ولي يگوله سلطان يمشي

فيصل بعصبيه...

يول ما جوز منج

سمر وهيه تريد تنزل... وخر من دربي الناس منا

فيصل عض شفته بعصبيه... سمره دحجيلي لتخبليني وتعامليني غريب سمره انهبچ بلقران

يول انه مسودن بيچ... عگلي ما حملني وانه اشوف التصاوير

سمر خافت تعرف بي مخبل ويسويها گلتله وهيه تقوي گلبها ...

سويها واخذ التريده وتحلم تشوفني بعد

فيصل فقد اعصابه ... لج شسويلج الخاطر الكعبه وترضين كاافي عااد اعتذار واعتذرت گدام الوادم، بت النعلان ذيج طردتها وخليتها غصب عن راسها تجي تعتذر منج

سمر دارت وجهها ... سلطان يرد عليك

راد تروح... لزمها وقربها اله وهو ضاغط على ايدها وايده الثانيه عصرت خدها همس باذنها بتهديد...

سمعي يسمره مردج الي... وراح اطلعو هل برود ولسان الطويل بطريقتي...

باسها بقوه وعافها...

نزلت بسرعه راحت لاريج...

اريج بخوف... شصار شگلج

سمر بغيره... الحقير كاشخ وجايني بنص الجامعه

اريج بعدم فهم ... الي مضوجج كاشخ
يعني تردي ييجي مبهذل

سمر وهيه تباوعله لحد مراح... شعنده جاي گدام البنات يستعرضلي جماله

اريج بضحكه... هل بوز من الغيره

بلليل...
گاعده قمر وسمر بغرفتها يدرسن...

فجا رفعت قمر راسها وسالت...

ابن اخوج ماكو اليوم...

سمر رفعت حاجبها..

لازم مشتاقتله وهيج حسيتي بغيابه

قمر باحراج رجعت تباوع لكتابها وهيه تغم روحها هسه شعندج تسالين عليه مدام مرتاحه ... ولي بلعكس مرتاحه گلعه

سمر وخيه تباوعلها بنص عين ... عيني راح البغداد من الفجر عندو شغل...

ورا شويه قمر دخلت للفراش تريد تغفه سمعت صوت رساله فتحت تلفونها... لگت رساله من رقم مجهول

تعال الليلة سَامرني
وأدندن بيك عَ الواهس
أصيرنلَك خُصر
وأرگص عَلى الواهس
وأطوَّح وأشتعل گمرة سكر
والگُمر يتغشة
يَ المايع مثل رَعشة
ألك وَحشة...
............

مساء الخير... ❤️

قرائه ممتعه ❤️

بخصوص البارحه الي كاتب خلفتي بوعدج... ترا نزلت الاربعاء الفجر بارت وكتلكم البارت الجاي باجر يعني اليوم تمام...

من ما اريد انزل ممضطره انطي موعد... ومع ذلك نزلت تنويه على الانستا... للبعض هذي ❤️